ରାୟଗଡା

ବିଚ୍ଛିନ୍ନାଞ୍ଚଳରେ ପୋଲିସ ପାଇଁ ଚ୍ୟାଲେଞ୍ଜ ଲାଲବାହିନୀର ଲାଲକୋଠି

ବିଚ୍ଛିନ୍ନାଞ୍ଚଳରେ ପୋଲିସ ପାଇଁ ଚ୍ୟାଲେଞ୍ଜ ଲାଲବାହିନୀର ଲାଲକୋଠି

ମାଲକାନଗିରି,୩୦।୧୧(ଡି.ଏନ୍‌.ଏ./ସ୍ବ.ପ୍ର.)-ଲାଲ ରଙ୍ଗରେ ଚିତ୍ରିତ ହୋଇଛି ଗୋଟିଏ ଘର। ଚାରିପାଖରେ ତାରବାଡ଼। ଏହା ହେଉଛି ବିଏସ୍‌ଏଫ୍‌ ଭଳି ମାଓବାଦୀଙ୍କ ସମାନ୍ତରାଳ କ୍ୟାମ୍ପ। ପୋଲିସ ଓ ଅନ୍ୟ ନିରାପତ୍ତା ବାହିନୀକୁ ଚ୍ୟାଲେଞ୍ଜ କରି ମାଲକାନଗିରି ଜିଲା ବିଚ୍ଛିନ୍ନାଞ୍ଚଳର କତାଗୁଡ଼ାରେ ମାଓବାଦୀମାନେ ପ୍ରଥମଥର ପାଇଁ ଏକ ସ୍ଥାୟୀ କ୍ୟାମ୍ପ ସ୍ଥାପନ କରିଛନ୍ତି। ୨ ତାରିଖରୁ ୧୮ତମ ପିଏଲ୍‌ଜିଏ ସପ୍ତାହ ଆରମ୍ଭ ହେଉଥିବା ବେଳେ ଏହାର ପ୍ରଥମ ଦିବସରେ ଲାଲବାହିନୀ ଏହି କ୍ୟାମ୍ପର ଶୁଭାରମ୍ଭ କରିବ ବୋଲି ଅନୁମାନ କରାଯାଉଛି। ସଙ୍ଗଠନରେ ଯୁବତୀ ଯୁବକମାନେ ସାମିଲ ହେବା ପାଇଁ ଆହ୍ବାନ ଦେଇ ମାଓବାଦୀମାନେ ବିଭିନ୍ନ ସ୍ଥାନରେ ପୋଷ୍ଟର ମଧ୍ୟ ମାରିଛନ୍ତି।
ଗତ ବର୍ଷ ଅକ୍ଟୋବର ୨୪ରେ ଆନ୍ଧ୍ର ଗ୍ରେହାଉଣ୍ଡ ଓ ଓଡ଼ିଶା ପୋଲିସର ମିଳିତ ଏନକାଉଣ୍ଟରରେ ୩୦ ଜଣ କ୍ୟାଡର ମାଓବାଦୀ ନିହତ ହୋଇଥିଲେ। ମାଓବାଦୀ ନିରୋଧୀ ଅଭିଯାନ କ୍ରମରେ ଏହା ସବୁଠାରୁ ବଡ଼ ଅପରେସନ ଥିଲା। ଏହାପରେ ଲାଲବାହିନୀ ସଙ୍ଗଠନ ଦୁର୍ବଳ ହେଉଛି ବୋଲି ପୋଲିସ ବିଭିନ୍ନ ସମୟରେ ଦାବି କରିଆସୁଥିଲା। ତେବେ କିଛିଦିନ ତଳେ ସେଠାରେ ସଙ୍ଗଠନ ସଜାଡ଼ିବା ପାଇଁ ମାଓବାଦୀମାନେ ନୂଆ ରଣନୀତି ପ୍ରସ୍ତୁତ କରୁଥିବା ନେଇ ବିସ୍ତୃତ ଖବର ପ୍ରକାଶ କରିଥିଲା ‘ଧରିତ୍ରୀ’। ପୋଲିସ ଓ ବିଏସ୍‌ଏଫ୍‌କୁ ଚ୍ୟାଲେଞ୍ଜ କରି ମାଓବାଦୀମାନେ କତାଗୁଡ଼ାରେ ସମାନ୍ତରାଳ କ୍ୟାମ୍ପ ବସାଇବା ପରେ ସେମାନଙ୍କ ସ୍ଥିତି ଦୃଢ଼ ହେଉଥିବା ଏଥିରୁ ସ୍ପଷ୍ଟ ହେଉଛି। ପୂର୍ବରୁ ମାଓବାଦୀମାନେ ଶହୀଦ ସ୍ତମ୍ଭ ଓ ଅସ୍ଥାୟୀ କ୍ୟାମ୍ପ ନିର୍ମାଣ କରୁଥିଲେ। ଗତବର୍ଷ ଚିତ୍ରକୋଣ୍ଡାର ଗୋରାସେତୁରେ ମଧ୍ୟ ସେହିଭଳି ଏକ ଅସ୍ଥାୟୀ କ୍ୟାମ୍ପ ହୋଇଥିଲା। ଏବେ କିନ୍ତୁ ସେମାନେ ସମାନ୍ତରାଳ ସ୍ଥାୟୀ କ୍ୟାମ୍ପ ବସାଇ ୨ ତାରିଖରୁ ଆରମ୍ଭ ହେଉଥିବା ପିଏଲ୍‌ଜିଏ ସପ୍ତାହର ପ୍ରଥମ ଦିବସରେ ଏହାର ଶୁଭାରମ୍ଭ କରିବେ ଓ ଏହି ଅବଧି ଭିତରେ ସେମାନେ ବହୁମାତ୍ରାରେ ଯୁବତୀ ଯୁବକଙ୍କୁ ସଙ୍ଗଠନରେ ସାମିଲ କରିବା ପାଇଁ ଯୋଜନା କରିଛନ୍ତି। ମାଓବାଦୀ ଦମନ ପାଇଁ ନିରାପତ୍ତା ବାହିନୀ ଘନ ଘନ ବୈଠକ କରୁଛି। ଗତ ଅକ୍ଟୋବର ୨୬ରେ ପୋଲିସ ଡିଜି ଆର୍‌.ପି. ଶର୍ମା ଓ ଦୁଇଦିନ ତଳେ କେନ୍ଦ୍ର ଗୃହ ମନ୍ତ୍ରଣାଳୟର ବରିଷ୍ଠ ସୁରକ୍ଷା ପରାମର୍ଶଦାତା କେ. ବିଜୟ କୁମାର ମାଲକାନଗିରି ଆସି ସୁରକ୍ଷା ବ୍ୟବସ୍ଥା ଓ ମାଓବାଦୀ ରଣନୀତି ସମୀକ୍ଷା କରି ଫେରିଥିଲେ। ଏହା ସତ୍ତ୍ୱେ ମାଓବାଦୀଙ୍କ ସ୍ଥାୟୀ କ୍ୟାମ୍ପ ବିଚ୍ଛିନ୍ନାଞ୍ଚଳରେ ସେମାନଙ୍କ ସ୍ଥିତିକୁ ଅଭେଦ୍ୟ ଓ ନିଶ୍ଚିତ କରିଛି। ଅନ୍ୟପକ୍ଷରେ ୧୮ତମ ପିଏଲ୍‌ଜି ସପ୍ତାହ ପାଇଁ ଗୁରୁବାର ମାଲକାନଗିରିର ବିଭିନ୍ନ ସ୍ଥାନରେ ପୋଷ୍ଟର ଲଗାଇଛନ୍ତି ମାଓବାଦୀ। କାଲିମେଳା ବ୍ଲକର ବଡିଗେଟା, ଟେକଗୁଡ଼ା, ପଡିଆ, ଚିତ୍ରକୋଣ୍ଡା, ମାଥିଲି ବ୍ଲକର ସାଲିମି ଓ ମହୁପଦର ଅଞ୍ଚଳରେ ଗୁରୁବାର ଏହି ପୋଷ୍ଟର ସବୁ ଦେଖିବାକୁ ମିଳିଥିଲା। ମାଲକାନଗିରି ଏସ୍‌ପି ଜଗମୋହନ ମୀନା କହିଛନ୍ତି ଯେ, ମାଓବାଦୀଙ୍କ ଦ୍ୱାରା ନିର୍ମିତ ହୋଇଥିବା ଏହି ଲାଲକୋଠିର ଫଟୋ ଦୁଇମାସ ତଳେ ଭାଇରାଲ ହୋଇଥିଲା। ପିଏଲ୍‌ଜିଏ ସପ୍ତାହ ପାଇଁ ବିଚ୍ଛିନ୍ନାଞ୍ଚଳରେ ସ୍ବତନ୍ତ୍ର ଅପରେସନ କରାଯିବ। କୋମ୍ବିଂ ଜୋରଦାର କରାଯିବା ସହ ବିଏସ୍‌ଏଫ୍‌ ଦ୍ୱାରା ଏରିଆ ଡମିନେସନ କରାଯିବ।

