ସମ୍ବଲପୁର

ଗଛରେ ପିଟି ହେଲା ଯାତ୍ରୀବାହୀ ବସ୍‌ : ୭ ଆହତ, ୨ ଗୁରୁତର

ଗଛରେ ପିଟି ହେଲା ଯାତ୍ରୀବାହୀ ବସ୍‌ :  ୭ ଆହତ, ୨ ଗୁରୁତର
ବେଲପାହାଡ଼,୩।୧୨(ଡ଼ି.ଏନ୍‌.ଏ.) ରବିବାର ଅପରାହ୍ନରେ ବେଲପାହାଡ଼-ବନ୍ଧବାହାଲ ରାସ୍ତାରେ ଏକ ଯାତ୍ରୀବାହୀ ବସ ଭାରସାମ୍ୟ ହରାଇ ଗଛରେ ପିଟି ହେବାରୁ ୭ ଜଣ ଆହତ ହୋଇଛନ୍ତି। ୨ ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ବୁର୍ଲାକୁ ସ୍ଥାନାନ୍ତରିତ କରାଯାଇଛି। ଗୁରୁତର ଆହତ ହୋଇଥିବା ଯାତ୍ରୀ ଦୁଇ ଜଣଙ୍କ ନାମ ସାହାବାଜ ଆଲମ (୨୯) ଓ ମହମ୍ମଦ ଆଲ୍ଲାଉଦ୍ଦିନ (୫୫)। ଉଭୟଙ୍କ ପ୍ରକୃତ ଘର ବିହାର ରାଜ୍ୟ ଭାଗଲପୁର ଜିଲାରେ। ସେମାନେ ବନହରପାଲିସ୍ଥିତ ଓଡ଼ିଶା ବିଦ୍ୟୁତ୍‌ ଉପତ୍ାଦନ ନିଗମ (ଓପିଜିସି)ରେ ନିୟୋଜିତ ପାୱାର ଟୋନିକ ଇଂଜିନିୟରିଂ ପ୍ରାଇଭେଟ ଲିମିଟେଡ଼ ନାମକ ଏକ ଘରୋଇ କମ୍ପାନୀର କର୍ମଚାରୀ। ଦୁର୍ଘଟଣାରେ ଆହତ ହୋଇଥିବା ଅନ୍ୟ ୫ ଜଣ ଯାତ୍ରୀଙ୍କୁ ଟିଆର୍‌ଏଲ କ୍ରୋସାକି ରିଫ୍ରାକ୍ଟୋରିଜ ହସ୍‌ପିଟାଲରେ ଭର୍ତ୍ତି କରାଯାଇଛି। ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ,ଅପରାହ୍ନ ୫ଟା ୪୫ ମିନିଟ ସମୟରେ ଦୁର୍ଘଟଣା ଘଟିଛି। ପ୍ରିନ୍ସ ଟ୍ରାଭେଲ୍ସ ନାମକ ଘରୋଇ ବସ୍‌ (ନଂ.ଓଆର୍‌ ୨୩ଡ଼ି- ୪୫୦୯ଇ) ଝାରସୁଗୁଡ଼ାରୁ ବନହରପାଲି ଅଭିମୂଖେ ଯାଉଥିଲା। ଠିକ୍‌ ଟିଆର୍‌ଏଲ ଡ଼ାଇରେକ୍ଟର ବଙ୍ଗଳା ନିକଟସ୍ଥ ମୋଡ଼ାଣିଆ ଛକରେ ବସଟି ଏକ ଗଛରେ ପିଟି ହୋଇଥିଲା। ଏଥିଯୋଗୁ ବସ ସମ୍ମୁଖ ଭାଗରେ ବସିଥିବା ୭ ଜଣ ଯାତ୍ରୀ ଆହତ ହୋଇଥିଲେ। ସେମାନଙ୍କୁ ପୋଲିସ ସ୍ଥାନୀୟ ଲୋକଙ୍କ ସହାୟତାରେ ଉଦ୍ଧାର କରି ଟିଆର୍‌ଏଲ କ୍ରୋସାକି ରିଫ୍ରାକ୍ଟୋରିଜ ହସ୍ପିଟାଲରେ ଭର୍ତ୍ତି କରିଥିଲା। ଦୁର୍ଘଟଣା ପରେ ବସ ଚାଳକ ଫେରାର୍‌ ହୋଇଯାଇଛନ୍ତି। ଏସଂକ୍ରାନ୍ତରେ ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଛି।
All Right Reserved By

