ସମ୍ବଲପୁର

ମା’ ଯେବେ ବୋଝ ହୁଏ

ମା’ ଯେବେ ବୋଝ ହୁଏ
ଝାରସୁଗୁଡ଼ା ଅଫିସ,୪।୧୨- ରବିବାର ସକାଳେ ଝାରସୁଗୁଡ଼ା ଷ୍ଟେଶନରେ ଠିଆ ହୋଇଥିବା ଏକ ପାସେଞ୍ଜର ଟ୍ରେନ୍‌ରୁ ଜଣେ ବୃଦ୍ଧାଙ୍କୁ ଠାବ କରିଛନ୍ତି ଜଣେ ରେଲୱେ କର୍ମଚାରୀ। ଉଦ୍ଧାର ପରେ ସ୍ବାଭିମାନ ଗୃହ କର୍ତ୍ତୃପକ୍ଷ ଓ ଷ୍ଟେଶନ କର୍ମଚାରୀଙ୍କ ସହାୟତାରେ ତାଙ୍କୁ ଝାରସୁଗୁଡ଼ା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ମହିଳା ଜଣକ ହେଲେ ବେଲପାହାଡ଼ର ଇନ୍ଦିରା ମେହେର (୫୨)। ଇନ୍ଦିରାଙ୍କ ସମ୍ପର୍କୀୟ ନିଜ ମୁଣ୍ଡରୁ ବୋଝ ହାଲ୍‌କା କରିବା ପାଇଁ ତାଙ୍କୁ ଟ୍ରେନ୍‌ରେ ଛାଡି ଚାଲିଯାଇଥିବା ଅଭିଯୋଗ ହୋଇଛି। ଯଦି ଘଟଣାଟି ସତ୍ୟ ହୋଇଥାଏ, ତେବେ ନିଜ ରକ୍ତ ସମ୍ପର୍କ କେତେ ନିଷ୍ଠୁର ହୋଇ ପାରନ୍ତି ତାହା ଏହି ଘଟଣାରୁ ପ୍ରମାଣିତ ହେଉଛି। ମିଳିଥିବା ସୂଚନା ଅନୁସାରେ, ଝାରସୁଗୁଡ଼ା ଜିଲା ବେଲପାହାଡର ସ୍ବାମୀ ପରିତ୍ୟକ୍ତା ମହିଳା ଇନ୍ଦିରା ପୂର୍ବରୁ ଠକ୍କରବାପା ଆଶ୍ରମରେ କାମ ପରି ପେଟ ପୋଷୁଥିଲେ। ବୟସ ବଢିବା ସହ ସେ କାମ କରିବାରେ ଅସମର୍ଥ ହେଲେ। ହେଲେ ସ୍ବାମୀ ଅନ୍ୟ ଜଣେ ମହିଳାଙ୍କୁ ବିବାହ କରିଥିବାରୁ ଇନ୍ଦିରାଙ୍କ ପାଇଁ ପୁଅ ପାଖକୁ ଯିବା ହିଁ ଏକମାତ୍ର ରାସ୍ତା ଥିଲା। କିନ୍ତୁ ପୁଅ ବିବାହ କରି