Dharitri News
ବାଣିଜ୍ୟ |

ଇନ୍‌ଫୋସିସ୍‌ର ପରବର୍ତ୍ତୀ ସିଇଓ ସଲିଲ୍‌ ଏସ୍‌. ପାରେଖ୍‌

ଇନ୍‌ଫୋସିସ୍‌ର ପରବର୍ତ୍ତୀ ସିଇଓ ସଲିଲ୍‌ ଏସ୍‌. ପାରେଖ୍‌ ନୂଆଦିଲ୍ଲୀ,୨-୧୨(ପି.ଟି.) ଦୀର୍ଘ ୩ ମାସର ଅନ୍ବେଷଣ ପରେ ଶେଷରେ ଦେଶର ଦ୍ୱିତୀୟ ବୃହତ୍‌ ଆଇଟି କମ୍ପାନୀ ଇନ୍‌ଫୋସିସ୍‌ ଏହାର ପରବର୍ତ୍ତୀ ସିଇଓ ତଥା ଏମ୍‌ଡିଙ୍କ ନାମ ଘୋଷଣା କରିଛି। ଅଗଷ୍ଟରେ ବିଶାଳ ସିକ୍କା ଇସ୍ତଫା ଦେବା ପରେ ଏହି ହାଇ-ପ୍ରୋଫାଇଲ୍‌ ପଦବୀ ପାଇଁ ଅନ୍ବେଷଣ ଅଭିଯାନ ଆରମ୍ଭ ହୋଇଥିଲା। ଶେଷରେ କମ୍ପାନୀ ସଲିଲ୍‌ ଏସ୍‌. ପାରେଖ୍‌ଙ୍କୁ ଉକ୍ତ ପଦ ପାଇଁ ଚୂଡାନ୍ତ କରିଛି। ୨୦୧୮ ଜାନୁୟାରୀ ୨ରୁ ପାରେଖ୍‌ ୫ ବର୍ଷ ପାଇଁ କାର୍ଯ୍ୟଭାର ଗ୍ରହଣ କରିବେ ବୋଲି କମ୍ପାନୀ ପକ୍ଷରୁ ଏକ ବିବୃତି ମାଧ୍ୟମରେ ପ୍ରକାଶ କରାଯାଇଛି। ଆଇଟି ସେବା ଶିଳ୍ପ କ୍ଷେତ୍ରରେ ପାରେଖ୍‌ଙ୍କର ପାଖାପାଖି ୩ ଦଶନ୍ଧିର ଅଭିଜ୍ଞତା ରହିଛି। ତାଙ୍କ ନେତୃତ୍ୱରେ ବିଗତ ଦିନରେ ବିଭିନ୍ନ ବ୍ୟବସାୟିକ ଯୋଜନାର କାର୍ଯ୍ୟକାରିତା ଏବଂ ଅଧିଗ୍ରହଣ ସଫଳ ହୋଇଥିବା ଇନ୍‌ଫୋସିସ୍‌ ବୋର୍ଡ ଅଧ୍ୟକ୍ଷ ନନ୍ଦନ ନିଲେକାନୀ ପ୍ରକାଶ କରିଛନ୍ତି। ଦ୍ୱିତୀୟ ଥର ପାଇଁ କମ୍ପାନୀ ବାହାରର ଜଣେ ବ୍ୟକ୍ତି ସିଇଓ ପଦରେ ଅବସ୍ଥାପିତ ହେବେ। ପୂର୍ବରୁ କମ୍ପାନୀ ବାହାରର ପ୍ରଥମ ବ୍ୟକ୍ତି ଭାବେ ବିଶାଳ ସିକ୍କାଙ୍କୁ ଏହି ପଦରେ ଅବସ୍ଥାପିତ କରାଯାଇଥିଲା। ଶିଳ୍ପ କ୍ଷେତ୍ରରେ ବର୍ତ୍ତମାନ ପରିବର୍ତ୍ତନ ଘଟୁଥିବାବେଳେ ଏଭଳି ସମୟରେ ଇନ୍‌ଫୋସିସ୍‌ର ନେତୃତ୍ୱ ନେବାରେ ପାରେଖ୍‌ ଉପଯୁକ୍ତ ବ୍ୟକ୍ତି ସାବ୍ୟସ୍ତ ହେବେ ବୋଲି ନିଲେକାନୀ କହିଛନ୍ତି। ତାଙ୍କୁ ଇନ୍‌ଫୋସିସ୍‌ରେ ପାଇ ଆମେ ଅତ୍ୟନ୍ତ ଉତ୍ସାହିତ। ତାଙ୍କର ବିଶାଳ ଅଭିଜ୍ଞତା ଏବଂ ଟ୍ରାକ୍‌ ରେକର୍ଡ କମ୍ପାନୀକୁ ନୂଆ ଦିଗ ପ୍ରଦାନ କରିବ ବୋଲି ସେ ପ୍ରକାଶ କରିଛନ୍ତି। ପୂର୍ବରୁ ପାରେଖ୍‌ କ୍ୟାପ୍‌ଜେମିନି ସହ ଜଡିତ ଥିଲେ। ସେଠାରେ ସେ ଗ୍ରୁପ୍‌ ଏକ୍‌ଜିକ୍ୟୁଟିଭ୍‌ ବୋର୍ଡ ସଦସ୍ୟ ଥିଲେ। କର୍‌ନେଲ୍‌ ୟୁନିଭର୍ସିଟିରୁ ସେ କମ୍ପ୍ୟୁଟର ସାଇନ୍ସ ଏବଂ ମେକାନିକାଲ ଇଞ୍ଜିନିୟରିଂରେ ମାଷ୍ଟର ଅଫ୍‌ ଇଞ୍ଜିନିୟରିଂ ଡିଗ୍ରୀ ହାସଲ କରିଛନ୍ତି। ଇଣ୍ଡିଆନ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍ନୋଲୋଜି, ବମ୍ବେରୁ ସେ ଏରୋନଟିକାଲ ଇଞ୍ଜିନିୟରିଂରେ ବ୍ୟାଚ୍‌ଲର ଅଫ୍‌ ଟେକ୍ନୋଲୋଜି ଡିଗ୍ରୀ ହାସଲ କରିଛନ୍ତି। ୨୦୧୮ ଜାନୁୟାରୀ ୨ରେ ୟୁ. ବି. ପ୍ରବୀଣ ରାଓ କମ୍ପାନୀର ମଧ୍ୟବର୍ତ୍ତିକାଳୀନ ସିଇଓ ତଥା ଏମ୍‌ଡି ପଦରୁ ବିଦାୟ ନେବେ, କିନ୍ତୁ ମୁଖ୍ୟ ପରିଚାଳନା ଅଧିକାରୀ ପଦରେ ଦାୟିତ୍ୱ ଜାରି ରଖିବେ। ଏହା ସହିତ ରାଓ କମ୍ପାନୀର ପୂର୍ଣ୍ଣକାଳୀନ ନିର୍ଦ୍ଦେଶକ ପଦରେ ମଧ୍ୟ ରହିବେ। ସୂଚନାଯୋଗ୍ୟ, କମ୍ପାନୀର ପ୍ରତିଷ୍ଠାତାଙ୍କ ଆକ୍ରୋଶର ଶିକାର ହୋଇ ବିଶାଳ ସିକ୍କା ସିଇଓ ପଦରୁ ଇସ୍ତଫା ଦେଇଥିଲେ। ଏହା ପରେ କମ୍ପାନୀର ମ୍ୟାନେଜ୍‌ମେଣ୍ଟ ଏବଂ ପ୍ରତିଷ୍ଠାତାଙ୍କ ମଧ୍ୟରେ ବଡ ଧରଣର ବିବାଦ ଦେଖାଦେଇଥିଲା।

