ସମ୍ପାଦକୀୟ |

ବିସ୍ତୃତିହୀନ କିଛି ନାହିଁ

ବିସ୍ତୃତିହୀନ କିଛି ନାହିଁ

ଶିବରାମ ଶତପଥୀ
ଯାହାର ଅସ୍ତିତ୍ୱ ଅଛି, ତା’ର ଡାଇମେନ୍‌ଶନ ବା ଦୈର୍ଘ୍ୟ-ପ୍ରସ୍ଥ-ଉଚ୍ଚତା ବା ବିସ୍ତୃତି ଅଛି। ଶୂନ୍ୟ ଡାଇମେନ୍‌ଶନ୍‌ ବୋଲି କିଛି ନାହିଁ। ଯଦିଚ ଅନେକେ ବିନ୍ଦୁକୁ ବିସ୍ତୃତିହୀନ ବୋଲି ଧରିନିଅନ୍ତି। କିନ୍ତୁ ବିନ୍ଦୁରୁ ଯେ ସିନ୍ଧୁର ସୃଷ୍ଟି। ସୂଚ୍ୟଗ୍ରକୁ ଶୂନ୍ୟ ଡାଇମେନ୍‌ଶନ୍‌ ଧରିନେବା ଅଧିକ ଯୁକ୍ତିଯୁକ୍ତ ହେବ, ଯେମିତି ଦୁର୍ଯ୍ୟୋଧନ କହିଥିଲା ସେ ପାଣ୍ଡବଙ୍କୁ ପାଞ୍ଚ ଗାଁ କ’ଣ ସୂଚ୍ୟଗ୍ର ପରିମିତ ଭୂମି ମଧ୍ୟ ଦେବନାହିଁ। ଜୀବାଣୁ ଓ ତା’ଠାରୁ ମଧ୍ୟ କ୍ଷୁଦ୍ର ଭୂତାଣୁର ସ୍ଥିତି ବୈଜ୍ଞାନିକମାନେ ସ୍ଥିର କରିସାରିଛନ୍ତି। ଅଣୁ ଓ ତା’ଠାରୁ କ୍ଷୁଦ୍ର ପରମାଣୁ ଅଛି। ପରମାଣୁର କେନ୍ଦ୍ରରେ ଅଛି ପ୍ରୋଟନ୍‌ ଓ ନ୍ୟୁଟ୍ରନ୍‌, ଯାହାର ସଂଖ୍ୟାକୁ ନେଇ ପରମାଣୁର ଓଜନ ସ୍ଥିର କରାଯାଏ। ତେବେ ଶୂନ୍ୟ ଡାଇମେନ୍‌ଶନ ଏକ କଳ୍ପନା ମାତ୍ର। ଅସଂଖ୍ୟ ଶୂନ୍ୟ ଡାଇମେନ୍‌ଶନକୁ ନେଇ ଏକ ରେଖାର ସୃଷ୍ଟି। ଅବଶ୍ୟ ଗାଣିତିକ ଯୁକ୍ତି ଦୃଷ୍ଟିରୁ ଅସଂଖ୍ୟ ଶୂନ୍ୟର ସମାହାର କେବେ ଏକ ହୋଇ ନ ପାରେ। ରେଖା ଦୁଇ ପ୍ରକାର ସରଳ ଓ ବକ୍ର। ଉଭୟ ପ୍ରକାର ରେଖା ଏକ ଡାଇମେନ୍‌ଶନ (ଦୈର୍ଘ୍ୟ) ବିଶିଷ୍ଟ। ଗୋଟିଏ ଚଳତ୍‌ଶକ୍ତିବିଶିଷ୍ଟ ଅଣୁଜୀବକୁ ଯଦି ଛାଡି ଦିଆଯାଏ ସେ କେବଳ ଏକ ଡାଇମେନ୍‌ଶନରେ ଗତି କରିପାରିବ। ଦୁଇ ଡାଇମେନ୍‌ଶନ ବା କ୍ଷେତ୍ରଫଳର ସୂଚନା ଦେବା ବା ପରିକ୍ରମଣ କରିବା ଶକ୍ତି ତା’ର ନାହିଁ। ଯେପରି ଅସଂଖ୍ୟ ସମଧର୍ମୀ ରେଖା (ସରଳରେଖା ବା ବକ୍ର ହେଲେ ଏକପ୍ରକାର ବକ୍ରରେଖା) ଗୋଟିଏ ସହିତ ଆରଟି ଜଡିତ ରହି ଏକ କ୍ଷେତ୍ର ସୃଷ୍ଟି କରିପାରିବ, ଯଦିଚ ଏକ ଡାଇମେନ୍‌ଶନ ବିଶିଷ୍ଟ ରେଖାର ପରିମାଣ କେବଳ ଦୈର୍ଘ୍ୟ। ନା ଏଥିରେ ଥାଏ ପ୍ରସ୍ଥ ନା ବେଧ। ଏକ ଆୟତକ୍ଷେତ୍ରର ଡାଇମେନ୍‌ଶନ୍‌ଦ୍ୱୟ (ଦୈର୍ଘ୍ୟ ଓ ପ୍ରସ୍ଥ) ପରସ୍ପର ସହିତ ସମକୋଣ ସୃଷ୍ଟି କରିବା ଆମେ ଗାଣିତିକ ସୁବିଧା ପାଇଁ ଧରିନେଇଛେ। ଏ ନିୟମ ଦ୍ୱାରା କ୍ଷେତ୍ରଫଳ ବା ପରିମାଣ ନିର୍ଦ୍ଧାରଣ ସହଜସାଧ୍ୟ। ଦୁଇ ଡାଇମେନ୍‌ଶନ୍‌ ବିଶିଷ୍ଟ କ୍ଷେତ୍ର ବେଧଶୂନ୍ୟ। ଅସଂଖ୍ୟ କ୍ଷେତ୍ରକୁ ଗୋଟିକ ଉପରେ ଆଉ ଗୋଟିଏ ରଖି ଏକ ଥ୍ରିଡାଇମେନ୍‌ଶନାଲ (ତ୍ରିବିମୀୟ) ବସ୍ତୁ ସୃଷ୍ଟି କରିହେବ ଯେପରି ଅନେକ କାଗଜ ଗୋଟିଏ ଉପରେ ଅନ୍ୟଟି ରଖି ବହିଟିଏ କରିହୁଏ, ଯଦିଚ ଏହା ଯୁକ୍ତିସମ୍ମତ ନୁହେଁ। ଗାଣିତିକ ପରିମାପରେ ସୁବିଧା ହେବ ବୋଲି ଏଇ ତୃତୀୟ ଡାଇମେନ୍‌ଶନ (ବେଧ)ଟି ଦ୍ୱିବିମୀୟ କ୍ଷେତ୍ର ସହ ସମକୋଣ ସୃଷ୍ଟି କରୁଥିବା ନିଆଗଲା। ଏହାଦ୍ୱାରା ପରିମାଣ ମାପିବା ସହଜସାଧ୍ୟ ଯେପରି ଏତେ ଘନମିଟର ଜଳ। ଗୋଟିଏ ଅଣୁଜୀବ ଯେପରି ତା’ର ସ୍ଥିତି ବିନା ସେ ଆଉ କିଛି ଜାଣେନାହିଁ ତଥା ଏକ ଡାଇମେନ୍‌ଶନ ବିଶିଷ୍ଟ ଜିଆ ଯେପରି ସେ ଗତି କରୁଥିବା ରେଖାକୁ ହିଁ ସମଗ୍ର ସଂସାର ବୋଲି ଭାବେ ତଥା ଦୁଇ ଓ ତିନି ଡାଇମେନ୍‌ଶନ ବିଷୟରେ ତା’ର କିଛି ଧାରଣା ନ ଥାଏ, (ଅବଶ୍ୟ ଶୂନ୍ୟ ଡାଇମେନ୍‌ଶନ୍‌ ଅର୍ଥାତ୍‌ ନିଜ ସ୍ଥିତି ବିଷୟରେ ଅବଗତ ଥାଏ।) ସେହିପରି ତିନି ଡାଇମେନ୍‌ଶନ୍‌ ବିଶିଷ୍ଟ ପ୍ରାଣୀ ତିନି ଡାଇମେନ୍‌ଶନ ଓ ତା’ଠାରୁ କମ୍‌ ଡାଇମେନ୍‌ଶନ ବିଷୟରେ ଜାଣିପାରେ କିନ୍ତୁ ତା’ଠାରୁ ଅଧିକ ଅର୍ଥାତ୍‌ ଚାରି, ପାଞ୍ଚ ଇତ୍ୟାଦି ଡାଇମେନ୍‌ଶନ୍‌ ବିଷୟରେ କିଛି ବି ଜାଣିପାରେ ନାହିଁ। ବରଂ ଏ ସବୁ କିଛିନାହିଁ ବୋଲି ଭାବେ। ଭଗବତ୍‌ଗୀତାର ଉକ୍ତି ଅନୁସାରେ, ନାନ୍ୟଦସ୍ତୀତି ବାଦିନଃ। ବମୁଡା ତ୍ରିକୋଣରେ ଯେପରି ଦିଗ ନିର୍ଣ୍ଣାୟକ ଚୁମ୍ବକୀୟ କମ୍ପାସ କାମ କରିବା ବନ୍ଦ କରିଦିଏ ତଥା ପ୍ରେତାତ୍ମା ଆଦି ଯେପରି ମଣିଷ ଆଖିକୁ ଦେଖାଯାନ୍ତି ନାହିଁ, ସେମାନେ ଯେ ଚାରି ଡାଇମେନ୍‌ଶନ ବିଶିଷ୍ଟ ଏଥିରେ ସନ୍ଦେହ ନାହିଁ। ସେପରି ମୃତ୍ୟୁ ସମୟରେ ପ୍ରାଣୀ ଯେପରି ସୁଡଙ୍ଗ ଭିତର ଦେଇ ଯିବା ଅନୁଭବ କରେ ତାହା ସୂଚନା ଦିଏ ଯେ ତିନି ଡାଇମେନ୍‌ଶନ୍‌ ଶରୀର ଛାଡି ବ୍ୟକ୍ତିର ଜୀବାତ୍ମା ଚତୁର୍ଥ ଡାଇମେନ୍‌ଶନକୁ ଗତିକରେ। କୃଷ୍ଣଗର୍ତ୍ତ (ବ୍ଲାକ୍‌ ହୋଲ୍‌) ଶୂନ୍ୟ ଡାଇମେନ୍‌ଶନ୍‌ର ଏକ ଉତ୍କୃଷ୍ଟ ଉଦାହରଣ। ଊର୍ଜ୍ଜା ହରାଇବା ପରେ ଗ୍ରହ ତାରା ଆଦି ମହାଜାଗତିକ ବସ୍ତୁ କୃଷ୍ଣଗର୍ତ୍ତ ଦ୍ୱାରା ବିଶୋଷିତ ହୋଇ ନିଜର ସତ୍ତା ହରାନ୍ତି। ପୃଥିବୀକୁ ମିଶାଇ ଯେଉଁ ଚତୁର୍ଦ୍ଦଶ ବ୍ରହ୍ମାଣ୍ଡର କଳ୍ପନା କରାଯାଇଛି ତାହା ଉତ୍ତରୋତ୍ତର ଏହି ଡାଇମେନ୍‌ଶନ୍‌ର ବ୍ୟବସ୍ଥିତି