ମେଟ୍ରୋ |

ବିଏମ୍‌ସିର ନୂଆ ନିୟମ: ଧାରଣା ପାଇଁ ଦିନକୁ ୫୦୦, ବିବାହ ଶୋଭାଯାତ୍ରା କଲେ ୫୦୦୦

ବିଏମ୍‌ସିର ନୂଆ ନିୟମ: ଧାରଣା ପାଇଁ ଦିନକୁ ୫୦୦, ବିବାହ ଶୋଭାଯାତ୍ରା କଲେ ୫୦୦୦

ଭୁବନେଶ୍ୱର, ୬।୧୨(ବ୍ୟୁରୋ)- ଲୋୟର ପିଏମ୍‌ଜିରେ ଧାରଣା ହେଉ କି ସହରର କୌଣସି ସ୍ଥାନରେ ବିବାହ ଶୋଭାଯାତ୍ରା, ଏସବୁ ସମୟରେ ପରିମଳ ବ୍ୟବସ୍ଥା ବିଗିଡ଼ିଯାଉଛି। ଏଥିପାଇଁ ଭୁବନେଶ୍ୱର ମହାନଗର ନିଗମ(ବିଏମ୍‌ସି)କୁ ଅଧିକ ଅର୍ଥ ଖର୍ଚ୍ଚ କରିବାକୁ ପଡ଼ୁଛି। ତେଣୁ ପରିମଳ ବ୍ୟବସ୍ଥାରେ ସୁଧାର ଆଣିବା ସହିତ ଅତିରିକ୍ତ ବୋଝରୁ ମୁକୁଳିବାକୁ ବିଏମ୍‌ସି ନୂଆ ନିୟମ ଲାଗୁ କରିଛି। ଏଣିକି ରାଜଧାନୀରେ ଧାରଣା ଦେଲେ କିମ୍ବା ବିବାହ ଶୋଭାଯାତ୍ରା କଲେ ଲୋକଙ୍କୁ ଟଙ୍କା ଗଣିବାକୁ ପଡ଼ିବ। ଲୋୟର ପିଏମ୍‌ଜିରେ ଧାରଣା, ଶୋଭାଯାତ୍ରା କିମ୍ବା ବିକ୍ଷୋଭ ପ୍ରଦର୍ଶନ କରିବାକୁ ଚାହୁଁଥିବା ଅନୁଷ୍ଠାନ ଏବଂ ବ୍ୟକ୍ତିବିଶେଷଙ୍କ ପାଇଁ ଦିନକୁ ସର୍ବନିମ୍ନ ଦେୟ ୫୦୦ ଟଙ୍କା ଧାର୍ଯ୍ୟ କରାଯାଇଥିବାବେଳେ ବିବାହ ଶୋଭାଯାତ୍ରା ପାଇଁ ୫୦୦୦ ଟଙ୍କା ଦେବାକୁ ହେବ। ଧାରଣାରେ ସାମିଲ ହେବାକୁ ଥିବା ବ୍ୟକ୍ତି ସଂଖ୍ୟା ୧୦୦ରୁ ୫୦୦ ଭିତରେ ରହିଲେ ୧୦୦୦ ଟଙ୍କା ଏବଂ ୫୦୦ରୁ ଅଧିକ ହେଲେ ମୁଣ୍ଡ ପିଛା ଅତିରିକ୍ତ ୫ଟଙ୍କା ଦାଖଲ କରିବାକୁ ହେବ। ବିଏମ୍‌ସିଠାରୁ ଅନୁମତି ନେବାବେଳେ ଏହି ଅର୍ଥ ପଇଠ କରାଯିବ। ପୋଲିସଠାରୁ ଅନୁମତି ଆଣିବା ସମୟରେ ଅର୍ଥ ପଇଠ ସଂକାନ୍ତ ରସିଦ ଦେଖାଇବାକୁ ପଡ଼ିବ। ବୁଧବାର ବିଏମ୍‌ସି କାର୍ଯ୍ୟାଳୟରେ ଅନୁଷ୍ଠିତ ଏକ ବୈଠକରେ ଏ ନେଇ ନିଷ୍ପତ୍ତି ହୋଇଛି।