All Right Reserved By

ରାୟଗଡା

ସୀମାନ୍ତରୁ ୬ ମାଓବାଦୀ ଗିରଫ

ମାଲକାନଗିରି, ୨୦।୭(ସ୍ବ.ପ୍ର.)- ସୀମାନ୍ତ ଛତିଶଗଡ ରାଜ୍ୟ ନାରାୟଣପୁର ଜିଲା ଅରୋଛା ଥାନା ଅନ୍ତର୍ଗତ ମଣ୍ଡାଲି ଜଙ୍ଗଲରେ ସନ୍ଦେହଜନକ ଭାବେ ବୁଲୁଥିବା ୬ଜଣ ମାଓବାଦୀଙ୍କୁ ଜିଲା ପୋଲିସ ଗିରଫ କରିଛି।

ଘାଟି ରାସ୍ତା ମରାମତି ପରେ ଚଳାଚଳ ସ୍ବାଭାବିକ ହେଲା

ମାଲକାନଗିରି, ୨୦।୭(ସ୍ବ.ପ୍ର.)-ମାଲକାନଗିରିରୁ ଜୟପୁରକୁ ସଂଯୋଗ କରୁଥିବା ଗୋବିନ୍ଦପାଲୀ ଘାଟିରେ ଶୁକ୍ରବାର ସକାଳୁ ବର୍ଷା ଯୋଗୁ ପାହାଡରୁ ପ୍ରବଳ ବେଗରେ ବର୍ଷାଜଳ ପ୍ରଭାବିତ ହେବାରୁ ରାସ୍ତା ଧୋଇ ହୋଇଯାଇଥିଲା।

କୋରାପୁଟରୁ ୪ ମାଛ ନମୁନା ପରୀକ୍ଷା ପାଇଁ ଭୁବନେଶ୍ୱର ପଠାଗଲା

କୋରାପୁଟରୁ ୪ ମାଛ ନମୁନା ପରୀକ୍ଷା ପାଇଁ ଭୁବନେଶ୍ୱର ପଠାଗଲା

କୋରାପୁଟ,୨୦ା୭(ସ୍ବ.ପ୍ର)-ଆନ୍ଧ୍ରରୁ ଆସୁଥିବା ମାଛରେ ଫର୍ମାଲିନ ମିଶୁଥିବା ନେଇ ଗଣମାଧ୍ୟମରେ ଖବର ପ୍ରସାରିତ ହେବା ପରେ ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ କୋରାପୁଟ ସହରରୁ ୪ଟି ମାଛ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ଭୁବନେଶ୍ୱର ପଠାଯାଇଛି ା କୋରାପୁଟ ଜିଲା ଖାଦ୍ୟ ସୁରକ୍ଷା ଅଧିକାରୀ ଜିତେନ୍ଦ୍ର ମହନ୍ତଙ୍କ ନେତୃତ୍ୱରେ ଏକ ବିଭାଗୀୟ ଦଳ ସହରର ହାଟପଦା ଓ ଦୈନିକ ବଜାରରୁ ଏହି ୪ଟି ମାଛ ନମୁନା ସଂଗ୍ରହ କରି ପରୀକ୍ଷା ପାଇଁ ଭୁବେନେଶ୍ୱର ପଠାଇଛନ୍ତି।

