ସମ୍ବଲପୁର, ୧-୧୨ ଆନ୍ଧ୍ର ବ୍ୟାଙ୍କର ୯୪ ବର୍ଷ ପୂର୍ତ୍ତି ଅବସରରେ ଆଞ୍ଚଳିକ ଶାଖା କାର୍ଯ୍
ସମ୍ବଲପୁର, ୧-୧୨
ଆନ୍ଧ୍ର ବ୍ୟାଙ୍କର ୯୪ ବର୍ଷ ପୂର୍ତ୍ତି ଅବସରରେ ଆଞ୍ଚଳିକ ଶାଖା କାର୍ଯ୍ୟାଳୟରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ବ୍ୟାଙ୍କର ଆଞ୍ଚଳିକ ପ୍ରବନ୍ଧକ ଅଶୋକ କୁମାର ମହାନ୍ତି ଅତିଥିଭାବେ ଯୋଗ ଦେଇ ଏହାକୁ ଉଦ୍ଘାଟନ କରିଥିଲେ। ଏଥିରେ ଜିଲା ରକ୍ତ ଭଣ୍ଡାର ଅଧିକାରୀ ଡାକ୍ତର ଏସ୍. କେ. ପଣ୍ଡା ଅନ୍ୟତମ ଅତିଥି ଭାବେ ଯୋଗ ଦେଇ ରକ୍ତଦାନ ସମ୍ବନ୍ଧୀୟ ବିଭିନ୍ନ ଉପାଦେୟ ଉପରେ ସୂଚନା ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ‘ଉତ୍ସର୍ଗ’ର ସୁଧୀର ପୂଜାରୀ, ଡ. ବିଜୟ ପ୍ରଧାନ ପ୍ରମୁଖ ଉପସ୍ଥିତ ଥିଲେ।
ନୂଆଦିଲ୍ଲୀ,୧୮-୭(ପି.ଟି.) ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍ବି), କର୍ପୋରେଶନ ବ୍ୟାଙ୍କ, ଆନ୍ଧ୍ର ବ୍ୟାଙ୍କ, ଇଣ୍ଡିଆନ୍ ଓଭରସିଜ୍ ବ୍ୟାଙ୍କ ଏବଂ ଆଲ୍ଲାହାବାଦ୍ ବ୍ୟାଙ୍କକୁ କେନ୍ଦ୍ର ସରକାର ୧୧,୩୩୬ କୋଟି ଟଙ୍କା ପୁଞ୍ଜି ପ୍ରଦାନ କରିବେ।
ଭୁବନେଶ୍ୱର, ୧୮-୭(ବ୍ୟୁରୋ): କେନ୍ଦ୍ର ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରଣାଳୟ ଏବଂ ଜାତୀୟ କୌଶଳ ବିକାଶ ନିଗମ(ଏନ୍ଏସ୍ଡିସି)ର ମିଳିତ ଆୟୋଜନରେ ଅନୁଷ୍ଠିତ ତିନିିଦିନିଆ ଇଣ୍ଡିଆ ସ୍କିଲ୍ ରିଜିଓନାଲ୍ କମ୍ପିଟିଶନ(ଇଷ୍ଟ)୨୦୧୮ ମଙ୍ଗଳବାର ଉଦ୍ଯାପିତ ହୋଇଯାଇଛି। ଏଥିରେ ୨୭ଟି କ୍ଷେତ୍ରରେ ୨୫୦ ପ୍ରତିଯୋଗୀ ସାମିଲ ହୋଇଥିବା ବେଳେ ୧୨ଟି କ୍ଷେତ୍ରରେ ଓଡିଶାର ପ୍ରତିଯୋଗୀ ବିଜେତା ହୋଇଛନ୍ତି। ସେହିପରି ୧୧ ଟି କ୍ଷେତ୍ରରେ ମଧ୍ୟ ଓଡିଶାର ପ୍ରତିଯୋଗୀ ରନର୍ସ ଅପ ହୋଇଛନ୍ତି।