ସମ୍ବଲପୁର

ମହରମ ପର୍ବର ଶୁଭାରମ୍ଭ: ବାଘ ଶୋଭାଯାତ୍ରା ଅନୁଷ୍ଠିତ

ମହରମ ପର୍ବର ଶୁଭାରମ୍ଭ: ବାଘ ଶୋଭାଯାତ୍ରା ଅନୁଷ୍ଠିତ

ଭଟଲି, ୨୦।୯(ଡି.ଏନ.ଏ.)-ବରଗଡ଼ ଜିଲା ଭଟଲି ବ୍ଲକ କୁଶନପୁରୀ ସ୍ଥିତ ହବିବନଗର ପରିସରରେ ପ୍ରସିଦ୍ଧ ମହରମ ପର୍ବ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଏହି ଅବସରରେ ଗୁରୁବାର ବାଘ ପୋଷାକରେ ଶୋଭାଯାତ୍ରା ଗ୍ରାମ ପରିକ୍ରମା କରିଥିଲା। ବରଗଡ଼ ଆର୍‌ସିଏମ୍‌ଏସ ସଭାପତି ହେମନ୍ତ ପଣ୍ଡା ଉଦ୍‌ଘାଟନ କରିଥିଲେ।

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀ ମୃତ: ଅଭିଯୁକ୍ତଙ୍କ ଥାନାରେ ଆତ୍ମସମର୍ପଣ

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀ ମୃତ: ଅଭିଯୁକ୍ତଙ୍କ ଥାନାରେ ଆତ୍ମସମର୍ପଣ

ବେଲପଡା,୨୦।୯(ଡି.ଏନ.ଏ)-ବଲାଙ୍ଗିର ଜିଲା ବେଲପଡା ଥାନା ମୁଣ୍ଡଦର୍ହ ଗ୍ରାମରେ ବୁଧବାର ରାତି ୨ଟାରେ ସ୍ବାମୀଙ୍କ ଟାଙ୍ଗିଆ ଚୋଟରେ  ସ୍ତ୍ରୀଙ୍କ ଶୋଚନୀୟ ମୃତ୍ୟୁ ହୋଇଯାଇଛି। ସ୍ତ୍ରୀଙ୍କ ମୃତ୍ୟୁ ପରେ ଅଭିଯୁକ୍ତ ସ୍ବାମୀ ଗୁରୁବାର ପ୍ରାତଃ ୫ଟାରେ ଥାନାକୁ ଆସି ଆତ୍ମସମର୍ପଣ କରିଛନ୍ତି। ଏହି ଘଟଣାରେ ମୁଣ୍ଡଦର୍ହ ଗ୍ରାମରେ ଚାଞ୍ଚଲ୍ୟ ଖେଳିଯାଇଛି। ପୋଲିସ ସୂତ୍ରରୁ ପ୍ରକାଶ ଯେ ମୁଣ୍ଡଦର୍ହ ଗ୍ରାମର ଧବଳେଶ୍ୱର ଚିରାଗୁନ୍‌ (୪୫) ଓ ସ୍ତ୍ରୀ ବୈଦେହୀଙ୍କ ସହ ଗ୍ରାମରେ ଥିବା ମେହେରପଡାଠାରେ ନିଜର 

ନୂଆଁଖାଇ ଭେଟ୍‌ଘାଟ୍‌ରେ ନୃତ୍ୟ ପ୍ରତିଯୋଗିତା

ନୂଆଁଖାଇ ଭେଟ୍‌ଘାଟ୍‌ରେ ନୃତ୍ୟ ପ୍ରତିଯୋଗିତା

ଜୁନାଗଡ,୨୦।୯ (ଡି.ଏନ.ଏ.)
କଳାହାଣ୍ଡି ଜିଲା ଜୁନାଗଡ ବ୍ଲକ ଅନ୍ତର୍ଗତ ହାବସପୁର ପଞ୍ଚାୟତ କଛିମଡୋଲାଠାରେ  ଗଣେଶ ପୂଜା ଅବସରରେ ମଙ୍ଗଳବାର ରାତିରେ ନୂଆଁଖାଇ ଭେଟ୍‌ଘାଟ ସହ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ସ୍ଥାନୀୟ  ରାଇ ଦାମୋଦର ସାଂସ୍କୃତିକ ଅନୁଷ୍ଠାନ ପକ୍ଷରୁ ଏହି କାର୍ଯ୍ୟକ୍ରମଟି ଆୟୋଜନ କରାଯାଇଥିଲା। ପୂର୍ବତନ ସରପଞ୍ଚ ସତ୍ୟ ରଞ୍ଜନ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଜୁନାଗଡ ପୂର୍ବତନ ବ୍ଲକ ଅଧ୍ୟକ୍ଷ ମନୋଜ କୁମାର ମେହେର ଯୋଗଦେଇ ନୂଆଁଖାଇ 

