ସମ୍ବଲପୁର

କର୍ମୀ ସମ୍ମିଳନୀ: ବିଜେଡ଼ିରେ ମିଶିଲେ ନାରାୟଣ

କର୍ମୀ ସମ୍ମିଳନୀ: ବିଜେଡ଼ିରେ ମିଶିଲେ ନାରାୟଣ

ବରଗଡ଼ ଅଫିସ୍‌/ବିଜେପୁର,୩।୧୨
ବରଗଡ଼ ଜିଲା ବିଜେପୁର ହାଇସ୍କୁଲ ପଡ଼ିଆରେ ରବିବାର ପୂର୍ବାହ୍ନରେ ବିଜେଡ଼ିର କର୍ମୀ ସମ୍ମିଳନୀ ତଥା ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଶ୍ରମମନ୍ତ୍ରୀ ସୁଶାନ୍ତ ସିଂଙ୍କ ଅଧ୍ୟକ୍ଷତାରେ ଆୟୋଜିତ ଏହି ସମ୍ମିଳନୀରେ ଶକ୍ତିମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ଗୃହ ଓ ନଗର ଉନ୍ନୟନ ମନ୍ତ୍ରୀ ନିରଞ୍ଜନ ପୂଜାରୀ, ହସ୍ତତନ୍ତ ଓ ବୟନ ଶିଳ୍ପମନ୍ତ୍ରୀ ସ୍ନେହାଙ୍ଗିନୀ ଛୁରିଆ, ରାଜ୍ୟସଭା ସଦସ୍ୟ ପ୍ରସନ୍ନ ଆଚାର୍ଯ୍ୟ, ଏମ୍‌ପି ଡଃ ପ୍ରଭାସ ସିଂ, ପୂର୍ବତନ ବିଧାୟକ ସୁଧୀର ସାମଲ, ଦଳୀୟ ପ୍ରାର୍ଥିନୀ ରୀତା ସାହୁ ପ୍ରମୁଖ ଉପସ୍ଥିତ ଥିଲେ। ଦଳର ଏହି ତୁଙ୍ଗନେତାଙ୍କ ଉପସ୍ଥିତିରେ ଭାଜପାର ପୂର୍ବତନ ଜିଲା ସଭାପତି ନାରାୟଣ ସାହୁ ନିଜ ସମର୍ଥକଙ୍କ ସହ ଆନୁଷ୍ଠାନିକ ଭାବେ ବିଜେଡ଼ିରେ ମିଶିଥିଲେ। ପୂର୍ବତନ ବରପାଲି ବିଡ଼ିଓ ପ୍ରଫୁଲ୍ଲ ଦଫାଦାର, ଭାଜପା ଓବିସି ମୋର୍ଚ୍ଚାର ପୂର୍ବତନ ଜିଲା ସଭାପତି କଂଗ୍ରେସ ସାହୁଙ୍କ ସମେତ ମୀନକେତନ ସାହୁ, ଯଦୁମଣି ସାହୁ, ଅଭି ସାହୁ, ହର୍ଷ ଭିତିରିଆ, ପ୍ରହ୍ଲାଦ ସାହୁ, ରୋହିତ ସାହୁ, ଆଲୋକ ସାହୁ, ବଲରାମ ସାହୁ, ଚୂଡ଼ାମଣି ସାହୁ ଗୁରୁଦେବ ସାହୁ ପ୍ରମୁଖ ଶତାଧିକ ଭାଜପା କର୍ମୀ ମଧ୍ୟ ବିଜେଡ଼ିରେ ସାମିଲ୍‌ ହୋଇଥିଲେ। ମାତ୍ର ଉକ୍ତ ସମ୍ମିଳନୀରେ ଜିଲାର ଅନ୍ୟ କେତେକ ଦଳୀୟ ନେତାଙ୍କ ଅନୁପସ୍ଥିତି ଦଳରେ ରହିଥିବା ଅସନ୍ତୋଷ, ଅନ୍ତର୍ଦ୍ୱନ୍ଦ୍ୱକୁ ପଦାରେ ପକାଇ ଦେଇଥିଲା। ବିଜେଡିର ପୂର୍ବତନ ଜିଲା