ରାଜ୍ୟ |

ଏଏସ୍‌ଆଇ-ମନ୍ଦିର ପ୍ରଶାସନ ସମନ୍ବୟ ନାହିଁ

ଏଏସ୍‌ଆଇ-ମନ୍ଦିର ପ୍ରଶାସନ ସମନ୍ବୟ ନାହିଁ

କଟକ ଅଫିସ, ୬।୧୨-ଶ୍ରୀମନ୍ଦିର ଓ ପରିସରରେ ଥିବା ଅନ୍ୟ ମନ୍ଦିରଗୁଡ଼ିକର ମରାମତି ଏବଂ ରକ୍ଷଣାବେକ୍ଷଣ କାର୍ଯ୍ୟକୁ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସତ୍ୟପାଠ ଦାଖଲ କରାଯାଇଛି। ସେହିପରି ଆମିକସ୍‌କ୍ୟୁରୀ ଏନ.କେ. ମହାନ୍ତିଙ୍କ ପକ୍ଷରୁ ମଧ୍ୟ ମରାମତି କାର୍ଯ୍ୟ ସମ୍ପର୍କିତ ଷ୍ଟାଟସ ରିପୋର୍ଟ ଦାଖଲ କରାଯାଇଛି। ଉକ୍ତ ମରାମତି ଓ ରକ୍ଷଣାବେକ୍ଷଣ କାର୍ଯ୍ୟରେ ଭାରତୀୟ ପ୍ରନତ୍ତାତ୍ତି୍ବକ ସର୍ବେକ୍ଷଣ (ଏଏସ୍‌ଆଇ) ସହଯୋଗ କରୁ ନ ଥିବା ମନ୍ଦିର ପ୍ରଶାସନ ପକ୍ଷରୁ ଅଭିଯୋଗ କରାଯାଇଛି। ସତ୍ୟପାଠରେ ହୋଇଥିବା ଅଭିଯୋଗକୁ ନେଇ ଏଏସ୍‌ଆଇ ଓ ମନ୍ଦିର ପ୍ରଶାସନ ମଧ୍ୟରେ ସମନ୍ବୟ ରହୁ ନ ଥିବା ସ୍ପଷ୍ଟ ହେବା ସହ ଏନେଇ ହାଇକୋର୍ଟ କ୍ଷୋଭ ପ୍ରକାଶ କରିଛନ୍ତି। ମନ୍ଦିର ପ୍ରଶାସନର ଉକ୍ତ ଅଭିଯୋଗ ଉପରେ ସତ୍ୟପାଠ ଦାଖଲ ପାଇଁ ହାଇକୋର୍ଟ ଏଏସ୍‌ଆଇକୁ ନିର୍ଦ୍ଦେଶ ଦେଇଛନ୍ତି। ମାମଲାର ପରବର୍ତ୍ତୀ ଶୁଣାଣି ଆସନ୍ତା ଡିସେମ୍ବର ୧୨କୁ ଦିନଧାର୍ଯ୍ୟ ହୋଇଛି। ବିଚାରପତି ବିଶ୍ୱଜିତ ମହାନ୍ତି ଓ ବିଚାରପତି ବିଦ୍ୟୁତ୍‌ ରଞ୍ଜନ ଷଡଙ୍ଗୀଙ୍କୁ ନେଇ ଗଠିତ ଖଣ୍ଡପୀଠ ଉପରୋକ୍ତ ନିର୍ଦ୍ଦେଶ ଦେଇଛନ୍ତି।
ମାମଲାର ଶୁଣାଣି ବେଳେ ଶ୍ରୀଜଗନ୍ନାଥ ମନ୍ଦିର ପ୍ରଶାସନର ନିର୍ବାହୀ ଯନ୍ତ୍ରୀ (ସିଭିଲ) ବି. ଆଶିଷ କୁମାର ସୁବୁଦ୍ଧିଙ୍କ ପକ୍ଷରୁ ସତ୍ୟପାଠ ଦାଖଲ କରାଯାଇଥିଲା। ସେଥିରେ ଦର୍ଶାଯାଇଛି ଯେ, ଗରୁଡ଼ସ୍ତମ୍ଭ ଓ ଜୟବିଜୟ ଦ୍ୱାର ନିକଟରେ ପ୍ରସ୍ତାବିତ ମରାମତି ପାଇଁ ଚିହ୍ନଟ କରାଯାଇଥିବା ସ୍ଥାନ ହସ୍ତାନ୍ତର ପାଇଁ ଶ୍ରୀମନ୍ଦିର ପ୍ରଶାସନ ପ୍ରସ୍ତୁତ ରହିଛି। କିନ୍ତୁ ଏପର୍ଯ୍ୟନ୍ତ ଏଏସ୍‌ଆଇ ଏ ସଂକ୍ରାନ୍ତରେ ମନ୍ଦିର ପ୍ରଶାସନକୁ କିଛି ଜଣାଇ ନାହିଁ। ଜଗମୋହନ ଓ ନାଟମଣ୍ଡପର ସଂଯୋଗସ୍ଥଳ ଛାତ(ଜୟବିଜୟ ଦ୍ୱାର ନିକଟ) ଦୁର୍ବଳ ହୋଇପଡ଼ିଥିବାବେଳେ ତାହାର ମରାମତି ଜରୁରୀ। ଏଥିନିମନ୍ତେ କ’ଣ ଯୋଜନା ରହିଛି ତାହା ଜଣାଇବାକୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଏଏସ୍‌ଆଇକୁ ୨୦୧୭ ନଭେମ୍ବର ୨୦ ଓ ୨୮ରେ ଦୁଇଥର ପତ୍ର ଲେଖାଯାଇଥିଲା। ଉକ୍ତ ପ୍ରସଙ୍ଗରେ ଛତିଶା ନିଯୋଗ ସହିତ ଆଲୋଚନା ପାଇଁ ନଭେମ୍ବର ୨ ତାରିଖ ଧାର୍ଯ୍ୟ କରାଯାଇଥିଲା। ଜୟବିଜୟ ଦ୍ୱାର ନିକଟରେ ହେବାକୁ ଥିବା ଏହି ମରାମତି କାର୍ଯ୍ୟ ସମ୍ପର୍କରେ ଉକ୍ତ ବୈଠକରେ ଆଲୋଚନା ପାଇଁ ସ୍ଥିର ହୋଇଥିଲା। ଏଏସ୍‌ଆଇ ପକ୍ଷରୁ କୌଣସି ଅଧିକାରୀ ବୈଠକକୁ ଆସି ନ ଥିଲେ କି ମନ୍ଦିର ପ୍ରଶାସନର ଚିଠି ଉପରେ କୌଣସି ଜବାବ ଦିଆଯାଇ ନ ଥିଲା ବୋଲି ସତ୍ୟପାଠରେ ଉଲ୍ଲେଖ କରାଯାଇଛି।
ଅନ୍ୟପକ୍ଷରେ ଶ୍ରୀମନ୍ଦିର ଗର୍ଭଗୃହ ଓ ଜଗମୋହନର ଫଟୋ ସୋସିଆଲ ମିଡିଆରେ ଭାଇରାଲ ଘଟଣାରେ ମନ୍ଦିର ପ୍ରଶାସନ ଏଏସ୍‌ଆଇକୁ ଦାୟୀ କରିଛି। ଉକ୍ତ ପ୍ରସଙ୍ଗରେ ସତ୍ୟପାଠରେ ଦର୍ଶାଯାଇଛି ଯେ, ଶ୍ରୀଜଗନ୍ନାଥ ମନ୍ଦିରର ଭିତର ଫଟୋ ନେବା ପାଇଁ କେବଳ ଏଏସ୍‌ଆଇକୁ ଅନୁମତି ଦିଆଯାଇଛି। ସଂରକ୍ଷଣ ଓ ମରାମତି କାର୍ଯ୍ୟ ନିମନ୍ତେ ଏଏସ୍‌ଆଇ ଫଟୋ ଉତ୍ତୋଳନ କରିପାରିବ। କିନ୍ତୁ ଏହି ଫଟୋ ସର୍ବସାଧାରଣରେ ପ୍ରକାଶ କରାଯାଇ ପାରିବ ନାହିଁ। କିନ୍ତୁ ଶ୍ରୀମନ୍ଦିର ମରାମତି ଓ ସଂରକ୍ଷଣ ପାଇଁ ଏଏସ୍‌ଆଇ ଦ୍ୱାରା ଗଠିତ ଟିମ୍‌ରେ ସଦସ୍ୟ ଥିବା ଧାନବାଦସ୍ଥିତ ସିଆଇଏମ୍‌ଏଫ୍‌ଆଇ ବିଶେଷଜ୍ଞ ଏପରି ଫଟୋ ସୋସିଆଲ ମିଡିଆରେ ଛାଡ଼ିଥିଲେ। ଉକ୍ତ ବିଶେଷଜ୍ଞ ମଧ୍ୟ କ୍ଷମାପ୍ରାର୍ଥନା କରିଛନ୍ତି। ଏ ପ୍ରସଙ୍ଗରେ ଏଏସ୍‌ଆଇର ସୁପରିଣ୍ଟେଣ୍ଡିଂ ଆର୍କିଓଲୋଜିଷ୍ଟଙ୍କୁ କାରଣ ଦର୍ଶାଇବା ନିମନ୍ତେ ଶ୍ରୀମନ୍ଦିର ପ୍ରଶାସନ ନଭେମ୍ବର ୨୨ରେ ଚିଠି ଲେଖିଥିଲା। ଏଏସ୍‌ଆଇ ପକ୍ଷରୁ ଏହି ଚିଠିର ଉତ୍ତରରେ ନଭେମ୍ବର ୨୪ରେ ଦର୍ଶାଯାଇଛି ଯେ, କୌଣସି ମନ୍ଦ ଉଦ୍ଦେଶ୍ୟ ରଖି ସମ୍ପୃକ୍ତ ବିଶେଷଜ୍ଞ ଜଣକ ଉକ୍ତ ଫଟୋ ସୋସିଆଲ ମିଡିଆରେ ଛାଡ଼ି ନ ଥିଲେ। ସମ୍ପୃକ୍ତ ଫଟୋକୁ ଡିଲିଟ୍‌ କରାଯାଇଛି। ଏପରି ଘଟଣାର ପୁନରାବୃତ୍ତି ଯେଭଳି ନ ଘଟେ ସେନେଇ ଶ୍ରୀମନ୍ଦିର ଭିତରେ କାର୍ଯ୍ୟ କରୁଥିବା ସମସ୍ତ ଅଧିକାରୀଙ୍କୁ ଏଏସ୍‌ଆଇ ପକ୍ଷରୁ ଚେତାବନୀ ଦିଆଯାଇଛି।
ଅପରପକ୍ଷରେ ଆମିକସ୍‌କ୍ୟୁରୀ ଏନ୍‌.କେ. ମହାନ୍ତି ଓ ଏଏସ୍‌ଆଇ ମଧ୍ୟ ମରାମତି କାର୍ଯ୍ୟର ଅଗ୍ରଗତି ସମ୍ପର୍କରେ ରିପୋର୍ଟ ପ୍ରଦାନ କରିଛନ୍ତି। ଏଏସ୍‌ଆଇ ଧାର୍ଯ୍ୟ କରିଥିବା କାର୍ଯ୍ୟର ସମୟସୀମା ସଂକ୍ରାନ୍ତରେ ଉକ୍ତ ରିପୋର୍ଟରେ ଉଲ୍ଲେଖ କରାଯାଇଛି। ଆବେଦନକାରୀ ଅଭିଷେକ ଦାସଙ୍କ ପକ୍ଷରୁ ଆଗତ ଏହି ମାମଲାକୁ ବରିଷ୍ଠ ଆଇନଜୀବୀ ଅଶୋକ କୁମାର ମହାପାତ୍ର, ସୂର୍ଯ୍ୟପ୍ରକାଶ ଆର୍ତ୍ତ,ବିଦ୍ୟାଧର ମଙ୍ଗରାଜ ପରିଚାଳନା କରିଥିଲେ।

