ବାଣିଜ୍ୟ |

ରପ୍ତାନି ବୃଦ୍ଧିକୁ ପ୍ରାଥମିକତା

ରପ୍ତାନି ବୃଦ୍ଧିକୁ ପ୍ରାଥମିକତା
ନୂଆଦିଲ୍ଲୀ,୫-୧୨ ବୈଦେଶିକ ବାଣିଜ୍ୟ ନୀତି(ଏଫ୍‌ଟିଏ)ର ମଧ୍ୟବର୍ତ୍ତିକାଳୀନ ସମୀକ୍ଷା ରିପୋର୍ଟକୁ ସରକାର ମଙ୍ଗଳବାର ଉନ୍ମୋଚନ କରିଛନ୍ତି। ମଧ୍ୟବର୍ତ୍ତିକାଳୀନ ଏଫ୍‌ଟିପିକୁ ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ସୁରେଶ ପ୍ରଭୁ ଉନ୍ମୋଚନ କରିଛନ୍ତି। ଏଥିରେ ରପ୍ତାନୀକାରିଙ୍କ ଲାଗି ଇଜ୍‌ ଅଫ୍‌ ଡୁଇଙ୍ଗ୍‌ ବିଜନେସ୍‌କୁ ପ୍ରାଥମିକତା ଦିଆଯାଇଛି। ୨୦୨୦ ସୁଦ୍ଧା ଭାରତର ରପ୍ତାନି ୯୦୦ ବିଲିୟନ ଡଲାର ଟପିବା ନେଇ ଲକ୍ଷ୍ୟ ରହିଥିବାବେଳେ ଏହାକୁ ନଜରରେ ରଖି ବିଭିନ୍ନ ଯୋଜନା ପ୍ରସ୍ତୁତ ହୋଇଛି। ସେହିଭଳି ସାମଗ୍ରୀ ଓ ସେବା ଟିକସ(ଜିଏସ୍‌ଟି)ଯୋଗୁ ରପ୍ତାନିକାରୀ ସାମ୍ନା କରୁଥିବା ବିଭିନ୍ନ ଅସୁବିଧା ଉପରେ ମଧ୍ୟ ଏଥିରେ ବିଚାର କରାଯାଇଛି ବୋଲି ଜଣେ ବରିଷ୍ଠ ସରକାରୀ ଅଧିକାରୀ ସୂଚନା ଦେଇଛନ୍ତି। ୨୦୧୫ ଏପ୍ରିଲ ୧ରେ ପାଞ୍ଚବର୍ଷିଆ ଏଫ୍‌ଟିପି ଘୋଷଣା କରାଯାଇଥିଲା। ସରକାର ଆମଦାନୀ ତଥା ରପ୍ତାନୀ କୋଡ୍‌ର ସରଳୀକରଣ ଲାଗି ବିଭିନ୍ନ ପଦକ୍ଷେପ ନେବେ। ସେହିଭଳି ଜିଏସ୍‌ଟି ଯୋଗୁ ରପ୍ତାନି କ୍ଷେତ୍ରରେ ଉପୁଜିଥିବା ସମସ୍ୟାକୁ ଶୀଘ୍ର ବିଚାର କରାଯିବ। ଏହାକୁ ନେଇ ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଜିଏସ୍‌ଟିରେ ରପ୍ତାନି ବୃଦ୍ଧି ଲାଗି ବିଭିନ୍ନ ପଦକ୍ଷେପ ନିଆଯିବ। ରପ୍ତାନି ପ୍ରୋତ୍ସାହନ ଯୋଜନାକୁ ତ୍ୱରାନ୍ବିତ କରାଯିବା ସହ ନୂଆ ବଜାରକୁ ମଧ୍ୟ ଏଥିରେ ପ୍ରାଥମିକତା ଦିଆଯାଇଛି। ପ୍ରକ୍ରିୟାକୁ ସରଳୀକରଣ ଦ୍ୱାରା ରପ୍ତାନୀ ବୃଦ୍ଧିକୁ ପ୍ରୋତ୍ସାହନ କରିବା ଲାଗି ପଦକ୍ଷେପ ନିଆଯାଉଛି। ସେହିଭଳି ଯେଉଁ କ୍ଷେତ୍ରଗୁଡିକ ଅଧିକ ନିଯୁକ୍ତି ସୁଯୋଗ ସୃଷ୍ଟି କରିଛନ୍ତି ସେମାନଙ୍କୁ ପ୍ରୋତ୍ସାହିତ କରିବାକୁ ପଦକ୍ଷେପ ନିଆଯାଇଥିବା କେନ୍ଦ୍ର ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ସୁରେଶ ପ୍ରଭୁ ସୂଚନା ଦେଇଛନ୍ତି। ସେହିଭଳି ଜିଏସ୍‌ଟିରେ ସୁବିଧା ଯୋଗାଣ, ସେବା କ୍ଷେତ୍ର ରପ୍ତାନୀ ବୃଦ୍ଧି, ରପ୍ତାନୀ ପର୍‌ଫର୍‌ମାନ୍ସର ମନିଟରିଂ ଏବଂ ଷ୍ଟେଟ୍‌ ଅଫ୍‌ ଆର୍ଟ ଆନାଲିଟିକ୍ସ ଭଳି ବ୍ୟବସ୍ଥା ଉପରେ ବିଭିନ୍ନ କାର୍ଯ୍ୟକ୍ରମ ଜାରି ରହିଥିବା ସେ ପ୍ରକାଶ କରିଛନ୍ତି। ସେହିଭଳି ଉନ୍ନତ ନୀତି ଦ୍ୱାରା କୃଷକଙ୍କ ଆୟ ବୃଦ୍ଧି ଉପରେ ଧ୍ୟାନ କେନ୍ଦ୍ରିତ କରାଯାଇଥିବା ପ୍ରଭୁ କହିଛନ୍ତି। ବିଶ୍ୱ ସ୍ତର ବାଣିଜ୍ୟରେ ଭାରତର ଅଂଶ ବର୍ତ୍ତମାନ ୨% ରହିଥିବା ବେଳେ ଏହାକୁ ୩.