ରାୟଗଡା

ଜିଲାରେ ଏଡ୍‌ସ ସ୍ଥିତି: ୧୪ ବର୍ଷରେ ୨୩୫୧ ଆକ୍ରାନ୍ତ ୫୪୦ ଜଣଙ୍କ ମୃତ୍ୟୁ

ଜିଲାରେ ଏଡ୍‌ସ ସ୍ଥିତି: ୧୪ ବର୍ଷରେ ୨୩୫୧ ଆକ୍ରାନ୍ତ ୫୪୦ ଜଣଙ୍କ ମୃତ୍ୟୁ
କୋରାପୁଟ, ୩୦। ୧୧(ସ୍ବ.ପ୍ର.)- କୋରାପୁଟ ଜିଲାରେ ଏଡ୍‌ସ ରୋଗୀଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଛି। ରାଜ୍ୟର ଏଡ୍‌ସ ପ୍ରଭାବିତ ତାଲିକାରେ କୋରାପୁଟ ଜିଲା ଦ୍ୱିତୀୟ ଜିଲା ଭାବେ ସ୍ଥାନ ପାଇଛି । ଜିଲାରେ ୨୦୦୩ ମସିହାରୁ ୨୦୧୭ ଅକ୍ଟୋବର ଶେଷ ସୁଦ୍ଧା ୨୩୫୧ ଜଣଙ୍କ ରକ୍ତରେ ଏଡ୍‌ସ ଭୂତାଣୁ ଚିହ୍ନଟ ହୋଇଥିବାବେଳେ ଏହି ସମୟ ସୀମା ମଧ୍ୟରେ ଜିଲାରେ ୫୪୦ ଜଣଙ୍କ ମୃତ୍ୟୁ ହୋଇଥିବା ଜିଲା ଏଡ୍‌ସ ସେଲ୍‌ ପକ୍ଷରୁ କୁହାଯାଇଛି ା ମୃତ ବ୍ୟକ୍ତିମାନଙ୍କ ମଧ୍ୟରେ ୩୬୦ ପୁରୁଷ ୧୮୦ ମହିଳା ରହିଥିବା ଜଣାଯାଇଛି ା ଏହି ସମୟସୀମା ମଧ୍ୟରେ ଜିଲାର ଜୟପୁର ବ୍ଲକରେ ୬୫୪ ଜଣ ଏଡ୍‌ସ ରୋଗୀ ଚିହ୍ନଟ ହୋଇଥିବାବେଳେ ସେଥିରୁ ୧୭୦ ଜଣଙ୍କର ମୃତ୍ୟୁ ହୋଇଛି ା କୋରାପୁଟ ବ୍ଲକର ୨୮୪ ଜଣ ରୋଗୀ ଚିହ୍ନଟ ହୋଇଥିବାବେଳେ ସେଥିରୁ ୭୯ ଜଣଙ୍କ ମୃତ୍ୟୁ ହୋଇଛି। ସେହିପରି ସେମିଳିଗୁଡା ବ୍ଲକରେ ୨୫୩ ଜଣ ଏଡସ ରୋଗୀ ଚିହ୍ନଟ ହୋଇଥିବାବେଳେ ସେଥିରୁ ୬୫ ଜଣଙ୍କ ମୃତ୍ୟୁ ହୋଇଛି । ବୈପାରିଗୁଡା ବ୍ଲକରେ ୪୨ ଜଣ ଆକ୍ରାନ୍ତଙ୍କ ମଧ୍ୟରୁ ୬ ଜଣଙ୍କ ମୃତ୍ୟୁ,ବନ୍ଧୁଗାଁ ବ୍ଲକରେ ୧୧ ଜଣ ଆକ୍ରାନ୍ତଙ୍କ ମଧ୍ୟରୁ ଜଣକର ମୃତ୍ୟୁ, ବୋରିଗୁମ୍ମାରେ ୧୧୭ ଆକ୍ରାନ୍ତଙ୍କ ମଧ୍ୟରୁ ୨୮ ଜଣଙ୍କ ମୃତ୍ୟୁ, ଦଶମନ୍ତପୁର ବ୍ଲକରେ ୬ ଆକ୍ରାନ୍ତଙ୍କ ମଧ୍ୟରୁ ୨ ଜଣଙ୍କ ମୃ୍‌ତ୍ୟୁ, କୋଟପାଡରେ ୨୮୪ ଆକ୍ରାନ୍ତଙ୍କ ମଧ୍ୟରୁ୧୮ ଜଣଙ୍କ ମୃତ୍ୟୁ,କୁନ୍ଦୁରା ବ୍ଲକରେ ୧୯ ଆକ୍ରାନ୍ତଙ୍କ ମଧ୍ୟରୁ ୩ ଜଣଙ୍କ ମୃତ୍ୟୁ, ଲମତାପୁଟ ବ୍ଲକରେ ୯ ଆକ୍ରାନ୍ତଙ୍କ ମଧ୍ୟରୁ ଜଣକର ମୃତ୍ୟୁ, ଲକ୍ଷ୍ମୀପୁର ବ୍ଲକରେ ୨୦ ଆକ୍ରାନ୍ତଙ୍କ ମଧ୍ୟରୁ ୪ ଜଣଙ୍କ ମୃତ୍ୟୁ, ନନ୍ଦପୁର ବ୍ଲକର ୨୪ ଆକ୍ରାନ୍ତଙ୍କ ମଧ୍ୟରୁ ୧୦ ଜଣଙ୍କ ମୃତ୍ୟୁ, ନାରାୟଣପାଟଣା ବ୍ଲକରେ ୧୬ ଆକ୍ରାନ୍ତଙ୍କ ମଧ୍ୟରୁ ୪ ଜଣଙ୍କ ମୃତ୍ୟୁ, ପଟ୍ଟାଙ୍ଗି ବ୍ଲକର ୬୦ ଜଣ ଆକ୍ରାନ୍ତଙ୍କ ମଧ୍ୟରୁ ୨୦ ଜଣଙ୍କ ମୃତ୍ୟୁ ହୋଇଥିବା ଜିଲା ସ୍ବାସ୍ଥ୍ୟ ବିଭାଗର ରିପୋର୍ଟରୁ ଜଣାପଡିଛି । ଏଥିସହ ଜିଲାର ବିଭିନ୍ନ ପୌରପରିଷଦ ଅଞ୍ଚଳରେ ଏହି ସମୟ ସୀମାରେ ୭୦୯ ଜଣ ଏଡସ ରୋଗୀ ଚିହ୍ନଟ ହୋଇଥିବାବେଳେ ସେଥିରୁ ୧୨୮ ଜଣଙ୍କ ମୃତ୍ୟୁ ହୋଇଛି ା କୋରାପୁଟ ଜିଲାର ଜୟପୁର, କୋରାପୁଟ ଏବଂ ସେମିଳିଗୁଡା ବ୍ଲକ ଏଡ୍‌ସର ରେଡ ଲେବଲରେ ରହିଥିବା ଜଣାଯାଇଛି ା ଜିଲାରେ ଏଡସ ନେଇ ୩ ଲକ୍ଷ ୯୯ ହଜାର ୮୬୭ ଜଣଙ୍କୁ କାଉନସେଲିଂ କରାଯାଇଥିବାବେଳେ ସେଥିରୁ ୨ଲକ୍ଷ ୬୨ ହଜାର ୩୬୦ ଜଣଙ୍କ ରକ୍ତପରୀକ୍ଷା କରାଯାଇ ସେଥିରୁ ୨୩୫୧ ଜଣଙ୍କୁ ଏଡସ ହୋଇଥିବା ଚିହ୍ନଟ କରାଯାଇଥିଲା ଏଥିରେ ୮୭ ଜଣ ଶିଶୁ ଓ ୮୫ ଜଣ କନ୍ୟା ସନ୍ତାନ ରହିଥିବା ଜଣପଡିଥିଲା । ୨୦୦୩ରେ ଏଡସ ପଜେଟିଭ ରୋଗୀ ୧୭.୯୦ ପ୍ରତିଶତ ଥିବାବେଳେ ୨୦୧୭ରେ ଏହି ପ୍ରତିଶତ ୦.୩୪ ପ୍ରତିଶତକୁ ହ୍ରାସ ପାଇଛି । ଏନେଇ ଜିଲା ମୁଖ୍ୟ ଚିକିସତ୍ା ଅଧିକାରୀ ଡାକ୍ତର ଲିଳିତ କୁମାର ରଥଙ୍କୁ ପଚାରିବାରୁ ସେ କହିଲେ ଯେ, ଏହି ରୋଗରୁ ଦୂରେଇ ରହିବା ପାଇଁ ଜିଲା ସ୍ବାସ୍ଥ୍ୟ ବିଭାଗ ପକ୍ଷରୁ ବିଭିନ୍ନ ସଚେତନତା କାର୍ଯ୍ୟକ୍ରମ ହାତକୁ ନିଆଯାଇଛି। ଫଳରେ ଜିଲାରେ ଏଡସ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇଛି ବୋଲି ସେ କହିଛନ୍ତି। ସେହିପରି କୋରାପୁଟ ଜିଲାରେ ଡିସେମ୍ବର ୨ରୁ ଜାନୁୟାରୀ ୩୧ ଯାଏ ଜିଲାର କୋଟପାଡ, ଜୟପୁର ଓ ବୋରିଗୁମ୍ମା ଅଞ୍ଚଳରେ ନାଟକ ମାଧ୍ୟମରେ ଲୋକଙ୍କୁ ସଚେତନ କରାଯିବା ଲାଗି ରାଜ୍ୟ ଏଡସ ସେଲ ପକ୍ଷରୁ ନିଷ୍ପତ୍ତି ନିଆଯାଇଥିବା ଜିଲା ଏଡସ ସେଲର ଭାରପ୍ରାପ୍ତ ସଂଯୋଜକ ସବେଶ୍ୱର ବାରିକ କହିଛନ୍ତି।
All Right Reserved By