ବିଧାନସଭା ଅଧିବେଶନ ଆରମ୍ଭ ହେଲେ ଲୋୟର ପିଏମ୍‌ଜିରେ ବହୁ ସଂଗଠନ ପକ୍ଷରୁ ଧାରଣା, ଶୋଭାଯାତ୍ରା ଆୟୋଜନ କରାଯାଉଛି। ଏହି ସମୟରେ ଅଞ୍ଚଳର ପରିମଳ ବ୍ୟବସ୍ଥା ଖରାପ ହେଉଛି। ଅଳିଆ ସଫା କରିବା ପାଇଁ ବିଏମ୍‌ସି ଅଧିକ ସଫେଇ କର୍ମଚାରୀ ନିୟୋଜିତ କରୁଛି। ଏହାଦ୍ୱାରା ବିଏମ୍‌ସିର ଅଧିକ ଖର୍ଚ୍ଚ ହେଉଥିବାରୁ ସେହି ଅର୍ଥ ଆନ୍ଦୋଳନକାରୀଙ୍କଠାରୁ ଅସୁଲ କରିବାକୁ ଏଭଳି ପଦକ୍ଷେପ ନିଆଯାଇଛି। ସେଥିପାଇଁ ବିଏମ୍‌ସି ଆନ୍ଦୋଳନକାରୀଙ୍କ ଉପରେ ସିଧାସଳଖ ଭାବେ ଏକପ୍ରକାର ରୋକ୍‌ ଲଗାଇବା ପାଇଁ ନେଇଛି ନୂଆ ପଦକ୍ଷେପ। ଧାରଣା ଦେଲେ ବିଏମ୍‌ସି ପାଖରୁ ଅନୁମତି ନିଆଯାଉଛି। ବର୍ତ୍ତମାନ ଅନୁମତି ଆଣିଲା ବେଳେ ଧାରଣାରେ କେତେ ଲୋକ ସାମିଲ ହେବେ ସେନେଇ ଅନୁଷ୍ଠାନ କିମ୍ବା ସଂଗଠନ ପକ୍ଷରୁ ଦର୍ଶାଯିବା ସହିତ ନିୟମ ଅନୁସାରେ ନିର୍ଦ୍ଧାରିତ ଦେୟ ପଇଠ କରାଯିବ। ଏ ନେଇ ବିଏମ୍‌ସି ପକ୍ଷରୁ ପୋଲିସକୁ ଅବଗତ କରାଯିବ। ଫଳରେ ପୋଲିସ ଧାରଣା, ଶୋଭାଯାତ୍ରା ପାଇଁ ଅନୁମତି ଦେବା ବେଳେ ବିଏମ୍‌ସିକୁ ଦେୟ ପଇଠ ରସିଦ ଦେଖି ଅନୁମତି ଦେବ। ସେହିପରି ଧାରଣାରେ ସାମିଲ ହେଉଥିବା ବ୍ୟକ୍ତି ବାହାରେ ପରିସ୍ରା କିମ୍ବା ମଳତ୍ୟାଗ ନ କରିବା ପାଇଁ ଲିଖିତ ପ୍ରତିଶ୍ରୁତି ଦେବେ।
ସେହିପରି ବିଏମ୍‌ସି ଅଞ୍ଚଳରେ ବିବାହ, ବ୍ରତ, ଏକାଦଶାହ ପାଇଁ ଭୋଜିଭାତ ଏବଂ ବିବାହ ଶୋଭାଯାତ୍ରା ପାଇଁ ଲୋକଙ୍କୁ ୫୦୦୦ ଟଙ୍କା ଫି ଦେବାକୁ ପଡ଼ିବ। ଭୋଜି ସମୟରେ ପ୍ଲେଟ, ପ୍ଲାଷ୍ଟିକ୍‌ ଗ୍ଲାସ, ପାଣି ପାଉଚ୍‌ ସାଙ୍ଗକୁ ବଳକା ଖାଦ୍ୟ ଫିଙ୍ଗାଯାଉଛି। ସେଗୁଡ଼ିକୁ ସଫେଇ କରିବାକୁ ବିଏମ୍‌ସି ଅଧିକ କର୍ମଚାରୀଙ୍କୁ ନିୟୋଜିତ କରୁଛି। ଏହାସହିତ ସହରର ବିଭିନ୍ନ ସ୍ଥାନରେ ବିବାହ ଶୋଭାଯାତ୍ରା ବେଳେ ଶତାଧିକ ଲୋକ ସାମିଲ ହେଉଛନ୍ତି। ଶୋଭାଯାତ୍ରା ବେଳେ ବାଣ ଫୁଟୁଛି, ପାଣି ପାଉଚ, ବୋତଲ ରାସ୍ତାରେ ପଡ଼ୁଥିବାରୁ ପରିମଳ ବ୍ୟବସ୍ଥା ଖରାପ ହେଉଛି। ଏସବୁ ସଫେଇ କରିବା ଲାଗି ଉକ୍ତ ଅର୍ଥ ବ୍ୟବହାର କରାଯିବ। ଏଥିପାଇଁ ଲୋକମାନେ ନିଜ ଅଞ୍ଚଳର ଜୋନ୍‌ କାର୍ଯ୍ୟାଳୟରୁ ଅନୁମତି ନେବା ବେଳେ ଟଙ୍କା ପଇଠ କରିବେ।

