ବାଣିଜ୍ୟ |

ଇ-ଯାନ ଯନ୍ତ୍ରାଂଶରେ ଟିକସ ହ୍ରାସ ହେବା ଉଚିତ

ଇ-ଯାନ ଯନ୍ତ୍ରାଂଶରେ ଟିକସ ହ୍ରାସ ହେବା ଉଚିତ
ଘରୋଇ ବଜାରକୁ ସମ୍ପୂର୍ଣ୍ଣ ଇ-ଯାନ ବଜାରରେ ରୂପାନ୍ତରିତ କରିବାକୁ ସରକାର ଯୋଜନା କରୁଛନ୍ତି। ବଜାରର ବର୍ଦ୍ଧିତ ଇ-ଯାନ ଚାହିଦା ପୂରଣ ଲାଗି ଗୁଜରାଟ ଗାନ୍ଧୀନଗରସ୍ଥିତ ଟୁନ୍‌ଓ୍ବାଲ ଇ-ଭେଇକିଲ ଇଣ୍ଡିଆ ପ୍ରାଇଭେଟ ଲିମିଟେଡ୍‌ ଉତ୍ପାଦନ ଜାରି ରଖିଛି। ଶୁକ୍ରବାର ଓଡିଶା ବଜାରରେ କମ୍ପାନୀର ଇ-ମଡେଲ୍‌ଗୁଡିକୁ ବଜାର ପ୍ରବେଶ କରାଇବା ଅବସରରେ ଏହାର ପରିଚାଳନା ନିର୍ଦ୍ଦେଶକ ଅମିତ୍‌ ଟୁନ୍‌ଓ୍ବାଲ ଧରିତ୍ରୀକୁ ଦେଇଥିବା ସାକ୍ଷାତକାରର ସମ୍ପାଦିତ ଅଂଶ ନିମ୍ନରେ ପ୍ରଦାନ କରାଗଲା। ୧-ଓଡିଶା ବଜାରକୁ ନେଇ କମ୍ପାନୀର ଆଗାମୀ ଯୋଜନା କ’ଣ ରହିଛି? - ଓଡିଶା ବଜାରକୁ ନେଇ ଆମେ ବହୁ ମାତ୍ରାରେ ଆଶାବାଦୀ ଅଛୁ। ଏଠାରେ ରିଟେଲ ନେଟଓ୍ବର୍କର ଦୃଢୀକରଣ କରାଯିବ। ଏଠାକାର ଇ-ଯାନ ବଜାରରେ ଏକ ବୃହତ୍‌ ବଜାର ଅଂଶ ହାସଲ ପାଇଁ ଯୋଜନା ରହିଛି। ପ୍ରାଥମିକ ପର୍ଯ୍ୟାୟରେ ମୋପେଡ୍‌ ଓ ସ୍କୁଟି ବର୍ଗରେ ୪-୫ ଟି ମଡେଲ ଓଡ଼ିଶା ବଜାରରେ ଉନ୍ମୋଚନ କରିଛୁ। ବର୍ତ୍ତମାନ ୧୫ଟି ଡିଲରଶିପ୍‌ରେ ଏହି ମଡେଲଗୁଡିକ ଉପଲବ୍ଧ ରହିଛି। ଏହି ଟଚ୍‌ ପଏଣ୍ଟକୁ ଆସନ୍ତା ମାର୍ଚ୍ଚ ଶେଷ ସୁଦ୍ଧା ୧୦୦କୁ ବୃଦ୍ଧି କରାଯିବ। ସେହିଭଳି ପ୍ରତି ୫୦ କି.ମି. ମଧ୍ୟରେ ଗୋଟିଏ ଲେଖାଏ ବିକ୍ରୟ ଟଚ୍‌ ପଏଣ୍ଟ ସ୍ଥାପନ ଲକ୍ଷ୍ୟ ରହିଛି। ଏହା ଫଳରେ ଗ୍ରାହକମାନେ ଆମର ଉତ୍ପାଦଗୁଡିକୁ ସହଜରେ ଲାଭ କରିପାରିବେ। ଓଡିଶାରେ ଚଳିତ ମାସ ଶେଷ ସୁଦ୍ଧା ୬୦୦ ୟୁନିଟ ଯାନ ଓ ମାର୍ଚ୍ଚ ଶେଷ ବେଳକୁ ୬୦୦୦ ୟୁନିଟ୍‌ ଯାନ ବିକ୍ରି ଲକ୍ଷ୍ୟ ରହିଛି। ୨-ବୃହତ୍‌ ସଂଖ୍ୟକ ଗ୍ରାହକଙ୍କ ନିକଟରେ ପହଞ୍ଚିବା ପାଇଁ କମ୍ପାନୀର ଷ୍ଟ୍ରାଟେଜି କ’ଣ? -ନୂତନ ପିଢିର ଗ୍ରାହକଙ୍କୁ ଗୁଣଯୁକ୍ତ ଉତ୍ପାଦ ଏବଂ ସେବା ଯୋଗାଣ ଲକ୍ଷ୍ୟ ନେଇ ଆମେ ଅଗ୍ରସର ହେଉଛୁ। ସେହିଭଳି ଉନ୍ନତ ବିକ୍ରି ପରବର୍ତ୍ତୀ ସେବାକୁ ପ୍ରାଥମିକତା ଦିଆଯାଉଛି। ଭୁବନେଶ୍ୱର, କଟକ, କେନ୍ଦୁଝର, ବ୍ରହ୍ମପୁର, ଭବାନୀପାଟଣା, କଣ୍ଟାବାଞ୍ଜି, ଯାଜପୁର, ବାଲେଶ୍ୱର ଏବଂ ତାଳଚେରଠାରେ ଆମେ ବିତରକ ନିଯୁକ୍ତି କରିଛୁ। ଶୀଘ୍ର ୨୦ ପ୍ରମୁଖ ଡିଲର ଓ ୧୦୦ ସବ୍‌ ଡିଲରଙ୍କ ଦ୍ୱାରା ଓଡିଶାରେ ଉନ୍ନତ ଗ୍ରାହକ ସେବା ପ୍ରଦାନ ଲକ୍ଷ୍ୟ ରହିଛି। ଓଡିଶାର ଭୁବନେଶ୍ୱରରେ ପ୍ରଥମଥର ଲାଗି ୨୪ ଘଣ୍ଟିଆ ସେବା ଯୋଗାଣ ଦିଗରେ ଆମେ ବିଭିନ୍ନ ପଦକ୍ଷେପ ନେଇଛୁ। ୩- ମେକ୍‌ ଇନ୍‌ ଇଣ୍ଡିଆରେ କମ୍ପାନୀର ଆଗାମୀ ଦିନରେ କିଛି ଯୋଜନା ରହିଛି? ଆମେ ୨୦୧୪ରୁ ଘରୋଇ ବଜାରରେ ଉତ୍ପାଦନ ଆରମ୍ଭ କରିଛୁ। ୨୦୩୦ ବେଳକୁ ସରକାର ଘରୋଇ ବଜାରକୁ -ସମ୍ପୂର୍ଣ୍ଣ ଇ-ଯାନ ବଜାରରେ ରୂପାନ୍ତରିତ କରିବାକୁ ଲକ୍ଷ୍ୟ ରଖି ଥିବାରୁ ଏହି ଦିଗରେ ଆମେ ଏକ ପ୍ରମୁଖ ଅଂଶୀଦାର ଭାବେ କାର୍ଯ୍ୟ କରିପାରିବୁ। ବର୍ତ୍ତମାନ ଗାନ୍ଧୀନଗରଠାରେ ଆମର ଉତ୍ପାଦନ ୟୁନିଟରୁ ପ୍ରତି ମାସରେ ୩ ହଜାର ୟୁନିଟ ଯାନ ଉତ୍ପାଦନ ହେଉଛି। ଏହାକୁ ଚଳିତ ମାସ ଶେଷ ସୁଦ୍ଧା ୬ ହଜାରକୁ ବୃଦ୍ଧି କରିବାକୁ ପଦକ୍ଷେପ ନେଉଛୁ। ୪- ଘରୋଇ ବଜାରର ଟୁନ୍‌ଓ୍ବାଲର ଉପସ୍ଥିତି କେମିତି ରହିଛି, ଏହାକୁ ବୃଦ୍ଧି ଲାଗି କ’ଣ ପଦକ୍ଷେପ ନେଉଛନ୍ତି? -ଆମେ ବର୍ତ୍ତମାନ ମହାରାଷ୍ଟ୍ର, ତେଲେଙ୍ଗାନା, ଉତ୍ତରପ୍ରଦେଶ, ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ, ଓଡିଶା, ପଞ୍ଜାବ, ହରିୟାଣାରେ ଭଲ ଭାବରେ ଉପସ୍ଥିତି ଜାହିର କରି ପାରିଛୁ। ଏହି ସବୁ ସ୍ଥାନଗୁଡିକରେ ୧୫୦ଟି ରିଟେଲ ପଏଣ୍ଟ ରହିଛି। ଏହି ଧାରାକୁ ବୃଦ୍ଧି କରିବା ଲାଗି ଆମେ ବିଭିନ୍ନ ପଦକ୍ଷେପ ନେଉଛୁ। ୫- ଜିଏସଟି ସମ୍ପର୍କରେ କ’ଣ କହିବେ? -ନୂଆ ଟିକସ ବ୍ୟବସ୍ଥା ନିଶ୍ଚିତ ପକ୍ଷେ ସ୍ବାଗତଯୋଗ୍ୟ। ପ୍ରାଥମିକ ପର୍ଯ୍ୟାୟରେ ବଜାରରେ କିଛିଟା ସମସ୍ୟା ରହିଛି। ଏହାକୁ ସରକାର ସମାଧାନ କରୁଛନ୍ତି। ଇ-ଯାନ ଲାଗି ଜିଏସ୍‌ଟିରେ ବିଚାର କରାଯିବାର ଆବଶ୍ୟକତା ରହିଛି। ବିଭିନ୍ନ ଯନ୍ତ୍ରାଂଶ ଉପରେ ଜିଏସ୍‌ଟି ହ୍ରାସ ହେଲେ ଇ-ଯାନ ବଜାରକୁ ଏହା ପ୍ରୋତ୍ସାହିତ କରିବ। ୬- ଗ୍ରାହକଙ୍କ ଲାଗି ଇ-ଯାନ କ୍ରୟ କ୍ଷେତ୍ରରେ କ’ଣ ସବୁ ପ୍ରୋତ୍ସାହନ ରହିଛି? -ଇ-ଯାନ ବ୍ୟବହାରକୁ ସରକାର ବର୍ତ୍ତମାନ ପ୍ରୋତ୍ସାହିତ କରୁଛନ୍ତି। ସରକାର ଇ-ଯାନ କ୍ରୟ କ୍ଷେତ୍ରରେ ୭,୫୦୦ ଟଙ୍କାରୁ ୧୭,୫୦୦ ଟଙ୍କା ପର୍ଯ୍ୟନ୍ତ ପ୍ରୋତ୍ସାହନ ବ୍ୟବସ୍ଥା କରିଛନ୍ତି। ୭-ଇ-କମର୍ସରେ ବିକ୍ରି ନେଇ ଯୋଜନା ରହିଛି କି? -ଇ-କମର୍ସର ପରିସର ବଢୁଥିବାରୁ ଇଣ୍ଟରନେଟରେ ମଧ୍ୟ ଗ୍ରାହକଙ୍କ ନିକଟରେ ପହଞ୍ଚିବାକୁ ଯୋଜନା ରଖିଛୁ। ଏଥି ଲାଗି ଆମେ ବର୍ତ୍ତମାନ ଆମାଜନ ସହ ମିଳିତ ହୋଇଛୁ। ଏହି ଧାରାକୁ ବଢାଇବାକୁ ଲକ୍ଷ୍ୟ ରହିଛି। ୮- ଇ-ଯାନ ଗବେଷଣା କ୍ଷେତ୍ରରେ କମ୍ପାନୀ କ’ଣ ପଦକ୍ଷେପ ନେଉଛି? ଆମେ ନିଜସ୍ବ ଟେକ୍ନୋଲୋଜିକୁ ନେଇ ବାଇକ୍‌ଗୁଡିକୁ ଉତ୍ପାଦନ କରୁଛୁ। ଏଥି ଲାଗି ଗାନ୍ଧୀନଗରେଠାରେ ଏକ ନିଜସ୍ବ ଗବେଷଣା ଓ ଉନ୍ନତୀକରଣ ୟୁନିଟ୍‌ ସ୍ଥାପନ ହୋଇଛି। ବଜାରର ବିଭିନ୍ନ ଟ୍ରେଣ୍ଡକୁ ନେଇ ଏଠାରେ ବିଭିନ୍ନ ପରୀକ୍ଷା ନିରୀକ୍ଷା ଜାରି ରହିଛି।
All Right Reserved By

