ସମ୍ବଲପୁର

ଦୁଇ ପଞ୍ଚାୟତରେ କୋଟିଏରୁ ଊର୍ଦ୍ଧ୍ୱ ଟଙ୍କାର ଘୋଟାଲା

ଦୁଇ ପଞ୍ଚାୟତରେ କୋଟିଏରୁ ଊର୍ଦ୍ଧ୍ୱ ଟଙ୍କାର ଘୋଟାଲା

ନୂଆପଡ଼ା ଅଫିସ,୪ା୧୨-ଜିଲାର ବହୁଚର୍ଚ୍ଚିତ ଭାଲେଶ୍ୱର ଓ ବେଲଟୁକୁରୀ ପଞ୍ଚାୟତରେ କୋଟି କୋଟି ଟଙ୍କାର ଅନିୟମିତତା ହୋଇଥିବାବେଳେ ଏଥିରେ ପଞ୍ଚାୟତଠାରୁ ଆରମ୍ଭ କରି ଜିଲାସ୍ତରୀୟ ଅଧିକାରୀ ସାମିଲ ଥିବା କୁହାଯାଉଛି। ହେଲେ ଜିଲା ପୋଲିସ ପ୍ରଶାସନ ଭାକୁର ଛାଡ଼ି କେରାଣ୍ଡିକୁ ଧରିବା ନ୍ୟାୟରେ ଜଣେ, ଦୁଇଜଣଙ୍କୁ ଧରି ଲୁଚକାଳି ଖେଳୁଥିବା ଜିଲାରେ ଚର୍ଚ୍ଚାର ବିଷୟ ହୋଇଛି। ଆଗକୁ ନିର୍ବାଚନ ଥିବାରୁ ପ୍ରଶାସନ ଏଥିରେ ମୁଣ୍ଡ ନ ପୂରାଇ ଘଟଣାର ମୋଡ଼ ପରିବର୍ତ୍ତନ କରୁଥିବା କୁହାଯାଉଛି।
ଭାଲେଶ୍ୱର ପଞ୍ଚାୟତରେ ଦୁଇଟି ପୋଖରୀ କାମ ନ କରି ଏମ୍‌ପି ଲ୍ୟାଡ୍‌ରୁ ୧୦ଲକ୍ଷ ଟଙ୍କା ଉଠାଣ କରାଯାଇଥିବା କଥା ଖୋଦ ବ୍ଲକ ଅଧ୍ୟକ୍ଷ ଉଠାଇଥିଲେ। ଏଥିରେ ଜଣେ, ଦୁଇଜଣ ନେତାଙ୍କ ସମେତ ବ୍ଲକ ପ୍ରଶାସନର ଅଧିକାରୀମାନେ ଫସିଥିବା ସ୍ପଷ୍ଟ ପ୍ରମାଣିତ ହେଲା। ଏହି ମାମଲାରେ ଜିଲାପାଳ କୌଣସି ଠୋସ୍‌ କାର୍ଯ୍ୟାନୁଷ୍ଠାନ କରି ନ ଥିଲେ। କେବଳ ଜଣେ ତଳିଆ କର୍ମଚାରୀ (କାର୍ଯ୍ୟନିର୍ବାହୀ ଅଧିକାରୀ)ଙ୍କୁ ନିଲମ୍ବନ କରିଥିଲେ। ବିଡିଓ, ସହକାରୀ ଯନ୍ତ୍ରୀ, ଯନ୍ତ୍ରୀ ଓ ମୁଖ୍ୟ କିରାଣିଙ୍କ ବିରୋଧରେ କାର୍ଯ୍ୟାନୁଷ୍ଠାନ କରିବାକୁ ଗତମାସ ୧୦ ତାରିଖରେ ରାଜ୍ୟ ସରକାରଙ୍କୁ ସୁପାରିସ କରିଥିଲେ। ହେଲେ ଆଜିଯାଏ କୌଣସି କାର୍ଯ୍ୟାନୁଷ୍ଠାନ ହୋଇନାହିଁ। ଜଣେ ଗ୍ରାମ ରୋଜଗାର ସେବକ ମିଥ୍ୟା କାଗଜପତ୍ର ପ୍ରସ୍ତୁତ କରି ଏମ୍‌ଜିଏନ୍‌ଆର୍‌ଇଜିଏସ୍‌ରୁ ୩ କୋଟି ଟଙ୍କା ଆତ୍ମସାତ କରିଥିବା ଭାଲେଶ୍ୱର ସରପଞ୍ଚ ଶିବପ୍ରସାଦ କେଉଁଟ ବିଡିଓ ଓ ଜିଲାପାଳଙ୍କ ନିକଟରେ ଅଭିଯୋଗ କରିଥିଲେ। ହେଲେ ତାହା ଫାଇଲରେ ରହିଯାଇଛି। ଘଟଣାର ତଦନ୍ତ ବାହାନାରେ ଅଧିକାରୀମାନେ ସମୟ ଗଡ଼ାଇ ଚାଲିଛନ୍ତି। ଲୋକଙ୍କ ମଧ୍ୟରେ ସଚେତନତା ଅଭାବରୁ ଏଠାରେ କୋଟି କୋଟି ଟଙ୍କାର ଘୋଟାଲା ହେଉଛି। ତେଣୁ ଦୁଇ ପଞ୍ଚାୟତବାସୀ ଏକଜୁଟ ହୋଇ ନାଗରିକ କମିଟି ଗଠନ କରି ଦୁଇବର୍ଷରେ ଚତୁର୍ଥ ଏସ୍‌ଏଫ୍‌ସି (ରାଜ୍ୟ ଫାଇନାନ୍ସ କମିଶନ) ଓ ଦତୁର୍ଦ୍ଦଶ ସିଏଫ୍‌ସି (ସେଣ୍ଟ୍ରାଲ ଫାଇନାନ୍ସ କମିଶନ) ଅର୍ଥ ବାବଦ ଆଦୌ କାମ ନ କରି ଟଙ୍କା ଉଠାଣ କରାଯାଇଥିବା ଗତ ମାସ ୬ତାରିଖରେ ଜିଲାପାଳଙ୍କ ଅଭିଯୋଗ ଶୁଣାଣି ଶିବିରରେ ଅଭିଯୋଗ କରିଥିଲେ। ସେହିଦିନ ଜିଲାପାଳଙ୍କ ନିର୍ଦ୍ଦେଶକ୍ରମେ ବିଡିଓ ସୁନିଲ କୁମାର କେର୍କେଟା ଥାନାରେ ଅଭିଯୋଗ କରିଥିଲେ। ଏହାକୁ ଭିତ୍ତିକରି ବେଲଟୁକୁରୀ ଥାନା ପୋଲିସ ଭାଲେଶ୍ୱର ଓ ବେଲଟୁକୁରୀ ପଞ୍ଚାୟତର ଦୁଇଜଣ କାର୍ଯ୍ୟନିର୍ବାହୀ ଅଧିକାରୀଙ୍କ ସମେତ ଦୁଇ ପୂର୍ବତନ ସରପଞ୍ଚ, ବର୍ତ୍ତମାନର ସରପଞ୍ଚ ତଥା ଅନ୍ୟ କେତେକ ବ୍ୟକ୍ତିଙ୍କ ନାମରେ ଦଫା ୪୦୬, ୪୦୯ରେ ଏକ ମାମଲା (ନଂ.୧୦୧/୧୭) ରୁଜୁ କରିଥିଲା। ଅକ୍ଟୋବର ୯ରେ ପୂର୍ବତନ ବେଲଟୁକୁରୀ ସରପଞ୍ଚ ଜୟପ୍ରକାଶ ସତନାମୀଙ୍କୁ ଗିରଫ କରିଥିଲା। ଅନ୍ୟ ସମସ୍ତ ଅଭିଯୁକ୍ତ ପୋଲିସ ଆଖିରେ ଧୂଳିଦେଇ ଚମ୍ପଟ ମାରିଥିଲେ। ଦୀର୍ଘଦିନ ବ୍ୟବଧାନରେ ଶୁକ୍ରବାର ଭାଲେଶ୍ୱର ସରପଞ୍ଚ ଶିବପ୍ରସାଦ କେଉଁଟଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଅନ୍ୟମାନେ କୋର୍ଟରୁ ଆଗୁଆ ଜାମିନ ନେବାକୁ ଲାଗିପଡ଼ିଛନ୍ତି। ଅନ୍ୟପକ୍ଷରେ ଜିଲା ପୋଲିସ ଓ ପ୍ରଶାସନ ଏମ୍‌ଜିଏନ୍‌ଆର୍‌ଇଜିଏସ୍‌, ଏମ୍‌ପି ଲ୍ୟାଡ୍‌ ଭଳି ୩କୋଟିରୁ ଊର୍ଦ୍ଧ୍ୱ ଟଙ୍କାର ଅନିୟମିତତା ମାମଲାକୁ ଛାଡ଼ି ମାତ୍ର ୮୬ଲକ୍ଷ ଟଙ୍କାର ଏସ୍‌ଏଫ୍‌ସି ଓ ସିଏଫ୍‌ସି ମାମଲାକୁ ନେଇ ଗୋଳେଇ ଘାଣ୍ଟି ହେଉଥିବା ଅଭିଯୋଗ ହେଉଛି। ଏହା ଦ୍ୱାରା ବହୁ ବଡ଼ବଡ଼ିଆ ଅଧିକାରୀ ଖସିଯିବା ଆଶଙ୍କା ଉପୁଜିଛି।