ରାୟଗଡା

ଗଜଲକ୍ଷ୍ମୀ ପୂଜା କମିଟି ପକ୍ଷରୁ ଶୁଭଖୁଣ୍ଟି ସ୍ଥାପନ

ଗଜଲକ୍ଷ୍ମୀ ପୂଜା କମିଟି ପକ୍ଷରୁ ଶୁଭଖୁଣ୍ଟି ସ୍ଥାପନ

ରାୟଗଡା ଅଫିସ୍‌, ୨୦।୯- ରାୟଗଡା ସହରର ନ୍ୟୁ କଲୋନୀସ୍ଥିତ  ଗଜଲକ୍ଷ୍ମୀ ପୂଜା କମିଟି  ପକ୍ଷରୁ ମା’ ଗଜଲକ୍ଷ୍ମୀଙ୍କ ପୂଜା ନିମନ୍ତେ ପୂଜା ମଣ୍ଡପ ନିକଟରେ  ସକାଳେ ରୀତିନୀତି ଅନୁସାରେ ପୂଜାର୍ଚ୍ଚନା କରାଯାଇ ଶୁଭଖୁଣ୍ଟି ସ୍ଥାପନ କରାଯାଇଛି । ସଭାପତି ସହଦେବ ଚୌଧୁରୀ, ଉପସଭାପତି ସନ୍ତୋଷ କୁମାର ପାତ୍ର, ସମ୍ପାଦକ ଏନ୍‌.ତ୍ରିନାଥ ରାଓଙ୍କ ନେତୃତ୍ୱରେ ଏହି କାର୍ଯ୍ୟକ୍ରମରେ ନ୍ୟୁକଲୋନୀ ଗଜପତି ପୂଜା କମିଟି  ଆବାହକ ସବ୍ୟସାଚୀ ସାହୁ, ମଦନ ମୋହନ ପାଢ଼ୀ, ଗୋପୀନାଥ ସାହୁ, ଶଙ୍କର୍ଷଣ ମଙ୍ଗରାଜଙ୍କ ସମେତ କମିଟିର ସମସ୍ତ ସଦସ୍ୟ ଉପସ୍ଥିତ ଥିଲେ।  ଦୀର୍ଘ ୨୨ବର୍ଷଧରି ଏହି ପୂଜା କମିଟି ପକ୍ଷରୁ ପ୍ରତିବର୍ଷ ମା’ ଗଜଲକ୍ଷ୍ମୀଙ୍କ ପୂଜା ଧୂମ୍‌ଧାମ୍‌ରେ ପାଳିତ ହୋଇ ଆସୁଛି । ଲୋକଙ୍କ ମନୋରଞ୍ଜନ ନିମନ୍ତେ ସାଂସ୍କୃତିକ କାର୍ଯ୍ୟକ୍ରମ ସମେତ ମିନାବଜାର ଓ ବହୁ ଅସ୍ଥାୟୀ ଦୋକାନ ଖୋଲାଯିବ।  

ରାସ୍ତାକୁ ବାଜପେୟୀଙ୍କ ନାମରେ କରିବା ଦାବି

ରାସ୍ତାକୁ ବାଜପେୟୀଙ୍କ ନାମରେ କରିବା ଦାବି

ଗୁଣପୁର,୨୦।୯(ଡି.ଏନ୍‌.ଏ.)-ରାୟଗଡା ଜିଲା ଗୁଣପୁର ସହର ମେଡିକାଲ ଛକରୁ ବାଇପାସ ପର୍ଯ୍ୟନ୍ତ ଯାଇଥିବା  ରାସ୍ତାକୁ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରି ବାଜପେୟୀଙ୍କ ନାମରେ ନାମିତ କରିବାକୁ ଦାବି ହୋଇଛି। ଭାରତ ରତ୍ନ ଅଟଳ ବିହାରୀ ବାଜପେୟୀ ସ୍ମୃତି  ଟ୍ରଷ୍ଟ ପକ୍ଷରୁ ଗୁଣପୁର ପୌର ପରିଷଦର ନିର୍ବାହୀ ଅଧିକାରୀ ଭାବଗ୍ରାହୀ ସାହୁଙ୍କୁ  ଏକ ଦାବିପତ୍ର ଦିଆଯାଇଛି । ଦାବିପତ୍ର ପ୍ରଦାନ ସମୟରେ ସୂର୍ଯ୍ୟ  ନାରାୟଣ ରଥ, ସୋମନାଥ ଗୌଡ, ଅମ୍ବିକା ରାଣୀ ମହାପାତ୍ର, ସଂଯୋଜକ ଚିନ୍ମୟ ପାଣିଗ୍ରାହୀ, ଇନ୍ଦ୍ରାକ୍ଷୀ ପ୍ରସାଦ ଦାସ, ବି.ସତିଶ କୁମାର ପ୍ରମୁଖ ଉପସ୍ଥିତ ଥିଲେ।

