ଖେଳ |

କୋହଲିଙ୍କ ରେକର୍ଡ ଦ୍ୱିଶତକ: ଭାରତ ସ୍ଥିତି ଦୃଢ଼

କୋହଲିଙ୍କ ରେକର୍ଡ ଦ୍ୱିଶତକ: ଭାରତ ସ୍ଥିତି ଦୃଢ଼
ନୂଆଦିଲ୍ଲୀ,୪ା୧୨(ପି.ଟି)- ଅଧିନାୟକ ବିରାଟ କୋହଲିଙ୍କ ରେକର୍ଡ ଦ୍ୱିଶତକ ଓ ଓପନର ମୁରଲୀ ବିଜୟଙ୍କ ବୃହତ୍‌ ଶତକୀୟ ପାଳି ବଳରେ ଭାରତ ଭ୍ରମଣକାରୀ ଶ୍ରୀଲଙ୍କା ବିପକ୍ଷ ତୃତୀୟ ତଥା ଅନ୍ତିମ ଦିନିକିଆ ମ୍ୟାଚରେ ସ୍ଥିତି ଦୃଢ଼ କରିଛି। ଭାରତ ପ୍ରଥମ ଇନିଂସରେ ୧୨୭. ୫ ଓଭରରେ ୭ ଉଇକେଟ ହରାଇ ୫୩୬ ରନ କରି ପାଳି ଘୋଷଣା କରିଥିଲା। ଜବାବରେ ପ୍ରଥମ ଇନିଂସ ଆରମ୍ଭ କରି ଶ୍ରୀଲଙ୍କା ପ୍ରଥମ ବଲରେ ହିଁ ଝଟ୍‌କା ଖାଇଥିଲା। ଦ୍ୱିତୀୟ ଦିନ ଖେଳ ଶେଷ ସୁଦ୍ଧା ୪୪.୩ ଓଭରରେ ୩ ଉଇକେଟ ହରାଇ ୧୩୧ ରନ କରିଛି। ଫଳରେ ଶ୍ରୀଲଙ୍କା ୭ ଉଇକେଟ ବାକିଥାଇ ୪୦୫ ରନ ପଛରେ ପଡିଛି। ଷ୍ଟମ୍ପ ଅପସାରଣ ବେଳକୁ ଆଞ୍ଜେଲୋ ମାଥ୍ୟୁସ୍‌ ୫୭ ରନର ଅର୍ଦ୍ଧଶତକୀୟ ପାଳି ଖେଳି ଓ ଅଧିନାୟକ ଦିନେଶ ଚାଣ୍ଡିମଲ ୨୫ ରନ କରି ଅପରାଜିତ ରହିଛନ୍ତି। ଇନିଂସର ପ୍ରଥମ ବଲରେ ଦିମୁଥ କରୁଣାରତ୍ନେ ମହମ୍ମଦ ସାମିଙ୍କ ବଲରେ ଉଇକେଟ କିପର ରିଦ୍ଧିମାନ ଶାହଙ୍କୁ କ୍ୟାଚ୍‌ ଦେଇ ଆଉଟ ହୋଇଥିଲେ। ଏହା ପରେ ଧନଞ୍ଜୟ ଡି’ସିଲଭା ୧ ରନ କରିଥିବା ବେଳେ ଇଶାନ୍ତ ଶର୍ମାଙ୍କ ବଲରେ ଏଲବିଡବ୍ଲ୍ୟ ହୋଇ ପ୍ୟାଭିଲିୟନ ଫେରିଥିଲେ। ଅନ୍ୟତମ ଓପନର ଦିଲରୁଓ୍ବାନ ପେରେରା ୪୨ ରନର ଦ୍ରୁତ ପାଳି ଖେଳି ସ୍ପିନର ରବୀନ୍ଦ୍ର ଜାଡେଜାଙ୍କ ବଲରେ ଏଲବିଡବ୍ଲ୍ୟୁ ହୋଇ ଆଉଟ ହୋଇଥିଲେ। ତେବେ ଚତୁର୍ଥ ଉଇକେଟ ଯୋଡିରେ ମାଥ୍ୟୁସ ଓ ଚାଣ୍ଡିମଲ ୫୬ ରନର ଭାଗୀଦାରି ସ୍ଥାପନ କରି ସ୍ଥିତି ସମ୍ଭାଳିବାକୁ ଚେଷ୍ଟା କରିଥିଲେ। ପ୍ରଥମ ଦିବସର ଅସମାପ୍ତ ପ୍ରଥମ ଇନିଂସ ସ୍କୋର ୩୭୧/୪ରୁ ଭାରତ ଖେଳ ଆରମ୍ଭ କରିଥିଲା। ଓଭରନାଇଟ ବ୍ୟାଟ୍ସମ୍ୟାନ କୋହଲି ୧୫୬ ରନରୁ ଖେଳ ଆରମ୍ଭ କରି ୨୪୩ ରନର ଦ୍ୱିଶତକୀୟ ପାଳି ଖେଳି ଆଉଟ ହୋଇଥିଲେ। ସେହିପରି ରୋହିତ ଶର୍ମା ଅସମାପ୍ତ ବ୍ୟକ୍ତିଗତ ସ୍କୋର ୬ରୁ ଖେଳ ଆରମ୍ଭ କରି ୬୫ ରନର ଅର୍ଦ୍ଧଶତକୀୟ ପାଳି ଖେଳି ପ୍ୟାଭିଲିୟନ ଫେରିଥିଲେ। ଏହା ପରେ ରବିଚନ୍ଦ୍ରନ ଅଶ୍ୱିନ ୪ ରନ କରି ଆଉଟ ହୋଇଥିଲେ। ଦିଲ୍ଲୀ ପ୍ରଦୂଷଣ ନେଇ ଶ୍ରୀଲଙ୍କା ଫିଲ୍ଡରମାନେ ବାରମ୍ବାର ଅଭିଯୋଗ କରିଥିଲେ ଓ ଏହି କାରଣରୁ ୩ଥର ଖେଳ ବନ୍ଦ ରହିଥିଲା। ପରିସ୍ଥିତି ଏପରି ହୋଇଥିଲା ଯେ, ଶ୍ରୀଲଙ୍କା ଖେଳାଳିମାନେ ମାସ୍କ ପିନ୍ଧି ଫିଲ୍ଡିଂ କରିଥିଲେ। ରିଦ୍ଧିମାନ ଶାହା ଓ ଜାଡେଜା ଯଥାକ୍ରମେ ୯ ଓ ୫ ରନ କରି ଅପରାଜିତ ରହିଥିବା ବେଳେ କୋହଲି ପାଳି ଘୋଷଣା କରିଥିଲେ।
All Right Reserved By

