ବାଣିଜ୍ୟ |

ବିଦ୍ୟୁତ ସେବା ପ୍ରଦାନକାରୀ ସଂସ୍ଥା ପରିବର୍ତ୍ତନ କରିପାରିବେ ଗ୍ରାହକ

ବିଦ୍ୟୁତ ସେବା ପ୍ରଦାନକାରୀ ସଂସ୍ଥା ପରିବର୍ତ୍ତନ କରିପାରିବେ ଗ୍ରାହକ
ନୂଆଦିଲ୍ଲୀ,୩-୧୨,(ପି.ଟି.) ଟେଲିକମ୍‌ କ୍ଷେତ୍ରରେ ଗୋଟିଏ କମ୍ପାନୀ ଛାଡି ଅନ୍ୟ କମ୍ପାନୀର ସେବା ଯେପରି ଗ୍ରାହକମାନେ ଲାଭ କରି ପାରୁଛନ୍ତି ସେହିଭଳି ବିଦ୍ୟୁତ ସେବା ଯୋଗାଉଥିବା କମ୍ପାନୀ ପରିବର୍ତ୍ତନ କରିହେବ। ଏପରି ଏକ ଆଇନ ଆଣିବାକୁ ସରକାର ପ୍ରସ୍ତାବ ରଖିଛନ୍ତି। ପ୍ରସ୍ତାବିତ ଇଲେକଟ୍ରିସିଟି ଆକ୍ଟର ସଂଶୋଧନ ଡ୍ରାଫ୍ଟକୁ ବର୍ତ୍ତମାନ ମଞ୍ଜୁରୀ ଅପେକ୍ଷାରେ ରହିଛି। ଏହା କାର୍ଯ୍ୟକାରୀ ହେଲେ ଗ୍ରାହକମାନେ ବିଦ୍ୟୁତ କମ୍ପାନୀ ପରିବର୍ତ୍ତନ କରିବାକୁ ସକ୍ଷମ ହେବେ ବୋଲି କେନ୍ଦ୍ର ଶକ୍ତି ମନ୍ତ୍ରୀ ଆର.କେ ସିଂ କହିଛନ୍ତି। ଆଗାମୀ ବଜେଟ ଅଧିବେଶନରେ ଶକ୍ତି ମନ୍ତ୍ରଣାଳୟ ବିଦ୍ୟୁତ ସଂଶୋଧନ ଆଇନକୁ ସଂସଦରେ ଉପସ୍ଥାପନ କରିବ। ଏଥିରେ ବିତରଣ ନେଟଓ୍ବର୍କ ବାଣିଜ୍ୟ ଏବଂ ବିଦ୍ୟୁତ ଯୋଗାଣ ବାଣିଜ୍ୟ ପ୍ରସଙ୍ଗକୁ ଭିନ୍ନ ଭାବେ ବିଚାର କରାଯିବ। ଏଥି ସଂକ୍ରାନ୍ତ ଡ୍ରାଫ୍ଟ ଆଇନ୍‌ ଗୋଟିଏ ସପ୍ତାହ ମଧ୍ୟରେ ଆସିବ। ବିଦ୍ୟୁତ୍‌ ଆଇନରେ ଅନେକ ସଂଶୋଧନ ପ୍ରସ୍ତାବ ରହିଛି। ଯାହାକୁ ବଜେଟ ଅଧିବେଶନରେ ଆଣିବାର ଯୋଜନା ରହିଥିବା ସିଂ ସୂଚନା ଦେଇଛନ୍ତି। ନୂଆ ବ୍ୟବସ୍ଥା ଆସିଲେ ବିଦ୍ୟୁତ ଉପଭୋକ୍ତା ମାନେ ସେମାନଙ୍କ ଅଞ୍ଚଳରେ ଥିବା ବିଭିନ୍ନ ସେବା ଯୋଗାଣକାରୀଙ୍କ ମଧ୍ୟକୁ କୌଣସି ଏକ କମ୍ପାନୀକୁ ଚୟନ କରିବାକୁ ସକ୍ଷମ ହେବେ। ଏହା ଦ୍ୱାରା କମ୍ପାନୀଗୁଡିକର ଏକଚାଟିଆ ନୀତିକୁ ନିୟନ୍ତ୍ରଣ କରାଯାଇ ପାରିବ। କୌଣସି ଏକ ଅଞ୍ଚଳ ଲାଗି ଅଧିକ ବିତରଣକାରୀ ଫ୍ରାଞ୍ଚାଇଜ ନିଯୁକ୍ତ କରାଯାଇ ପାରିବ। ବିଦ୍ୟୁତ୍‌ କମ୍ପାନୀଗୁଡିକର ବଣ୍ଟନ ଓ ଯୋଗାଣକାରୀ ଓ୍ବିଙ୍ଗ୍‌କୁ ଅଲଗା କରିବା ଉପରେ ଏକ ରୋଡ ମ୍ୟାପ୍‌ ପ୍ରସ୍ତୁତ କରିବା ଲାଗି ରାଜ୍ୟଗୁଡିକ ସହ ଆଲୋଚନା ଜାରି ରହିଛି। ଏହା ଦ୍ୱାରା