ସମ୍ବଲପୁର

କଲେଜ ଛାତ୍ରୀଙ୍କୁ ଅସଦାଚରଣର ଭିଡ଼ିଓ ଭାଇରାଲ ଘଟଣା: ୬ ଅଭିଯୁକ୍ତ ଗିରଫ

କଲେଜ ଛାତ୍ରୀଙ୍କୁ ଅସଦାଚରଣର ଭିଡ଼ିଓ ଭାଇରାଲ ଘଟଣା: ୬ ଅଭିଯୁକ୍ତ ଗିରଫ
ବରଗଡ଼ ଅଫିସ୍‌/ପଦ୍ମପୁର,୩।୧୨ ବରଗଡ଼ ଜିଲା ପଦ୍ମପୁର ଉପଖଣ୍ଡରେ କଲେଜ ଛାତ୍ରୀଙ୍କୁ ଅସଦାଚରଣର ଭିଡ଼ିଓ ଭାଇରାଲ ଘଟଣାରୁ ପରଦା ହଟିଛି। ପୋଲିସ ଏଥିରେ ସମ୍ପୃକ୍ତ ୬ ଅଭିଯୁକ୍ତଙ୍କୁ ଗିରଫ କରିବା ପରେ ଏହି ଘଟଣାର ପର୍ଦ୍ଦାଫାଶ ହୋଇଛ। ଗିରଫ ହୋଇଥିବା ଅଭିଯୁକ୍ତମାନେ ହେଲେ ପାଇକମାଳ ଥାନା ଖଇରା ଗ୍ରାମର ହୁତାଶନ ହାତୀ(୨୪), ଜଗଦଲପୁର ଥାନା ବୁକ୍ରାମୁଣ୍ଡା ଗ୍ରାମର ଅଜିତ ବାରିକ(୨୮), ଜୟପ୍ରକାଶ ଭୋଇ(୩୧), ସାହିଲ ଓ ଓରଫ୍‌ ହିତେଶ ବାରିକ(୧୮), ନୂତନ ବାରିକ(୩୮) ଏବଂ ଉମାକାନ୍ତ ଭୋଇ(୩୯)। ଘଟଣା ସମୟର ଦୃଶ୍ୟ ରେକର୍ଡ଼ିଂରେ ବ୍ୟବହୃତ ମୋବାଇଲକୁ ମଧ୍ୟ ପୋଲିସ ଜବତ କରିଛି। ଅଭିଯୁକ୍ତଙ୍କ ବିରୋଧରେ ପାଇକମାଳ ଥାନାରେ ଦଫା ୩୪୧, ୩୫୪, ୩୫୪(ବି), ୩୪ ଆଇପିସି, ୬୬(ଏ), (ଇ), ୬୭ ଆଇଟି ଆକ୍ଟ ୨୦୦୮କ୍ରମେ ଏକ ମାମଲା (ନଂ.୧୮୧/୧୭) ରୁଜୁ ହୋଇଛି। ଗିରଫ ଅଭିଯୁକ୍ତମାନଙ୍କୁ ସୋମବାର ପଦ୍ମପୁର କୋର୍ଟକୁ ଚାଲାଣ କରାଯିବ। ଅନ୍ୟପକ୍ଷେ ଏହି ଘଟଣାରେ ଅନ୍ୟ ୫/୬ଜଣ ଅଭିଯୁକ୍ତ ସମ୍ପୃକ୍ତ ଥିବାରୁ ସେମାନଙ୍କୁ ଧରିବା ପାଇଁ ପୋଲିସ ପକ୍ଷରୁ ତନାଘନା ଚାଲିଛି। ସମସ୍ତ ଅଭିଯୁକ୍ତଙ୍କୁ ଦିନେ, ଦୁଇଦିନ ମଧ୍ୟରେ ଗିରଫ କରାଯିବ ବୋଲି ପଦ୍ମପୁର ଏସ୍‌ଡ଼ିପିଓ ଲକ୍ଷ୍ମୀ ନାରାୟଣ ପଣ୍ଡା କହିଛନ୍ତି। ଏସ୍‌ଡ଼ିପିଓ ପଣ୍ଡା ପଦ୍ମପୁରସ୍ଥିତ ନିଜ କାର୍ଯ୍ୟାଳୟରେ ଅନୁଷ୍ଠିତ ଖବରଦାତା ସମ୍ମିଳନୀରେ କହିଥିଲେ, ଗତ ଅକ୍ଟୋବର ୪ ତାରିଖରେ ପାଇକମାଳ ଥାନା ଅନ୍ତର୍ଗତ ଖଇରା ଗ୍ରାମର ପୀଡ଼ିତା କଲେଜ ଛାତ୍ରୀ ତାଙ୍କ ଦୁଇଜଣ ସମ୍ପର୍କୀୟଙ୍କ ସହିତ ଏକ ମୋଟର ସାଇକେଲରେ ଖଇରା ଡ୍ୟାମକୁ ଯାଇଥିଲେ। ସେଠାକାର ସଂରକ୍ଷିତ ଜଙ୍ଗଲ ନିକଟ ରାସ୍ତାରେ ତାଙ୍କର ଜଣେ ସମ୍ପର୍କୀୟ ପୀଡ଼ିତା ଓ ଅନ୍ୟ ସମ୍ପକୀୟଙ୍କୁ ଛାଡ଼ି ମୋଟର ସାଇକେଲ ନେଇ କୁଆଡ଼େ ଚାଲିଯାଇଥିଲେ। ଏହି ସମୟରେ ଖଇରା ଡ୍ୟାମ ନିକଟରେ ବୁକ୍ରାମୁଣ୍ଡାର କେତେକ ଯୁବକ ପିକ୍‌ନିକ୍‌ କରୁଥିଲେ। ସେହି ଯୁବକମାନେ ଛାତ୍ରୀ ଏବଂ ତାଙ୍କ ସାଙ୍ଗରେ ଥିବା ସମ୍ପର୍କୀୟଙ୍କୁ ପ୍ରେମୀଯୁଗଳ ଭାବି ମାରପିଟ୍‌ ଓ ଧମକଚମକ ଦେବା ସହିତ ଅସଦାଚରଣ ପ୍ରଦର୍ଶନ କରିଥିଲେ। ତେବେ ଲୋକଲଜ୍ଜା ପାଇଁ ଏହି ଘଟଣାକୁ ପୀଡ଼ିତା କିମ୍ବା ତାଙ୍କ ସାଙ୍ଗରେ ଥିବା ସମ୍ପର୍କୀୟ ଜଣକ ପ୍ରଘଟ କରି ନ ଥିଲେ। ମାତ୍ର ଘଟଣା ସମୟର ଦୃଶ୍ୟକୁ ନିଜ ମୋବାଇଲରେ ଅଭିଯୁକ୍ତ ହୁତାଶନ ରେକର୍ଡ଼ିଂ କରିଥିଲେ। ପରେ ସେହି ମୋବାଇଲ ଭିଡ଼ିଓଟି ସୋସିଆଲ୍‌ ମିଡ଼ିଆରେ ଭାଇରାଲ୍‌ ହୋଇଥିଲା। ଏହାପରେ ଡିଜିପି ଆର୍‌. ପି. ଶର୍ମା ଓ ବରଗଡ଼ ଏସ୍‌ପି ବି. ଯୁଗଳ କିଶୋର ଉକ୍ତ ଘଟଣାର ତଦନ୍ତ କରିବାକୁ ପଦ୍ମପୁର ଏସ୍‌ଡ଼ିପିଓଙ୍କୁ ନିର୍ଦ୍ଦେଶ ଦେଇଥିଲେ। ଘଟଣାର ସମ୍ବେଦନଶୀଳତାକୁ ନେଇ ପାଇକମାଳ ଥାନା ଏଏସଆଇ ସନ୍ତୋଷ କୁମାର ସାହୁଙ୍କ ଏତଲାକୁ ଭିତ୍ତିକରି ପୋଲିସ ଏକ ମାମଲା ରୁଜୁ କରିବା ସହ ଅଭିଯୁକ୍ତଙ୍କୁ ଧରିବା ପାଇଁ ୨ଟି ଟିମ୍‌ ଗଠନ କରାଯାଇଥିଲା। ଏହି ଟିମ୍‌ ପୀଡ଼ିତାଙ୍କୁ ଚିହ୍ନଟ କରିବା ପରେ ତାଙ୍କ ବୟାନ ରେକର୍ଡ଼ କରିଥିଲେ। ପୋଲିସ ଶନିବାର ବିଳମ୍ବିତ ରାତ୍ରିରେ ୪ ଅଭିଯୁକ୍ତ ହୁତାଶନ, ଅଜିତ୍‌, ଜୟପ୍ରକାଶ ଏବଂ ଉମାକାନ୍ତଙ୍କୁ ଗିରଫ କରିଥିବାବେଳେ ରବିବାର ଅନ୍ୟ ଦୁଇ ଜଣଙ୍କୁ ଧରିଥିଲା। ହୁତାଶନ ଘଟଣା ସମୟର ଭିଡ଼ିଓ ରେକର୍ଡ଼ିଂ କରିଥିବାବେଳେ ନୂତନ ଭିଡ଼ିଓକୁ ଭାଇରାଲ କରିଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡ଼ିଛି।
All Right Reserved By

