ସମ୍ବଲପୁର

ଏଟିଏମ୍‌ ଗାଡ଼ିରୁ ୨୫ ଲକ୍ଷ ଟଙ୍କା ଲୁଟ୍‌ ଘଟଣା: ୨୪ ଘଣ୍ଟା ପରେ ବି ପୋଲିସ ହାତ ଖାଲି

ଏଟିଏମ୍‌ ଗାଡ଼ିରୁ ୨୫ ଲକ୍ଷ ଟଙ୍କା ଲୁଟ୍‌ ଘଟଣା: ୨୪ ଘଣ୍ଟା ପରେ ବି ପୋଲିସ ହାତ ଖାଲି

ନୂଆଗାଁ,୨।୧୨(ଡି.ଏନ.ଏ)- ଓଡ଼ିଶା-ଝାଡ଼ଖଣ୍ଡ ସୀମାନ୍ତ ସୁନ୍ଦରଗଡ଼ ଜିଲା ନୂଆଗାଁ, ବିଶ୍ରା ବ୍ଲକ୍‌ ଅଞ୍ଚଳରେ ଛିନ୍‌ତାଇ, ଲୁଟ୍‌, ଅପହରଣ ଓ ହତ୍ୟା ଘଟଣା ଘଟିଚାଲିଛି। ଅପରାଧୀମାନେ ପୋଲିସକୁ ଖୋଲା ଚ୍ୟାଲେଞ୍ଜ୍‌ ଦେଇ ଗୋଟିଏ ପରେ ଗୋଟିଏ ଆପରାଧିକ କାର୍ଯ୍ୟକଳାପ ଭିଆଇ ଚାଲିଛନ୍ତି। ବେପାରୀମାନେ ଆତଙ୍କିତ ଅବସ୍ଥାରେ ରହିଛନ୍ତି। ଦିନ ଦ୍ୱିପ୍ରହରରେ ଡକାୟତି, ରାହାଜାନି ସୁରକ୍ଷା ବ୍ୟବସ୍ଥା ପ୍ରତି ପ୍ରଶ୍ନବାଚୀ ସୃଷ୍ଟି କରିଛି। ଏଭଳି ପରିସ୍ଥିତିରେ ବିଶ୍ରା ଥାନା ଅଧୀନ ସୋରଡ଼ା ଷ୍ଟେଟ୍‌ବ୍ୟାଙ୍କରୁ ପୂର୍ବରୁ ଦିନବେଳା ଦୁଇଦୁଇଥର ବ୍ୟାଙ୍କ୍‌ ଡକାୟତି, ଏଟିଏମ୍‌ ଭଙ୍ଗାରୁଜା ହୋଇସାରିଛି। ଏହାସତ୍ତ୍ୱେ ପୋଲିସର ଅପରାଧୀ ନିୟନ୍ତ୍ରଣ ଅଭିଯାନ ବାସ୍ତବତାରୁ ଦୂରେଇ ଯାଇଥିବା ବେଳେ ପୁଣିଥରେ ବାରିଲେପ୍‌ଟା-ସୋରଡ଼ା ରାସ୍ତାରେ ଶୁକ୍ରବାର ସନ୍ଧ୍ୟାରେ ଅପରାଧୀମାନେ ବଡ଼ଧରଣର ଲୁଟ୍‌ କରି ସୀମାନ୍ତ ପୋଲିସର ପାରିବାରପଣିଆକୁ ପାଣିଚିଆ କରିଦେଇଛନ୍ତି। ଏଥର ଦୁର୍ବୃତ୍ତମାନେ ଏଟିଏମ୍‌କୁ ଟଙ୍କା ଭର୍ତ୍ତି କରିବାକୁ ଯାଉଥିବା ସିଏମ୍‌ଏସ୍‌ କମ୍ପାନୀର ଏକ ଗାଡ଼ି (ନଂ.ଓଡି ୦୨ସି ୬୧୮୧)କୁ ଟାର୍ଗେଟ୍‌ କରିଛନ୍ତି। ବନ୍ଧୁକ ଓ ଭୁଜାଲି ଆଦି ମାରଣାସ୍ତ୍ରରେ ଉକ୍ତ ଗାଡ଼ିରୁ ୨୫ଲକ୍ଷ ଟଙ୍କା ଲୁଟି ନେଇଛନ୍ତି। ଶୁକ୍ରବାର ରାତି ପ୍ରାୟ ୭ଟାରୁ ୮ ମଧ୍ୟରେ ଏହି ଡକାୟତି ଘଟିଥିବା ବିଶ୍ରା ଥାନାରେ ଅଭିଯୋଗ ହୋଇଛି। ଫଳରେ ଶୋଇ ରହିଥିବା ପୋଲିସ ପୁଣିଥରେ ଚେଇଁ ଉଠିଛି। ବିଶ୍ରା ଥାନା ଅଧିକାରୀ ବିକାଶ କୁମାର ସ୍ବାଇଁ ପୋଲିସ ଫୋର୍ସ ସହ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରି ଫେରିଛନ୍ତି। ଥାନାରେ ଏ ନେଇ ଏକ ମାମଲା (ନଂ.୧୦୬/୧୭) ରୁଜୁ ହୋଇଛି। ଶନିବାର ରାଉରକେଲା ଏସ୍‌ପି ନିଜେ ବିଶ୍ରା ଥାନାକୁ ଆସି ଘଟଣାର ତଦନ୍ତ କରିଛନ୍ତି। ପିଏଲ୍‌ଏଫ୍‌ଆଇ ସଦସ୍ୟଙ୍କ ସମ୍ପୃକ୍ତି ନେଇ ଖୋଳତାଡ଼ ଜାରି ରହିଥିବା ସେ କହିଛନ୍ତି। ହେଲେ ଘଟଣା ଘଟିବାର ୨୪ ଘଣ୍ଟା ପରେ ମଧ୍ୟ ପୋଲିସର ଗୁଇନ୍ଦା ଟିମ୍‌ ସନ୍ଦିଗ୍ଧ ଅପରାଧୀଙ୍କ ନିକଟରେ ପହଞ୍ଚିବାରେ ବିଫଳ ହୋଇଛି। ଏହି ଚାଞ୍ଚଲ୍ୟକର ଲୁଟ୍‌ ହଇଚଇ ସୃଷ୍ଟି କରିଛି। ବିଶ୍ରା ଥାନା ସୋରଡ଼ା, ଚିତାପେଡ଼ି, ଓରମେଇ, ବଡଯୋଜଦା, ବାରଲେପ୍‌ଟା, ବାଗ୍‌ଡ଼େଗା ଭଳି ପଞ୍ଚାୟତ ଅଞ୍ଚଳଗୁଡ଼ିକ ପିଏଲ୍‌ଏଫ୍‌ଆଇ ଉପଦ୍ରୁତ ଅଞ୍ଚଳ ହୋଇଥିବା ବେଳେ ପୋଲିସର ରାତ୍ରି ପାଟ୍ରୋଲିଂ ଦୁର୍ବଳ ବୋଲି ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଝାଡ଼ଖଣ୍ଡ ଅଞ୍ଚଳର ଦୁର୍ଦ୍ଦାନ୍ତ ଅପରାଧୀମାନେ ପିଏଲ୍‌ଏଫ୍‌ଆଇ ସଙ୍ଗଠନ ନାଁରେ ଏହି ଉପାନ୍ତ ଅଞ୍ଚଳମାନଙ୍କରେ ପତିଆରା ବୃଦ୍ଧି କରିବାରେ ଲାଗିଛନ୍ତି। ସେମାନଙ୍କ ଭୟରେ ଲୋକେ ରାତି ତ ଛାଡ଼ ଦିନବେଳା ଟଙ୍କା ପଇସା ବେପାର କରିବାକୁ ସୁରକ୍ଷିତ ମଣୁନାହାନ୍ତି। ଅନ୍ୟପଟେ, ଯେଉଁଠି ଦିନବେଳା ବ୍ୟାଙ୍କ୍‌ ଡକାୟିତ ଘଟୁଛି ସେଠି ସିଏମ୍‌ଏସ୍‌ କମ୍ପାନୀର ଗାଡ଼ି ଟଙ୍କା ବସ୍ତା ଧରି କିଭଳି ସନ୍ଧ୍ୟାରେ ସୋରଡ଼ା ଏଟିଏମ୍‌ କାଉଣ୍ଟରକୁ ଭର୍ତ୍ତି କରିବାକୁ ଆସୁଥିଲା ପ୍ରଶ୍ନବାଚୀ ସୃଷ୍ଟି ହୋଇଛି। ଏହା ସିଏମ୍‌ସି କର୍ତ୍ତୃପକ୍ଷଙ୍କ ଖାମ୍‌ଖିଆଲି, ବେପରୁଆ ମନୋଭାବ ବୋଲି ସାଧାରଣରେ ମତ ପ୍ରକାଶ ପାଇଛି।
ଘଟିଥିବା ଘଟଣା ଅନୁଯାୟୀ, ବାରିଲେପ୍‌ଟାରୁ ସୋରଡ଼ା ଏଟିଏମ୍‌ କାଉଣ୍ଟରକୁ ସିଏମ୍‌ସିର ଟଙ୍କା ଭର୍ତ୍ତି ଗାଡ଼ି ସନ୍ଧ୍ୟାରେ ବାହାରିଥିଲା। ଏହି ଗାଡ଼ିକୁ ୨ ବାଇକ୍‌ରେ ୪ ଯୁବକ ପିଛା କରିଥିଲେ। ବାରିଲେପ୍‌ଟାରୁ ମାତ୍ର ଅଧ କିମି ଦୂରରେ ଯୁବକମାନେ ଗାଡ଼ିକୁ ଅଟକାଇଥିଲେ। ଗାଡ଼ିରେ ଚାଳକଙ୍କ ସମେତ ସିକ୍ୟୁରିଟି ଗାର୍ଡଙ୍କୁ ମିଶାଇ ୫ଜଣ କର୍ମଚାରୀ ଥିଲେ। ଯୁବକମାନେ ପ୍ରଥମେ ଗାଡ଼ିର ଚାଳକକୁ ବନ୍ଧୁକ ଦେଖାଇ ଭୟଭୀତ କରିଥିଲେ। ସିକ୍ୟୁରିଟି ଗାର୍ଡଙ୍କ ବନ୍ଧୁକ ଛଡ଼ାଇ ନେଇଥିଲେ। ପରେ ଗାଡ଼ି ମଧ୍ୟରେ ଥିବା ଟଙ୍କା ଭର୍ତ୍ତି ବସ୍ତା ଲୁଟି ନେଇଥିଲେ। ଲୁଟେରାମାନେ ଘଟଣାସ୍ଥଳରୁ ଅଦୃଶ୍ୟ ହୋଇଯିବା ପରେ ସିଏମ୍‌ସି ଗାଡ଼ି ସୋରଡ଼ା ପହଞ୍ଚିଥିଲା। ବାରମ୍ବାର ଦାବି ସତ୍ତ୍ୱେ ସୋରଡ଼ାରେ ଥାନାଟିଏ ହୋଇପାରିନଥିବାରୁ ଗାଡ଼ିଟି ହାତିବାରୀ ଥାନା ଆଡ଼କୁ ମହାଁଇଥିଲା। ହେଲେ ବାରିଲେପ୍‌ଟା-ସୋରଡ଼ା ରାସ୍ତା ହାତିବାରୀ ଥାନା ଅଧୀନ ହୋଇନଥିବାରୁ ସେଠାକାର ପୋଲିସ ବିଶ୍ରା ଥାନାକୁ ଖବର କରିଥିଲେ। ବର୍ତ୍ତମାନ ସିଏମ୍‌ଏସ୍‌ ଗାଡ଼ିରେ ଥିବା କର୍ମଚାରୀଙ୍କୁ ପୋଲିସ ପଚରାଉଚୁରା ଚଳାଇଛି। ତଥ୍ୟ ଆଧାରରେ ତଦନ୍ତ ଜାରି ରହିଛି।

All Right Reserved By

Model This Week

ନିକିତା

ସମ୍ବଲପୁର

ସମଲେଶ୍ୱରୀ ଏକ୍ସପ୍ରେସ ଏସି ବଗିରେ ଧୂଆଁ

ସମଲେଶ୍ୱରୀ ଏକ୍ସପ୍ରେସ ଏସି ବଗିରେ ଧୂଆଁ

ସମ୍ବଳପୁର, ୨୦।୪ (ବ୍ୟୁରୋ)-ଝାରସୁଗୁଡା ରେଳ ଷ୍ଟେଶନ ନିକଟରେ ଶୁକ୍ରବାର ସମଲେଶ୍ୱରୀ ଏକ୍ସପ୍ରେସର ଥାର୍ଡ ଏସି ବଗିରୁ ଶର୍ଟ ସର୍କିଟ ହୋଇ ହଠାତ୍‌ ଧୂଆଁ ବାରିଛି। ଏହା ଦେଖି ବଗି ଭିତରେ ଥିବା ଯାତ୍ରୀ ଭୟଭୀତ ହୋଇ ପଡିଥିଲେ।

ବଳାତ୍କାର ପଡିତାଙ୍କ ପରିବାରକୁ ନ୍ୟାୟ ଦେବାକୁ ଆପ୍‌ର ଦାବି

ବଳାତ୍କାର ପଡିତାଙ୍କ ପରିବାରକୁ ନ୍ୟାୟ ଦେବାକୁ ଆପ୍‌ର ଦାବି

ଭବାନୀପାଟଣା, ୨୦ା୪ (ଡି.ଏନ.ଏ,)- ଦେଶ ଓ ରାଜ୍ୟରେ ବଳାତ୍କାର ବଢୁଛି। ଛୋଟ ଛୋଟ ପିଲାଙ୍କୁ ବଳାତ୍କାର ପରେ ହତ୍ୟା କରିବାକୁ ଅଭିଯୁକ୍ତ ପଛାଉ ନାହାନ୍ତି। ଉତ୍ତରପ୍ରଦେଶ ଉନ୍ନାଓ ଏବଂ କାଶ୍ମୀର କାଠୁଆରେ ନାବାଳିକାଙ୍କୁ ବଳାତ୍କାର ଘଟଣା ଦେଶରେ ଚର୍ଚ୍ଚା ଓ ଲଜିତ ହୋଇଛି। ତେବେ ଏହି ଘଟଣାରେ ପ୍ରତିବାଦ କରି ଶୁକ୍ରବାର ଭବାନୀପାଟଣାରେ ଆମ୍‌ ଆଦମି ପାର୍ଟି (ଆପ୍‌) ପକ୍ଷରୁ ଶୋଭାଯାତ୍ରା ଆୟାଜିତ ହୋଇଥିଲା।

ପଦ୍ମପୁର ସହରରେ ପାନୀୟ ଜଳ ସମସ୍ୟା ଉତ୍କଟ

ପଦ୍ମପୁର ସହରରେ ପାନୀୟ ଜଳ ସମସ୍ୟା ଉତ୍କଟ

ପଦ୍ମପୁର, ୨୦। ୪ (ଡି.ଏନ.ଏ,)-ବରଗଡ ଜିଲା ପଦ୍ମପୁର ସହରରେ ଗ୍ରୀଷ୍ମ ପ୍ରବାହ ବୃଦ୍ଧି ପାଇବାରେ ଲାଗିଛି । ଏହା ସାଙ୍ଗକୁ କୂଅ ପୋଖରୀ ମଧ୍ୟ ଶୁଖିବାକୁ ଲାଗିଲାଣି । ନଳକୂପରେ ଠିକ୍‌ ଭାବରେ ପାଣି ବାହାରୁ ନାହିଁ । ତାପମାତ୍ରା ବୃଦ୍ଧି ପାଇବା ଆହୁରି ସମୟ ବାକିଥିବା ବେଳେ ଏବେଠାରୁ ପାନୀୟ ଜଳ ସମସ୍ୟା ଉତ୍କଟ ହେବାରେ ଲାଗିଛି ।