All Right Reserved By

Model This Week

ନିକିତା

ମେଟ୍ରୋ |

ଓପିଏସ୍‌ସି, ଓଏସ୍‌ଏସ୍‌ସି କମିଶନରେ ବହୁ ପଦବୀ ଖାଲି

ଓପିଏସ୍‌ସି, ଓଏସ୍‌ଏସ୍‌ସି କମିଶନରେ ବହୁ ପଦବୀ ଖାଲି

ଭୁବନେଶ୍ୱର,୨୩।୪(ବ୍ୟୁରୋ): ଓଡ଼ିଶା ଲୋକସେବା ଆୟୋଗ (ଓପିଏସ୍‌ସି)ର ଅଧ୍ୟକ୍ଷ ପଦ ସହ ବହୁସଂଖ୍ୟକ ପଦ ଖାଲି ପଡିଛି। ସେଗୁଡିକ ମଧ୍ୟରେ ରହିଛି ୩ ସଦସ୍ୟ ପଦ, ଗୋଟିଏ ସଦସ୍ୟଙ୍କ ବ୍ୟକ୍ତିଗତ ସଦସ୍ୟ, ଗୋଟିଏ ବ୍ୟକ୍ତିଗତ ସହାୟକ, ଗୋଟିଏ ଲାଇବ୍ରେରିଆନ, ୬ ବରିଷ୍ଠ ସହାୟକ, ୩ କନିଷ୍ଠ ସହାୟକ ଇତ୍ୟାଦି।

ସରିପାରୁନି ଜଳସେଚନ ପ୍ରକଳ୍ପ

ସରିପାରୁନି ଜଳସେଚନ ପ୍ରକଳ୍ପ

ଭୁବନେଶ୍ୱର,୨୩।୪(ବ୍ୟୁରୋ): ଜମି ଅଧିଗ୍ରହଣ, ବିସ୍ଥାପନ ଓ ଥଇଥାନ, ଜଙ୍ଗଲ/ପରିବେଶ ମଞ୍ଜୁରୀ, ସିଡବ୍ଲ୍ୟସି ଅନୁମତିରେ ବିଳମ୍ବ, ସ୍ଥାନୀୟ ଜନସାଧାରଙ୍କ ବିରୋଧ ଇତ୍ୟାଦି କାରଣରୁ ରାଜ୍ୟରେ ଚାଲୁଥିବା ବିଭିନ୍ନ ଜଳସେଚନ ପ୍ରକଳ୍ପ କାର୍ଯ୍ୟ ସରିପାରୁ ନାହିଁ।

