ରାଜ୍ୟ |

ଘରେ ପଶିବ ମହାନଦୀ

ଘରେ ପଶିବ ମହାନଦୀ
କଟକ ଅଫିସ, ୬।୧୨(ନିର୍ମଳ ପଣ୍ଡା)- ବାଲି ବ୍ୟବସାୟୀଙ୍କ ସହିତ ପ୍ରଶାସନର ଅସାଧୁ ମେଣ୍ଟ ଯୋଗୁ ବିପୁଳ ପରିମାଣର ରାଜସ୍ବ ଲୁଟ୍‌ ହେଉଛି। ପୂର୍ବରୁ ଏନେଇ ଅନେକ ନଜିର ରହିଛି। ଏବେ ବାଲି ବ୍ୟବସାୟୀଙ୍କ ସ୍ବାର୍ଥକୁ ଗୁରୁତ୍ୱ ଦେଇ କଟକ ଜିଲା ପ୍ରଶାସନ ଏକ ମହାବିପତ୍ତିକୁ ଆମନ୍ତ୍ରଣ କରିଛି। ଯେଉଁଥିପାଇଁ ମହାନଦୀ ଗତିପଥ ପରିବର୍ତ୍ତନ କରି ଜନବସତି ଅଞ୍ଚଳରେ ପଶିବ ବୋଲି ଆଶଙ୍କା ପ୍ରକାଶ ପାଇଛି। ଏଭଳି ପରିସ୍ଥିତି ସୃଷ୍ଟି ହୋଇଛି ସାଲେପୁର ତହସିଲ ଅଧୀନ ବାରବୋଡିଆ ବାଲିଘାଟକୁ ନେଇ, ଯେଉଁଠି ପ୍ରଶାସନ ପୂର୍ବ ନିଷ୍ପତ୍ତିକୁ ବଦଳାଇ ବାଲି ଉଠାଣ ନିଲାମ ନିମନ୍ତେ ଅନୁମତି ଦେଇଛି। ଏନେଇ ସ୍ଥାନୀୟ ଅଞ୍ଚଳର ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ଦେଖାଦେଇଛି। ବାରବୋଡିଆ ବାଲିଘାଟରୁ ବାଲିଉଠାଣ ଫଳରେ ମହାନଦୀ କୂଳ ଖାଇ ପାର୍ଶ୍ୱବର୍ତ୍ତୀ ଗ୍ରାମ ପ୍ରତି ବିପଦ ଆଶଙ୍କା ଦେଖାଦେଇଥିଲା। ଫଳରେ ଉକ୍ତ ବାଲିଘାଟ ନିଲାମକୁ ଗ୍ରାମବାସୀ ପୂର୍ବରୁ ବିରୋଧ କରିଥିଲେ। ଏହାପରେ ତତ୍କାଳୀନ ଜିଲାପାଳ ନିର୍ମଳ ଚନ୍ଦ୍ର ମିଶ୍ର ଉକ୍ତ ବାଲିଘାଟ ଉପରେ ଜଳସମ୍ପଦ ଓ ରାଜସ୍ବ ବିଭାଗ ମିଳିତ ଭାବେ ଅନୁଧ୍ୟାନ କରି ରିପୋର୍ଟ ଦେବାକୁ କହିଥିଲେ। ଜଳସମ୍ପଦ ବିଭାଗର ମହାନଦୀ ଉତ୍ତର ଡିଭିଜନ ପକ୍ଷରୁ ଅନୁଧ୍ୟାନ ରିପୋର୍ଟରେ ଦର୍ଶାଯାଇଥିଲା ଯେ, ଯଦି ବାରବୋଡିଆ ଘାଟରୁ ବାଲି ଉଠେ ତେବେ ମହାନଦୀ ତାର ଗତିପଥରେ ପରିବର୍ତ୍ତନ କରିବା ସମ୍ଭାବନା