ସମ୍ବଲପୁର

ଗ୍ୟାସ ସିଲିଣ୍ଡର ଫାଟି ରୋଷେଇଘର ଛାତ ଉଡ଼ିଲା

ଗ୍ୟାସ ସିଲିଣ୍ଡର ଫାଟି ରୋଷେଇଘର ଛାତ ଉଡ଼ିଲା

ବଲାଙ୍ଗୀର ଅଫିସ,୨୧।୧୦-ବଲାଙ୍ଗୀର ଟାଉନ ଥାନା ମାଲପଡ଼ା ରାମମନ୍ଦିର ନିକଟରେ ଶନିବାର ମଧ୍ୟ ରାତ୍ରିରେ ଘଟିଛି ଅଘଟଣ। ରାମମନ୍ଦିର ନିକଟ ହିମାଂଶୁ ପଣ୍ଡାଙ୍କ ଘରେ ଗ୍ୟାସ ସିଲିଣ୍ଡର ଫାଟିଯାଇଛି। ସିଲିଣ୍ଡର ଫାଟି ରୋଷେଇ ଘରର ଛାତ ଉଡ଼ିଯାଇଛି। ଦୁଇଟି ଗ୍ୟାସ୍‌ ସିଲିଣ୍ଡର ଲିକ୍‌ ହେବା ଯୋଗୁ ଫାଟିଯାଇଥିଲା। ତେବେ ଅଳ୍ପକେ ବର୍ତ୍ତିଯାଇଛନ୍ତି ପରିବାର ୩ ସଦସ୍ୟ।

ଭବାନୀପାଟଣାଠାରେ ପୋଲିସ ଶହୀଦ ଦିବସ ପାଳିତ

ଭବାନୀପାଟଣାଠାରେ ପୋଲିସ ଶହୀଦ ଦିବସ ପାଳିତ

ଭବାନୀପାଟଣା, ୨୧।୧ଠ (ଡି.ଏନ୍‌.ଏ.)-ରବିବାର ଦେଶର ପୋଲିସ ବାହିନୀ ତାହାର ୫୯ତମ ଶହୀଦ ଦିବସ ପାଳନ କରୁଥିଲାବେଳେ ଏହି ଉପଲକ୍ଷେ କଳାହାଣ୍ଡି ଜିଲା ସଦର ଭବାନୀପାଟଣା ଠାରେ ଥିବା ରିଜର୍ଭ ପୋଲିସ ପଡ଼ିଆ ଠାରେ ଜିଲା ପ୍ରଶାସନ ପକ୍ଷରୁ ଏହି ଦିବସ ପାଳିତ ହୋଇଥିଲା । ପୂର୍ବାହ୍ନ ୮ ଟାରେ ରିଜର୍ଭ ପୋଲିିସ ପଡ଼ିଆଠାରେ ଜିଲା ଆରକ୍ଷୀ ଅଧିକ୍ଷକ ବି.ଗଙ୍ଗାଧର ରିଜର୍ଭ ପୋଲିସ କାର୍ଯ୍ୟାଳୟ ପରିସରରେ ଥିବା ପୋଲିସ ଶହୀଦ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ପ୍ରଦାନ କରି ସ୍ବର୍ଗତ ଆତ୍ମା 

