ମେଟ୍ରୋ |

ପୁରୀ ଜିଲାର ୭୦ପ୍ରତିଶତ ମାଟି ଅମ୍ଳଯୁକ୍ତ

ପୁରୀ ଜିଲାର ୭୦ପ୍ରତିଶତ ମାଟି ଅମ୍ଳଯୁକ୍ତ

ପୁରୀ ଅଫିସ, ୫।୧୨: ପୁରୀ ଜିଲାରେ ୧ଲକ୍ଷ ୬୧ହଜାର ହେକ୍ଟର ଚାଷ ଉପଯୋଗୀ ଜମି ରହିଛି। ସେଥିରୁ ଚଳିତ ବର୍ଷ ୧ଲକ୍ଷ ୪୨ହଜାର ହେକ୍ଟର ଜମିରେ ଧାନ ଚାଷ ଏବଂ ବାକି ଜମିରେ ଅଣଧାନ ଚାଷ ହୋଇଛି। ଜିଲାରେ ଥିବା ଚାଷ ଜମିର ୭୦ ପ୍ରତିଶତ ମୃତ୍ତିକା ଅମ୍ଳଯୁକ୍ତ ହୋଇଥିବା ବେଳେ ୨୦ଭାଗ ଖାରି ଏବଂ ୧୦ ଭାଗ ଲବଣାକ୍ତ ରହିଛି। ପେପର କଳ ମଣ୍ଡ, ଚୂନ, ଜୈବିକ ସାର, ନିମ ଓ କରଞ୍ଜ ପିଡିଆ ଆଦି ପକାଯାଇ ଅମ୍ଳଯୁକ୍ତ ମାଟିକୁ ଉର୍ବର କରାଯାଇପାରିବ। ସେହିପରି ଜିପ୍‌ସମ ପକାଯାଇ ମାଟିରେ ଥିବା ଖାରି ଅଂଶକୁ ହ୍ରାସ କରି ଉର୍ବର କରାଯାଇ ପାରିବ। ପୁରୀ ଜିଲାରେ ବର୍ତ୍ତମାନ ସୁଦ୍ଧା ୯୩୫୦ହେକ୍ଟର ଜମିର ଅମ୍ଳମାଟି ଏବଂ ୯୩୫୩ ହେକ୍ଟର ଜମିର ଖାରି ମାଟିକୁ ଉପରୋକ୍ତ ପଦ୍ଧତି ଅବଲମ୍ବନ କରି ଉର୍ବର କରାଯାଇଛି ବୋଲି ବିଶ୍ୱ ମୃତ୍ତିକା ଦିବସର ଜିଲାସ୍ତରୀୟ ଉତ୍ସବରେ କୃଷି ଉପନିର୍ଦ୍ଦେଶକ ଏସ. ଚନ୍ଦ୍ରଶେଖର ରାଓ କହିଛନ୍ତି।
କାକଟପୁର ବ୍ଲକ ସ୍ଥିତ କୃଷି ସୂଚନା ଓ ପରାମର୍ଶ କେନ୍ଦ୍ର ପରିସରରେ ବିଶ୍ୱ ମୃତ୍ତିକା ଦିବସର ଜିଲାସ୍ତରୀୟ ଉତ୍ସବ ପାଳିତ ହୋଇଯାଇଛି। ଉତ୍ସବରେ ଅଧ୍ୟକ୍ଷତା କରି କୃଷି ଉପନିର୍ଦ୍ଦେଶକ ରାଓ କହିଲେ, ୨୦୧୫ରୁ ବର୍ତ୍ତମାନ ସୁଦ୍ଧା ଜିଲାରେ ୧ ଲକ୍ଷ ୧୧ଶହ ଚାଷୀଙ୍କୁ ମୃତ୍ତିକା