ରହିଛି। ଏହି ରିପୋର୍ଟ ପାଇବା ପରେ ଜିଲାପାଳ ଉକ୍ତ ବାଲିଘାଟ ନିଲାମକୁ ବାତିଲ କରିଦେଇଥିଲେ। କିନ୍ତୁ ପରବର୍ତ୍ତୀ ସମୟରେ ପ୍ରଶାସନିକ ନିଷ୍ପତ୍ତି ବଦଳିଯାଇଛି। ଉକ୍ତ ବାଲିଘାଟକୁ ନିଲାମ ଦିଆଯାଇଛି, ଯାହାକୁ ନେଇ ବାରବୋଡିଆ, ଆତୋଡା, ସାତବାଟିଆ, ପାଟପୁର, ଜଳହରି, ତେନ୍ତୋଳୋ ପ୍ରଭୃତି ଅଞ୍ଚଳବାସୀ ଆଶଙ୍କିତ ହେବା ସହ କ୍ଷୋଭ ପ୍ରକାଶ କରୁଛନ୍ତି। କଟକ ସହରଠାରୁ ପ୍ରାୟ ୧୫ କିଲୋମିଟର ଦୂରରେ ରହିଛି ବାରବୋଡିଆ ବାଲିଘାଟ। ଏହି ସ୍ଥାନ ଭୌଗୋଳିକ ଦୃଷ୍ଟିକୋଣରୁ ବେଶ୍‌ ଗୁରୁତ୍ୱପୂର୍ଣ୍ଣ। କାରଣ ବାରବୋଡିଆର ଠିକ୍‌ ଉପରମୁଣ୍ଡରେ ମହାନଦୀରୁ ଚିତ୍ରୋତ୍ପଳା ନଦୀ ବାହାରିଛି। ତେଣୁ ଏଠାରେ ନଦୀ ସ୍ରୋତ ଅତ୍ୟନ୍ତ ପ୍ରଖର ଥାଏ। ଏଭଳି ସ୍ଥିତିରେ ତଳମୁଣ୍ଡରୁ ବାଲି ଖନନ କରାଗଲେ ନଦୀସ୍ରୋତ ଅଧିକ ପ୍ରଖର ହେବା ସହିତ କୂଳକ୍ଷୟ କରିବାର ଆଶଙ୍କା ରହିଛି। ସେହିପରି ବାଲି ଉତ୍ତୋଳନ ପରେ ବହୁସଂଖ୍ୟକ ଗାଡ଼ି ନଦୀପଠା ଦେଇ ଯାତାୟାତ କରିବା ଫଳରେ ପଠା ମଧ୍ୟ କ୍ଷତିଗ୍ରସ୍ତ ହୋଇ ନଦୀର ଗତିପଥକୁ ବଦଳାଇବାରେ ସାହାଯ୍ୟ କରିବ ବୋଲି ସ୍ଥାନୀୟ ଅଞ୍ଚଳ ଲୋକେ ଜିଲାପାଳଙ୍କୁ ଜଣାଇଥିଲେ। ଜଳସମ୍ପଦ ବିଭାଗ ରିପୋର୍ଟରେ ଦର୍ଶାଯାଇଥିଲା ଯେ, ଉକ୍ତ ସ୍ଥାନରୁ ବାଲି ଉଠିଲେ ମହାନଦୀ ପଠା କ୍ଷୟ କରି ଚାଷଜମିକୁ ଖାଇଯିବ। ଏହାଦ୍ୱାରା ନଦୀପଠା ସଂଲଗ୍ନ ଅଞ୍ଚଳ ଦେଇ ଯାଇଥିବା ଲିଙ୍କ୍‌ କେନାଲ ମଧ୍ୟ କ୍ଷତିଗ୍ରସ୍ତ ହେବ। ସ୍ଥାନୀୟ ଅଞ୍ଚଳର ସରପଞ୍ଚ ସୋଫିଆ ରାଉତରାୟ କୁହନ୍ତି, ଏଭଳି ବିପଦକୁ ଜାଣିଶୁଣି ଡକାଯାଉଛି। ବାରବୋଡିଆରୁ ବାଲି ଉଠିଲେ ମହାନଦୀର ଏକ ଧାର ସିଧାସଳଖ ଲିଙ୍କ୍‌ କେନାଲ ଭାଙ୍ଗି କେନ୍ଦ୍ରାପଡ଼ା କେନାଲରେ ପଡ଼ିବ। ଏହା ପରେ ଉକ୍ତ ଧାର ବିରୂପା ସହିତ ମିଶି ଏକାକାର ପରିସ୍ଥିତି ଉପୁଯାଇବ। ସ୍ଥାନୀୟ ଅଞ୍ଚଳର ଯୁବକ ଲିପକ ଜେନା କୁହନ୍ତି, ବାରବୋଡିଆ ଘାଟ ନିଲାମ ହେବା କଥା ଶୁଣି ମୋତେ ଆଶ୍ଚର୍ଯ୍ୟ ଲାଗୁଛି। ଲୋକଙ୍କ ସ୍ବାର୍ଥକୁ ଗୁରୁତ୍ୱ ନ ଦେଇ ପ୍ରଶାସନ ବାଲିମାଫିଆଙ୍କ ପାଖରେ ବିକ୍ରି ହୋଇଯିବା ଅତ୍ୟନ୍ତ ଦୁର୍ଭାଗ୍ୟଜନକ। ସାଲେପୁର ତହସିଲଦାର ମହେନ୍ଦ୍ର ମହାନ୍ତି କୁହନ୍ତି, ଆମେ କେତେକ ସର୍ତ୍ତ ରଖି ଉକ୍ତ ଘାଟକୁ ନିଲାମ ଦେଇଛୁ। ଯଦି ସେଭଳି କିଛି ପରିସ୍ଥିତି ଉପୁଜେ ତେବେ ତୁରନ୍ତ ବାଲି ଉତ୍ତୋଳନ ବନ୍ଦ ରଖାଯିବ। ତହସିଲଦାରଙ୍କ ଏଭଳି ମତାମତ ଉପରେ ପ୍ରତିକ୍ରିୟା ଦେଇ ସ୍ଥାନୀୟ ଅଞ୍ଚଳର ରଞ୍ଜିତା ନାୟକ କୁହନ୍ତି, ତେବେ ଆମକୁ ଧରିନେବାକୁ ପଡ଼ିବ ର୍ଯ୍ୟେମହାନଦୀ ଆମ ଘରେ ପଶିବା ପରେ ପ୍ରଶାସନର ଚେତା ପଶିବ। ମହାନଦୀ ଉତ୍ତର ଡିଭିଜନ ନିର୍ବାହୀ ଯନ୍ତ୍ରୀ ସାଗର ମହାନ୍ତି କୁହନ୍ତି, ଗତବର୍ଷ ଉକ୍ତ ଘାଟକୁ ନେଇ କ’ଣ ହୋଇଥିଲା ତାହା ମୁଁ କହିପାରିବି ନାହିଁ। ସେ ସମୟରେ ମୁଁ ଦାୟିତ୍ୱରେ ନ ଥିବାରୁ ମୋତେ ପୁରୁଣା ଫାଇଲ ଦେଖିବାକୁ ପଡ଼ିବ। ଜିଲାପାଳ ସୁଶାନ୍ତ ମହାପାତ୍ରଙ୍କୁ ଏ ସମ୍ପର୍କରେ ପଚାରିବାରୁ ସେ ମଧ୍ୟ ଘାଟର ସମ୍ବେଦନଶୀଳତା ସମ୍ପର୍କରେ ଜାଣି ନ ଥିବା କହିଥିଲେ। ଯଦି ଏପରି ହୋଇଥାଏ ତେବେ ତୁରନ୍ତ ଉକ୍ତ ଘାଟରୁ ବାଲି ଉଠିବା ଉପରେ ଅଙ୍କୁଶ ଲଗାଯିବ ବୋଲି ସେ କହିଥିଲେ।
All Right Reserved By