ନୂଆଦିଲ୍ଲୀ,୧୮-୭(ପି.ଟି.): ଜ୍ୟାକେଟ୍, ସୁଟ୍ ଏବଂ କାର୍ପେଟ୍ ସମେତ ୫୦ରୁ ଊର୍ଦ୍ଧ୍ୱ ବୟନଶିଳ୍ପ ସାମଗ୍ରୀରେ ଆମଦାନୀ ଶୁଳ୍କ ଦ୍ୱିଗୁଣିତ ହୋଇଛି। ସରକାର ଏହାକୁ ୨୦%କୁ ବୃଦ୍ଧି କରିଛନ୍ତି। କେନ୍ଦ୍ରୀୟ ପରୋକ୍ଷ ଟିକସ ଏବଂ ସୀମା ଶୁଳ୍କ ବୋର୍ଡ(ସିବିଆଇସି) ସୋମବାର ବିଳମ୍ବିତ ରାତ୍ରିରେ ଏ ନେଇ ବିଜ୍ଞପ୍ତି ପ୍ରକାଶ କରିଛି। ଏହି ନିଷ୍ପତ୍ତି ଦ୍ୱାରା ଆମଦାନୀ କରାଯାଉଥିବା ବୁଣା ଫେବ୍ରିକ୍ସ, ଡ୍ରେସ, ଟ୍ରାଉଜର, ସୁଟ୍ ଏବଂ ପିଲାମାନଙ୍କ ପୋଷାକ ଆଦି ମହଙ୍ଗା ହେବ। ଘରୋଇ ନିର୍ମାତାଙ୍କ ସ୍ବାର୍ଥକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି। ବାଂଲାଦେଶ ଭଳି ସ୍ବଳ୍ପ ବିକଶିତ ରାଷ୍ଟ୍ରଗୁଡିକ ପୂର୍ବଭଳି ଭାରତୀୟ ବଜାରରେ ଶୁଳ୍କମୁକ୍ତ ଆକ୍ସେସ୍ କରିପାରିବେ ବୋଲି ଫେଡେରେଶନ୍ ଅଫ୍ ଇଣ୍ଡିଆନ୍ ଏକ୍ସପୋର୍ଟ ଅର୍ଗାନାଇଜେଶନ୍(ଫିଓ)ର ମହାନିର୍ଦ୍ଦେଶକ ଅଜୟ ସାହାଇ ପ୍ରକାଶ କରିଛନ୍ତି।
ନୂଆଦିଲ୍ଲୀ,୧୮-୭: ଦେଶର ଅନ୍ୟାନ୍ୟ ରାଜ୍ୟଗୁଡିକ ତୁଳନାରେ ଗୋଆରେ ମୁଣ୍ଡ ପିଛା ପେଟ୍ରୋଲ ଏବଂ ଡିଜେଲ ବ୍ୟବହାର ସବୁଠାରୁ ଅଧିକ। ୨୦୧୭-୧୮ରେ ଏହି ରାଜ୍ୟରେ ମୁଣ୍ଡ ପିଛା ୧୧୯.୭ କିଲୋଗ୍ରାମ ପେଟ୍ରୋଲ ବିକ୍ରି ହୋଇଛି, ଯାହାକି ଜାତୀୟ ହାର ତୁଳନାରେ ୬ ଗୁଣ ଅଧିକ। ସୂଚନାଯୋଗ୍ୟ, ଜାତୀୟ ସ୍ତରରେ ମୁଣ୍ଡ ପିଛା ପେଟ୍ରୋଲ ବ୍ୟବହାର ୧୯ କିଲୋଗ୍ରାମ ରହିଛି। ତୈଳ ମନ୍ତ୍ରଣାଳୟ ପ୍ରଦତ୍ତ ତଥ୍ୟରୁ ଏହା ଜଣାଯାଇଛି। ଡିଜେଲକୁ ଯଦି ହିସାବକୁ ନେବା ତା’ହେଲେ ଗୋଆରେ ବ୍ୟକ୍ତି ପିଛା ଏହି ଇନ୍ଧନ ବ୍ୟୟ ୨୨୫.୬ କିଲୋଗ୍ରାମ ରହିଛି। ଜାତୀୟ ହାର ତୁଳନାରେ ଏହା ପାଖାପାଖି ସାଡେ ୩ ଗୁଣ ଅଧିକ। ଜାତୀୟ ସ୍ତରରେ ମୁଣ୍ଡ ପିଛା ଡିଜେଲ ବ୍ୟବହାର ୬୬.