All Right Reserved By

Model This Week

ନିକିତା

ରାଜ୍ୟ |

୨ମୁଣ୍ଡିଆ ବିରଳ ବାଛୁରୀ ଜନ୍ମ

୨ମୁଣ୍ଡିଆ ବିରଳ ବାଛୁରୀ ଜନ୍ମ

ପାଟକୁରା, ୨୪ା୪(ଡି.ଏନ୍‌.ଏ.)- ଗରଦପୁର ବ୍ଲକ ପଦ୍ମପୁର ପଞ୍ଚାୟତ ଅନ୍ତର୍ଗତ କିଣିଲୋ ଗ୍ରାମର ରାଜକିଶୋର ପରିଡାଙ୍କ ଜର୍ସି ଗାଈ ସୋମବାର ଏକ ୨ ମୁଣ୍ଡିଆ ବାଛୁରୀ ଜନ୍ମ ଦେଇଛି। ବାଛୁରୀଟିର ୪ ଆଖି ଥିବାବେଳେ ୨ ପାଟି ଅଛି। ବାଛୁରୀ ଉଭୟ ପାଟିରେ ଖାଇପାରିବା ସହ ସବୁ ଆଖିରେ ଦେଖିପାରୁଛି। ରାଜକିଶୋର ବାଛୁରୀଟିକୁ ବୋତଲ ସାହାଯ୍ୟରେ କ୍ଷୀର ପିଆଉଛନ୍ତି। ଏହି ବିରଳ ବାଛୁରୀକୁ ଦେଖିବା ପାଇଁ ତାଙ୍କ ଘରେ ଏବେ ଲୋକଙ୍କ ଭିଡ ଜମିଛି।

ସଚେତନତା ଅଭାବରୁ ଦୁର୍ଘଟଣା ବଢ଼ୁଛି

ସଚେତନତା ଅଭାବରୁ ଦୁର୍ଘଟଣା ବଢ଼ୁଛି

କେନ୍ଦ୍ରାପଡା ଅଫିସ, ୨୪ା୪କେନ୍ଦ୍ରାପଡ଼ା ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ୨୯ତମ ସଡ଼କ ନିରାପତ୍ତା ସପ୍ତାହ ସଚେତନତା କାର୍ଯ୍ୟକ୍ରମ ସୋମବାରଠାରୁ ଆରମ୍ଭ ହୋଇଛି। ଏଥିପାଇଁ ଏକ ସଚେତନତା ରଥ ଜିଲା ପରିକ୍ରମା ପାଇଁ ବାହାରିଛି। ଏହି ରଥକୁ ପରିବହନ କାର୍ଯ୍ୟାଳୟଠାରେ ଜିଲାପାଳ ରେଘୁ ଜୀ. ଉଦ୍‌ଘାଟନ କରିଥିଲେ। ଏହି ଅବସରରେ କାର୍ଯ୍ୟାଳୟ ପରିସରରେ ଏକ ସଭା ଅନୁଷ୍ଠିତ ହୋଇଥିଲା।

ଏଟିଏମରୁ ବାହାରିଲା ୧୦ ଚିରା ନୋଟ୍‌

ଏଟିଏମରୁ ବାହାରିଲା ୧୦ ଚିରା ନୋଟ୍‌

ବାଲିକୁଦା,୨୪ା୪(ସ୍ବ.ପ୍ର.): ସାରା ଦେଶରେ ଏଟିଏମରେ ଟଙ୍କାର ଅଭାବକୁ ନେଇ ତୀବ୍ର ଜନଅସନ୍ତୋଷ ଦେଖାଦେଇଛି। ଏଭଳି ସ୍ଥିତିରେ ବାଲିକୁଦା ମୁଖ୍ୟ ବଜାରଠାରେ ଥିବା ଏକ ଏଟିଏମ୍‌ରୁ ଚିରା ନୋଟ୍‌ ବାହାରିବା ଚର୍ଚ୍ଚାର ବିଷୟ ହୋଇଛି। ଗୋଟିଏ କି ଦୁଇଟି ନୁହେଁ, ଲଗାତାର ଭାବେ ୧୦ଟି ଚିରା ନୋଟ୍‌ ବାହାରିବା ଏଠାରେ ଲୋକଙ୍କୁ ଆଶ୍ଚର୍ଯ୍ୟ କରିଛି।

