Dharitri News
ମେଟ୍ରୋ |

ଅବହେଳିତ ଐତିହ୍ୟ :ହଜିଯିବ ଶ୍ରୀକ୍ଷେତ୍ରର ସ୍ବତନ୍ତ୍ରତା

ଅବହେଳିତ ଐତିହ୍ୟ :ହଜିଯିବ ଶ୍ରୀକ୍ଷେତ୍ରର ସ୍ବତନ୍ତ୍ରତା ଐତିହ୍ୟ ହେଉଛି ଗୋଟିଏ ଜାତିର ପରିଚୟ। ଆମର ଶାସ୍ତ୍ର, ପୁରାଣ, କାହାଣୀ, କିମ୍ବଦନ୍ତୀ, ଲୋକଗପ, ଲୋକକଥା ଓ ଲୋକଗୀତ ହେଉଛି ଐତିହ୍ୟର ବିଭବ। ଐତିହ୍ୟକୁ ଇତିହାସର ଉପାଦାନ ବୋଲି ଗ୍ରହଣ କରାଯାଏ। ସେହି ପରମ୍ପରା ଭାରତରେ ମଧ୍ୟ ପ୍ରାଚୀନ କାଳରୁ ରହି ଆସିଛି। କିନ୍ତୁ ଇଂରେଜ ଶାସନ କାଳରେ ଓଡ଼ିଶା ବାହାରର ସମସ୍ତ ଐତିହାସିକ ଆମ ଐତିହ୍ୟକୁ ଗୁରୁତ୍ୱ ତ ଦେଲେନାହିଁ, ପ୍ରକୃତ ଇତିହାସକୁ ମଧ୍ୟ ଟାହିଟାପରା କରି ଜନଶ୍ରୁତି ବା ଲୋକକଥା ବୋଲି ଲେଖିଦେଇଗଲେ। ପ୍ରକୃତ ଇତିହାସ ଓ ଇତିହାସର ଐତିହ୍ୟ ପ୍ରତି ସମାଜରେ ଆଦର କମିଗଲା। ଫଳସ୍ବରୂପ ଐତିହ୍ୟର ସ୍ମାରକୀ ଏବଂ ଐତିହ୍ୟ ସ୍ଥଳଗୁଡ଼ିକ ଅବହେଳିତ ହୋଇପଡିବାରୁ ବିକୃତ ମାନସିକତା ଆମ ସଂସ୍କୃତିକୁ ଧସେଇ ପଶିଲା। ପୁରୀ ଅଫିସ,୩।୧୨: ଐତିହ୍ୟ ସହର ପୁରୀ। ମହାପ୍ରଭୁଙ୍କୁ ନେଇ ପ୍ରାଚୀନ କାଳରୁ ଶ୍ରୀକ୍ଷେତ୍ର ଏକ ଧାମ ଭାବେ ପରିଚିତ। ତେଣୁ ଭାରତର ସାଧୁ, ସନ୍ଥ, ଦାର୍ଶନିକ ଏହି ଧାମକୁ ଆସି ନିଜ ମତବାଦକୁ ଶ୍ରୀଜଗନ୍ନାଥଙ୍କ ଉପାସନା ଧାରା ସହିତ ସମୀକରଣ କରାଇଥିଲେ। ଏହି ଉପାସନା ଧାରାରେ ନିଜକୁ ସାମିଲ କରାଇ ନେଇଥିଲେ। ସେମାନଙ୍କ ମଧ୍ୟରୁ ଅନେକ ସାଧୁସନ୍ଥ ନୀଳାଚଳ କ୍ଷେତ୍ରରେ ମଠ, ଆଶ୍ରମ ଓ ଆସ୍ଥାନ ପ୍ରତିଷ୍ଠା କରି ଫେରିଯାଇଥିବା ବେଳେ ଆଉ କେତେଜଣ ଜୀବନର ଶେଷ ପର୍ଯ୍ୟନ୍ତ ପରମ ପଦ ଲାଭ ପାଇଁ ଏଠାରେ ରହିଯାଇଥିଲେ। ସେମାନେ ପ୍ରତିଷ୍ଠା କରିଥିବା ମଠ, ଆଶ୍ରମ, ଆସ୍ଥାନ ଆମ ଐତିହ୍ୟର ଗୋଟିଏ ଗୋଟିଏ ମହାନ୍‌ ସ୍ମାରକୀ ପାଲଟିଯାଇଛି। ଏହାବାଦ୍‌ ପୁରୀର ଘାଟ, ବାଟ, ମନ୍ଦିର, ଶ୍ମଶାନ, ପ୍ରସିଦ୍ଧ ଓ ତୀର୍ଥ ପୁଷ୍କରିଣୀ, ଜାଗା ଆଖଡା, କୋଟ, ଗୁରୁଜଗୁଡ଼ିକର ମଧ୍ୟ ଐତିହ୍ୟ ରହିଛି। ଆମ ପ୍ରାଚୀନ ଐତିହ୍ୟ ସହ ଏସବୁର ନିବିଡ଼ ସମ୍ପର୍କ ରହିଥିବା ଇତିହାସ ବିରଳ ନୁହେଁ। ତଥାପି ଏଗୁଡ଼ିକର ସଂରକ୍ଷଣ ଓ ବିକାଶ ପ୍ରତି ଯେତିକି ଯତ୍ନଶୀଳ ହେବା କଥା ସେଥିରେ ଅବହେଳା କରାଯାଉଛି।ପୁରୀ ସହରରେ ପ୍ରାୟ ୫୦୦ ଐତିହ୍ୟସ୍ଥଳୀ ରହିଛି। ଏହି ଐତିହ୍ୟସ୍ଥଳୀଗୁଡ଼ିକୁ ନେଇ ଜିଲା ପ୍ରଶାସନ ପକ୍ଷରୁ ଐତିହ୍ୟ ମାର୍ଗ ଏବଂ ଐତିହ୍ୟ ପଥର ପରିକଳ୍ପନା କରାଯାଇଛି। ଶ୍ରୀକ୍ଷେତ୍ରକୁ ଆସୁଥିବା ଭକ୍ତ, ପର୍ଯ୍ୟଟକ ଏବଂ ତୀର୍ଥଯାତ୍ରୀ ଯାନବାହନରେ ଐତିହ୍ୟ ମାର୍ଗ ବୁଲିପାରିବେ। ଏହି ମାର୍ଗରେ ପଡୁଥିବା ଐତିହ୍ୟସ୍ଥଳୀଗୁଡ଼ିକୁ ଦେଖିବା ସହିତ ଏ ବିଷୟରେ ସବିଶେଷ ତଥ୍ୟ ମଧ୍ୟ ପାଇପାରିବେ। ଏଥିସହ ଶ୍ରୀମନ୍ଦିର ଓ ଏହା ସଂଲଗ୍ନ ଐତିହ୍ୟସ୍ଥଳୀକୁ ନେଇ ଐତିହ୍ୟ ପଥ କରାଯିବ। ଏଥିରେ ଶ୍ରଦ୍ଧାଳୁ, ତୀର୍ଥଯାତ୍ରୀ ପାଦରେ ଚାଲି ଚାଲି ପରିକ୍ରମା କରିବେ। ଏଭଳି ଏକ ଅଭିନବ ହେରିଟେଜ୍‌ କରିଡର ଯୋଜନା କରିଛି ଜିଲା ପ୍ରଶାସନ। ପ୍ରଥମେ ୫୪ଟି ଐତିହ୍ୟସ୍ଥଳୀର ବିକାଶ ହେବା ପରେ ପୁଣି ଦ୍ୱିତୀୟ ପର୍ଯ୍ୟାୟରେ ଆଉ ୫୪ଟିର ତାଲିକା କରାଯାଇ ବିକାଶ କରାଯିବ ବୋଲି ନିଷ୍ପତ୍ତି ହୋଇଥିଲା। କିନ୍ତୁ ପ୍ରାଥମିକ ପର୍ଯ୍ୟାୟରେ ୪୦ଟି ଐତିହ୍ୟସ୍ଥଳର ବିକାଶ ଲକ୍ଷ୍ୟରେ ଏହାର ଆର୍ଥତ୍କ ଅଟକଳ କରିଛି ପ୍ରଶାସନ। କିନ୍ତୁ ଏଯାଏ କାମ ଆରମ୍ଭ ହୋଇନାହିଁ।