ରାୟଗଡା

ମଧ୍ୟାହ୍ନଭୋଜନ ଓ ହଷ୍ଟେଲ ଦାୟିତ୍ୱ ଉପରେ ନଜର

ମଧ୍ୟାହ୍ନଭୋଜନ ଓ ହଷ୍ଟେଲ ଦାୟିତ୍ୱ ଉପରେ ନଜର

ପଟ୍ଟାଙ୍ଗୀ,୨।୧୨(ଡି.ଏନ୍‌.ଏ)-ରାଜ୍ୟ ସରକାର କିପରି ଗ୍ରାମାଞ୍ଚଳରେ ଶିକ୍ଷାର ବିକାଶ ନେଇ ଅନେକ ପଦକ୍ଷେପ ନେଉଛନ୍ତି। ବିଦ୍ୟାଳୟରେ ପୋଷାକ ବଣ୍ଟନଠାରୁ ଆରମ୍ଭକରି ପାଠପଢ଼ା ନିମନ୍ତେ ମାଗଣା ବହି, ମଧ୍ୟାହ୍ନଭୋଜନ, ହଷ୍ଟେଲରେ ରହି ପାଠ ପଢ଼ିବା ସୁବିଧା କରୁଛନ୍ତି। ତେବେ କେତେକ ବିଦ୍ୟାଳୟରେ ସରକାରଙ୍କ ଯୋଜନା କିପରି ସଫଳ ହେବ ସେନେଇ ଶିକ୍ଷୟିତ୍ରୀ ଶିକ୍ଷକମାନେ ଆଗ୍ରହ ପ୍ରକାଶ କରୁ ନ ଥିବା ଅଭିଯୋଗ ହେଉଛି। ବିଦ୍ୟାଳୟର ମଧ୍ୟାହ୍ନ ଭୋଜନ କାର୍ଯ୍ୟକ୍ରମ ଏବଂ ହଷ୍ଟେଲ ଦାୟିତ୍ୱ ନିଜ ଅଧୀନରେ ରଖିବାକୁ ବିଫଳ ହୋଇ କିପରି ଗ୍ରାମର କିଛି ବ୍ୟକ୍ତିଙ୍କୁ ଧରି ଉଚ୍ଚ ଅଧିକାରୀଙ୍କ ନିକଟରେ ଅଭିଯୋଗ କରିବା ପରି ଘଟଣା କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅମ୍ପାବାଲି ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟରେ ଦେଖିବାକୁ ମିଳିଛି। ଏହି ବିଦ୍ୟାଳୟରେ ପ୍ରଥମରୁ ଦଶମ ଶ୍ରେଣୀ ଯାଏ ୧୮୦ ଜଣ ଛାତ୍ରୀଛାତ୍ର ପାଠ ପଢୁଛନ୍ତି। ବିଦ୍ୟାଳୟ ପରିସରରେ ପ୍ରାଇମେରୀ ସ୍କୁଲ ହଷ୍ଟେଲ ମଧ୍ୟ ରହିଛି ା ଛାତ୍ରୀଛାତ୍ରଙ୍କୁ ଶିକ୍ଷାଦାନ ପାଇଁ ୬ ଜଣ ଶିକ୍ଷକ ରହିଛନ୍ତି। ସେଥିମଧ୍ୟରୁ ପ୍ରଧାନଶିକ୍ଷକ ବିରଞ୍ଚତ୍ ନାରାୟଣ ପରିଡାଙ୍କୁ ଗତ ୩ବର୍ଷ ହେଲା ତଳଗୋଲୁର କ୍ଲଷ୍ଟରର ସିଆର୍‌ସିସି ପଦରେ ନିଯୁକ୍ତି କରାଯାଇଛି। ଏହି ବିଦ୍ୟାଳୟର ଅନ୍ୟ ଜଣେ ଶିକ୍ଷକ ମହେଶ୍ୱର ବେହେରାଙ୍କୁ ମଧ୍ୟ ଅଳ୍ପ ଦିନ ତଳେ ଅମ୍ପାବାଲି କ୍ଲଷ୍ଟରର ସିଆର୍‌ସିସି ଭାବେ ନିଯୁକ୍ତି ମିଳିଛି ା ସରକାରଙ୍କ ନିୟମ ଅନୁଯାୟୀ ନିଯୁକ୍ତି ପାଉଥିବା ସିଆର୍‌ସିସିମାନେ ମାସକରେ ୧୫ ଦିନ ବିଦ୍ୟାଳୟରେ ଛାତ୍ରୀଛାତ୍ରଙ୍କୁ ଶିକ୍ଷାଦାନ କରିବେ। ଅବଶିଷ୍ଟ ୧୫ ଦିନ କ୍ଲଷ୍ଟର ଅଧୀନରେ ଥିବା ବିଦ୍ୟାଳୟଗୁଡିକୁ ଗସ୍ତକରି ଶିକ୍ଷା ବ୍ୟବସ୍ଥା ତଦାରଖ କରିବେ। ସେମାନେ ଯେଉଁ ବିଦ୍ୟାଳୟକୁ ଯିବେ ସେଠାରେ ଛାତ୍ରୀଛାତ୍ରଙ୍କୁ ଯେକୌଣସି ବିଷୟ ଉପରେ ଗୋଟିଏ କ୍ଲାସ୍‌ ନେବେ। ସରକାରଙ୍କ ଏହି ନିୟମ ଏଠାରେ ପାଳନ କରାଯାଉନାହିଁ। ଉପରୋକ୍ତ ବିଦ୍ୟାଳୟର ସମ୍ପୃକ୍ତ ୨ଶିକ୍ଷକ ସିଆରସିସି ରୂପେ ନିଯୁକ୍ତି ପାଇବା ପରେ ନିଜ ବିଦ୍ୟାଳୟର କାର୍ଯ୍ୟ ସାରି ସିଆର୍‌ସିସି ଦାୟିତ୍ୱ ତୁଲାଇବାକୁ ଚାଲିଯାଉଛନ୍ତି। ଏହାର ସୁଯୋଗ ନେଇ ବିଦ୍ୟାଳୟର ଅନ୍ୟ ଶିକ୍ଷକମାନେ ମଧ୍ୟାହ୍ନ ଭୋଜନ କାର୍ଯ୍ୟକ୍ରମ ଓ ହଷ୍ଟେଲ ଦାୟିତ୍ୱ କିପରି ନିଜ ଅକ୍ତିଆରକୁ ଆଣିବେ ସେ ନେଇ ବ୍ୟସ୍ତ ରହୁଥିବା ଦେଖିବାକୁ ମିଳୁଛି। ଫଳରେ ଛାତ୍ରୀଛାତ୍ରଙ୍କ ପାଠପଢା ପ୍ରଭାବିତ ହେଉଛି। ବିଗତ ଦିନରେ ଜଣେ ଶିକ୍ଷକ ପ୍ରଧାନଶିକ୍ଷକ ପରିଡାଙ୍କ ବିରୋଧରେ ଷଡଯନ୍ତ୍ର କରି ଗ୍ରାମର କିଛି ଲୋକଙ୍କୁ ନେଇ ଜିଲାପାଳଙ୍କ ନିକଟରେ ଅଭିଯୋଗ କରାଯାଇଥିଲା। ଏଥିରେ ସଫଳ ନ ହେବାରୁ ସମ୍ପୃକ୍ତ ଶିକ୍ଷକ ଜଣକ ଗ୍ରାମର କିଛି ଲୋକ ଏବଂ ବିଦ୍ୟାଳୟ ପରିଚାଳନା କମିଟିର ସଦସ୍ୟଙ୍କୁ ନେଇ ଗତ ବୁଧବାର ବିଦ୍ୟାଳୟର ମୁଖ୍ୟ ଫାଟକରେ ତାଲା ପକାଇ ବିଦ୍ୟାଳୟକୁ ବନ୍ଦ କରିଥିଲେ । ଏହି ଖବରପାଇ ଗୁରୁବାର ବ୍ଲକ ଅତିରିକ୍ତ ଶିକ୍ଷା ଅଧିକାରୀ ରଜନୀକାନ୍ତ ବଡନାୟକ ପହଞ୍ଚତ୍ ସମସ୍ତ ବିଷୟ ଶୁଣି ଏ ଦିଗରେ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେବା ପରେ ବିଦ୍ୟାଳୟରୁ ତାଲା ଖୋଲିଥିଲା। ଏନେଇ ପ୍ରଧାନ ଶିକ୍ଷକ ପରିଡାଙ୍କୁ ଯୋଗାଯୋଗ କରିବାରୁ ସେ କହିଲେ ଯେ, ମୁଁ ବିଦ୍ୟାଳୟକୁ ଆସିବା ପରଠାରୁ ମଧ୍ୟାହ୍ନଭୋଜନ କାର୍ଯ୍ୟକ୍ରମ ହେଉ ବା ହଷ୍ଟେଲ ଦାୟିତ୍ୱ ନିଜ ପାଖରେ ରଖିନାହିଁ । ବିଦ୍ୟାଳୟର ଅନ୍ୟ ଶିକ୍ଷକଙ୍କ ମଧ୍ୟରେ ୨ମାସ ଲେଖାଏ ରୋଟେସନ୍‌ କରି ଚଲାଇବା ପାଇଁ ଦାୟିତ୍ୱ ଦେଇଥାଏ ବୋଲି କହିଥିଲେ ।