ସଭାପତି ପ୍ରଭାତାଦିତ୍ୟ ମିଶ୍ରଙ୍କୁ ଏହି ସମ୍ମିଳନୀରେ ଦେଖିବାକୁ ମିଳି ନ ଥିଲା। ତେବେ ତାଙ୍କ ଅନୁପସ୍ଥିତି ସମ୍ପର୍କରେ ମିଶ୍ରଙ୍କୁ ପଚାରିବାରୁ ସେ କହିଥିଲେ, ବିଧିବଦ୍ଧ ଭାବେ ଦାୟିତ୍ୱ ଦିଆଯାଇ ନ ଥିଲେ ମଧ୍ୟ ମନ୍ତ୍ରୀ ସୁଶାନ୍ତ ସିଂ ଓ ପ୍ରଫୁଲ୍ଲ ମଲ୍ଲିକ ବିଜେପୁର କାର୍ଯ୍ୟ ତୁଲାଉଛନ୍ତି । ତାଙ୍କୁ କର୍ମୀ ସମ୍ମିଳନୀ ସମ୍ପର୍କରେ କୌଣସି ସୂଚନା ଦିଆଯାଇ ନ ଥିବାରୁ ଅନୁପସ୍ଥିତ ଥିଲେ ବୋଲି ମିଶ୍ର କହିଛନ୍ତି। ସେହିପରି ଦଳର ଜିଲା ସଭାପତି ବିଜୟ ରଞ୍ଜନ ସିଂ ବରିହା, ନିକଟରେ ପଦ ଛାଡ଼ିଥିବା ବିଜେପୁର ବ୍ଲକ ସଭାପତି ରାଧେଶ୍ୟାମ ମହାପାତ୍ର ମଧ୍ୟ ଅନୁପସ୍ଥିତ ଥିଲେ। ଏ ନେଇ ଜିଲା ସଭାପତି ବରିହାଙ୍କ ପ୍ରତିକ୍ରିୟା ମିଳି ନ ଥିବାବେଳେ ତାଙ୍କୁ ମଧ୍ୟ ସମ୍ମିଳନୀ ସମ୍ପର୍କରେ କୌଣସି ସୂଚନା ଦିଆଯାଇ ନ ଥିଲା ବୋଲି ମହାପାତ୍ର କହିଛନ୍ତି। ଏ ସମ୍ପର୍କରେ ମନ୍ତ୍ରୀ ସିଂଙ୍କୁ ପଚାରିବାରୁ ସେ କହିଥିଲେ, ଗତ ୧୫ ଦିନ ତଳୁ କର୍ମୀ ସମ୍ମିଳନୀ କରିବା ପାଇଁ ସ୍ଥିର ହୋଇଥିଲା। ଏ ନେଇ ପ୍ରଭାତାଦିତ୍ୟ ମିଶ୍ରଙ୍କୁ ଖବର ଦିଆଯାଇଥିଲା। ଅନ୍ୟ ଏକ କାର୍ଯ୍ୟକ୍ରମରେ ଯୋଗଦାନ କରିବାକୁ ଅଛି ଏବଂ ଏହି ସମ୍ମିଳନୀରେ ଅନୁପସ୍ଥିତ ରହିବି ବୋଲି ମିଶ୍ର ନିଜ ଆଡୁ ସୂଚନା ଦେଇଥିଲେ। ଉପନିର୍ବାଚନରେ ତାଙ୍କୁ ବରପାଲି ବ୍ଲକ ଦାୟିତ୍ୱ ଦେବାର ଯୋଜନା ରହିଛି। ସେହିପରି ଜିଲା ସଭାପତି ବରିହାଙ୍କ ଜଣେ ନିକଟ ସମ୍ପର୍କୀୟଙ୍କ ପରଲୋକ ଘଟିଥିବାରୁ ସେ ସମ୍ମିଳନୀରେ ଯୋଗଦେଇ ପାରି ନ ଥିବା ସିଂ କହିଥିଲେ। କିନ୍ତୁ ମହାପାତ୍ର ନିଜ ପଦରୁ ଇସ୍ତଫା ଦେଇ ସମ୍ମିଳନୀରେ ଯୋଗଦେବା ପାଇଁ ନିଜେ ଅନିଚ୍ଛା ପ୍ରକାଶ କରିଥିଲେ ବୋଲି ମନ୍ତ୍ରୀ ସିଂ କହିଛନ୍ତି।