ସୁନ୍ଦରଗଡ ସରକାରୀ ମହାବିଦ୍ୟାଳୟରେ ଗଙ୍ଗାଧର ସାହିତ୍ୟ ଆଲୋଚନାଚକ୍ର

ସୁନ୍ଦରଗଡ ସରକାରୀ ମହାବିଦ୍ୟାଳୟରେ ଗଙ୍ଗାଧର ସାହିତ୍ୟ ଆଲୋଚନାଚକ୍ର

ସୁନ୍ଦରଗଡ଼, ୨୦।୯ (ଡି.ଏନ୍‌.ଏ)-ଗଙ୍ଗାଧରଙ୍କ ସାହିତ୍ୟକୃତି ସ୍ବଚ୍ଛ, କଳୁଷତା ବିହୀନ, ଆଦର୍ଶର ବାର୍ତ୍ତାବହ  ଓ ବିଶ୍ୱକୁ ଅମୃତର ଆଭାରେ ଉଦଭାସିତ କରୁଥିବା କାଳଜୟୀ ସୃଷ୍ଟି। ତାଙ୍କ କାବ୍ୟ, କବିତାର   ଛତ୍ରେ ଛତ୍ରେ ଫୁଟିଉଠିଛି ପ୍ରକୃତିର ବନ୍ଦନା ଓ ସାମାଜିକ ପ୍ରତିବଦ୍ଧତା। ସୁନ୍ଦରଗଡ ସରକାରୀ ମହାବିଦ୍ୟାଳୟ ଓଡିଆ ଭାଷା ସାହିତ୍ୟ ବିଭାଗ ତରଫରୁ ଆୟୋଜିତ ସ୍ବଭାବ କବିଙ୍କ ଜୟନ୍ତୀ ପାଳନ ଅବସରରେ ଗଙ୍ଗାଧରଙ୍କ ସାହିତ୍ୟ ସମ୍ପର୍କୀତ ଆଲୋଚନାଚକ୍ରରେ ଯୋଗଦେଇ ବିଶିଷ୍ଟ ବକ୍ତାମାନେ ମତବ୍ୟକ୍ତ 

ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ଦାବି: ଆନ୍ଦୋଳନରେ ବିଭିନ୍ନ ସଙ୍ଗଠନ ସାମିଲ

ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ଦାବି: ଆନ୍ଦୋଳନରେ ବିଭିନ୍ନ ସଙ୍ଗଠନ ସାମିଲ

ସମ୍ବଲପୁର, ୨୦।୯ (ବ୍ୟୁରୋ)- ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ସମ୍ବଲପୁର ଓକିଲଙ୍କ ଆନ୍ଦୋଳନ ଜୋର ଧରିଛି। ଗୁରୁବାର କଚେରୀ ଛକଠାରେ ସମ୍ବଲପୁରର ବିଭିନ୍ନ ଅନୁଷ୍ଠାନ ସାମିଲ ହୋଇଛନ୍ତି। ଏହା ଆନ୍ଦୋଳନକୁ ଆହୁରି ଗତିଶୀଳ କରିବ ବୋଲି ମତପ୍ରକାଶ ପାଇଛି। ପୂର୍ବାହ୍ନ ୧୦ଟାରେ ଓକିଲ ଓ ବିଭିନ୍ନ ଅନୁଷ୍ଠାନ କର୍ମକର୍ତ୍ତାମାନେ କଚେରୀ ଛକଠାରେ ପିକେଟିଂ କରିଥିଲେ। ତେଣୁ ବିଚାରପତିମାନେ କାର୍ଯ୍ୟରେ ଯୋଗଦେଇ ନ ପାରି ଫେରି ଯାଇଥିଲେ। 