ପୌର ପରିଷଦ ଅଞ୍ଚଳରେ ଖୋଲା ଶୌଚମୁକ୍ତ ଅଭିଯାନ: ୩ ଓ୍ବାର୍ଡକୁ ବାହ୍ୟ ମଳମୁକ୍ତ ଘୋଷଣା

ମାଲକାନଗିରି,୨୦।୯ (ଡି.ଏନ୍‌.ଏ.)- ମାଲକାନଗିରି ଜିଲା ସଦର ପୌର ପରିଷଦ ଅଞ୍ଚଳରେ ସ୍ବଚ୍ଛ ଭାରତ ମିଶନ ତରଫରୁ ଖୋଲା ଶୌଚମୁକ୍ତ ଅଭିଯାନ  ଆରମ୍ଭ ହୋଇଛି। ଏହି ଅବସରରେ ପୌର ପରିଷଦ ୯ନଂ ଓ୍ବାର୍ଡ ବାଳିକା ଉଚ୍ଚ ବିଦ୍ୟାଳୟ ପରିସରରେ ପୌର ପରିଷଦ ଅଧ୍ୟକ୍ଷା ରାଜଓ୍ବନ୍ତ କୌର ଅନୁଷ୍ଠିତ କାର୍ଯ୍ୟକ୍ରମକୁ ଉଦ୍‌ଘାଟନ କରି ଛାତ୍ରୀମାନଙ୍କୁ ସ୍ବଚ୍ଛତା ଶପଥ ପାଠ କରାଇଥିଲେ । ଏହି ଅବସରରେ ଓ୍ବାର୍ଡ ନଂ. ୯, ୧୯, ୧୩କୁ ବାହ୍ୟ ମଳମୁକ୍ତ ଅଞ୍ଚଳ ଭାବେ ଘୋଷଣା କରାଯାଇଥିଲା। ଏହି କାର୍ଯ୍ୟକ୍ରମ ୨୦୧୪ ସେପ୍ଟେମ୍ବର ୨୫ରୁ ସମଗ୍ର ଦେଶରେ ଆରମ୍ଭ ହୋଇଛି। ଆମ ରାଜ୍ୟରେ ସେହିବର୍ଷ ଅକ୍ଟୋବର ୨ରୁ କାର୍ଯ୍ୟକାରୀ ହୋଇଆସଛି।

ଉପାନ୍ତ ଅଞ୍ଚଳର ସମସ୍ୟା, ଶିକ୍ଷା ବ୍ୟବସ୍ଥା ତଦାରଖ କଲେ ବ୍ଲକ ଅଧ୍ୟକ୍ଷା

ଉପାନ୍ତ ଅଞ୍ଚଳର ସମସ୍ୟା, ଶିକ୍ଷା ବ୍ୟବସ୍ଥା ତଦାରଖ କଲେ ବ୍ଲକ ଅଧ୍ୟକ୍ଷା

ମାଥିଲି, ୨୦।୯ (ଡି.ଏନ.ଏ) - ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ଦୁର୍ଗମ ଗ୍ରାମକୁ  ବ୍ଲକ ଅଧ୍ୟକ୍ଷା ଲକ୍ଷ୍ମୀପ୍ରିୟା ନାୟକ ଗସ୍ତ କରି ଗ୍ରାମ ସମସ୍ୟା ସହ ଶିକ୍ଷା ବ୍ୟବସ୍ଥା ତଦାରଖ କରିଛନ୍ତି । ସେ ବ୍ଲକର କମାରପାଲି, ମହୁପଦର ପଞ୍ଚାୟତ ଗସ୍ତ କରି ପଞ୍ଚାୟତବାସୀଙ୍କ ସମସ୍ୟା ସମ୍ପର୍କରେ ପଚାରି ବୁଝିଥିଲେ। ଗ୍ରାମରେ ଶିକ୍ଷା ବ୍ୟବସ୍ଥାର ତଦାରଖ କରି ଛାତ୍ରୀଛାତ୍ରଙ୍କ ସମସ୍ୟା ସମ୍ପର୍କରେ ଆଲୋଚନା କରିଥିଲେ । ଉପାନ୍ତ ଗ୍ରାମଗୁଡିକରେ ବିକାଶ ସ୍ବପ୍ନ ପାଲଟିଛି । ବିଭିନ୍ନ ସମସ୍ୟାରେ ରହି ଗ୍ରାମବାସୀ ଅସୁବିଧାର ସମ୍ମୁଖୀନ ହେଉଛନ୍ତି ।

