ଫୁରସତ |

‘ପରବର୍ତ୍ତୀ ଲକ୍ଷ୍ୟ ମିସ୍‌ ୟୁନିଭର୍ସ’

‘ପରବର୍ତ୍ତୀ ଲକ୍ଷ୍ୟ ମିସ୍‌ ୟୁନିଭର୍ସ’

ଭୁବନେଶ୍ୱର,୧।୧୨(ବନ୍ଦନା ସେଠୀ): ଓଡ଼ିଶା ମାଟିର ଝିଅ ସୋନିକା ରୟ। ନିଜର ଦକ୍ଷତା ଏବଂ ପ୍ରଚେଷ୍ଟା ବଳରେ ମଡେଲିଂ ଦୁନିଆରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ଫିଲିଫାଇନ୍ସରେ ଅନୁଷ୍ଠିତ ହୋଇଥିବା ‘ମିସ୍‌ ଇଣ୍ଡିଆ ଏସିଆ ପାସିଫିକ୍‌ ଇଣ୍ଟରନ୍ୟାଶନାଲ’ରେ ସେ ଭାରତ ପାଇଁ ପ୍ରତିନିଧିତ୍ୱ କରି ‘ସୋସିଆଲ୍‌ ମିଡିଆ ପପୁଲାର’, ‘ଜନାୟା ମିସ୍‌ ବିୟୁଟିଫୁଲ୍‌’ ଏବଂ ‘ପିପୁଲ ଚଏସ୍‌’ ଆଓ୍ବାର୍ଡ ପାଇବାକୁ ସକ୍ଷମ ହୋଇଛନ୍ତି। ଏଥିରେ ସୋନିକାଙ୍କ ଜଲ୍‌ଓ୍ବା ସାରା ବିଶ୍ୱ ଦେଖିବାର ସୁଯୋଗ ପାଇଥିଲା। ଏହା ପୂର୍ବରୁ ସେ ୨୦୧୪ରେ ‘ମିସ୍‌ ଓଡ଼ିଶା’ କଣ୍ଟେଷ୍ଟ୍‌ରେ ପ୍ରଥମ ରନର୍ସ ଅପ୍‌ ହୋଇଥିଲେ। ସେହିପରି ୨୦୧୫ ଏବଂ ୨୦୧୭ରେ ଫେମିନା ମିସ୍‌ ଇଣ୍ଡିଆ କଣ୍ଟେଷ୍ଟ୍‌ରେ ଭାଗ ନେଇ ‘ଶ୍ରେଷ୍ଠ ୧୨’ ମଧ୍ୟରେ ସ୍ଥାନ ପାଇଥିଲେ। ଶୁକ୍ରବାର ଫିଲିଫାଇନ୍ସରୁ ଭୁବନେଶ୍ୱର ଫେରିଥିବା ସୋନିକାଙ୍କ ସହ ଧରିତ୍ରୀର ସ୍ବତନ୍ତ୍ର ସାକ୍ଷାତ୍‌କାର।
ପ୍ର- ଫେମିନା ମିସ୍‌ ଇଣ୍ଡିଆ କଣ୍ଟେଷ୍ଟ୍‌ର ଅନୁଭୂତି କିପରି ଥିଲା?
