ଖେଳ |

ଓ୍ବେଲିଂଟନ୍‌ ଟେଷ୍ଟ: ଓ୍ବେଷ୍ଟଇଣ୍ଡିଜ୍‌ର ଦୃଢ଼ ଜବାବ

ଓ୍ବେଲିଂଟନ୍‌ ଟେଷ୍ଟ: ଓ୍ବେଷ୍ଟଇଣ୍ଡିଜ୍‌ର ଦୃଢ଼ ଜବାବ
ଓ୍ବେଲିଂଟନ, ୩।୧୨(ଏଏଫ୍‌ପି)- ଏଠାରେ ଘରୋଇ ନ୍ୟୁଜିଲାଣ୍ଡ ବିପକ୍ଷରେ ଚାଲିଥିବା ପ୍ରଥମ ଟେଷ୍ଟର ୨ୟ ଇନିଂସ୍‌ରେ ଓ୍ବେଷ୍ଟଇଣ୍ଡିଜ୍‌ ଦଳ ଦୃଢ଼ ଜବାବ ଦେଇଛି। ମ୍ୟାଚ୍‌ର ୩ୟ ଦିବସରେ ନ୍ୟୁଜିଲାଣ୍ଡ ଦଳ ତା’ର ଅସମାପ୍ତ ପ୍ରଥମ ଇନିଂସ୍‌ରେ ସ୍କୋର (୪୪୭/୯)ରୁ ବ୍ୟାଟିଂ ଆରମ୍ଭ କରିଥିଲା। ପୂର୍ବଦିନ ଅପରାଜିତ ଥିବା ବ୍ୟାଟ୍ସମ୍ୟାନ ଟମ୍‌ ବ୍ଲୁଣ୍ଡେଲ ଓ ଟ୍ରେଣ୍ଟ ବୋଲ୍ଟଙ୍କ ଯୋଡ଼ି ରବିବାର ୭୩ ରନ୍‌ ଯୋଗ କରିଥିଲେ। ବ୍ଲୁଣ୍ଡେଲ ଶତକ ପୂରଣ କରିବା ପରେ ଘରୋଇ ଦଳ ୫୨୦ ରନ୍‌ରେ ପାଳି ଘୋଷଣା କରିଥିଲା। ପୂର୍ବରୁ ପ୍ରଥମ ଇନିଂସ୍‌ରେ ମାତ୍ର ୧୩୪ ରନ୍‌ କରିଥିବା ଓ୍ବେଷ୍ଟଇଣ୍ଡିଜ୍‌ ଇନିଂସ୍‌ ପରାଜୟ ଏଡ଼ାଇବା ପାଇଁ ୨ୟ ଇନିଂସ୍‌ରେ ୩୮୬ ରନ୍‌ ଆବଶ୍ୟକ କରୁଥିଲା। ଏଭଳି ସ୍ଥିତିରେ କ୍ରେଗ ବ୍ରାଥଓ୍ବେଟ ଓ କିରାନ ପାଓ୍ବେଲଙ୍କ ଓପନିଂ ଯୋଡ଼ି ୭୨ ରନ୍‌ ଯୋଗ କରିଥିଲା। ପାଓ୍ବେଲ ୪୦ ରନ୍‌ କରି ଫେରିବା ପରେ କ୍ରିଜରେ ତାଙ୍କ ସ୍ଥାନ ପୂରଣ କରିଥିଲେ ଶିମ୍ରୋନ ହେଟମେର। ଏହିଠାରୁ ବ୍ରାଥଓ୍ବେଟ ଓ ହେଟମେରଙ୍କ ଯୋଡ଼ି ଦଳୀୟ ସ୍କୋର୍‌କୁ ୧୬୬ ରନ୍‌ରେ ପହଞ୍ଚାଇ ଥିଲେ। ଅର୍ଦ୍ଧଶତକ ପୂରଣ କରି ଖେଳୁଥିବା ହେଟମେର (୬୬)ଙ୍କୁ ଆଉଟ୍‌ କରି ନ୍ୟୁଜିଲାଣ୍ଡ ପାଇଁ ମ୍ୟାଟ ହେନରୀ ୨ୟ ସଫଳତା ଆଣିଥିଲେ। ବ୍ୟାଟିଂ କ୍ରମର ୪ର୍ଥ କ୍ରମରେ ସାଇ ହୋପଙ୍କ ସହ ବ୍ରାଥଓ୍ବେଟ ମିଶି ଘରୋଇ ବୋଲରଙ୍କୁ ଖେଳ ଶେଷ ହେବା ପର୍ଯ୍ୟନ୍ତ ଆଉ ଉଇକେଟ ନେବାକୁ ସୁଯୋଗ ଦେଇ ନ ଥିଲେ। ଫଳରେ ଓ୍ବେଷ୍ଟଇଣ୍ଡିଜ୍‌ ଟିମ୍‌ ଦିବସ ଶେଷ ସୁଦ୍ଧା ୨ ଉଇକେଟ ବିନିମୟରେ ୨୧୪ ରନ୍‌ କରିଛି। ଷ୍ଟମ୍ପ ଅପସାରଣ ବେଳକୁ ବ୍ରାଥଓ୍ବେଟ ୭୯ ଓ ହୋପ ୨୧ ରନ୍‌ କରି ଅପରାଜିତ ରହିଛନ୍ତି। ମ୍ୟାଚ୍‌ରେ ଆହୁରି ଦୁଇ ଦିନ ବାକି ଥିବାବେଳେ ଭ୍ରମଣକାରୀ ଦଳକୁ ଇନିଂସ୍‌ ପରାଜୟରୁ ବର୍ତ୍ତିବା ପାଇଁ ବଳକା ୮ ଉଇକେଟରେ ୧୧୪ ରନ୍‌ର ଆବଶ୍ୟକତା ଅଛି।
All Right Reserved By