ଦିନକର କାହାଣୀ

ଦିନକର କାହାଣୀ

ଖବରକାଗଜ ବିକ୍ରେତା କର୍ଣ୍ଣ ନାଥ ଜଗତ୍‌ସିଂହପୁର ଅଫିସ,୨୪।୪: ସକାଳୁ ରାତି ପର୍ଯ୍ୟନ୍ତ ଖବରକାଗଜ ତାଙ୍କର ସାଥୀ। ଏହା ତାଙ୍କୁ ଅନେକ କଷ୍ଟ ଦେଇଛି ଓ କଷ୍ଟ ହରଣ ମଧ୍ୟ କରିଛି। ମାସେ କି ବର୍ଷେ ନୁହେଁ, ଦୀର୍ଘ ୩୫ ବର୍ଷ ଧରି ଅନେକ ଝଡ଼ଝଞ୍ଜା ମଧ୍ୟରେ ଲୋକଙ୍କ ପାଖରେ ଖବରକାଗଜ ପହଞ୍ଚାଇଆସୁଛନ୍ତି ସେ। ଏହା ଯେ ତାଙ୍କୁ କେବଳ ରୋଜଗାର ଦେଇଛି ତାହା ନୁହେଁ, ସମାଜରେ ପରିଚୟ ମଧ୍ୟ ଦେଇଛି। ଏହା ହେଉଛି ଜଗତ୍‌ସିଂହପୁର ସହରର ଖବରକାଗଜ ବିକ୍ରେତା କର୍ଣ୍ଣ ନାଥ(୫୫)ଙ୍କ କାହାଣୀ।

ସଞ୍ଜହେଲେ ଖୋଜାପଡ଼େ ମାଳିଆ ବରା

ସଞ୍ଜହେଲେ ଖୋଜାପଡ଼େ ମାଳିଆ ବରା

କୁଜଙ୍ଗ,୨୪ା୪(ସ୍ବ.ପ୍ର.)ଆଜ୍‌ବେଷ୍ଟସ୍‌ ଛପର ଛୋଟିଆ ଦୋକାନଟି ଦିନ ସାରା ବନ୍ଦ ରହିଥାଏ। କେବଳ ସଞ୍ଜହେଲେ ୨ଘଣ୍ଟା ଖୋଲା ହୋଇଥାଏ। ସନ୍ଧ୍ୟା ୫ଟାରୁ ୭ଟା ପର୍ଯ୍ୟନ୍ତ ଦୋକାନ ଆଗରେ ଭିଡ଼ ଜମିଥାଏ। ସମସ୍ତେ କହନ୍ତି ଆମକୁ ଆଗ ଦିଅ। ସନ୍ଧ୍ୟାରେ ସେହି ଦୋକାନ ଆଗରେ ଅଟକି ଗଲେ ଏସବୁ ଘଟଣା ଦେଖିବାକୁ ମିଳିଥାଏ। କାଗଜଖଣ୍ଡରେ ୪ଟି ଗରମ ବରା ରହିଥାଏ।

ସୁନ୍ଦରିଆ ପଞ୍ଚାୟତକୁ ଆଜି ମିଳିବ ଜାତୀୟ ପୁରସ୍କାର

ରସୁଲପୁର,୨୪।୪(ଡି.ଏନ୍‌.ଏ.)ଯାଜପୁର ଜିଲା ଧର୍ମଶାଳା ବ୍ଲକ ସୁନ୍ଦରିଆ ପଞ୍ଚାୟତର ସରପଞ୍ଚ ଗାୟତ୍ରୀ ପରିଡା ଜାତୀୟ ସ୍ତରରେ ପୁରସ୍କୃତ ହେବେ ା ଓଡ଼ିଶାର ଏକମାତ୍ର ସରପଞ୍ଚ ଭାବେ ପରିଡାଙ୍କୁ ସମ୍ବର୍ଦ୍ଧିତ କରାଯିବ। ଜାତୀୟ ପଞ୍ଚାୟତରାଜ ଦିବସ ଅବସରରେ ତାଙ୍କୁ ମଙ୍ଗଳବାର ମଧ୍ୟପ୍ରଦେଶର ଜବଲପୁରଠାରେ ସମ୍ବର୍ଦ୍ଧନା ଜ୍ଞାପନ କରାଯିବ। ତେବେ ଜାତୀୟ ପୁରସ୍କାରପ୍ରାପ୍ତ ସୁନ୍ଦୁରିଆର ଅସଲ ଚିତ୍ର କିନ୍ତୁ ପଦାରେ ପଡିଯାଇଛି। ଏଭଳି ପୁରସ୍କାର ଘୋଷଣା କେବଳ ହାସ୍ୟାସ୍ପଦ ବୋଲି ସୂଚନା ଅଧିକାରକର୍ମୀ ସର୍ବେଶ୍ୱର ବେଉରା କହିଛନ୍ତି। ଲୋକଙ୍କ ମୌଳିକ ଆବଶ୍ୟକତା ପୂରଣ କରିପାରୁ ନ ଥିବା ପଞ୍ଚାୟତକୁ ଜାତୀୟ ସ୍ତରରେ ପୁରସ୍କୃତ କରାଯିବା ଲୋକ ଦେଖାଣିଆ । ଏହା କେବଳ କାଗଜପତ୍ରରେ ସମୀତ ବୋଲି ସେ କହିଛନ୍ତି । ଏଥିସହ ପଞ୍ଚାୟତରେ ବିଭିନ୍ନ ଯୋଜନାରେ ହୋଇଥିବା ଘୋଟାଲା ସମ୍ପର୍କରେ ହସ୍ତଗତ ହୋଇଥିବା ତଥ୍ୟକୁ ବେଉରା ଗଣମାଧ୍ୟମ ସମ୍ମୁଖରେ ପ୍ରକାଶ କରିଛନ୍ତି ।