ବହୁତ ବଢ଼ିଆ ଅନୁଭୂତି ଥିଲା। ଫିଲିଫାଇନ୍ସ ଭଲ ଦେଶ। ସେମାନେ ଭାରତୀୟଙ୍କୁ ପସନ୍ଦ କରନ୍ତି। ମୋତେ ସେଠାରେ ସମସ୍ତଙ୍କଠାରୁ ବହୁତ ଭଲପାଇବା ମିଳିଛି। ଏମିତି କି, ସେମାନେ ଆସନ୍ତା ବର୍ଷ ଆଉଥରେ ଯିବାକୁ ଅନୁରୋଧ କରିଛନ୍ତି। ଉଚ୍ଛ୍ବସିତ ସମ୍ବର୍ଦ୍ଧନା ସହ ମୋତେ ବିଦାୟ ଦେଇଥିଲେ। କଲିକତା ବିମାନବନ୍ଦରରେ ମଧ୍ୟ ସେହିପରି ସମ୍ବର୍ଦ୍ଧନା ଦିଆଯାଇଥିଲା। ସେଠାରେ ଗାୟିକା ଉଷା ଉଥପ୍ପ ଉପସ୍ଥିତ ରହି ଶୁଭେଚ୍ଛା ଜଣାଇଥିଲେ।
ପ୍ର- ପିପୁଲ୍‌ ଚଏସ୍‌ ଆଓ୍ବାର୍ଡ ପାଇବା ପରେ କେମିତି ଲାଗିଥିଲା?
ସେଠାକାର ଲୋକ ମୋତେ ବହୁତ ଭଲ ପାଉଥିଲେ। ସେଥିପାଇଁ ମୁଁ ପିପୁଲ ଚଏସ୍‌ ସାଙ୍ଗକୁ ସୋସିଆଲ୍‌ ମିଡିଆ ପପୁଲାର ଆଓ୍ବାର୍ଡ ମଧ୍ୟ ପାଇଲି। ମୋର ଲୋକପ୍ରିୟତା ଦେଖି ଏସିଆ ପାସଫିକ୍‌ର ଚେୟାରମ୍ୟାନ୍‌ ମୋତେ ଆସନ୍ତା ବର୍ଷ ଆଉଥରେ ଭାରତରୁ ପ୍ରତିନିଧିତ୍ୱ କରିବାକୁ ଅନୁରୋଧ କରିଛନ୍ତି।
ପ୍ର- ଏତେ ଲୋକପ୍ରିୟ ହେବା ପରେ ଟାଇଟଲ୍‌ ହାସଲ କରି ନ ପାରିବାର କାରଣ?
ସେମାନେ ଅନ୍‌ ସ୍ପଟ ନିଷ୍ପତ୍ତି ନିଅନ୍ତି ନାହିଁ। ଆଗରୁ ସେମାନେ କେଉଁ ଦେଶକୁ ଟାଇଟଲ୍‌ ଦେବେ ତାହା ନିଷ୍ପତ୍ତି ନେଇ ଯାଇଥାଆନ୍ତି। ଚଳିତ ବର୍ଷ ସେମାନେ ବ୍ରାଜିଲ୍‌କୁ ଦେବା ପାଇଁ ଚୟନ କରିଥିଲେ। ସୁନ୍ଦରୀ ପ୍ରତିଯୋଗିତା ଆରମ୍ଭ ହେବା ପୂର୍ବରୁ ଏହା ସରିଯାଇ ଥାଏ। ମୋତେ ଯେ ସେଠାରେ ଏତେ ଭଲପାଇବା ମିଳିବ ଏବଂ ସେଠାକାର ଲୋକେ ମୋତେ ଏତେ ମାତ୍ରାରେ ପସନ୍ଦ କରିବେ, ତାହା ସେମାନଙ୍କୁ ଜଣା ନ ଥିଲା। ତେଣୁ ଯଦି ଆସନ୍ତା ବର୍ଷ ମୁଁ ସେଠାକୁ ଯାଏ, ତେବେ ‘ମିସ୍‌ ଇଣ୍ଡିଆ ଏସିଆ ପାସିଫିକ୍‌ ଇଣ୍ଟରନ୍ୟାଶନାଲ’ ଟାଇଟଲ୍‌ ଜିତିପାରେ।