କେବେ ହଠିବ ବିଦେଶୀ ମଦ କୋଦାନ

କେବେ ହଠିବ ବିଦେଶୀ ମଦ କୋଦାନ

ରେଙ୍ଗାଲି, ୨୦।୪ (ଡି.ଏନ.ଏ)- ସମ୍ବଲପୁର ଜିଲା ରେଙ୍ଗାଲିସ୍ଥିତ ବିଦେଶୀ ମଦ ଦୋକାନ ସ୍ଥାନାନ୍ତର ଦାବି ଏବେ ଯୋର ଧରିଛି । ବାରମ୍ବାର ଦାବି କରିବା ସତ୍ତ୍ବେ ଉକ୍ତ ମଦ ଦୋକାନଟି ସ୍ଥାନାନ୍ତର ହେଉନାହିଁ । ରେଙ୍ଗାଲି ଅଞ୍ଚଳରେ ଥିବା ବିଭିନ୍ନ ମହିଳା ସଂଗଠନ, ବିଭିନ୍ନ ଏନଜିଓ ବାରମ୍ବାର ଜିଲା ପ୍ରଶାସନକୁ ବିଦେଶୀ ମଦ ଦୋକାନର ସ୍ଥାନାନ୍ତର ପାଇଁ ଦାବି କରି ଚିଠି ଦେଲେ ମଧ୍ୟ ପ୍ରଶାସନ ଚୁପ୍‌ ହୋଇ ବସି ରହୁଛି । ଲୋକଙ୍କ ଦାବିକୁ କର୍ଣ୍ଣପାତ କରୁନାହିଁ । ଏହି ବିଦେଶୀ ମଦ ଦୋକାନଟି ଏକ ସମ୍ବେଦନଶୀଳ ସ୍ଥାନରେ ରହିଛି। ରେଙ୍ଗାଲି ହାଇସ୍କୁଲ ଛକଠାରେ ଉକ୍ତ ମଦ ଦୋକାନଟି ରହିଛି । ମଦ ଦୋକାନଟିକୁ ଲାଗି ଏକ ଫେମିଲି ରେଷ୍ଟୁରେଣ୍ଟ ରହିଛି ।

ସ୍ତ୍ରୀକୁ ଯୌତୁକ ନିର୍ଯାତନା: ସମାଧାନ ପାଇଁ ଆସିଥିବା ଶାଶୁ, ଶ୍ୱଶୁରଙ୍କୁ ଜ୍ୱାଇର ମାଡ

ସ୍ତ୍ରୀକୁ ଯୌତୁକ ନିର୍ଯାତନା: ସମାଧାନ ପାଇଁ ଆସିଥିବା ଶାଶୁ, ଶ୍ୱଶୁରଙ୍କୁ ଜ୍ୱାଇର ମାଡ

ବଡଗାଁ, ୨୦।୪ (ଡି.ଏନ.ଏ)- ସୁନ୍ଦରଗଡ ଜିଲା ବଡଗାଁର ଜଣେ ଯୁବକ ତାଙ୍କ ସ୍ତ୍ରୀଙ୍କୁ ମାଡ ମାରି ଯୌତୁକ ନିର୍ଯାତନା ଦେଇଛନ୍ତି। ତେବେ ଏହି ଘଟଣାର ସମାଧାନ ପାଇଁ ଆସିଥିବା ଶାଶୁ, ଶ୍ୱଶୁରଙ୍କୁ ମଧ୍ୟ ସେ ଛାଡି ନାହାନ୍ତି। ସେମାନଙ୍କ ମାଡ ମାରିଛନ୍ତି। ଅଭିଯୋଗ ପରେ ଅଭିଯୁକ୍ତ ଯୁବକଙ୍କ ବିରୋଧରେ ମାମଲା ରୁଜୁ ହୋଇଛି। ଅଭିଯୁକ୍ତ ହେଲେ ବଡଗାଁର ବିନୁ ରୋହିଦାସ (୨୬)।