ସୁରକ୍ଷାରେ ରହିଲା ଇ.ଭି.ଏମ, ଭି.ଭି ପ୍ୟାଡ୍‌ ମେଶିନ

ସୁରକ୍ଷାରେ ରହିଲା ଇ.ଭି.ଏମ, ଭି.ଭି ପ୍ୟାଡ୍‌ ମେଶିନ

ମାଲକାନଗିରି,୨୦।୯ (ଡି.ଏନ୍‌.ଏ.)- ମାଲକାନଗିରି ଜିଲା ସଦର ମହକୁମାରେ  ୩ଟି କ୍ୟାଣ୍ଟିନର୍‌ରେ ହରିୟାଣାରୁ ଆସିଥିବା ଇ.ଭି.ଏମ୍‌. ଓ ଭି.ଭି.ପ୍ୟାଡ୍‌ ମେଶିନ୍‌  ଆସି ପହଞ୍ଚତ୍ଛି ।  ଏହି ମେଶିନ୍‌ଗୁଡିକୁ  ସ୍ଥାନୀୟ ବାଳିକା ମହାବିଦ୍ୟାଳୟ ପରିସରରେ ଥିବା ଏକ କଠୋରିରେ  କଡା ସୁରକ୍ଷା ବଳୟରେ ରଖାଯାଇଛି । ନିର୍ବାଚନ ଅଧିକାରୀ ତଥା ଉପ ଜିଲାପାଳ ରାମେଶ୍ୱର ପ୍ରଧାନ ଓ ବିଭିନ୍ନ ପଦାଧିକାରୀଙ୍କ ଉପସ୍ଥିତିରେ ଏହି ମେଶିନ୍‌ଗୁଡିକୁ  ଯାଞ୍ଚ କରାଯାଇ ରଖାଯାଇଥିଲା। ପରେ ଏହି କୋଠରିକୁ ସିଲ୍‌ କରାଯାଇଥିଲା।

ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ଅଣଦେଖା : ଜିଲାପାଳଙ୍କ ଉଦ୍ଦେଶ୍ୟରେ ସ୍ମାରକପତ୍ର ଦେଲେ ୫ ସରପଞ୍ଚ

ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ଅଣଦେଖା : ଜିଲାପାଳଙ୍କ ଉଦ୍ଦେଶ୍ୟରେ ସ୍ମାରକପତ୍ର ଦେଲେ ୫ ସରପଞ୍ଚ

ପାରଳାଖେମୁଣ୍ଡି, ୨୦।୯(ସ୍ବ.ପ୍ର.)-ଗଜପତି ଜିଲା ଗୋଷାଣି ବ୍ଲକର ୫ଜଣ ସରପଞ୍ଚ ଓ ସମିତିସଭ୍ୟ ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ସେମାନଙ୍କ ଅଞ୍ଚଳ ପ୍ରତି ଅଣଦେଖା ଅଭିଯୋଗ ଆଣିଛନ୍ତି। ଏ ନେଇ ସେମାନେ  ଜିଲାପାଳଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ଦେଇଛନ୍ତି। ଗୋଷାଣୀ ବ୍ଲକର ମଧୂସୁଦନପୁର, ବୋମିକା, ରମ୍ପା, ଭୁଷୁକୁଡି ଏବଂ କତଲକଇଠା ପଞ୍ଚାୟତର ସରପଞ୍ଚ ଓ ସମିତିସଭ୍ୟମାନେ କହିଛନ୍ତି ଯେ, ସେମାନଙ୍କୁ ଅଣଦେଖା କରାଯାଇ ଅନ୍ୟ ପଞ୍ଚାୟତର ସଦସ୍ୟମାନଙ୍କ ଦ୍ୱାରା ବିଭିନ୍ନ ଉନ୍ନୟନ କାର୍ଯ୍ୟ ସମ୍ପାଦନ କରାଯାଉଛି। 

ନୂତନ ପୌର କାର୍ଯ୍ୟାଳୟ ଉଦ୍‌ଘାଟନକୁ ନେଇ ବିବାଦ ଘଟଣା: ଉପଜିଲାପାଳଙ୍କ ପାଖରେ ମତ ରଖିଲେ ୨ଦଳର କାଉନସିଲର

ନୂତନ ପୌର କାର୍ଯ୍ୟାଳୟ ଉଦ୍‌ଘାଟନକୁ ନେଇ ବିବାଦ ଘଟଣା: ଉପଜିଲାପାଳଙ୍କ ପାଖରେ ମତ ରଖିଲେ ୨ଦଳର କାଉନସିଲର

ପାରଳାଖେମୁଣ୍ଡି, ୨୦।୯ (ସ୍ବ.ପ୍ର.)-
ଗଜପତି ଜିଲା ପାରଳାଖେମୁଣ୍ଡିର ନୂତନ ପୌର କାର୍ଯ୍ୟାଳୟ ଉଦ୍‌ଘାଟନକୁ ନେଇ ବିବାଦ ଘଟଣାରେ  କଂଗ୍ରେସ ଓ ବିଜେଡିର କାଉନସିଲରମାନେ ଉପଜିଲାପାଳଙ୍କ ନିକଟରେ ନିଜର ଯୁକ୍ତି ଉପସ୍ଥାପନ କରିଛନ୍ତି । ଘଟଣାର ତ୍ୱରିତ ସମାଧାନ ପାଇଁ ସେମାନେ ନିବେଦନ ଜଣାଇଛନ୍ତି। ସୂଚନାଯୋଗ୍ୟ, ନୂତନ କାର୍ଯ୍ୟାଳୟ ଉଦଘାଟନକୁ ବିଜେଡି କାଉନସିଲରମାନେ ବେଆଇନ ଦର୍ଶାଇ ବିରୋଧ କରିଥିଲେ। ସେମାନଙ୍କୁ ଉଦ୍‌ଘାଟନ କାର୍ଯ୍ୟକ୍ରମରେ ଅଣଦେଖା କରାଯାଇଥିବା ମଧ୍ୟ ଅଭିଯୋଗ ଆଣିଥିଲେ।ଫଳରେ ବିବାଦ ସୃଷ୍ଟି ହୋଇଥିଲା। ଏନେଇ ଉଭୟ ଗୋଷ୍ଠୀ ପୋଲିସର ଦ୍ୱାରସ୍ଥ ହୋଇଥିଲେ। ଘଟଣାକ୍ରମେ କୋର୍ଟଙ୍କ ନିର୍ଦ୍ଦେଶାନୁଯାୟୀ ନୂତନ କାର୍ଯ୍ୟାଳୟ ପରିସରରେ ୧୪୪ ଧାରା ଜାରି ହୋଇଛି ।