ରାଜ୍ୟ |

କୋଣାର୍କରେ ବିଜେଡିର ଜନ ସମ୍ପର୍କ ପଦଯାତ୍ରା

କୋଣାର୍କରେ ବିଜେଡିର ଜନ ସମ୍ପର୍କ ପଦଯାତ୍ରା

କୋଣାର୍କ,୨୧।୧୦(ଡି.ଏନ୍‌.ଏ.): କାକଟପୁର  ନିିର୍ବାଚନ ମଣ୍ଡଳୀ ଅଧୀନ କୋଣାର୍କ ଏନ୍‌ଏସିରେ ବିଜୁ ଜନତା ଦଳ ପକ୍ଷରୁ ରବିବାର ଜନ ସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି।

ବାଘୁଣୀ ‘ସୁନ୍ଦରୀ’ ଆକ୍ରମଣରେ ଚାଷୀ ମୃତ:  ବିଟ୍‌ ହାଉସ ପୋଡ଼ି ଦେଲେ ଗ୍ରାମବାସୀ

ବାଘୁଣୀ ‘ସୁନ୍ଦରୀ’ ଆକ୍ରମଣରେ ଚାଷୀ ମୃତ: ବିଟ୍‌ ହାଉସ ପୋଡ଼ି ଦେଲେ ଗ୍ରାମବାସୀ

ବନ୍ତଳା,୨୧।୧୦(ଡି.ଏନ.ଏ.)- ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟ ପୁରୁଣାକୋଟ ଥାନା ଟାଇଁସି ଗ୍ରାମର ତ୍ରିନାଥ ସାହୁ(୬୦) ରବିବାର ସକାଳେ ବାଘୁଣୀ ‘ସୁନ୍ଦରୀ’ ଆକ୍ରମଣରେ ପ୍ରାଣ ହରାଇଛନ୍ତି। 

ତିତ୍‌ଲି ଦ୍ୱାରା କ୍ଷତିଗ୍ରସ୍ତ ବିଦ୍ୟୁତ୍‌ ଭିତ୍ତିଭୂମିର ପୁନଃସ୍ଥାପନା ଜାରି, ୨୦୦୦ କର୍ମଚାରୀ ନିୟୋଜିତ

ତିତ୍‌ଲି ଦ୍ୱାରା କ୍ଷତିଗ୍ରସ୍ତ ବିଦ୍ୟୁତ୍‌ ଭିତ୍ତିଭୂମିର ପୁନଃସ୍ଥାପନା ଜାରି, ୨୦୦୦ କର୍ମଚାରୀ ନିୟୋଜିତ

ଭୁବନେଶ୍ୱର,୨୧।୧୦(ବ୍ୟୁରୋ)-ତିତ୍‌ଲି ଦ୍ୱାରା କ୍ଷତିଗ୍ରସ୍ତ ହୋଇଥିବା ଦକ୍ଷିଣ ଓଡ଼ିଶାର ବିଦ୍ୟୁତ୍‌ ଭିତ୍ତିଭୂମିକୁ ଯୁଦ୍ଧକାଳୀନ ଭିତ୍ତିରେ ସଜାଡିବା ପାଇଁ ଶକ୍ତି ବିଭାଗ ଉଦ୍ୟମ ଅବ୍ୟାହତ ରଖିଛି। ଯେଉଁଭଳି ଭାବେ କ୍ଷତିଗ୍ରସ୍ତ ହୋଇଥିଲା, ସାଧାରଣ ଭାବେ ତାହାର ପୁନରୁଦ୍ଧାର ପାଇଁ ୬ ମାସ ସମୟ ଲାଗିଥାନ୍ତା।

ଜାମୁନାଳୀ ଓ ହାଣ୍ଡିଗୋଡା ଗ୍ରାମରେ  ଉତ୍ପାତ ଚଳାଇଛନ୍ତି ୧୬ ହାତୀ: ୨୦ ଏକର ଫସଲ ନଷ୍ଟ

ଜାମୁନାଳୀ ଓ ହାଣ୍ଡିଗୋଡା ଗ୍ରାମରେ ଉତ୍ପାତ ଚଳାଇଛନ୍ତି ୧୬ ହାତୀ: ୨୦ ଏକର ଫସଲ ନଷ୍ଟ

ଛେଣ୍ଡିପଦା,୨୧।୧୦(ଡି.ଏନ.ଏ.)- ଅନୁଗୋଳ ବନଖଣ୍ଡ ଜରପଡା ଫରେଷ୍ଟ ରେଞ୍ଜ ଅନ୍ତର୍ଗତ ଜାମୁନାଳୀ ଓ ହାଣ୍ଡିଗୋଡା ଗ୍ରାମର ରଙ୍ଗିଆ ନାଳୀ ଚକ ଇଲାକାରେ ଶନିବାର ବିଳମ୍ବିତ ରାତିରେ ହାତୀ ଉପଦ୍ରବ କରିଛନ୍ତି।  ପ୍ରାୟ ୧୫ ରୁ ୧୬ ହାତୀ ଦଳବଦ୍ଧ ହୋଇ ବ୍ୟାପକ ଫସଲ କ୍ଷୟକ୍ଷତି କରିଛନ୍ତି।