ପ୍ଲାଷ୍ଟିକ ଫ୍ରି ଓଡ଼ିଶା ଅଭିଯାନ: ଶ୍ରୀଅରବିନ୍ଦ ସ୍କୁଲ ସାମିଲ

ପ୍ଲାଷ୍ଟିକ ଫ୍ରି ଓଡ଼ିଶା ଅଭିଯାନ: ଶ୍ରୀଅରବିନ୍ଦ ସ୍କୁଲ ସାମିଲ

ସମ୍ବଲପୁର, ୨୦।୯ (ବ୍ୟୁରୋ)- ଧରିତ୍ରୀ ଓ ଓଡ଼ିଶା ପୋଷ୍ଟ ମିଳିତ ଆନୁକୂଲ୍ୟରେ ଆରମ୍ଭ ହୋଇଥିବା ପ୍ଲାଷ୍ଟିକ୍‌ ଫ୍ରି ଓଡ଼ିଶା ଅଭିଯାନରେ ଗୁରୁବାର ସମ୍ବଲପୁର ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା ଓ ଗବେଷଣା କେନ୍ଦ୍ର (ଶ୍ରୀଅରବିନ୍ଦ ସ୍କୁଲ) ସାମିଲ ହୋଇଛି। ପ୍ରାର୍ଥନା ପରେ ଛାତ୍ରୀଛାତ୍ର, ଶିକ୍ଷୟିତ୍ରୀ, ଶିକ୍ଷକ ପ୍ଲାଷ୍ଟିକ ମୁକ୍ତ ଓଡିଶା ଗଢ଼ିବାକୁ ସ୍ଲୋଗାନ ଦେଇଥିଲେ। ଏଥିରେ ନର୍ସରୀ ରୁ ୧୦ମ ଶ୍ରେଣୀର ୧୪୧୮ ଜଣ ଛାତ୍ରୀଛାତ୍ର ସାମିଲ ଥିଲେ। ସେହିପରି ୪୦ରୁ ଊର୍ଦ୍ଧ୍ୱ ଶିକ୍ଷୟିତ୍ରୀ, ଶିକ୍ଷକ ଏହି ଅଭିଯାନରେ ସାମିଲ 

ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କରେ ତାଲା: ଝିପି ଝିପି ବର୍ଷାରେ ଚାଷୀଙ୍କ ଆନ୍ଦୋଳନ

ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କରେ ତାଲା: ଝିପି ଝିପି ବର୍ଷାରେ ଚାଷୀଙ୍କ ଆନ୍ଦୋଳନ

ସମ୍ବଲପୁର, ୨୦।୯(ବ୍ୟୁରୋ)-ସମ୍ବଲପୁର ଜିଲାରେ ପ୍ରଧାନମନ୍ତ୍ରୀ ଫସଲ ବୀମା ଟଙ୍କା ପ୍ରଦାନରେ ବୀମା କମ୍ପାନୀ ବିଳମ୍ବ କରୁଛି। ଅପରପକ୍ଷେ ରାଜ୍ୟ ସରକାର ମଧ୍ୟ ଟାଳଟୁଳ ନୀତି ଅବଳମ୍ବନ କରୁଛନ୍ତି। ଏହା ଚାଷୀ ପ୍ରାଣରେ ଆଘାତ ଦେଇଛି। ତେଣୁ ଗୁରୁବାର  ମହାନଗର ନିଗମ ଅଞ୍ଚଳର  ପ୍ରଭାବିତ ଚାଷୀମାନେ  ମୁଦିପଡା ପାଣିଟାଙ୍କି ଛକ ସ୍ଥିତ ସମ୍ବଲପୁର ଜିଲା ସମବାୟ ସେଣ୍ଟ୍ରାଲ ବ୍ୟାଙ୍କ ଫାଟକରେ ତାଲା ମାରିଥିଲେ। ଏହାପରେ ପୂର୍ବାହ୍ନ ୧୦ଟାରୁ ସାଢ଼େ ୧୨ଟା ପର୍ଯ୍ୟନ୍ତ ବ୍ୟାଙ୍କ ସମ୍ମୁଖରେ 