ଏହି ୪୦ଟିକୁ ବାଦ୍‌ ଦେଲେ ଆହୁରି ଅନେକ ଐତିହ୍ୟସ୍ଥଳୀ ରହିଛି । ଏଥିମଧ୍ୟରୁ ଅଧିକାଂଶ ଅର୍ଦ୍ଧଭଗ୍ନ, ସମ୍ପୂର୍ଣ୍ଣ ଭଗ୍ନ ଅବସ୍ଥାରେ ଅଛି। କେତେକ ଐତିହ୍ୟସ୍ଥଳୀ ବ୍ୟକ୍ତିଗତ ମାଲିକାନା ସ୍ବତ୍ତ୍ବକୁ ଚାଲିଯାଇଛି। ସେଗୁଡ଼ିକ ମୁଖ୍ୟଧାରାକୁ ଆଣିବା ଲାଗି କାହାର ଆନ୍ତରିକତା ଥିବା ଭଳି ଜଣାପଡୁନାହିଁ। ଏମିତି ଅବହେଳିତ ହୋଇପଡିଥିବା ଐତିହ୍ୟସ୍ଥଳୀ ମଧ୍ୟରେ ସ୍ବର୍ଗଦ୍ୱାରରେ ରହିଥିବା ଶେଷ ଶାୟୀ ବିଷ୍ଣୁଙ୍କ ଉପାସନାସ୍ଥଳ, କଟକୀ ପେଣ୍ଠଠାରେ ଉପାସିତ ମା’ ମଶାଣି ଚଣ୍ଡୀ ପୀଠ ଅନ୍ୟତମ। ମଶାଣି ଚଣ୍ଡୀ ପ୍ରଥମେ ଏକ ଘାଟରେ ଥିଲେ। ମୂଷା ନଈର ଏହି ଘାଟ କଟକୀ ପେଣ୍ଠ ଭାବେ ପ୍ରତିଷ୍ଠା ଲାଭ କରିଥିଲା। କଟକ ଆଡୁ ଜଳପଥରେ ଆସୁଥିବା ତୀର୍ଥଯାତ୍ରୀମାନେ ଏହି ପେଣ୍ଠରେ ଓହ୍ଲାଉଥିଲେ। ସେମାନଙ୍କୁ ଯାତ୍ରୀକର ଦେବାକୁ ପଡୁ ନ ଥିଲା। ଜନଶ୍ରୁତିରୁ ଜଣାଯାଏ ଏହାର ଐତିହ୍ୟ ମଧ୍ୟ ମାର୍କଣ୍ଡ ମହର୍ଷିଙ୍କ ସହିତ ଜଡ଼ିତ ଥିଲା।ସେହିପରି ମୋଗଲମାନଙ୍କ ଆକ୍ରମଣ ସମୟରୁ ଅଠରନଳା ଘାଟ ନିକଟରେ ରହିଥିବା ମକରଧ୍ୱଜ ମହାବୀରଙ୍କ ମନ୍ଦିର ଏବଂ ବାଟଗଁ। ଘାଟ ନିକଟରେ ପୂଜିତ ହେଉଥିବା ବାଟମଙ୍ଗଳାଙ୍କଠାରୁ ଅଠରନଳା ପୋଲ ମଧ୍ୟରେ ରହିଥିବା ୨୧ଟି ମନ୍ଦିର ଆଜି ଅବହେଳିତ। ଏହି ଅବହେଳିତ ଐତିହ୍ୟର ଫର୍ଦ୍ଦ ବେଶ୍‌ ଲମ୍ବା। ତନ୍ମଧ୍ୟରୁ ଚୂଡ଼ଙ୍ଗ ପୋଖରୀ ମଧ୍ୟ ଅନ୍ୟତମ। ଗଜପତି ଚୋଡ଼ଗଙ୍ଗ ଦେବଙ୍କ ଦ୍ୱାରା ଖୋଦିତ ଏହି ପୋଖରୀ ବର୍ତ୍ତମାନ ସମ୍ପୂର୍ଣ୍ଣ ବିଲୁପ୍ତ ଅବସ୍ଥାରେ ପହଞ୍ଚତ୍ଛି। ଏହି ପୋଖରୀ ନିତେଇ ଧୋବଣୀ ଓ ପିତେଇ ସଉରୁଣୀ କାହାଣୀର ମୂକସାକ୍ଷୀ। ହେଲେ ଆଜି ଏହିସବୁ ଐତିହ୍ୟସ୍ଥଳ ଧ୍ୱଂସ ମୁଖରେ ପହଞ୍ଚତ୍ଛି।

ମେଟ୍ରୋ |

ହୋଟେଲ ଅନନ୍ୟାରେ ଅଗ୍ନିକାଣ୍ଡ

ହୋଟେଲ ଅନନ୍ୟାରେ ଅଗ୍ନିକାଣ୍ଡ

ପୁରୀ ଅଫିସ,୨୩।୧: ସ୍ଥାନୀୟ ଭିଆଇପି ରୋଡ଼ସ୍ଥିତ ହୋଟେଲ ପ୍ରାଇଡ଼ ଅନନ୍ୟାରେ ମଙ୍ଗଳବାର ଭୋର ସମୟରେ ଅଗ୍ନିକାଣ୍ଡ ଘଟିଛି। ହୋଟେଲର ଚତୁର୍ଥ ମହଲାରେ ଥିବା ପ୍ୟାଣ୍ଟ୍ରି ଷ୍ଟୋରରେ କୌଣସି କାରଣରୁ ନିଆଁ ଲାଗିଯିବାରୁ ଏହି ଅଘଟଣ ଘଟିଛି।

ମହାପ୍ରଭୁଙ୍କ ବେଣ୍ଟ ନୀତି ସମ୍ପନ୍ନ

ମହାପ୍ରଭୁଙ୍କ ବେଣ୍ଟ ନୀତି ସମ୍ପନ୍ନ

ପୁରୀ ଅଫିସ, ୨୨।୧: ଶ୍ରୀମନ୍ଦିରରେ ସୋମବାର ମହାପ୍ରଭୁଙ୍କ ଚାଚେରି ବେଶ ଓ ଭୋଗ ପରେ ଶ୍ରୀଦେବୀ, ଭୂଦେବୀ ଏବଂ ଦୋଳଗୋବିନ୍ଦ ଆଜ୍ଞାମାଳ ପାଇ ବେଣ୍ଟ(ଶିକାର) ନୀତି ନିମନ୍ତେ ବିମାନରେ ବିଜେ ହୋଇଥିଲେ।

ଛତିଶା ନିଯୋଗ ବୈଠକ: ଚନ୍ଦ୍ରଗ୍ରହଣ ନୀତି ଚୂଡ଼ାନ୍ତ

ଛତିଶା ନିଯୋଗ ବୈଠକ: ଚନ୍ଦ୍ରଗ୍ରହଣ ନୀତି ଚୂଡ଼ାନ୍ତ

ପୁରୀ ଅଫିସ, ୨୨।୧: ଆସନ୍ତା ୩୧ ତାରିଖରେ ମାଘ ପୂର୍ଣ୍ଣିମା। ଏହିଦିନ ମହାପ୍ରଭୁଙ୍କ ଗଜଉଦ୍ଧାରଣ ବେଶ ସାଙ୍ଗକୁ ରାହୁ ଗ୍ରସ୍ତୋଦୟ ଚନ୍ଦ୍ରଗ୍ରହଣ ମଧ୍ୟ ପଡୁଛି। ତେଣୁ ସୋମବାର ଶ୍ରୀମନ୍ଦିର କାର୍ଯ୍ୟାଳୟରେ ଅନୁଷ୍ଠିତ ଛତିଶା ନିଯୋଗ ବୈଠକରେ ଏହିଦିନର ନୀତି ନିର୍ଘଣ୍ଟ କରାଯାଇଛି।

ପଲିଥିନଜନିତ ପ୍ରଦୂଷଣକୁ ନେଇ ଏନ୍‌ଜିଟିଙ୍କ ଅସନ୍ତୋଷ

ପଲିଥିନଜନିତ ପ୍ରଦୂଷଣକୁ ନେଇ ଏନ୍‌ଜିଟିଙ୍କ ଅସନ୍ତୋଷ

ପୁରୀ ଅଫିସ, ୨୨।୧: ପୁରୀ ସହରରେ ପଲିଥିନ ଏବଂ ପ୍ରଦୂଷଣକୁ ନେଇ ଅସନ୍ତୋଷ ବ୍ୟକ୍ତି କରିଛନ୍ତି ଜାତୀୟ ଗ୍ରୀନ ଟ୍ରିବ୍ୟୁନାଲ (ଏନ୍‌ଜିଟି)। ପଲିଥିନ ବ୍ୟବହାର ରୋକିବା ସହ ଉଲ୍ଲଂଘନକାରୀଙ୍କ ବିରୋଧରେ ଆଇନ ଅନୁଯାୟୀ ଦୃଢ଼ ପଦକ୍ଷେପ ନେବାକୁ ପୁରୀ ପୌରସଂସ୍ଥାକୁ ଏନ୍‌ଜିଟି ନିର୍ଦ୍ଦେଶ ଦେଇଛନ୍ତି।