ବାଣିଜ୍ୟ |

ବିଦେଶରେ ଟ୍ରେନ୧୮ ପ୍ରତି ବଢ଼ୁଛି ଆଗ୍ରହ

ବିଦେଶରେ ଟ୍ରେନ୧୮ ପ୍ରତି ବଢ଼ୁଛି ଆଗ୍ରହ

ନୂଆଦିଲ୍ଲୀ,୨୦-୧: ଟ୍ରେନ ୧୮ ନିର୍ମାଣ ପରେ ଭାରତୀୟ ରେଲଓ୍ବେ କୋଚ୍‌୍‌ ଓ ଓ୍ବାଗନର ୨୦୦ ବିଲିୟନ ଡଲାରର ବିଶ୍ୱ ବଜାରରେ ଓହ୍ଲାଇବାକୁ ଯୋଜନା ପ୍ରସ୍ତୁତ କରିଛି। କାରଣ ଏହି ଟ୍ରେନ ପ୍ରତି ବିଦେଶରେ ଆଗ୍ରହ ବୃଦ୍ଧି ପାଇବାରେ ଲାଗିଛି। 

ଜମି କିଣାବିକା: ୨୦ ହଜାରରୁ ଊର୍ଦ୍ଧ୍ୱ ହେଲେ କାର୍ଯ୍ୟାନୁଷ୍ଠାନ

ଜମି କିଣାବିକା: ୨୦ ହଜାରରୁ ଊର୍ଦ୍ଧ୍ୱ ହେଲେ କାର୍ଯ୍ୟାନୁଷ୍ଠାନ

ନୂଆଦିଲ୍ଲୀ,୨୦-୧: ଜମିଜମା କିଣାବିକାରେ ୨୦ ହଜାର ଟଙ୍କାରୁ ଅଧିକ ନଗଦ ନେଣଦେଣ ହେଲେ ଆୟକର ବିଭାଗ ନୋଟିସ ଜାରି କରିବ। ଏନେଇ ଇତିମଧ୍ୟରେ ବିଭାଗର ଦିଲ୍ଲୀ ଡିଭିଜନ ଅଭିଯାନ ଆରମ୍ଭ କରିବାକୁ ଯାଉଛି। 

ନୀରବ ମୋଦି ଠକେଇ ମାମଲା; ପିଏନ୍‌ବିର ୨ ଅଧିକାରୀ ବହିଷ୍କୃତ

ନୀରବ ମୋଦି ଠକେଇ ମାମଲା; ପିଏନ୍‌ବିର ୨ ଅଧିକାରୀ ବହିଷ୍କୃତ

ନୂଆଦିଲ୍ଲୀ,୨୦-୧: ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସୀଙ୍କ ଦ୍ୱାରା ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ରୁ ପ୍ରାୟ ୧୪ ହଜାର କୋଟି ଟଙ୍କାର ଠକେଇ ମାମଲାରେ କେନ୍ଦ୍ର ସରକାର ନିକଟରେ ଅବସର ନେବାକୁ ଥିବା ୨ ଜଣ ଏକଜିକ୍ୟୁଟିଭ ଡାଇରେକ୍ଟରଙ୍କୁ ଚାକିରିରୁ ବହିଷ୍କାର କରିଛନ୍ତି।