ଖୋର୍ଦ୍ଧାରେ ଶହୀଦ ଦିବସ ଅନୁଷ୍ଠିତ

ଖୋର୍ଦ୍ଧାରେ ଶହୀଦ ଦିବସ ଅନୁଷ୍ଠିତ

ଖୋର୍ଦ୍ଧା ଅଫିସ,୨୧।୧୦: ଖୋର୍ଦ୍ଧା ପୋଲିସ ପକ୍ଷରୁ ସ୍ଥାନୀୟ ତରତୁଆ ପୋଲିସ ପଡିଆଠାରେ ରବିବାର ୫୯ତମ ପୋଲିସ ଶହୀଦ ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ  ମୁଖ୍ୟ ଅତିଥି ଭାବେ ଖୋର୍ଦ୍ଧା ଏସ୍‌ପି ଦୀପ୍ତି ରଞ୍ଜନ ରାୟ ଯୋଗଦେଇ ମିଳିତ ପରେଡ୍‌ରେ ଅଭିବାଦନ ଗ୍ରହଣ କରିଥିଲେ ।

ତିତ୍‌ଲି ପ୍ରଭାବିତଙ୍କୁ ସହାୟତା; ଘର ଏବଂ ଗୃହପାଳିତ ପଶୁଙ୍କ ଲାଗି କ୍ଷତିପୂରଣ ଘୋଷଣା

ତିତ୍‌ଲି ପ୍ରଭାବିତଙ୍କୁ ସହାୟତା; ଘର ଏବଂ ଗୃହପାଳିତ ପଶୁଙ୍କ ଲାଗି କ୍ଷତିପୂରଣ ଘୋଷଣା

ଭୁବନେଶ୍ୱର,୨୧।୧୦(ବ୍ୟୁରୋ): ସାମୁଦ୍ରିକ ଝଡ଼ ତିତ୍‌ଲି ଏବଂ ଏହାର ପରବର୍ତ୍ତୀ ବନ୍ୟାରେ ରାଜ୍ୟର ତିନୋଟି ଜିଲା ବିଶେଷଭାବେ କ୍ଷତିଗ୍ରସ୍ତ ହୋଇଛି। ଜିଲାଗୁଡ଼ିକର ଭିତ୍ତି ଭୂମି ସଜାଡ଼ିବାକୁ ସରକାରୀସ୍ତରରେ ତତ୍ପରତା ପ୍ରକାଶ ପାଇଛି। ଏହି କ୍ରମରେ କ୍ଷତିଗ୍ରସ୍ତ ଲୋକଙ୍କୁ ଘର ଓ ଗୃହପାଳିତ ପଶୁଙ୍କ ପାଇଁ କ୍ଷତିପୂରଣ ମିଳିବା ନେଇ ଯୁଗ୍ମ ଏସ୍‌ଆର୍‌ସି ପ୍ରଭାତ ମହାପାତ୍ର ରବିବାର ବିଭିନ୍ନ ଘୋଷଣା କରିଛନ୍ତି। 