ଶିକ୍ଷକ ପଦବୀ ପୂରଣ ଦାବିରେ ଚନ୍ଦନଭାଟି ହାଇସ୍କୁଲରେ ତାଲା, ଧାରଣା

ଶିକ୍ଷକ ପଦବୀ ପୂରଣ ଦାବିରେ ଚନ୍ଦନଭାଟି ହାଇସ୍କୁଲରେ ତାଲା, ଧାରଣା

ବଲାଙ୍ଗୀର ଅଫିସ, ୨୦।୯- ବଲାଙ୍ଗୀର ସଦର ବ୍ଳକ୍‌ ଅନ୍ତର୍ଗତ ଚନ୍ଦନଭାଟି ପଞ୍ଚାୟତ ହାଇସ୍କୁଲରେ ପ୍ରଧାନ ଶିକ୍ଷକ, ଅନ୍ୟ ସହକାରୀ ଶିକ୍ଷକ ଏବଂ ଚତୁର୍ଥ ଶ୍ରେଣୀ କର୍ମଚାରୀ ପଦବୀ ପୂରଣ ଦାବିରେ ଗୁରୁବାର ଆନ୍ଦୋଳନ ଆରମ୍ଭ ହୋଇଛି। ସ୍କୁଲ ପରିଚାଳନା କମିଟି ଏବଂ ଶିକ୍ଷକ-ଅଭିଭାବକ ସଂଘ ପକ୍ଷରୁ ମିଳିତ ଭାବେ ହାଇସ୍କୁଲ ଗେଟ୍‌ରେ ତାଲା ପକାଯାଇ ସ୍କୁଲ ସମ୍ମୁଖରେ ଧାରଣା ଦିଆଯାଇଥିଲା। ଫଳରେ ସ୍କୁଲ ଛାତ୍ରୀଛାତ୍ର ଓ ଶିକ୍ଷକ ସ୍କୁଲ ଭିତରକୁ ଯାଇ ନ ପାରି ସ୍କୁଲ ସମ୍ମୁଖରେ ରହିଥିଲେ। ସକାଳ

ଗ୍ୟାସରେ ପୋଡି ମହିଳା ଗୁରୁତର

ଗ୍ୟାସରେ ପୋଡି ମହିଳା ଗୁରୁତର

ପଡ଼ିଆବାହାଲ, ୨୦।୯ (ଡି.ଏନ.ଏ)- ସମ୍ବଲପୁର ଜିଲା ଯୁଯୁମୁରା ବ୍ଲକ ଜୟନ୍ତପୁର ପଞ୍ଚାୟତର ଦଶପଡା ଗ୍ରାମ ନିବାସୀ ମନୋଜ ମିର୍ଦ୍ଧାଙ୍କ ସ୍ତ୍ରୀ ଗାୟତ୍ରୀ ନିଜ ଘରେ ବୁଧବାର ରନ୍ଧନ ଗ୍ୟାସରେ ପୋଡିଯାଇ ଗୁରୁତର ଆହତ ହୋଇଛନ୍ତି। ପରିବାର ଲୋକେ ତୁରନ୍ତ ବୁର୍ଲା ଭୀମସାରକୁ ନେଇଥିଲେ। ସେଠାରେ ପ୍ରାଥମିକ ଚିକିତ୍ସା କରି ଉତ୍ତମ ଚିକିତ୍ସା ନିମନ୍ତେ କଟକ ବଡଡାକ୍ତରଖାନାକୁ ପଠାଇ ଦିଆଯାଇଛି।

ମଦମୁକ୍ତ ପଞ୍ଚାୟତ ପାଇଁ ଶୋଭାଯାତ୍ରାରେ ବାହାରିଲେ ମହିଳା

ମଦମୁକ୍ତ ପଞ୍ଚାୟତ ପାଇଁ ଶୋଭାଯାତ୍ରାରେ ବାହାରିଲେ ମହିଳା

ଝାରବନ୍ଧ,୨୦।୯(ଡି.ଏନ.ଏ)-
ବରଗଡ଼ ଜିଲା ଝାରବନ୍ଧ ବ୍ଳକ ଅନ୍ତର୍ଗତ କନ୍ଦାଡଙ୍ଗର ପଞ୍ଚାୟତକୁ ମଦମୁକ୍ତ କରିବା ପାଇଁ ଅଞ୍ଚଳର ମହିଳାମାନେ ସଙ୍ଗଠିତ ହୋଇଛନ୍ତି। ଏହି ପରିପ୍ରେକ୍ଷୀରେ ଗୁରୁବାର ଉକ୍ତ ପଞ୍ଚାୟତ ଅଧିନ ବିଭିନ୍ନ ଗ୍ରାମର ମହିଳାମାନେ ମଦମୁକ୍ତ ଅଭିଯାନରେ ବାହାରି ଶୋଭାଯାତ୍ରାରେ ପ୍ରତ୍ୟେକ ଗ୍ରାମ ପରିକ୍ରମା କରିଛନ୍ତି। ପଞ୍ଚାୟତ ଅନ୍ତର୍ଗତ ଡୁଡୁକିଦାଦର, ସରଗୁଲ, ବିଜାଢ଼ୋଲ, କନ୍ଦାଡଙ୍ଗର, କୁସମଦର୍ହା, ବଣ୍ଡାମୁଣ୍ଡା ଗ୍ରାମକୁ ଯାଇ ମଦ ବିରୋଧରେ ସଚେତନତା ସୃଷ୍ଟି କରିବା ସହିତ କୁଚିଆ ମଦ ଦୋକାନକୁ ଯାଇ ମଦ ନ 

ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ ପକ୍ଷରୁ ସରପଞ୍ଚଙ୍କୁ ଦାବିପତ୍ର

ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ ପକ୍ଷରୁ ସରପଞ୍ଚଙ୍କୁ ଦାବିପତ୍ର

ପଡିଆବାହାଲ, ୨୦।୯ (ଡି.ଏନ.ଏ)- ଓଡ଼ିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଞ୍ଚ ପକ୍ଷରୁ ୧୯ ତାରିଖ ଗଣଶିକ୍ଷା ମନ୍ତ୍ରୀଙ୍କ ଉଦ୍ଦେଶ୍ୟରେ ପଡିଆବାହାଲ ଜୟଦୁର୍ଗା କଲେଜର କର୍ମଚାରୀମାନେ ଏକ ଦାବିପତ୍ର ବାହାମ ସରପଞ୍ଚ ମିତ୍ରଭାନୁ ପ୍ରଧାନଙ୍କୁ ପ୍ରଦାନ କରିଛନ୍ତି। ଅଧ୍ୟକ୍ଷ ସତ୍ୟବାଦୀ ପଟେଲ, ଅଧ୍ୟାପକ ଅକ୍ଷୟ ମହାପାତ୍ର, ରାଜାରାମ ନାୟକ,  ସୁନୀଲ ମିଶ୍ର ପ୍ରମୁଖ ଦାବିପତ୍ର ପ୍ରଦାନ କରିଥିଲେ। ସେହିପରି ଖରସନମାଲ ପଞ୍ଚାୟତ ହାଇସ୍କୁଲର ଶିକ୍ଷକ କର୍ମଚାରୀ ପରିଚାଳନା କମିଟି ସଦସ୍ୟମାନେ 

ଭସାଣି ଶୋଭାଯାତ୍ରାରେ ସ୍ବାସ୍ଥ୍ୟ, ସ୍ବଚ୍ଛତାର ବାର୍ତ୍ତା

ଭସାଣି ଶୋଭାଯାତ୍ରାରେ ସ୍ବାସ୍ଥ୍ୟ, ସ୍ବଚ୍ଛତାର ବାର୍ତ୍ତା

ବୀରମହାରାଜପୁର, ୨୦।୯ (ଡି.ଏନ.ଏ)- ବୀରମହାରାଜପୁର ବ୍ଲକର ସୁବଳୟା ଗଡଭିତରେ ଚାଲିଥିବା ଶ୍ରୀ ଗଣେଶଙ୍କ ପୂଜନୋତ୍ସବ ବୁଧବାର ମୁର୍ତ୍ତି ବିସର୍ଜନ ସହ ସମ୍ପନ୍ନ ହୋଇଛି। ଏଥର ଭସାଣି ଶୋଭଯାତ୍ରା ଖୁବ୍‌ ଆକର୍ଷଣୀୟ ହୋଇଥିବା ବେଳେ ଏହାରି ମାଧ୍ୟମରେ ଦିଆଯାଇଥିଲା ସଚେତନତାର ବାର୍ତ୍ତା। ବିଶେଷକରି ଡେଙ୍ଗୁ, ମ୍ୟାଲେରିଆ ଓ ଡାଇରିଆ ଭଳି ରୋଗରେ ନିରାକରଣ ପାଇଁ ସ୍ବଚ୍ଛତା ସମ୍ପର୍କିତ ସଚେତନଧର୍ମୀ ବାର୍ତ୍ତା ପ୍ଲାକାର୍ଡ ଦ୍ୱାରା ପ୍ରଦର୍ଶନ କରାଯାଇଥିଲା। ତାଛଡା ପିଲାମାନେ ବିଭିନ୍ନ