କମ୍ପାନୀଗୁଡିକର ମନମୁଖୀ କାର୍ଯ୍ୟକୁ ନିୟନ୍ତ୍ରଣ କରିବା ଲାଗି ବ୍ୟବସ୍ଥା କରାଯାଇ ପାରିବ। ସେହିଭଳି ଅଣ ପାରମ୍ପରିକ ଶକ୍ତି ବ୍ୟବହାରକୁ ନେଇ ଏକ ସୁଚିନ୍ତିତ ପଦକ୍ଷେପ ଗ୍ରହଣ କରାଯିବ। କ୍ରସ୍‌ ସବସିଡିକୁ ୨୦%ରୁ ନିମ୍ନରେ ରଖାଯିବାକୁ ଧାର୍ଯ୍ୟ ହୋଇଛି। ଏହା ଦ୍ୱାରା ଶିଳ୍ପ କ୍ଷେତ୍ର ଲାଗି ଟାରିଫ୍‌କୁ ହ୍ରାସ କରାଯାଇ ପାରିବାକୁ ଯୋଜନା ରହିଛି। କୃଷକଙ୍କ ମଧ୍ୟରେ ବିଦ୍ୟୁତ ବ୍ୟବହାର ବୃଦ୍ଧି କରିବା ଲାଗି ଡିବିଟି ବ୍ୟବସ୍ଥା ଲାଗୁ ନେଇ ପ୍ରସ୍ତାବ ମଧ୍ୟ ରହିଛି। ମାର୍ଚ୍ଚ ୨୦୧୯ ବେଳକୁ କମ୍ପାନୀଗୁଡିକ ଯେଉଁ ଭଳି ଭାବେ ଭରସା ଯୋଗ୍ୟ ବିଦ୍ୟୁତ ସେବା ଯୋଗାଇ ପାରିବେ ସେ ନେଇ ମଧ୍ୟ ବ୍ୟବସ୍ଥା କରାଯିବ। ସୌଭାଗ୍ୟ ଯୋଜନାରେ ୨୦୧୮ ଶେଷ ସୁଦ୍ଧା ୪୦ ନିୟୁତ ନୂଆ ଗ୍ରାହକ ସୃଷ୍ଟି ହେବାକୁ ଥିବା ବେଳେ ଶକ୍ତି ଚାହିଦା ବୃଦ୍ଧି ଘଟିବ। ସେହିଭଳି ମୁଣ୍ଡପିଛା ଶକ୍ତି ଚାହିଦାରେ ବୃଦ୍ଧି ଘଟିବ ବୋଲି ସିଂ ପ୍ରକାଶ କରିଛନ୍ତି। ସେହିଭଳି ପ୍ରସ୍ତାବରେ ଟାରିଫ୍‌ ନୀତିକୁ ବାଧ୍ୟତାମୂଳକ କରାଯାଇଛି। ଏହା ଦ୍ୱାରା ସର୍ବୋଚ୍ଚ ଓ ନୂ୍ୟନତମ ଟାରିଫ୍‌ ମଧ୍ୟରେ ପାର୍ଥକ୍ୟ ୨୦%ରୁ ଅଧିକ ହେବ ନାହିଁ। ସେହିଭଳି ୨୪ ଘଣ୍ଟିଆ ବିଦ୍ୟୁତ ଯୋଗାଣ ଲାଗି ଏକ ପ୍ରସ୍ତାବ କ୍ୟାବିନେଟରେ ଆସିବ। ଉକ୍ତ କ୍ଷେତ୍ରରେ ନିୟମ ଉଲ୍ଲଂଘନ କରୁଥିବା ବ୍ୟକ୍ତିଙ୍କ ଲାଗି କଡା ବ୍ୟବସ୍ଥା ଆସିବ ବୋଲି ପ୍ରସ୍ତାବ ରହିଛି। ରାଜ୍ୟସ୍ତରରେ ହେଉଥିବା ବିଦ୍ୟୁତ ଚୋରି ଓ ଅପଚୟକୁ ହ୍ରାସ କରିବାକୁ ଲକ୍ଷ୍ୟ ରହିଛି। ଏହା ବାଦ୍‌ ପ୍ରିପେଡ ଓ ସ୍ମାର୍ଟ ମିଟର ବ୍ୟବସ୍ଥା ଉପରେ କାର୍ଯ୍ୟକ୍ରମ ଜାରି ହୋଇଛି। ଶକ୍ତି କ୍ଷେତ୍ରରେ ମୋଟ ଟେକ୍ନିକାଲ ଓ କମର୍ସିଆଲ କ୍ଷତିକୁ କିଭଳି ଭାବେ କମାଯାଇ ପାରିବ ତାକୁ ମଧ୍ୟ ବିଚାର କରାଯାଉଛି। ଏହାକୁ ୨୦୧୯ ବେଳକୁ ୧୫%ରୁ କମ୍‌ ସ୍ତରକୁ ହ୍ରାସ କରାଯିବାକୁ ପ୍ରସ୍ତାବ ସହ ଅନ୍ୟାନ୍ୟ ପ୍ରସଙ୍ଗ ସାମିଲ ରହିଛି।
All Right Reserved By