୫%କୁ ବୃଦ୍ଧି କରାଯିବାକୁ ଲକ୍ଷ୍ୟ ରହିଛି। ନୂଆ ବଜାର ମଧ୍ୟରେ ଲାଟିନ୍‌ ଆମେରିକା ଓ ଆଫ୍ରିକା ଭଳି ଦେଶକୁ ଧ୍ୟାନରେ ରଖାଯାଇଛି। ଏମ୍‌ଏସ୍‌ଏମ୍‌ଇ, କୃଷିଜାତ ସାମଗ୍ରୀ ତଥା ଶ୍ରମ କୈନ୍ଦ୍ରିକ ଶିଳ୍ପକୁ ପ୍ରୋତ୍ସାହନ ବାବଦକୁ ୮୪୫୦ କୋଟି ଟଙ୍କାର ପ୍ରୋତ୍ସାହନ ବ୍ୟବସ୍ଥା, ବର୍ତ୍ତମାନର ରପ୍ତାନି ପ୍ରୋତ୍ସାହନ ଲାଗି ୨୫,୦୦୦ କୋଟି , ଟିକସମୁକ୍ତ ରପ୍ତାନି ଲାଗି ପ୍ରସେଜ୍ୟୁର ଆଣ୍ଡ୍‌ ପ୍ରୋସେସ୍‌ ସେଲଫ୍‌ ସାର୍ଟିଫିକେଶନ୍‌ ସ୍କିମ ସହ ଡ୍ୟୁଟି କ୍ରେଡିଟ୍‌ ସ୍କ୍ରିପ୍‌ସ ଅବଧି ୧୮ରୁ ୨୪ ମାସକୁ ବୃଦ୍ଧି ହୋଇଛି। ବାଣିଜ୍ୟ ସଂକ୍ରାନ୍ତ ସୂଚନା ଲାଗି ଡିଜିଏଫ୍‌ଟି ପୋର୍ଟାଲରେ ସ୍ବତନ୍ତ୍ର ବ୍ୟବସ୍ଥା, ରପ୍ତାନୀକାରୀଙ୍କୁ ପରାମର୍ଶ ଲାଗି ସ୍ବତନ୍ତ୍ର ବିଶେଷଜ୍ଞ ଟିମ୍‌, ଚବିଶ ଘଣ୍ଟିଆ କଷ୍ଟମ କ୍ଲିୟରାନ୍ସ, ବୀମା, ଚମଡା, ହସ୍ତଶିଳ୍ପ, କାର୍ପେଟ୍‌, ସ୍ପୋର୍ଟ ସାମଗ୍ରୀ, କୃଷିଜାତ ସାମଗ୍ରୀ, ସାମୁଦ୍ରିକ ଉତ୍ପାଦ, ଇଲେକ୍‌ଟ୍ରୋନିକ୍ସ ଯନ୍ତ୍ରାଂଶ ସହ ଜଡିତ କ୍ଷେତ୍ର ଉପରେ ପ୍ରୋତ୍ସାହନ୨%ରୁ ୪%କୁ ବୃଦ୍ଧି ହୋଇଛି। କୃଷିଜାତ ସାମଗ୍ରୀ ରପ୍ତାନୀ ଲାଗି ସିଙ୍ଗିଲ ଓ୍ବିଣ୍ଡୋ ବ୍ୟବସ୍ଥା, ରପ୍ତାନୀ ଲାଗି ବାଧ୍ୟତାମୂଳକ ଦସ୍ତାବିଜ୍‌, ମର୍ଚ୍ଚାଣ୍ଡାଇଜ୍‌ ଏକ୍ସପୋର୍ଟ ଫ୍ରମ୍‌ ଇଣ୍ଡିଆ(ଏମଇଆଇଏସ)ରେ ପ୍ରୋତ୍ସାହନ ୨ରୁ ୪%କୁ ବୃଦ୍ଧି କରାଯାଇଛି। ସେହିଭଳି ଏହି ଯୋଜନାକୁ ଦୁଇ ଉପକ୍ଷେତ୍ର ଯଥା- ବୟନ ତଥା ରେଡିମେଡ୍‌ ଗାର୍ମେଣ୍ଟକୁ ମଧ୍ୟ ବୃଦ୍ଧି କରାଯାଇଛି। ଉକ୍ତ କ୍ଷେତ୍ର ଲାଗି ପ୍ରୋତ୍ସାହନ ବ୍ୟବସ୍ଥା ୨%ରୁ ୪%କୁ ବୃଦ୍ଧି ହୋଇଛି। ଏହା ବାଦ୍‌ ଅତିରିକ୍ତ ବାର୍ଷିକ ପ୍ରୋତ୍ସାହନ ୨,୭୪୩ କୋଟି ଟଙ୍କା ବ୍ୟବସ୍ଥା କରାଯାଇଛି। ଚମଡା ଶିଳ୍ପ ଲାଗି ଅତିରିକ୍ତ ବାର୍ଷିକ ପ୍ରୋତ୍ସାହନ ବାବଦକୁ ୭୪୯ କୋଟି ଟଙ୍କା, ହାତ ତିଆରି କାର୍ପେଟ ଶିଳ୍ପ ଲାଗି ୯୨୧ କୋଟି ଟଙ୍କା ବ୍ୟବସ୍ଥା ହୋଇଛି। ସେହିଭଳି ରେଶମ, ହସ୍ତତନ୍ତ, କତା, ଝୋଟ ଶିଳ୍ପ ଲାଗି ଏହା କାର୍ଯ୍ୟକାରୀ ହେବ। କୃଷିଜାତ ସାମଗ୍ରୀ କ୍ଷେତ୍ରରେ ୧୩୫୪ କୋଟି, ସାମୁଦ୍ରିକ ଉତ୍ପାଦରେ ୭୫୯ କୋଟି, ଟେଲିକମ୍‌ ଶିଳ୍ପ ଓ ଇଲେକ୍‌ଟ୍ରୋନିକ୍ସ ଯନ୍ତ୍ରାଂଶ କ୍ଷେତ୍ରରେ ୩୬୯ କୋଟି ପ୍ରୋତ୍ସାହନ ରାଶି ବ୍ୟବସ୍ଥା ରହିଛି। ଏହା ସହିତ ସର୍ଭିସେସ୍‌ ଏକ୍ସପୋର୍ଟ ଫ୍ରମ ଇଣ୍ଡିଆ ସ୍କିମ(ଏସଇଆଇଏସ)ରେ ମେଡିକାଲ ଯନ୍ତ୍ରାଂଶ ସେବା ରପ୍ତାନୀରେ କ୍ଷୁଦ୍ର ବାଣିଜ୍ୟ ଲାଗି ପ୍ରୋତ୍ସାହନ ରାଶିକୁ ୨% ବୃଦ୍ଧି କରାଯାଇଛି। ଏହା ବାଦ୍‌ ଶିକ୍ଷାନୁଷ୍ଠାନ,ହସ୍ପିଟାଲ, ହୋଟେଲ, ରେଷ୍ଟୁରାଣ୍ଟ, ବାଣିଜ୍ୟ, ଆଇନ, ଆକାଉଣ୍ଟିଂ, ସ୍ଥାପତ୍ୟ ଭଳି କ୍ଷେତ୍ରରେ ଅତିରିକ୍ତ ବାର୍ଷିକ ପ୍ରୋତ୍ସାହନ ବାବଦକୁ ୧୧୪୦ କୋଟି ବ୍ୟବସ୍ଥା କରାଯାଇଛି। ଏହା ସେବା ବାଣିଜ୍ୟକୁ ପ୍ରୋତ୍ସାହିତ କରିବ। ସେହିଭଳି କ୍ଷୁଦ୍ର ବାଣିଜ୍ୟ ସହ ଅନ୍ୟାନ୍ୟ କ୍ଷେତ୍ର ଲାଗି ପ୍ରୋତ୍ସାହନ ବ୍ୟବସ୍ଥା ମଧ୍ୟ ରହିଛି।
All Right Reserved By