All Right Reserved By

ସମ୍ବଲପୁର

ସେବା ପ୍ରଦାନରେ ବ୍ୟାଘାତ: ବ୍ୟାଙ୍କରେ ତାଲା ପକାଇ ଗ୍ରାହକଙ୍କ ଧାରଣା

ସେବା ପ୍ରଦାନରେ ବ୍ୟାଘାତ: ବ୍ୟାଙ୍କରେ ତାଲା ପକାଇ ଗ୍ରାହକଙ୍କ ଧାରଣା

କୋକସରା,୨୦।୭(ଡି.ଏନ.ଏ.)- କଳାହାଣ୍ଡି ଜିଲା କୋକସରା ବ୍ଲକ ଲଡୁଗଁା ଭାରତୀୟ ଷ୍ଟେଟବ୍ୟାଙ୍କ ଶାଖାରେ ଶୁକ୍ରବାର ତାଲା ପକାଇ ଧାରଣ ଦିଆଯାଇଛି। ଗ୍ରାହକଙ୍କୁ ସେବା ପ୍ରଦାନରେ ଅହେତୁକ ଅବହେଳା, ବିଳମ୍ବ ହେବା ସହ ହରଇରାଣ ହେଉଥିବା ଅଭିଯୋଗ ନେଇ ଗ୍ରାହକ ଓ ଜନସାଧାରଣ ବ୍ୟାଙ୍କ ଗେଟ ସମ୍ମୁଖରେ ତାଲା ପକାଇ ଧାରଣା ଦେଇଥିଲେ ।

କଲମପୁର ବ୍ଲକ ୧ନଂ. ଜିଲା ପରିଷଦ ଜୋନର ସଭାପତି ଚୟନ, ନୂତନ କମିଟି ଗଠନ

କଲମପୁର ବ୍ଲକ ୧ନଂ. ଜିଲା ପରିଷଦ ଜୋନର ସଭାପତି ଚୟନ, ନୂତନ କମିଟି ଗଠନ

ମଣ୍ଡଲ,୨୦।୭(ଡି.ଏନ.ଏ.)- କଳାହାଣ୍ଡି ଜିଲା କଂଗ୍ରେସ କମିଟି କାର୍ଯ୍ୟକାରୀ ସଭାପତି ପର୍ଶୁରାମ ପାଢ଼ୀଙ୍କ ସଭାପତିତ୍ୱରେ କଲମପୁର ବ୍ଲକ ଜିଲା ପରିଷଦ ୧ନଂ. ଜୋନର କର୍ମୀ ସମାବେଶ ତଥା ଜୋନ ସଭାପତି ଚୟନ ଏବଂ ନୂତନ କମିଟି ଗଠନ ଶୁକ୍ରବାର ମଣ୍ଡଲ ମଣ୍ଡିଠାରେ ଅନୁଷ୍ଠିତ ହୋଇଯାଇଛି ।

କାମରେ ଆସିଲାନି ବନ୍ଧ ଉନ୍ନତୀକରଣ: ମାଟି ଖସି ଜଳାଶୟରେ ପଶୁଛି

କାମରେ ଆସିଲାନି ବନ୍ଧ ଉନ୍ନତୀକରଣ: ମାଟି ଖସି ଜଳାଶୟରେ ପଶୁଛି

ଦେଓଗାଁ,୨୦।୭(ଡି.ଏନ.ଏ.)- ବଲାଙ୍ଗୀର ଜିଲା ଦେଓଗାଁ ବ୍ଲକ ଜରାସିଂହା ପଞ୍ଚାୟତ ଅନ୍ତର୍ଗତ ଚନ୍ଦ୍ରପୁର ଗ୍ରାମରେ ଥିବା ବନ୍ଧର ମାଟି ଉନ୍ନତୀକରଣ କାର୍ଯ୍ୟ କୌଣସି କାମକୁ ଆସୁନାହିଁ।