ଖେଳ |

ବିଜୟ ହଜାରେ ଟ୍ରଫି  ଫାଇନାଲରେ ମୁମ୍ବାଇ-ଦିଲ୍ଲୀ

ବିଜୟ ହଜାରେ ଟ୍ରଫି ଫାଇନାଲରେ ମୁମ୍ବାଇ-ଦିଲ୍ଲୀ

ବେଙ୍ଗାଲୁରୁ,୧୮।୧୦- ଚଳିତ ବିଜୟ ହଜାରେ ଟ୍ରଫି ଦିନିକିଆ ଟୁର୍ନାମେଣ୍ଟର ଟାଇଟଲ ମୁକାବିଲା ସ୍ପଷ୍ଟ ହୋଇଯାଇଛି। ଏଥିରେ ଗରୋଇ କ୍ରିକେଟର ଦୁଇ ଶକ୍ତିଶାଳୀ ଦଳ ଭେଟାଭେଟି ହେବେ। 

ମୁମ୍ବାଇ ସିଟି ଦଳରୁ ଦାବିନ୍ଦର ବାଦ୍‌

ମୁମ୍ବାଇ,୧୮।୧୦(ପି.ଟି.)- ମୁମ୍ବାଇ ସିଟି ଏଫ୍‌ସି ଡିଫେଣ୍ଡର ଦାବିନ୍ଦର ସିଂ ଚଳିତ ଇଣ୍ଡିଆନ ସୁପର ସିଜନରେ ଆହତ ହୋଇଛନ୍ତି। ଫଳରେ ସେ ଚଳିତ ସିଜନର ଅବଶିଷ୍ଟାଂଶ ମ୍ୟାଚ୍‌ରୁ ବାଦ୍‌ ପଡ଼ଛନ୍ତି।

ଦେଓଧର ଟ୍ରଫିରେ ଖେଳିବେ ଅଶ୍ୱିନ ଓ ରାହାନେ

ଦେଓଧର ଟ୍ରଫିରେ ଖେଳିବେ ଅଶ୍ୱିନ ଓ ରାହାନେ

ନୂଆଦିଲ୍ଲୀ,୧୮।୧୦(ପି.ଟି.)- ରବିଚନ୍ଦ୍ରନ ଅଶ୍ୱିନ ଓ ଅଜିଙ୍କ୍ୟ ରାହାନେ ଦେଓଧର ଟ୍ରଫି ପାଇଁ ଘୋଷିତ ଦଳରେ ସ୍ଥାନ ପାଇଛନ୍ତି। ଆସନ୍ତା ୨୩ ତାରିଖଠାରୁ ଆରମ୍ଭ ହେବାକୁ ଥିବା ଟୁର୍ନାମେଣ୍ଟ ଫର୍ମାଟରେ ପରିବର୍ତ୍ତନ କରାଯାଇଛି। 

ଫିକ୍ସିଂ କରିଥିବା ସ୍ବୀକାର କଲେ କାନେରିଆ

ଫିକ୍ସିଂ କରିଥିବା ସ୍ବୀକାର କଲେ କାନେରିଆ

କରାଚୀ,୧୮।୧୦(ପି.ଟି.)- ଦୀର୍ଘ ୬ ବର୍ଷ ପରେ ପାକିସ୍ତାନର ପୂବତନ ସ୍ପିନର ଦାନେଶ କାନେରିଆ ଶେଷରେ ମ୍ୟାଚ୍‌ ଫିକ୍ସିଂ କରିଥିବା ସ୍ବୀକାର କରିଛନ୍ତି। 

୪ ବର୍ଷ ପରେ ୟାମାଗୁଚିଙ୍କୁ ହରାଇଲେ ସାଇନା

୪ ବର୍ଷ ପରେ ୟାମାଗୁଚିଙ୍କୁ ହରାଇଲେ ସାଇନା

ଓଡେନ୍‌ସେ(ଡନମାର୍କ),୧୮।୧୦(ପି.ଟି.)- ଭାରତୀୟ ବ୍ୟାଡ୍‌ମିଣ୍ଟନ ଖେଳାଳି ସାଇନା ନେହ୍ବାଲ ଦୀର୍ଘ ୪ ବର୍ଷ ପରେ ଜାପାନର ଆକାନେ ୟାମାଗୁଚିଙ୍କୁ ହରାଇଛନ୍ତି। ଏହି ବିଜୟ ଯୋଗୁ ଚଳିତ ଡେନମାର୍କ ଓପନରେ ସେ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। 

କଂଗ୍ରେସରେ ଯୋଗଦଲେ ସାମିଙ୍କ ପତ୍ନୀ ଜାହାନ

କଂଗ୍ରେସରେ ଯୋଗଦଲେ ସାମିଙ୍କ ପତ୍ନୀ ଜାହାନ

ମୁମ୍ବାଇ,୧୮।୧୦- ଭାରତୀୟ ପେସର ମହମ୍ମଦ ସାମିଙ୍କ ପତ୍ନୀ ହସିନ ଜାହାନ ଏବେ ରାଜନୀତିରେ ପାଦ ଦେଇଛନ୍ତି। ସେ ଇଣ୍ଡିଆନ ନ୍ୟାଶନାଲ କଂଗ୍ରେସ (ଆଇଏନ୍‌ସି) ପାର୍ଟିରେ ଯୋଗଦେଇଛନ୍ତି। 