୨ ନାବାଳିକା ବଳାତ୍କାର ମାମଲା: ଜେଲ ଗଲେ ଅଭିଯୁକ୍ତ

୨ ନାବାଳିକା ବଳାତ୍କାର ମାମଲା: ଜେଲ ଗଲେ ଅଭିଯୁକ୍ତ

କଟକସଦର,୨୩।୪(ଡି.ଏନ୍‌.ଏ.): ଦୁଇ ନାବାଳିକାଙ୍କୁ ବଳାତ୍କାର ମାମଲାରେ କଟକ ଜିଲା କିଶନନଗର ଥାନା ପୋଲିସ ସୋମବାର ୨ ଅଭିଯୁକ୍ତଙ୍କୁ ଗିରଫ ପରେ କୋର୍ଟ ଚାଲାଣ କରିଛି।

ଟ୍ରକ୍‌ ଧକ୍କାରେ ବାଇକ୍‌ ଆରୋହୀ ମୃତ

ଟ୍ରକ୍‌ ଧକ୍କାରେ ବାଇକ୍‌ ଆରୋହୀ ମୃତ

ସାଲେପୁର,୨୩।୪(ଡି.ଏନ୍‌.ଏ.): କଟକ-ଚାନ୍ଦବାଲି ରାସ୍ତାର ସାଲେପୁର ବଜାରରେ ସୋମବାର ସିମେଣ୍ଟ ବୋଝେଇ ଟ୍ରକ୍‌ ଧକ୍କାରେ ଜଣେ ବାଇକ୍‌ ଆରୋହୀଙ୍କ ମୃତ୍ୟୁ ଘଟିଛି। ତାଙ୍କ ପରିଚୟ ଜଣାପଡ଼ି ନାହିଁ। ଉତ୍ତ୍ୟକ୍ତ ଲୋକେ ଟ୍ରକ୍‌ର ଆଗ କାଚ ବାଡେଇ ଭାଙ୍ଗିଦେବା ସହ ରାସ୍ତା ଅବରୋଧ କରିଛନ୍ତି। ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଛି।

ଭିଣୋଇଙ୍କୁ କଇଁଚି ଭୁସି ହତ୍ୟାକଲେ ଶଳା

ଭିଣୋଇଙ୍କୁ କଇଁଚି ଭୁସି ହତ୍ୟାକଲେ ଶଳା

କଟକ ଅଫିସ,୨୩।୪: ବିଡ଼ାନାସୀ ଥାନା ଅନ୍ତର୍ଗତ ତଅଁଳା ସାହିରେ ପୂର୍ବ ଶତ୍ରୁତାକୁ କେନ୍ଦ୍ରକରି ସୋମବାର ଅପରାହ୍ନରେ ଏକ ହତ୍ୟାକାଣ୍ଡ ଘଟିଛି। ଶଳାଙ୍କ କଇଁଚି ଭୁସାରେ ଭିଣୋଇଙ୍କ ମୃତ୍ୟୁ ଘଟିଛି।

କୃଷକଙ୍କୁ ସମୃଦ୍ଧ କରିଛି ୭ ନୂଆ କିସମ ବିହନ

କୃଷକଙ୍କୁ ସମୃଦ୍ଧ କରିଛି ୭ ନୂଆ କିସମ ବିହନ

କଟକ ଅଫିସ, ୨୩।୪: ବର୍ତ୍ତମାନର ପରିବର୍ତ୍ତିତ ଜଳବାୟୁ ପାଇଁ ଆଶାନୁରୂପ ଭାବେ ବର୍ଷା ହେଉନାହିଁ। ପ୍ରାକୃତିକ ଦୁର୍ବିପାକ ସହ ରୋଗ, ପୋକ ଧାନ ଫସଲକୁ ନଷ୍ଟ କରୁଛନ୍ତି। ଏସବୁକୁ ଦୃଷ୍ଟିରେ ରଖି କଟକ ବିଦ୍ୟାଧରପୁରସ୍ଥିତ ଜାତୀୟ ଧାନ ଗବେଷଣା ପ୍ରତିଷ୍ଠାନର ବୈଜ୍ଞାନିକମାନେ ନିକଟରେ ଉଦ୍ଭାବନ କରିଥିବା ୭ ପ୍ରକାର ଉନ୍ନତ କିସମ ନୂତନ ଧାନ ବିହନ କୃଷକଙ୍କୁ ସମୃଦ୍ଧ କରିବାରେ ସହାୟକ ହୋଇଛି।