All Right Reserved By

ରାୟଗଡା

ପୋଡ଼ି ହୋଇ ଯୁବତୀ ମୃତ

ତାଳଚେର, ୨୧ା୬(ନି.ପ୍ର.)- ତାଳଚେର ବ୍ଳକ ଆନନ୍ଦବଜାରରେ ରହୁଥିବା ବିଜୟ କୁମାର ନାଏକଙ୍କ ଝିଅ ଜ୍ୟୋତିର୍ମୟୀ ନାଏକ(୨୭)ଙ୍କ ବୁଧବାର ରାତିରେ ପୋଡ଼ି ହୋଇ ମୃତ୍ୟୁ ଘଟିଥିବା ଜଣାପଡିଛି। ସେ ଗ୍ୟାସ୍‌ରେ ରୋଷେଇ କରୁଥିବାବେଳେ ନିଆଁ ଲାଗିଯିବାରୁ ଗୁରୁତର ହୋଇପଡିଥିଲେ।

ବ୍ରେନ୍‌ ଟ୍ୟୁମରରେ ପୀଡ଼ିତ ଲଚ୍ଛମନ: ସହାୟତା ପାଇଁ ନିବେଦନ

ବ୍ରେନ୍‌ ଟ୍ୟୁମରରେ ପୀଡ଼ିତ ଲଚ୍ଛମନ: ସହାୟତା ପାଇଁ ନିବେଦନ

କୋଟପାଡ଼,୨୧।୬(ଡି.ଏନ୍‌.ଏ.): କୋଟପାଡ଼ ବ୍ଲକ ଗିର୍ଲା ପଞ୍ଚାୟତ ଚିତା ଗ୍ରାମର ବାସିନ୍ଦା ହେଉଛନ୍ତି ଲଚ୍ଛମନ ରନ୍ଧାରୀ । ଦୀର୍ଘଦିନ ହେବ ସେ ବ୍ରେନ୍‌ ଟ୍ୟୁମରରେ ଆକ୍ରାନ୍ତ । ପରିବାର କହିଲେ ୩ ଜଣ ଛୋଟଝିଅ ଓ ସ୍ତ୍ରୀ ଗୁରୁବାରୀ ।

ପୋଡୁ ଚାଷ ପାଇଁ ବଣ୍ଡା ଜନଜାତିରେ ପ୍ରସ୍ତୁତି

ପୋଡୁ ଚାଷ ପାଇଁ ବଣ୍ଡା ଜନଜାତିରେ ପ୍ରସ୍ତୁତି

ମାଲକାନଗିରି,୨୧।୬(ଡି.ଏନ.ଏ)- ଆଗାମୀ ସପ୍ତାହରେ ପୁଣି ମୌସୁମୀ ସକ୍ରିୟ ହେବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି । ଇତି ମଧ୍ୟରେ ମାଲକାନଗିରି ଜିଲାର ସମସ୍ତ ଚାଷୀ ନିଜ ଜମିରେ ଚାଷ କାର୍ଯ୍ୟ ଆରମ୍ଭ କରଛନ୍ତି। ଖଇରପୁଟ ବ୍ଲକ ବଣ୍ଡାଘାଟିର ବଣ୍ଡା ଜନଜାତିର ଲୋକେ ମଧ୍ୟ ଚାଷ କାର୍ଯ୍ୟ ପାଇଁ ତତ୍ପର ହୋଇ ଉଠିଛନ୍ତି।