ବ୍ୟତୀତ ଆଉ କିଛି ନୁହେଁ। ପୁଣି ସେହି ସେହି ଲୋକ ବା ଡାଇମେନ୍‌ଶନରେ ଯେଉଁ ଜୀବ ବା ଆତ୍ମା ବା ଗନ୍ଧର୍ବ, ଦେବତା, ପିତୃ ଆଦି ବାସ କରନ୍ତି ସେମାନେ ମଧ୍ୟ ସେହି ଡାଇମେନ୍‌ଶନର ଶରୀର ଧାରଣ କରନ୍ତି। ଯେପରି ପୃଥିବୀ ତିନି ଡାଇମେନ୍‌ଶନ ବିଶିଷ୍ଟ ତେଣୁ ତତ୍ରତ୍ୟ ପ୍ରାଣୀ ତ୍ରିଡାଇମେନ୍‌ଶନ୍‌ ବିଶିଷ୍ଟ। ବ୍ରହ୍ମଲୋକ ସର୍ବାଧିକ ଡାଇମେନ୍‌ଶନ ବିଶିଷ୍ଟ ହେଲାବେଳକୁ ଧ୍ରୁବଙ୍କୁ ବିଷ୍ଣୁ ଯେଉଁ ଲୋକରେ ଅବସ୍ଥାପିତ କଲେ ତାହା ଶାଶ୍ୱତ, ବ୍ରହ୍ମଲୋକଠାରୁ ମଧ୍ୟ ଊର୍ଦ୍ଧ୍ୱରେ (ଅଧିକ ଡାଇମେନ୍‌ଶନ ବିଶିଷ୍ଟ)। ଯେଉଁଠାରେ ଡାଇମେନ୍‌ଶନର ଗଣନା ପରିସମାପ୍ତ ହୋଇଯାଏ ଅର୍ଥାତ୍‌ ଅସଂଖ୍ୟ, ତାହା ବୈକୁଣ୍ଠଧାମ। ସେଠାରେ ପରଂବ୍ରହ୍ମ ନାରାୟଣ ବାସ କରନ୍ତି। ସେ ଅସଂଖ୍ୟ ଡାଇମେନ୍‌ଶନ ବିଶିଷ୍ଟ ହୋଇଥିବାରୁ ଡାଇମେନ୍‌ଶନରେ ସୀମିତ ବ୍ରହ୍ମାଦି ଦେବଗଣଙ୍କୁ ଦେଖାଯାନ୍ତି ନାହିଁ। ଚିତ୍ରାଙ୍କନ କରି ଓ କ୍ୟାମେରାରେ ଫଟୋ ଗ୍ରହଣ ଦ୍ୱାରା ଯେପରି ଅଧିକ ଡାଇମେନ୍‌ଶନ ବିଶିଷ୍ଟ ଦେବଦେବୀ ଓ ତିନି ଡାଇମେନ୍‌ଶନ ବିଶିଷ୍ଟ ସମସ୍ତ ଜୀବ, ନିର୍ଜୀବଙ୍କୁ ଦୁଇ ଡାଇମେନ୍‌ଶନ ବିଶିଷ୍ଟ କରିପାରୁ ସେପରି ଦେବଗଣ ଇଚ୍ଛା କରି ତିନି ଡାଇମେନ୍‌ଶନ ବିଶିଷ୍ଟ ମନୁଷ୍ୟ ଓ ବାନର ଆଦି ପଶୁ (ରାମାବତାର) ଏପରି କି ନିର୍ଜୀବ କାଠ, ପଥର ଓ ଧାତବ ମୂର୍ତ୍ତିରେ (ପ୍ରାଣ ପ୍ରତିଷ୍ଠା କରାଯାଇଥିବା ପ୍ରତିମା) ପ୍ରବିଷ୍ଟ ହୋଇପାରନ୍ତି। ପରଂବ୍ରହ୍ମ ଅବତାର ଗ୍ରହଣ କରିବା ଏହି ପ୍ରକ୍ରିୟାର ଅନ୍ତର୍ଭୁକ୍ତ। କିନ୍ତୁ କମ୍‌ ଡାଇମେନ୍‌ଶନ ବିଶିଷ୍ଟ ବ୍ୟକ୍ତି ବା ବସ୍ତୁ ଅଧିକ ଡାଇମେନ୍‌ଶନ ଗ୍ରହଣ କରିବା ବା ପ୍ରବେଶ କରିବା ଯଦିଚ ଅସମ୍ଭବ ନୁହେଁ ତଥାପି ଦୁରୂହ। କଠୋର ସାଧନା ଦ୍ୱାରା ସାଧକ ଚତୁର୍ଥ ଓ ପଞ୍ଚମ ଡାଇମେନ୍‌ଶନ ଯଥାକ୍ରମେ ପ୍ରେତାତ୍ମା ଓ ଦେବଲୋକ ବିଷୟରେ ଆଭାସ ପାଇପାରେ ଅର୍ଥାତ୍‌ ସେମାନଙ୍କ ଦର୍ଶନ ପାଇପାରେ ତଥା ସେ ଲୋକକୁ ଗମନ କରିପାରେ। ଭଗବତ୍‌ ଗୀତା ଏକାଦଶ ଅଧ୍ୟାୟର ଅଷ୍ଟମ ଶ୍ଳୋକ ଏ ପ୍ରସଙ୍ଗରେ ମନେପଡେ- ‘ନ ତୁ ମାଂ ଶକ୍ୟସେ ଦ୍ରଷ୍ଟୁମନେନୈବ ସ୍ବଚକ୍ଷୁୁଷା। ଦିବ୍ୟଂ ଦଦାମି ତେ ଚକ୍ଷୁଃ ପଶ୍ୟ ମେ ଯୋଗମୈଶ୍ୱରମ୍‌।