ଭିନ୍ନକ୍ଷମ ବଳାତ୍କାର ପୀଡ଼ିତାଙ୍କ ବୟାନ ରେକର୍ଡ: ସ୍ବତନ୍ତ୍ର ଅନୁବାଦକାରୀଙ୍କୁ ଡକାଗଲା

ଭିନ୍ନକ୍ଷମ ବଳାତ୍କାର ପୀଡ଼ିତାଙ୍କ ବୟାନ ରେକର୍ଡ: ସ୍ବତନ୍ତ୍ର ଅନୁବାଦକାରୀଙ୍କୁ ଡକାଗଲା

କଟକ ଅଫିସ, ୨୩।୪: କିଶନନଗର ଥାନା ଅଧୀନ ମହମ୍ମଦପୁର ଅଞ୍ଚଳରେ ୭ ବର୍ଷ ବୟସର ଜଣେ ଭିନ୍ନକ୍ଷମ ନାବାଳିକା ବଳାତ୍କାରର ଶିକାର ହୋଇଥିଲେ। ସେହି ନାବାଳିକା ଜଣଙ୍କ କହିପାରନ୍ତି ନାହିଁ କି ଶୁଣିପାରନ୍ତି ନାହିଁ।

ସ୍କୁଟିକୁ ଧକ୍କାଦେଲା ଟ୍ରକ୍‌: ଜଣେ ମୃତ, ଜଣେ ଗୁରୁତର

ସ୍କୁଟିକୁ ଧକ୍କାଦେଲା ଟ୍ରକ୍‌: ଜଣେ ମୃତ, ଜଣେ ଗୁରୁତର

ବାଲିଅନ୍ତା, ୨୩।୪(ଡି.ଏନ୍‌.ଏ.): ଭୁବନେଶ୍ୱର-କଟକ ରାସ୍ତାର ହଂସପାଳ ଛକ ନିକଟରେ ସୋମବାର ସକାଳ ସାଢେ ୯ଟାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି।

ବିରଳ ବ୍ୟକ୍ତିତ୍ବର ଅଧିକାରୀ ଥିଲେ ସଦାଶିବ ତ୍ରିପାଠୀ

ବିରଳ ବ୍ୟକ୍ତିତ୍ବର ଅଧିକାରୀ ଥିଲେ ସଦାଶିବ ତ୍ରିପାଠୀ

ଭୁବନେଶ୍ୱର, ୨୩-୪(ବ୍ୟୁରୋ)- ପୂର୍ବତନ ମୁଖ୍ୟମନ୍ତ୍ରୀ ଡ. ସଦାଶିବ ତ୍ରିପାଠୀ ନୀତି, ଆଦର୍ଶ, ମୂଲ୍ୟବୋଧ ଓ ସ୍ବଚ୍ଛତାସମ୍ପନ୍ନ ଏକ ବିରଳ ବ୍ୟକ୍ତିତ୍ବ ଥିଲେ। ଘଟଣାବହୁଳ ଜୀବନରେ ସେ ଆପଣାର ପରାକାଷ୍ଠା ପ୍ରଦର୍ଶନ କରିଯାଇଛନ୍ତି। ତ୍ୟାଗପୂତ ସ୍ବାଧୀନତା ସଂଗ୍ରାମୀ, ଗାନ୍ଧିବାଦୀ ଜନସେବୀ ଓ ନିରଳସ ରାଜନେତା ଭାବେ ସଦାଶିବ ତ୍ରିପାଠୀ ସ୍ମରଣୀୟ ହୋଇ ରହିବେ ବୋଲି ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ଏବଂ ସଂଖ୍ୟାଲଘୁ ଓ ପଛୁଆବର୍ଗ କଲ୍ୟାଣ ମନ୍ତ୍ରୀ ରମେଶ ଚନ୍ଦ୍ର ମାଝି କହିଛନ୍ତି।