ଖେଳ |

ଜୋକୋଭିଚ୍‌ ନମ୍ବରଓ୍ବାନ ର଼୍ୟାଙ୍କିଙ୍ଗର ନିକଟତର

ଜୋକୋଭିଚ୍‌ ନମ୍ବରଓ୍ବାନ ର଼୍ୟାଙ୍କିଙ୍ଗର ନିକଟତର

ଶାଙ୍ଘାଇ ମାଷ୍ଟର୍ସ ଟାଇଟଲ ଜିତିବାପରେ ସର୍ବିୟାର ନୋଭାକ ଜୋକୋଭିଚ୍‌ ନମ୍ବରଓ୍ବାନ ର଼୍ୟାଙ୍କିଙ୍ଗର ନିକଟତର ହୋଇଛନ୍ତି। ସୋମବାର ପ୍ରକାଶିତ ଏଟିପି ର଼୍ୟାଙ୍କିଙ୍ଗ ଅନୁସାରେ ଜୋକୋଭିଚ୍‌ ୭୪୪୫ ପଏଣ୍ଟ ସହିତ ଦ୍ୱିତୀୟ ସ୍ଥାନରେ ରହିଛନ୍ତି।

ନମ୍ବରଓ୍ବାନ ସହ ବର୍ଷ ଶେଷ କରିବେ ହାଲେପ

ନମ୍ବରଓ୍ବାନ ସହ ବର୍ଷ ଶେଷ କରିବେ ହାଲେପ

ପ୍ୟାରିସ, ୧୫।୧୦(ଏଏଫପି)- କ୍ରମାଗତ ଦ୍ୱିତୀୟ ବର୍ଷ ପାଇଁ ରୋମାନିଆ ମହିଳା ଟେନିସ ତାରକା ସିମୋନା ହାଲେପ ବିଶ୍ୱ ର଼୍ୟାଙ୍କିଙ୍ଗରେ ନମ୍ବରଓ୍ବାନ ସ୍ଥାନରେ ରହି ବର୍ଷ ଶେଷ କରିବା ସ୍ପଷ୍ଟ ହୋଇଛି। ହାଲେପ ୨୦୧୮ରେ ୪୦ ସପ୍ତାହଧରି ନମ୍ବରଓ୍ବାନ ସ୍ଥାନରେ ରହିବାର ଗୌରବ ଅର୍ଜନ କରିଛନ୍ତି।

ବାର୍ସିଲୋନା ଖେଳାଳି ଭେର୍ମାଲେନ ୬ ସପ୍ତାହ ବାଦ୍‌

ବାର୍ସିଲୋନା ଖେଳାଳି ଭେର୍ମାଲେନ ୬ ସପ୍ତାହ ବାଦ୍‌

ବାର୍ସିଲୋନା,୧୫।୧୦(ଏଏଫ୍‌ପି)- ସ୍ପାନିଶ ଲିଗ୍‌ ବାର୍ସିଲୋନା କ୍ଲବ ପକ୍ଷରୁ ଖେଳୁଥିବା ବେଲଜିୟମ ଡିଫେଣ୍ଡର ଥୋମାସ ଭେର୍ମାଲେନ ଆଗାମୀ ୬ ସପ୍ତାହ ପର୍ଯ୍ୟନ୍ତ ଫୁଟ୍‌ବଲ ପଡ଼ିଆରୁ ଦୂରେଇ ରହିବେ। 

