Dharitri News
ବାଣିଜ୍ୟ |

ସାମ୍‌ସଙ୍ଗ୍‌ର ନୂଆ ଏୟାର ପ୍ୟୁରିଫାୟର୍‌

ସାମ୍‌ସଙ୍ଗ୍‌ର ନୂଆ ଏୟାର ପ୍ୟୁରିଫାୟର୍‌ ଭୁବନେଶ୍ୱର,୫-୧୨ ଦେଶର ବିଶ୍ୱାସଯୋଗ୍ୟ କଞ୍ଜ୍ୟୁମର ଇଲେକ୍‌ଟ୍ରୋନିକ୍ସ ବ୍ରାଣ୍ଡ୍‌ ସାମସଙ୍ଗ ଇଣ୍ଡିଆ ପକ୍ଷରୁ ପ୍ରିମିୟମ୍‌ ଏୟାର ପ୍ୟୁରିଫାୟର୍‌ର ଉନ୍ମୋଚନ କରାଯାଇଛି। ସାମସଙ୍ଗର ଏହି ଏୟାର ପ୍ୟୁରିଫାୟର ଏଏକ୍ସ୭୦୦୦, ଏହାର ଅତ୍ୟାଧୁନିକ ପିଏମ୍‌ ୨.୫ ଫିଲ୍‌ଟର୍‌ ଜରିଆରେ ଶୀଘ୍ର ବିଶୁଦ୍ଧୀକରଣ ପ୍ରଦାନ କରୁଛି। ପିଏମ୍‌ ୨.୫ ଫିଲ୍‌ଟର ହେଉଛି ଏକ ମେକାନିକାଲ୍‌ ଏୟାର ଫିଲ୍‌ଟର୍‌ ଯାହା ପବନକୁ ଏକ ଫାଇନ୍‌ ମେସ୍‌ ଦେଇ ଗତି କରିବାକୁ ବାଧ୍ୟ କରିଥାଏ ଏବଂ ପବନରେ ଥିବା ହାନିକାରକ ଉପାଦାନଗୁଡିକୁ ଧରିନିଏ। ହାୟର କ୍ଲିନ୍‌ ଏୟାର୍‌ ଡେଲିଭରୀ ରେଟ୍‌ (ସିଏଡିଆର୍‌) ସହିତ ନୂଆ ଫ୍ଲାଗ୍‌ଶିପ୍‌ ଏଏକ୍ସ୭୦୦୦ ଶୀଘ୍ର ବିଶୁଦ୍ଧୀକରଣ ପ୍ରଦାନ କରୁଛି ଏବଂ ତିନି ପାଖିଆ ବାୟୁ ପ୍ରବାହ ସହିତ ବୃହତ୍‌ ଅଞ୍ଚଳକୁ ପବନ ଯୋଗାଉଛି। ଡିଜିଟାଲ୍‌ ଇନଭର୍ଟର ମୋଟର ଗ୍ରାହକଙ୍କୁ ଦୀର୍ଘସ୍ଥାୟିତ୍ୱ ଏବଂ ଦୀର୍ଘମିଆଦୀ ଶକ୍ତି ମିତବ୍ୟୟିତା ପ୍ରଦାନ କରୁଛି। ଚାରି ସ୍ତରର ବାୟୁ ବିଶୁଦ୍ଧୀକରଣ ଡବଲ୍‌ ସୁରକ୍ଷା ପ୍ରଦାନ କରୁଛି ଏବଂ ପରିଣାମ ସ୍ବରୂପ ସତେଜ ଓ ପ୍ରଦୂଷଣମୁକ୍ତ ବାୟୁ ମିଳୁଛି। ‘ସାମସଙ୍ଗରେ ଆମେ ଗ୍ରାହକଙ୍କୁ ଶୁଣୁଛୁ ଏବଂ ସେମାନଙ୍କ ଜୀବନକୁ ଉନ୍ନତ କରିବା ପାଇଁ ଅର୍ଥପୂର୍ଣ୍ଣ ନୂତନତ୍ୱ ପ୍ରଦାନ କରୁଛୁ। କଟିଂ ଏଜ୍‌ ପ୍ରଯୁକ୍ତି ଏବଂ ଉତ୍କୃଷ୍ଟ ଡିଜାଇନ୍‌ ସହିତ ସାମସଙ୍ଗର ଏୟାର ପ୍ୟୁରିଫାୟର ରେଞ୍ଜ୍‌ ଗ୍ରାହକମାନଙ୍କୁ ଆନ୍ତଃ ପ୍ରଦୂଷଣରୁ ସୁରକ୍ଷା ପ୍ରଦାନ କରୁଛି ବୋଲି ସାମ୍‌ସଙ୍ଗ ଇଣ୍ଡିଆର କଞ୍ଜ୍ୟୁମର ଇଲେକ୍ଟ୍ରୋନିକ୍ସ ବ୍ୟବସାୟ ଉପସଭାପତି ରାଜୀବ ଭୁଟାନି ପ୍ରକାଶ କରିଛନ୍ତି। ଏଏକ୍ସ୭୦୦୦ ଏତେ ପତଳା ଯେ ଏହାକୁ ଯେକୌଣସି ସ୍ଥାନରେ ଖଞ୍ଜିହେବ। ଏହାର ସାମ୍ନାରେ ରହିଛି ଏକ ଏୟାର ଇଣ୍ଟେଲ୍‌। ତେଣୁ ଏହାକୁ କାନ୍ଥରୁ ଟାଣିବାକୁ କିମ୍ବା ହଟାଇବାକୁ ପଡ଼ିବ ନାହିଁ। ଏଏକ୍ସ୭୦୦୦ ଉନ୍ମୋଚନ ସହିତ ସାମ୍‌ସଙ୍ଗର ଏୟାର ପ୍ୟୁରିଫାୟର ପୋର୍ଟଫୋଲିଓ ଏବେ ଦୁଇଟି ଅଭିନବ ଉପତ୍ାଦ ପ୍ରଦାନ କରୁଛି। ତାହା ହେଉଛି ଏଏକ୍ସ୭୦୦୦ ଏବଂ ଏଏକ୍ସ୩୦୦୦। ଉଭୟ ଉପତ୍ାଦ ଅଗ୍ରଣୀ ଅନଲାଇନ୍‌ ଏବଂ ଅଫ୍‌ଲାଇନ୍‌ ଷ୍ଟୋର୍‌ରେ ଉପଲବ୍ଧ । ଏଏକ୍ସ୭୦୦୦ ଏବଂ ଏଏକ୍ସ୩୦୦୦ର ମୂଲ୍ୟ ଯଥାକ୍ରମେ ୪୧,୯୯୦ ଟଙ୍କା ଏବଂ ୧୫.୪୯୦ ଟଙ୍କା ରହିଛି।