କୁଜାସିଂ ପଞ୍ଚାୟତରେ ସରକାରୀ ଯୋଜନା ହରିଲୁଟ  ଅଭିଯୋଗ

କୁଜାସିଂ ପଞ୍ଚାୟତରେ ସରକାରୀ ଯୋଜନା ହରିଲୁଟ ଅଭିଯୋଗ

ପାରଳାଖେମୁଣ୍ଡି, ୨୦।୯(ସ୍ବ.ପ୍ର.)-
ଗଜପତି ଜିଲା ଗୁମ୍ମା ବ୍ଲକର କୁଜାସିଂ ପଞ୍ଚାୟତରେ ବିଭିନ୍ନ ସରକାରୀ ଯୋଜନା ହରିଲୁଟ ହେଉଥିବା ଅଭିଯୋଗ ଆଣିଛି ଭାଜପା। ଉକ୍ତ ପଞ୍ଚାୟତକୁ ଭାଜପାର ଏକ ଟିମ୍‌ ଗସ୍ତ କରିଥିଲା। ସେଥିରେ ଜିଲା ଭାଜପା ସାଧାରଣ ସମ୍ପାଦକ ଜଗନ୍ନାଥ ପ୍ରସାଦ ମହାପାତ୍ର, ପୂର୍ବତନ ସଭାପତି ସିଦ୍ଧେଶ୍ୱର ମିଶ୍ର, କୃଷକ ମୋର୍ଚ୍ଚା ସଭାପତି ପ୍ରଶାନ୍ତ କୁମାର ପାଳ, ଗୁମ୍ମା ମଣ୍ଡଳ ସଭାପତି ରାମକୃଷ୍ଣ ପାଇକ ପ୍ରମୁଖ ରହିଥିଲେ। ଏମାନେ ଅଭିଯୋଗ କରିଛନ୍ତି ଯେ, କୁଜାସିଂ ପଞ୍ଚାୟତର ମଣ୍ଡଳ ସାହି ଓ ଗମାଙ୍ଗ ସାହିରେ ବାସ କରୁଥିବା ପ୍ରାୟ ୧୦୦ ପରିବାର ୨ବର୍ଷ ହେବ କିରୋସିନି ପାଇନାହାନ୍ତି। ସେହିପରି କେନ୍ଦ୍ର ସରକାରଙ୍କ ଉଜ୍ୱାଲା ଯୋଜନା ଏଠାରେ ଠିକ୍‌ ଭାବେ କାର୍ଯ୍ୟକାରୀ କରାଯାଇ ନାହିଁ।