କୋରାପୁଟ ଜିଲାରେ ପ୍ରବଳ ବର୍ଷା: ଜନଜୀବନ ଅସ୍ତବ୍ୟସ୍ତ

କୋରାପୁଟ ଜିଲାରେ ପ୍ରବଳ ବର୍ଷା: ଜନଜୀବନ ଅସ୍ତବ୍ୟସ୍ତ

କୋରାପୁଟ,୨୦।୭(ସ୍ବ.ପ୍ର)-କୋରାପୁଟ ଜିଲାର ବିଭିନ୍ନ ଅଞ୍ଚଳରେ ଶୁକ୍ରବାର ସକାଳୁ ପ୍ରବଳ ବର୍ଷା ଲାଗିରହିଛି। ଫଳରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି । ବିଶେଷକରି ଲମତାପୁଟ, ନନ୍ଦପୁର, ବନ୍ଧୁଗାଁ, ଦଶମନ୍ତପୁର,ସେମିଳିଗୁଡା, କୋରାପୁଟ, ଜୟପୁର ଆଦି ଅଞ୍ଚଳରେ ପ୍ରବଳ ବର୍ଷା ହୋଇଥିବା ଜଣାଯାଇଛି । ଏଥିଯୋଗୁ ବିଭିନ୍ନ ସ୍ଥାନରେ ବର୍ଷାଜଳ ରାସ୍ତା ଉପରେ ପ୍ରବାହିତ ହେଉଛି। କୋରାପୁଟ ସହରର ମାଇନିଂ ଉପନିର୍ଦ୍ଦେଶକଙ୍କ କାର୍ଯ୍ୟାଳୟ ସମ୍ମୁଖ ୨୬ନଂ. ଜାତୀୟ ରାଜପଥ ଉପରେ ୨ଫୁଟର ବର୍ଷାଜଳ ପ୍ରବାହିତ ହେଉଛି ।

ଗଜପତି ଜିଲା:୧୫ଦିନରେ ୧୧ଡେଙ୍ଗୁ ରୋଗୀ ଚିହ୍ନଟ

ଗଜପତି ଜିଲା:୧୫ଦିନରେ ୧୧ଡେଙ୍ଗୁ ରୋଗୀ ଚିହ୍ନଟ

ପାରଳାଖେମୁଣ୍ଡି,୨୦।୭(ସ୍ବ.ପ୍ର.)- ଗଜପତି ଜିଲାରେ ପୁଣି ଜଣେ ଡେଙ୍ଗୁ ରୋଗୀଙ୍କୁ ଚିହ୍ନଟ କରାଯାଇଛି। ସେ ହେଲେ ଗୋଷାଣି ବ୍ଲକ ଚନ୍ଦନଖଳାର ଏସ୍‌.ବୃନ୍ଦାବତୀ (୫୫)। ସମ୍ପ୍ରତି ଜିଲା ମୁଖ୍ୟ ଚିକିତ୍ସାଳୟରେ ବୃନ୍ଦାବତୀ ଚିକିତ୍ସିତ ହେଉଛନ୍ତି। ଅନ୍ୟ ୧୦ ଡେଙ୍ଗୁ ରୋଗୀ ଏଠାରେ ଚିକିତ୍ସା ପରେ ନିଜ ଘରକୁ ଫେରିଯାଇଛନ୍ତି। ଗତ ୧୫ଦିନ ମଧ୍ୟରେ ମୋଟ ୧୧ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଥିବା ସୂଚନା ମିଳିଛି। ଜିଲା ମୁଖ୍ୟ ଚିକିତ୍ସାଧିକାରୀ ବିପିନ ବିହାରୀ ପାଣିଗ୍ରାହୀ କହିଛନ୍ତି ଯେ, ଜୁନ ୩୦ତାରିଖଠାରୁ ଗତ ୧୫ତାରିଖ ମଧ୍ୟରେ ଗଜପତି ଜିଲାରେ ୧୧ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି ା