ଲେଉଟିଆ କିଆରି ପାଲଟିଛି ଗାଗରପାଟିଆ ପ୍ରକଳ୍ପ

ଲେଉଟିଆ କିଆରି ପାଲଟିଛି ଗାଗରପାଟିଆ ପ୍ରକଳ୍ପ

ଯାଜପୁର ଜିଲାର ବିଞ୍ଝାରପୁର ବ୍ଲକ ଏକ ଗ୍ରାମାଞ୍ଚଳ। ପ୍ରାୟ ୮୦ ପ୍ରତିଶତ ପରିବାର କୃଷି ଉପରେ ନିର୍ଭରଶୀଳ। ତେବେ ଏଠାରେ ମାତ୍ର ୨୦ପ୍ରତିଶତ ଜଳସେଚନ ବ୍ୟବସ୍ଥା ରହିଛି। ଫଳରେ ଅଧିକାଂଶ ଚାଷୀ କେବଳ ବର୍ଷାଜଳ ଉପରେ ନିର୍ଭର କରି ଚାଷ କରିଥାନ୍ତି। କିନ୍ତୁ ଆଶ୍ଚର୍ଯ୍ୟର କଥା ହେଲା ଯେ, ଗତ ୧୦ବର୍ଷ ମଧ୍ୟରେ ଏହି ବ୍ଲକର ବିଭିନ୍ନ ନାଳ ସଫେଇ ନାମରେ ଶହେ କୋଟିରୁ ଊର୍ଦ୍ଧ୍ୱ ଟଙ୍କା ମଞ୍ଜୁର ହୋଇଥିଲେ ସୁଦ୍ଧା ଲୋକମାନେ ଏହାର ସୁପଳ ପାଇପାରି ନାହାନ୍ତି। ଗାଗରପାଟିଆ ନାଳର ପୁନରୁଦ୍ଧାର କାର୍ଯ୍ୟ ଏହାର ଜ୍ୱଳନ୍ତ ଉଦାହରଣ ପାଲଟିଛି। ଏହି ପ୍ରକଳ୍ପ ଠିକାଦାର, ଯନ୍ତ୍ରୀ ଓ ରାଜନେତାଙ୍କ ପାଇଁ ଏକ ଲେଉଟିଆ କିଆରି ସଦୃଶ ପାଲଟିଛି। ନାଳର ପୁନରୁଦ୍ଧାର ନାମରେ ମିଳିମିଶି ଲୁଟ୍‌ ଚାଲିଛି ବୋଲି ଅଭିଯୋଗ ହେଉଛି।