ବାଣିଜ୍ୟ |

ଖୁବ୍‌ ଶୀଘ୍ର ନିଯୁକ୍ତ ହେବେ ମୁଖ୍ୟ ଅର୍ଥନୈତିକ ଉପଦେଷ୍ଟା

ନୂଆଦିଲ୍ଲୀ, ୧୯।୧୦: କେନ୍ଦ୍ର ସରକାର ଆସନ୍ତା ୨ ମାସ  ମଧ୍ୟରେ ଦେଶର ମୁଖ୍ୟ ଅର୍ଥନୈତିକ ଉପଦେଷ୍ଟା ନିଯୁକ୍ତି କରିବେ। ଅର୍ଥ ମନ୍ତ୍ରଣାଳୟ ଦ୍ୱାରା ଗଠିତ ଚୟନ କମିଟି ଖୁବ୍‌ ଶୀଘ୍ର ଉପଯୁକ୍ତ ପ୍ରାର୍ଥୀଙ୍କର  ଏକ ଚୂଡ଼ାନ୍ତ ତାଲିକା  ପ୍ରସ୍ତତ କରିବେ।

ଏୟାର ଇଣ୍ଡିଆକୁ ୧ ହଜାର କୋଟି ସହାୟତା

ଏୟାର ଇଣ୍ଡିଆକୁ ୧ ହଜାର କୋଟି ସହାୟତା

ନୂଆଦିଲ୍ଲୀ,୧୮।୧୦: ଆର୍ଥିକ ସଙ୍କଟ ସାମ୍ନା କରୁଥିବା ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର ଇଣ୍ଡିଆକୁ କେନ୍ଦ୍ର ସରକାର ୧ ହଜାର କୋଟି ଟଙ୍କାର ସହାୟତା ପ୍ରଦାନ କରିଛନ୍ତି। ଜାତୀୟ ସ୍ବଳ୍ପ ସଞ୍ଚୟ ପାଣ୍ଠିରୁ ଏହି ଅର୍ଥ ଦିଆଯାଇଛି। ଅପରପକ୍ଷେ ଏହି ବିମାନ କମ୍ପାନୀ ସୋଭରନ୍‌ ଗ୍ୟାରେଣ୍ଟି ବଦଳରେ ଆସନ୍ତା ସପ୍ତାହରେ ଆହୁରୀ ୫ଶହ କୋଟି ଟଙ୍କା ବଜାରରୁ ଉଠାଇବାକୁ ଯାଉଛି। 

୬୦ହଜାର ଭାରତୀୟଙ୍କୁ ମିଳିଛି ଗ୍ରୀନ କାର୍ଡ

୬୦ହଜାର ଭାରତୀୟଙ୍କୁ ମିଳିଛି ଗ୍ରୀନ କାର୍ଡ

ଓ୍ବାଶିଂଟନ,୧୮।୧୦: ଆମେରିକାରେ ସ୍ଥାୟୀ ବସବାସ କରିବା ଲାଗି ପ୍ରାୟ ୬ ଲକ୍ଷ ଭାରତୀୟ ଗ୍ରୀନ କାର୍ଡ ଆବେଦନ କରିଛନ୍ତି। ସେମାନଙ୍କ ମଧ୍ୟରୁ ଗତବର୍ଷ ୬୦ହଜାର ଲୋକଙ୍କୁ ଏହି କାର୍ଡ ପ୍ରଦାନ କରାଯାଇଥିବା ସରକାରୀ ରିପୋର୍ଟରେ ପ୍ରକାଶ ପାଇଛି।

ଭୋଡାଫୋନ ସଖି ଉନ୍ମୋଚିତ

ଭୋଡାଫୋନ ସଖି ଉନ୍ମୋଚିତ

ଭୁବନେଶ୍ୱର,୧୮-୧୦: ଭୋଡାଫୋନ ଆଇଡିଆ ଲିମିଟେଡ ପକ୍ଷରୁ ମହିଳା ମାନଙ୍କ ଲାଗି ମୋବାଇଲ ଭିତ୍ତିକ ସ୍ବତନ୍ତ୍ର ସୁରକ୍ଷା ସେବା  ଭୋଡାଫୋନ ସଖି ଉନ୍ମୋଚିତ ହୋଇଛି। ଏଥିରେ ଜରୁରୀ କାଳୀନ ଆଲର୍ଟ, ଜରୁରୀ କାଳୀନ ବାଲାନ୍ସ, ପ୍ରାଇଭେଟ ନମ୍ବର ରିଚାର୍ଜ ଭଳି ସୁବିଧା ରହିଛି।

୩୨ ନୂଆ ରେଫ୍ରିଜରେଟର ଆଣିଲା ଗୋଦରେଜ୍‌

୩୨ ନୂଆ ରେଫ୍ରିଜରେଟର ଆଣିଲା ଗୋଦରେଜ୍‌

ଭୁବନେଶ୍ୱର,୧୮-୧୦: ପାର୍ବଣକୁ ଧ୍ୟାନରେ ରଖି ଗୋଦରେଜ୍‌ ଆପ୍ଲାଏନ୍ସ ପକ୍ଷରୁ ୩୨ ନୂଆ ରେଫ୍ରିଜରେଟର ବଜାରକୁ ଆସିଛି। ପ୍ରିମିୟମ ଏନ୍‌ଏକ୍ସଡବ୍ଲ୍ୟୁ ସବ୍‌ବ୍ରାଣ୍ଡ ଅଧିନରେ ନୂଆ ଏନ୍‌ଏକ୍ସଡବ୍ଲ୍ୟୁ ଗ୍ଲାସ ଡୋର ରେଫ୍ରିଜରେଟର ବଜାରକୁ ଆସିଛି।