ା’ ଅର୍ଥାତ୍‌ ତୁମର ଏ ଚକ୍ଷୁରେ ମୋର ବିଶ୍ୱରୂପ (ଯୋଗମୈଶ୍ୱରମ୍‌) ଦେଖିବାକୁ ସମର୍ଥ ନୁହଁ। ଅତଏବ ମୁଁ ତୁମକୁ ଦିବ୍ୟଦୃଷ୍ଟି ପ୍ରଦାନ କରୁଛି। ପୁନଶ୍ଚ ପଞ୍ଚମ ଶ୍ଳୋକରେ ଶ୍ରୀକୃଷ୍ଣ ଅର୍ଜୁନଙ୍କୁ କହୁଛନ୍ତି- ‘ପଶ୍ୟ ମେ ପାର୍ଥ ରୂପାଣି ଶତଶୋଥ ସହସ୍ରଶଃ। ନାନାବିଧାନି ଦିବ୍ୟାନି ନାନାବର୍ଣ୍ଣାକୃତୀନିଚ।ା’ ହେ ପାର୍ଥ, ମୋର ଶହେପ୍ରକାର, ହଜାରେ ପ୍ରକାର ରୂପ (ଅର୍ଥାତ୍‌ ଅସଂଖ୍ୟ ଡାଇମେନ୍‌ଶନ୍‌) ଦେଖ, ଯେଉଁଗୁଡିକ ଅସଂଖ୍ୟ ପ୍ରକାର, ପୁଣି ଅନେକ ରଙ୍ଗ ଓ ଆକୃତି ବିଶିଷ୍ଟ। ମନୁଷ୍ୟ ଯେପରି ତିନି, ଦୁଇ ଓ ଏକ ଡାଇମେନ୍‌ଶନ ବିଶିଷ୍ଟ ପ୍ରାଣୀ ଓ ବସ୍ତୁ ଉପରେ ଅନାୟାସରେ ପ୍ରଭୁତ୍ୱ ବିସ୍ତାର କରିପାରେ, ସାଧକ ଯିଏ ଚତୁର୍ଥ ଓ ପଞ୍ଚମ ଡାଇମେନ୍‌ଶନରେ ପହଞ୍ଚିପାରିଛି ସେ ସେହି ସେହି ଡାଇମେନ୍‌ଶନର ଜୀବ ଓ ନିର୍ଜୀବଙ୍କୁ ନିୟନ୍ତ୍ରଣାଧୀନ କରିପାରେ। ସାଧନା କରି ଯେ ସିଦ୍ଧିପ୍ରାପ୍ତ କରିଛି ଅର୍ଥାତ୍‌ ନିଜକୁ ଉଚ୍ଚତ୍ତର ଡାଇମେନ୍‌ଶନ୍‌ ସହ ସଂଶ୍ଳିଷ୍ଟ କରିପାରିଛି, ତା’ ପାଇଁ ଏବେ ଭାରତବର୍ଷରେ ଦେଖାଦେଇ ତା’ ପରମୁହୂର୍ତ୍ତରେ ଆମେରିକାରେ ଦେଖାଦେବା, ତା’ ଜୀବାତ୍ମାକୁ ଅନ୍ୟ ଏକ ମୃତ ଶରୀରରେ ପ୍ରବେଶ କରାଇବା, ସ୍ବଦେହରେ ସ୍ବର୍ଗଲୋକକୁ ଗମନ କରିବା, ଗନ୍ଧର୍ବ ଅପସରାଙ୍କ ଗହଣରେ କାଳାତିପାତ କରିବା ସମ୍ଭବପର ହୁଏ। ଯେ ବୈକୁଣ୍ଠଧାମକୁ ଏକାନ୍ତ ଭକ୍ତି ଓ ସାଧନା ବଳରେ ଗମନ କରିବା ସିଦ୍ଧିପ୍ରାପ୍ତ କରିଛି, ତାକୁ ଉଲ୍ଲିଖିତ ଚତୁର୍ଥ ଓ ପଞ୍ଚମ ଡାଇମେନ୍‌ଶନର ସୁଖସମ୍ଭୋଗ ତୁଚ୍ଛ ପ୍ରତୀତ ହୁଏ। ମରଣକାଳରେ ବ୍ୟକ୍ତି ଯେଉଁ ମର୍ମନ୍ତୁଦ ଯନ୍ତ୍ରଣା ଅନୁଭବ କରେ ତା’ ମୂଳରେ ନିହିତ ମୋହ, ମାୟା, ମମତା ଓ ସମ୍ପତ୍ତି ପ୍ରତି ଆସକ୍ତି। ଅତଏବ ପୂର୍ବକାଳରେ ଚତୁର୍ଥାବସ୍ଥାରେ ସମ୍ରାଟ୍‌ମାନେ ରାଜ୍ୟ, ଧନ, କ୍ଷମତା, ପ୍ରତିପତ୍ତି ଓ ପରିବାରଠାରୁ ମମତା ତୁଟାଇ ଅରଣ୍ୟରେ ବାସ କରି ପ୍ରଭୁଙ୍କ ପାଦପଦ୍ମରେ ଚିତ୍ତ ନିବେଶ କରୁଥିଲେ। ସଂସାରବିରକ୍ତ ନିର୍ଦ୍ଧନ ଯୋଗୀ ସନ୍ନ୍ୟାସୀମାନେ ତେଣୁ ଭୁଜଙ୍ଗ ନିର୍ମୋକ ତ୍ୟାଗ କଲାପରି ଅନାୟାସରେ ତିନି ଡାଇମେନ୍‌ଶନ ବିଶିଷ୍ଟ ଶରୀର ପରିହାର କରି ଚତୁର୍ଥ ବା ତଦୂର୍ଦ୍ଧ୍ୱ ଡାଇମେନ୍‌ଶନକୁ ଯାଇପାରୁଥିଲେ।
ମୋ-୦୯୪୩୭୦୧୭୨୦୨