ବାଣିଜ୍ୟ |

ଶିଳ୍ପ ମାନ୍ୟତା ଚାହାନ୍ତି ରିଟେଲର୍‌

ଶିଳ୍ପ ମାନ୍ୟତା ଚାହାନ୍ତି ରିଟେଲର୍‌

ନୂଆଦିଲ୍ଲୀ,୧୮-ବଜେଟକୁ ଆଉ ମାତ୍ର ଦିନ କେଇଟା ଥିବାବେଳେ ବିଭିନ୍ନ ଶିଳ୍ପ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀଙ୍କ ନିକଟରେ ସେମାନଙ୍କ ଦାବି ଉପସ୍ଥାପନ କରୁଛନ୍ତି।

କୃଷି ଋଣ ଛାଡ: ଉଚ୍ଚ ଜାତି କୃଷକଙ୍କୁ ଅଧିକ ଲାଭ

କୃଷି ଋଣ ଛାଡ: ଉଚ୍ଚ ଜାତି କୃଷକଙ୍କୁ ଅଧିକ ଲାଭ

ନୂଆଦିଲ୍ଲୀ,୧୭-୧ ଦେଶରେ ବିଭିନ୍ନ ରାଜ୍ୟରେ କୃଷି ଋଣ ଛାଡ ହେଉଥିବା ବର୍ତ୍ତମାନ ଦେଖା ଯାଉଛି। ଅନେକ ଦିନ ଧରି ପରିଶୋଧ ହେଉ ନ ଥିବା ଋଣକୁ କେତେକ ରାଜ୍ୟ ଛାଡ କରିଛନ୍ତି। ଋଣ ଛାଡ ବିତ୍ତିୟ ଶୃଙ୍ଖଳାକୁ ପ୍ରଭାବିତ କରୁଥିବା ବିଶେଷଜ୍ଞ ମାନେ କହୁଥିବା ବେଳେ ଏହା ସତ୍ୱେ ରାଜ୍ୟଗୁଡିକ କୃଷି ଋଣ ଛାଡ କରୁଛନ୍ତି। ଯଦି କୃଷି ଋଣ ଛାଡ ହୁଏ ତେବେ ଏହା ଦ୍ୱାରା ଉଚ୍ଚ ଜାତିର କୃଷକ ମାନେ ବିଶେଷ ଭାବେ ଫାଇଦାରେ ରହିବେ ବୋଲି ଏକ ଅଧ୍ୟୟନରୁ ଜଣା ଯାଇଛି।

ଶିକ୍ଷା ପାଇଁ ବ୍ୟୟବରାଦ ବୃଦ୍ଧି ଦାବି

ଶିକ୍ଷା ପାଇଁ ବ୍ୟୟବରାଦ ବୃଦ୍ଧି ଦାବି

ଆଗାମୀ ବଜେଟ୍‌ରେ ଶିକ୍ଷା କ୍ଷେତ୍ରରେ ବ୍ୟୟବରାଦ ବଢ଼ାଇବାକୁ ଶିଳ୍ପସଂଘ ଆସୋଚାମ୍‌ ଦାବି କରିଛି। ସାମଗ୍ରୀ ଏବଂ ସେବା ଟିକସ(ଜିଏସ୍‌ଟି) ପରିସରରୁ ଉଚ୍ଚ ଶିକ୍ଷାକୁ ବାହାରେ ରଖିବାକୁ ମଧ୍ୟ ଏହା ପରାମର୍ଶ ଦେଇଛି। ଅର୍ଥମନ୍ତ୍ରୀ ଅରୁଣ ଜେଟ୍‌ଲୀଙ୍କୁ ଏକ ପତ୍ର ଲେଖି ସଂଘ ଏହା ଜଣାଇଛି।