All Right Reserved By

ସମ୍ବଲପୁର

ରୁକୁଡା ଜଙ୍ଗଲରେ ମାଓବାଦୀ କ୍ୟାମ୍ପ ଠାବ

ରୁକୁଡା ଜଙ୍ଗଲରେ ମାଓବାଦୀ କ୍ୟାମ୍ପ ଠାବ

ଦେବଗଡ଼,୧୭।୭(ସ୍ବ.ପ୍ର.): ଦୀର୍ଘଦିନର ନୀରବତା ପରେ ଦେବଗଡ ଜିଲାରେ ମାଓବାଦୀଙ୍କ ଗତିବିଧି ପୁନଃ ପରିଲକ୍ଷିତ ହୋଇଛି। ଗତ ୧୪ତାରିଖରୁ ଦୁଇଦିନ ଧରି ପୋଲିସ୍‌ର ଡିଭିଏଫ୍‌ ଏବଂ ଏସ୍‌ଓଜି ଟିମ୍‌ ଜିଲାର ତିଲେଇବଣି ବ୍ଲକ ଅଧୀନ ଲଇମୁରା ସଂରକ୍ଷିତ ଜଙ୍ଗଲ ଓ ପାରପୋଷି ପଞ୍ଚାୟତର ରୁକୁଡା ଗ୍ରାମରେ ଛାନଭିନ୍‌ ଚଳାଇଥିଲେ।

ପାଣି ଘେରରେ ସ୍କୁଲ, ପାଠପଢା ବ୍ୟାହତ

ପାଣି ଘେରରେ ସ୍କୁଲ, ପାଠପଢା ବ୍ୟାହତ

ପଦ୍ମପୁର, ୧୬।୭ (ଡି.ଏନ.ଏ): ଲଘୁଚାପ ଯୋଗୁ ିଗତ ୨ଦିନ ଧରି ହୋଇଥିବା ବୃଷ୍ଟିପାତରେ ପଦ୍ମପୁର ସହରର ଅଧିକାଂଶ ସ୍ଥାନରେ କୃତ୍ରିମ ଜଳାଶୟ ସୃଷ୍ଟି ହୋଇଥିବା ଦେଖିବାକୁ ମିଳିଛି ।

ଝସକେତନଙ୍କ ପାଇଁ ଯୋଜନେ ଦୂରରେ ଆବାସ ଯୋଜନା

ଝସକେତନଙ୍କ ପାଇଁ ଯୋଜନେ ଦୂରରେ ଆବାସ ଯୋଜନା

ଖପ୍ରାଖୋଲ, ୧୬ା୭(ଡି.ଏନ.ଏ.): ସରକାର ଅସହାୟ ଗରିବ, ଗୃହହୀନ ପରିବାରକୁ ଘର ଯୋଗାଇଦେବା ପାଇଁ ଇନ୍ଦିରା ଆବାସ, ବିଜୁ ପକ୍କା ଘର, ପ୍ରଧାନମନ୍ତ୍ରୀ ଆବାସ ଯୋଜନା ଭଳି ଅନେକ ଯୋଜନା କାର୍ଯ୍ୟକାରୀ କରୁଛନ୍ତି।