ବିସିସିଆଇ ମାଗିଲା ବିଦା ହେବାକୁ ଥିବା ଖେଳାଳିଙ୍କ ତାଲିକା

ବିସିସିଆଇ ମାଗିଲା ବିଦା ହେବାକୁ ଥିବା ଖେଳାଳିଙ୍କ ତାଲିକା

ମୁମ୍ବାଇ,୧୮।୧୦- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ) ଫ୍ରାଞ୍ଚାଇଜ୍‌ମାନଙ୍କୁ ଦଳରୁ ବିଦା ହେବାକୁ ଥିବା ଖେଳାଳିଙ୍କ ତାଲିକା ମାଗିଛି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)। 

ମାଲ୍‌ଟା କ୍ଲବ ପ୍ରସ୍ତାବକୁ ବୋଲ୍ଟଙ୍କ ପ୍ରତ୍ୟାଖ୍ୟାନ

ମାଲ୍‌ଟା କ୍ଲବ ପ୍ରସ୍ତାବକୁ ବୋଲ୍ଟଙ୍କ ପ୍ରତ୍ୟାଖ୍ୟାନ

ସିଡ୍‌ନୀ,୧୮।୧୦- ସ୍ପ୍ରିଣ୍ଟ ସୁପରଷ୍ଟାର ଉସେନ ବୋଲ୍ଟଙ୍କୁ  ମାଲ୍‌ଟସେ ଚାମ୍ପିୟନ ଭାଲେଟ୍ଟା କ୍ଲବ ପକ୍ଷରୁ ଦିଆଯାଇଥିବା ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛନ୍ତି। ସେ ଅଷ୍ଟ୍ରେଲିଆରେ ପେସାଦାର ଫୁଟ୍‌ବଲର ହେବାର ସ୍ବପ୍ନ ପୂରା କରିବେ ବୋଲି ଗୁରୁବାର ବୋଲ୍ଟଙ୍କ ଏଜେଣ୍ଟ କହିଛନ୍ତି। 

ଧୋନୀ, ତେନ୍ଦୁଲକରଙ୍କ କ୍ଲବରେ ସାମିଲ ହେବେ କୋହଲି

ଧୋନୀ, ତେନ୍ଦୁଲକରଙ୍କ କ୍ଲବରେ ସାମିଲ ହେବେ କୋହଲି

ନୂଆଦିଲ୍ଲୀ,୧୮।୧୦- ଭାରତୀୟ ଅଧିନାୟକ ବିରାଟ କୋହଲି ତାଙ୍କ କ୍ୟାରିୟରରେ ଆଉ ଏକ ମାଇଲଷ୍ଟୋନ ସ୍ପର୍ଶ କରିବାକୁ ଯାଉଛନ୍ତି। ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନ ଭାବେ ବିବେଚିତ ହେଉଥିବା କୋହଲି ମୋଟ ଉପରେ ୧୩ତମ ଓ ୫ମ ଭାରତୀୟ ଭାବେ ଦିନିକିଆ କ୍ରିକେଟରେ ୧୦ ହଜାର ରନ୍‌ ପୂରଣ କରିବାକୁ ଯାଉଛନ୍ତି।