ଆପଣଙ୍କ ଭଲପାଇବା ମୋତେ ଋଣୀ କରିଛି: ମୁଖ୍ୟମନ୍ତ୍ରୀ

ଆପଣଙ୍କ ଭଲପାଇବା ମୋତେ ଋଣୀ କରିଛି: ମୁଖ୍ୟମନ୍ତ୍ରୀ

ଭୁବନେଶ୍ୱର,୨୨।୧(ବ୍ୟୁରୋ)- ପୁନେର ଏମ୍‌ଆଇଟି-ଡବ୍ଲ୍ୟୁପିୟୁ କ୍ୟାମ୍ପସ୍‌ରେ ୮ମ ଭାରତୀୟ ଛାତ୍ର ସଂସଦ ଅବସରରେ ରବିବାର ଦେଶର ଆଦର୍ଶ ମୁଖ୍ୟମନ୍ତ୍ରୀ ସମ୍ମାନ ପାଇବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶା ଫେରିଛନ୍ତି।

ନିର୍ବାଚନ କମିଶନଙ୍କୁ ଦିଲ୍ଲୀ ହାଇକୋର୍ଟଙ୍କ ପ୍ରଶ୍ନ: କାହିଁକି ପ୍ରକାଶ ପାଉନାହିଁ ବିଜେପୁର ଉପନିର୍ବାଚନ ବିଜ୍ଞପ୍ତି

ନିର୍ବାଚନ କମିଶନଙ୍କୁ ଦିଲ୍ଲୀ ହାଇକୋର୍ଟଙ୍କ ପ୍ରଶ୍ନ: କାହିଁକି ପ୍ରକାଶ ପାଉନାହିଁ ବିଜେପୁର ଉପନିର୍ବାଚନ ବିଜ୍ଞପ୍ତି

ନୂଆଦିଲ୍ଲୀ,୨୨।୧(ସ୍ବ.ପ୍ର.): ବିଜେପୁର ବିଧାନସଭା ନିର୍ବାଚନ ମଣ୍ଡଳୀର ଉପନିର୍ବାଚନ ପାଇଁ ଏ ପର୍ଯ୍ୟନ୍ତ କାହିଁକି ବିଜ୍ଞପ୍ତି ପ୍ରକାଶ ପାଇନାହିଁ। ଏହି ଉପନିର୍ବାଚନକୁ କାହିଁକି ବିଳମ୍ବିତ କରାଯାଉଛି ବୋଲି ସୋମବାର ନିର୍ବାଚନ କମିଶନଙ୍କୁ ପ୍ରଶ୍ନ କରିଛନ୍ତି ଦିଲ୍ଲୀ ହାଇକୋର୍ଟ।

କୋକେଇ ହଲିଲା, ଶୁଣାଗଲା କଥା: ୧୧ ଘଣ୍ଟା ପରେ ଆଖି ବୁଜିଲେ

କୋକେଇ ହଲିଲା, ଶୁଣାଗଲା କଥା: ୧୧ ଘଣ୍ଟା ପରେ ଆଖି ବୁଜିଲେ

କଟକ ଅଫିସ, ୨୨।୧- କୋକେଇ ବନ୍ଧା ସରିଥିଲା। ପରିଜନଙ୍କ ମଧ୍ୟରେ କାନ୍ଦ ବୋବାଳି ପଡ଼ିଯାଇଥିଲା। ହେଲେ ଶ୍ମଶାନ ଅଭିମୁଖେ କୋକେଇ ଉଠିଲା ବେଳକୁ ତାହା ହଲିବା ସହ କଥାସ୍ବର ଶୁଣାଯାଇଥିଲା।

ମହାପ୍ରଭୁଙ୍କ ଚାଚେରି ବେଶ

ମହାପ୍ରଭୁଙ୍କ ଚାଚେରି ବେଶ

ପୁରୀ ଅଫିସ, ୨୨।୧: ପବିତ୍ର ବସନ୍ତ ପଞ୍ଚମୀରେ ସୋମବାର ଶ୍ରୀମନ୍ଦିରରେ ମହାପ୍ରଭୁଙ୍କ ଚାଚେରି ବେଶ ଅନୁଷ୍ଠିତ ହୋଇଛି। ହଜାର ହଜାର ଭକ୍ତ ଏହି ବେଶରେ ମହାପ୍ରଭୁଙ୍କୁ ଦର୍ଶନ କରିଛନ୍ତି। ଶ୍ରୀମନ୍ଦିରରେ ମଧ୍ୟାହ୍ନ ଧୂପ ପରେ ମଇଲମ ହୋଇଥିଲା।