ଜୟସୁରିୟାଙ୍କ ନାମରେ ଅଭିଯୋଗ

ଜୟସୁରିୟାଙ୍କ ନାମରେ ଅଭିଯୋଗ

କଲମ୍ବୋ,୧୫।୧୦- ପୂର୍ବତନ ଶ୍ରୀଲଙ୍କା ଓପନର ସନତ ଜୟସୁରିୟାଙ୍କ ନାମରେ ସୋମବାର ଆଇସିସି ଆଣ୍ଟି କରପଶନ ନିୟମ ଭଙ୍ଗ କରିଥିବା ଅଭିଯୋଗ ଆସିଛି। ଏ ସମ୍ପର୍କରେ ସୋମବାରଠାରୁ ୧୪ ଦିନ ମଧ୍ୟରେ ତାଙ୍କୁ ଉତ୍ତର ରଖିବାକୁ କୁହାଯାଇଛି।

‘୧୮ ବର୍ଷ ବେଳେ ଆମ ମଧ୍ୟରୁ କେହି ପୃଥ୍ବୀଙ୍କ ୧୦ ପ୍ରତିଶତ ମଧ୍ୟ ନ ଥିଲୁ’

‘୧୮ ବର୍ଷ ବେଳେ ଆମ ମଧ୍ୟରୁ କେହି ପୃଥ୍ବୀଙ୍କ ୧୦ ପ୍ରତିଶତ ମଧ୍ୟ ନ ଥିଲୁ’

ହାଇଦ୍ରାବାଦ,୧୫।୧୦- ଏଠାରେ ଖେଳାଯାଇଥିବା ଓ୍ବେଷ୍ଟଇଣ୍ଡିଜ୍‌ ବିପକ୍ଷ ୨ୟ ଟେଷ୍ଟକୁ ଭାରତୀୟ ଦଳ ୧୦ ଉଇକେଟରେ ଜିତିବା ପରେ ଅଧିନାୟକ ବିରାଟ କୋହଲି ଯୁବ ଓପନର ପୃଥ୍ବୀ ଶ’ଙ୍କୁ ପ୍ରଶଂସା କରିଛନ୍ତି। 

ଶ, ପନ୍ତଙ୍କ ର଼୍ୟାଙ୍କିଙ୍ଗ୍‌ରେ ଉନ୍ନତି

ଶ, ପନ୍ତଙ୍କ ର଼୍ୟାଙ୍କିଙ୍ଗ୍‌ରେ ଉନ୍ନତି

ଦୁବାଇ,୧୫।୧୦(ପି.ଟି.)- ଭାରତୀୟ ଅଧିନାୟକ ବିରାଟ କୋହଲି ଟେଷ୍ଟ ବ୍ୟାଟ୍ସମ୍ୟାନଙ୍କ ତାଲିକାରେ ଶୀର୍ଷସ୍ଥାନ ବଜାୟ ରଖିଛନ୍ତି। ଦୁଇ ଯୁବ ବ୍ୟାଟ୍ସମ୍ୟାନ ପୃଥ୍ବୀ ଶ’ ଓ ରିଶବ ପନ୍ତଙ୍କ ର଼୍ୟାଙ୍କିଙ୍ଗ୍‌ରେ ଅହେତୁକ ଉନ୍ନତି ଆସିଛି। 

ବୋଲ୍ଟଙ୍କୁ ଡ୍ରଗ ଟେଷ୍ଟ ନୋଟିସ

ବୋଲ୍ଟଙ୍କୁ ଡ୍ରଗ ଟେଷ୍ଟ ନୋଟିସ

ସିଡ୍‌ନୀ,୧୫।୧୦(ଏଏଫ୍‌ପି)- ସ୍ପ୍ରିଣ୍ଟ କିମ୍ବଦନ୍ତୀ ଉସେନ ବୋଲ୍ଟ ଆଥ୍‌ଲେଟିକ୍ସରୁ ଅବସର ନେଇ ଏବେ ପେସାଦାର ଫୁଟ୍‌ବଲ ଏରିନାରେ କ୍ୟାରିୟର ଆରମ୍ଭ କରିବାକୁ ଯାଉଛନ୍ତି। ଏହାସତ୍ତ୍ୱେ ତାଙ୍କୁ ଡ୍ରଗ ଟେଷ୍ଟ ପରୀକ୍ଷାର ସମ୍ମୁଖୀନ ହେବା ଲାଗି ନୋଟିସ ଦିଆଯାଇଛି। 

ମୁମ୍ବାଇ ଦଳରେ ରାହାନେ, ଶ’

ମୁମ୍ବାଇ ଦଳରେ ରାହାନେ, ଶ’