ବିଦ୍ୟୁତ୍‌ କାଟ ନେଇ ଅସନ୍ତୋଷ

ବିଦ୍ୟୁତ୍‌ କାଟ ନେଇ ଅସନ୍ତୋଷ

ଟିକିରି, ୨୧।୬-ରାୟଗଡା ଜିଲା କାଶୀପୁର ବ୍ଲକ ଟିକିରିରେ ବାରମ୍ବାର ଅଘୋଷିତ ବିଦ୍ୟୁତ୍‌ କାଟକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ବିଦ୍ୟୁତକାଟ ଯୋଗୁ ଜନସାଧାରଣ ଅସ୍ତବ୍ୟସ୍ତ ହୋଇପଡୁଛନ୍ତି। ଅସହ୍ୟ ତାତି ଓ ଗୁଳୁଗୁଳି ଯୋଗୁ ଲୋକେ ଅତିଷ୍ଠ ହୋଇପଡୁଥିବାବେଳେ ଏଭଳି ବିଦ୍ୟୁତକାଟ ଲୋକଙ୍କ ସମସ୍ୟାକୁ ବଢାଇ ଦେଉଛି।

ମଜଦୁର ସଂଘର ବିଶାଳ ଧାରଣା

ରାୟଗଡା ଅଫିସ୍‌, ୨୦ା୬- ରାୟଗଡା ଜିଲା ଭାରତୀୟ ମଜଦୁର ସଂଘ ପକ୍ଷରୁ ବିଭିନ୍ନ ଦାବି ନେଇ ବୁଧବାର ଏକ ବିଶାଳ ଶୋଭାଯାତ୍ରା ବାହାରଇଥିଲା। ସ୍ଥାନୀୟ ଗାନ୍ଧୀ ପାର୍କଠାରୁ ଶୋଭାଯାତ୍ରା ବାହାରି ସହରର ମୁଖ୍ୟରାସ୍ତାରେ ଯାଇ ଜିଲା ଶ୍ରମ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲା।

ରାଜ୍ୟସ୍ତରୀୟ ସଙ୍ଗୀତ ପ୍ରତିଯୋଗିତାରେ ଅଭିମନ୍ୟୁ ପ୍ରଥମ

ରାଜ୍ୟସ୍ତରୀୟ ସଙ୍ଗୀତ ପ୍ରତିଯୋଗିତାରେ ଅଭିମନ୍ୟୁ ପ୍ରଥମ

ନବରଙ୍ଗପୁର,୨୦।୬(ବି.ପ୍ର.)- ରାଜ୍ୟ କଳା, ଗବେଷଣା ଓ ପ୍ରଶିକ୍ଷଣ ପରିଷଦ ପକ୍ଷରୁ କଟକ ଟଉନ ହଲ୍‌ ଠାରେ ରଜ ପର୍ବ ଉପଲକ୍ଷେ ରାଜ୍ୟସ୍ତରୀୟ କଳା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ବରିଷ୍ଠ ବର୍ଗରେ ସଙ୍ଗୀତ ପ୍ରତିଯୋଗିତାରେ ନବରଙ୍ଗପୁରର ଆୟୁଷ୍ମାନ୍‌ ଅଭିମନ୍ୟୁ ମାଝୀ ପ୍ରଥମ ସ୍ଥାନ ଅଧିକାର କରିଛନ୍ତି। ଏହି କୃତିତ୍ୱ ପାଇଁ ଅଭିମନ୍ୟୁଙ୍କୁ ଉପଜିଲାପାଳଙ୍କ କାର୍ଯ୍ୟାଳରେ କାର୍ଯ୍ୟରତ ସହକାରୀ ଜିଲାପାଳ ସମ୍ମାନିତ କରିଛନ୍ତି। ଅଭିମନ୍ୟୁ ସୁରଗଙ୍ଗା କଳାକେନ୍ଦ୍ରର ସଙ୍ଗୀତ ଗୁରୁ ବାଲାଜୀ ରାୟଙ୍କଠାରୁ ଶିକ୍ଷାଲାଭ କରିଛନ୍ତି।