ସ୍ବାସ୍ଥ୍ୟ କାର୍ଡ (ସଏଲ ହେଲ୍‌ଥ କାର୍ଡ) ବଣ୍ଟନ କରାଯାଇଛି। ଏହି କାର୍ଯ୍ୟକ୍ରମରେ ଜିଲା ପରିଷଦ ଅଧ୍ୟକ୍ଷ ଜ୍ୟୋତିର୍ମୟ ଦଳେଇ, କାକଟପୁର ବ୍ଲକ ଅଧ୍ୟକ୍ଷା ମନୋରମା ସ୍ବାଇଁ, ଆତ୍ମାର ଅଧ୍ୟକ୍ଷ ପ୍ରଶାନ୍ତ ମହାନ୍ତି, ଉଦ୍ୟାନ କୃଷି ଉପନିର୍ଦ୍ଦେଶକ ନବକିଶୋର ତାଡ, ମୃତ୍ତିକା ରସାୟନବିତ୍‌ ସୁନୀତା ମିଶ୍ର, ସହକାରୀ କୃଷି ଅଧିକାରୀ ସୌଭାଗ୍ୟ ମହାନ୍ତି, ନିମାପଡା ଶସ୍ୟ ସଂରକ୍ଷଣ ଅଧିକାରୀ ନକୁଳ ମଲ୍ଲିକ ପ୍ରମୁଖ ଯୋଗ ଦେଇଥିଲେ। ଜିଲାର ବିଭିନ୍ନ ଅଞ୍ଚଳରୁ ୧୫୦ଜଣ ଚାଷୀ ଏହି କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ। ଉତ୍ସବରେ ୧୧ ଜଣ ସଫଳ ଚାଷୀଙ୍କୁ ସମ୍ବର୍ଦ୍ଧିତ କରାଯାଇଥିଲା। ନିମାପଡା ବ୍ଲକର ଚାଷୀ ଭାଗୀରଥି ବାରିକ, କାକଟପୁରର ଚରଣ କାଣ୍ଡି, ଗୋପର ପ୍ରଫୁଲ୍ଲ କୁମାର ଜେନା, ପିପିଲିର ସନ୍ତୋଷ କୁମାର ଜେନା, ଅସ୍ତରଙ୍ଗର ବାବୁରାମ ବରାଳ, ପୁରୀ ସଦରର ରଶ୍ମିରଞ୍ଜନ ପାଇକରାୟ, ବ୍ରହ୍ମଗିରିର ରଘୁନାଥ ସାହୁ, କୃଷ୍ଣପ୍ରସାଦର ଶତ୍ରୁଘ୍ନ ବିଶ୍ୱାଳ, କଣାସର ରଘୁନାଥ ବିଶ୍ୱାଳ, ସତ୍ୟବାଦୀର ପର୍ଶୁରାମ ବିଶ୍ୱାଳ ଏବଂ ଡେଲାଙ୍ଗ ବ୍ଲକର ଚାଷୀ ହରିହର ବଳବନ୍ତରାୟଙ୍କୁ ସମ୍ବର୍ଦ୍ଧିତ କରାଯାଇଥିଲା। ଶହେ ଜଣ ଚାଷୀଙ୍କୁ ମୃତ୍ତିକା ସ୍ବାସ୍ଥ୍ୟ କାର୍ଡ ବଣ୍ଟନ କରାଯାଇଥିଲା। ଶେଷରେ ଯୁଗ୍ମ ମାନ ନିରୀକ୍ଷକ ସୁରେଶ ଚନ୍ଦ୍ର ନାୟକ ଧନ୍ୟବାଦ ଅର୍ପଣ କରିଥିଲେ।

All Right Reserved By

Model This Week

ନିକିତା

ମେଟ୍ରୋ |

ରାଜନୀତିରେ ନୂଆ ପର୍ଯ୍ୟାୟ: ନିରଞ୍ଜନ ନୂଆ  ପିସିସି ସଭାପତି

ରାଜନୀତିରେ ନୂଆ ପର୍ଯ୍ୟାୟ: ନିରଞ୍ଜନ ନୂଆ ପିସିସି ସଭାପତି

ଭୁବନେଶ୍ୱର, ୧୯।୪(ବ୍ୟୁରୋ)- ଅଖିଳ ଭାରତୀୟ କଂଗ୍ରେସ କମିଟି (ଏଆଇସିସି) ଗୁରୁବାର ଓଡ଼ିଶା ପ୍ରଦେଶ କଂଗ୍ରେସ କମିଟି (ପିସିସି)ରେ ପରିବର୍ତ୍ତନ ଆଣିଛି। ପ୍ରସାଦ ହରିଚନ୍ଦନଙ୍କ ସ୍ଥାନରେ ବରିଷ୍ଠ ନେତା ନିରଞ୍ଜନ ପଟ୍ଟନାୟକଙ୍କୁ ରାଜ୍ୟ କଂଗ୍ରେସର ସଭାପତି କରି ହାଇକମାଣ୍ଡ ତଥା କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ତାଙ୍କ ଉପରେ ଆସ୍ଥା ପ୍ରକଟ କରିଛନ୍ତି। ଓଡ଼ିଶାରେ ପିସିସି ମୁଖ୍ୟ ପରିବର୍ତ୍ତନ ରାଜ୍ୟ ରାଜନୀତିରେ ନୂଆ ସମୀକରଣ ସୃଷ୍ଟି କରିବ ବୋଲି କୁହାଯାଉଛି।

ଏମ୍‌ସ ଭୁବନେଶ୍ୱରକୁ ମିଳିଲା କାୟାକଳ୍ପ ପୁରସ୍କାର: ବି-କାଟେଗୋରି ହସ୍ପିଟାଲ ମଧ୍ୟରେ ଦ୍ୱିତୀୟ

ଏମ୍‌ସ ଭୁବନେଶ୍ୱରକୁ ମିଳିଲା କାୟାକଳ୍ପ ପୁରସ୍କାର: ବି-କାଟେଗୋରି ହସ୍ପିଟାଲ ମଧ୍ୟରେ ଦ୍ୱିତୀୟ

ପାତ୍ରପଡ଼ା,୧୯ା୪(ଡି.ଏନ୍‌.ଏ.): ସ୍ବଚ୍ଛତା କ୍ଷେତ୍ରରେ ଦେଶର ବି-କାଟେଗୋରି ହସ୍ପିଟାଲ ମଧ୍ୟରେ ଦ୍ୱିତୀୟ ସ୍ଥାନ ହାସଲ କରିଥିବା ଭୁବନେଶ୍ୱର ଏମ୍‌ସକୁ ମିଳିଛି କାୟାକଳ୍ପ ପୁରସ୍କାର। ଗୁରୁବାର ନୂଆଦିଲ୍ଲୀଠାରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଜେପି ନଡ୍ଡା ଭୁବନେଶ୍ୱର ଏମ୍‌ସ ନିର୍ଦ୍ଦେଶିକା ଗୀତାଞ୍ଜଳି ବାତ୍ମାବାନୋଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି। ପୁରସ୍କାର ବାବଦକୁ ଏମ୍‌ସକୁ ମିଳିଛି ୧ କୋଟି ଟଙ୍କା।

ଶ୍ରୀମନ୍ଦିର ସ୍ଥିତି ସ୍ବାଭାବିକ: ଶୁକ୍ରବାରଠାରୁ ମିଳିବ ମହାପ୍ରସାଦ

ଶ୍ରୀମନ୍ଦିର ସ୍ଥିତି ସ୍ବାଭାବିକ: ଶୁକ୍ରବାରଠାରୁ ମିଳିବ ମହାପ୍ରସାଦ

ପୁରୀ ଅଫିସ,୧୯।୪: ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିକାନ୍ତିରେ ସୃଷ୍ଟି ହୋଇଥିବା ବିଭ୍ରାଟ ଟଳିଯାଇଛି। ଗୁରୁବାର ସ୍ଥିତି ସମ୍ପୂର୍ଣ୍ଣ ସ୍ବାଭାବିକ ଅବସ୍ଥାକୁ ଫେରିଛି। ସାମାନ୍ୟ ବିଳମ୍ବ ହେଉପଛେ ଠାକୁରଙ୍କ ନୀତିକାନ୍ତି ଠିକ୍‌ଠାକ ଚାଲିଛି। ସେହିପରି ୪ ଦିନ ହେଲା ମହାପ୍ରସାଦ ପ୍ରସ୍ତୁତ କରୁ ନ ଥିବା ସୁଆର ମହାସୁଆର ନିଯୋଗ ମଧ୍ୟ ତା’ ଜିଦ୍‌ରୁ ଓହରି ଯାଇଛି। ହାଇକୋର୍ଟଙ୍କ ରାୟକୁ ସ୍ବାଗତ ଏବଂ ଭକ୍ତଙ୍କ ଭାବାବେଗକୁ ଦୃଷ୍ଟିରେ ରଖି ନିଯୋଗ ଶୁକ୍ରବାରଠାରୁ ମହାପ୍ରସାଦ ପ୍ରସ୍ତୁତ କରିବ ବୋଲି କହିଛି। ଫଳରେ ଅବଢ଼ା ବନ୍ଦକୁ ନେଇ ଯେଉଁ ଅଚଳାବସ୍ଥା ଲାଗି ରହିଥିଲା ତାହା ମଧ୍ୟ ଦୂର ହେବାକୁ ଯାଉଛି।