ଷ୍ଟେଟ ବ୍ୟାଙ୍କ ସମ୍ମୁଖରୁ ଚାଷୀଙ୍କ ବାଇକ୍‌ ଚୋରି

ପଦ୍ମପୁର,୨୦।୭(ଡି.ଏନ.ଏ)- ପଦ୍ମପୁର ଭାରତୀୟ ଷ୍ଟେଟ ବ୍ୟାଙ୍କ ସମ୍ମୁଖରୁ ଏକ ଶୁକ୍ରବାର ଜଣେ ଚାଷୀଙ୍କ ବାଇକ୍‌ ଚୋରି ହୋଇଥିବା ନେଇ ପଦ୍ମପୁର ଥାନାରେ ଅଭିଯୋଗ ହୋଇଛି । ଅଭିଯୋଗ ମୁତାବକ, ଜଗଦଲପୁର ଥାନା ଅଧୀନ ପଲସାନୀ ଗ୍ରାମର ଯୁଗଳ ନାୟକ ଏକ ବାଇକ୍‌(ନଂ. ନଂ.ସିଜି ୦୬ ଜି- ୪୭୭୬) ଯୋଗେ କୃଷି ଋଣ ପାଇଁ ପଦ୍ମପୁର ଏସ୍‌ବିଆଇ ଶାଖା ଆସିଥିଲେ । ସେ ବ୍ୟାଙ୍କ ସମ୍ମୁଖରେ ବାଇକ୍‌ ରଖି ଭିତରକୁ ଯାଇଥିଲେ । କାମ ସାରି ଫେରିଲା ପରେ ତାଙ୍କୁ ବାଇକ ନ ଥିବା ଦେଖିବାକୁ ପାଇଥିଲେ। ସେ ଖୋଜାଖୋଜି କରିଥିଲେ ମଧ୍ୟ ବାଇକ୍‌ର କୌଣସି ପତ୍ତା ପାଇ ନ ଥିଲେ। ଏନେଇ ଥାନାରେ ଏକ ଅଭିଯୋଗ କରିଥିଲେ।

ରାଜବୋଡାସମ୍ବର ବ୍ଲକରେ ସ୍ବଚ୍ଛତା ରଥ ଶୁଭାରମ୍ଭ

ରାଜବୋଡାସମ୍ବର ବ୍ଲକରେ ସ୍ବଚ୍ଛତା ରଥ ଶୁଭାରମ୍ଭ

ପଦ୍ମପୁର,୨୦।୭(ଡି.ଏନ.ଏ.)- ବରଗଡ଼ ଜିଲା ରାଜବୋଡାସମ୍ବର ବ୍ଲକର ଗ୍ରାମାଞ୍ଚଳ ଜଳଯୋଗାଣ ଓ ପରିମଳ ବିଭାଗ ପକ୍ଷରୁ ବ୍ଲକସ୍ତରୀୟ ସ୍ବଚ୍ଛତା ରଥ ପରିକ୍ରମା ଅଭିଯାନର ଶୁଭାରମ୍ଭ କରାଯାଇଛି । କାର୍ଯ୍ୟକ୍ରମରେ ଗୋଷ୍ଠୀ ଉନ୍ନୟନ ଅଧିକାରୀ ଏଲିଜା ମିଶ୍ର, ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ ପୂର୍ଣ୍ଣଚନ୍ଦ୍ର ପାଣିଗ୍ରାହୀ, ଏବିଇଓ ଜୟକୁମାର ସାହୁ ଏବଂ ସବିତା ସାହୁ ପତାକା ଦେଖାଇ ସଚେତନତା ରଥର ଶୁଭାରମ୍ଭ କରିଥିଲେ ।