All Right Reserved By

ସମ୍ପାଦକୀୟ |

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ଭାରତରେ ପିଲାମାନଙ୍କୁ ବଡ଼ ହେଲେ କ’ଣ ହେବ ବୋଲି ଏକ ନିର୍ଦ୍ଦିଷ୍ଟ ପ୍ରଶ୍ନ ସର୍ବଦା ପଚରାଯାଇଆସୁଛି। ପ୍ରାୟ ଅଧିକାଂଶଙ୍କଠାରୁ ଉତ୍ତର ମିଳିଆସୁଛି ଡାକ୍ତର ଓ ଇଞ୍ଜିନିୟର ହେବେ। ଯଦିଓ ଛୁଆଟିଏ ଏହି ପାଠ୍ୟକ୍ରମ ସହିତ ଅଭ୍ୟସ୍ତ ନ ଥାଏ, ତଥାପି ମାତାପିତାଙ୍କ ଅଭିଳଷିତ ସ୍ବପ୍ନ ପିଲାଙ୍କ ଉପରେ ଅଜାଡ଼ି ହୋଇଯାଇଥାଏ ବୋଲି କୁହାଯାଏ। ଏବେ ଏହି ଦୁଇ ବୃତ୍ତିରେ ଘରୋଇ କଲେଜରେ ନାମ ଲେଖାଉଥିବା ପିଲାଙ୍କ ବିଷୟରେ ଅନେକ ନକାରାତ୍ମକ ତଥ୍ୟ ସାମ୍ନାକୁ ଆସିବା ଆରମ୍ଭ କଲାଣି। ଏକ ରିପୋର୍ଟରୁ ଜଣାପଡ଼ିଛି ଯେ ୨୦୧୭ରେ ନ୍ୟାଶନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ (ଏନ୍‌ଇଇଟି) ଅନ୍ତର୍ଗତ ଫିଜିକ୍ସ (ପଦାର୍ଥ ବିଜ୍ଞାନ) ଓ କେମିଷ୍ଟ୍ରି (ରସାୟନ ବିଜ୍ଞାନ) ବିଷୟବସ୍ତୁରେ ୫୧୦ ବିଦ୍ୟାର୍ଥୀ ଶୂନ ...

