ମେଟ୍ରୋ |

୬ରେ ମଠ ମହନ୍ତଙ୍କ ବୈଠକ

୬ରେ ମଠ ମହନ୍ତଙ୍କ ବୈଠକ

ପୁରୀ ଅଫିସ, ୪।୧୨: ପୁରୀ ସହରର ମଠ ମହନ୍ତମାନଙ୍କୁ ନେଇ ରାଜ୍ୟ ଦେବୋତ୍ତର କମିଶନର ଆସନ୍ତା ୬ ତାରିଖରେ ଏକ ବୈଠକ ଡାକିଛନ୍ତି। ଏହି ବୈଠକ ଭୁବନେଶ୍ୱରସ୍ଥିତ କମିଶନରଙ୍କ କାର୍ଯ୍ୟାଳୟରେ ବସିବ। ବୈଠକରେ ୮୮ଟି ମଠର ମହନ୍ତ ଯୋଗେଦେବେ। ମଠ ମହନ୍ତମାନଙ୍କୁ ଦେବୋତ୍ତର କମିଶନରଙ୍କ କାର୍ଯ୍ୟାଳୟ ପକ୍ଷରୁ ଚିଠି କରାଯାଇଛି। ତେବେ ଶ୍ରୀମନ୍ଦିର ପ୍ରଶାସନର ମଠ ଦଖଲ ବୈଠକରେ ମୁଖ୍ୟ ପ୍ରସଙ୍ଗ ହେବ ବୋଲି କୁହାଯାଉଛି।
ବାଲିସାହିରେ ଥିବା ବାଉଳି ମଠକୁ ଶ୍ରୀମନ୍ଦିର ପ୍ରଶାସନ ହାତକୁ ନେଇଛି। ମଠାଧୀଶ ନ ଥିବା ଆଉ ୪ଟି ମଠ ହାତକୁ ନେବାଲାଗି ଶ୍ରୀମନ୍ଦିର ପ୍ରଶାସନ ପକ୍ଷରୁ ସରଜମିନ ତଦନ୍ତ ଚାଲିଛି। ସୁପ୍ରିମକୋର୍ଟଙ୍କ ରାୟ ଭିତ୍ତିରେ ମଠଗୁଡିକୁ ଶ୍ରୀମନ୍ଦିର ପ୍ରଶାସନ ଦଖଲକୁ ନେଉଛି। ଏହାପୂର୍ବରୁ ୨୦୧୩ ମସିହାରେ ଶ୍ରୀମନ୍ଦିର ପ୍ରଶାସନ ଗୋପାଳ ତୀର୍ଥ ମଠକୁ ହାତକୁ ନେଇଥିଲା। ଶ୍ରୀକ୍ଷେତ୍ରରେ ଶତାଧିକ ମଠ ରହିଥିବା ବେଳେ ଶ୍ରୀମନ୍ଦିର ପ୍ରଶାସନର ପଦକ୍ଷେପ ପରେ ମଠାଧୀଶମାନଙ୍କ ମଧ୍ୟରେ ଭୟ ସୃଷ୍ଟି ହୋଇଛି। ଦେବୋତ୍ତର କମିଶନର ବିରଜା ପ୍ରସାଦ ଦତ୍ତ ଗତ ୨୯ତାରିଖରେ ପୁରୀ ଗସ୍ତରେ ଆସିଥିଲେ। ପୁରୀରେ ଥିବା ୮ଟି ମଠର ସ୍ଥିତି ଅନୁଧ୍ୟାନ କରିଥିଲେ। ମଠ ଅନୁଧ୍ୟାନ ବେଳେ କେତେଜଣ ମଠ ମହନ୍ତ ଏ ସମ୍ପର୍କରେ ଦେବୋତ୍ତର କମିଶନରଙ୍କ ଦୃଷ୍ଟି ଆକର୍ଷଣ କରିଥିଲେ। ଏପରି କି ମଠ ମହନ୍ତମାନଙ୍କୁ ନେଇ ଏକ ବୈଠକ ଡାକିବାକୁ ଅନୁରୋଧ କରିଥିଲେ। ବୈଠକରେ ମଠ ଏବଂ ଶ୍ରୀମନ୍ଦିରକୁ ଭିତ୍ତିକରି ସୁପ୍ରିମକୋର୍ଟ ଦେଇଥିବା ରାୟ ଉପରେ ଆଲୋଚନା ହେବ। ଏପରି କି ଶ୍ରୀମନ୍ଦିର ପ୍ରଶାସନ କେଉଁ ଭିତ୍ତିରେ ମଠ ଦଖଲକୁ ନେଉଛି ଏବଂ ଏଥିନେଇ ମହନ୍ତମାନଙ୍କ ମତ କ’ଣ ରହିଛି, ତାହା ଉପରେ ବୈଠକରେ ଆଲୋଚନା ହେବ। ସହରରେ ଥିବା ମଠଗୁଡିକର ସ୍ଥିତି ଏବଂ ସମସ୍ୟା ସମ୍ପର୍କରେ ଆଲୋଚନା ହେବ। ଏହାସହିତ ମହନ୍ତ ନ ଥିବା ଜବରଦଖଲରେ ରହିଥିବା ମଠଗୁଡିକ ଉପରେ କି ପଦକ୍ଷେପ ନିଆଯିବ ସେ ସମ୍ପର୍କରେ ମଧ୍ୟ ଆଲୋଚନା ହେବ ବୋଲି ଜଣାପଡିଛି।
ସୂଚନାଯୋଗ୍ୟ, ଗୋପାଳ ତୀର୍ଥ ମଠକୁ ଶ୍ରୀମନ୍ଦିର ପ୍ରଶାସନ ହାତକୁ ନେବା ପରେ ମଠର କୋଠାକୁ ଭାଙ୍ଗି ଦିଆଯାଇଛି। ସେଠାରେ କେବଳ ଭୁବନେଶ୍ୱରୀ ମନ୍ଦିର ରହିଛି। ଉକ୍ତ ଜମିରେ ସେବାୟତ ପାଇଁ ବାସଗୃହ କରାଯିବାର ଯୋଜନା ରହିଛି। ଉକ୍ତ ପ୍ରକଳ୍ପର ମୁଖ୍ୟମନ୍ତ୍ରୀ ଶିଳାନ୍ୟାସ କରିସାରିଛନ୍ତି। ଶିଳାନ୍ୟାସକୁ ଇତିମଧ୍ୟରେ ଦୁଇବର୍ଷ ବିତିଯାଇଥିଲେ ହେଁ ପ୍ରକଳ୍ପ କାର୍ଯ୍ୟ ଆରମ୍ଭ ହୋଇପାରିନାହିଁ। ଗୋପାଳ ତୀର୍ଥ ମଠ ଗୋବର୍ଦ୍ଧନ ପୀଠର ଏକ ଶାଖା ମଠ ବୋଲି କୁହାଯାଉଛି। ତେଣୁ ଏହି ପ୍ରକଳ୍ପ ଅଟକି ରହିଥିବା କୁହାଯାଉଛି। ମହାପ୍ରଭୁଙ୍କ ପ୍ରମୋଦ ଉଦ୍ୟାନ ଶ୍ରୀଜଗନ୍ନାଥ ବଲ୍ଲଭ ମଠକୁ ଶ୍ରୀମନ୍ଦିର ପ୍ରଶାସନ ମଧ୍ୟ ହାତକୁ ନେବାକୁ ଯୋଜନା ରଖିଛି। ଏ ନେଇ ଶ୍ରୀଜଗନ୍ନାଥ ମନ୍ଦିର ପ୍ରଶାସନ ବୈଠକରେ ବାରମ୍ବାର ଆଲୋଚନା ହୋଇଛି। ମଠ ସଂସ୍କୃତି ଶ୍ରୀମନ୍ଦିର ସହିତ ଅଙ୍ଗାଙ୍ଗୀ ଭାବେ ଜଡିତ ହୋଇଥିବା ବେଳେ ଦୁଇ ଅନୁଷ୍ଠାନ ମଧ୍ୟରେ ବର୍ଷ ବର୍ଷ ଧରି ବିବାଦ ଲାଗି ରହିଛି।