ବାଣିଜ୍ୟ |

୯.୫ ଲକ୍ଷ କୋଟିକୁ ବୃଦ୍ଧି ପାଇବ ମୋଟ ଏନ୍‌ପିଏ

୯.୫ ଲକ୍ଷ କୋଟିକୁ ବୃଦ୍ଧି ପାଇବ ମୋଟ ଏନ୍‌ପିଏ

ନୂଆଦିଲ୍ଲୀ,୨୨-୧(ପିଟି) ଚଳିତ ଆର୍ଥିକ ବର୍ଷ ଶେଷ ସୁଦ୍ଧା ଦେଶର ମୋଟ ଅନାଦାୟ ଋଣ ପରିମାଣ(ଜିଏନ୍‌ପିଏସ୍‌) ୯.୫ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇବ। ୨୦୧୬-୧୭ ଆର୍ଥିକ ବର୍ଷ ଶେଷ ବେଳକୁ ଏହା ୮ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଥିବା ବେଳେ ୨୦୧୭-୧୮ ଆର୍ଥିକ ବର୍ଷ ଶେଷକୁ ଏହା ୯.୫ ଲକ୍ଷ କୋଟିକୁ ବୃଦ୍ଧି ପାଇବ ବୋଲି ଆସୋଚାମ-କ୍ରିସିଲ୍‌ ପକ୍ଷରୁ ପ୍ରସ୍ତୁତ ଏକ ରିପୋର୍ଟରେ ପ୍ରକାଶ ପାଇଛି।

ସବୁ ଟ୍ରେନ୍‌, ଷ୍ଟେଶନ ହେବ ଓ୍ବାଇଫାଇ

ସବୁ ଟ୍ରେନ୍‌, ଷ୍ଟେଶନ ହେବ ଓ୍ବାଇଫାଇ

ନୂଆଦିଲ୍ଲୀ,୨୨-୧-ଭାରତୀୟ ରେଳ ପକ୍ଷରୁ ଚାଲୁଥିବା ସମସ୍ତ ୧୧ ହଜାର ଟ୍ରେନ୍‌ ଏବଂ ୮୫୦୦ ରେଳ ଷ୍ଟେଶନରେ ଓ୍ବାଇଫାଇ ସୁବିଧା କରାଯିବ। ୨୦୧୮-୧୯ ସାଧାରଣ ବଜେଟ୍‌ରେ ଏଥି ପାଇଁ ୩,୦୦୦ କୋଟି ଟଙ୍କା ବ୍ୟୟ ବରାଦ ହେବ। ଯାତ୍ରୀଙ୍କ ସୁରକ୍ଷା ଓ ସହଜ ରେଳ ଯାତ୍ରା ପାଇଁ ଏହି ବ୍ୟବସ୍ଥା କରାଯିବ ବୋଲି ରେଳ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି।