ନ ଥିବା ଓ ବିବାହ ପରେ ମା’କୁ ନେଇଯିବା କହି ସ୍ବାଭିମାନ ଗୃହର ମୁଖ୍ୟ ଆନନ୍ଦିନୀ ପାଢୀଙ୍କୁ ଅନୁରୋଧ କରିଥିଲେ। ସେଥିପାଇଁ ବୃଦ୍ଧାଙ୍କୁ ଚଳିତବର୍ଷ ଫେବୃୟାରୀ ୨୫ ତାରିଖରେ ସ୍ବାଭିମାନ ଗୃହରେ ରଖାଯାଇଥିଲା। କ୍ରମେ ପୁଅ ବିବାହ କରିଥିଲେ ମଧ୍ୟ ମା’କୁ ନିଜ ପାଖକୁ ନେବା ପାଇଁ ଇଚ୍ଛା ପ୍ରକାଶ କରି ନ ଥିଲେ। ଶେଷରେ ନଭେମ୍ବର ୩୦ ତାରିଖରେ ଇନ୍ଦିରାଙ୍କୁ ଚିକିତ୍ସା କରିବାକୁ କହି ପୁଅ ତାଙ୍କୁ ସ୍ବାଭିମାନ ଗୃହରୁ ନେଇଥିଲେ। ହେଲେ ରବିବାର ଇନ୍ଦିରାଙ୍କୁ ଏକ ବାତିଲ ହୋଇଥିବା ପାସେଞ୍ଜର ଟ୍ରେନ୍‌ ବଗିରୁ ଉଦ୍ଧାର କରାଯାଇଥିଲା। ଷ୍ଟେଶନ ମ୍ୟାନେଜର ଟି. ନାଏକଙ୍କଠାରୁ ଖବର ପାଇ ସ୍ବାଭିମାନ ଗୃହର ମୁଖ୍ୟ ପାଢୀ ଇନ୍ଦିରାଙ୍କ ପୁଅକୁ ଯୋଗାଯୋଗ କରିଥିଲେ। କିନ୍ତୁ ପୁଅ କହିଲେ, ମା’କୁ ଚିକିତ୍ସା ପାଇଁ ଭଉଣୀ ପାଖରେ ଛାଡିଥିଲି। ସେ ଏପରି କରିଥାଇପାରେ। ବର୍ତ୍ତମାନ ପୁଅ ମଧ୍ୟ ମା’କୁ ନେବାପାଇଁ ମନା କରି ଦେଇଥିବା ପାଢୀ କହିଛନ୍ତି। ଏ ବାବଦରେ ଡାକ୍ତରଖାନା ପକ୍ଷରୁ ଝାରସୁଗୁଡ଼ା ଟାଉନଥାନାକୁ ଅବଗତ କରାଯାଇଛି। ଅନ୍ୟପକ୍ଷରେ ବେଲପାହାଡ ପୋଲିସ ସହ କଥାବାର୍ତ୍ତା କରି ରାସ୍ତା ବାହାର କରିବାକୁ କହିଛନ୍ତି ସ୍ବାଭିମାନ ଗୃହର ମୁଖ୍ୟ ଆନନ୍ଦିନୀ ପାଢୀ।
All Right Reserved By

