ମେଟ୍ରୋ |

୯୬ ଲକ୍ଷ ଟଙ୍କାର ଜମି ଠକେଇ: କ୍ରିଷ୍ଣା ବିଲ୍‌ଡର୍ସ ମାଲିକ ଗିରଫ

୯୬ ଲକ୍ଷ ଟଙ୍କାର ଜମି ଠକେଇ: କ୍ରିଷ୍ଣା ବିଲ୍‌ଡର୍ସ ମାଲିକ ଗିରଫ

ଅଭିଯୋଗକାରୀଙ୍କ ସୁଅ ଛୁଟୁଛି
ଭୁବନେଶ୍ୱର, ୧।୧୨(ବ୍ୟୁରୋ)- ଜମି ଦେବା ନଁାରେ ୨୦ ଜଣଙ୍କଠାରୁ ୯୬ ଲକ୍ଷ ଟଙ୍କା ଠକେଇ କରିଥିବା ଅଭିଯୋଗରେ ଶହୀଦନଗର ପୋଲିସ କ୍ରିଷ୍ଣା ବିଲଡର ମାଲିକ ବିପିନ ଦାସଙ୍କୁ ଗିରଫ କରିଛି। ପୋଲିସକୁ ଚକ୍‌ମା ଦେଖାଇ ଦୀର୍ଘ ୩ ବର୍ଷ ଧରି ଲୁଚି ରହିଥିବା ବିପିନଙ୍କୁ ଗୁରୁବାର ବିଳମ୍ବିତ ରାତିରେ ପଟିଆ ଅଞ୍ଚଳରୁ ଗିରଫ କରାଯାଇଛି। ବିପିନଙ୍କ ଗିରଫ ହେବା ଖବର ପ୍ରଚାରିତ ହେବା ପରେ ଥାନାକୁ ଅଭିଯୋଗକାରୀଙ୍କ ସୁଅ ଛୁଟିବାରେ ଲାଗିଛି। ଶୁକ୍ରବାର ସନ୍ଧ୍ୟା ସୁଦ୍ଧା ବିପିନଙ୍କ ନଁାରେ ୧୫ଟି ଅଭିଯୋଗ ଥାନାକୁ ଆସିଥିବା ଥାନା ଅଧିକାରୀ କିଶୋର ଚନ୍ଦ୍ର ମୁଣ୍ଡ ସୂଚନା ଦେଇଛନ୍ତି। ସୂଚନା ଅନୁଯାୟୀ, ୨୦୧୪ରେ ଶହୀଦନଗରରେ ଥିବା କ୍ରିଷ୍ଣା ବିଲ୍‌ଡର୍ସ ଭୁବନେଶ୍ୱରର ବିଭିନ୍ନ ସ୍ଥାନରେ ଜମି ଦେବା ନଁାରେ ୨୦ ଜଣଙ୍କଠାରୁ ୯୬ ଲକ୍ଷରୁ ଊର୍ଦ୍ଧ୍ୱ ଟଙ୍କା ନେଇଥିଲା। କିନ୍ତୁ ପରବର୍ତ୍ତୀ ସମୟରେ ଲୋକମାନଙ୍କୁ ଜମି ଦେଇପାରି ନ ଥିଲା। ଫଳରେ ଲୋକମାନେ ଟଙ୍କା ଫେରସ୍ତ ମାଗିଥିଲେ। ମାତ୍ର ସଂସ୍ଥା ପକ୍ଷରୁ ଟଙ୍କା ଦିଆଯାଇ ନ ଥିଲା। ୨୦୧୫ ଏ ନେଇ କେତେଜଣ ଲୋକ ଥାନାରେ ଅଭିଯୋଗ କରିଥିଲେ। ଅଭିଯୁକ୍ତ ବିପିନ ପୋଲିସ ଆଖିରେ ଧୂଳି ଦେଇ ଭୁବନେଶ୍ୱରରେ ରହୁଥିଲେ ମଧ୍ୟ ପୋଲିସ ତାଙ୍କୁ ଧରିପାରୁ ନ ଥିଲା। ବିପିନ ପଟିଆ ଅଞ୍ଚଳରେ ଥିବା ଗୁରୁବାର ରାତିରେ ପୋଲିସକୁ ସୂଚନା ମିଳିଥିଲା। ଏହାପରେ ପୋଲିସ ବିପିନ ରହୁଥିବା ସ୍ଥାନରେ ଚଢାଉ କରି ତାଙ୍କୁ ଗିରଫ କରିଥିଲା। ଶୁକ୍ରବାର ସନ୍ଧ୍ୟା ସୁଦ୍ଧା ପ୍ରିୟରଞ୍ଜନ ସାହାଣୀ, ମନୋଜ ପ୍ରଧାନ, ତ୍ରିଲୋଚନ ଚୌଧୁରୀ, ଯଶବନ୍ତ ସାହୁ, ପ୍ରଶାନ୍ତ ମହାପାତ୍ର, ସମସୁର ଆରିଫନ୍‌, ଗଣେଶ୍ୱର ଦାସ, ଜଗବନ୍ଧୁ ପୃଷ୍ଟିଙ୍କ ସମେତ ୧୫ ଜଣ ଶହୀଦ ନଗର ଥାନାରେ ଠକେଇ ସଂକ୍ରାନ୍ତରେ ଅଭିଯୋଗ କରିଛନ୍ତି। ସମସ୍ତ ଅଭିଯୋଗକାରୀ ଏକ ଏକ ଘରୋଇ ହସ୍ପିଟାଲରେ କାର୍ଯ୍ୟ କରୁଥିବା ଜଣାପଡ଼ିଛି। ଘଟଣାର ତଦନ୍ତ ପରେ ବିପିନ ଅନ୍ୟ କାହାଠାରୁ ଟଙ୍କା ନେଇଛନ୍ତି ନା ନାହିଁ ଜଣାପଡିବ ବୋଲି ପୋଲିସ କହିଛି।