ଏଚଆଇଭି ରୋଗୀଙ୍କୁ ଗାଁରୁ ବାସନ୍ଦ, ମୈଦଲପୁର ଫାଣ୍ଡିରେ ଅଭିଯୋଗ

ଏଚଆଇଭି ରୋଗୀଙ୍କୁ ଗାଁରୁ ବାସନ୍ଦ, ମୈଦଲପୁର ଫାଣ୍ଡିରେ ଅଭିଯୋଗ

ନବରଙ୍ଗପୁର,୨୦।୬(ବି.ପ୍ର.): ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ଆଉଁଳିଗାଁର ଜଣେ ଏଚଆଇଭି ରୋଗୀ ଓ ତାଙ୍କ ପରିବାର ଲୋକଙ୍କୁ ଗାଁରୁ ତଡିଦେବା ଅଭିଯୋଗ ହୋଇଛି। ଗାଁରେ ନିଅଁା, ପାଣି ଓ କୌଣସି କାର୍ଯ୍ୟକ୍ରମରେ ସାମିଲ ହେବାକୁ ଦିଆଯିବ ନାହିଁ ବୋଲି ଧମକ ଦିଆଯାଇଛି। ଏନେଇ ମୈଦଲପୁର ଫାଣ୍ଡିରେ ଯୁବକ ଜଣକ ଏତଲା ଦେଇଛନ୍ତି। ପୋଲିସ ବୁଧବାର ଗାଁ ଲୋକ ଓ ଯେଉଁମାନଙ୍କ ନାମରେ ଅଭିଯୋଗ ହୋଇଛି ସେମାନଙ୍କୁ ଡକାଇଛି ।

ଡେଙ୍ଗପଦର ସରପଞ୍ଚଙ୍କ ପଦ ରଦ୍ଦକଲେ କୋର୍ଟ

ଡେଙ୍ଗପଦର ସରପଞ୍ଚଙ୍କ ପଦ ରଦ୍ଦକଲେ କୋର୍ଟ

ଜୟପୁର,୨୦।୬(ନି.ପ୍ର.) : କୋରାପୁଟ ଜିଲା ବୋରିଗୁମ୍ମା ବ୍ଲକ ଅନ୍ତର୍ଗତ ଡେଙ୍ଗାପଦର ପଞ୍ଚାୟତର ସରପଞ୍ଚ ଟଭାମଣି ଜାନିଙ୍କ ପଦକୁ ଅସିଦ୍ଧ କରିଛନ୍ତି ଅଦାଲତ। ୨୦୧୬ ପଞ୍ଚାୟତ ନିର୍ବାଚନରେ ଟଭାମଣି ଜାନି ବିଜୟୀ ହୋଇଥିଲେ। ଫଳାଫଳ ନେଇ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଦ୍ୱିତୀୟ ସ୍ଥାନରେ ଥିବା ପ୍ରଭାବତି ପାଇକ ଜୟପୁର ଏସ୍‌ଡିଜେଏମ୍‌ଙ୍କ କୋର୍ଟର ଦ୍ୱାରସ୍ଥ ହୋଇଥିଲେ। ପ୍ରଭା ଦର୍ଶାଇଥିଲେ ଯେ ୨୧ ବର୍ଷ ବୟସ ହେବା ପରେ ହିଁ ନିର୍ବାଚନ ଲଢିବା ନିୟମ ରହିଛି।