ଖୁଡୀଙ୍କୁ ଟାଙ୍ଗିଆରେ ହାଣି ହତ୍ୟା ମାମଲା

ଖୁଡୀଙ୍କୁ ଟାଙ୍ଗିଆରେ ହାଣି ହତ୍ୟା ମାମଲା

ପୁତୁରାଙ୍କୁ ଆଜୀବନ ଜେଲଝାରସୁଗୁଡ଼ା ଅଫିସ,୨୩ା୪-ଝାରସୁଗୁଡ଼ା ଜିଲା ଲଇକେରା ବ୍ଲକ୍‌ ଅଞ୍ଚଳରେ ଘଟିଥିବା ଏକ ହତ୍ୟାକାଣ୍ଡର ରାୟ ସୋମବାର ପ୍ରକାଶ ପାଇଛି। ଖୁଡୀଙ୍କୁ ଟାଙ୍ଗିଆରେ ହାଣି ହତ୍ୟା କରିବା ଅଭିଯୋଗରେ ପୁତୁରା ଦୋଷୀ ସାବ୍ୟସ୍ତ ହୋଇଛନ୍ତି। ଅତିରିକ୍ତ ଜିଲା ଓ ଦୌରାଜଜ ସୌମେନ୍ଦ୍ର କୁମାର ରାଜଗୁରୁ ମାମଲାର ବିଚାର କରି ଅଭିଯୁକ୍ତ ପୁତୁରା ସୁରଥ ଖଣ୍ଡାଙ୍କୁ ଆଜୀବନ ଜେଲଦଣ୍ଡ ଓ ୧୦ ହଜାର ଟଙ୍କା ଜରିମାନା ଆଦେଶ ଦେଇଛନ୍ତି। ଜରିମାନା ଅର୍ଥ ଅନାଦାୟ ହେଲେ ଅତିରିକ୍ତ ୧ ବର୍ଷ ଜେଲଦଣ୍ଡ ଭୋଗିବାକୁ ରାୟରେ ଉଲ୍ଲେଖ ରହିଛି ।

ରେଳ ବିଭାଗକୁ ଅବଗତ କଲା ବନ ବିଭାଗ ବାଗଡିହିରେ ବୁଲୁଛନ୍ତି ୪ ହାତୀ

ଝାରସୁଗୁଡ଼ା ଅଫିସ,୨୪ା୪- ହାଓଡା-ମୁମ୍ବାଇ ମେଲ ଟ୍ରେନ୍‌ରେ କଟି ୪ ହାତୀର ମୃତ୍ୟୁ ହେବାପରେ ବନ ବିଭାଗର ଚେତା ପଶିଛି। ଅପରପକ୍ଷରେ ରେଳ ବିଭାଗ ମଧ୍ୟ ଏହି ଘଟଣା ପରେ ସତର୍କ ହୋଇଯାଇଛି। ଜାତୀୟସ୍ତରରେ ଉଭୟ ବନ ବିଭାଗ ଏବଂ ରେଳ ବିଭାଗ ସମାଲୋଚିତ ହେବା ପରେ ବିଭାଗୀୟ ଅଧିକାରୀମାନେ ସଚେତନ ହୋଇଛନ୍ତି। କାରଣ ବର୍ତ୍ତମାନ ଝାରସୁଗୁଡ଼ା ଜିଲା ବାଗଡିହି ରେଞ୍ଜ ଅଞ୍ଚଳରେ ୪ଟି ହାତୀ ବୁଲୁଥିବା ବନ ବିଭାଗ ନଜରକୁ ଆସିଛି। ହାତୀ ବୁଲୁଥିବା ନଜରକୁ ଆସିବା ପରେ ତୁରନ୍ତ ବାଗଡିହି ରେଞ୍ଜ୍‌ ତରଫରୁ ଟ୍ରେନ୍‌ର ଗତି ସେହି ଅଞ୍ଚଳରେ ହ୍ରାସ କରିବାକୁ ବାଗଡିହି ଷ୍ଟେଶନକୁ ସୂଚନା ପ୍ରଦାନ କରାଯାଇଛି। ବାଗଡିହି ଷ୍ଟେଶନରୁ ସୂଚନା ପାଇଁ ଝାରସୁଗୁଡ଼ା ଷ୍ଟେଶନ କର୍ତ୍ତୃପକ୍ଷ ପ୍ରତ୍ୟେକ ଟ୍ରେନର ଲୋକ ପାଇଲଟଙ୍କୁ ସତର୍କ କରାଉଛନ୍ତି। ଗାଡିର ଗତି ହ୍ରାସ କରିବା ସହ ସତର୍କତାର ସହ ଟ୍ରେନ୍‌ ଚଳାଇବାକୁ ନିର୍ଦ୍ଦେଶ ଦିଆଯାଉଛି।