All Right Reserved By

ମେଟ୍ରୋ |

ଆତ୍ମହତ୍ୟା ପ୍ରବଣତାକୁ ନେଇ ବଢ଼ୁଛି ଚିନ୍ତା , ଆରମ୍ଭ ହେବ ସ୍ବତନ୍ତ୍ର କାଉନ୍‌ସେଲିଂ ବ୍ୟବସ୍ଥା

କଟକ ଅଫିସ, ୧୯।୭- ପ୍ରେମରେ ଧୋକା ଖାଇବା ପରେ ହେଉ କିମ୍ବା ସ୍ବାମୀସ୍ତ୍ରୀଙ୍କ ମଧ୍ୟରେ ବିବାଦ କାରଣରୁ ହେଉ ଅବା ପରୀକ୍ଷାରେ ଅକୃତକାର୍ଯ୍ୟ ଓ ମାନସିକ ଅସୁସ୍ଥତା କାରଣରୁ ଲୋକେ ଆତ୍ମହତ୍ୟା କରୁଛନ୍ତି। ସେହିପରି ନିଶା ସେବନ ଯୋଗୁ ଆତ୍ମହତ୍ୟା ପ୍ରବୃତ୍ତି ଜାଗ୍ରତ ହେଉଛି।

ରଞ୍ଜିତା ବିଶ୍ୱାଳ ଜାମିନ ମାମଲା , ଡି’ଲିଙ୍କ୍‌ର ପ୍ରମାଣ ଲୋଡିଲେ ହାଇକୋର୍ଟ

କଟକ ଅଫିସ,୧୯।୭- ବିଜେଡି କର୍ପୋରେଟର ରଞ୍ଜିତା ବିଶ୍ୱାଳଙ୍କ ଜାମିନ ଆବେଦନର ଶୁଣାଣି ଗତ ମଙ୍ଗଳବାର ହାଇକୋର୍ଟରେ ହୋଇଥିଲା। କର୍ପୋରେଟର ରଞ୍ଜିତା ଧଳସାମନ୍ତ ଭ୍ରାତାଙ୍କୁ ଜେଲ୍‌ରେ ଭେଟିବାର କ’ଣ ସବୁ ପ୍ରମାଣ ରହିଛି ସେସବୁ କୋର୍ଟରେ ଦାଖଲ କରିବା ପାଇଁ ବିଚାରପତି ଜଷ୍ଟିସ ଜେ.ପି. ଦାସ ସରକାରଙ୍କୁ ଆଦେଶ ଦେଇଛନ୍ତି।

ସ୍ବାସ୍ଥ୍ୟ ବିଭାଗ କିରାଣିଙ୍କ ଘରେ ଭିଜିଲାନ୍ସ ଯାଞ୍ଚ , ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ

କଟକ ଅଫିସ, ୧୯।୭- କଟକ ଜିଲା ମୁଖ୍ୟ ଚିକିତ୍ସାଧିକାରୀ (ସିଡିଏମ୍‌ଓ)ଙ୍କ କାର୍ଯ୍ୟାଳୟର କନିଷ୍ଠ କିରାଣି ସୁନୀଲ କୁମାର ଦାସଙ୍କ ଘରେ ବୁଧବାର ଭିଜିଲାନ୍ସ ଯାଞ୍ଚ ହୋଇଛି। ଆୟ ବହିର୍ଭୂତ ସମ୍ପତ୍ତି ଠୁଳ କରିଥିବା ନେଇ ସୁନୀଲଙ୍କ ବିରୋଧରେ ଅଭିଯୋଗ ହୋଇଥିଲା।

ପୁରୀ ଜେଲ୍‌ରେ କଏଦୀଙ୍କ ମୃତ୍ୟୁ

ପୁରୀ ଜେଲ୍‌ରେ କଏଦୀଙ୍କ ମୃତ୍ୟୁ

ପୁରୀ ଅଫିସ,୧୯।୭ : ଏକ ହତ୍ୟା ମାମଲାରେ ଆଜୀବନ ଜେଲ ଦଣ୍ଡାଦେଶ ପାଇ ପୁରୀ ଜିଲା ଜେଲରେ ଥିବା ଜଣେ କଏଦୀଙ୍କ ମଙ୍ଗଳବାର ମୃତ୍ୟୁ ଘଟିଛି। ସେ ହେଲେ କାକଟପୁରର ତ୍ରିଲୋଚନ ମଲିକ। ପୋଲିସ କହିବାନୁସାରେ, ସକାଳେ ତାଙ୍କ ଦେହ ଭୀଷଣ ଖରାପ ହେବାରୁ ଜେଲ କର୍ତ୍ତୃପକ୍ଷ ତାଙ୍କୁ ଜିଲା ମୁଖ୍ୟ ଚିିକିତ୍ସାଳୟରେ ଭର୍ତ୍ତି କରିଥିଲେ।