ପ୍ର- ଆପଣଙ୍କର କେଉଁ ଉତ୍ତର ବିଚାରକଙ୍କୁ ବେଶି ଇମ୍ପ୍ରେସ୍‌ କରିଥିଲା ବୋଲି ଭାବୁଛନ୍ତି?
ସେଠାରେ ବହୁତଗୁଡ଼ିଏ ରାଉଣ୍ଡ ରହିଥିଲା। ନଭେମ୍ବର ୧୦ରୁ ଆମର ଯାତ୍ରା ଆରମ୍ଭ ହୋଇଥିଲା। ସବୁଦିନ କିଛି କିଛି ଆକ୍ଟିଭିଟି ରହୁଥିଲା। ସାକ୍ଷାତ୍‌କାର ରାଉଣ୍ଡରେ ୧୮ଜଣ ଅନ୍ତର୍ଜାତୀୟ ସ୍ତରୀୟ ବିଚାରକ ଥିଲେ। ସେଠାରେ ମୋତେ ମୋ ଦେଶର ସଂସ୍କୃତି ବିଷୟରେ ପ୍ରଶ୍ନ ପଚାରାଯାଇଥିଲା। ଭାରତରୁ ପ୍ରତିନିଧିତ୍ୱ କରୁଥିବା ଏବଂ ମୁଁ ଓଡ଼ିଶାରୁ ଯାଇଥିବା କହିଥିଲି। ଓଡ଼ିଶା ଏକ ରାଜ୍ୟ ବୋଲି ସେଠାରେ ଅନେକେ ଜାଣି ନ ଥିଲେ। ତା’ପରେ ମୁଁ ପୁରୀ ଏବଂ ଜଗନ୍ନାଥ ସଂସ୍କୃତି ସମ୍ପର୍କରେ କହିଥିଲି। ଏ ସବୁ ଜାଣିବା ପରେ ବିଚାରକମାନେ ବହୁତ ଖୁସି ହୋଇଥିଲେ।
ପ୍ର- ପରବର୍ତ୍ତୀ ଯୋଜନା କ’ଣ ରହିଛି?
‘ମିସ୍‌ ୟୁନିଭର୍ସ’ ପାଇଁ ମୋତେ ଏବେ ଅଫର ଆସିଛି। ଜୁନ୍‌ ମାସରେ ମୁଁ ଆଉଥରେ ଭାରତରୁ ‘ମିସ୍‌ ୟୁନିଭର୍ସ’ ପାଇଁ ପ୍ରତିନିଧିତ୍ୱ କରିବି। ଫିଲିଫାଇନ୍ସରେ ସୁନ୍ଦରୀ ପ୍ରତିଯୋଗିତା ଚାଲିଥିବାବେଳେ ସେମାନେ ମୋ ପ୍ରୋଫାଇଲ୍‌ ଫଲୋ କରୁଥିଲେ। ସବୁ ପରର୍ଫମାନ୍ସ ଦେଖିବା ପରେ ସେମାନେ ମୋତେ ଡାକିଛନ୍ତି। ଏହା ବ୍ୟତୀତ ଦୁଇଟି ଓଡ଼ିଆ ଫିଲ୍ମରେ ମଧ୍ୟ କାମ କରିବି। ଗୋଟିଏ ହେଉଛି ‘ମୋ ଜୀବନ ତୁ ହି ତୁ’ ଏବଂ ଅନ୍ୟଟିର ନାମକରଣ ହୋଇନାହିଁ।