ଜିଏସ୍‌ଟି କାରବାର ସୀମା ୬ଟି ରାଜ୍ୟ ବଢ଼ାଇବାକୁ ରାଜି

ଜିଏସ୍‌ଟି କାରବାର ସୀମା ୬ଟି ରାଜ୍ୟ ବଢ଼ାଇବାକୁ ରାଜି

ନୂଆଦିଲ୍ଲୀ,୨୦-୧: ସାମଗ୍ରୀ ଏବଂ ସେବା ଟିକସ(ଜିଏସ୍‌ଟି) ଅଧୀନରେ ଗଠିତ ଜିଏସ୍‌ଟି ପରିଷଦ ଏମ୍‌ଏସ୍‌ଏମ୍‌ଇଙ୍କ ଲାଗି କାରବାର ସୀମାକୁ ୪୦ ଲକ୍ଷ ଟଙ୍କାକୁ ବୃଦ୍ଧି କରିଛନ୍ତି। ତେବେ ଅଦ୍ୟାବଧି ମାତ୍ର ୬ଟି ରାଜ୍ୟ ଏଥିପାଇଁ ରାଜି ହୋଇଥିବା ସୂଚନା ମିଳିଛି। 

ବ୍ରେକଜିଟ୍‌ ଆହ୍ବାନକୁ ଦେଖି ପଦକ୍ଷେପ ନିଆଯିବ: ଶକ୍ତିକାନ୍ତ

ବ୍ରେକଜିଟ୍‌ ଆହ୍ବାନକୁ ଦେଖି ପଦକ୍ଷେପ ନିଆଯିବ: ଶକ୍ତିକାନ୍ତ

ଗାନ୍ଧୀନଗର,୨୦-୧: ବ୍ରେକଜିଟ୍‌କୁ ନେଇ ସାରା ବିଶ୍ୱରେ ଅନିଶ୍ଚୟତାର ବାତାବରଣ ରହିଛି। ଭାରତ ମଧ୍ୟ ଏହା ଉପରେ ଦୃଷ୍ଟି ରଖିଛି।

୨୦ ହଜାର କୋଟି ଫେରାଉନି ଆୟକର ବିଭାଗ

୨୦ ହଜାର କୋଟି ଫେରାଉନି ଆୟକର ବିଭାଗ

ନୂଆଦିଲ୍ଲୀ,୨୦-୧: ଆୟକର ବିଭାଗ ଆର୍ଥିକ ବର୍ଷ ୨୦୧୬-୧୭ ଲାଗି ବିଭିନ୍ନ କମ୍ପାନୀ ଏବଂ ରାଷ୍ଟ୍ରାୟତ୍ତ ସଂସ୍ଥାଙ୍କ ବଡ଼ ଧରଣର ରିଫଣ୍ଡ ରୋକିବାକୁ ନିଷ୍ପତ୍ତି ନେଇଛି। ଏଥିଲାଗି ବିଭାଗ ପକ୍ଷରୁ ଏକାଧିକ କାରଣ ମଧ୍ୟ ଦର୍ଶାଯାଇଛି। 