ଶ୍ରୀମନ୍ଦିର ନୀତି ବିଭ୍ରାଟକୁ ନେଇ ହାଇକୋର୍ଟଙ୍କ ଅସନ୍ତୋଷ

ଶ୍ରୀମନ୍ଦିର ନୀତି ବିଭ୍ରାଟକୁ ନେଇ ହାଇକୋର୍ଟଙ୍କ ଅସନ୍ତୋଷ

କଟକ ଅଫିସ,୧୯।୪- ଶ୍ରୀମନ୍ଦିରରେ ସୃଷ୍ଟି ହୋଇଥିବା ଅଚଳାବସ୍ଥାରେ ପୂର୍ଣ୍ଣଚ୍ଛେଦ ଟାଣିଛନ୍ତି ହାଇକୋର୍ଟ। ଶ୍ରୀମନ୍ଦିରରେ ନୀତି ବିଭ୍ରାଟକୁ ନେଇ ହାଇକୋର୍ଟ ଅସନ୍ତୋଷ ପ୍ରକାଶ କରିଛନ୍ତି। ଗର୍ଭଗୃହ ଭିତରକୁ ପ୍ରବେଶ କଟକଣା ନେଇ ଦିଆଯାଇଥିବା ପୂର୍ବ ଆଦେଶକୁ ଭୁଲ ବ୍ୟାଖ୍ୟା କରାଯାଇଛି। ଗର୍ଭଗୃହ ଭିତରକୁ କେଉଁମାନେ ପ୍ରବେଶ କରିପାରିବେ ସେ ନେଇ ହାଇକୋର୍ଟ ନିର୍ଦ୍ଦିଷ୍ଟ ଭାବେ କୌଣସି ନିର୍ଦ୍ଦେଶ ଦେଇ ନ ଥିବା ସ୍ପଷ୍ଟ କରିଛନ୍ତି।

ଯୌତୁକ ପାଇଁ ମହିଳାଙ୍କୁ ପୋଡ଼ି ହତ୍ୟା ଉଦ୍ୟମ ଘଟଣା: ଅଭିଯୁକ୍ତଙ୍କୁ ଧରୁନି ପୋଲିସ,ମହିଳା କମିଶନଙ୍କ ଦ୍ୱାରସ୍ଥ ହେଲେ ପୀଡ଼ିତା

ଯୌତୁକ ପାଇଁ ମହିଳାଙ୍କୁ ପୋଡ଼ି ହତ୍ୟା ଉଦ୍ୟମ ଘଟଣା: ଅଭିଯୁକ୍ତଙ୍କୁ ଧରୁନି ପୋଲିସ,ମହିଳା କମିଶନଙ୍କ ଦ୍ୱାରସ୍ଥ ହେଲେ ପୀଡ଼ିତା

ଭୁବନେଶ୍ୱର, ୧୯।୪(ବ୍ୟୁରୋ)- ଯାଜପୁର ଜିଲାର ଜଣେ ମହିଳାଙ୍କୁ ଯୌତୁକ ପାଇଁ ପୋଡି ମାରିଦେବାକୁ ଉଦ୍ୟମ କରାଯାଇଥିଲା। ମହିଳାଙ୍କ ଶରୀରର କିଛି ଅଂଶ ପୋଡ଼ିଯାଇଥିବାବେଳେ ତାଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏ ନେଇ ମହିଳାଙ୍କ ବାପଘର ପକ୍ଷରୁ ପାଣିକୋଇଲି ଥାନାରେ ଅଭିଯୋଗ କରାଯାଇଥିଲା। ୩ମାସ ତଳେ ଏହି ଘଟଣା ଘଟିଥିଲେ ହେଁ ପୋଲିସ ଏଯାଏ ଅଭିଯୁକ୍ତଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିବା ପୀଡ଼ିତା ଅଭିଯୋଗ କରିଛନ୍ତି। ଏ ନେଇ ସେ ଗୁରୁବାର ଭୁବନେଶ୍ୱର ଆସି ମହିଳା କମିଶନଙ୍କ ନିକଟରେ ଅଭିଯୋଗ କରିଛନ୍ତି।