ସଡ଼କ ସୁରକ୍ଷା ସପ୍ତାହ ଉଦ୍‌ଘାଟିତ ଟ୍ରାଫିକ୍‌ ନିୟମରେ ସଚେତନ ହେଲେ ଦୁର୍ଘଟଣା ହ୍ରାସ ପାଇବ

ସଡ଼କ ସୁରକ୍ଷା ସପ୍ତାହ ଉଦ୍‌ଘାଟିତ ଟ୍ରାଫିକ୍‌ ନିୟମରେ ସଚେତନ ହେଲେ ଦୁର୍ଘଟଣା ହ୍ରାସ ପାଇବ

ସୋନପୁର,୨୪।୪(ନି.ପ୍ର.)- ସୁବର୍ଣ୍ଣପୁରରେ ୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ସୋମବାର ଉଦ୍‌ଘାଟିତ ହୋଇଯାଇଛି। ଆଞ୍ଚଳିକ ପରିବହନ ଅଧିକାରୀଙ୍କ କାର୍ଯ୍ୟାଳୟ ପରିସରରେ ଆୟୋଜିତ ଉତ୍ସବରେ ଜିଲାପାଳ ଦାଶରଥି ଶତପଥୀ ମୁଖ୍ୟଅତିଥି ଭାବେ ଯୋଗଦେଇ ଜନସାଧାରଣ ଟ୍ରାଫିକ୍‌ ନିୟମ ସମ୍ପର୍କରେ ସଚେତନ ହେଲେ ଦୁର୍ଘଟଣା ବହୁ ପରିମାଣରେ ହ୍ରାସ ପାଇବ ବୋଲି କହିଥିଲେ। ସେହିପରି ଗାଡି ଚାଳନା ବେଳେ ଚାଳକମାନେ ସଜାଗ ରହିଲେ ଦୁର୍ଘଟଣାକୁ କେତେକାଂଶରେ ଏଡାଯାଇ ପାରିବ ବୋଲି ଜିଲାପାଳ ମତ ଦେଇଥିଲେ।

ଷ୍ଟିଲ୍‌ସିଟିରେ ର଼୍ୟାମ୍ପ ଶୋ

ଷ୍ଟିଲ୍‌ସିଟିରେ ର଼୍ୟାମ୍ପ ଶୋ

ରାଉରକେଲା ଅଫିସ, ୨୪। ୪-ଷ୍ଟିଲସିଟି ରାଉରକେଲାରେ ଆୟୋଜିତ ପ୍ରଥମ ‘ରାଉରକେଲା ଫ୍ୟାଶନ ୱିକ’ ଶେଷ ହୋଇଛି। ଇସ୍ପାତ୍‌ ସହରରେ ପ୍ରଥମ କରି ଆୟୋଜିତ ହୋଇଥିବା ଏହି ଫ୍ୟାଶନ ଶୋ ରେ ନାମୀଦାମୀ ଡିଜାଇନରଙ୍କ ସ୍ବତନ୍ତ୍ର କଲେକ୍ସନରେ ର଼୍ୟାମ୍ପ ଶୋ ଅନୁଷ୍ଠିତ ହୋଇଥିଲା

ସିରିଡିରୁ କଣ୍ଟାବାଞ୍ଜିକୁ ପଦଯାତ୍ରା

ସିରିଡିରୁ କଣ୍ଟାବାଞ୍ଜିକୁ ପଦଯାତ୍ରା

ନୂଆପଡ଼ା ଅଫିସ,୨୪ା୪ମନରେ ଅସୁମାରୀ ଆଶା ଆଉ ପ୍ରଗାଢ ଈଶ୍ୱର ବିଶ୍ୱାସ। ମନ୍ଦିରଟିଏ ପ୍ରତିଷ୍ଠା କରିବେ। ଏହି ଦୃଢ଼ ବିଶ୍ୱାସ ମନରେ ପୋଷଣ କରି ପୁଟୁଳି ବାନ୍ଧି ସୁଦୂର ସିରିଡିରୁ କଣ୍ଟାବାଞି ଅଭିମୁଖେ ଯାତ୍ରାରମ୍ଭ କରିଛନ୍ତି କଣ୍ଟାବାଞିର ନଟୱର ସୋନି ।