ପ୍ରସିଦ୍ଧ ରାବଣପୋଡି ସହ ଶେଷ ହେଲା ଦଶହରା:  ମଞ୍ଚରେ ଦେଶପ୍ରେମର ବାର୍ତ୍ତା

ପ୍ରସିଦ୍ଧ ରାବଣପୋଡି ସହ ଶେଷ ହେଲା ଦଶହରା: ମଞ୍ଚରେ ଦେଶପ୍ରେମର ବାର୍ତ୍ତା

ନୂଆପଡା ଅଫିସ, ୨୧।୧୦- ଆଜକୁ ଦଶଦିନ ଧରି ନୂଆପଡା ଜିଲାର ପୁରପଲ୍ଲୀରେ ଦଶହରା ପର୍ବ ପାଳିତ ହୋଇଥିଲା। ଶେଷ ଦିନରେ ବିଭିନ୍ନ ଜାଗାରେ ରାବଣ ପୋଡି, ଆତସବାଜୀ କାର୍ଯ୍ୟକ୍ରମ ମୁଖ୍ୟ ଆକର୍ଷଣ ଥିଲା। ତନ୍ମଧ୍ୟରୁ ଜିଲା ସଦର ମହକୁମାର ରାବଣ ଦହନ କାର୍ଯ୍ୟକ୍ରମ ନିଆରା ଥିଲା         ଜିଲା ସଦର ମହକୁମାରେ ୭ଟି ଜାଗାରେ ଅର୍ଥାତ ସାର୍ବଜନୀନ ପୂଜା, ଦୁର୍ଗା ମନ୍ଦିର, ତେଲିପଡା, ଶ୍ରୀରାମ କମ୍ପ୍ଲେକ୍ସ, ପୋଲିସ ପଡିଆ, ସିର୍ତୋଲ ଏବଂ ନୀଳଶୈଳ ନଗର ପଡାରେ ପୂଜା ହୋଇଥିଲା। ଏସବୁ 

ଦୁଇ ବାଇକ ମୁହଁ।ମୁହିଁ ଧକ୍କା: ୧ ମୃତ, ଜଣେ ଗୁରୁତର

ଦୁଇ ବାଇକ ମୁହଁ।ମୁହିଁ ଧକ୍କା: ୧ ମୃତ, ଜଣେ ଗୁରୁତର

ବେଦବ୍ୟାସ, ୨୧।୧୦ (ଡି.ଏନ.ଏ)- ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ କଲୁଙ୍ଗା ଫାଣ୍ଡିର ଡିସ୍କ ଛକ ସ୍ଥିତ ସନ୍ଧ୍ୟା ସାଢ଼େ ୫ଟାରେ ଦୁଇ ବାଇକ ମୁହଁାମୁହିଁ ଧକ୍କା ହୋଇଛି। ଫଳରେ ଜଣେ ଘଟଣାସ୍ଥଳରେ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇ ରାଉରକେଲା ସରକାରୀ ଡାକ୍ତରଖାନାରେ ଚିକିତ୍ସାଧିନ ଥିବା ଜଣାପଡ଼ିଛି। ଖଇରବନ୍ଧ ପାର୍ଶ୍ୱରୁ ବଡମାରେନ ଆଡକୁ ଯାଉଥିବା ଟିଭିଏସ ବାଇକ ନଂ. ଓଡି ୧୪ ଡି- ୧୩୫୮ ସହ ବିପରିତ ପାର୍ଶ୍ୱରୁ ଆସୁଥିବା ହିରୋହୋଣ୍ଡା ବାଇକ ନଂ. ଓଡି ୧୪ ଡି- 

ଶାରଦୀୟ ଜାତୀୟ ସେବା ଯୋଜନା ଶିବିର ଉଦ୍‌ଯାପିତ

ଶାରଦୀୟ ଜାତୀୟ ସେବା ଯୋଜନା ଶିବିର ଉଦ୍‌ଯାପିତ

ବିଜେପୁର, ୨୧।୧୦ (ଡି.ଏନ.ଏ)- ବରଗଡ ଜିଲା ବିଜେପୁର ବ୍ଲକ କଲଙ୍ଗାପାଲିରେ ଶାରଦୀୟ ଜାତୀୟ ସେବା ଯୋଜନା ଶିବିର ଅନୁଷ୍ଠିତ ହୋଇଯାଇଛି। ସ୍କୁଲ ଚେୟାରମେନ ପରିତୋଷ ସୁନା ଏହାକୁ ଉଦ୍‌ଘାଟନ କରିଥିଲେ। ପଲିଥିନ ବର୍ଜନ, ଶୌଚାଳୟ ବ୍ୟବହାର, ଗ୍ରାମ ସଫେଇ, ଠୁଙ୍ଗା ପ୍ରସ୍ତୁତି କରି ସ୍ବାବଲମ୍ବି ହେବା, ଟୀକାକରଣ ବିଷୟରେ ବିଭିନ୍ନ ଦିବସରେ ଶିବିରାର୍ଥୀଗଣ ଗ୍ରାମବାସୀଙ୍କୁ ସଚେତନ କରାଇଥିଲେ। ଉଦ୍‌ଯାପନୀ ସମାରୋହରେ ଡିଗ୍ରୀ କଲେଜ ଅଧ୍ୟକ୍ଷ ପ୍ରଦୀପ କୁମାର 

