ସମ୍ବଲପୁର

କ୍ୟାଶ୍‌ ଭ୍ୟାନ୍‌ରୁ ସଶସ୍ତ୍ର ଡକାୟତି ଘଟଣାର ପର୍ଦ୍ଧାଫାସ: ୯ ଗିରଫ

କ୍ୟାଶ୍‌ ଭ୍ୟାନ୍‌ରୁ ସଶସ୍ତ୍ର ଡକାୟତି ଘଟଣାର ପର୍ଦ୍ଧାଫାସ: ୯ ଗିରଫ
ରାଉରକେଲା ଅଫିସ,୫।୧୨-ଏଟିଏମ୍‌ଗୁଡିକରେ ଟଙ୍କା ଭର୍ତ୍ତି କରିବାକୁ ଦାୟିତ୍ୱ ନେଇଥିବା ସିଏମ୍‌ଏସ୍‌ କମ୍ପାନୀ ଗାଡି (କ୍ୟାଶ୍‌ ଭ୍ୟାନ୍‌)ରୁ ଗତ ୧ ତାରିଖ ହୋଇଥିବା ସଶସ୍ତ୍ର ଡକାୟତି ଘଟଣାର ପର୍ଦ୍ଧାଫାସ କରିଛି ବିଶ୍ରା ଥାନା ପୋଲିସ। ମଙ୍ଗଳବାର ପଶ୍ଚିମାଞ୍ଚଳ ଡିଆଇଜି କବିତା ଜାଲାନ୍‌, ଏସ୍‌ପି ଡା. ଉମାଶଙ୍କର ମିଶ୍ର ଏ ନେଇ ଗଣମାଧ୍ୟମକୁ ସୂଚନା ଦେଇଛନ୍ତି । ଏହି ଡକାୟତି ଘଟଣାରେ ସଂପୃକ୍ତ ଥିବା ୯ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ସେହିପରି ଲୁଟ୍‌ ହୋଇଥିବା ୨୫ ଲକ୍ଷ ଟଙ୍କାରୁ ୨୪ ଲକ୍ଷ ୩୫ ହଜାର ଟଙ୍କା ଡକାୟତମାନଙ୍କଠାରୁ ଜବତ କରାଯାଇଛି । ସେମାନେ ବ୍ୟବହାର କରିଥିବା ଗୋଟିଏ ବନ୍ଧୁକ, ସିକ୍ୟୁରିଟି ଗାର୍ଡଠାରୁ ଛଡାଇ ନେଇଥିବା ଆଉ ଏକ ବନ୍ଧୁକ, ଦୁଇଟି ଭୁଜାଲିକୁ ପୋଲିସ ଜବତ କରିଛି । ସେହିପରି ଟଙ୍କା ଗାଡିର କର୍ମଚାରୀଙ୍କଠାରୁ ଲୁଟି ନେଇଥିବା ମୋବାଇଲ ଓ ଅପରାଧରେ ବ୍ୟବହାର କରାଯାଇଥିବା ଗାଡିଗୁଡିକୁ ପୋଲିସ ଜବତ କରିଛି । ଏଥିରେ ସଂପୃକ୍ତ ଥିବା ଅପରାଧିମାନେ ହେଲେ ସେକ୍ଟର-୨ରେ ରହୁଥିବା କେନ୍ଦ୍ରାପଡା ଆଳି ଥାନା ଅନ୍ତର୍ଗତ ମାନପୁର ଗ୍ରାମର ରାଜାରାମ ପାତ୍ର, କୋଏଲ ନଗରରେ ରହୁଥିବା ଯାଜପୁର ଜିଲା ବରି ଥାନା ଅନ୍ତର୍ଗତ ରାମଚନ୍ଦ୍ରପୁରର ନିର୍ମଳ ଚନ୍ଦ୍ର କର, ସେକ୍ଟର-୧ ବସ୍ତିରେ ରହୁଥିବା ଯାଜପୁର ଟାଉନ୍‌ର ବ୍ରଜ ସୁନ୍ଦର ସେଠୀ, ସେକ୍ଟର-୧ ଆଖଣ୍ଡଳମଣୀ ବସ୍ତିରେ ରହୁଥିବା ପିଣ୍ଟୁ ନାୟକ ଓ ବିଜୁ ନାୟକ। ସେହିପରି ଅନ୍ୟ ଅଭିଯୁକ୍ତ ହେଲେ ସେକ୍ଟର-୧୫ରେ ରହୁଥିବା ଅଜୟ ନାୟକ । ଏଥିରେ ସଂପୃକ୍ତ ଥିବା ଅନ୍ୟ ଦୁଇ ଅଭିଯୁକ୍ତ ନାବାଳକ । ତେଣୁ ପୋଲିସ ସେମାନଙ୍କ ନାମ ପ୍ରକାଶ କରି ନାହିଁ । ଅପରାଧୀମାନଙ୍କଠାରୁ ଲୁଟ୍‌ ଟଙ୍କା ଗ୍ରହଣ କରିଥିବା ଅଭିଯୋଗରେ ସେକ୍ଟର-୧ କଲ୍ୟାଣୀ ବସ୍ତିରେ ରହୁଥିବା ସୂର୍ଯ୍ୟକାନ୍ତ ସେଠୀଙ୍କୁ ମଧ୍ୟ ଗିରଫ କରାଯାଇଛି । ଏସ୍‌ପି ଦାଶ ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି ଏହି ଡକାୟତର ବ୍ଲୁ-ପ୍ରିଣ୍ଟ ରଚନା କରିଥିଲେ ସିଏମ୍‌ଏସ୍‌(କ୍ୟାସ ମ୍ୟାନେଜମେଣ୍ଟ ସର୍ଭିସ)ର କର୍ମଚାରୀ ରାଜାରାମ ଓ ନିର୍ମଳ । ଉଭୟ ସିଏମ୍‌ଏସ୍‌ ସଂସ୍ଥାରେ କାର୍ଯ୍ୟ କରନ୍ତି । ଦୁହେଁ ଟଙ୍କା ଏଟିଏମ୍‌ରେ ଭର୍ତ୍ତି କରିବା ବେଳେ ପୂର୍ବରୁ ପାଖାପାଖି ୫ଲକ୍ଷ ଟଙ୍କା ହଡ଼ପ କରିଥିଲେ । ଏହି ଟଙ୍କାରେ ମଉଜ ମଜଲିସ କରିଥିଲେ । ତେଣୁ ଏହି ଟଙ୍କାକୁ ଭରଣ କରିବା ପାଇଁ ଡକାୟତି ଯୋଜନା କରିଥିଲେ । ଡକାୟତି ଟଙ୍କାରୁ ୫ଲକ୍ଷ ଏଟିଏମ୍‌ରେ ଭର୍ତ୍ତି କରି ବାକି ଟଙ୍କା ପରସ୍ପର ମଧ୍ୟରେ ବାଣ୍ଟି ନେବା ପାଇଁ ଯୋଜନା କରିଥିଲେ । ତେଣୁ ପେଶାଦାର ଅପରାଧୀ ବ୍ରଜଙ୍କ ସହ ଦୁହେଁ ଯୋଗାଯୋଗ କରିଥିଲେ। ବ୍ରଜ ସେମାନଙ୍କ କଥାରେ ରାଜି ହୋଇଥିଲେ। ବ୍ରଜ ଅନ୍ୟ ଅପରାଧୀମାନଙ୍କୁ ଯୋଜନା ସଂପର୍କରେ କହିଥିଲେ। ଫଳରେ ଡକାୟତି କରିବା ପାଇଁ ଯୋଜନା ହୋଇଥିଲା । ଉଭୟ କର୍ମଚାରୀ ଗାଡିରେ ଯାଉଥିଲେ । ସେମାନଙ୍କ ସହ ସିକ୍ୟୁରିଟି ଗାର୍ଡ ଓ ଅନ୍ୟ ଜଣେ କର୍ମଚାରୀ ଥିଲେ । ନୂଆଗଁ।ରେ ଥିବା ଏକ ଏଟିଏମରେ ଟଙ୍କା ଭର୍ତ୍ତି କରିବା ପାଇଁ ନିର୍ଦ୍ଦେଶ ରହିଥିଲା । ସେଠାରେ ଟଙ୍କା ଭର୍ତ୍ତି ପରେ ଶୋରଡା ଏଟିଏମ୍‌କୁ କେବଳ ଚେକିଂ କରିବା ପାଇଁ ଯାଇଥାନ୍ତେ । ହେଲେ ପ୍ରଥମେ ଟଙ୍କା ଭର୍ତ୍ତି ନ କରି ଶୋରଡାରୁ ଆସିବା ବାଟରେ ଟଙ୍କା ଭର୍ତ୍ତି କରାଯିବ ବୋଲି ନିର୍ମଳ କହିଥିଲେ। ଫଳରେ ଗାଡି ଗଡିଥିଲା ଶୋରଡା ଅଭିମୁଖେ । ବାଟରେ ବାରିଲେପଟା ପାଖରେ ଜଙ୍ଗଲ ପଡିଲା । ରାଜାରାମ ଓ ନିର୍ମଳ ଏ ସଂପର୍କରେ ବ୍ରଜକୁ କହିଥିଲେ । ତେଣୁ ବ୍ରଜ ଯୋଜନା ମୁତାବତ ଅନ୍ୟ ଅଭିଯୁକ୍ତମାନଙ୍କୁ ନେଇ ବାଟରେ ଲୁଚି ରହିଥିଲେ । ହଠାତ ନିର୍ମଳ ଗାଡି ରଖିବା ପାଇଁ ଡ୍ରାଇଭରଙ୍କୁ କହିଥିଲେ । ଫଳରେ ଡ୍ରାଇଭର ଗାଡି ରଖିଥିଲେ। ନିର୍ମଳ ଗାଡିରୁ ବାହାରକୁ ଆସି ଫୋନରେ କଥା ହୋଇଥିଲେ । ଏହି ସମୟରେ ଅପରାଧିମାନେ ସିଏମ୍‌ଏସ୍‌ ସିକ୍ୟୁରିଟି ଗାର୍ଡଙ୍କୁ ଆକ୍ରମଣ କରି ତାଙ୍କ ବନ୍ଧୁକ ଛଡାଇ ନେଇଥିଲେ। ଏହାପରେ ଲୁଟ୍‌ପାଟ୍‌ କରି ଅପରାଧୀମାନେ ଫେରାର ହୋଇ ଯାଇଥିଲେ। ଅଭିଯୋଗ ପରେ ପୋଲିସ ପ୍ରଥମେ ସିଏମ୍‌ଏସ୍‌ କର୍ମଚାରୀଙ୍କୁ ସନ୍ଦେହକୁ ନେଇ ତଦନ୍ତ ଆରମ୍ଭ କରିଥିଲା। ତଦନ୍ତରୁ ଜଣାପଡିଥିଲା ସେ ଏହି ଡକାୟତର ବ୍ଲୁ ପ୍ରିଣ୍ଟ ରଚନା କରିଥିଲେ ରାଜାରାମ ଓ ନିର୍ମଳ । ଫଳରେ ଅନ୍ୟ ଅପରାଧୀମାନଙ୍କୁ ଗିରଫ କରିବା ସମ୍ଭବ ହୋଇଥିଲା ବୋଲି ଏସ୍‌ପି କହିଛନ୍ତି । ବିଶ୍ରା ଥାନାଧିକାରୀ ବିକାଶ ରଞ୍ଜନ ସ୍ବାଇଁ ଓ ଡିଏସ୍‌ପି ପି.କେ. ମିଶ୍ର ଉପସ୍ଥିତ ଥିଲେ।
All Right Reserved By