ୟୁଥ ଅଲିମ୍ପିକ୍ସ: କୃଷକଙ୍କ ପୁଅ ଆକାଶ ଜିତିଲେ ରୌପ୍ୟ

ୟୁଥ ଅଲିମ୍ପିକ୍ସ: କୃଷକଙ୍କ ପୁଅ ଆକାଶ ଜିତିଲେ ରୌପ୍ୟ

ବୁଏନ୍ସ ଏରିଜ,୧୮।୧୦- ଚଳିତ ୟୁଥ ଅଲିମ୍ପିକ୍ସରେ ପ୍ରଥମ ଭାରତୀୟ ତୀରନ୍ଦାଜ ଭବେ ଆକାଶ ମଲିକ ରୌପ୍ୟ ପଦକ ଜିତିଛନ୍ତି। କୃଷକଙ୍କ ୧୫ ବର୍ଷୀୟ ପୁଅ ଏକତରଫା ଫାଇନାଲରେ ଆମେରିକାର ଟ୍ରେଣ୍ଟୋନ କୋଓ୍ବଲେସଙ୍କଠାରୁ ୦-୬ ବ୍ୟବଧାନରେ ହାରି ଯାଇଛନ୍ତି।

ଜାତୀୟ ସବ୍‌ଜୁନିୟର ଟେନିସ୍‌ କ୍ରିକେଟ: ଓଡ଼ିଶା ରନର୍ସଅପ୍‌

ଜାତୀୟ ସବ୍‌ଜୁନିୟର ଟେନିସ୍‌ କ୍ରିକେଟ: ଓଡ଼ିଶା ରନର୍ସଅପ୍‌

ଭୁବନେଶ୍ୱର, ୧୮।୧୦(କ୍ରୀଡ଼ା ପ୍ରତିନିଧି)- ନାସିକରେ ଅନୁଷ୍ଠିତ ଜାତୀୟ ସବ୍‌ଜୁନିୟର ଟେନିସ୍‌ କ୍ରିକେଟ ଚାମ୍ପିୟନଶିପ୍‌ରେ ଓଡ଼ିଶା ରନର୍ସଅପ୍‌ ହୋଇଛି। ବୁଧବାର ଖେଳାଯାଇଥିବା ଫାଇନାଲ ମ୍ୟାଚ୍‌ରେ ଓଡ଼ିଶା ଉତ୍ତରପ୍ରଦେଶଠାରୁ ହାରି ଦ୍ୱିତୀୟ ସ୍ଥାନ ଅଧିକାର କରିଛି। 

ଶ୍ରଦ୍ଧାଞ୍ଜଳି ଖେଲୋ ଇଣ୍ଡିଆ ଚୟନକର୍ତ୍ତା

ଶ୍ରଦ୍ଧାଞ୍ଜଳି ଖେଲୋ ଇଣ୍ଡିଆ ଚୟନକର୍ତ୍ତା

ଭୁବନେଶ୍ୱର, ୧୮।୧୦(କ୍ରୀଡ଼ା ପ୍ରତିନିଧି)- ଅନ୍ତର୍ଜାତୀୟ ଖ୍ୟାତିସମ୍ପନ୍ନ ମହିଳା ଫୁଟ୍‌ବଲ ଖେଳାଳି ଓଡ଼ିଶାର ଶ୍ରଦ୍ଧାଞ୍ଜଳି ସାମନ୍ତରାୟ ଏବେ ଆଉ ଏକ ଗୁରୁଦାୟିତ୍ୱ ତୁଲାଇବାକୁ ଯାଉଛନ୍ତି। ରାଜ୍ୟର ପ୍ରଥମ ଖେଳାଳି ଭାବେ ଭାରତୀୟ ମହିଳା ଫୁଟ୍‌ବଲ ଦଳର ନେତୃତ୍ୱ ନେଇଥିବା ଶ୍ରଦ୍ଧାଞ୍ଜଳି ବିଭିନ୍ନ ବୟସ ବର୍ଗରେ ଜାତୀୟ ମହିଳା ଫୁଟ୍‌ବଲ ଦଳର କୋଚ୍‌ ଓ ଚୟନକର୍ତ୍ତା ଦାୟିତ୍ୱ ସଫଳତାର ସହିତ ତୁଲାଇଥିବାବେଳେ ଏବେ ତାଙ୍କୁ ଖେଲୋ ଇଣ୍ଡିଆର ଚୟନକର୍ତ୍ତା ଭାବେ ନିଯୁକ୍ତ କରାଯାଇଛି।