ଗ୍ୟାସ ସିଲିଣ୍ଡର ଫାଟି ରୋଷେଇଘର ଛାତ ଉଡ଼ିଲା

ଗ୍ୟାସ ସିଲିଣ୍ଡର ଫାଟି ରୋଷେଇଘର ଛାତ ଉଡ଼ିଲା

ବଲାଙ୍ଗୀର ଅଫିସ,୨୧।୧୦-ବଲାଙ୍ଗୀର ଟାଉନ ଥାନା ମାଲପଡ଼ା ରାମମନ୍ଦିର ନିକଟରେ ଶନିବାର ମଧ୍ୟ ରାତ୍ରିରେ ଘଟିଛି ଅଘଟଣ। ରାମମନ୍ଦିର ନିକଟ ହିମାଂଶୁ ପଣ୍ଡାଙ୍କ ଘରେ ଗ୍ୟାସ ସିଲିଣ୍ଡର ଫାଟିଯାଇଛି। ସିଲିଣ୍ଡର ଫାଟି ରୋଷେଇ ଘରର ଛାତ ଉଡ଼ିଯାଇଛି। ଦୁଇଟି ଗ୍ୟାସ୍‌ ସିଲିଣ୍ଡର ଲିକ୍‌ ହେବା ଯୋଗୁ ଫାଟିଯାଇଥିଲା। ତେବେ ଅଳ୍ପକେ ବର୍ତ୍ତିଯାଇଛନ୍ତି ପରିବାର ୩ ସଦସ୍ୟ।

ଜ୍ୱାଇଁଙ୍କ ସନ୍ଦେହଜନକ ମୃତ୍ୟୁ ଘଟଣା: ଶାଶୁ ଶ୍ୱଶୁରଙ୍କୁ କୋର୍ଟ ଚାଲାଣ

ଜ୍ୱାଇଁଙ୍କ ସନ୍ଦେହଜନକ ମୃତ୍ୟୁ ଘଟଣା: ଶାଶୁ ଶ୍ୱଶୁରଙ୍କୁ କୋର୍ଟ ଚାଲାଣ

ରାଜନଗର, ୨୧।୧୦(ଡି.ଏନ.ଏ.): ମହାକାଳପଡା ଥାନା ଅନ୍ତର୍ଗତ ରତନପୁର ଗ୍ରାମର ପରିକ୍ଷିତ ସେଠୀଙ୍କ ପୁଅ ଶ୍ରୀଧର ସେଠୀ ଶ୍ୱଶୁର ଘର ରାଜନଗରକୁ ଦୁର୍ଗାପୂଜା ବୁଲିବାକୁ ଆସିଥିଲେ। 

ଚାକିରି ଦେବାକୁ କହି ୨୦ ଲକ୍ଷ ଠକେଇ

ଚାକିରି ଦେବାକୁ କହି ୨୦ ଲକ୍ଷ ଠକେଇ

ରାଉରକେଲା ଅଫିସ,୨୧।୧୦- ଝିରପାଣି ଥାନା ଝିରପାଣି ପୁନର୍ବସତି କଲୋନୀରେ ରହୁଥିବା ଜଣେ ଯୁବତୀ କେତେକ ବେକାର ଯୁବକଙ୍କୁ ଚାକିରି ଦେବା ଆଳରେ ୨୦ଲକ୍ଷରୁ ଅଧିକ ଟଙ୍କା ଠକିଥିବା ଅଭିଯୋଗ ହୋଇଛି। ଏ ନେଇ ଶନିବାର ମଧ୍ୟାହ୍ନରେ କିଛି ଯୁବକ ଥାନାରେ ଅଭିଯୋଗ କରିବାକୁ ପହଞ୍ଚି ଥିଲେ। ହେଲେ ଠକେଇ କରିଥିବା ଯୁବତୀ ଜଣକ ଘଟଣା ସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ଦେଖାଯାଇଥିଲା। ‘ମୁଁ ସୁବିଧା ଅନୁସାରେ ଟଙ୍କା ଫେରାଇ ଦେବି। ଆପଣମାନେ

ଚୋରି ସନ୍ଦେହରେ ଥାନାରେ ଅଟକ ଯୁବକଙ୍କୁ ବାହାର ଯୁବକ ମାଡ଼ ମାରିବା ନେଇ ଉତ୍ତେଜନା: ଶତାଧିକ ଲୋକଙ୍କ ଥାନାରେ ପାଟିତୁଣ୍ଡ

ଚୋରି ସନ୍ଦେହରେ ଥାନାରେ ଅଟକ ଯୁବକଙ୍କୁ ବାହାର ଯୁବକ ମାଡ଼ ମାରିବା ନେଇ ଉତ୍ତେଜନା: ଶତାଧିକ ଲୋକଙ୍କ ଥାନାରେ ପାଟିତୁଣ୍ଡ