 ବଳାତ୍କାର ଓ ସାମାଜିକ ବିଫଳତା

ବଳାତ୍କାର ଓ ସାମାଜିକ ବିଫଳତା

ସବ୍ୟସାଚୀ ଅମିତାଭ ବଳାତ୍କାର କେବଳ ଦଣ୍ଡନୀୟ ଅପରାଧ ନୁହେଁ ବରଂ ଦେଶ ଓ ସମାଜ ପାଇଁ ଲଜ୍ଜା। ଇତିମଧ୍ୟରେ କେନ୍ଦ୍ର କ୍ୟାବିନେଟ୍‌ କ୍ରିମିନାଲ ଲ’ ସଂଶୋଧନ ଅଧ୍ୟାଦେଶ ଆଣିିଛନ୍ତି। ଏଥିରେ ୧୨ ବର୍ଷ ପର୍ଯ୍ୟନ୍ତ ନାବାଳିକା ଓ ଶିଶୁଙ୍କ ସହ ବଳାତ୍କାର କରୁଥିବା ଅପରାଧୀଙ୍କୁ ମୃତ୍ୟୁଦଣ୍ଡ ଦେବାର ବ୍ୟବସ୍ଥା ରହିଛି। ଅତୀତରେ ନିର୍ଭୟା କାଣ୍ଡ ସାରା ଦେଶକୁ ବିଚଳିତ କରିଥିଲା। ସେତେବେଳେ ବି ଆଇନରେ ସଂଶୋଧନ ଅଣାଯାଇଥିଲା। ନାବାଳକ ବା କିଶୋରଙ୍କ ଦ୍ୱାରା କରାଯାଉଥିବା ଜଘନ୍ୟ ଅପରାଧରେ ବିଚାର ପାଇଁ ଅଭିଯୁକ୍ତଙ୍କ ବୟସ ୧୮ ବର୍ଷ ବଦଳରେ ୧୬ ବର୍ଷ କରାଯାଇଥିଲା। ପୋକ୍‌ସୋ ଆଇନକୁ କଡା କରାଯାଇସାରିଛି।...

ଅପରିଣାମଦର୍ଶୀ ମଣିଷ

ଅପରିଣାମଦର୍ଶୀ ମଣିଷ

ବୈକୁଣ୍ଠନାଥ ମିଶ୍ର ଏକଦା ଜଣେ ଆଧୁନିକ ଶିକ୍ଷିତ ଯୁବକ ବନ୍ଧୁମାନଙ୍କ ସହ ଶିକାର ଓ ବଣଭୋଜି ପାଇଁ ଘୋର ଜଙ୍ଗଲ ମଧ୍ୟକୁ ଯାଇ ବାଟବଣା ହୋଇଗଲେ। ଏଣେତେଣେ ବୁଲୁ ବୁଲୁ ଯୁବକ ଦେଖିଲେ ତାଙ୍କୁ ବଣର ସବୁ ପ୍ରାଣୀ ଘେରି ଯାଇଛନ୍ତି। ଯୁବକଙ୍କୁ ଭୟଭୀତ ହେବାର ଦେଖି ପଶୁରାଜ ସିଂହ କହିଲା, ଭୟ କରନାହିଁ ଯୁବକ। ଆଜି ତୁମ ସହ ଆମର ଏକ ଆଲୋଚନା ସଭା ଅନୁଷ୍ଠିତ ହେବ। ଆଲୋଚନାର ପ୍ରସଙ୍ଗ ପଶୁ-ମଣିଷ ସମ୍ପର୍କ। ଏଥିରେ ତୁମେ ତୁମର ଓ ଆମେ ଆମର ବକ୍ତବ୍ୟ ରଖିବୁ। ଆମେ ପରାସ୍ତ ହେଲେ ପୂର୍ବବତ୍‌ ତୁମର ବଶ୍ୟତା ସ୍ବୀକାର କରିବୁ ଏବଂ ତୁମେ ପରାସ୍ତ ହେଲେ ଆମ୍ଭମାନଙ୍କୁ ଶିକାର କରିବ ନାହିଁ କିମ୍ବା ଆମ ବାସସ୍ଥାନ ଉପରେ କର୍ତ୍ତୃତ୍ୱ ଜାହିର କରି ଏହାକୁ ଧ୍ୱଂସ କରିବ ନାହିଁ। ଆମ ଆଲୋଚନାର ସାକ୍ଷୀ ରହିବେ ଏ ବନଭୂମି ଓ ବୃକ୍ଷଲତା।...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ଅର୍ଥ ଏବଂ ଯୋଗାଡ଼ଯନ୍ତ୍ର ଅଭାବରୁ ବିବାହ କରିପାରି ନ ଥାନ୍ତି। ସେହି ଆର୍ଥତ୍କ ଦୁର୍ବଳ ଶ୍ରେଣୀର ଯୁବତୀଯୁବକଙ୍କୁ ବିବାହ ବନ୍ଧନରେ ଆବଦ୍ଧ କରିବା ପାଇଁ ଜାଫ୍ରି କାଉନସିଲ୍‌ ଆଗେଇ ଆସିଛି। ଦୀର୍ଘ ୪ବର୍ଷ ଧରି ଏହି ଅନୁଷ୍ଠାନ ବର୍ଷକୁ ଥରେ ଗଣବିବାହ ଆୟୋଜନ କରିଆସୁଛି। ଚଳିତ ବର୍ଷ ଶ୍ରୀନଗରରେ ଆୟୋଜିତ ଗଣବିବାହ କାର୍ଯ୍ୟକ୍ରମରେ ୧୦୫ ଦମ୍ପତି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉକ୍ତ ରାଜ୍ୟର ବିଭିନ୍ନ ଜିଲାରୁ ଆର୍ଥତ୍କ ଦୁର୍ବଳ ଶ୍ରେଣୀର କନ୍ୟାବର ସାମିଲ ହୋଇଥିଲେ। ଏହା ଏକ ସରଳ ତଥା ନିରାଡମ୍ବର ବିବାହ ଉତ୍ସବ ଥିଲା। ରବିବାର ଅମରସିଂ କ୍ଲବ୍‌ଠାରେ ଧର୍ମୀୟ ତଥା ସାମାଜିକ ସଂଗଠନ ଜାଫ୍ରି କାଉନସିଲ୍‌ ଦ୍ୱାରା ଏହା ଆୟୋଜିତ ହୋଇଥିଲା। ଉକ୍ତ କାଉନସିଲ୍‌ ପୂର୍ବରୁ ଗଣବିବାହ ଆୟୋଜନ କରାଇଥିଲେ ମଧ୍ୟ ଏଥର ସଂଖ୍ୟା ଥିଲା ସବୁଠୁ ଅଧିକ। ବିବାହ କରିବାକୁ ଥିବା କନ୍ୟାବର ଏହି ସଂଗଠନରେ ପ୍ରଥମେ ନାମ ...