ବସ୍‌ ଧକ୍କାରେ ଯୁବକ ମୃତ: କ୍ଷତିପୂରଣ ଦାବିରେ ରାସ୍ତା ଅବରୋଧ

ବାରକୋଟ,୨୦।୭ (ଡି.ଏନ.ଏ.)- ୪୯ ନମ୍ବର ଜାତୀୟ ରାଜପଥ ଦେବଗଡ଼ ଜିଲା କଣ୍ଢଳ ଗ୍ରାମ ନିକଟରେ ଶୁକ୍ରବାର ଏକ ବସ୍‌ ଧକ୍କାରେ ଜଣେ ଯୁବକଙ୍କୁ ମୃତ୍ୟୁ ଘଟିଛି। ସେ ହେଲେ ଦେବଗଡ଼ ଥାନା ବାଲିପସି ଗ୍ରାମର କୁନା ମହାନନ୍ଦ (୩୦)। ମିଳିଥିବା ସୂଚନା ମୁତାବକ, କୁନା କଣ୍ଢଳରୁ ସମରଖାଇ ଯାଉଥିବା ବେଳେ ଅପରାହ୍ନ ପ୍ରାୟ ୧ଟାରେ କଣ୍ଢଳରୁ ଅନୁଗୋଳ ଯାଉଥିବା ଏକ ଘରୋଇ ବସ୍‌ ନମ୍ବର (ଓଡି ୧୯ ଇ- ୨୮୯୫) ତାଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ କୁନାଙ୍କ ମୃତ୍ୟୁ ଘଟିଥିଲା।

ଗୋଲାମୁଣ୍ଡାରେ ସଫେଇ କାର୍ଯ୍ୟକ୍ରମ

ଗୋଲାମୁଣ୍ଡାରେ ସଫେଇ କାର୍ଯ୍ୟକ୍ରମ

ଗୋଲାମୁଣ୍ଡା,୨୦।୭(ଡି.ଏନ୍‌.ଏ.)- କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକ ଗରଗାବ ଗ୍ରାମରେ ସୋଶିଆଲ ଏକ୍ଟିଭଟି ଅଫ କଳାହାଣ୍ଡି ସ୍ବେଚ୍ଛାସେବୀ ସଂଗଠନ ପକ୍ଷରୁ କ୍ଲିନ କଳାହାଣ୍ଡି ନାମରେ ଏକ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସଂଗଠନ ସଭାପତି ପ୍ରମୋଦ ସାହୁ, ସମ୍ପାଦକ ନବୀନ କୁମାର ସା, ସଂଗଠନ ସଭ୍ୟ ବିକାଶ ପଧାନ, ଗୋଲୋକ ପଧାନ, ଦୟାନିଧି ସା, ସୁରେଶ ସାହୁ, ସାଗର ପଧାନ, ସମ୍ବିତ ମାଝିଙ୍କ ସହଯୋଗରେ କାର୍ଯ୍ୟକ୍ରମ ହୋଇଥିଲା।

ସୁବର୍ଣ୍ଣପୁର ସହରର ଶାନ୍ତିନଗର: କାଦୁଅ ରାସ୍ତାରେ ଯାଉଛନ୍ତି ଅଧିବାସୀ

ସୁବର୍ଣ୍ଣପୁର ସହରର ଶାନ୍ତିନଗର: କାଦୁଅ ରାସ୍ତାରେ ଯାଉଛନ୍ତି ଅଧିବାସୀ

ସୋନପୁର,୨୦।୭(ନି.ପ୍ର.)- ସୁବର୍ଣ୍ଣପୁର ପୌର ପରିଷଦର ୧ ନଂ ୱାର୍ଡ ଅଧୀନରେ ରହିଛି ଶାନ୍ତିନଗର। ଏହି ପଡ଼ାରେ ରାସ୍ତା ଓ ଡ୍ରେନ୍‌ ଅବସ୍ଥା ଶୋଚନୀୟ ହୋଇପଡିଛି। ରାସ୍ତା ଖାଲଖମାରେ ଭର୍ତ୍ତି ହୋଇଛି। ସବୁଠି କଂକ୍ରିଟ୍‌ ଡ୍ରେନ୍‌ ନ ଥିବା ବେଳେ ନିମ୍ନମାନର କାମ ଯୋଗୁ ପୁରୁଣା ଡ୍ରେନ୍‌ଗୁଡିକ ଭାଙ୍ଗି ଗଲାଣି। ଡ୍ରେନ୍‌ର ମଇଳା ପାଣି ରାସ୍ତା ଉପରେ ପ୍ରବାହିତ ହେଉଛି।