ବଡ଼ଗାଁ, ୨୧।୧୦ (ଡି.ଏନ.ଏ)-  ସୁନ୍ଦରଗଡ଼ ଜିଲା ବଡ଼ଗାଁ ଥାନା ଅଞ୍ଚଳରେ ଚୋରି ସନ୍ଦେହରେ ଥାନାରେ ଅଟକ ଥିବା ଦୁଇ ଯୁବକଙ୍କ ମଧ୍ୟରୁ ଜଣଙ୍କୁ ବାହାରର କେତେକ ଯୁବକ ମାଡ଼ମାରିଥିବା ଅଭିଯୋଗ ହୋଇଛି। ଥାନା ଭିତରେ ପଶି ଅଟକ ଥିବା ଯୁବକଙ୍କୁ ମାଡ଼ମାରିଥିବା ବାହାରର ଯୁବକମାନଙ୍କ ଗିରଫ ଦାବିକରି ବଡ଼ଗାଁରେ ଶନିବାର ସନ୍ଧ୍ୟାରେ ଉତ୍ତେଜନା ପ୍ରକାଶ ପାଇଥିଲା। ଚୋରି ସନ୍ଦେହରେ ଅଟକ ଯୁବକଙ୍କ ସମ୍ପର୍କୀୟ, ସମର୍ଥକ କୁହାଯାଉଥିବା ଶତାଧିକ ମହିଳା, ପୁରୁଷ ଥାନାକୁ ଆସି ପାଟିତୁଣ୍ଡ 

କେନାଲ ପାଣି ଅଭାବରୁ ଫସଲ ଉଜୁଡ଼ିଲା: ଆତ୍ମହତ୍ୟା କଲେ ଯୁବଚାଷୀ

କେନାଲ ପାଣି ଅଭାବରୁ ଫସଲ ଉଜୁଡ଼ିଲା: ଆତ୍ମହତ୍ୟା କଲେ ଯୁବଚାଷୀ

ଧମା,୨୧।୧୦(ଡି.ଏନ.ଏ.)- ସମ୍ବଲପୁର ଜିଲା ମାନେଶ୍ୱର ବ୍ଲକ୍‌ ହୁମା ପଞ୍ଚାୟତ ପାଞ୍ଚଫୁଟ ଗ୍ରାମର ଯୁବଚାଷୀ ଗୌତମ ସେଠ (୩୦) କୀଟନାଶକ ପିଇ ଆତ୍ମହତ୍ୟା କରିଛନ୍ତି। ଫସଲ ନଷ୍ଟ, ଋଣ ଭାର ଓ ପରିବାର ଉପରେ ଏହାର ପ୍ରତିକୂଳ ପ୍ରଭାବରେ ବ୍ୟତିବ୍ୟସ୍ତ ହୋଇ ସେ ଜୀବନ ହାରିଛନ୍ତି। ଗୁରୁବାର ସନ୍ଧ୍ୟାରେ ଗୌତମ ଘରେ ଥିବା ୨ ବର୍ଷର ପୁରୁଣା କୀଟନାଶକ ପିଇ ଦେଇଥିଲେ। ପରିବାର ଲୋକେ ଏହା ଜାଣିପାରି ଘରେ ବାନ୍ତି କରାଇ ସମ୍ବଲପୁର ସଦର ଡାକ୍ତରଖାନାକୁ ନେଇଥିଲେ। 

ପୁରୀ ହିଂସାକାଣ୍ଡ: ଗିରଫ ସଂଖ୍ୟା ୮୬ରେ ପହଞ୍ଚିଲା

ପୁରୀ ହିଂସାକାଣ୍ଡ: ଗିରଫ ସଂଖ୍ୟା ୮୬ରେ ପହଞ୍ଚିଲା

ପୁରୀ ଅଫିସ,୨୧।୧୦:ଅକ୍ଟୋବର ୩ ତାରିଖରେ ପୁରୀ ବନ୍ଦ ପାଳନ ବେଳେ ଘଟିଥିବା ହିସାଂକାଣ୍ଡରେ ଗିରଫ ସଂଖ୍ୟା ୮୬ରେ ପହଞ୍ଚିଛି। ରବିବାର ଶହୀଦ ଦିବସ ପାଳନ ଅବସରରେ ଏସପି ସାର୍ଥକ ଷଡଙ୍ଗୀ ଏହା କହିଛନ୍ତି ।