ଅସ୍ବାଭାବିକ ଭାବେ ବଢୁଛି ହାତ: ଚିକିତ୍ସାରେ ଅର୍ଥ ବାଧକ

ଅସ୍ବାଭାବିକ ଭାବେ ବଢୁଛି ହାତ: ଚିକିତ୍ସାରେ ଅର୍ଥ ବାଧକ

ଗୁଣପୁର,୨୦।୭(ଡି.ଏନ୍‌.ଏ.): ଅସ୍ବାଭାବିକ ଭାବେ ବୃଦ୍ଧି ପାଉଛି ହାତ। ଚାଲାବୁଲା କରିବା କଷ୍ଟ ହେଉଛି। ହାତର ଓଜନ ଏପରି ବୃଦ୍ଧି ପାଉଛି ତାହାକୁ ଉଠାଇବା ଏବେ କଷ୍ଟକର। ଘୋଷାଡ଼ି ଘୋଷାଡ଼ି ଯୁବତୀ ଜଣଙ୍କ ହାତକୁ ନେଉଛନ୍ତି। ଏହା ହେଉଛି ରାୟଗଡା ଜିଲା ପଦ୍ମପୁର ବ୍ଲକ ପେରୁପାଙ୍ଗ ଗ୍ରାମର ମିତା ଶବରଙ୍କ କାହାଣୀ। ଅର୍ଥ ଅଭାବରୁ ଏବେ ତାଙ୍କ ଚିକିତ୍ସା ମଧ୍ୟ ହୋଇପାରୁନି। ଭଉଣୀ କୁମାରୀଙ୍କ ସହ ରହୁଥିବା ମିତା ଏବେ ସରକାରୀ ସହାୟତାକୁ ଅପେକ୍ଷା କରି ରହିଛନ୍ତି।

ଜିଲାସ୍ତରୀୟ ସ୍ବାଧୀନତା ଦିବସ ପ୍ରସ୍ତୁତି ବୈଠକ

ଜିଲାସ୍ତରୀୟ ସ୍ବାଧୀନତା ଦିବସ ପ୍ରସ୍ତୁତି ବୈଠକ

ରାୟଗଡା ଅଫିସ୍‌, ୨୦।୭: ଜିଲାସ୍ତରୀୟ ସ୍ବାଧିନତା ଦିବସ ପାଳନ ନିମନ୍ତେ ଏକ ପ୍ରସ୍ତୁତି ବୈଠକ ସ୍ଥାନୀୟ ଜିଲାପାଳଙ୍କ କାର୍ଯ୍ୟାଳୟ ଚିନ୍ତନ କକ୍ଷଠାରେ ଅନୁଷ୍ଠିତ ହୋଇଯାଇଛି। ଏଥିରେ ଜିଲାପାଳ ଗୁହା ପୁନମ ତାପସ କୁମାର ଅଧ୍ୟକ୍ଷତା କରିଥିଲେ। ବୈଠକରେ ଅତିରିକ୍ତ ଜିଲାପାଳ ସୁଧାକର ଶବର, ଜିଲା ମୁଖ୍ୟ ଚିକିତ୍ସାଧିକାରୀ ଡା. ଚନ୍ଦ୍ରିକା ପ୍ରସାଦ ଦାସ, ଉପଆରକ୍ଷୀ ଅଧୀକ୍ଷକ ଅନନ୍ତ ପ୍ରସାଦ ମଲ୍ଲିକ ପ୍ରମୁଖ ଯୋଗ ଦେଇ ସ୍ବାଧିନତା ଦିବସ କିଭଳି ଶାନ୍ତିଶୃଙ୍ଖଳାରେ ପାଳନ କରାଯିବ ସେ ନେଇ ଆଲୋଚନା କରିଥିଲେ।

ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ: ୪ ଏସ୍‌ଏଚ୍‌ଜିକୁ କୃଷି ଋଣ

ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ: ୪ ଏସ୍‌ଏଚ୍‌ଜିକୁ କୃଷି ଋଣ

ବିଷମକଟକ,୨୦।୭ (ଡି.ଏନ୍‌.ଏ.): ବିଷମକଟକ ବ୍ଲକ ବେଥିଆପଡା ପଞ୍ଚାୟତସ୍ଥିତ ରାଜୀବ ଗାନ୍ଧୀ ସେବା କେନ୍ଦ୍ରରେ ଓଡ଼ିଶା ସରକାରଙ୍କ ସମବାୟ ଆନୁକୂଲ୍ୟରେ ବିଷମକଟକ ଲ୍ୟାମ୍ପ୍‌ସ ପକ୍ଷରୁ ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ଲ୍ୟାମ୍ପ୍‌ସ ଜରିଆରେ କୃଷକମାନଙ୍କ ପାଇଁ ରହିଥିବା ବିଭିନ୍ନ ଯୋଜନା ସମ୍ପର୍କରେ ଆଲୋଚନା କରାଯିବା ସହ ଚାଷୀମାନେ ଏହାଦ୍ୱାରା ଉପକୃତ ହେବେ ବୋଲି ଅତିଥିମାନେ କହିଥିଲେ। କାର୍ଯ୍ୟକ୍ରମରେ ଦୁର୍ଗୀ ଗ୍ରାମର ୪ଟି ମହିଳା ସ୍ବୟଂ ସହାୟକ ଗୋଷ୍ଠୀକୁ ୫୦ ହଜାର ଟଙ୍କା ଲେଖାଏ କୃଷି ଋଣ ପ୍ରଦାନ କରାଯାଇଛି।

ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ

ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ

ଧୋଡ୍ରା, ୨୦।୭(ଡି.ଏନ୍‌.ଏ.): ନବରଙ୍ଗପୁର ଝରିଗାଁ ଲ୍ୟାମ୍ପସ ପକ୍ଷରୁ ପୁର୍ଲା ଡିଏନ୍‌କେ ପୂଜା ମଣ୍ଡପରେ ସମବାୟ ଆପଣଙ୍କ ଦ୍ୱାରରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଝରିଗାଁ ଲ୍ୟାମ୍ପସ୍‌ ସଭାପତି ବାସନ୍ତି ଗଣ୍ଡଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଝରିଗାଁ ଜୋନ୍‌ ୩ ଜିଲା ପରିଷଦ ସଭ୍ୟ ପଦ୍ମନାଭ ପାଣ୍ଡେ ମୁଖ୍ୟଅତିଥି ଭାବେ ଯୋଗଦେଇ ଥିଲେ। ସମ୍ମାନିତ ଅତିଥିଭାବେ ମଞ୍ଜୁଲତା ପନକା, ମୁଖ୍ୟବକ୍ତାଭାବେ ଉମରକୋଟ କେସିସି ବ୍ୟାଙ୍କ ପରିଚାଳକ ଜଗବନ୍ଧୁ ବିଶୋଇ ଉପସ୍ଥିତ ଥିଲେ।

ସ୍ବଚ୍ଛତା ଉପରେ ଉପଜିଲାପାଳଙ୍କ ଗୁରୁତ୍ୱ

ସ୍ବଚ୍ଛତା ଉପରେ ଉପଜିଲାପାଳଙ୍କ ଗୁରୁତ୍ୱ

ବାଲିମେଳା,୨୦।୭(ଡି.ଏନ୍‌.ଏ.): କୋରକୋଣ୍ଡା ବ୍ଲକ ଅନ୍ତର୍ଗତ ବାଲିମେଳା ଏନ୍‌ଏସିରେ ବିଗତ ୩ ବର୍ଷ ମଧ୍ୟରେ ସ୍ବଚ୍ଛ ଭାରତ ଅଭିଯାନ ଲଗାତାର ବିଫଳ ହେଉଥିବାରୁ ଜିଲା ପ୍ରଶାସନ ତରଫରୁ କଡାକଡି ଭାବେ ପଦକ୍ଷେପ ଗ୍ରହଣ କରାଯାଇଛି । ଉପଜିଲାପାଳ ଲିଙ୍ଗରାଜ ପଣ୍ଡା, ଏନ୍‌ଏସି ଅଧ୍ୟକ୍ଷା ଲକ୍ଷ୍ମୀ ପାଙ୍ଗି, ଚିତ୍ରକୋଣ୍ଡା ଏସ୍‌ଡିପିଓ, ସ୍ବଚ୍ଛତା ଅଭିଯାନର ନୋଡାଲ ଅଫିସର ମାନସ ରଞ୍ଜନ ବାରିକ ପ୍ରମୁଖ ବୈଠକରେ ଉପସ୍ଥିତ ଥିଲେ। ଶୁକ୍ରବାରଠାରୁ ଚଳିତ ମାସ ଶେଷ ସୁଦ୍ଧା ମୁକ୍ତ ଆକାଶ ତଳେ କୌଣସି ବ୍ୟକ୍ତି ଶୌଚ କରିବା ଦଣ୍ଡନୀୟ ବୋଲି ଧାର୍ଯ୍ୟ କରାଯାଇଥିଲା ।