ନାମକୁ ମାତ୍ର ଜିଲାପାଳ, ଏସପିଙ୍କ ଜନଶୁଣାଣି

ନାମକୁ ମାତ୍ର ଜିଲାପାଳ, ଏସପିଙ୍କ ଜନଶୁଣାଣି

ପାଟଣାଗଡ,୧୬।୭ (ଡି.ଏନ.ଏ.) : ବଲାଙ୍ଗୀର ଜିଲା ପାଟଣାଗଡଠାରେ ମାସର ତୃତୀୟ ସୋମବାର ଜିଲାପାଳ ଏବଂ ଏସପିଙ୍କ ଯୁଗ୍ମ ଜନଶୁଣାଣୀ ହୋଇଥାଏ। ହେଲେ ଜନଶୁଣାଣୀରେ ଜିଲାପାଳ କିମ୍ବା ଏସ୍‌ପି ନିଜେ ନ ଆସି ତାଙ୍କ ପ୍ରତିନିଧି ମାନଙ୍କୁ ପଠାଇ ଦେଉଥିବାରୁ ଅଞ୍ଚଳବାସୀଙ୍କ ମନରେ ଅସନ୍ତୋଷ ଦେଖାଯାଇଛି।

ବ୍ଲକସ୍ତରୀୟ ଜିଲାପାଳଙ୍କ ଜନଶୁଣାଣି

ବ୍ଲକସ୍ତରୀୟ ଜିଲାପାଳଙ୍କ ଜନଶୁଣାଣି

କେସିଙ୍ଗା,୧୬।୭(ଡି.ଏନ.ଏ.)- କଳାହାଣ୍ଡି ଜିଲା କେସିଙ୍ଗା ପଞ୍ଚାୟତ ସମିତି କାର୍ଯ୍ୟାଳୟର ସଭା ଗୃହରେ ସୋମବାର ବ୍ଲକସ୍ତରୀୟ ଜିଲାପାଳଙ୍କ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି ।

ହାତୀ ନଦୀରେ ପ୍ରଥମ ବନ୍ୟା: ଚାଷ ଜମିରେ ପାଣି ମାଡି ଧାନ ଫସଲ ନଷ୍ଟ

ହାତୀ ନଦୀରେ ପ୍ରଥମ ବନ୍ୟା: ଚାଷ ଜମିରେ ପାଣି ମାଡି ଧାନ ଫସଲ ନଷ୍ଟ

ଜୁନାଗଡ,୧୬।୭(ଡି.ଏନ.ଏ.)- କଳାହାଣ୍ଡି ଜିଲାରେ ପ୍ରବାହିତ ହାତୀ ନଦୀରେ ସୋମବାର ସକାଳେ ଚଳିତବର୍ଷର ପ୍ରଥମ ବନ୍ୟା ଜଳ ପ୍ରବାହିତ ହୋଇଛି। ମଙ୍ଗଳପୁର ବ୍ୟାରେଜରୁ ପାଣି ଛଡା ଯାଇ ନ ଥିଲେ ମଧ୍ୟ ଶନିବାରଠାରୁ ଉପରମୁଣ୍ଡାରେ ଲଗାଣ ବର୍ଷା ଯୋଗୁ ଏଭଳି ପରିସ୍ଥିତି ସୃଷ୍ଟି ଉପୁଜୁଛି। ବନ୍ୟାରେ ନଦୀର ତଳିଆ ଅଞ୍ଚଳ ଜଳମଗ୍ନ ହୋଇଛି।

ଦେଓଗାଁ ରେଳ ଷ୍ଟେଶନ ପରିଦର୍ଶନ କଲେ ଏମ୍‌ପି: ନିମ୍ନମାନର କାର୍ଯ୍ୟକୁ ନେଇ ଅସନ୍ତୋଷ

ଦେଓଗାଁ ରେଳ ଷ୍ଟେଶନ ପରିଦର୍ଶନ କଲେ ଏମ୍‌ପି: ନିମ୍ନମାନର କାର୍ଯ୍ୟକୁ ନେଇ ଅସନ୍ତୋଷ

ଦେଓଗାଁ,୧୬।୭(ଡି.ଏନ.ଏ.): ବଲାଙ୍ଗୀର ଜିଲା ଦେଓଗାଁ ରେଳ ଷ୍ଟେଶନକୁ ସୋମବାର ଏମ୍‌ପି କଳିକେଶ ନାରାୟଣ ସିଂଦେଓ ଅଚାନକ ପରିଦର୍ଶନ କରିଛନ୍ତି। ଷ୍ଟେଶନ ଆଧୁନିକୀକରଣ କାର୍ଯ୍ୟ ନିମ୍ନମାନକୁ ନେଇ ୧୧ତାରିଖରେ ଧରିତ୍ରୀରେ ଖବର ପ୍ରକାଶ ପାଇଥିଲା।