All Right Reserved By

Model This Week

Model This Week

ଫୁରସତ |

ୟୁରୋପ ଯିବାକୁ ପସନ୍ଦ କରନ୍ତି ଅଧିକାଂଶ ଭାରତୀୟ

ୟୁରୋପ ଯିବାକୁ ପସନ୍ଦ କରନ୍ତି ଅଧିକାଂଶ ଭାରତୀୟ

ବମ୍ବେ: କକ୍ସ ଆଣ୍ଡ କିଙ୍ଗ୍‌ସ ଟ୍ରାଭେଲ ସର୍ଭିସର ସର୍ଭେ ଅନୁଯାୟୀ ଅଧିକାଂଶ ଭାରତୀୟ ୟୁରୋପ ଯିବାକୁ ପସନ୍ଦ କରନ୍ତି ବୋଲି ଜଣାପଡିଛି। ବିଶେଷକରି ଗ୍ରୀଷ୍ମ ଛୁଟି କାଟିବାକୁ ଲୋକେ ୟୁରୋପକୁ ବାଛି ଥାଆନ୍ତି।

ଫୁଲରସ ପାନ କରୁଥିବା ବିଶାଳକାୟ ମଶା

ଫୁଲରସ ପାନ କରୁଥିବା ବିଶାଳକାୟ ମଶା

ବେଜିଂ, ୨୫।୪ : ଚାଇନା ସିଚୁଆନ୍‌ ପ୍ରଦେଶରେ ବିଶାଳକାୟ ମଶା ଦେଖାଯାଇଥାନ୍ତି। ଏମାନଙ୍କର ଆକାର ଦେଖି ଯେକେହି ଭୟଭୀତ ହେବା ସ୍ବାଭାବିକ। କିନ୍ତୁ ଏଭଳି ମଶା ଫୁଲରସ ପାନ କରି ବଞ୍ଚିଥାନ୍ତି। ଏଭଳି ମଶାଙ୍କ ଆକାର ସାଢ଼େ ୪ ଇଞ୍ଚ(୧୧.୧୫ ସେମି) ହୋଇଥାଏ। ଏହି ବିଶାଳକାୟ ମଶା ଅତି ଶାନ୍ତ ସ୍ବଭାବର। ଲୋକଙ୍କ ଦେଶରେ ବସିଲେ ମଧ୍ୟ କୌଣସି କ୍ଷତି କରନ୍ତି ନାହିଁ।

ସମୁଦ୍ର ତଳେ ଶୋଇବାର ମଜା

ସମୁଦ୍ର ତଳେ ଶୋଇବାର ମଜା

ମାଲେ, ୨୫।୪ : ଗ୍ରାହକଙ୍କୁ ଆକର୍ଷିତ କରିବା ପାଇଁ ଅନେକ କମ୍ପାନୀ ରୋମାଞ୍ଚଭରା ଅନୁଭୁତି ପ୍ରଦାନ ସମ୍ପର୍କରେ ଘୋଷଣା କରିଥାନ୍ତି। ଏହାଦ୍ୱାରା ସେମାନଙ୍କର କାରବାର ବଢ଼ିଥାଏ। ସେହିପରି ମାଳଦୀପର କୋନାଇ ମାଳଦୀପ ରଙ୍ଗୋଲୀ ଦୀପରେ ଥିବା ଏକ ହୋଟେଲ ଗ୍ରାହକଙ୍କୁ ସମୁଦ୍ର ପାଣିତଳେ ଶୋଇବାର ଅନୁଭୁତି ପ୍ରଦାନ କରିବା ସମ୍ପର୍କରେ ଘୋଷଣା କରିଛି।

ହସ୍ପିଟାଲରେ ଜର୍ଜ ଏଚ୍‌.ଡବ୍ଲ୍ୟୁ. ବୁଶ

ହସ୍ପିଟାଲରେ ଜର୍ଜ ଏଚ୍‌.ଡବ୍ଲ୍ୟୁ. ବୁଶ

ହ୍ୟୁଷ୍ଟନ୍‌: ସ୍ତ୍ରୀ ଆରପାରିକୁ ଯିବାର କିଛିଦିନ ବିତିଛି କି ନାହିଁ ଏବେ ହସ୍ପିଟାଲରେ ଶଯ୍ୟାଶାୟୀ ହୋଇଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ଜର୍ଜ ଏଚ୍‌.ଡବ୍ଲ୍ୟୁ. ବୁଶ୍‌। ସଂକ୍ରମଣଜନିତ ରୋଗରେ ସେ ପୀଡ଼ିତ ଅଛନ୍ତି।

ବୟସର ଅପରାହ୍ନରେ ବି ସାଥୀ ଲୋଡ଼ା

ବୟସର ଅପରାହ୍ନରେ ବି ସାଥୀ ଲୋଡ଼ା

କଲିକତା: ନିଃସଙ୍ଗ ଜୀବନ ଅନେକ ଯନ୍ତ୍ରଣାଦାୟକ। ଏହା କେବଳ ମାନସିକ ସ୍ତରରେ ବ୍ୟକ୍ତିକୁ ଦୁଃଖ ଦିଏ ନାହିଁ, ଅନେକ ରୋଗକୁ ମଧ୍ୟ ଡାକିଆଣେ। ତେଣୁ ସୁସ୍ଥ ଓ ସୁଖମୟ ଜୀବନ ପାଇଁ ସାଥୀଟିଏ ଜରୁରୀ।