ମହିଳା ସଂଘ ବୈଠକ: ଗଠନ ହେଲା ୩ ମହିଳା ଗୋଷ୍ଠୀ

ମହିଳା ସଂଘ ବୈଠକ: ଗଠନ ହେଲା ୩ ମହିଳା ଗୋଷ୍ଠୀ

ପାରଳାଖେମୁଣ୍ଡି,୨୦।୭(ସ୍ବ.ପ୍ର.): ଗଜପତି ଜିଲା ପାରଳାଖେମୁଣ୍ଡି ପୌରପରିଷଦ ଅଧୀନ ୩ନମ୍ବର ୱାର୍ଡସ୍ଥିତ ଅଙ୍ଗନଓ୍ବାଡ଼ି କେନ୍ଦ୍ରରେ ଏକ ମହିଳା ସଂଘର ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ସ୍ଥାନୀୟ କାଉନସିଲର ଖଗେଶ୍ୱରୀ ବେହେରା ଯୋଗଦେଇ ମହିଳାମାନଙ୍କୁ ବହି, କଲମ ଓ ବିଭିନ୍ନ ପ୍ରକାର ଶିକ୍ଷା ଉପକରଣ ପ୍ରଦାନ କରିଥିଲେ। ସମ୍ମାନିତ ଅତିଥି ଭାବେ ଅଙ୍ଗନଓ୍ବାଡ଼ି କର୍ମୀ ତପସ୍ବିନୀ ବେହେରା ଯୋଗଦେଇ ଏହି ଗୋଷ୍ଠୀଗୁଡିକ ନିକଟରେ ସରକାରୀ ଯୋଜନା ପହଞ୍ଚତ୍ବା ଉପରେ ଗୁରୁତ୍ୱାରୋପ କରିଥିଲେ। ବୈଠକରେ ୫୦ରୁ ଊର୍ଦ୍ଧ୍ୱ ମହିଳା ଉପସ୍ଥିତ ଥିବା ବେଳେ ତିନୋଟି ମହିଳା ଗୋଷ୍ଠୀ ଗଠନ କରାଯାଇଥିଲା।

ଏନ୍‌ଏସ୍‌ଏସ୍‌ର ସ୍ବତନ୍ତ୍ର ଶିବିର ଉଦ୍‌ଯାପିତ

ଏନ୍‌ଏସ୍‌ଏସ୍‌ର ସ୍ବତନ୍ତ୍ର ଶିବିର ଉଦ୍‌ଯାପିତ

ରାୟଗଡ଼,୨୦।୭(ଡି.ଏନ.ଏ): ଗଜପତି ଜିଲା ରାୟଗଡ଼ ବ୍ଲକର ସେବକପୁର ଗ୍ରାମରେ ସପ୍ତାହେ ବ୍ୟାପି ଚାଲିଥିବା ଗୁରୁକୁଳ ପର୍ଶୁରାମ ମହାବିଦ୍ୟାଳୟର ଏନ୍‌ଏସ୍‌ଏସ୍‌ର ସ୍ବତନ୍ତ୍ର ଶିବିର ଉଦ୍‌ଯାପିତ ହୋଇ ଯାଇଛି। ଏହି ଉପଲକ୍ଷେ ମହାବିଦ୍ୟାଳୟରେ ଆୟୋଜିତ କାର୍ଯ୍ୟକ୍ରମରେ ଏନ୍‌ଏସ୍‌ଏସ୍‌ ପ୍ରୋଗ୍ରାମ ଅଫିସର ଶଶିକାନ୍ତ ମହାପାତ୍ର ଅଧ୍ୟକ୍ଷତା କରିଥିଲେ। ମୁଖ୍ୟ ଅତିଥି ଭାବେ ଜିଲା ପରିଷଦ ଉପାଧ୍ୟକ୍ଷ ଆର୍‌. ବିଜୟ କୁମାର ଏବଂ ମୁଖ୍ୟ ବକ୍ତା ଭାବେ ସ୍ଥାନୀୟ କଲେଜ ସମ୍ପାଦକ ବାଳକୃଷ୍ଣ ବାଣୁଆରାୟ ଯୋଗଦେଇଥିଲେ।

Model This Week

ରୂପେଶ