ସୋହେଲା ଦୁର୍ଗାପୂଜା: ସରିଲା ରାବଣପୋଡି, ଭସାଣି

ସୋହେଲା ଦୁର୍ଗାପୂଜା: ସରିଲା ରାବଣପୋଡି, ଭସାଣି

ସୋହେଲା,୨୧।୧୦ (ଡି.ଏନ.ଏ)-ବରଗଡ ଜିଲା ସୋହେଲାଠାରେ ଲକ୍ଷାଧିକ ଦର୍ଶକଙ୍କ ସମାଗମରେ ଶାନ୍ତିଶୃଙ୍ଖଳାର ସହିତ ପଶ୍ଚିମ ଓଡିଶାର ଖ୍ୟାତିଲାଭ କରିଥିବା ସୋହେଲାର ପ୍ରସିଦ୍ଧ ରାବଣପୋଡି ଶନିବାର ସନ୍ଧ୍ୟାରେ ସ୍ଥାନୀୟ ମିନି ଷ୍ଟାଡିୟମଠାରେ ଅନୁଷ୍ଠିତ ହୋଇଯାଇଛି। ଚଳିତ ବର୍ଷ ପୂଜାର ପ୍ଲାଟିନମ ଜୁବୁଲି ପାଳନ କରାଯାଇଥିବାରୁ ପୂଜା କମିଟି ପକ୍ଷରୁ ବ୍ୟାପକ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ସୀମାନ୍ତ ପଡୋଶୀ ରାଜ୍ୟ ସମେତ ଦୂର ଦୂରାନ୍ତରରୁ ଲୋକେ ଏହି ପୂଜା 

ଚାକିରି ଦେବାକୁ କହି ୨୦ ଲକ୍ଷ ଠକେଇ

ଚାକିରି ଦେବାକୁ କହି ୨୦ ଲକ୍ଷ ଠକେଇ

ରାଉରକେଲା ଅଫିସ,୨୧।୧୦- ଝିରପାଣି ଥାନା ଝିରପାଣି ପୁନର୍ବସତି କଲୋନୀରେ ରହୁଥିବା ଜଣେ ଯୁବତୀ କେତେକ ବେକାର ଯୁବକଙ୍କୁ ଚାକିରି ଦେବା ଆଳରେ ୨୦ଲକ୍ଷରୁ ଅଧିକ ଟଙ୍କା ଠକିଥିବା ଅଭିଯୋଗ ହୋଇଛି। ଏ ନେଇ ଶନିବାର ମଧ୍ୟାହ୍ନରେ କିଛି ଯୁବକ ଥାନାରେ ଅଭିଯୋଗ କରିବାକୁ ପହଞ୍ଚି ଥିଲେ। ହେଲେ ଠକେଇ କରିଥିବା ଯୁବତୀ ଜଣକ ଘଟଣା ସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ଦେଖାଯାଇଥିଲା। ‘ମୁଁ ସୁବିଧା ଅନୁସାରେ ଟଙ୍କା ଫେରାଇ ଦେବି। ଆପଣମାନେ