କାଳିଦାସଙ୍କ ଅଭିଜ୍ଞାନ ଶାକୁନ୍ତଳମ୍‌ ସତ୍ୟାସତ୍ୟ ସମ୍ପର୍କରେ ମିଳିବ ତଥ୍ୟ

କାଳିଦାସଙ୍କ ଅଭିଜ୍ଞାନ ଶାକୁନ୍ତଳମ୍‌ ସତ୍ୟାସତ୍ୟ ସମ୍ପର୍କରେ ମିଳିବ ତଥ୍ୟ

ଡେରାଡୁନ୍‌, ୨୪।୪ : ମହାକବି କାଳିଦାସଙ୍କ ଦ୍ୱାରା ରଚିତ ବିଶ୍ୱ ବିଖ୍ୟାତ ନାଟକ ଅଭିଜ୍ଞାନ ଶାକୁନ୍ତଳମ୍‌ର ସତ୍ୟାସତ୍ୟ ନେଇ ଏବେ ତଥ୍ୟ ମିଳିପାରିବାର ଆଶା ରହିଛି। ନାଟକରେ ବର୍ଣ୍ଣନା କରାଯାଇଥିବା ଉତ୍ତରଖଣ୍ଡ ଗଢ଼ଓ୍ବାଲ ଅଞ୍ଚଳର ଡେରଡୁନ୍‌ ନିକଟରେ ଥିବା କୋଟଦ୍‌ବାରସ୍ଥିତ କଣ୍ବାଶ୍ରମ ଅଞ୍ଚଳରେ ଭାରତୀୟ ପ୍ରତ୍ନତତ୍ତ୍ୱ ବିଭାଗକୁ ଖୋଦନ କାର୍ଯ୍ୟ ପାଇଁ ଅନୁମତି ମିଳିଛି। ଏଠାରେ ମାଳିନୀ ନଦୀ ତଟରେ କଣ୍ବାଶ୍ରମ ନାମକ ଏକ ଅଞ୍ଚଳ ରହିଛି। ତେବେ ଏଠାରେ ପୁରାତନ ଆଶ୍ରମ ଭଳି କୌଣସି ଭଗ୍ନାବଶେଷ ନାହିଁ। ହୁଏତ ଏହା ମାଟିତଳେ ପୋତି ହୋଇ ରହିଛି।

କେଟ୍‌-ଓ୍ବିଲିୟମ୍‌ଙ୍କ କୋଳରେ ୩ୟ ସନ୍ତାନ

କେଟ୍‌-ଓ୍ବିଲିୟମ୍‌ଙ୍କ କୋଳରେ ୩ୟ ସନ୍ତାନ

ଲଣ୍ଡନ: ବ୍ରିଟେନ ରାଜ ପରିବାରରେ ଖୁସିର ଲହରି। ପ୍ରିନ୍ସ ଓ୍ବିଲିୟମ୍‌ ଏବଂ ତାଙ୍କ ଅର୍ଦ୍ଧାଙ୍ଗିନୀ କେଟ୍‌ ମିଡିଲ୍‌ଟନ୍‌ ପୁଣି ପୁତ୍ର ସନ୍ତାନ ଲାଭ କରିଛନ୍ତି। ସୋମବାର ଡଚେସ୍‌ ଅଫ୍‌ କ୍ୟାମ୍ବ୍ରିଜ୍‌ ତୃତୀୟ ସନ୍ତାନକୁ ଜନ୍ମ ଦେଇଥିବା କେନ୍‌ସିଙ୍ଗ୍‌ଟନ୍‌ ପ୍ୟାଲେସ୍‌ ପକ୍ଷରୁ କୁହାଯାଇଛି। ନୂଆ ପ୍ରିନ୍ସଙ୍କ ଓଜନ ୩.୮୨ କେଜି। ଶିଶୁପୁତ୍ରର ଜନ୍ମବେଳେ ୩୫ ବର୍ଷୀୟ ଓ୍ବିଲିୟମ୍‌ ସେଠାରେ ଉପସ୍ଥିତ ଥିଲେ।