୯ କିଲୋଗ୍ରାମ ରହିଛି। ଅନ୍ୟପକ୍ଷରେ, ବିହାରରେ ବ୍ୟକ୍ତି ପିଛା ପେଟ୍ରୋଲ ଏବଂ ଡିଜେଲ ବ୍ୟବହାର ସର୍ବନିମ୍ନ ବୋଲି ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ଏଠାରେ ମୁଣ୍ଡ ପିଛା ପେଟ୍ରୋଲ ବ୍ୟବହାର ୬.୭ କିଲୋଗ୍ରାମ ଏବଂ ଡିଜେଲ ବ୍ୟବହାର ୨୨ କିଲୋଗ୍ରାମ ରହିଛି।
ଚେନ୍ନାଇ,୧୮-୭(ପି.ଟି.): ବିଲିୟନେୟାର ଗହଣା ବ୍ୟବସାୟୀ ନୀରବ ମୋଦି ଏବଂ ତାଙ୍କ ସମ୍ପର୍କୀୟ ମାମୁ ତଥା ଗୀତାଞ୍ଜଳି ଜେମ୍ସର ମାଲିକ ମେହୁଲ୍ ଚୋକ୍ସୀ ପଞ୍ଜାବ ନ୍ୟାଶ୍ନାଲ୍ ବ୍ୟାଙ୍କ(ପିଏନ୍ବି)ରେ ୧୩,୦୦୦ କୋଟି ଟଙ୍କାରୁ ଊର୍ଦ୍ଧ୍ୱ ଜାଲିଆତି କରି ଦେଶରୁ ଫେରାର୍ ହୋଇଯାଇଛନ୍ତି। ବ୍ୟାଙ୍କିଙ୍ଗ୍ ଇତିହାସରେ ଏହାକୁ ସର୍ବବୃହତ୍ ସ୍କାମ୍ ବୋଲି କୁହାଯାଇଛି। ତେବେ ମାମଲାର ପର୍ଦ୍ଦାଫାଶ ହେବା ପୂର୍ବରୁ ଏମାନେ ବାଟକାଟି ପଳାୟନ କରିଛନ୍ତି।
ନୂଆଦିଲ୍ଲୀ,୧୮-୭: ଆମେରିକା ପକ୍ଷରୁ ଆରମ୍ଭ ହୋଇଥିବା ବାଣିଜ୍ୟ ଯୁଦ୍ଧ ବିଶ୍ୱ ଅର୍ଥନୀତି ପାଇଁ ବଡ ବିପଦ ସୃଷ୍ଟି କରିବାକୁ ଯାଉଛି। ଅର୍ଥନୈତିକ ସୁଧାର ପ୍ରକ୍ରିୟାକୁ ଏହା ଲାଇନ୍ଚ୍ୟୁତ କରିବ। ବିଶ୍ୱ ଅର୍ଥନୀତି ଉପରେ ଏହାର ମଧ୍ୟବର୍ତ୍ତୀକାଳୀନ ପ୍ରଭାବ ପଡିବ ବୋଲି ଅନ୍ତର୍ଜାତୀୟ ମୁଦ୍ରା ପାଣ୍ଠି(ଆଇଏମ୍ଏଫ୍) ଆକଳନ କରିଛି। ଏହା କହିଛି ଯେ, ଆମେରିକା ରାଷ୍ଟ୍ରପ୍ରତି ଡୋନାଲ୍ଡ ଟ୍ରମ୍ପଙ୍କ ପକ୍ଷରୁ ଆରମ୍ଭ ହୋଇଥିବା ବାଣିଜ୍ୟ ଯୁଦ୍ଧ ଏବଂ ଏହାକୁ ବିରୋଧ କରି ଅନ୍ୟ ରାଷ୍ଟ୍ରଗୁଡିକ ନେଉଥିବା ପ୍ରତିଶୋଧମୂଳକ କାର୍ଯ୍ୟାନୁଷ୍ଠାନ ବିଶ୍ୱ ଅର୍ଥନୀତିକୁ ବଡ ଧରଣର କ୍ଷତି ପହଞ୍ଚାଇବ।