ସମ୍ବଲପୁର

ସାନପୋଡାଗୁଡା ଦୁର୍ଗାପୂଜା ରୌପ୍ୟ ଜୟନ୍ତୀ, ଘୁମୁରା ପ୍ରତିଯୋଗୀତା ଅନୁଷ୍ଠିତ

ସାନପୋଡାଗୁଡା ଦୁର୍ଗାପୂଜା ରୌପ୍ୟ ଜୟନ୍ତୀ, ଘୁମୁରା ପ୍ରତିଯୋଗୀତା ଅନୁଷ୍ଠିତ

କୋକସରା,୧୬।୧୦(ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକ ସାନପୋଡାଗୁଡାଠାରେ ଦୁର୍ଗାପୂଜାର ୨୫ ବର୍ଷ ପୂର୍ତ୍ତି ଅବସରରେ ଦଶାବତାର ଦୁର୍ଗାପୂଜା ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ପୂଜା କମିଟି ପକ୍ଷରୁ ଘୁମୁରା ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି । ଦୁର୍ଗା ପୂଜା କମିଟି ସଭାପତି ହରେକୃଷ୍ଣ ନାଏକଙ୍କ ସଭାପତିତ୍ୱରେ ମୁଖ୍ୟଅତିଥି ଭାବେ କଳାହାଣ୍ଡି ଜିଲା ଭାଜପା ଉପସଭାପତି ବଦ୍ରୀନାରାୟଣ ପଟ୍ଟନାୟକ ଯୋଗଦେଇ ଘୁମୁରା ପ୍ରତିଯୋଗୀତା ଉଦ୍‌ଘାଟନ କରିଥିଲେ ।

ନଦୀବାଲିରୁ ନିଖୋଜ ବାଳକର ମୁଣ୍ଡ ଗଣ୍ଡି ଅଲଗା ମୃତଦେହ ଉଦ୍ଧାର: ବଳି ଚର୍ଚ୍ଚା ଜୋର ଧରିଲା

ନଦୀବାଲିରୁ ନିଖୋଜ ବାଳକର ମୁଣ୍ଡ ଗଣ୍ଡି ଅଲଗା ମୃତଦେହ ଉଦ୍ଧାର: ବଳି ଚର୍ଚ୍ଚା ଜୋର ଧରିଲା

ବଲାଙ୍ଗୀର ଅଫିସ/ବଙ୍ଗୋମୁଣ୍ଡା, ୧୬ା୧୦(ଡି.ଏନ୍‌.ଏ.): ତିନିଧରି ନିଖୋଜ ଥିବା ଜଣେ ୯ ବର୍ଷର ବାଳକଙ୍କ ମୁଣ୍ଡ ଗଣ୍ଡି ଅଲଗା ଥିବା ମୃତଦେହ ଉନ୍ଦେର ନଦୀ ବାଲିରେ ଅଧା ପୋତା ଅବସ୍ଥାରେ ମଙ୍ଗଳବାର ଉଦ୍ଧାର ହୋଇଛି ।  ଟିଟିଲାଗଡ ଏସଡିପିଓଙ୍କ ଉପସ୍ଥିତିରେ ସିନ୍ଧେକେଲା ପୋଲିସ ଟିମ୍‌ ଉକ୍ତ ମୃତଦେହକୁ ଉଦ୍ଧାର କଲାପରେ ବ୍ୟବଚ୍ଛେଦ ପାଇଁ ପଠାଇଛି ।

ପାଟଖଣ୍ଡା ଯାତରା : ତେଲନଦୀ ପଠା ହେଲା ରକ୍ତ ରଞ୍ଜିତ

ପାଟଖଣ୍ଡା ଯାତରା : ତେଲନଦୀ ପଠା ହେଲା ରକ୍ତ ରଞ୍ଜିତ

ରିଷିଡ଼ା,୧୬।୧୦(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ପୌରକେଲାଠାରେ ସୋମବାର ପ୍ରସିଦ୍ଧ ପାଟଖଣ୍ଡା ଯାତରା ଅନୁଷ୍ଠିତ ହୋଇଯାଇଛି । ଏଥିରେ ୭ଟି ବୋଦା ଓ ଗରରା ବଳି ଦିଆଯାଇଛି ।

ମୋଟର ପମ୍ପ ଚୋରି ଅଭିଯୋଗ: ୩ ଯୁବକ ଗିରଫ

ମୋଟର ପମ୍ପ ଚୋରି ଅଭିଯୋଗ: ୩ ଯୁବକ ଗିରଫ

ବିଜେପୁର,୧୬।୧୦(ଡି.ଏନ.ଏ.): ବରଗଡ ଜିଲା ବିଜେପୁର ପୋଲିସ ମୋଟର ପମ୍ପ ଚୋରି ଅଭିଯୋଗରେ ୩ଜଣ ଯୁବକଙ୍କୁ ଗିରଫ କରି ମଙ୍ଗଳବାର ସୋହେଲା କୋର୍ଟଙ୍କୁ ଚାଲାଣ କରିଛି । 

ଗଛମୂଳରୁ ମୃତଦେହ ଉଦ୍ଧାର

ଗଛମୂଳରୁ ମୃତଦେହ ଉଦ୍ଧାର

ବରଗଡ଼ ଅଫିସ୍‌,୧୬।୧୦: ବରଗଡ଼ ସଦର ଥାନା ଅନ୍ତର୍ଗତ ଗୋବିନ୍ଦପୁରର ଏକ ରାଇସ ମିଲ ନିକଟ ଗଛମୂଳରୁ ମଙ୍ଗଳବାର ପୋଲିସ ଏକ ଗଳିତ ଶବ ଉଦ୍ଧାର କରିଛି । ମୃତଦେହଟି ପଚିଯାଇ ଥିବାବେଳେ ଏପର୍ଯ୍ୟନ୍ତ ପରିଚୟ ମିଳି ପାରି ନାହିଁ । 

ଗଳିତ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଗଳିତ ମୃତଦେହ ଉଦ୍ଧାର, ହତ୍ୟା ସନ୍ଦେହ

ବରଗଡ଼ ଅଫିସ୍‌,୧୬।୧୦: ବରଗଡ଼ ସଦର ଥାନା ଅନ୍ତର୍ଗତ ଏସ.ଡୁମ୍ବେରପାଲି ନିକଟ ଏକ ବିଲରୁ ମଙ୍ଗଳବାର ସକାଳୁ ଜଣେ ଲୋକଙ୍କ କ୍ଷତାକ୍ତ ମୃତଦେହ ଉଦ୍ଧାର କରାଯାଇଛି ।