ହିସାବରେ ଅତିକ୍ରମ

ହିସାବରେ ଅତିକ୍ରମ

ତଥାଗତ ସତପଥୀ: ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ ଅନୁଯାୟୀ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଆମେରିକା ସର୍ବବୃହତ୍‌ ଅର୍ଥନୀତିର ଟ୍ୟାଗ୍‌କୁ ବଜାୟ ରଖିଥିବା ବେଳେ ତା’ ପଛକୁ ଚାଇନା, ଜାପାନ, ଜର୍ମାନୀ ଏବଂ ବ୍ରିଟେନ୍‌ ରହିଛନ୍ତି। ରିପୋର୍ଟ କହେ, ଫ୍ରାନ୍ସର ଜିଡିପି ୨.୫୮୨ ଟ୍ରିଲିୟନ୍‌ ଡଲାର ଥିବାବେଳେ ଭାରତର ରହିଛି ୨.୫୯୭ ଟ୍ରିଲିୟନ୍‌ ଡଲାର। ଏହି ୧୫ ଟ୍ରିଲିୟନ ଡଲାର ପାର୍ଥକ୍ୟକୁ କୌଣସି ଭାବେ ଗୌଣ କରାଯିବା ଉଚିତ ନୁହେଁ। ବାସ୍ତବରେ ଭାରତୀୟଙ୍କ ପାଇଁ ଏହା କିପରି ଗୁରୁତ୍ୱ ବହନ କରୁଛି, ତାହା ବର୍ତ୍ତମାନ ପ୍ରଶ୍ନବାଚୀ ସୃଷ୍ଟି କରିଛିି। ସଂଖ୍ୟା ହିସାବକୁ ନିଆଗଲେ ଷଷ୍ଠ ବୃହତ୍‌ ଅର୍ଥନୀତି ହେଲେ ସୁଦ୍ଧା ଭାରତକୁ ଆହୁରି ଅନେକ ମାଇଲଖୁଣ୍ଟ ଅତିକ୍ରମ କରିବାକୁ ପଡ଼ିିବ ବୋଲି ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି। ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଆଶା ବାହାରେ ନୁହେଁ, ମାତ୍ର ଦେଶର ମୁଣ୍ଡପିଛା ଆୟ ଚିନ୍ତାର ବିଷୟ ବୋଲି ସେ ମତବ୍ୟକ୍ତ କରିଛନ୍ତି। କାରଣ ଫ୍ରାନ୍ସରେ ଏହା ୪୩,୭୨୦ ଡଲାର ହୋଇଥିବାବେଳେ ଭାରତରେ ମାତ୍ର ୭,୦୬୦ ଡଲାର ରହିଛି।...

ମଦ୍ୟପାନ: ନକଲ ଓ ଅକଲ

ମଦ୍ୟପାନ: ନକଲ ଓ ଅକଲ

ଡ. ରମେଶ ଚନ୍ଦ୍ର ପରିଡ଼ା: କଥାରେ କହନ୍ତି ”ନକଲରେ ଅକଲ“ ନ ଥାଏ। ଏଠାରେ ନକଲ କହିଲେ ବୁଝାଏ ଅନ୍ଧ ଅନୁକରଣକୁ। ଏଭଳି କରିବା ନିର୍ବୋଧତାର ପରିଚୟ ଦିଏ। ତେବେ ଆମେ ଅନେକେ ଅଧିକାଂଶ ସମୟରେ ତାହା କରୁ। ବଡ ବୋଲି ଭାବୁଥିବା କୌଣସି ଲୋକର ବାହ୍ୟ ଚାକଚକ୍ୟ ଦେଖି ତାକୁ ନକଲ କରୁ, ତାହାର ଭଲମନ୍ଦ ବିଚାର ନ କରି। ଆମ ସମାଜରେ ମଦ୍ୟପାନର ପ୍ରସାର ଘଟିଛି ଏବଂ ଘଟୁଛି ସେହିଭଳି କାରଣରୁ। ପ୍ରଥମେ ଆଭିଜାତ୍ୟରେ ବିଦେଶୀ ଶାସକଙ୍କ ସମକକ୍ଷ ହେବା ଲାଗି ଆମ ସମାଜର ତଥାକଥିତ ଉଚ୍ଚବର୍ଗର ଲୋକେ ତାଙ୍କୁ ଏଥିରେ ଅନୁକରଣ କଲେ। ଏବେ ତ ଆମେ ସମସ୍ତେ ନିଜକୁ ଆଭିଜାତ୍ୟସମ୍ପନ୍ନ ବୋଲି ଉପସ୍ଥାପିତ କରିବାରେ ବ୍ୟସ୍ତ। ସେଇଥିପାଇଁ ଏହା ବଢୁଛି। ପୁନଶ୍ଚ ଆଗେ ଆମେ ମଦ୍ୟପାନ କରୁଥିବା ଲୋକଙ୍କୁ ଘୃଣା କରୁଥିଲୁ। ଆଜିକାଲି ତାହା ନାହିଁ। ପକ୍ଷାନ୍ତରେ, ଆମ ଦୃଷ୍ଟିରେ ସେଲିବ୍ରିଟି ହୋଇଥିବା ବର୍ଗର ଲୋକଙ୍କ ଜୀବନଧାରାର ଏହା ଏକ ଅବିଚ୍ଛେଦ୍ୟ ଅଙ୍ଗ। ଆମେ ବି ତାଙ୍କୁ ନକଲ କରି ନିଜର ଗୁରୁତ୍ୱ ବଢାଇବାରେ ବ୍ୟସ୍ତ। ଏଥିପାଇଁ ଅକଲର ଦରକାର ପଡୁନାହିଁ।...