ବାଣିଜ୍ୟ |

କୋଇଲା ଯୋଗାଣରେ ରାଷ୍ଟ୍ରାୟତ୍ତ ଉଦ୍ୟୋଗକୁ ପ୍ରାଥମିକତା

କୋଇଲା ଯୋଗାଣରେ ରାଷ୍ଟ୍ରାୟତ୍ତ ଉଦ୍ୟୋଗକୁ ପ୍ରାଥମିକତା

ନୂଆଦିଲ୍ଲୀ,୧୫-୧୦: ତାପଜ ବିଦ୍ୟୁତ୍‌ ଉତ୍ପାଦନ କରୁଥିବା ରାଷ୍ଟ୍ରାୟତ୍ତ ଉଦ୍ୟୋଗଗୁଡିକ ପ୍ରଥମେ କୋଇଲା ଯୋଗାଣ ଲାଗି କେନ୍ଦ୍ର ସରକାର କୋଲ୍‌ ଇଣ୍ଡିଆ ଲିମିଟେଡ୍‌(ସିଆଇଏଲ୍‌)କୁ ନିର୍ଦ୍ଦେଶ ଦେଇଛନ୍ତି। ଫଳରେ ଗଚ୍ଛିତ କମ୍‌ ଥିବା ଘରୋଇ ବିଦ୍ୟୁତ୍‌ ଉତ୍ପାଦନକାରୀଙ୍କ ମଧ୍ୟରେ ଏବେ ଭାଳେଣି ପଡିଛି। 

ଆଇଏଲ୍‌ଆଣ୍ଡ୍‌ଏଫ୍‌ଏସ୍‌କୁ ଝଟ୍‌କା : ମାମଲାରୁ ବର୍ତ୍ତିବାକୁ ସମୟ ଦେଲେନି ଏନ୍‌ସିଏଲ୍‌ଟି

ଆଇଏଲ୍‌ଆଣ୍ଡ୍‌ଏଫ୍‌ଏସ୍‌କୁ ଝଟ୍‌କା : ମାମଲାରୁ ବର୍ତ୍ତିବାକୁ ସମୟ ଦେଲେନି ଏନ୍‌ସିଏଲ୍‌ଟି

ନୂଆଦିଲ୍ଲୀ,୧୫-୧୦: କେନ୍ଦ୍ର ସରକାର ଓ ଇନଫ୍ରାଷ୍ଟ୍ରକ୍‌ଚର ଲିଜିଂ ଆଣ୍ଡ୍‌ ଫାଇନାନ୍ସିଆଲ ସର୍ଭିସେସ୍‌(ଆଇଏଲ୍‌ଆଣ୍ଡ୍‌ଏଫ୍‌ଏସ୍‌)କୁ ଏନ୍‌ସିଏଲ୍‌ଟିରୁ ଜୋରଦାର ଝଟ୍‌କା ଲାଗିଛି।