ନାବାର୍ଡର ଫୋକସ୍‌ ପେପର: ରାଜ୍ୟରେ ୭୫ ହଜାର କୋଟିରୁ ଉର୍ଦ୍ଧ୍ୱ କ୍ରେଡିଟ୍‌ ପୋଟେନସିଆଲ

ନାବାର୍ଡର ଫୋକସ୍‌ ପେପର: ରାଜ୍ୟରେ ୭୫ ହଜାର କୋଟିରୁ ଉର୍ଦ୍ଧ୍ୱ କ୍ରେଡିଟ୍‌ ପୋଟେନସିଆଲ

ଭୁବନେଶ୍ୱର,୨୦-୧: ଚଳିତବର୍ଷରେ ରାଜ୍ୟରେ ବିଭିନ୍ନ କ୍ଷେତ୍ର ଲାଗି ୭୫,୬୧୨ କୋଟି ଟଙ୍କାର କ୍ରେଡିଟ୍‌ ପୋଟେନସିଆଲ (ଋଣ ପ୍ରଦାନ ସମ୍ଭାବନା) ରହିଛି। ଜାତୀୟ କୃଷି ଏବଂ ଗ୍ରାମୀଣ ଉନ୍ନତୀକରଣ ବ୍ୟାଙ୍କ(ନାବାର୍ଡ) ପକ୍ଷରୁ ୨୦୧୯-୨୦ ବର୍ଷ ଲାଗି କ୍ରେଡିଟ୍‌ ସେମିନାର ଅବସରରେ ଏହାର ସିଜିଏମ୍‌ ଏ.ଚନ୍ଦ୍ରଶେଖର ଏହି ସୂଚନା ଦେଇଛନ୍ତି। 

ହିରୋ ଏକ୍ସଟ୍ରିମ ୨୦୦ଆର୍‌ର ଆକ୍ଟିଭେଶନ କ୍ୟାମ୍ପେନ

ହିରୋ ଏକ୍ସଟ୍ରିମ ୨୦୦ଆର୍‌ର ଆକ୍ଟିଭେଶନ କ୍ୟାମ୍ପେନ

ଭୁବନେଶ୍ୱର,୨୦-୧: ପ୍ରମୁଖ ୨ ଚକିଆ ଯାନ ନିର୍ମାତା ହିରୋ ମୋଟୋକର୍ପ ଲିମିଟେଡ ପକ୍ଷରୁ ବଜାରକୁ ଆସିଥିବା ନୂଆ ପ୍ରିମିୟମ ବାଇକ୍‌ ‘ଏକ୍ସଟ୍ରିମ ୨୦୦ଆର୍‌’ ପାଇଁ ରାଜ୍ୟର ବିଭିନ୍ନ ସ୍ଥାନରେ ଆକ୍ଟିଭେଶନ କ୍ୟାମ୍ପେନ ଅନୁଷ୍ଠିତ ହେଉଛି।

ରେଡଚିଫ୍‌ର ଭାଗ୍ୟଶାଳୀ ଗ୍ରାହକ ପୁରସ୍କୃତ

ରେଡଚିଫ୍‌ର ଭାଗ୍ୟଶାଳୀ ଗ୍ରାହକ ପୁରସ୍କୃତ

ଗୁରୁଗ୍ରାମ,୨୦-୧: ଲେୟାନ ଗ୍ଲୋବାଲ ପ୍ରାଇଭେଟ ଲିମିଟେଡର ଲୋକପ୍ରିୟ ଲେଦର୍‌ ବ୍ରାଣ୍ଡ ରେଡଚିଫ୍‌ ପକ୍ଷରୁ ଏହାର ଭାଗ୍ୟଶାଳୀ ବିଜେତାଙ୍କୁ ପୁରସ୍କୃତ କରାଯାଇଛି।