ଇନ୍ଦୋର, ୧୮-୭(ପି.ଟି): ଆକାଉଣ୍ଟରେ ସର୍ବନିମ୍ନ ବାଲାନ୍ସ ନ ରଖିବା ଯୋଗୁ ୨୦୧୭-୧୮ ଆର୍ଥତ୍କ ବର୍ଷରେ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍ବି) ଗ୍ରାହକଙ୍କ ଠାରୁ ୧୫୧.୬୬ କୋଟି ଟଙ୍କା ଜରିମାନା ଆଦାୟ କରିଛି। ୧.୨୩ କୋଟି ସଞ୍ଚୟ ଖାତାରୁ ଉକ୍ତ ଜରିମାନା ଆଦାୟ ହୋଇଥିବା ଆର୍ଟିଆଇ ସୂଚନାରୁ ସାମ୍ନାକୁ ଆସିଛି। ଗତ ଆର୍ଥତ୍କ ବର୍ଷର ପ୍ରଥମ ତ୍ରୈମାସରେ ବ୍ୟାଙ୍କ ଜରିମାନା ବାବଦରେ ୩୧.୯୯ କୋଟି, ଦ୍ୱିତୀୟ ତ୍ରୈମାସରେ ୨୯.୪୩ କୋଟି, ତୃତୀୟ ତ୍ରୈମାସରେ ୩୭.୨୭ କୋଟି ଏବଂ ଚତୁର୍ଥ ତ୍ରୈମାସରେ ୫୨.୯୭ କୋଟି ଟଙ୍କା ଆଦାୟ କରିଛି।
ଚେନ୍ନାଇ/ନୂଆଦିଲ୍ଲୀ, ୧୮-୭(ପି.ଟି) :ଆୟକର ବିଭାଗ(ଆଇଟି) ପକ୍ଷରୁ ଚେନ୍ନାଇର ବିଭିନ୍ନ କଣ୍ଟ୍ରାକ୍ଟିଂ ଫାର୍ମ ଉପରେ ହୋଇଥିବା ଚଢାଉରୁ ୧୬୩ କୋଟି ନଗଦ ଟଙ୍କା ଏବଂ ୧୦୦ କିଲୋ ସୁନା ଜବତ ହୋଇଛି।
ଭୁବନେଶ୍ୱର, ୧୮-୭(ବ୍ୟୁରୋ): ପ୍ରମୁଖ ଟେଲିକମ୍ ସେବା ପ୍ରଦାନକାରୀ କମ୍ପାନୀ ଭାରତୀ ଏୟାରଟେଲ ଓଡିଶାରେ ଏହାର ନେଟଓ୍ବର୍କ ଆହୁରୀ ଦୃଢ କରିବ। ୨୦୧୮-୧୯ ଆର୍ଥତ୍କ ବର୍ଷରେ କମ୍ପାନୀ ଏ ନେଇ ଏକ ଯୋଜନା ଧାର୍ଯ୍ୟ କରିଛି। ଉଭୟ କଲ୍ ତଥା ଡାଟା ସେବା ତ୍ୱରାନ୍ବିତ କରିବାକୁ ଏହି ଭଳି ପଦକ୍ଷେପ ଗ୍ରହଣ କରାଯିବ। କମ୍ପାନୀ ବର୍ତ୍ତମାନ ରାଜ୍ୟରେ ୫୩,୫୦୦ରୁ ଅଧିକ ସହର ଏବଂ ଗ୍ରାମକୁ ସେବା ସଂଯୋଗ କରିଛି।
ନୂଆଦିଲ୍ଲୀ, ୧୮-୭: ଲୋକଙ୍କୁ ଉନ୍ନତ ବ୍ୟାଙ୍କ ସେବା ଯୋଗାଣ ନେଇ ବିଭିନ୍ନ ପଦକ୍ଷେପ ନେଉଥିବା ସରକାର କହୁଛନ୍ତି। ସେହିଭଳି ଦେଶର ସିଂହଭାଗ ଲୋକଙ୍କୁ ଆର୍ଥତ୍କ ଅନ୍ତର୍ଭୁକ୍ତିକରଣ ଯୋଜନାରେ ସାମିଲ କରାଇବାକୁ ଅଡି ବସିଛନ୍ତି। ମାତ୍ର ସରକାରଙ୍କ ଏପରି ଯୋଜନାକୁ ଝଟକା ଲାଗିଥିବା ଜଣାଯାଇଛି। ତୃଣମୂଳ ସ୍ତରରେ ଲୋକମାନେ ଏବେ ମଧ୍ୟ ବ୍ୟାଙ୍କ ସେବାଠାରୁ ବଞ୍ଚିତ ହେଉଥିବା ବିଭିନ୍ନ ଘଟଣା ଗଣମାଧ୍ୟମରେ ପ୍ରକାଶ ପାଉଛି।