ଆପ୍‌ ଜରିଆରେ ଟ୍ରେନ ଯାତ୍ରୀ ‘ଶୂନ୍‌ ଏଫଆଇଆର’ ଦାଏର କରିପାରିବେ

ଆପ୍‌ ଜରିଆରେ ଟ୍ରେନ ଯାତ୍ରୀ ‘ଶୂନ୍‌ ଏଫଆଇଆର’ ଦାଏର କରିପାରିବେ

ନୂଆଦିଲ୍ଲୀ,୧୫-୧୦:ଚୋରି, ଦୁର୍ବ୍ୟହାର, ମହିଳାଙ୍କ ବିରୋଧରେ ଅପରାଧ ଭଳି ଘଟଣାର ଅଭିଯୋଗ କରିବା ଲାଗି ଟ୍ରେନ ଯାତ୍ରୀଙ୍କୁ ଏଣିକି ପରବର୍ତ୍ତୀ ଷ୍ଟେଶନ ପର୍ଯ୍ୟନ୍ତ ଅପେକ୍ଷା କରିବାକୁ ପଡିବନି। ଯାତ୍ରା କାଳରେ ଟ୍ରେନ ଯାତ୍ରୀ ମୋବାଇଲ ଆପ୍‌ ଜରିଆରେ ଯେକୌଣସି ଅପରାଧିକ ପ୍ରସଙ୍ଗରେ ଅଭିଯୋଗ କରିପାରିବେ।

ବିମୁଦ୍ରୀକରଣ ପରେ ୧୦ ହଜାର ଜମାକାରୀଙ୍କୁ ନୋଟିସ୍‌

ବିମୁଦ୍ରୀକରଣ ପରେ ୧୦ ହଜାର ଜମାକାରୀଙ୍କୁ ନୋଟିସ୍‌

ନୂଆଦିଲ୍ଲୀ,୧୫-୧୦: କେନ୍ଦ୍ର ସରକାର ୨୦୧୬ରେ ବିମୁଦ୍ରୀକରଣ ଘୋଷଣା କରିବା ପରେ ସାଧାରଣ ଜନତା ଅଚଳ ହୋଇଯାଇଥିବା ୫୦୦ ଓ ୧୦୦୦ ଟଙ୍କିଆ ନୋଟ୍‌କୁ ବ୍ୟାଙ୍କରେ ଜମା ରଖିଲେ। କିନ୍ତୁ ଆୟ ବହିର୍ଭୂତ ଟଙ୍କା ଜମା ରଖିବା ନେଇ ଏବେ ଆୟକର ବିଭାଗ ପକ୍ଷରୁ ବେନାମୀ ଆଇନ ଅଧୀନରେ ୧୦ ହଜାର ଜମାକାରୀଙ୍କୁ ନୋଟିସ ଜାରି କରାଯାଇଛି।

ନୂଆ କେୱାଇସି ଗାଇଡଲାଇନ ଲାଗି ଆର୍‌ବିଆଇକୁ ଅନୁରୋଧ

ନୂଆ କେୱାଇସି ଗାଇଡଲାଇନ ଲାଗି ଆର୍‌ବିଆଇକୁ ଅନୁରୋଧ

ନୂଆଦିଲ୍ଲୀ,୧୫-୧୦: ଆଧାର ସଂକ୍ରାନ୍ତରେ ସୁପ୍ରିମକୋର୍ଟଙ୍କ ରାୟ ପ୍ରକାଶ ପରେ ଏବେ ବ୍ୟାଙ୍କିଙ୍ଗ ସେକ୍ଟରରେ କଓ୍ବୋଇସି(ନୋ ଇଓର କଷ୍ଟମର ବା ନିଜ ଗ୍ରାହକଙ୍କୁ ଜାଣନ୍ତୁ)କୁ ନେଇ ଏବେ ବ୍ୟାଙ୍କଗୁଡିକରେ ଦ୍ୱନ୍ଦ୍ୱ ସୃଷ୍ଟି ହୋଇଛି।