୨୨ରେ ଓଡିଆ ନଦୀ ସମ୍ମିଳନୀ

ସମ୍ବଲପୁର, ୨୦।୪ (ବ୍ୟୁରୋ)- ଓଡିଶା ୱାଟର୍‌ ଇନିସିଏଟିଭ ଓ ମହାନଦୀ ରିଭର ୱାଟର କିପର୍ସ ପକ୍ଷରୁ ଆସନ୍ତା ୨୨ ଓ ୨୩ ଦୁଇ ଦିନିଆ ଓଡିଶା ନଦୀ ସମ୍ମିଳନୀ ଆୟୋଜିତ ହେବ । ସମ୍ବଲପୁରରେ ହେବାକୁ ଥିବା ଏହି ସମ୍ମିଳନୀରେ ଦେଶର ବିଭିନ୍ନ ଅଞ୍ଚଳରୁ ନଦୀ ଅବବାହିକାର ଚାଷୀ, ମତ୍ସ୍ୟଜିବୀ, ନଦୀ ଓ ଜଳ ଉପରେ ଗବେଷଣା କରୁଥିବା ବୁଦ୍ଧିଜୀବି ଏବଂ ସ୍ବଚ୍ଛାସେବୀ ସଂଗଠନର ସାମାଜିକ କର୍ମୀମାନେ ସାମିଲ ହେବେ । ଏହି ସମ୍ମିଳନୀରେ ୬ଟି ବୈଷୟିକ, ୨ଟି ସାଧାରଣ ଅଧିବେଶନ ଓ ଗୋଷ୍ଠିଗତ ଆଲୋଚନା କରାଯିବ ।

ଷଷ୍ଠ ଶ୍ରେଣୀ ଛାତ୍ରୀଙ୍କୁ ୨ ଦିନ ଧରି ବଳାତ୍କାର ଅଭିଯୋଗ

ଷଷ୍ଠ ଶ୍ରେଣୀ ଛାତ୍ରୀଙ୍କୁ ୨ ଦିନ ଧରି ବଳାତ୍କାର ଅଭିଯୋଗ

ଭବାନୀପାଟଣା, ୨୦।୪ (ଡି.ଏନ୍‌.ଏ.)- ହଜି ଯାଉଛି ମାନବିକତା, ବଢ଼ି ଚାାଲିଛି ବର୍ବରତା। ଦିନକୁ ଦିନ ସମଗ୍ର ଦେଶରେ ବଳାତ୍କାର ବୃଦ୍ଧି ପାଉଛି। କନ୍ୟାସନ୍ତାନର ସୁରକ୍ଷା ଏବେ ପ୍ରଶ୍ନ ସୃଷ୍ଟି କରିଛି। କଳାହାଣ୍ଡି ଜିଲା ଥୁ.ରାମପୁର ଥାନା ଅଧୀନ ଏକ ଗାଁରେ ଏମିତି ଘଟଣା ଘଟିଛି। ଜଣେ ଷଷ୍ଠ ଶ୍ରେଣୀ ଛାତ୍ରୀ ତାଙ୍କ ବଡବାପା ଘରକୁ ଏକୋଇଶିଆ ଭୋଜିରେ ଯୋଗ ଦେବାକୁ ଯାଉଥିବା ବେଳେ ବଳାତ୍କାରର ଶିକାର ହୋଇଛନ୍ତି। ଜଣେ ଯୁବକ ରାସ୍ତାରୁ ଉଠାଇ ନେଇ ଦୁଇଦିନ ଧରି ବଳାତ୍କାର କରିବା ପରେ ଛାଡି ଦେଇଛନ୍ତି।

 ଓସିଏଲ୍‌ ସିମେଣ୍ଟ କାରଖାନାର କନ୍‌ଭେୟର ବେଲ୍ଟ ପୋଡି ଘଟଣାରେ ଜଣେ ଗିରଫ

ଓସିଏଲ୍‌ ସିମେଣ୍ଟ କାରଖାନାର କନ୍‌ଭେୟର ବେଲ୍ଟ ପୋଡି ଘଟଣାରେ ଜଣେ ଗିରଫ

ରାଜଗାଙ୍ଗପୁର,୨୦।୪(ଡି.ଏନ୍‌.ଏ.)-ସୁନ୍ଦରଗଡ଼ ଜିଲା ରାଜଗାଙ୍ଗପୁର ଥାନା ଅଧୀନ ବାବୁଡିହି ଗ୍ରାମ ଓସିଏଲ୍‌ ସିମେଣ୍ଟ କାରଖାନାର କନ୍‌ଭେୟର ବେଲ୍ଟ ପୋଡି ଘଟଣାରେ ରାଜଗାଙ୍ଗପୁର ଥାନା ପୋଲିସ କେସରାମାଲ ପଞ୍ଚାୟତର ରୁମାବାହାଲ ସିୟାରଟୋଲି ଗ୍ରାମର ଉଦିତ ଲାକ୍ରା(୨୮) ନାମକ ଜଣେ ଯୁବକଙ୍କୁ ଗିରଫ କରି ଗୁରୁବାର କୋର୍ଟ ଚାଲାଣ କରିଛି।