ନୂଆଦିଲ୍ଲୀ, ୧୮-୭: ଏଲ୍ଜି ଇଲେକଟ୍ରୋନିକ୍ସ ଇଣ୍ଡିଆ ପକ୍ଷରୁ ବହୁ ପ୍ରତିକ୍ଷିତ ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ସୁବିଧା ଥିବା ଟିଭି ‘ଥିନ କ୍ୟୁ’ ବଜାରକୁ ଆସିଛି। ଉକ୍ତ ଟିଭି ମାଧ୍ୟମରେ ଗ୍ରାହକମାନେ ନୂତନ ସ୍ତରର ସୁବିଧା ଲାଭ କରିପାରିବେ। ଏହା ଅନନ୍ୟ ଟିଭି ଅଭିଜ୍ଞତା ପ୍ରଦାନ କରିବ ବୋଲି କମ୍ପାନୀ ପ୍ରକାଶ କରିଛି। ଏହା ଓଏଲ୍ଇଡି, ସୁପର ଏଚ୍ୟୁଡି, ୟୁଏଚ୍ଡି, ଏବଂ ସ୍ମାର୍ଟ କ୍ୟାଟେଗୋରୀ ଭଳି ବିଭିନ୍ନ ରେଞ୍ଜରେ ବଜାରକୁ ଆସୁଛି। ଏଆଇ ସୁବିଧା ଦ୍ୱାରା ରିମୋଟକୁ ନିର୍ଦ୍ଦେଶ ଦେଲେ ଟିଭି କାର୍ଯ୍ୟକ୍ଷମ ହେବ। ଏଥିରେ ବିଭିନ୍ନ କଣ୍ଟେଣ୍ଟ ପ୍ଲେ ସହ ଡିସ୍କଭର ସୁବିଧା ଉପଲବ୍ଧ ହେଉଛି।
ନୂଆଦିଲ୍ଲୀ, ୧୮-୭: ଇରାନଠାରୁ ତୈଳ ଆମଦାନୀ ବନ୍ଦ କରିବା ଲାଗି ଆମେରିକା ଭାରତକୁ ନାଲିଆଖି ଦେଖାଇବା ପରେ ଭାରତ ଏବଂ ଯୁକ୍ତରାଷ୍ଟ୍ର ଆମେରିକା ଉଚ୍ଚ ଅଧିକାରୀଙ୍କ ମଧ୍ୟରେ ଏକ ଉଚ୍ଚ ସ୍ତରୀୟ ବୈଠକ ଅନୁଷ୍ଠିତ ହୋଇଛି। ଆମେରିକାର ଏକ ପ୍ରତିନିଧି ମଣ୍ଡଳୀ ବୈଦେଶିକ ସଚିବ ବିଜୟ ଗୋଖଲେଙ୍କ ସହ ମଙ୍ଗଳବାର ଆଲୋଚନା କରିଥିବା ଜଣାଯାଇଛି। ଇରାନଠାରୁ ତୈଳ ଆମଦାନୀ ଉପରେ ଆମେରିକା ଲଗାଇଥିବା ପ୍ରତିବନ୍ଧକ କେତେକ ଦେଶ ଲାଗି କୋହଳ କରିବା ନେଇ ସମ୍ଭାବନା ରହିଛି। ଅପର ପକ୍ଷରେ ୟୁଏସ୍ ଟେରରିଷ୍ଟ ଫାଇନାନ୍ସିଂ ସଚିବ ମାର୍ଶାଲ ବିଲିଙ୍ଗ୍ସ୍ଲିଆଙ୍କ ନେତୃତ୍ୱରେ ପ୍ରତିନିଧି ମଣ୍ଡଳୀ ଭିନ୍ନ ଭାବେ ଅର୍ଥମନ୍ତ୍ରଣାଳୟ ଅଧିକାରୀଙ୍କୁ ଭେଟିଛନ୍ତି।