 ଛାତ୍ର ଆତ୍ମହତ୍ୟା ଉଦ୍ୟମ ଘଟଣା: ୫୦ ହଜାର ଟଙ୍କା ଦେବାକୁ ଓଏଚ୍‌ଆର୍‌ସିଙ୍କ ନିର୍ଦ୍ଦେଶ

ଛାତ୍ର ଆତ୍ମହତ୍ୟା ଉଦ୍ୟମ ଘଟଣା: ୫୦ ହଜାର ଟଙ୍କା ଦେବାକୁ ଓଏଚ୍‌ଆର୍‌ସିଙ୍କ ନିର୍ଦ୍ଦେଶ

ଭୁବନେଶ୍ୱର, ୧୯।୪(ବ୍ୟୁରୋ)- ସ୍କୁଲ କର୍ତ୍ତୃପକ୍ଷଙ୍କ ଅବହେଳା ଯୋଗୁ ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ମଇଦଲପୁର ହାଇସ୍କୁଲର ଦଶମ ଶ୍ରେଣୀ ଛାତ୍ର ଗଣେଶ୍ୱର ଜାନି ଆତ୍ମହତ୍ୟା ଉଦ୍ୟମ କରିଥିଲେ। ଏହି ଘଟଣାରେ ଗଣେଶ୍ୱରଙ୍କୁ ୫୦ ହଜାର ଟଙ୍କା କ୍ଷତିପୂରଣ ଦେବାକୁ ଅନୂସୂଚିତ ଜାତି ଓ ଜନଜାତି ବିଭାଗକୁ ରାଜ୍ୟ ମାନବାଧିକାର କମିଶନ(ଓଏଚ୍‌ଆରସି) ନିର୍ଦ୍ଦେଶ ଦେଇଛନ୍ତି। ସ୍କୁଲର ପ୍ରଧାନ ଶିକ୍ଷକ, ଡିଡବ୍ଲ୍ୟୁଓ(ଜିଲା ମଙ୍ଗଳ ଅଧିକାରୀ), ଡିଇଓ(ଜିଲା ଶିକ୍ଷା ଅଧିକାରୀ) ଏବଂ ଅନ୍ୟ ଅଧିକାରୀଙ୍କ ଦରମାରୁ ଅର୍ଥ କାଟି କ୍ଷତିପୂରଣ ଦେବାକୁ କମିଶନ ନିର୍ଦ୍ଦେଶ ଦେଇଛନ୍ତି।

ନିଟ୍‌ ପରୀକ୍ଷା ପାଇଁ ଡ୍ରେସ୍‌କୋଡ୍‌ ଲାଗୁ

ନିଟ୍‌ ପରୀକ୍ଷା ପାଇଁ ଡ୍ରେସ୍‌କୋଡ୍‌ ଲାଗୁ

ଭୁବନେଶ୍ୱର,୧୯।୪(ବ୍ୟୁରୋ): ଆସନ୍ତା ୬ ତାରିଖରେ ହେବାକୁଥିବା ନ୍ୟାଶନାଲ ଏଲିଜିବିଲିଟି କମ ଏଣ୍ଟ୍ରାନ୍‌ସ ଟେଷ୍ଟ(ନିଟ୍‌) ୨୦୧୮ ପରୀକ୍ଷା ପାଇଁ ସିବିଏସ୍‌ଇ ଡ୍ରେସ୍‌କୋଡ୍‌ ଲାଗୁ କରିଛି। ପରୀକ୍ଷା ପାଇଁ ବୋର୍ଡ ନୂଆ ନିର୍ଦ୍ଦେଶନାମା ଜାରି କରିଛି।