ପିସିସି ପରିବର୍ତ୍ତନକୁ ବ୍ଲକ କଂଗ୍ରେସର ସ୍ବାଗତ

ନାକଟିଦେଉଳ, ୨୦।୪ (ଡି.ଏନ.ଏ)- ଓଡିଶା ପ୍ରଦେଶ କଂଗ୍ରେସ କମିଟି ସଭାପତି ପଦ ପରିବର୍ତ୍ତନ ହୋଇଛି । ବରିଷ୍ଠ କେଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କୁ ଏହି ପଦର ଗୁରୁଦାୟିତ୍ୱ ଦିଆଯାଇଛି । ଏଥି ସହ ନବକିଶୋର ଦାସ, ଚିରଞ୍ଜୀବ ବିଶ୍ୱାଳ ଓ ପ୍ରଦୀପ ମାଝିଙ୍କୁ କାର୍ଯ୍ୟକାରୀ ସଭାପତି ଭାବେ ଅଖିଳ ଭାରତ କଂଗ୍ରେସ କମିଟି ପକ୍ଷରୁ ମନୋନୀତ କରାଯାଇଛି ।

ରାଜ୍ୟ ପୋଲିସ ଭଲିବଲ ଚାମ୍ପିୟନଶିପ୍‌ ଉଦ୍‌ଘାଟିତ: ଜଗତସିଂହପୁର ବିଜୟୀ

ରାଜ୍ୟ ପୋଲିସ ଭଲିବଲ ଚାମ୍ପିୟନଶିପ୍‌ ଉଦ୍‌ଘାଟିତ: ଜଗତସିଂହପୁର ବିଜୟୀ

ସମ୍ବଲପୁର, ୨୦। ୪ (ବ୍ୟୁରୋ)- ୭୫ତମ ରାଜ୍ୟ ପୋଲିସ ଭଲିବଲ ଚାମ୍ପିୟନଶିପ୍‌-୨୦୧୮ ଶୁକ୍ରବାର ସମ୍ବଲପୁର ରିଜର୍ଭ ପୋଲିସ ପଡିଆଠାରେ ଉଦ୍‌ଘାଟିତ ହୋଇଯାଇଛି । ଉଦଘାଟନୀ ମ୍ୟାଚ ସମ୍ବଲପୁର ବନାମ ଜଗତସିଂପୁର ମଧ୍ୟରେ ହୋଇଥିଲା । ଏଥିରେ ଜଗତସିଂହପୁର ୨୫-୧୫ ଓ ୨୫-୨୧ ପଏଣ୍ଟରେ ବିଜୟୀ ହୋଇ ପରବର୍ତ୍ତି ପର୍ଯ୍ୟାୟକୁ ଉନ୍ନିତ ହୋଇଛି । ଆନ୍ତଃଜାତୀୟ ରେଫରି ଅଭ୍ରାଂଶୁ ମହାନ୍ତି ଓ ସିସି ଚାନ୍ଦ ମ୍ୟାଚ ପରିଚାଳନା କରିଥିଲେ । ଜେକେ ରାଓ ମ୍ୟାଚ କମିଶନର ଦାୟିତ୍ୱ ତୁଲାଇଥିଲେ । କ୍ରୀଡା ଅଧିକାରୀ ବିଭୁତିଭୂଷଣ ପରିଡାଙ୍କ ପରିଚାଳନାରେ ଉଦ୍‌ଘାଟନୀ ଉତ୍ସବ ଆୟୋଜିତ ହୋଇଥିଲା । ଉତ୍ତରାଞ୍ଚଳ ପୋଲିସ ଡିଆଇଜି ସତ୍ୟବ୍ରତ ଭୋଇ ମୁଖ୍ୟଅତିଥି ଭାବେ ଯୋଗଦେଇ ଚାମ୍ପିୟନଶିପ୍‌ ଉଦ୍‌ଘାଟନ କରିଥିଲେ । ସମ୍ବଲପୁର ଏସ୍‌ପି ସଞ୍ଜିବ ଅରୋରା, ଜିଲାପାଳ ସମର୍ଥ ବର୍ମା, ଡିଏଫଓ ସଞ୍ଜିତ କୁମାର, ଜିଲା କ୍ରୀଡାଧିକାରୀ ଉପେନ୍ଦ୍ର ଶତପଥୀ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଏହି ଚାମ୍ପିୟନଶିପ୍‌ରେ ରାଜ୍ୟର ବିଭିନ୍ନ ଜିଲାରୁ ୩୬ଟି ଦଳ ଭାଗ ନେଇଛନ୍ତି ।