ଅନ୍ତରାଷ୍ଟ୍ରୀୟ ଉଡ଼ାନ ସେବା ଲାଗି ନିଲାମ ଆହ୍ବାନ କଲେ ସରକାର

ଅନ୍ତରାଷ୍ଟ୍ରୀୟ ଉଡ଼ାନ ସେବା ଲାଗି ନିଲାମ ଆହ୍ବାନ କଲେ ସରକାର

ନୂଆଦିଲ୍ଲୀ,୧୫-୧୦:କେନ୍ଦ୍ର ସରକାର ‘ଉଡ଼େ ଦେଶ କା ଆମ୍‌ ନାଗରିକ’(ଉଡ଼ାନ) ଯୋଜନାର ଅନ୍ତରାଷ୍ଟ୍ରୀୟ ସଂସ୍କରଣ ଲାଗି ଇଚ୍ଛୁକ କମ୍ପାନୀଙ୍କ ଠାରୁ ନିଲାମ ଆହ୍ବାନ କରିଛନ୍ତି। ଦେଶରୁ ବଛା ବଛା ଅନ୍ତରାଷ୍ଟ୍ରୀୟ ଗନ୍ତବ୍ୟସ୍ଥଳ ଲାଗି ବିମାନ ସମ୍ପର୍କ ବିସ୍ତାର କରିବାକୁ ସରକାର ଚାହୁଁଛନ୍ତି।

ଆଧାର ମଡେଲ ଆପଣାଇବାକୁ ଇଚ୍ଛୁକ ମାଲେସିଆ

ଆଧାର ମଡେଲ ଆପଣାଇବାକୁ ଇଚ୍ଛୁକ ମାଲେସିଆ

ନୂଆଦିଲ୍ଲୀ,୧୫-୧୦:ଆଧାର ମଡେଲକୁ ଆପଣାଇବା ଲାଗି ମାଲେସିଆ ଆଗ୍ରହ ପ୍ରକାଶ କରିଛି। ଏହାକୁ କାର୍ଯ୍ୟରେ ଲଗାଇ ଭାରତ ବ୍ୟାପକ ଆର୍ଥିକ ସଫଳତା ହାସଲ କରିଥିବାରୁ ନିଜ ଦେଶରେ ଦୁର୍ନୀତିକୁ ରୋକିବା ଲାଗି ମାଲେସିଆ ଏବେ ଆଧାର ମଡେଲ ଲାଗୁ କରିବାକୁ ଚାହୁଁଛି।

ତୈଳ କମ୍ପାନୀ ସିଇଓଙ୍କୁ ଭେଟିବେ ପ୍ରଧାନମନ୍ତ୍ରୀ

ତୈଳ କମ୍ପାନୀ ସିଇଓଙ୍କୁ ଭେଟିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ,୧୫-୧୦: ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ବୃଦ୍ଧି ପାଉଛି। ଏହି ପରିପ୍ରେକ୍ଷୀରେ ଦେଶ ସମ୍ମୁଖରେ ଏବେ ଆର୍ଥିକ ଚ୍ୟାଲେଞ୍ଜ ସୃଷ୍ଟି ହୋଇଛି। ଏହାକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଏକ ବୈଠକ ଡାକିଛନ୍ତି। 