ଧାନ ସଂଗ୍ରହ ଆରମ୍ଭ ହୋଇନି: ଚାଲିଛି ଅଣ୍ଡରରେଟ୍‌ ମସୁଧା

ଧାନ ସଂଗ୍ରହ ଆରମ୍ଭ ହୋଇନି: ଚାଲିଛି ଅଣ୍ଡରରେଟ୍‌ ମସୁଧା

ବରଗଡ଼ ଅଫିସ୍‌,୨୧।୧୦
ବରଗଡ଼ ଜିଲାରେ ଆଉ ୨ସପ୍ତାହ ପରେ ଧାନ ସଂଗ୍ରହ ପ୍ରକ୍ରିୟା ଆରମ୍ଭ ହେବ। ନଭେମ୍ବର ୫ତାରିଖରୁ ଜିଲାରେ ଧାନ କିଣାବିକା ଚାଲିବ । ଏଥିପାଇଁ ପ୍ରଶାସନିକ ପ୍ରସ୍ତୁତି ଚାଲିଛି। ଚାଷୀ ପଞ୍ଜୀକରଣ ପ୍ରକ୍ରିୟାଠାରୁ ଆରମ୍ଭ କରି ଆକାଉଣ୍ଟ ଯାଞ୍ଚ ଏବଂ ଅନ୍ୟ ଆବଶ୍ୟକ କାଗଜାତ୍‌ ପ୍ରସ୍ତୁତିରେ ବିଭାଗୀୟ ଅଧିକାରୀମାନେ ଲାଗି ପଡ଼ିଛନ୍ତି। ଅନ୍ୟପଟେ ଅଣ୍ଡରରେଟ୍‌ରେ ଧାନ କିଣିବା ପାଇଁ ବେପାରୀଙ୍କ ମସୁଧା ମଧ୍ୟ ପଛରେ ପଡ଼ିନାହିଁ । ଧାନ ସଂଗ୍ରହ ପ୍ରକ୍ରିୟାର ଅବ୍ୟବହିତ ପୂର୍ବରୁ ଗ୍ରାମାଞ୍ଚଳରେ ବେପାରୀମାନେ

ଚୋରି ସନ୍ଦେହରେ ଥାନାରେ ଅଟକ ଯୁବକଙ୍କୁ ବାହାର ଯୁବକ ମାଡ଼ ମାରିବା ନେଇ ଉତ୍ତେଜନା: ଶତାଧିକ ଲୋକଙ୍କ ଥାନାରେ ପାଟିତୁଣ୍ଡ

ଚୋରି ସନ୍ଦେହରେ ଥାନାରେ ଅଟକ ଯୁବକଙ୍କୁ ବାହାର ଯୁବକ ମାଡ଼ ମାରିବା ନେଇ ଉତ୍ତେଜନା: ଶତାଧିକ ଲୋକଙ୍କ ଥାନାରେ ପାଟିତୁଣ୍ଡ

ବଡ଼ଗାଁ, ୨୧।୧୦ (ଡି.ଏନ.ଏ)-  ସୁନ୍ଦରଗଡ଼ ଜିଲା ବଡ଼ଗାଁ ଥାନା ଅଞ୍ଚଳରେ ଚୋରି ସନ୍ଦେହରେ ଥାନାରେ ଅଟକ ଥିବା ଦୁଇ ଯୁବକଙ୍କ ମଧ୍ୟରୁ ଜଣଙ୍କୁ ବାହାରର କେତେକ ଯୁବକ ମାଡ଼ମାରିଥିବା ଅଭିଯୋଗ ହୋଇଛି। ଥାନା ଭିତରେ ପଶି ଅଟକ ଥିବା ଯୁବକଙ୍କୁ ମାଡ଼ମାରିଥିବା ବାହାରର ଯୁବକମାନଙ୍କ ଗିରଫ ଦାବିକରି ବଡ଼ଗାଁରେ ଶନିବାର ସନ୍ଧ୍ୟାରେ ଉତ୍ତେଜନା ପ୍ରକାଶ ପାଇଥିଲା। ଚୋରି ସନ୍ଦେହରେ ଅଟକ ଯୁବକଙ୍କ ସମ୍ପର୍କୀୟ, ସମର୍ଥକ କୁହାଯାଉଥିବା ଶତାଧିକ ମହିଳା, ପୁରୁଷ ଥାନାକୁ ଆସି ପାଟିତୁଣ୍ଡ 

ବିଜେପୁରରେ ଭସାଣି ଶେଷ

ବିଜେପୁରରେ ଭସାଣି ଶେଷ

ବିଜେପୁର, ୨୧।୧୦ (ଡି.ଏନ.ଏ)- ବରଗଡ ଜିଲା ବିଜେପୁର ବ୍ଳକର ପୁରପଲ୍ଲୀରେ ଚାଲିଥିବା ଦୁର୍ଗାପୂଜା ମହୋତ୍ସବ ଭସାଣି  ସହ ସମ୍ପନ୍ନ ହୋଇଯାଇଛି। ଉମାଶଙ୍କର ପାଣିଗ୍ରାହୀଙ୍କ ଘରୁ ବାହାରିଥିବା ନବକୁମାରୀ କନ୍ୟାଗଣ ସ୍ଥାନୀୟ ପୂଜାମଣ୍ଡପରେ ପହଞ୍ଚିବା ପରେ ନବକୁମାରୀ ପୂଜାର୍ଚ୍ଚନା କରାଯାଇ ନଗର ପରିକ୍ରମା  କରାଯାଇଥିଲା। ଦଶମୀ ତିଥିରେ ଅପରାଜିତା ପୂଜା ସହ ଅପରାହ୍ନରେ ହୋମ ସହ ପୂର୍ଣ୍ଣାହୁତି ହୋଇଥିଲା। ସନ୍ଧ୍ୟାରେ ହାଇସ୍କୁଲ ପଡିଆରେ ରାମ ରାବଣ ଯୁଦ୍ଧରେ ରାବଣର ମୃତ୍ୟୁ ହୋଇ