ବିମାନବନ୍ଦରରୁ ସାପ ଉଦ୍ଧାର

ବିମାନବନ୍ଦରରୁ ସାପ ଉଦ୍ଧାର

ଭୁବନେଶ୍ୱର,୧୯।୪(ବ୍ୟୁରୋ): ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ ଗୁରୁବାର ଏକ ସାପ ଉଦ୍ଧାର ହୋଇଛି। ଏହା ଢମଣା ସାପ ବୋଲି ଜଣାପଡ଼ିଛି।

ମହାନ୍ତିପାଟଣାରେ ବାଦୀପାଲା ଉଦ୍‌ଯାପିତ

ମହାନ୍ତିପାଟଣାରେ ବାଦୀପାଲା ଉଦ୍‌ଯାପିତ

ବାଲିଅନ୍ତା,୧୯।୪(ଡି.ଏନ୍‌.ଏ.): ବାଲିଅନ୍ତା ବ୍ଲକ ଅଧୀନ ଜଗନ୍ନାଥପୁର ପଞ୍ଚାୟତ ଅଧୀନ ମହାନ୍ତିପାଟଣା ଗ୍ରାମର ଗ୍ରାମଦେବତୀ ବନଦୁର୍ଗାଙ୍କ ପୀଠସ୍ଥଳୀରେ ୫ ଦିନ ଧରି ଚାଲିଥିବା ସତ୍ୟନାରାୟଣ ବାଦୀପାଲା ଗୁରୁବାର ଉଦ୍‌ଯାପିତ ହୋଇଯାଇଛି।

ବେଆଇନ ଗୋ-ଚାଲାଣ: ୮ ଗିରଫ

ବେଆଇନ ଗୋ-ଚାଲାଣ: ୮ ଗିରଫ

କଟକ ଅଫିସ,୧୯।୪: ଟାଙ୍ଗୀ ଥାନା ଅନ୍ତର୍ଗତ ମଙ୍ଗୁଳି ଛକ ନିକଟରୁ ଗୁରୁବାର ୭୫ ଗୋରୁ ବୋଝେଇ ଏକ କଣ୍ଟେନରକୁ ପୋଲିସ ଜବତ କରିଛି। ଏହି ଘଟଣାରେ ପୋଲିସ ୮ ଜଣଙ୍କୁ ଗିରଫ କରିଛି।

ନିରଞ୍ଜନ ପଟ୍ଟନାୟକ ହେଲେ ପିସିସି ସଭାପତି

ନିରଞ୍ଜନ ପଟ୍ଟନାୟକ ହେଲେ ପିସିସି ସଭାପତି

ଭୁବନେଶ୍ୱର, ୧୯।୪(ବ୍ୟୁରୋ): ପିସିସି ସଭାପତି ଭାବେ ନିରଞ୍ଜନ ପଟ୍ଟନାୟକ ନିଯୁକ୍ତ ହୋଇଛନ୍ତି। ତାଙ୍କୁ ନିଯୁକ୍ତି କରିଛନ୍ତି ଏଆଇସିସି ହାଇକମାଣ୍ଡ ରାହୁଲ ଗାନ୍ଧୀ। ସେହିପରି ନବ କିଶୋର ଦାଶ, ଚିରଞ୍ଜିବୀ ବିଶ୍ୱାଳ ଓ ପ୍ରଦୀପ ମାଝୀଙ୍କୁ ପିସିସିର କାର୍ଯ୍ୟକାରୀ ସଭାପତି ମଧ୍ୟ କରାଯାଇଛି।

ଆରମ୍ଭ ହେଲା ରଥ ନିର୍ମାଣ

ଆରମ୍ଭ ହେଲା ରଥ ନିର୍ମାଣ

ପୁରୀ ଅଫିସ,୧୯।୪: ଆସନ୍ତା ଜୁଲାଇ ୧୪ରେ ରଥଯାତ୍ରା। ଏଥିପାଇଁ ରଥ ନିର୍ମାଣ କାର୍ଯ୍ୟ ଆରମ୍ଭ ହୋଇଛି। ପାରମ୍ପରିକ ବିଧି ଅନୁଯାୟୀ ବୁଧବାର ପବିତ୍ର ଅକ୍ଷୟ ତୃତୀୟାରେ ରଥ ନିର୍ମାଣ କାର୍ଯ୍ୟ ଅନୁକୂଳ ହୋଇଥିଲା।