ବିଷ ବଳୟ ଆମ ରୋଷେଇଘର

ବିଷ ବଳୟ ଆମ ରୋଷେଇଘର

ରୋଷେଇଘର ଆମ ପାଇଁ ଏକ ଅତି ପବିତ୍ର ସ୍ଥାନ। ଧନଦାତ୍ରୀ ଦେବୀ ଲକ୍ଷ୍ମୀ ଏଥିମଧ୍ୟରେ ଅବସ୍ଥାନ କରନ୍ତି ବୋଲି ଆମର ବିଶ୍ୱାସ। ତେଣୁ ଆମେ ଏହାକୁ ଯଥାସମ୍ଭବ ସଫାସୁତରା ରଖୁ। ଭିନ୍ନ ଦୃଷ୍ଟିରେ ଦେଖିଲେ ସେଠାରେ ଆମ ଖାଦ୍ୟ ପ୍ରସ୍ତୁତ କରାଯାଉଥିବାରୁ ଏହା ଏକାନ୍ତ ଆବଶ୍ୟକ। କିନ୍ତୁ ଏହି ଘର ଭିତରର ଆବଦ୍ଧ ବାୟୁ ଅତ୍ୟନ୍ତ ଦୂଷିତ। କାରଣ ଏବେ ବି ଆମ ଦେଶର ଅଧିକାଂଶ ରୋଷେଇରେ ବ୍ୟବହୃତ ହେଉଛି କାଠ, କୋଇଲା ଓ ଘଷି ଭଳି ଇନ୍ଧନ, ଯହିଁରୁ ନିର୍ଗତ ହୁଏ ବହୁ ବିଷାକ୍ତ ବାଷ୍ପ, ଧୂଆଁ ଓ ଧୂଳି ।

ମାଟିତଳେ ପୋତି ହୋଇରହିଥିବା ଲୋକଙ୍କ ସମ୍ପର୍କରେ ସୂଚନା ଦେବ ସେନସର୍‌

ମାଟିତଳେ ପୋତି ହୋଇରହିଥିବା ଲୋକଙ୍କ ସମ୍ପର୍କରେ ସୂଚନା ଦେବ ସେନସର୍‌

ଲଣ୍ଡନ, ୨୩।୪ : ଭୂମିକମ୍ପ କିମ୍ବା କୌଣସି ଦୁର୍ଘଟଣାରେ ମାଟିତଳେ ପୋତି ହୋଇ ରହିଥିବା ଲୋକଙ୍କ ସମ୍ପର୍କରେ ଏବେ ସହଜରେ ସୂଚନା ମିଳିପାରିବ। ଗବେଷକ ଏକ ସ୍ବତନ୍ତ୍ର ଧରଣର ସେନସର୍‌ ବାହାର କରିଛନ୍ତି। ଏହା ସହଜରେ ମାଟି ତଳେ ଥିବା ଜୀବଜନ୍ତୁ ଅଥବା ମଣିଷଙ୍କ ନିକଟକୁ ଏକ ପ୍ରକାର ତରଙ୍ଗ ପ୍ରେରଣ କରିବ। ସେମାନଙ୍କ ଶରୀରରେ ବାଜି ଏହି ତରଙ୍ଗ ସେନସରକୁ ଫେରିବ।