୨୨ରୁ ମାଟ୍ରିକ ସପ୍ଲିମେଣ୍ଟାରୀ: ଅବିଭକ୍ତ କୋରାପୁଟର ୧୩ କେନ୍ଦ୍ରରେ ୩୬୫୬ ପରୀକ୍ଷାର୍ଥୀ

୨୨ରୁ ମାଟ୍ରିକ ସପ୍ଲିମେଣ୍ଟାରୀ: ଅବିଭକ୍ତ କୋରାପୁଟର ୧୩ କେନ୍ଦ୍ରରେ ୩୬୫୬ ପରୀକ୍ଷାର୍ଥୀ

ଜୟପୁର,୨୦।୬(ନି.ପ୍ର.): ଆସନ୍ତା ୨୨ ତାରିଖରୁ ମାଧ୍ୟମିକ ଶିକ୍ଷା ପରିଷଦ ଓଡିଶା ତରଫରୁ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଅନୁଷ୍ଠିତ ହେବ। ଏନେଇ ପରିଷଦ ତରଫରୁ ସବୁ ବ୍ୟବସ୍ଥା କରାଯାଇଛି । ପରୀକ୍ଷା ନେଇ କୋରାପୁଟ ଜିଲାର ୫ଟି କେନ୍ଦ୍ର କରାଯାଇଥିବା ବେଳେ ଏହି କେନ୍ଦ୍ରରେ ୧୪୪୭ ଜଣ ପରୀକ୍ଷାର୍ଥୀ ପରୀକ୍ଷା ଦେବା ନେଇ ବ୍ୟବସ୍ଥା ହୋଇଛି । ସେହିପରି ନବରଙ୍ଗପୁର ଜିଲାର ୨ଟି କେନ୍ଦ୍ରରେ ୩୮୬ ଜଣ ପରୀକ୍ଷାର୍ଥୀ, ମାଲକାନଗିରି ଜିଲାର ୪ଟି କେନ୍ଦ୍ରରେ ୧୦୦୪ ଜଣ ପରୀକ୍ଷାର୍ଥୀ ଓ ରାୟଗଡ଼ା ଜିଲାର ୨ଟି କେନ୍ଦ୍ରରେ ୮୧୯ ଜଣ ପରୀକ୍ଷା ଦେବା ପାଇଁ ବ୍ୟବସ୍ଥା କରାଯାଇଛି । ଏପରି ଭାବରେ ଅବିଭକ୍ତ କୋରାପୁଟ ଜିଲାର ୧୩ଟି ପରୀକ୍ଷା କେନ୍ଦ୍ରରେ ମୋଟ ୩୬୫୬ ଜଣ ପରୀକ୍ଷା ଦେବେ।

ରାସ୍ତା, ବ୍ରିଜ କାମ ନିମ୍ନମାନର ଅଭିଯୋଗ

ରାସ୍ତା, ବ୍ରିଜ କାମ ନିମ୍ନମାନର ଅଭିଯୋଗ

ସେମିଳିଗୁଡା,୨୦।୬(ଡି.ଏନ୍‌.ଏ.): ସେମିଳିଗୁଡ଼ା ବ୍ଲକ ଗୁଣ୍ଠାପୁଟ ପଞ୍ଚାୟତର ସୁବାଇ ହାଟପଦାରୁ ଗୁଣ୍ଠାପୁଟ ପର୍ଯ୍ୟନ୍ତ ପ୍ରାୟ ୨କିମି ରାସ୍ତା କାମ ଚାଲିଛି। ଉକ୍ତ ରାସ୍ତାକାମ ନିମ୍ନମାନର ହେଉଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ରାସ୍ତା ନିର୍ମାଣରେ ଗୁଣ୍ଡ ଚିପ୍ସ ବ୍ୟବହାର କରା ନ ଯାଇ ମାଟି ପକାଇ କାମ ଚାଲିଛି। ଏହାଛଡା ଭାଙ୍ଗି ଯାଇଥିବା ପୁରୁଣା ରାସ୍ତାରେ ମେଟାଲ ଓ ପଥର ଗୁଣ୍ଡ ଦେଇ କାମ କରାଯାଉଛି। ଗ୍ରାମ ନିକଟରେ ନିର୍ମାଣ ହୋଇଥିବା ଡ୍ରେନରେ ବର୍ତ୍ତମାନ ଫାଟ ଦେଖା ଦେଲାଣି। ଆଗକୁ ବର୍ଷା ଋତୁ ଆସୁଥିବାରୁ ଉକ୍ତ ଡ୍ରେନ ଭାଙ୍ଗିବାର ଯଥେଷ୍ଟ ଆଶଙ୍କା ରହିଛି ବୋଲି ଗ୍ରାମବାସୀ କହିଛନ୍ତି।