୨୨ରେ ଜାତୀୟ ପତାକା ଦିବସ ଶୋଭାଯାତ୍ରା

ସମ୍ବଲପୁର, ୨୦।୭ (ବ୍ୟୁରୋ)- ବୁଦ୍ଧ ଆମ୍ବେଡ଼କର ବିଚାର ଗୋଷ୍ଠୀ ପକ୍ଷରୁ ଆସନ୍ତା ୨୨ ତାରିଖ ଜାତୀୟ ପତାକା ଦିବସ ଶୋଭାଯାତ୍ରା ହେବ। ଜିଲା ସ୍କୁଲ ଛକରୁ ଶୋଭାଯାତ୍ରା ବାହାରି ମୁଦିପଡା ଛକ ସ୍ଥିତ ଆମ୍ବେଦକର ପ୍ରତିମୂର୍ତ୍ତିଠାରେ ପହଞ୍ଚତ୍ବ। ଏହି ଶୋଭାଯାତ୍ରା କରିବାକୁ ଆୟୋଜକମାନେ ଜିଲାପାଳ ସମର୍ଥ ବର୍ମାଙ୍କୁ ଭେଟି ଆଲୋଚନା କରିଛନ୍ତି। ପ୍ରତିନିଧି ଦଳରେ ହେମନ୍ତ ଗର୍ଡିଆ, ଲିଙ୍ଗେଶ୍ୱର ଭୋସାଗର ଓ ସମ୍ରାଟ ରାଜ ସାମିଲ ଥିଲେ। ସୂଚନାଯୋଗ୍ୟ, ୧୯୪୭ ଜୁଲାଇ ୨୨ ତାରିଖରେ ଜାତୀୟ ପତାକା ଗୃହିତ ହୋଇଥିଲା । ଏହାକୁ ସ୍ମରଣ କରିବାକୁ, ଜାତୀୟତା ଭାବ ଉଦ୍ରେକ କରିବାକୁ ଶୋଭାଯାତ୍ରାର ପରିକଳ୍ପନା କରାଯାଇଥିବା ଆୟୋଜକମାନେ କହିଛନ୍ତି ।

ଭିଏସ୍‌ଏଲ୍‌ଭି ଲିମ୍‌କା ରେକର୍ଡରେ ସ୍ଥାନ: ଭିସୁଟରେ ଉତ୍ସବର ବାତାବରଣ

ଭିଏସ୍‌ଏଲ୍‌ଭି ଲିମ୍‌କା ରେକର୍ଡରେ ସ୍ଥାନ: ଭିସୁଟରେ ଉତ୍ସବର ବାତାବରଣ

ସମ୍ବଲପୁର, ୨୦।୭ (ବ୍ୟୁରୋ)- ବୁର୍ଲା ସ୍ଥିତ ବୀରସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ (ଭିସୁଟ) ଆଇଡିଆ ଇନୋଭେସନ୍‌ ସେଲ୍‌ (ଆଇଆଇସି) ଛାତ୍ରଙ୍କ ସଫଳତା ଶୀର୍ଷକୁ ଛୁଇଛି । ପୂର୍ବରୁ ଛାତ୍ରଙ୍କ ପ୍ରସ୍ତୁତ ଭିସୁଟ ସାଟେଲାଇଟ୍‌ ଲଞ୍ଚ ଭାଇକିଲ (ଭିଏସଏଲଭି) ଇଣ୍ଡିଆ ବୁକ୍‌ ଅଫ୍‌ ରେକର୍ଡରେ ସ୍ଥାନ ପାଇଥିଲା। ତେବେ ଏହି ସଫଳତାରେ ଆଉ ଏକ ଫର୍ଦ୍ଦ ଯୋଡି ହୋଇଯାଇଛି। ଏହି କ୍ରମରେ ଭିଏସ୍‌ଏଲ୍‌ଭି ଲିମ୍‌କା ବୁକ ଅଫ୍‌ ରେକର୍ଡରେ ସ୍ଥାନ ପାଇ ବିଶ୍ୱବିଦ୍ୟାଳୟର ଗୌରବ ବୃଦ୍ଧି କରିପାରିଛି। ସଫଳତା ପରେ ଭିସୁଟ ଛାତ୍ରୀଛାତ୍ର, ଅଧ୍ୟାପକ, ପ୍ରାଧ୍ୟାପକ, ପ୍ରଫେସର ଓ କର୍ମଚାରୀମାନଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି ।