ପାଣିରେ ଭାସି ଜୀବନ ହାରିଲେ ଯୁବକ

ପାଣିରେ ଭାସି ଜୀବନ ହାରିଲେ ଯୁବକ

ବରଗଡ଼ ଅଫିସ୍‌,୧୬।୧୦: ବରଗଡ଼ ସହରର ଘରୋଇ ବସଷ୍ଟାଣ୍ଡ କଡରେ ବହି ଯାଇଥିବା କେନାଲ ପାଣିରେ ଭାସି ଯାଇ ମଙ୍ଗଳବାର ସକାଳେ ଜଣେ ଯୁବକଙ୍କ ମୃତ୍ୟୁ ଘଟିଛି ।

କାନଭାସରେ ମା’ ଦୁର୍ଗାଙ୍କ ଛବି

କାନଭାସରେ ମା’ ଦୁର୍ଗାଙ୍କ ଛବି

ସମ୍ବଲପୁର, ୧୬।୧୦ (ବ୍ୟୁରୋ): ଗୋବିନ୍ଦତୋଲା ପୂଜା ମଣ୍ଡପ ପରିସରରେ କାନଭାସରେ ମା’ ଦଶଭୁଜାଙ୍କ ଚିତ୍ର ଦେଖିବାକୁ ମିଳିଛି। 

ପୂର୍ବ ଶତ୍ରୁତାରୁ ଯୁବକଙ୍କୁ ଗୁଳିମାଡ଼

ପୂର୍ବ ଶତ୍ରୁତାରୁ ଯୁବକଙ୍କୁ ଗୁଳିମାଡ଼

ସମ୍ବଲପୁର,୧୬।୧୦(ବ୍ୟୁରୋ): ସମ୍ବଲପୁର ସହର ଅଇଁଠାପାଲି ଥାନା ଅନ୍ତର୍ଗତ ଫାଟକ ଡେଲି ମାର୍କେଟରେ ସୋମବାର ସକାଳ ସାଢ଼େ ୭ଟାରେ ଜଣେ ଯୁବକଙ୍କୁ ଗୁଳିମାଡ଼ ହୋଇଛି।

୨୦ ହଜାର ହେକ୍ଟର ଜମିରେ ମରୁଡ଼ି

୨୦ ହଜାର ହେକ୍ଟର ଜମିରେ ମରୁଡ଼ି

ଝାରସୁଗୁଡ଼ା ଅଫିସ,୧୬।୧୦: ଜିଲାରେ ମରୁଡ଼ି ସ୍ଥିତି ଗମ୍ଭୀର। ଢିପ ଜମିରେ ହୋଇଥିବା ଧାନ ଫସଲ ମରୁଡ଼ି ସମ୍ମୁଖୀନ ହୋଇଥିବା ବେଳେ ବର୍ତ୍ତମାନ ଖାଲୁଆ ଜମି ମଧ୍ୟ ମରୁଡ଼ି ଆଶଙ୍କା ଦେଖାଦେଲାଣି। 

୨୫ ଏକର ଧାନଚାଷ ନଷ୍ଟ

୨୫ ଏକର ଧାନଚାଷ ନଷ୍ଟ

ଦେଓଗାଁ,୧୬।୧୦(ଡି.ଏନ୍‌.ଏ.): ବଲାଙ୍ଗୀର ଜିଲା ଦେଓଗାଁ ବ୍ଲକ ଉପରଝର ପଞ୍ଚାୟତ ଅଧୀନ ନୂଆଁପାଲିର ଜନୈକ ଚାଷୀଙ୍କ ୨୫ ଏକର ଧାନ ତିତ୍‌ଲି ପ୍ରଭାବରେ ତଳେ ପଡି ନଷ୍ଟ ହୋଇଯାଇଥିବା ଅଭିଯୋଗ ହୋଇଛି। 

ତିତ୍‌ଲି  ପ୍ରଭାବରେ ଆଖୁଚାଷ କ୍ଷତିଗ୍ରସ୍ତ

ତିତ୍‌ଲି ପ୍ରଭାବରେ ଆଖୁଚାଷ କ୍ଷତିଗ୍ରସ୍ତ

ଗୁଡ଼ଭେଲା,୧୬।୧୦(ଡି.ଏନ୍‌.ଏ.): ତିତଲି ପ୍ରଭାବରେ ଗୁଡ଼ଭେଲା ବ୍ଳକରେ କ୍ଷୟକ୍ଷତି ହୋଇଥିବା ଅଭିଯୋଗ ହୋଇଛି।