ମାଉସୀ ମନ୍ଦିରକୁ ବିଜେ ହେଲେ ମହାପ୍ରଭୁ

ମାଉସୀ ମନ୍ଦିରକୁ ବିଜେ ହେଲେ ମହାପ୍ରଭୁ

କୋଲାବିରା,୧୬।୭(ଡି.ଏନ.ଏ.) କୋଲାବିରା ବ୍ଲକ ସମାସିଂହାଠାରେ ଭକ୍ତିମୟ ପରିବେଶରେ ରଥଯାତ୍ରା ପାଳିତ ହୋଇଯାଇଛି। ସ୍ଥାନୀୟ ଜଗନ୍ନାଥ ମନ୍ଦିରରେ ପ୍ରତ୍ୟୁଷରୁ ମଙ୍ଗଳ ଆଲତୀ ସହ ରୀତିନୀତି ଅନୁସାରେ ପୂଜାର୍ଚ୍ଚନା କରାଯାଇଥିଲା। ଅପରାହ୍ନରେ ଶ୍ରୀଜୀଉଙ୍କ ପହଣ୍ଡି ବିଜେ ହୋଇଥିଲା। ଭକ୍ତଙ୍କ ବାହୁଦୋଳିରେ ଝୁଲିଝୁଲି ଠାକୁର ରଥାରୁଢ଼ ହୋଇଥିଲେ। ଗୌନ୍ତିଆ ବଳରାମ ପଟେଲ ଛେରାପହରା କରିଥିଲେ। କ୍ଷୀରୋଦ ପୂଝାରୀ, ଆଶୀଷ ପୂଝାରୀ ରଥ ପୂଜା କାର୍ଯ୍ୟ ତୁଲାଇଥିଲେ।

 ଦନ୍ତା ଉପଦ୍ରବ : ଭାଙ୍ଗିଲା ଘର, ଖାଇଲା ଧାନ

ଦନ୍ତା ଉପଦ୍ରବ : ଭାଙ୍ଗିଲା ଘର, ଖାଇଲା ଧାନ

କୋଲାବିରା,୧୬।୭(ଡିଏନଏ) କୋଲାବିରା ରେଞ୍ଜ୍‌ ଅନ୍ତର୍ଗତ ଦଣ୍ଡାବୁଡ଼ା ଗ୍ରାମରେ ଏକ ଦନ୍ତା ହାତୀ ଉପଦ୍ରବ କରି ଘରୁ ଧାନ, ଚାଉଲ ଖାଇବା ସହ ଘର କାନ୍ଥ ଭାଙ୍ଗି ଦେଇଥିବା ଅଭିଯୋଗ ହୋଇଛି। ଗୋଠଖଣ୍ଡିଆ ହୋଇ ଏଣେତେଣେ ବୁଲୁଥିବା ଦନ୍ତାଟି ରବିବାର ବିଳମ୍ବିତ ରାତିରେ ଦଣ୍ଡାବୁଡା ଗ୍ରାମକୁ ପଶି ଆସିଥିଲା। ପ୍ରଥମେ ରୂପଧର ପଟେଲଙ୍କ ଘର କାନ୍ଥ ଭାଙ୍ଗି ଘରୁ ଧାନ ଚାଉଲ ଖାଇଥିଲା। ମାଛଚାଷ କରାଯାଇଥିବା ପୋଖରୀରେ ଦେବାକୁ ଥିବା ଦାନାକୁ ମଧ୍ୟ ଖାଇଦେଇଥିଲା। ପରେ ଅନ୍ୟ ଘର ଆଡ଼କୁ ମୁହଁ।ଇଥିଲା।

ଶ୍ରୀଜୀଉଙ୍କ ମତ୍ସ୍ୟ ଅବତାର

ଶ୍ରୀଜୀଉଙ୍କ ମତ୍ସ୍ୟ ଅବତାର

କୋଲାବିରା,୧୬।୭(ଡି.ଏନ.ଏ.) ରବିବାର କୋଲାବିରାସ୍ଥିତ ଶ୍ରୀଗୁଣ୍ଡିଚା ମନ୍ଦିର ପରିସରରେ ଶ୍ରୀଜୀଉ ମତ୍ସ୍ୟ ଅବତାରରେ ଭକ୍ତଙ୍କୁ ଦର୍ଶନ ଦେଇଛନ୍ତି। ଏହି ବେଶ ଦେଖିବା ପାଇଁ ସନ୍ଧ୍ୟାରେ ମନ୍ଦିର ପରିସରରେ ଭକ୍ତଙ୍କ ଭିଡ଼ ଲାଗି ରହିଥିଲା। ସାନ୍ଧ୍ୟ ଆଳତୀ ସମୟରେ ଗିନି, ମୃଦଙ୍ଗ ତଥା ଶଙ୍ଖବାଦ୍ୟରେ ମନ୍ଦିର ପରିସର ପ୍ରକମ୍ପିତ ହୋଇଉଠିଥିଲା।