ସମ୍ବଲପୁର

ସାପ କାମୁଡ଼ାରେ ୨ ଜଣ ଆଖି ବୁଜିଲେ

ସାପ କାମୁଡ଼ାରେ ୨ ଜଣ ଆଖି ବୁଜିଲେ

ଦେବଗଡ,୧୭।୮(ସ୍ବ.ପ୍ର.)-ଦେବଗଡ ଜିଲାର ପୃଥକ ପୃଥକ ଅଞ୍ଚଳରେ ସାପ କାମୁଡା ଯୋଗୁ ୨ ଜଣଙ୍କୁ ଜୀବନ ଯାଇଛି। ଜଣେ ହେଲେ ତିଳେଇବଣି ବ୍ଲକ୍‌ ଗଜରିବଣି ଗାଁର ହେମରାମ ଟପ୍ପୋ ଓ ଅନ୍ୟ ଜଣେ ହେଲେ ଛେଳିମେଣ୍ଡିଆ ଗାଁର ରଜେଶ୍ୱରୀ ନାୟକ। 

ପ୍ରଦେଶ କଂଗ୍ରେସର ରାଜ୍ୟ ସମ୍ପାଦକ ହେଲେ ସେମ୍‌ ହେମରମ୍‌

ପ୍ରଦେଶ କଂଗ୍ରେସର ରାଜ୍ୟ ସମ୍ପାଦକ ହେଲେ ସେମ୍‌ ହେମରମ୍‌

ଦେବଗଡ,୧୭।୮(ସ୍ବ.ପ୍ର.)-ଭାରତୀୟ ଜାତୀୟ କଂଗ୍ରେସ କମିଟିର ଅଧ୍ୟକ୍ଷ ରାହୁଲ ଗାନ୍ଧୀ ଓଡିଶା ପ୍ରଦେଶ କଂଗ୍ରେସ କମିଟିର କର୍ମକର୍ତ୍ତାଙ୍କ ନାମ ଘୋଷଣା କରିଛନ୍ତି। ଦୀର୍ଘ ୮ ବର୍ଷ ଧରି ଦେବଗଡର ପୂର୍ବତନ ଡିସିସି ସଭାପତି ସେମ୍‌ ହେମରମ୍‌ ଦାୟିତ୍ୱ ସୂଚାରୁରୂପେ ତୁଲାଇ ଥିବାରୁ ତାଙ୍କୁ ପିସିସିର ରାଜ୍ୟ ସମ୍ପାଦକ ଭାବେ ମନୋନୀତ କରାଯାଇଛି। 

ପୂର୍ବ ଶତ୍ରୁତାରୁ ଯୁବକଙ୍କୁ ହତ୍ୟା

ପୂର୍ବ ଶତ୍ରୁତାରୁ ଯୁବକଙ୍କୁ ହତ୍ୟା

ଝାରସୁଗୁଡା ଅଫିସ,୧୭।୮(ଡି.ଏନ.ଏ.)-ପୂବ ଶତ୍ରୁତାକୁ କେନ୍ଦ୍ର କରି ଗୁରୁବାର ବିଳମ୍ବିତ ରାତରେ ଏକ ହତ୍ୟାକାଣ୍ଡ ଘଟିଛି। ବଡମାଳ ଥାନା ଅଧୀନ ମୁଣ୍ଡାପଡାଠାରେ ବିଜୟ ଭୋଇ (୪୦) 

ବାଉରିଯୋରରେ ଡଙ୍ଗା ବୁଡିଲା: ବଞ୍ଚି ଗଲେ ୬ ଯାତ୍ରୀ

ବାଉରିଯୋରରେ ଡଙ୍ଗା ବୁଡିଲା: ବଞ୍ଚି ଗଲେ ୬ ଯାତ୍ରୀ

ବୀରମହାରାଜପୁର, ୧୭।୮ (ଡି.ଏନ.ଏ.)-ଉପରମୁଣ୍ଡରେ ପ୍ରବଳ ବର୍ଷା ଯୋଗୁ ସୁବର୍ଣ୍ଣପୁରକୁ ଛୁଇଁଥିବା ତେଲନଦୀରେ ପ୍ରଖର ବନ୍ୟାଜଳ ପ୍ରବାହିତ ହେଉଛି। ଫଳରେ ସୋନପୁରଠାରୁ ତଳକୁ ମହାନଦୀ ମଧ୍ୟ ଫୁଲି ଯାଇଛି । 

ରେଢାଖୋଲରେ ଅପ୍ରତିଦ୍ୱନ୍ଦ୍ୱୀ ଜନନେତା ଅଟଳଙ୍କୁ ଶ୍ରଦ୍ଧାଞ୍ଜଳି

ରେଢାଖୋଲରେ ଅପ୍ରତିଦ୍ୱନ୍ଦ୍ୱୀ ଜନନେତା ଅଟଳଙ୍କୁ ଶ୍ରଦ୍ଧାଞ୍ଜଳି

ରେଢାଖୋଲ,୧୭।୮(ଡି.ଏନ.ଏ.)-ଭାରତର ପୂର୍ବତନ ପ୍ରଧାନମନ୍ତ୍ରୀ, ବିଶିଷ୍ଟ ଜନନେତା, ଅପ୍ରତିଦ୍ୱନ୍ଦ୍ୱୀ ମଣିଷ ର୍ସ୍ବଗତ ଅଟଳ ବିହାରୀ ବାଜପେୟୀଙ୍କ ପରଲୋକରେ ସାରା ଦେଶରେ ଶୋକର ଛାୟା। ଏହିକ୍ରମରେ ସମ୍ବଲପୁର ଜିଲା ରେଢାଖୋଲ ଅଞ୍ଚଳରେ ବାଜପେୟୀଙ୍କୁ ବିଭିନ୍ନ ଅନୁଷ୍ଠାନ ଓ ବ୍ୟକ୍ତିବିଶେଷ ଶ୍ରଦ୍ଧାଞ୍ଜଳି ଦେଇଛନ୍ତି। ତାଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାସୁମନ ଦେଇଛନ୍ତି। ତାଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କରିଛନ୍ତି। ରେଢାଖୋଲ କୋର୍ଟରେ ଓକିଲମାନେ ଶୋକସଭା କରିଛନ୍ତି। 