କାନାରା ବ୍ୟାଙ୍କ ଅଫିସର୍ସ ସଂଘ ବୈଠକ

କାନାରା ବ୍ୟାଙ୍କ ଅଫିସର୍ସ ସଂଘ ବୈଠକ

ଭୁବନେଶ୍ୱର,୨୨-୧ କାନାରା ବ୍ୟାଙ୍କ ଅଫିସର୍ସ ଆସୋସିଏଶନ୍‌ ଓଡିଶା ୟୁନିଟ୍‌ର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି। ସଂଘର ସର୍ବଭାରତୀୟ ସାଧାରଣ ସମ୍ପାଦକ ଭି. ମଣିରମନ୍‌ଙ୍କ ଏଥିରେ ଅଧ୍ୟକ୍ଷତା କରି ଉପସ୍ଥିତ ସଦସ୍ୟଙ୍କୁ ସରକାରଙ୍କ ବ୍ୟାଙ୍କ ମିଶ୍ରଣ ଏବଂ ଅଧିଗ୍ରହଣ ଯୋଜନା ବିପକ୍ଷରେ ସଂଘର ବିରୋଧ ଜାରି ରଖିବାକୁ ଆହ୍ବାନ ଦେଇଥିଲେ। ମୁଖ୍ୟ ଅତିଥି ଭାବେ ଯୋଗଦେଇ ବ୍ୟାଙ୍କର ଭୁବନେଶ୍ୱର ମଣ୍ଡଳ କାର୍ଯ୍ୟାଳୟର ଉପ ମହାପ୍ରବନ୍ଧକ ଶ୍ରୀକାନ୍ତ ମହାପାତ୍ର ଦେଶର ଉନ୍ନତିରେ ସଂଘର ଅବଦାନ ଉପରେ ଆଲୋଚନା କରିଥିଲେ। ଓଡିଶା ୟୁନିଟର ସାଧାରଣ ସଂପାଦକ ପି.କେ. ମହାନ୍ତି ବାର୍ଷିକ ବିବରଣୀ ପାଠ କରିଥିଲେ।

ବଢ଼ୁଛି ଆୟ ତାରତମ୍ୟ ହାର

ବଢ଼ୁଛି ଆୟ ତାରତମ୍ୟ ହାର

ଡାଭୋସ୍‌,୨୨-୧(ପି.ଟି.) ଦେଶର ସାମଗ୍ରିକ ଉନ୍ନତି ପାଇଁ କେନ୍ଦ୍ର ସରକାର ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରୁଥିବା ବିଭିନ୍ନ ସମୟରେ କହି ଆସୁଛନ୍ତି। ପ୍ରତ୍ୟେକ ନାଗରିକଙ୍କ ଆର୍ଥିକ ବିକାଶ ଘଟୁଛି ଏବଂ ଧନୀ, ଦରିଦ୍ର ସମସ୍ତେ ଅଭିବୃଦ୍ଧିର ସ୍ରୋତରେ ଆଗକୁ ବଢ଼ୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାରମ୍ବାର କହୁଛନ୍ତି। କିନ୍ତୁ ଦୁଇଟି ରିପୋର୍ଟକୁ ଦୃଷ୍ଟି ଦେଲେ ଭାରତକୁ ନେଇ ସେ ପ୍ରଦାନ କରିଥିବା ଗୋଲାପୀ ଚିତ୍ର ଉପରେ ସନ୍ଦେହ ସୃଷ୍ଟି ହୋଇଛି।

ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ହେବ ଭାରତ

ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ହେବ ଭାରତ

ନୂଆଦିଲ୍ଲୀ,୨୧-୧ ୨୦୧୮ରେ ଭାରତ ଚାଇନାକୁ ଟପି ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ହେବ। ଘରୋଇ ବଜାରର ପୁଞ୍ଜି ବଜାର ବିଶ୍ୱର ପଞ୍ଚମ ବୃହତ୍ତ ବଜାର ହେବ ବୋଲି ସାଙ୍କଟମ୍‌ ଓ୍ବେଲଥ୍‌ ମ୍ୟାନେଜମେଣ୍ଟ ରିପୋର୍ଟରେ ଏହା ପ୍ରକାଶ ପାଇଛି। ସେହିଭଳି ବିଶ୍ୱର ଅନ୍ୟାନ୍ୟ ପ୍ରମୁଖ ଅର୍ଥନୀତିଗୁଡିକରେ ଅଭିବୃଦ୍ଧି ଧାରା ଏତେଟା ଉନ୍ନତ ହେବ ନାହିଁ। ମାତ୍ର ଭାରତ ଏକ ସଂସ୍କାରମୂଳକ ଅର୍ଥନୀତି ହେବା ସହ ଅଭିବୃଦ୍ଧି ଧାରା ବଜାୟ ରହିବ ବୋଲି ସାଙ୍କଟମ୍‌ ଏହାର ରିପୋର୍ଟରେ ପ୍ରକାଶ କରିଛି।

ଏନ୍‌ପିଏ ସମ୍ପତ୍ତି ବିକ୍ରି ଲାଗି ଅନ୍‌ଲାଇନ ବ୍ୟବସ୍ଥା ଆସୁ: ଆଚାର୍ଯ୍ୟ

ଏନ୍‌ପିଏ ସମ୍ପତ୍ତି ବିକ୍ରି ଲାଗି ଅନ୍‌ଲାଇନ ବ୍ୟବସ୍ଥା ଆସୁ: ଆଚାର୍ଯ୍ୟ

ନୂଆଦିଲ୍ଲୀ,୨୧-୧ ଘରୋଇ ବଜାରରେ ଏନ୍‌ପିଏ ଯୋଗୁ ବର୍ତ୍ତମାନ ବ୍ୟାଙ୍କଗୁଡିକ ବିଭିନ୍ନ ଅସୁବିଧା ଦେଇ ଗତିକରୁଛନ୍ତି। ଏନ୍‌ପିଏ ସମ୍ପତ୍ତିଗୁଡିକର ବିକ୍ରି ଲାଗି ଘରୋଇ ବଜାରରେ ଆମେରିକା ଭଳି ଅନ୍‌ଲାଇନ ଟ୍ରେଡିଂ ପ୍ଲାଟଫର୍ମ ଆସିବା ଉଚିତ୍‌। ଏହା ଆସିଲେ ଏନ୍‌ପିଏ ସମ୍ପତ୍ତି ବିକ୍ରି ପ୍ରକ୍ରିୟା ସହଜ ହେବା ସହ ଉନ୍ନତ ମୂଲ୍ୟ ଦ୍ୱାରା ପୁଞ୍ଜି ସଂଗ୍ରହ ହୋଇପାରିବ ବୋଲି ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ)ର ଡେପୁଟି ଗଭର୍ନର ଭିରାଲ ଆଚାର୍ଯ୍ୟ ଗୁରୁତ୍ୱାରୋପ କରିଛନ୍ତି।

ହ୍ରାସ ହୋଇପାରେ ଟିକସ ସ୍ଲାବ

ହ୍ରାସ ହୋଇପାରେ ଟିକସ ସ୍ଲାବ

ନୂଆଦିଲ୍ଲୀ,୨୧-୧ ଆଗାମୀ ବଜେଟରେ ସରକାର ଟିକସ ସ୍ଲାବକୁ ହ୍ରାସ କରି ପାରନ୍ତି। ଏହା ହେଲେ ଲୋକଙ୍କ ଉପରେ ଟିକସ ବୋଝ ସାମାନ୍ୟ ହ୍ରାସ ହେବ ବୋଲି ଟିକସ କନସଲଣ୍ଟାଣ୍ଟ ଇଓ୍ବାଇ ପକ୍ଷରୁ ହୋଇଥିବା ଏକ ପ୍ରାକ୍‌ ବଜେଟ ସର୍ଭେରେ ଏହା ପ୍ରକାଶ ପାଇଛି।

ମାରୁତି ଆଣିବ ୪ ନୂଆ ମଡେଲ

ମାରୁତି ଆଣିବ ୪ ନୂଆ ମଡେଲ

ନୂଆଦିଲ୍ଲୀ,୨୧-୧ ପ୍ରମୁଖ ୪ ଚକିଆ ଯାନ ନିର୍ମାଣକାରୀ କମ୍ପାନୀ ମାରୁତି ସୁଜୁକି ଇଣ୍ଡିଆ ଆଗାମୀ ୧୨-୧୮ ମାସ ମଧ୍ୟରେ ୪ ନୂଆ ମଡେଲ ଆଣିବ। ଆଗାମୀ ଦିନରେ ଘରୋଇ ବଜାରରେ ଦୁଇ ଅଙ୍କ ବିଶିଷ୍ଟ ଅଭିବୃଦ୍ଧି ଧାରାକୁ ବଜାୟ ରଖିବାକୁ ଏହି ଭଳି ପଦକ୍ଷେପ ନିଆଯାଉଥିବା କମ୍ପାନୀ ପ୍ରକାଶ କରିଛି।