କଇଠପଦର ଆଦର୍ଶ ବିଦ୍ୟାଳୟରେ ୭ ନୂତନ ଶିକ୍ଷକ ନିଯୁକ୍ତ

କଇଠପଦର ଆଦର୍ଶ ବିଦ୍ୟାଳୟରେ ୭ ନୂତନ ଶିକ୍ଷକ ନିଯୁକ୍ତ

ରାୟଗଡ଼ (ଗଜପତି), ୨୦।୯(ଡି.ଏନ.ଏ.) - 
ଗଜପତି ଜିଲା ରାୟଗଡ ବ୍ଲକର କଇଠପଦର ଆଦର୍ଶ ବିଦ୍ୟାଳୟରେ ନବନିଯୁକ୍ତ ୭ଜଣ ଶିକ୍ଷୟିତ୍ରୀ ଶିକ୍ଷକଙ୍କୁ ସ୍ବାଗତ ସମ୍ବର୍ଦ୍ଧନା ଦିଆଯାଇଛି। ଏହି ଉପଲକ୍ଷେ  ଆୟୋଜିତ କାର୍ଯ୍ୟକ୍ରମରେ ଭାରପ୍ରାପ୍ତ ଅଧ୍ୟକ୍ଷ ସୁମନ୍ତ କୁମାର ଶତପଥି ଅଧ୍ୟକ୍ଷତା କରିଥିଲେ। ନୂତନ ଭାବେ କାର୍ଯ୍ୟରେ ଯୋଗଦେଇଥିବା ଗଣିତ ଶିକ୍ଷକ ଜି. ରାମକୃଷ୍ଣ, ସନ୍ତୋଷିନୀ ପାଢୀ, ବିଜ୍ଞାନ ଶିକ୍ଷକ ଅକ୍ଷୟ କୁମାର ମଲ୍ଲିକ, ନମିତା ପ୍ରଧାନ, ଓଡ଼ିଆ ଭାଷା ଶିକ୍ଷକ ବିଭୁଦତ୍ତ ଭୋଇ, ହିନ୍ଦି ଶିକ୍ଷୟିତ୍ରୀ ସୋନାଲି ମଲ୍ଲିକ, ସାମାଜିକ ବିଜ୍ଞାନ ଶିକ୍ଷକ ଇନ୍ଦ୍ରମଣି ଭୋଇଙ୍କ ସମେତ ଅନ୍ୟ ଶିକ୍ଷଞିତ୍ରୀ ଶିକ୍ଷକମାନେ ଉପସ୍ଥିତ ଥିଲେ।

ଭୁଶୁକୁଡ଼ିରେ ସ୍ବାସ୍ଥ୍ୟ ଶିବିର

ଭୁଶୁକୁଡ଼ିରେ ସ୍ବାସ୍ଥ୍ୟ ଶିବିର

ଗୋଷାଣି, ୨୦।୯(ଡି.ଏନ.ଏ.)-
ଗଜପତି ଜିଲା ଗୋଷାଣି ବ୍ଲକର ଭୁଶୁକୁଡି ପଞ୍ଚାୟତରେ   ବିଜୁ ଯୁବ ବାହିନୀ ପକ୍ଷରୁ ସ୍ବାସ୍ଥ୍ୟ ଶିବିର ଆୟୋଜିତ ହୋଇଯାଇଛି। ଏଥିରେ ୨୩୪ଜଣଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇ ଔଷଧ ଯୋଗାଇ ଦିଆଯାଇଥିଲା। ଗୁରାଣ୍ଡି ସ୍ବାସ୍ଥ୍ୟକେନ୍ଦ୍ରର ଡାକ୍ତର ପତିତପାବନ ବାରିକ ଯୋଗଦେଇ ରୋଗୀମାନଙ୍କ ସ୍ବାସ୍ଥ୍ୟ ପରୀକ୍ଷା କରିଥିଲେ। ବିଜୁ ଯୁବ ବାହିନୀର ଜିଲା ସଭାପତି ଚିନୁରାଜ, କେ. ଲିଙ୍ଗରାଜୁ, କେ. ପ୍ରଦୀପ ପ୍ରମୁଖ ଏହାକୁ ପରିଚାଳନା କରିଥିଲେ। ସେହିପରି ବଡକତୁରୁ ପଞ୍ଚାୟତରେ ବିଜୁ ଯୁବ ବାହିନୀର ସଦସ୍ୟମାନେ ଗାଁ ଗାଁ ବୁଲି ଆବର୍ଜନା ସଫେଇ କରିଥିଲେ। 