ପ୍ରେମିକ ଘର ଆଗରେ ଦେହରେ ନିଆଁ ଲଗାଇ ଯୁବତୀଙ୍କ ଆତ୍ମହତ୍ୟା

ପ୍ରେମିକ ଘର ଆଗରେ ଦେହରେ ନିଆଁ ଲଗାଇ ଯୁବତୀଙ୍କ ଆତ୍ମହତ୍ୟା

ରାଉରକେଲା ଅଫିସ, ୧୭।୮-ରାଉରକେଲା ମହାନଗର ଅନ୍ତର୍ଗତ ବନ୍ଧମୁଣ୍ଡା ସେକ୍ଟର ‘ବି’ଅଞ୍ଚଳରେ ଶୁକ୍ରବାର ଏକ ଅଭାବନୀୟ ଘଟଣା ଘଟିଛି। ପ୍ରେମିକ ଘର ଆଗରେ ଜଣେ ଯୁବତୀ (୨୫) ଦେହରେ କିରୋସିନ ଢାଳି ନିଆଁ ଲଗାଇ ଆତ୍ମହତ୍ୟା କରିଛନ୍ତି। ଉଭୟ ଯୁବତୀ ଓ ତାଙ୍କ ପ୍ରେମିକଙ୍କ ଘର ନ୍ଧମୁଣ୍ଡା ସେକ୍ଟର ‘ବି’ଅଞ୍ଚଳରେ। ଉଭୟଙ୍କ ମଧ୍ୟରେ ଦୀର୍ଘ ଦିନ ଧରି ପ୍ରେମ ସମ୍ପର୍କ ଥିଲା। ମାତ୍ର ପ୍ରେମିକ ବିବାହ ପାଇଁ ମନା କରିବାରୁ ପ୍ରେମିକା ମାନସିକ ଭାରସାମ୍ୟ ହରାଇ ବସିଥିଲେ। 

ଚିଠିର ଉତର କେହି ନାଇଁ ଫିରାଲେ: ଉଦାହରନ୍‌ ସୁରୁଷ୍‌ଟି କଲେ ମହିଲା ସରପଁଚ୍‌

ଚିଠିର ଉତର କେହି ନାଇଁ ଫିରାଲେ: ଉଦାହରନ୍‌ ସୁରୁଷ୍‌ଟି କଲେ ମହିଲା ସରପଁଚ୍‌

ପଡିଆବାହାଲ, ୧୭।୮ (ଡି.ଏନ.ଏ)- 
ସେ ଖାଲି ଚିଠି ଲେଖି ଅଟ୍‌କି ନାଇଁଯାଇ। ନିଜର ଭାବ୍‌ନାକେ କାମ୍‌ରେ କରି ଦେଖେଇଛନ୍‌। ସେ ହେଉଛନ୍‌ ଯୁଯୁମୁରା ବ୍ଲକ୍‌ ମେଘପାଲ ପଁନ୍‌ଚେତ୍‌ର ମହିଲା ସରପଁଚ୍‌ ମମତା ପଧାନ। ସୁଆଧୀନତା ଦିବସ ଅବଛ୍‌ରରେ ସେ ପଁନ୍‌ଚେତ୍‌ର ମୋଟ୍‌ ୯ଟା ପ୍ରାଥମିକ୍‌ ସ୍କୁଲ୍‌ର ପର୍‌ଥମ୍‌ ଶ୍ରେଣୀର ମୋଟ୍‌ ୫୨ ଝନ୍‌ ଛାତ୍ରୀଛାତ୍ରକଁୁ ଗୁଟେ ଲେଖାନ୍‌ ସ୍କୁଲ୍‌ ବେଗ, ଟିଫିନ ବକ୍ସ ଆର୍‌ ପାଏନ୍‌ ବୁତଲ ଦେଇ ବ୍ଲକ୍‌ ଆର୍‌ ଜିଲାରେ ଗୁଟେ ନୂଆଁ ଉଦାହରନ୍‌ ସୁରୁଷ୍‌ଟି କରିଛନ୍‌। 

କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ହଷ୍ଟେଲ ଓ୍ବାଡେନ ନିଲମ୍ବିତ

କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ହଷ୍ଟେଲ ଓ୍ବାଡେନ ନିଲମ୍ବିତ

ତରଭା, ୧୭।୮(ଡି.ଏନ.ଏ.)
ତରଭା ବ୍ଲକ ଅତାସିଂହାସ୍ଥିତ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟ ହଷ୍ଟେଲ ଓ୍ବାଡେନ ଜଗତ ଶିରୋମଣି ମେହେରଙ୍କୁଙ୍କୁ ଡିପିସି ନିଲମ୍ବନ କରିଛନ୍ତି। କିଛି ଦିନ ତଳେ ମେହେରଙ୍କୁ ଦେଖା କରିବା ପାଇଁ ଜଣେ ଯୁବକ ହଷ୍ଟେଲକୁ ଆସି ରାତ୍ରୀଯାପନ କରିଥିଲେ। ଏକଥା ଜଣାପଡ଼ିବା ପରେ ଗ୍ରାମବାସୀ ହୋହାଲ୍ଲା କରିଥିଲେ। 

ଫୋନ କରି ଠକିନେଲେ ୬୪,୮୮୭ ଟଙ୍କା

ଫୋନ କରି ଠକିନେଲେ ୬୪,୮୮୭ ଟଙ୍କା

ଝାରସୁଗୁଡ଼ା ଅଫିସ,୧୭।୮- ଅତି କମ୍‌ ବେତନରେ ପରିବାର ପୋଷୁଥିବା ଜଣେ ବ୍ୟକ୍ତିଙ୍କୁ ଠକମାନେ ନିଃସ୍ବ କରିଦେଇଛନ୍ତି। ବହୁ ବର୍ଷର କଷ୍ଟୋପାର୍ଜିତ ଧନକୁ ଜମାଖାତାରୁ କ୍ଷଣିକ ମଧ୍ୟରେ ଉଡ଼ାଇ ନେଇଛନ୍ତି। ପୂର୍ବ ଘଟଣାଗୁଡ଼ିକ ଭଳି ଏହି ଘଟଣାରେ ପୋଲିସ କେବଳ ଅକ୍ଷମତା ପ୍ରକାଶ କରିଛି। 

୬୦ ବର୍ଷ ପରେ ହୀରାକୁଦ ବିସ୍ଥାପିତ ପାଇଲେ ପଟ୍ଟା

୬୦ ବର୍ଷ ପରେ ହୀରାକୁଦ ବିସ୍ଥାପିତ ପାଇଲେ ପଟ୍ଟା

ଝାରସୁଗୁଡ଼ା ଅଫିସ,୧୭।୮- ପ୍ରାୟ ୬୦ ବର୍ଷ ପରେ ବିସ୍ଥାପିତଙ୍କ ମୁହଁରେ ଫୁଟିଛି ହସ। ହୀରାକୁଦ ନଦୀବନ୍ଧ ଯୋଜନାରେ ଘରଦ୍ୱାର, ଜମିବାଡ଼ି ହରାଇ ଲକ୍ଷ ଲକ୍ଷ ଲୋକ ବିସ୍ଥାପିତ ହୋଇଥିଲେ। ବର୍ଷ ପରେ ବର୍ଷ ବିତିଯାଇଥିଲେ ମଧ୍ୟ ସମସ୍ତଙ୍କୁ କ୍ଷତିପୂରଣ ମିଳିପାରି ନ ଥିଲା। ରାଜ୍ୟ ସରକାରଙ୍କୁ କେନ୍ଦ୍ର ମାନବାଧିକାର କମିଶନଙ୍କ ରିପୋର୍ଟ ତଲବ ପରେ ଜିଲା ସ୍ତରରେ ଆରମ୍ଭ ହୋଇଥିଲା ତପତ୍ରତା। 