୩୫,୦୦୦ ପଏଣ୍ଟ ଟପିଲା ସେନ୍‌ସେକ୍ସ

୩୫,୦୦୦ ପଏଣ୍ଟ ଟପିଲା ସେନ୍‌ସେକ୍ସ

ବମ୍ବେ,୧୭-୧(ପି.ଟି.) ପ୍ରଥମ ଥର ପାଇଁ ବମ୍ବେ ଷ୍ଟକ୍‌ ଏକ୍ସଚେଞ୍ଜ ସେନ୍‌ସେକ୍ସ ୩୫,୦୦୦ ପଏଣ୍ଟ ଅତିକ୍ରମ କରିଛି। ବୁଧବାର କାରବାର ଶେଷରେ ସେନ୍‌ସେକ୍ସରେ ୩୧୦.୭୭ ପଏଣ୍ଟ ବୃଦ୍ଧି ଘଟିଛି। ଫଳରେ ଏହା ୩୫,୦୮୧.୮୨ ପଏଣ୍ଟରେ ବନ୍ଦ ହୋଇଛି। ସେନ୍‌ସେକ୍ସର ପୂର୍ବ ରେକର୍ଡ ଥିଲା ୩୪,୮୪୩.୫୧ ପଏଣ୍ଟ। ଜାନୁୟାରୀ ୧୫ରେ ଏହି ସ୍ତରରେ ବଜାର ବନ୍ଦ ହୋଇଥିଲା।

ଆଜି ଜିଏସ୍‌ଟି ପରିଷଦ ବୈଠକ

ଆଜି ଜିଏସ୍‌ଟି ପରିଷଦ ବୈଠକ

ନୂଆଦିଲ୍ଲୀ,୧୭-୧ ସାଧାରଣ ବଜେଟର ଦିନ କେଇଟା ପୂର୍ବରୁ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀଙ୍କ ନେତୃତ୍ୱରେ ସାମଗ୍ରୀ ଏବଂ ସେବା ଟିକସ(ଜିଏସ୍‌ଟି) ପରିଷଦର ବୈଠକ ଗୁରୁବାର ହେବାକୁ ଯାଉଛି। ଏଥିରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତିମାନ ନିଆଯାଇପାରେ।

୨୦୧୬-୧୭ ଆର୍ଥିକ ବର୍ଷରେ ଋଣ ପ୍ରଦାନ ହ୍ରାସ

୨୦୧୬-୧୭ ଆର୍ଥିକ ବର୍ଷରେ ଋଣ ପ୍ରଦାନ ହ୍ରାସ

ଭୁବନେଶ୍ୱର,୧୭-୧(ବ୍ୟୁରୋ) ଆର୍ଥିକ ବର୍ଷ ୨୦୧୫-୧୬ରେ ରାଜ୍ୟରେ ପ୍ରମୁଖ କ୍ଷେତ୍ରଗୁଡିକୁ ମୋଟ ୪୧୯୭୦.୮୦ କୋଟି ଟଙ୍କା ଋଣ ପ୍ରଦାନ କରାଯାଇଥିବା ବେଳେ ୨୦୧୬-୧୭ରେ ଏହା ୩୯,୮୧୯.୬୫ କୋଟିକୁ ହ୍ରାସ ପାଇଛି। ଗତ ୧୦ ବର୍ଷ ମଧ୍ୟରେ ଏହା ହାରାହାରି ୨୦.୭୭% ବୃଦ୍ଧି ପାଇଥିଲେ ମଧ୍ୟ ୨୦୧୩-୧୪ ଏବଂ ୨୦୧୬-୧୭ ଦୁଇଟି ଆର୍ଥିକ ବର୍ଷରେ ଏହା ହ୍ରାସ ପାଇଛି।