କାଳିଆ, ତୁ’ ସତରେ କାହାର

କାଳିଆ, ତୁ’ ସତରେ କାହାର

ଡ. ନରହରି ବେହେରା: ମୁଁ ଏଇଠି ଠିଆ ହେଇଚିରେ କାଳିଆ! ବଅସ ହଟିଲାଣି, ଆଖିକି ଭଲ ଦୁଶୁନି, ତଥାପି ତୋତେ ଦେଖିବି ବୋଲି ଦୌଡ଼ି ଆସିଛି। ହେଲେ ମୁଁ ତୋ ପାଖକୁ ଯାଇପାରୁନି। ମୁଁ ନ ଯାଇପାରିଲେ କ’ଣ ହେଲା, ତୁ କ’ଣ ମୋ ପାଖକୁ ଟିକିଏ ଆସିବୁନି? ନିଶ୍ଚୟ ଆସିବୁ। ହେଇ ତୁ ତ ରଥରେ ବସିଲୁଣି। ତୋର ସେଇ ଚକା ଚକା ଆଖି ଦି’ଟା ଦିଶିଲାଣି। ଆରେ, ମୋ ଆଡ଼େ ଟିକିଏ ନ ଚାହିଁ ସିଧା ସିଧା କୁଆଡ଼େ ପଳାଇ ଯାଉଛୁ, ମୋ ଆଖିର ଲୁହ ତୋତେ କ’ଣ ଦେଖାଯାଉନି? ଏ ବୁଢ଼ୀଟା ତୋତେ ବିକଳରେ ଚାହିଁଛି, ତୋ ହୃଦୟ ତରଳି ଯାଉନି? ହଁ ମୁଁ ବି ବାୟାଣୀ ହେଇଗଲିଣି। ତୁ କେତେବେଳେ କାହାର ଥିଲୁ ଯେ, ଆଜି ମୋର ହବୁ? ତୁ ତ ନଟନାଗର, ହଟିଆ କଳାକାର। ତୁ ଯାହାକୁ ଚାହିଁବୁ ତା’ ପାଖକୁ ଯିବୁ, ତୋତେ ଯିଏ ଯେତେ ଚାହିଁଲେ ବି ଯିବୁନି।...

ଏଇ ଭାରତରେ

ଏଇ ଭାରତରେ

ନିଜେ ପରିଷ୍କାର ରହିବା ସହିତ ପରିବେଶକୁ ନିର୍ମଳ ରଖିବା ଲାଗି ଆମ ଦେଶରେ କିଏ କେତେ ପ୍ରକାର ଉଦ୍ୟମ କରୁଛନ୍ତି। ଏହି ଉଦ୍ୟମର ଅଂଶ ସ୍ବରୂପ ଅହମଦାବାଦ୍‌ ମହାନଗର ନିଗମ (ଏଏମ୍‌ସି) ଅଧୀନରେ ଥିବା ପ୍ରାଥମିକ ସ୍କୁଲ୍‌ ପିଲାମାନଙ୍କର ମାସକୁ ଥରେ ମାଗଣା କେଶ କଟାଯିବ। ଏହା ‘ସ୍ବଚ୍ଛତା ଆଡକୁ ପାଦେ’ କାର୍ଯ୍ୟକ୍ରମର ଅଂଶବିଶେଷ। ଏଥିପାଇଁ ନିଗମ ଏକ ସ୍ବେଚ୍ଛାସେବୀ ସଂଗଠନ (ଇଣ୍ଟରନ୍ୟାଶନାଲ୍‌ ସ୍କୁଲ୍‌ ଅଫ୍‌ ଆସ୍‌ଥେଟିକ୍ସ ଆଣ୍ଡ୍‌ ସ୍ପା) ସହିତ ଚୁକ୍ତି ସ୍ବାକ୍ଷର କରିଛି।...

Model This Week

ରୂପେଶ