ମୂଳବାସୀ ଆଦିବାସୀ ମଞ୍ଚ ନେତାଙ୍କ ଅଭିଯୋଗ: ସମ୍ବିଧାନକୁ ସରକାର ମାନୁନାହାନ୍ତି; ସୁନ୍ଦରଗଡ଼ ଜିଲାପାଳ ଅଫିସ ଘେରାଉ ୨୧ରେ

ମୂଳବାସୀ ଆଦିବାସୀ ମଞ୍ଚ ନେତାଙ୍କ ଅଭିଯୋଗ: ସମ୍ବିଧାନକୁ ସରକାର ମାନୁନାହାନ୍ତି; ସୁନ୍ଦରଗଡ଼ ଜିଲାପାଳ ଅଫିସ ଘେରାଉ ୨୧ରେ

ରାଉରକେଲା ଅଫିସ,୧୭।୮- ସମ୍ବିଧାନକୁ ସରକାର ମାନୁନାହାନ୍ତି। ବାରମ୍ବାର ସଭା, ଶୋଭାଯାତ୍ରା ଓ ଦାବିପତ୍ର ପ୍ରଦାନ ସତ୍ତ୍ୱେ ଆଦିବାସୀଙ୍କୁ ତାଙ୍କ ଅଧିକାର ପ୍ରଦାନ କରାଯାଉନି। ସମ୍ବିଧାନର ୫ମ ଅନୁସୂଚୀ ଅନୁସାରେ ଦେଶର ୧୦ଟି ରାଜ୍ୟରେ ଆଦିବାସୀଙ୍କ ନିଜସ୍ବ ବ୍ୟବସ୍ଥା ପ୍ରଚଳନ କରାଯିବା ନିୟମ ରହିଛି। ଏହାକୁ ସରକାର ଉଲ୍ଲଂଘନ କରୁଛନ୍ତି। 

ହୀରାକୁଦ ଡ୍ୟାମ୍‌ର ଜଳସ୍ତର ୬୧୫.୭୭ ଫୁଟ: ୨ଟି ଗେଟ୍‌ ଖୋଲା

ହୀରାକୁଦ ଡ୍ୟାମ୍‌ର ଜଳସ୍ତର ୬୧୫.୭୭ ଫୁଟ: ୨ଟି ଗେଟ୍‌ ଖୋଲା

ସମ୍ବଲପୁର,୧୭।୮(ବ୍ୟୁରୋ)- ହୀରାକୁଦ ଡ୍ୟାମ ଜଳସ୍ତର ଗୁରୁବାର ରାତି ୯ଟା ସୁଦ୍ଧା ୬୧୫.୭୭ ଫୁଟ ରହିଛି। ଡ୍ୟାମର ଉପର ମୁଣ୍ଡରେ ବର୍ଷା କମିଛି । ଜଳ ଭଣ୍ଡାରକୁ ପ୍ରତି ସେକେଣ୍ଡରେ ୭୫,୪୭୪ କ୍ୟୁସେକ ଜଳ ପ୍ରବେଶ କରୁଛି। ତେଣୁ ଖୋଲାଥିବା ୫ଟି ସ୍ଳୁଇସ ଗେଟ୍‌ରୁ ୩ଟିକୁ ବନ୍ଦ କରାଯାଇଛି। ହୀରାକୁଦ ଡ୍ୟାମ କର୍ତ୍ତୃପକ୍ଷ ବାମ ପାର୍ଶ୍ୱର ଗୋଟିଏ ଓ ଡାହାଣ ପାର୍ଶ୍ୱର ଗୋଟିଏ ଗେଟ ଖୋଲା ରଖିଛନ୍ତି।