୭ ଦିନ ମଧ୍ୟରେ ଡାକ୍ତର ପଦବୀ ପୂରଣ ଦାବି, ଆନ୍ଦୋଳନ ଚେତାବନୀ

୭ ଦିନ ମଧ୍ୟରେ ଡାକ୍ତର ପଦବୀ ପୂରଣ ଦାବି, ଆନ୍ଦୋଳନ ଚେତାବନୀ

ଖଡ଼ିଆଳ,୧୬।୭ (ଡି.ଏନ୍‌.ଏ.)- ନୂଆପଡ଼ା ଜିଲା ଖଡ଼ିଆଳସ୍ଥିତ ଉନ୍ନୀତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଅଭାବ ନେଇ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଏହା ଉପଖଣ୍ଡସ୍ତରୀୟ ସ୍ବାସ୍ଥ୍ୟକେନ୍ଦ୍ରର ମାନ୍ୟତା ପାଇଥିଲେ ମଧ୍ୟ ଆବଶ୍ୟକ ସଂଖ୍ୟକ ଡାକ୍ତର ପଦବୀ ଖାଲି ପଡ଼ିଛି। ବିଭିନ୍ନ ବିଭାଗରେ ବିଶେଷଜ୍ଞ ନ ଥିବାରୁ ଜରୁରୀକାଳୀନ ଚିକିତ୍ସା ଓ ଅସ୍ତ୍ରୋପଚାରରେ ସମସ୍ୟା ଦେଖାଦେଇଛି। ରୋଗୀମାନେ ଉପଯୁକ୍ତ ଚିକିତ୍ସାରୁ ବଞ୍ଚତ୍ତ ହୋଇଚାଲିଛନ୍ତି। ଡାକ୍ତରଙ୍କ ଅଭାବରୁ ବିଭିନ୍ନ ସମସ୍ୟା ଦେଇ ସ୍ବାସ୍ଥ୍ୟକେନ୍ଦ୍ର ଗତି କରୁଛି। ବିଭିନ୍ନ ଅନୁଷ୍ଠାନ, ରାଜନୈତିକ ଦଳ ପକ୍ଷରୁ ଡାକ୍ତର ନିଯୁକ୍ତି ନେଇ ବାରମ୍ବାର ଦାବି ଓ ଅଭିଯୋଗ ହୋଇଆସୁଥିଲେ ମଧ୍ୟ କୌଣସି ସୁଫଳ ମିଳିପାରିନାହିଁ।

ପରିବର୍ତ୍ତିତ ପରିପୂରକ ପୁଷ୍ଟିକର କାର୍ଯ୍ୟକ୍ରମ

ପରିବର୍ତ୍ତିତ ପରିପୂରକ ପୁଷ୍ଟିକର କାର୍ଯ୍ୟକ୍ରମ

କେସିଙ୍ଗା,୧୬।୭(ଡି.ଏନ.ଏ.) କଳାହାଣ୍ଡି ଜିଲା କେସିଙ୍ଗା ସମନ୍ବିତ ଶିଶୁ ବିକାଶ ଯୋଜନା ଅଧୀନ ବୋରିଆ ଗ୍ରାମ ମାଝିପଡ଼ା ଅଙ୍ଗନଓ୍ବାଡ଼ି କେନ୍ଦ୍ରରେ ରାଜ୍ୟ ସରକାରଙ୍କ ନୂତନ ଗାଇଡଲାଇନ ଅନୁଯାୟୀ ପରିବର୍ତ୍ତିତ ପରିପୂରକ ପୁଷ୍ଟିକର କାର୍ଯ୍ୟକ୍ରମ କରାଯାଇଛି। ଜିଲାପାଳ ଅଞ୍ଜନ କୁମାର ମାଣିକ ୩ରୁ ୬ ବର୍ଷର ପ୍ରାକ୍‌ ବିଦ୍ୟାଳୟର କୁନି କୁନି ଶିଶୁ, ଗର୍ଭବତୀ ମହିଳାଙ୍କୁ ପୁଷ୍ଟିକର ଖାଦ୍ୟ ବଣ୍ଟନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ।

Model This Week

ରୂପେଶ