 ଏନ୍‌ପିଏସ୍‌  ଟଙ୍କା ଉଠାଣ ନିୟମ କୋହଳ

ଏନ୍‌ପିଏସ୍‌ ଟଙ୍କା ଉଠାଣ ନିୟମ କୋହଳ

ନୂଆଦିଲ୍ଲୀ, ୧୭-୧(ପି.ଟି.) ଘର କିଣା, ଗୁରୁତର ରୋଗ, ଉଚ୍ଚ ଶିକ୍ଷା ଏବଂ ପିଲାମାନଙ୍କ ବିବାହ ପାଇଁ କର୍ମଚାରୀ ଜାତୀୟ ପେନ୍‌ସନ ସ୍କିମ୍‌(ଏନ୍‌ପିଏସ୍‌)ରୁ ୨୫% ପର୍ଯ୍ୟନ୍ତ ଜମା ଟଙ୍କା ଉଠାଇ ହେବ। ପେନ୍‌ସନ ଫଣ୍ଡ୍‌ ରେଗୁଲେଟାରୀ ଆଣ୍ଡ୍‌ ଡେଭ୍‌ଲପ୍‌ମେଣ୍ଟ୍‌ ଅଥରିଟି(ପିଏଫ୍‌ଆର୍‌ଡିଏ) ନିୟମ କୋହଳ କରି ବୁଧ ବାର ଏହା ଘୋଷଣା କରିଛି।

୭୧ ହଜାର କୋଟିର କ୍ରେଡିଟ୍‌ ପୋଟେନ୍‌ସିଆଲ୍‌ ଘୋଷଣା

୭୧ ହଜାର କୋଟିର କ୍ରେଡିଟ୍‌ ପୋଟେନ୍‌ସିଆଲ୍‌ ଘୋଷଣା

ଭୁବନେଶ୍ୱର,୧୭-୧(ବ୍ୟୁରୋ) ଜାତୀୟ କୃଷି ଓ ଗ୍ରାମ୍ୟ ଉନ୍ନୟନ ବ୍ୟାଙ୍କ(ନାବାର୍ଡ) ୨୦୧୮-୧୯ ଆର୍ଥିକ ବର୍ଷରେ ଓଡିଶା ପାଇଁ ୭୧ ହଜାର କୋଟିରୁ ଊର୍ଦ୍ଧ୍ୱ ଟଙ୍କାର କ୍ରେଡିଟ୍‌ ପୋଟେନ୍‌ସିଆଲ୍‌ ଘୋଷଣା କରିଛି। ରାଜ୍ୟର ୩୦ଟି ଜିଲାରେ କୃଷି, କୃଷି ଭିତ୍ତିଭୂମି, କୃଷିଭିତ୍ତିକ ଶିଳ୍ପ, ଏମ୍‌ଏସ୍‌ଏମ୍‌ଇ ୟୁନିଟ୍‌, ରପ୍ତାନି ପ୍ରୋତ୍ସାହନ, ଶିକ୍ଷାର ଉନ୍ନତି, ଗୃହ ନିର୍ମାଣ, ନବୀକରଣ ଯୋଗ୍ୟ ଶକ୍ତି ଓ ଅନ୍ୟାନ୍ୟ ଗ୍ରାମ୍ୟ ଉନ୍ନୟନ ଭିତ୍ତିଭୂମି ବିକାଶ ପାଇଁ ୭୧,୪୧୯.୮୫ କୋଟି ଟଙ୍କା ଋଣ ପ୍ରଦାନ କରାଯାଇପାରିବ ବୋଲି ଆକଳନ କରିଛି।