ଫେବୃୟାରୀ ୩ରେ ଫିଟ୍‌ଜୀର ଆଡ୍‌ମିଶନ ଟେଷ୍ଟ

ଫେବୃୟାରୀ ୩ରେ ଫିଟ୍‌ଜୀର ଆଡ୍‌ମିଶନ ଟେଷ୍ଟ

ଭୁବନେଶ୍ୱର,୨୦-୧: କୋଚିଂ ପ୍ରତିଷ୍ଠାନ ଫିଟଜୀ ପକ୍ଷରୁ ଏହାର ଆଡମିଶନ ଟେଷ୍ଟ ଫେବୃୟାରୀ ୩ରେ ଅନୁଷ୍ଠିତ ହେବାକୁ ଯାଉଛି। ଜେଇଇ ଆଡଭାନ୍ସ, ଜେଇଇ ମେନ୍‌ ସହ ବିଭିନ୍ନ ପ୍ରତିଦ୍ୱନ୍ଦ୍ୱିତାମୂଳକ ପରୀକ୍ଷା ତଥା ବୃତ୍ତି ପରୀକ୍ଷାରେ ଉତ୍ତୀର୍ଣ୍ଣ ହେବା ଦିଗରେ ଏହା ଛାତ୍ରୀଛାତ୍ରୀଙ୍କୁ ସୁବିଧା ଦେବ ବୋଲି ଫିଟଜୀ ପକ୍ଷରୁ କୁହାଯାଇଛି। 

ବିଗ୍‌ ବଜାରର ସବ୍‌ସେ ଶସ୍ତା ୫ ଦିନ୍‌ ସେଲ ୨୩ରୁ

ବିଗ୍‌ ବଜାରର ସବ୍‌ସେ ଶସ୍ତା ୫ ଦିନ୍‌ ସେଲ ୨୩ରୁ

ଭୁବନେଶ୍ୱର,୨୦-୧:ପ୍ରମୁଖ ରିଟେଲ ଚେନ୍‌ ବିଗ୍‌ ବଜାର ପକ୍ଷରୁ ଏହାର ‘ସବ୍‌ସେ ଶସ୍ତା ୫ ଦିନ’ ସେଲ୍‌ ସମ୍ପର୍କରେ ଘୋଷଣା କରାଯାଇଛି। ଏହା ଚଳିତ ମାସ ୨୩ରୁ ୨୭ ଯାଏ ଚାଲିବ। ଏହି ସମୟରେ ବିଗ୍‌ ବଜାର ଷ୍ଟୋରରୁ କ୍ରୟ ଉପରେ ଗ୍ରାହକମାନେ ଆକର୍ଷଣୀୟ ରିହାତି ପାଇ ପାରିବେ। 

ଇ-କମର୍ସ କମ୍ପାନୀଙ୍କୁ ଟକ୍କର ଦେବ ରିଲାଏନ୍ସ

ଇ-କମର୍ସ କମ୍ପାନୀଙ୍କୁ ଟକ୍କର ଦେବ ରିଲାଏନ୍ସ

ଗୁଜରାଟ,୧୯-୧: ଜିଓ ଏବଂ ରିଲାଏନ୍ସ ରିଟେଲ ମିଳିତ ହୋଇ ଏକ ସ୍ବତନ୍ତ୍ର ନିୟୁ କମର୍ସ ପ୍ଲାଟଫର୍ମ ଆଣିବେ। ଏହା ଦ୍ୱାରା ଦେଶର ୩ କୋଟି ପରିବାରଙ୍କୁ ସଶକ୍ତ କରିବା ନେଇ ଯୋଜନା ରହିଛି। ଉକ୍ତ ପଦକ୍ଷେପ ଅନ୍ତର୍ଗତ ଗୁଜରାଟର ୧୨ ଲକ୍ଷ ଖୁଚୁରା ବ୍ୟବସାୟୀ ଏବଂ ଦୋକାନୀ ଲାଭବାନ ହୋଇପାରିବେ ବୋଲି ଗୁଜରାଟରେ ଚାଲିଥିବା ୯ମ ‘ଭାଇବ୍ରାଣ୍ଟ ଗୁଜରାଟ’ ସମିଟ କାର୍ଯ୍ୟକ୍ରମରେ ରିଲାଏନ୍ସ ଇଣ୍ଡଷ୍ଟ୍ରିଜ ଅଧ୍ୟକ୍ଷ ମୁକେଶ ଅମ୍ବାନୀ ସୂଚନା ଦେଇଛନ୍ତି।