ଯୁବତୀଙ୍କ ସନ୍ଦେହଜନକ ମୃତ୍ୟୁ

ଯୁବତୀଙ୍କ ସନ୍ଦେହଜନକ ମୃତ୍ୟୁ

ଭୁବନେଶ୍ୱର, ୨୩-୪(ବ୍ୟୁରୋ)- ନୟାପଲ୍ଲୀ ଥାନା ଆଦିତ୍ୟନଗରରେ ରହୁଥିବା ଜଣେ ଯୁବତୀଙ୍କ ଝୁଲନ୍ତା ମୃତଦେହ ସନ୍ଦେହଜନକ ଅବସ୍ଥାରେ ତାଙ୍କ ଘରୁ ଉଦ୍ଧାର କରାଯାଇଛି। ମୃତା ଜଣକ ହେଲେ ଝିଲି ପାତ୍ର(୨୨)। ପୋଲିସ ମୃତଦେହ ଜବତ କରିବା ସହିତ ଏକ ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ନିମନ୍ତେ କ୍ୟାପିଟାଲ ହସ୍ପିଟାଲକୁ ପଠାଇଛି।

କନଷ୍ଟେବଳଙ୍କୁ ବେଲ୍ଟରେ ପିଟିଲେ ଯୁବକ

କନଷ୍ଟେବଳଙ୍କୁ ବେଲ୍ଟରେ ପିଟିଲେ ଯୁବକ

ଭୁବନେଶ୍ୱର, ୨୩-୪(ବ୍ୟୁରୋ)- ଟ୍ରାଫିକ ନିୟମ ଉଲ୍ଲଂଘନକାରୀଙ୍କୁ ଅଟକାଇ ଅପଦସ୍ଥ ହୋଇଛନ୍ତି ଜଣେ ଟ୍ରାଫିକ କନଷ୍ଟେବଳ। ନିୟମ ଉଲ୍ଲଂଘନକାରୀ ଯୁବକ ଓ ତାଙ୍କ ସହଯୋଗୀ ସମ୍ପୃକ୍ତ କନଷ୍ଟେବଳଙ୍କୁ ବେଲ୍ଟରେ ପିଟିଛନ୍ତି। ଶନିବାର ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଥିଲା ରବି ଟକିଜ୍‌ ଛକରେ। ମାଡ଼ ଖାଇଥିବା କନଷ୍ଟେବଳ ଟ୍ରାଫିକ୍‌ ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଛି।

୬ ବର୍ଷୀୟା ନାବାଳିକାଙ୍କୁ ଗଣବଳାତ୍କାର

୬ ବର୍ଷୀୟା ନାବାଳିକାଙ୍କୁ ଗଣବଳାତ୍କାର

ନିଶ୍ଚିନ୍ତକୋଇଲି/ସାଲେପୁର,୨୩-୪(ସ୍ବ.ପ୍ର./ଡି.ଏନ୍‌.ଏ.): ଦେଶରେ ବର୍ତ୍ତମାନ ନାବାଳିକାଙ୍କ ପ୍ରତି ଯୌନ ଅତ୍ୟାଚାର ବଢ଼ିବାରେ ଲାଗିଛି। ଜମ୍ମୁ-କଶ୍ମୀରର କଠୁଆରେ ଜଣେ ୮ ବର୍ଷୀୟା ନାବାଳିକାଙ୍କୁ ଗଣବଳାତ୍କାର ପରେ ହତ୍ୟା ଘଟଣାକୁ ନେଇ ସାରା ଦେଶରେ ଆଲୋଡ଼ନ ସୃଷ୍ଟି ହୋଇଥିବା ବେଳେ ପ୍ରତିଦିନ ଏଭଳି ଅପରାଧ ଘଟିଚାଲିଛି।