୧୪ ପ୍ରକାର ୧୦ ଟଙ୍କିଆ କଏନ୍‌ ବୈଧ

୧୪ ପ୍ରକାର ୧୦ ଟଙ୍କିଆ କଏନ୍‌ ବୈଧ

ବମ୍ବେ, ୧୭-୧ ସରକାର ୧୪ ପ୍ରକାରର ୧୦ ଟଙ୍କିଆ କଏନ୍‌ ବଜାରକୁ ଛାଡିଛନ୍ତି। ଏହି ସମସ୍ତ କଏନ୍‌ ଅସଲି ଏବଂ ବୈଧ। ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ବୁଧବାର ଏହା ସ୍ପଷ୍ଟ କରିଛି। ବଜାରରେ ଏତେ ପ୍ରକାରର ୧୦ ଟଙ୍କିଆ କଏନ୍‌ ପ୍ରଚଳନ ହେଉଥିବାରୁ ଅସଲି ଓ ନକଲି ନେଇ ବ୍ୟବସାୟୀ ଓ ଗ୍ରାହକମାନେ ସନ୍ଦେହ କରୁଛନ୍ତି। କେତେକ ସ୍ଥାନରେ ଏହାକୁ ଗ୍ରହଣ ମଧ୍ୟ କରାଯାଉ ନାହିଁ।

ଆସିଲା ୟାମାହା ଏଫ୍‌ଜେଡ୍‌ ଏସ୍‌ ଏଫ୍‌ଆଇ

ଆସିଲା ୟାମାହା ଏଫ୍‌ଜେଡ୍‌ ଏସ୍‌ ଏଫ୍‌ଆଇ

ନୂଆଦିଲ୍ଲୀ,୧୭-୧ପ୍ରମୁଖ ୨ ଚକିଆ ଯାନ କମ୍ପାନୀ ୟାମାହା ମୋଟର ଇଣ୍ଡିଆ ପକ୍ଷରୁ ବଜାରକୁ ଆସିଛି ନୂଆ ୨୦୧୮ ୟାମାହା ଏଫ୍‌ଜେଡ୍‌ ଏସ୍‌ ଏଫ୍‌ଆଇ।

ବଜାରରେ ସାମ୍‌ସଙ୍ଗ ଗ୍ୟାଲେକ୍ସି ଏ୮ ପ୍ଲସ୍‌

ବଜାରରେ ସାମ୍‌ସଙ୍ଗ ଗ୍ୟାଲେକ୍ସି ଏ୮ ପ୍ଲସ୍‌

ନୂଆଦିଲ୍ଲୀ,୧୭-୧ ପ୍ରମୁଖ ସ୍ମାର୍ଟ ଫୋନ ନିର୍ମାତା ସାମ୍‌ସଙ୍ଗ ନୂଆ କରି ବଜାରକୁ ଆଣିଛି ଗ୍ୟାଲେକ୍ସି ଏ୮ ପ୍ଲସ।

 ଅଣ-ପଞ୍ଜୀକୃତ ହେବେ ଆଉ ୧.୨୦ ଲକ୍ଷ କମ୍ପାନୀ

ଅଣ-ପଞ୍ଜୀକୃତ ହେବେ ଆଉ ୧.୨୦ ଲକ୍ଷ କମ୍ପାନୀ

ନୂଆଦିଲ୍ଲୀ,୧୬-୧(ପି.ଟି.) କଳାଟଙ୍କା ବିରୋଧରେ ସରକାର ନିୟମିତ ବ୍ୟବଧାନରେ କାର୍ଯ୍ୟାନୁଷ୍ଠାନ ନେଇ ଆସୁଛନ୍ତି। ତେବେ କାର୍ଯ୍ୟାନୁଷ୍ଠାନର ଅଂଶବିଶେଷ ଆଉ ୧.୨୦ ଲକ୍ଷ କମ୍ପାନୀଙ୍କୁ ଅଣ-ପଞ୍ଜୀକୃତ କରିବାକୁ ନିଷ୍ପତ୍ତି ନିଆଯାଇଛି। ବିଭିନ୍ନ ପ୍ରକାର ନିୟମର ଉଲ୍ଲଂଘନ କରିଥିବାରୁ ଏମାନଙ୍କ ପଞ୍ଜୀକରଣ ରଦ୍ଦ କରାଯିବାକୁ ନିଷ୍ପତ୍ତି ହୋଇଥିବା ମଙ୍ଗଳବାର ସରକାରଙ୍କ ପକ୍ଷରୁ ସୂଚନା ଦିଆଯାଇଛି।