ଦିବ୍ୟାଙ୍ଗଙ୍କ ଲାଗି ସହାୟତାର ହାତ ବଢାଇଲା ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ

ଦିବ୍ୟାଙ୍ଗଙ୍କ ଲାଗି ସହାୟତାର ହାତ ବଢାଇଲା ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ

ଭୁବନେଶ୍ୱର,୧୮-୧୦: ଏସ୍‌ବିଆଇ ଲାଇଫ୍‌ ଇନସ୍ୟୁରାନ୍ସ ପକ୍ଷରୁ ଇନଷ୍ଟିଚ୍ୟୁଟ୍‌ ଅଫ୍‌ ହେଲଥ ସାଇନ୍ସକୁ ଏକ ଭ୍ରାମ୍ୟମାଣ ମେଡିକାଲ ୟୁନିଟ ଦାନ କରାଯାଇଛି। ଭିନ୍ନକ୍ଷମଙ୍କ ଚିହ୍ନଟ କରିବା ତଥା ଚିକିତ୍ସା କରିବା ଦିଗରେ ଏହା ବିଶେଷ ଭାବେ ସହାୟକ ହେବ। 

ୟୁନିୟନ ବ୍ୟାଙ୍କ ପକ୍ଷରୁ ହିନ୍ଦୀ ମାସ

ୟୁନିୟନ ବ୍ୟାଙ୍କ ପକ୍ଷରୁ ହିନ୍ଦୀ ମାସ

ଭୁବନେଶ୍ୱର,୧୮-୧୦: ୟୁନିୟନ ବ୍ୟାଙ୍କ ଅଫ୍‌ ଇଣ୍ଡିଆ କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ ହିନ୍ଦୀ ମାସ ଉଦଯାପନ ହୋଇଯାଇଛି। ଏହି ଅବସରରେ ରାଜଭାଷା ଉତ୍ସବ-୨୦୧୮ର ପୁରସ୍କାର ବିତରଣ ଏବଂ ସାଂସ୍କୃତିକ କାର୍ଯ୍ୟକ୍ରମ ଭୁବନେଶ୍ୱରର   ଅଡିଟୋରିୟମଠାରେ ଅନୁଷ୍ଠିତ ହୋଇଯାଇଛି।

ସୋନିର ନୂଆ ହେଡ୍‌ ଫୋନ୍‌

ସୋନିର ନୂଆ ହେଡ୍‌ ଫୋନ୍‌

ଭୁବନେଶ୍ୱର,୧୮-୧୦: ସୋନି ପକ୍ଷରୁ ପରବର୍ତ୍ତୀ ପୀଢିର ନଏଜ କ୍ୟାନସେଲେଶନ ଡବ୍ଲ୍ୟୁଏଚ୍‌-୧୦୦୦ ଏକ୍ସଏମ୍‌୩ ହେଡଫୋନର ବଜାର ପ୍ରବେଶ ହୋଇଛି।