ଓମସା ବୈଠକ:  କ୍ୟାଡର ରୁଲକୁ ବିରୋଧ

ଓମସା ବୈଠକ: କ୍ୟାଡର ରୁଲକୁ ବିରୋଧ

ନବରଙ୍ଗପୁର,୨୦।୯(ବି.ପ୍ର.)-ଓମସା ନବରଙ୍ଗପୁର ଜିଲା ଶାଖା କମିଟି ପକ୍ଷରୁ ନବରଙ୍ଗପୁର ସଦର ମହକୁମା ଡାକ୍ତରଖାନା ପରିସର ବୈଠକ ଗୃହରେ ରାଜ୍ୟ ସଭାପତି ଡାକ୍ତର ନିରାକାର ଭଟ୍ଟଙ୍କ ଅଧ୍ୟକ୍ଷତାରେ ଏକ  ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଓମସାର ଡାକ୍ତର ସତ୍ୟବ୍ରତ ଛୋଟରାୟ, ଡାକ୍ତର ଶୁଭକାନ୍ତ  ଦାଶ, ଲିଲା ମିଶ୍ର, ବିଦ୍ୟୁତ ମିଶ୍ର, ସନ୍ତୋଷ କୁମାର ପଣ୍ଡା, ବିଜୟ କୁମାର ପଣ୍ଡା, ସୁକାନ୍ତ ରଥ, ପ୍ରିୟ ରଞ୍ଜନ ବାହାଲି ପ୍ରମୂଖ  ଯୋଗ ଦେଇ ଆଲୋଚନା କରିଥିଲେ। ଓମସାକୁ ଅନ୍ଧକାରରେ ରଖି ସରକାର ୨୦୧୮ କ୍ୟାଡର ରୁଲ କ୍ୟାବିନେଟରେ ପାସ କରିଛନ୍ତି । ତୁରନ୍ତ  ଏହାର ପ୍ରତ୍ୟାହାର କରାଯାଉ ବୋଲି ସଂଘ ପକ୍ଷରୁ ଦାବି କରାଯାଇଛି । ୨୦୧୦ ଏପ୍ରିଲ ୭ ତାରିଖରୁ ଦୀର୍ଘ ୮ ବର୍ଷ ଧରି ମୁଖ୍ୟମନ୍ତ୍ରୀଙ୍କ ଦ୍ୱାରା ପ୍ରସ୍ତୁତ ମିନିଷ୍ଟ୍ରିଆଲ କମିଟି ଡିଏସିପି ପ୍ରଦାନ ପାଇଁ ନିଷ୍ପତ୍ତି ନେବାର ଟାଳଟୁଳ ନୀତୀ ଅବଲମ୍ବନ କରୁଛି । ଏହି ଘଟଣାକୁ ଓମସା ଗୁରୁତ୍ୱର ଭାବେ ନେଇଛି ା ଓଡିଶାରେ ୮ ଶହ ଡାକ୍ତର ଓ କଣ୍ଟ୍ରାଚ୍ୟୁଆଲ ଡାକ୍ତର ନିରବଚ୍ଛିନ୍ନ ଭାବେ ସେବା ପ୍ରଦାନ କରିଆସୁଛନ୍ତି । ସେମାନଙ୍କୁ ସ୍ଥାୟୀ ନିଯୁକ୍ତି ପ୍ରଦାନ ପାଇଁ ଓମସା ପକ୍ଷରୁ ଦାବି ହୋଇଛି । ସ୍ବାସ୍ଥ୍ୟ ବିଭାଗ ସେମାନଙ୍କୁ ସ୍ଥାୟୀ କରିବା ପରିବର୍ତ୍ତେ କେବଳ ବର୍ଷକୁ ୩ ମାର୍କ ହିସାବରେ ଓପିଏଏସସି ପରୀକ୍ଷାରେ  ଉକ୍ତ ଡାକ୍ତର ମାନଙ୍କୁ ଗ୍ରେସ ମାର୍କ ଦେବା ପାଇଁ ନିଷ୍ପତ୍ତିି ନେଇଛି। କଣ୍ଟ୍ରାଚ୍ୟୁଆଲ ଡାକ୍ତରଙ୍କୁ ଏଥିରେ ଅଣ ଦେଖା କରାଯାଇଥିବାରୁ  ଏହାର ତୀବ୍ର ପ୍ରତିବାଦ କରାଯାଇଥିଲା । 

ନବରଙ୍ଗପୁର ପଞ୍ଚାୟତ ସମିତିର ଜନଶୁଣାଣି

ନବରଙ୍ଗପୁର ପଞ୍ଚାୟତ ସମିତିର ଜନଶୁଣାଣି

ନବରଙ୍ଗପୁର,୨୦।୯(ବି.ପ୍ର.)-ନବରଙ୍ଗପୁର ବ୍ଲକ କାର୍ଯ୍ୟାଳୟ ବୈଠକ ଗୃହରେ ୨୦୧୭-୧୮ ବର୍ଷ ଏମଜିଏନଆରଇଜିଏସ  ଯୋଜନାର ଜନଶୁଣାଣି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ଜନଶୁଣାଣି କାର୍ଯ୍ୟ କାରିଣି କମିଟି ସଭାପତି ତଥା ଜିଲାପାଳ ଡଃ. ଅଜିତ କୁମାର ମିଶ୍ର ଯୋଗ ଦେଇ ପ୍ରଥମେ ବୈଠକ ଗୃହର ଦୂରାବସ୍ଥା ଦେଖି ବିରକ୍ତ ପ୍ରକାଶ କରିଥିଲେ । ଦୀର୍ଘ ଦିନରୁ ଗୃହ ମରାମତି ପାଇଁ ଦାବୀ ହୋଇ ଆସୁଥିଲେ ମଧ୍ୟ ଗୁରୁତ୍ୱ ଦିଆଯାଉନଥିଲା ବୋଲି ସମିତି ସଭ୍ୟା ସଭ୍ୟ ମାନେ ଅଭିଯୋଗ କରିଥିଲେ । ତୁରନ୍ତ ଏହାର ମରାମତି ଆକଳନ କରି ଦେବାକୁ ଜିଲାପାଳ କହିଥିଲେ । ଏମଜିଏନଆରଇଜିଏସର ଅଗ୍ରଗତି ଓ ଶ୍ରମିକ କେତେ ଟଙ୍କା ପାଇ ନାହାନ୍ତି,  ବକେୟା ଟଙ୍କା କଣ ରହିଛି ଜାଣିବା ପାଇଁ ଜିଲାପାଳ ତଥ୍ୟ ମାଗିଥିଲେ । ତେବେ ଏସମସ୍ତ କାଗଜ ପତ୍ର ତାଲାପଡି ରହିଛି । ତତ କାଳିନ ବିଡିଓ ଓ  ଏପିଇଓ ତହା ଦେଇ ନଥିବା ଅଭିଯୋଗ ହୋଇଥିଲା ।