ବଟାନିକାଲ ଗାର୍ଡେନ : ବିନା ଟେଣ୍ଡରରେ ରାସ୍ତା କାମ, ନିମ୍ନମାନ ଅଭିଯୋଗ ଉଚ୍ଚସ୍ତରୀୟ ତଦନ୍ତ ପାଇଁ ମୁଖ୍ୟମନ୍ତ୍ରୀ ଓ କ୍ରାଇମ୍‌ବ୍ରାଞ୍ଚକୁ ଚିଠି ଲେଖିଲେ ବ୍ଲକ ଉପାଧ୍ୟକ୍ଷା

ଭୁବନେଶ୍ୱର, ୧୯।୭(ବ୍ୟୁରୋ) - ନନ୍ଦନକାନନ ବଟାନିକାଲ ଗାର୍ଡେନରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ବିନା ଟେଣ୍ଡରରେ ୯୫ଲକ୍ଷରୁ ଊର୍ଦ୍ଧ୍ୱ ଟଙ୍କାର କାର୍ଯ୍ୟ ହେଉଛି। ଅତି ଚତୁରତାର ସହ ଜଣେ ଠିକାଦାରଙ୍କୁ ଭାଗ ଭାଗ କରି କାର୍ଯ୍ୟ ଦିଆଯାଇଥିବା ଅଭିଯୋଗ ଉଠିଛି।

‘ହାତୀ ବଞ୍ଚାଅ’ ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ରିଚା ଚଢ଼ା

‘ହାତୀ ବଞ୍ଚାଅ’ ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ରିଚା ଚଢ଼ା

ଓଡ଼ିଶାରେ ଟ୍ରେନ ଧକ୍କାରେ ହାତୀଙ୍କ ମୃତ୍ୟୁ ଘଟୁଥିବାରୁ ରିଚା ଏହାକୁ ଗଭୀରତାର ସହ ନେଇଛନ୍ତି। ଏହାର ସମାଧାନ କିପରି ହୋଇପାରିବ ସେ ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି। ରିଚା କହିଛନ୍ତି, ୨୦୧୮ରେ ଅନେକ ଜାଗାରେ ହାତୀ ଦୁର୍ଘଟଣାର ଶିକାର ହୋଇଛନ୍ତି।

ଡ୍ରେନ ପାଇଁ ଘରୋଇ ଜମି କିଣିବ ବିଏମ୍‌ସି

ଭୁବନେଶ୍ୱର, ୧୯।୭(ବ୍ୟୁରୋ)- ଭାଗବତ ସନ୍ଧାନ ନିକଟ ଡ୍ରେନ୍‌ ପାଣି ନିଷ୍କାସନ ପାଇଁ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ଘରୋଇ ଜମି ଅଧିଗ୍ରହଣ କରିବ। ଏଠାରେ ଡ୍ରେନ୍‌ର ସ୍ଥିତି ଆକଳନ ପାଇଁ ବିଏମ୍‌ସି କମିଶନର ଡ. କ୍ରିଷନ କୁମାରଙ୍କ ନେତୃତ୍ୱରେ ନଗର ପ୍ରଶାସନର

ଟିଟୋଙ୍କୁ ପେଟ୍ରୋଲ ପମ୍ପ ଡିଲରଶିପ ମିଳିବା ପ୍ରସଙ୍ଗ ସିବିଆଇ ତଦନ୍ତ ସୁପାରିସ କଲା ଆଇଓସିଏଲ୍‌

ଭୁବନେଶ୍ୱର, ୧୯।୭(ବ୍ୟୁରୋ)- ଗ୍ୟାଙ୍ଗଷ୍ଟର ସୟଦ ଉସମାନ ଅଲି ଓରଫ ଟିଟୋଙ୍କୁ ପେଟ୍ରୋଲ ପମ୍ପ ଡିଲରଶିପ ମିଳିବା ଘଟଣାର ସିବିଆଇ ତଦନ୍ତ କରାଯିବ। ନିୟମର ଉଲ୍ଲଂଘନ କରାଯାଇ ଟିଟୋଙ୍କୁ ପେଟ୍ରୋଲ ପମ୍ପ ଦିଆଯାଇଥିବା ଆଇଓସିଏଲ(ଇଣ୍ଡିଆନ ଅଏଲ କର୍ପୋରେଶନ ଲିମିଟେଡ) ନିଜସ୍ବ ପ୍ରାଥମିକ ତଦନ୍ତରୁ ଜାଣିବାକୁ ପାଇଥିଲା।