ଟର୍ମସର ନୂଆ ଉତ୍ପାଦ ବଜାରରେ

ଟର୍ମସର ନୂଆ ଉତ୍ପାଦ ବଜାରରେ

କଟକ,୧୮-୧୦: ପ୍ରମୁଖ ଇଣ୍ଟେଲିଜେଣ୍ଟ ଆପାରେଲ୍‌ ବ୍ରାଣ୍ଡ ଟର୍ମସର ନୂଆ ଉତ୍ପାଦ କଟକରେ ସିଡିଏ-୯ ସ୍ଥିତ ମିରର୍‌ ମଲ୍ଟି ବ୍ରାଣ୍ଡ ଷ୍ଟୋରରେ ବଜାର ପ୍ରବେଶ ହୋଇଛି। ନୂଆ ପ୍ରଡକ୍ଟକୁ କମ୍ପାନୀର ବାଣିଜ୍ୟ ମୁଖ୍ୟ ଅମିତ ମଲହୋତ୍ରା, ନିର୍ଦ୍ଦେଶକ ରୋହିତ ଗୁପ୍ତା ଉପସ୍ଥିତ ରହି ବଜାର ପ୍ରବେଶ କରାଇଥିଲେ। 

ଏସ୍‌ବିଆଇ ୟୋନୋର ସପିଂ ଫେଷ୍ଟିଭାଲ୍‌

ଏସ୍‌ବିଆଇ ୟୋନୋର ସପିଂ ଫେଷ୍ଟିଭାଲ୍‌

ନୂଆଦିଲ୍ଲୀ,୧୮-୧୦: ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ (ଏସ୍‌ବିଆଇ) ୟୋନୋ ପକ୍ଷରୁ ସପିଙ୍ଗ ଫେଷ୍ଟିଭାଲ ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏହା ଚଳିତ ମାସ ୨୧ ତାରିଖ ଯାଏ ଚାଲିବ। ଏହାକୁ କାର୍ଯ୍ୟକାରି କରାଇବା ସହ ବ୍ୟାଙ୍କ ପ୍ରାୟ ୮୫ରୁ ଅଧିକ ଇ-ବ୍ୟବସାୟିକ ସଂସ୍ଥା ସହ ଜଡିତ ହୋଇଛି। 

ସିଣ୍ଡିକେଟ୍‌ ବ୍ୟାଙ୍କ ପକ୍ଷରୁ ସ୍ବଚ୍ଛ ଭାରତ ଅଭିଯାନ

ସିଣ୍ଡିକେଟ୍‌ ବ୍ୟାଙ୍କ ପକ୍ଷରୁ ସ୍ବଚ୍ଛ ଭାରତ ଅଭିଯାନ

ଭୁବନେଶ୍ୱର,୧୮-୧୦: ସିଣ୍ଡିକେଟ୍‌ ବ୍ୟାଙ୍କର ୯୩ତମ ପ୍ରତିଷ୍ଠା ଦିବସ ଅବସରରେ ଭୁବନେଶ୍ୱର କ୍ଷେତ୍ରୀୟ କାର୍ଯ୍ୟାଳୟ ପକ୍ଷରୁ ସ୍ବଚ୍ଛ ଭାରତ ଅଭିଯାନ ଅନୁଷ୍ଠିତ ହୋଇଯାଇଛି। 

ଏମ୍‌ଆଇ ଆଣିଲା ନୂଆ ସ୍ମାର୍ଟ ଟିଭି

ଏମ୍‌ଆଇ ଆଣିଲା ନୂଆ ସ୍ମାର୍ଟ ଟିଭି

ଭୁବନେଶ୍ୱର,୧୮-୧୦: ପ୍ରମୁଖ କମ୍ପାନୀ ଏମ୍‌ଆଇ ପକ୍ଷରୁ ନୂଆ ସ୍ମାର୍ଟ ଟିଭି ଓଡିଶା ବଜାରରେ ପ୍ରବେଶ କରିଛି। କମ୍ପାନୀର ରାଜ୍ୟ ମୁଖ୍ୟ ଅମିତ କୁମାର ପଣ୍ଡା, ବିତରକ ଜୟ ସଦାନି ପଟିଆ ସ୍ଥିତ ଗୁପ୍ତା ଡିଷ୍ଟ୍ରିବ୍ୟୁଟର ଶୋ’ରୁମରେ ଏହି ପ୍ରଡକ୍ଟଗୁଡିକୁ ଉନ୍ମୋଚନ କରିଥିଲେ।