‘ଜଗନ୍ନାଥ ମନ୍ଦିର ସହ ଗୋବର୍ଦ୍ଧନ ପୀଠ ଓତପ୍ରୋତ ଭାବେ ଜଡ଼ିତ’

‘ଜଗନ୍ନାଥ ମନ୍ଦିର ସହ ଗୋବର୍ଦ୍ଧନ ପୀଠ ଓତପ୍ରୋତ ଭାବେ ଜଡ଼ିତ’

ଭୁବନେଶ୍ୱର,୨୨।୧(ବ୍ୟୁରୋ)/ପୁରୀ ଅଫିସ: ପୁରୀ ଗୋବର୍ଦ୍ଧନ ପୀଠାଧୀଶ ଜଗଦ୍‌ଗୁରୁ ଶଙ୍କରାଚାର୍ଯ୍ୟ ସ୍ବାମୀ ନିଶ୍ଚଳାନନ୍ଦ ସରସ୍ବତୀଙ୍କ ପଟ୍ଟାଭିଷେକର ପଞ୍ଚବିଂଶତି ବର୍ଷ ପୂର୍ତ୍ତି ମହୋତ୍ସବ ସୋମବାର ଉଦ୍‌ଘାଟିତ ହୋଇଯାଇଛି।

ମହିଳା ସାମାଜିକ କର୍ମୀଙ୍କ ଜୀବନ ପ୍ରତି ବିପଦ:  ଏସିଡ୍‌ ପକାଇବାକୁ ଧମକ ଦେଲେ ଅଭିଯୁକ୍ତ

ମହିଳା ସାମାଜିକ କର୍ମୀଙ୍କ ଜୀବନ ପ୍ରତି ବିପଦ: ଏସିଡ୍‌ ପକାଇବାକୁ ଧମକ ଦେଲେ ଅଭିଯୁକ୍ତ

ଭୁବନେଶ୍ୱର,୨୨।୧ (ବ୍ୟୁରୋ)- ନ୍ୟାୟ ପାଇବା ଆଶା ହରାଇ ଶେଷରେ ଆତ୍ମହତ୍ୟା କଲେ କୁନ୍ଦୁଲି ବଳାତ୍କାର ପୀଡିତା। ଏହି ଘଟଣା ରାଜ୍ୟରେ ମହିଳାଙ୍କ ସୁରକ୍ଷା ନେଇ ବଡ଼ ପ୍ରଶ୍ନବାଚୀ ସୃଷ୍ଟି କରିଥିବାବେଳେ ଖୋଦ୍‌ ରାଜଧାନୀ ଭୁବନେଶ୍ୱରରେ ମଧ୍ୟ ମହିଳା ନିଜକୁ ଅସୁରକ୍ଷିତ ମଣୁଛନ୍ତି।

ଅନୁକୂଳ ହେଲା ରଥକାଠ

ଅନୁକୂଳ ହେଲା ରଥକାଠ

ପୁରୀ ଅଫିସ, ୨୨।୧: ଆସନ୍ତା ଜୁଲାଇ ୧୪ ତାରିଖରେ ମହାପ୍ରଭୁଙ୍କ ଘୋଷଯାତ୍ରା। ଦାରୁଦିଅଁଙ୍କ ଲାଗି ପ୍ରସ୍ତୁତ ହେବ ତିନିରଥ। ସୋମବାର ପବିତ୍ର ବସନ୍ତ ପଞ୍ଚମୀରେ ରଥକାଠ ଅନୁକୂଳ କରାଯାଇଛି।

ପୁରୀରୁ ବାହାରିଲା ଆଧ୍ୟାତ୍ମିକ ଜାଗରଣ ଯାତ୍ରା

ପୁରୀରୁ ବାହାରିଲା ଆଧ୍ୟାତ୍ମିକ ଜାଗରଣ ଯାତ୍ରା

ପୁରୀ ଅଫିସ,୨୨।୧: ଜଗତ୍‌ଗୁରୁ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ଗୋବର୍ଦ୍ଧନ ପୀଠରେ ଅଭିଷେକ ହେବାକୁ ସୋମବାର ୨୫ବର୍ଷ ପୁରିଛି। ଏହାକୁ ସ୍ମରଣୀୟ କରିବା ଉଦ୍ଦେଶ୍ୟରେ ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକ ପଞ୍ଚବିଂଶତି ପୂର୍ତ୍ତି ମହୋତ୍ସବ ପାଳନ କରାଯାଉଛି।