ନିର୍ମାଣରେ ବିଳମ୍ବ ନେଇ ଅସନ୍ତୋଷ: ପୌର ପ୍ରଶାସନର ଦ୍ୱାରସ୍ଥ ଭୋଇସାହିବାସୀ

ନିର୍ମାଣରେ ବିଳମ୍ବ ନେଇ ଅସନ୍ତୋଷ: ପୌର ପ୍ରଶାସନର ଦ୍ୱାରସ୍ଥ ଭୋଇସାହିବାସୀ

ପାରଳାଖେମୁଣ୍ଡି,୨୦।୬(ସ୍ବ.ପ୍ର.): ଗଜପତି ଜିଲା ପାରଳାଖେମୁଣ୍ଡି ସହରର ପ୍ୟାଲେସ ରୋଡଠାରେ ନାଳ ଓ ରାସ୍ତା କାମ ବିଳମ୍ବ ନେଇ ସ୍ଥାନୀୟ ଭୋଇସାହି ବାସିନ୍ଦା ଅସନ୍ତୋଷ ପ୍ରକାଶ କରିଛନ୍ତି। ସେମାନେ ମଙ୍ଗଳବାର ପାରଳାଖେମୁଣ୍ଡି ପୌରପରିଷଦର ନିର୍ବାହୀ ଅଧିକାରୀଙ୍କୁ ସ୍ମାରକପତ୍ର ଦେବାକୁ ଆସିଥିଲେ ମଧ୍ୟ ଭେଟି ନ ପାରିବାରୁ ତାଙ୍କୁ ଫୋନ୍‌ ଯୋଗେ ସମସ୍ୟା ସମ୍ପର୍କରେ ଜଣାଇଛନ୍ତି।

ରଥାଯାତ୍ରା ପାଇଁ ପ୍ରସ୍ତୁତି ବୈଠକ: ସିଲ୍‌ ଅଳଙ୍କାର ବାକ୍ସ ଖୋଲିବା ପାଇଁ ହେବ ଆବେଦନ

ରଥାଯାତ୍ରା ପାଇଁ ପ୍ରସ୍ତୁତି ବୈଠକ: ସିଲ୍‌ ଅଳଙ୍କାର ବାକ୍ସ ଖୋଲିବା ପାଇଁ ହେବ ଆବେଦନ

ଜୟପୁର,୨୦।୬(ଡି.ଏନ୍‌.ଏ.): ଜୟପୁର ସହରରେ ଆସନ୍ତା ୧୪ରେ ରଥଯାତ୍ରା ପାଳନ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ସ୍ଥାନୀୟ ସମ୍ମନ୍ବିତ ଆଦିବାସୀ ଉନ୍ନୟନ ସଂସ୍ଥା କାର୍ଯ୍ୟାଳୟର ସମ୍ମିଳନୀ କକ୍ଷରେ ଅନୁଷ୍ଠିତ ଏହି ବୈଠକରେ ଉପଜିଲାପାଳ ଅଧ୍ୟକ୍ଷତା କରିଥିଲେ। ଏଥିରେ ବିଧାୟକ ତାରାପ୍ରସାଦ ବାହିନୀପତି ଯୋଗଦେଇ ସମସ୍ତ ବ୍ୟବସ୍ଥାର ତଦାରଖ କରିଥିଲେ। ଜଗନ୍ନାଥ ବାହୁଡା ପରେ ଏକାଦଶୀ ତିଥିରେ ରଥାରୁଢ ଅବସ୍ଥାରେ ସୁନାବେଶ ନେଇ ମଧ୍ୟ ଏଥିରେ ଆଲୋଚନା ହୋଇଥିଲା। ଦେବୋତ୍ତର ବିଭାଗ ସୁପରିଣ୍ଟେଣ୍ଡେଣ୍ଟ ସର୍ବେଶ୍ୱର ସାହୁ ଜଗନ୍ନାଥଙ୍କ ନାମରେ କୌଣସି ସୁନା ନଥିବା କଥା ବୈଠକରେ ପ୍ରକାଶ କରିଥିଲେ। କିନ୍ତୁ ଜୟପୁର ସ୍ବତନ୍ତ୍ର ଟ୍ରେଜେରୀରେ ସିଲ ହୋଇ ରହିଥିବା କାଠବାକ୍ସକୁ ସରକାରଙ୍କ ନିର୍ଦ୍ଦେଶକ୍ରମେ ଖୋଲାଯିବା ପାଇଁ ତୁରନ୍ତ ଜିଲାପାଳଙ୍କ ଜରିଆରେ ଦେବୋତ୍ତର କମିଶନରଙ୍କ ନିକଟରେ ଆବେଦନ କରାଯିବ ବୋଲି ବିଧାୟକ ବାହିନୀପତି କହିଥିଲେ।

Model This Week

ପ୍ରଭାତ