୨୪ରେ ଛଡାହେବ ହୀରାକୁଦ ଡ୍ୟାମରୁ ପ୍ରଥମ ବନ୍ୟାଜଳ

୨୪ରେ ଛଡାହେବ ହୀରାକୁଦ ଡ୍ୟାମରୁ ପ୍ରଥମ ବନ୍ୟାଜଳ

ସମ୍ବଲପୁର,୨୦।୭(ବ୍ୟୁରୋ)- ହୀରାକୁଦ ଡ୍ୟାମରୁ ଆସନ୍ତା ୨୪ ତାରିଖରେ ପ୍ରଥମ ବନ୍ୟା ଜଳ ନିଷ୍କାସିତ ହେବ। ଏନେଇ ପ୍ରସ୍ତୁତି ଚାଲିଛି ବୋଲି ହୀରାକୁଦ ଡ୍ୟାମ ମୁଖ୍ୟ ଯନ୍ତ୍ରୀ ଚିନ୍ମୟ ରାଉତ ସୂଚନା ଦେଇଛନ୍ତି। ଶୁକ୍ରବାର ମଧ୍ୟାହ୍ନ ୧୨ଟା ସୁଦ୍ଧା ଡ୍ୟାମର ଜଳସ୍ତର ୬୦୭.୮୭ ଫୁଟ ରହିଥିଲା। ପ୍ରତି ସେକେଣ୍ଡରେ ଡ୍ୟାମକୁ ୧,୧୧,୬୦୦ କ୍ୟୁସେକ ଜଳ ପ୍ରବେଶ କରୁଥିବା ବେଳେ। ସେହିପରି ପ୍ରତି ସେକେଣ୍ଡରେ ଡ୍ୟାମରୁ ୧୨,୯୧୭ କ୍ୟୁସେକ ଜଳ ବିଭିନ୍ନ କେନାଲ ମାଧ୍ୟମରେ ନିଷ୍କାସିତ ହୋଉଥିଲା ।

ଲାୟନ୍ସ ମୌର୍ଯ୍ୟ, ପ୍ରଗତି କ୍ଲବର କର୍ମକର୍ତ୍ତା ନିର୍ବାଚନ

ସମ୍ବଲପୁର,୨୦।୭ (ବ୍ୟୁରୋ)- ଲାୟନ୍ସ କ୍ଲବ ମୌର୍ଯ୍ୟ ଓ ବୁର୍ଲା ପ୍ରଗତି ଲାୟନ୍ସ କ୍ଲବ ଶାଖାର ନୂତନ କର୍ମକର୍ତ୍ତା ନିର୍ବାଚନ ଗୁରୁବାର ରାତିରେ ଅନୁଷ୍ଠିତ ହୋଇଯାଇଛି । ଡି. ମାଧବନ୍‌ ମୁଖ୍ୟଅତିଥି ଭାବେ ଯୋଗଦେଇ ନବ ନିର୍ବାଚିତ କର୍ମକର୍ତ୍ତାଙ୍କୁ ଶପଥ ପାଠ କରାଇଥିଲେ। ଜଗମୋହନ ପଟ୍ଟନାୟକଙ୍କ ପରିଚାଳନାରେ କାର୍ଯ୍ୟକ୍ରମ ହୋଇଥିଲା। ପୂର୍ବତନ ଲାୟନ୍ସ କ୍ଲବ ମୌର୍ଯ୍ୟ ସଭାପତି ରାଜଶେଖର ସିହ୍ନା, ସମ୍ପାଦକ ବିଜୟ କୁମାର ନାୟକ, ପ୍ରଗତି ସଭାପତି ପ୍ରଫୁଲ୍ଲ କୁମାର ପଧାନ, ସମ୍ପାଦକ ଏ.କେ ସାହୁ ବାର୍ଷିକ ବିବରଣୀ ପ୍ରଦାନ କରିଥିଲେ।

Model This Week

ରୂପେଶ