ଏତଲା ପ୍ରତ୍ୟାହାର କରିବାକୁ ଧମକ

ଏତଲା ପ୍ରତ୍ୟାହାର କରିବାକୁ ଧମକ

ଅତାବିରା, ୨୦।୪: ଦୀର୍ଘ ୧୦ ଦିନ ବୁର୍ଲା ଡାକ୍ତରଖାନାରେ ଚିକିତ୍ସିତ ହୋଇ ସୁସ୍ଥ ହୋଇ ଜଣେ ଯୁବତୀ ଘରକୁ ଫେରିଛନ୍ତି। ସେ କରିଥିବା ଅଭିଯୋଗକୁ ପ୍ରତ୍ୟାହାର କରିବା ପାଇଁ ତାଙ୍କୁ ଧମକ ଦିଆଯାଉଥିବା ପରିବାର ପକ୍ଷରୁ ଶୁକ୍ରବାର ଅତାବିରା ଥାନା ଅନ୍ତର୍ଗତ ଗୋଡ଼ଭଣ୍ଡା ଫାଣ୍ଡିରେ ଅଭିଯୋଗ ହୋଇଛି।

ଜମି ବ୍ୟବସାୟୀଙ୍କ ଦାଦାଗିରି

ନୂଆଗାଁ,୨୦ ।୪(ଡି.ଏନ.ଏ)-ସୁନ୍ଦରଗଡ଼ ଜିଲା ଆଦିବାସୀ ବହୁଳ ନୂଆଗାଁ ବ୍ଲକକୁ ସିଧାସଳଖ ରାଉରକେଲା ସହ ସଂଯୋଗ କରିବାରେ ବାଧକ ସାଜିଥିବା ଟିରିପାଣୀ- ମିଟକୁନ୍ଦୁରୀ ସ୍ଥିତ କେଏଲ ନଦୀରେ ସେତୁ ନିର୍ମାଣ ପରେ ବର୍ତ୍ତମାନ ନୂଆଗାଁ ବ୍ଲକର ୧୦ଟି ପଞ୍ଚାୟତବାସୀ ଗମନାଗମନ କ୍ଷେତ୍ରରେ ସୁବିଧା ପାଇପାରିଛନ୍ତି। ଖାସ କରି ଛାତ୍ରୀଛାତ୍ରମାନଙ୍କୁ ଯିବା ଆସିବାରେ ସୁବିଧା ହୋଇଛି। ବିଶେଷକରି ଚାଷୀମାନେ ଉତ୍ପାଦିତ ଶସ୍ୟ ଏବଂ ପନିପରିବାକୁ ଅବାଧରେ ଝିରିପାଣି, ରାଉରକେଲାର ବିଭିନ୍ନ ବଜାରକୁ ଆଣି ବିକ୍ରି କରି ସମୟ ଅନୁସାରେ ଘରକୁ ଫେରି ପାରୁଛନ୍ତି। ପୂର୍ବଭଳି ଡଙ୍ଗା କିମ୍ବା ବାଉଁଶ ପୋଲ ଉପରେ ଆଉ ନିର୍ଭର କରିବାକୁ ପଡୁନାହିଁ ।