ଭୁବନେଶ୍ୱର ଓ୍ବାନ୍‌ ଟୋଲ ଫ୍ରି ନମ୍ବର ଉନ୍ମୋଚିତ , ଘରେ ବସି ଦାଖଲ କରିହେବ ଅଭିଯୋଗ

ଭୁବନେଶ୍ୱର ଓ୍ବାନ୍‌ ଟୋଲ ଫ୍ରି ନମ୍ବର ଉନ୍ମୋଚିତ , ଘରେ ବସି ଦାଖଲ କରିହେବ ଅଭିଯୋଗ

ଭୁବନେଶ୍ୱର, ୧୯।୭ (ବ୍ୟୁରୋ)- ଏଣିକି ଭୁବନେଶ୍ୱର ସହରବାସୀଙ୍କୁ ଅଭିଯୋଗ ଦାଖଲ କରିବାକୁ ଆଉ ବାରମ୍ବାର ବିଏମ୍‌ସି କିମ୍ବା ବିଡିଏ କାର୍ଯ୍ୟାଳୟକୁ ଦୌଡିବାକୁ ପଡିବନି। ଘରେ ବସି ଗୋଟିଏ କଲରେ ବିଏମ୍‌ସି ପାଖରେ ପହଞ୍ଚିଯିବ ଅଭିଯୋଗ।

ଦବିଲା ବସ୍‌ ଚକ , ବାଘ ସଫାରିରେ ଫସିଲେ ୩୮ ପର୍ଯ୍ୟଟକ

ଦବିଲା ବସ୍‌ ଚକ , ବାଘ ସଫାରିରେ ଫସିଲେ ୩୮ ପର୍ଯ୍ୟଟକ

ବାରଙ୍ଗ,୧୯।୭(ଡି.ଏନ୍‌.ଏ.)-ନନ୍ଦନକାନନ ପ୍ରାଣୀଉଦ୍ୟାନରେ ଘଟିଛି ପୁଣି ଏକ ଅଘଟଣ। ମଙ୍ଗଳବାର ୩୮ଜଣ ପର୍ଯ୍ୟଟକଙ୍କୁ ଧରି ବାଘ ସଫାରି ବୁଲାଇବାକୁ ନେଇଥିବା ବସ୍‌ର ଚକ କାଦୁଅ ରାସ୍ତାରେ ଦବିଯିବାରୁ ଯାତ୍ରୀମାନେ ସଫାରି ଭିତରେ ଫସିରହିଥିଲେ।

ଅନିଶ୍ଚିତତା ଭିତରେ ମୟୂର ଅଭୟାରଣ୍ୟ

ଅନିଶ୍ଚିତତା ଭିତରେ ମୟୂର ଅଭୟାରଣ୍ୟ

ଭୁବନେଶ୍ୱର,୧୯।୭(ବ୍ୟୁରୋ)- ଭୁବନେଶ୍ୱର ଉପକଣ୍ଠ ଅଞ୍ଚଳରେ ଚଳପ୍ରଚଳ କରୁଥିବା ମୟୂରଙ୍କ ସୁରକ୍ଷା ଏବଂ ବଂଶବୃଦ୍ଧି ଲକ୍ଷ୍ୟରେ ମୟୂର ଅଭୟାରଣ୍ୟର ପରିକଳ୍ପନା କରାଯାଇଥିଲା। ମେଣ୍ଡାଶାଳ ସଂରକ୍ଷିତ ଜଙ୍ଗଲ, ଗଙ୍ଗାପାଟଣା ଓ ଦେଉଳିଆପାଟଣା ଅଞ୍ଚଳରେ ଏହି ଅଭୟାରଣ୍ୟ କରିବାକୁ ରାଜ୍ୟ ସରକାର ଯୋଜନା କରିଥିଲେ।

୨୧ରେ ‘କାଳିନ୍ଦୀ ଚରଣ ପାଣିଗ୍ରାହୀ’ ଆଲୋଚନାଚକ୍ର

ଭୁବନେଶ୍ୱର,୧୯।୭(ବ୍ୟୁରୋ)-କେନ୍ଦ୍ର ସାହିତ୍ୟ ଏକାଡେମୀ ପକ୍ଷରୁ ଆସନ୍ତା ୨୧ ଏବଂ ୨୨ ତାରିଖରେ ୩ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଯାଉଛି। ୨୧ ତାରିଖ ଅପରାହ୍ନରେ ଉତ୍କଳ ବିଶ୍ୱବିଦ୍ୟାଳୟ ସ୍ନାତକୋତ୍ତର ପରିଷଦ ସମ୍ମିଳନୀ

Model This Week

ରୂପେଶ