ମୁମ୍ବାଇ,୧୫।୧୦(ପି.ଟି.)- ଚଳିତ ବିଜୟ ହଜାରେ ଟ୍ରଫିର ସେମିଫାଇନାଲ ପର୍ଯ୍ୟାୟ ପୂର୍ବରୁ ମୁମ୍ବାଇ ଦଳର ଶକ୍ତି ବୃଦ୍ଧି ପାଇଛି। ଟୁର୍ନାମେଣ୍ଟର ଗୁରୁତ୍ୱପୂର୍ଣ୍ଣ ମ୍ୟାଚ୍‌ ଲାଗି ଭାରତୀୟ ଟେଷ୍ଟ ଦଳର ନିୟମିତ ସଦସ୍ୟ ଅଜିଙ୍କ୍ୟ ରାହାନେ ଓ ପୃଥ୍ବୀ ଶ’ ଦଳ ଲାଗି ଉପଲବ୍ଧ ହୋଇଛନ୍ତି। 

କ୍ୱାର୍ଟର ଫାଇନାଲରେ ଖେଳିବେନାହିଁ ଧୋନୀ

କ୍ୱାର୍ଟର ଫାଇନାଲରେ ଖେଳିବେନାହିଁ ଧୋନୀ

ହାଇଦ୍ରାବାଦ,୧୫।୧୦- ଚଳିତ ବିଜୟ ହଜାରେ ଟ୍ରଫିର କ୍ୱାର୍ଟର ଫାଇନାଲରେ ଝାଡ଼ଖଣ୍ଡ ପକ୍ଷରୁ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ଖେଳିବେ ବୋଲି ଜାତୀୟ ଚୟନ କମିଟି ଘୋଷଣା କରିଥିଲେ। 

ସାଣ୍ଟୋ ଡୋମିନ୍‌ଗୋ ଓପନ ଜିତିଲେ ପେସ୍‌

ସାଣ୍ଟୋ ଡୋମିନ୍‌ଗୋ ଓପନ ଜିତିଲେ ପେସ୍‌

ନୂଆଦିଲ୍ଲୀ,୧୫।୧୦-  ଭେଟେରାନ ପୁରୁଷ ଖେଳାଳି ଲିଆଣ୍ଡର ପେସ ତାଙ୍କ ସାଥୀ ମଗୁଏଲ ଆଙ୍ଗେଲ ରେୟେସ ଭାରେଲା ସାଣ୍ଟୋ ଡୋମିନ୍‌ଗୋ ଓପନ ଟାଇଟଲ ଜିତିଛନ୍ତି। ଚଳିତ ସିଜନରେ ଏହା ତାଙ୍କର ଦ୍ୱିତୀୟ ଟାଇଟଲ। 

ଗୋଟିଏ ଓଭର୍‌ରେ ୬ ଛକା ମାରିଲେ ହାଜରାତୁଲା

ଗୋଟିଏ ଓଭର୍‌ରେ ୬ ଛକା ମାରିଲେ ହାଜରାତୁଲା

କାବୁଲ,୧୫।୧୦- ଆଫଗାନିସ୍ତାନ ବ୍ୟାଟ୍ସମ୍ୟାନ ହାଜରାତୁଲା ଜାଜାଇ ବିଶ୍ୱର ୩ୟ ବ୍ୟାଟ୍ସମ୍ୟାନ ଭାବେ ଏକ ଟି୨୦ ମ୍ୟାଚ୍‌ର ଗୋଟିଏ ଓଭରରେ ୬ ଛକା ଲଗାଇଛନ୍ତି। 

ଅଲ୍‌ ଓଡ଼ିଶା ଓପନ କ୍ୟାରମ: ଜୟପ୍ରକାଶ ଚାମ୍ପିୟନ

ଅଲ୍‌ ଓଡ଼ିଶା ଓପନ କ୍ୟାରମ: ଜୟପ୍ରକାଶ ଚାମ୍ପିୟନ

ଭୁବନେଶ୍ୱର, ୧୫।୧୦(କ୍ରୀଡ଼ା ପ୍ରତିନିଧି)- ଭୁବନେଶ୍ୱର ଜିଲା କ୍ୟାରମ ଆସୋସିଏଶନ (ବିଡିସିଏ) ଆନୁକୂଲ୍ୟରେ ୧୩ ଓ ୧୪ ତାରିଖ ଦୁଇଦିନଧରି ଅଲ୍‌ ଓଡ଼ିଶା ଓପନ କ୍ୟାରମ୍‌ ଚାମ୍ପିୟନଶିପ୍‌ ଏଠାରେ ଅନୁଷ୍ଠିତ ହୋଇ ଯାଇଛି। ରବିବାର ଅନୁଷ୍ଠିତ ଫାଇନାଲରେ ଭୁବନେଶ୍ୱରର ଜୟପ୍ରକାଶ ଦାସ ଖୋର୍ଦ୍ଧାର ଭି.ପୃଥ୍ବୀଙ୍କୁ ୧୪-୧୬, ୨୧-୯, ୨୫-୯ ପଏଣ୍ଟରେ ହରାଇ ଚାମ୍ପିୟନ ହୋଇଛନ୍ତି।