ବଢ଼ୁଛି ବରିଷ୍ଠ ନାଗରିକଙ୍କ ଆୟ

ବଢ଼ୁଛି ବରିଷ୍ଠ ନାଗରିକଙ୍କ ଆୟ

ନୂଆଦିଲ୍ଲୀ,୨୩।୪: ବୟସର ଅପରାହ୍ନରେ ଲୋକମାନେ ପିଲାଙ୍କ ପାଇଁ ବୋଝ ପାଲଟିଯାଆନ୍ତି ବୋଲି ସାଧାରଣରେ କୁହାଯାଏ। ଆୟ ନ ଥିବାରୁ ଅନେକ ବୟସ୍କ ବ୍ୟକ୍ତି ଯନ୍ତ୍ରଣାରେ ଦିନ କାଟନ୍ତି। କିନ୍ତୁ ସଦ୍ୟ ଏକ ରିପୋର୍ଟ ଏହି ଧାରଣାକୁ ଭୁଲ୍‌ ପ୍ରମାଣ କରିଦେଇଛି। ଭାରତରେ ବରିଷ୍ଠ ନାଗରିକଙ୍କ ଆର୍ଥିକ ସ୍ଥିତି ସୁଧୁରିବାରେ ଲାଗିଛି। ଏମାନେ ଆୟ କରିବା ସହ ଦେଶର ପ୍ରମୁଖ ଗ୍ରାହକ ଗୋଷ୍ଠୀରେ ସାମିଲ ହୋଇଛନ୍ତି ବୋଲି ଏକ ସର୍ଭେରୁ ଜଣାପଡ଼ିଛି। ତେବେ ବୃଦ୍ଧାବସ୍ଥାରେ ବିଭିନ୍ନ ସ୍ବାସ୍ଥ୍ୟ ସମସ୍ୟା ଦେଖାଦେଉଥିବାରୁ ଏହି ବାବଦକୁ ଅଧିକ ଖର୍ଚ୍ଚ କରୁଛନ୍ତି।

ବରବେଶରେ ବାନ୍ଧବୀଙ୍କୁ ବିବାହ କଲେ ଯୁବତୀ

ବରବେଶରେ ବାନ୍ଧବୀଙ୍କୁ ବିବାହ କଲେ ଯୁବତୀ

ନୂଆଦିଲ୍ଲୀ, ୨୩।୪ : ଅଗ୍ରା ଏତ୍ମାଦୌଲା ଥାନା ଅଞ୍ଚଳରେ ଏକ ସାମୁହିକ ବିବାହ ଉତ୍ସବରେ ଜଣେ ଯୁବତୀ ବର ବେଶରେ ତାଙ୍କ ବାନ୍ଧବୀଙ୍କୁ ବିବାହ କରିଛନ୍ତି। ପରେ ଏସମ୍ପର୍କରେ ପରିବାର ଲୋକ ଜାଣିବାରୁ ପୋଲିସର ସହାୟତା ଲୋଡିଛନ୍ତି। ଦୁଇ ବାନ୍ଧବୀଙ୍କ ଦୀର୍ଘଦିନ ଧରି ସମଲିଙ୍ଗୀ ସମ୍ପର୍କ ରହିଥିଲା। ତେବେ ଏହାକୁ କିପରି ବିବାହରେ ପରିଣତ କରିବେ ସେନେଇ ଯୋଜନା ପ୍ରସ୍ତୁତ କରିଥିଲେ।

ପ୍ରାଣୀଙ୍କ ଭୂକମ୍ପ ସୂଚନା ନେଇ ଦ୍ୱିମତ

ପ୍ରାଣୀଙ୍କ ଭୂକମ୍ପ ସୂଚନା ନେଇ ଦ୍ୱିମତ

ଲଣ୍ଡନ,୨୩ା୪: ଭୂକମ୍ପର କିଛି ସମୟ ପୂର୍ବରୁ କୁକୁର, ବିରାଡି ଏପରି କି ଗୋରୁ ଗାଈ ଅସ୍ବାଭାବିକ ଆଚରଣ ପ୍ରଦର୍ଶନ କରନ୍ତି ବୋଲି ଦୀର୍ଘଦିନରୁ ବିଶ୍ୱାସ କରାଯାଇ ଆସୁଛି। କିନ୍ତୁ ଏହା ପ୍ରମାଣସିଦ୍ଧ ନୁହେଁ ବୋଲି ସଦ୍ୟ କରାଯାଇଥିବା ଏକ ଅଧ୍ୟୟନରୁ ଜାଣିବାକୁ ମିଳିଛି। ଏହି ଅଧ୍ୟୟନ ‘ବୁଲେଟିନ୍‌ ଅଫ୍‌ ଦି ସିସ୍‌ମୋଲୋଜିକାଲ୍‌ ସୋସାଇଟି ଅଫ୍‌ ଆମେରିକା’ ଜର୍ନାଲ୍‌ରେ ପ୍ରକାଶ ପାଇଛି।