ଡାଟା ଲୋକାଲାଇଜେଶନ; ଜିଦ୍‌ରେ ଅଟଳ ଆର୍‌ବିଆଇ

ଡାଟା ଲୋକାଲାଇଜେଶନ; ଜିଦ୍‌ରେ ଅଟଳ ଆର୍‌ବିଆଇ

ନୂଆଦିଲ୍ଲୀ,୧୫-୧୦: ଡାଟା ଲୋକାଲାଇଜେଶନକୁ ନେଇ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ପକ୍ଷରୁ ନିର୍ଦ୍ଦେଶ ଜାରି ପରେ ଭାରତରେ ବ୍ୟବସାୟ କରୁଥିବା ଗୁଗୁଲ୍‌, ଫେସବୁକ୍‌ ଭଳି ଅନ୍ତର୍ଜାତୀୟ କମ୍ପାନୀମାନେ ଏବେ ଅଡୁଆରେ ପଡିଯାଇଛନ୍ତି। ଚଳିତ ମାସ ୧୫ ତାରିଖ ସୁଦ୍ଧା ଅନ୍ତର୍ଜାତୀୟ କମ୍ପାନୀମାନେ ଦେଶରେ ସୃଷ୍ଟି ହେଉଥିବା ସମସ୍ତ ପେମେଣ୍ଟ ଡାଟାକୁ ଗଚ୍ଛିତ ରଖିବାକୁ ଆର୍‌ବିଆଇ ନିର୍ଦ୍ଦେଶ ଦେଇଛନ୍ତି।

 ଓଡିଶା ବଜାରରେ ପୁନଃ ପ୍ରବେଶ କଲା ଆଇଡି ବ୍ରାଣ୍ଡ

ଓଡିଶା ବଜାରରେ ପୁନଃ ପ୍ରବେଶ କଲା ଆଇଡି ବ୍ରାଣ୍ଡ

ଭୁବନେଶ୍ୱର,୧୪-୧୦: ପ୍ରମୁଖ ସୁ’ ବ୍ରାଣ୍ଡ ଆଇଡି ଓଡିଶାରେ ଏହାର ସ୍ଥିତି ଦୃଢୀକରଣ ପଦକ୍ଷେପ ଅନ୍ତର୍ଗତ ବଜାରରେ ପୁନଃ ପ୍ରବେଶ କରିଛି। ସାରା ରାଜ୍ୟରେ ଏହି ବ୍ରାଣ୍ଡ ପ୍ରତି ଡିଲର ତଥା ଗ୍ରାହକଙ୍କଠାରୁ ଭଲ ରେସପନ୍ସ ମିଳିବ ବୋଲି କମ୍ପାନୀ ଆଶାବାଦୀ ରହିଛି। ଓଡିଶା ପାଇଁ କମ୍ପାନୀ ଏହାର ବିତରଣକାରୀ ଭାବେ ରାମଜୀ ଏଣ୍ଟରପ୍ରାଇଜେସର ସଞ୍ଜୟ ଲୋହିଆଙ୍କ ସହ ଯୋଡି ହୋଇଛି। 

ୟୁବିଆଇର ଏନ୍‌ଏଫସି ଡେବିଟ୍‌ କାର୍ଡ

ୟୁବିଆଇର ଏନ୍‌ଏଫସି ଡେବିଟ୍‌ କାର୍ଡ

ୟୁନାଇଟେଡ ବ୍ୟାଙ୍କ ଅଫ୍‌ ଇଣ୍ଡିଆ(ୟୁବିଆଇ) ପକ୍ଷରୁ କଣ୍ଟାକ୍ଟଲେସ୍‌ ଡେବିଟ୍‌କାର୍ଡର ଶୁଭାରମ୍ଭ ହୋଇଛି। 

ରିଲାଏନ୍ସ ଜୁଏଲ୍ସ ପକ୍ଷରୁ ପାର୍ବଣ ଧମାକା ଅଫର

ରିଲାଏନ୍ସ ଜୁଏଲ୍ସ ପକ୍ଷରୁ ପାର୍ବଣ ଧମାକା ଅଫର

ଭୁବନେଶ୍ୱର,୧୩-୧୦: ରିଲାଏନ୍ସ ଜୁଏଲ୍ସ ପକ୍ଷରୁ ପାର୍ବଣକୁ ନଜରରେ ରଖି ନୂଆ ପାର୍ବଣ ଧମାକା ଅଫର ସମ୍ପର୍କରେ ଘୋଷଣା କରାଯାଇଛି।୧୨ ଅକ୍ଟୋବରଠାରୁ ୧୧ ନଭେମ୍ବର ଯାଏ ଏହି ଅଫରର ଲାଭ ଗ୍ରାହକ ଉଠାଇ ପାରିବେ। ଏହି ସମୟରେ ୭୫,୦୦୦ ଟଙ୍କାରୁ ଅଧିକ ଦାମ୍‌ର ସୁନା ଗହଣା କ୍ରୟ ଉପରେ ଗଢାମୂଲ୍ୟରେ ଫ୍ଲାଟ ୫୦% ରିହାତି ଉପଲବ୍ଧ।