ତ୍ୱରିତ ହେବ କମ୍ପାନୀ ପଞ୍ଜୀକରଣ ଧାରା

ତ୍ୱରିତ ହେବ କମ୍ପାନୀ ପଞ୍ଜୀକରଣ ଧାରା

ନୂଆଦିଲ୍ଲୀ,୨୧-୧ କମ୍ପାନୀ ପଞ୍ଜୀକରଣ ଧାରାକୁ ତ୍ୱରାନ୍ବିତ କରିବାକୁ ସରକାର ଯୋଜନା କରୁଛନ୍ତି। ନୂତନ କମ୍ପାନୀଙ୍କ ପଞ୍ଜିକରଣ ଧାରାରେ କିଛିଟା ପରିବର୍ତ୍ତନ କରିବାକୁ ଯୋଜନା ରହିଛି।

୨୦୧୯ ବିତ୍ତୀୟ ନିୟଣ୍ଟ ୩.୫% ଛଇଁପାରେ

୨୦୧୯ ବିତ୍ତୀୟ ନିୟଣ୍ଟ ୩.୫% ଛଇଁପାରେ

ନୂଆଦିଲ୍ଲୀ,୨୧-୧ ୨୦୧୮-୧୯ ଆର୍ଥତ୍କ ବର୍ଷରେ ବିତ୍ତିୟ ନିୟଣ୍ଟ ମୋଟ ଘରୋଇ ଉତ୍ପାଦ(ଜିଡିପି)ର ୩.୫% ଛୁଇଁପାରେ। ମାତ୍ର ଏହା ଦେଶରେ ମୌଳିକ ସଂରଚନା ଉପରେ କୌଣସି ପ୍ରଭାବ ପକାଇବ ନାହିଁ ବୋଲି ବିଶ୍ୱସ୍ତରୀୟ ଆର୍ଥତ୍କ ସେବା ପ୍ରଦାନକାରୀ ମୋର୍ଗାନ ଷ୍ଟାନଲି ଏହାର ରିପୋର୍ଟରେ ଉଲ୍ଲେଖ କରିଛି।

୮ ଖଣିଜ ବ୍ଲକର ନିଲାମ ହେବ

୮ ଖଣିଜ ବ୍ଲକର ନିଲାମ ହେବ

ନୂଆଦିଲ୍ଲୀ,୨୧-୧ ୮ ନୂଆ ଖଣିଜ ବ୍ଲକକୁ ନିଲାମ ଲାଗି ସରକାର ନିଷ୍ପତ୍ତି ନେଇଛନ୍ତି। ଏହି ବ୍ଲକଗୁଡିକରେ ପ୍ରାୟ ୧,୧୩୩ ନିୟୁତ ଟନ୍‌ ଖଣିଜ ପଦାର୍ଥ ଗଚ୍ଛିତ ହୋଇ ରହିଛି। ବ୍ଲକଗୁଡିକ ରାଜସ୍ଥାନ, ଛତିଶଗଡ, ଝାଡଖଣ୍ଡ ଭଳି ରାଜ୍ୟଗୁଡିକରେ ରହିଛି।

ଟୋଲ୍‌ ପ୍ଲାଜାରେ ଖୋଲିବ ହାଇଓ୍ବେ ନେଷ୍ଟ

ଟୋଲ୍‌ ପ୍ଲାଜାରେ ଖୋଲିବ ହାଇଓ୍ବେ ନେଷ୍ଟ

ନୂଆଦିଲ୍ଲୀ,୨୧-୧-ଟୋଲ୍‌ ପ୍ଲାଜା ଗୁଡିକରେ ଲୋକମାନଙ୍କ ସୁବିଧା ପାଇଁ ପାନୀୟ ଜଳ, ଚା’, କଫି, ପ୍ୟାକେଜ୍‌ଡ୍‌ ଫୁଡ୍‌ ମିଳିବ। ଏଥିପାଇଁ ‘ହାଇଓ୍ବେ ନେଷ୍ଟ୍‌’ ନାମରେ ଛୋଟ ଦୋକାନ ପରି ବ୍ୟବସ୍ଥା କରାଯିବ।