ପହଣ୍ଡିରେ ସମ୍ବଲପୁରୀ ଭେଟ୍‌ଘାଟ୍‌:  ଚୈତନ୍ୟ ଭୋଇ, ହରିଲାଲ ସାହୁ ସମ୍ବର୍ଦ୍ଧିତ

ପହଣ୍ଡିରେ ସମ୍ବଲପୁରୀ ଭେଟ୍‌ଘାଟ୍‌: ଚୈତନ୍ୟ ଭୋଇ, ହରିଲାଲ ସାହୁ ସମ୍ବର୍ଦ୍ଧିତ

ବିଜେପୁର, ୨୧।୧୦ (ଡି.ଏନ.ଏ)- ବରଗଡ ଜିଲା ବିଜେପୁର ବ୍ଲକ ପହଣ୍ଡି ଗ୍ରାମରେ ସମ୍ବଲପୁରୀ ଭେଟ୍‌ଘାଟ୍‌ ଅନୁଷ୍ଠିତ ହୋଇଯାଇଛି। ଭରତ ଚନ୍ଦ୍ର ପଟେଲ ମୁଖ୍ୟଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। ଆମର ଭାଷା ଆମର ସାହିତ୍ୟ ଚାଷୀର କଥା ମାଟିର କଥା କହୁଛେତ ଶୀର୍ଷକ ଆଲୋଚନାଚକ୍ରରେ ଅଧ୍ୟାପକ ମୋହନ ସାହୁ, ଅଧ୍ୟାପକ ସୁକୁମାର ଭୋଇ ଆଲୋଚକ ଭାବେ ଯୋଗଦେଇଥିଲେ। ଚୈତନ୍ୟ ଭୋଇଙ୍କୁ ଶାରଦା ସମ୍ମାନ ଏବଂ କ୍ରାନ୍ତିକବି ହରିଲାଲ ସାହୁଙ୍କୁ ଯୁବ ପ୍ରତିଭା 

ଭସାଣି  କାର୍ଯ୍ୟକ୍ରମରେ ସରଗରମ ବୀରମହାରାଜପୁର ମାହୋଲ

ଭସାଣି କାର୍ଯ୍ୟକ୍ରମରେ ସରଗରମ ବୀରମହାରାଜପୁର ମାହୋଲ

ବୀରମହାରାଜପୁର, ୨୧।୧୦ (ଡି.ଏନ.ଏ)- ସୁବର୍ଣ୍ଣପୁର ଜିଲା ବୀରମହାରାଜପୁର ଉପଖଣ୍ଡ ସଦର ମହକୁମାଠାରେ ସାର୍ବଜନୀନ ଦୁର୍ଗାପୂଜାର ଭସାଣି ଉତ୍ସବ ଯୋଗୁ ଶନିବାର ଦିନତମାମ ମାହୋଲ ସରଗରମଥିଲା। ଏଠାରେ ଚଳିତବର୍ଷ ପୂର୍ବଥର ଭଳି ତିନୋଟି ପୂଜା କମିଟି ପକ୍ଷରୁ ଦୁର୍ଗାପୂଜାର ଆୟୋଜନ କରାଯାଇଥିଲା। ଏଦିନ ସମସ୍ତ ମେଢ଼ ସ୍ଥାନୀୟ ରଜାବନ୍ଧରେ ବିସର୍ଜିତ ହୋଇଛନ୍ତି। ଦିନବେଳା ତ୍ରିବେଣୀ ଛକ, ସନ୍ଧ୍ୟାରେ ବସଷ୍ଟାଣ୍ଡ ପୂଜା କମିଟିର ମେଢ଼ ଏବଂ ରାତିରେ ଉଫୁଲା ଶୈଳସୂତା କ୍ଲବ