All Right Reserved By

Model This Week

ନିକିତା

ମେଟ୍ରୋ |

ନିଟ୍‌ ପରୀକ୍ଷା ପାଇଁ ଡ୍ରେସ୍‌କୋଡ୍‌ ଲାଗୁ

ନିଟ୍‌ ପରୀକ୍ଷା ପାଇଁ ଡ୍ରେସ୍‌କୋଡ୍‌ ଲାଗୁ

ଭୁବନେଶ୍ୱର,୧୯।୪(ବ୍ୟୁରୋ): ଆସନ୍ତା ୬ ତାରିଖରେ ହେବାକୁଥିବା ନ୍ୟାଶନାଲ ଏଲିଜିବିଲିଟି କମ ଏଣ୍ଟ୍ରାନ୍‌ସ ଟେଷ୍ଟ(ନିଟ୍‌) ୨୦୧୮ ପରୀକ୍ଷା ପାଇଁ ସିବିଏସ୍‌ଇ ଡ୍ରେସ୍‌କୋଡ୍‌ ଲାଗୁ କରିଛି। ପରୀକ୍ଷା ପାଇଁ ବୋର୍ଡ ନୂଆ ନିର୍ଦ୍ଦେଶନାମା ଜାରି କରିଛି।

ବିମାନବନ୍ଦରରୁ ସାପ ଉଦ୍ଧାର

ବିମାନବନ୍ଦରରୁ ସାପ ଉଦ୍ଧାର

ଭୁବନେଶ୍ୱର,୧୯।୪(ବ୍ୟୁରୋ): ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ ଗୁରୁବାର ଏକ ସାପ ଉଦ୍ଧାର ହୋଇଛି। ଏହା ଢମଣା ସାପ ବୋଲି ଜଣାପଡ଼ିଛି।

ମହାନ୍ତିପାଟଣାରେ ବାଦୀପାଲା ଉଦ୍‌ଯାପିତ

ମହାନ୍ତିପାଟଣାରେ ବାଦୀପାଲା ଉଦ୍‌ଯାପିତ

ବାଲିଅନ୍ତା,୧୯।୪(ଡି.ଏନ୍‌.ଏ.): ବାଲିଅନ୍ତା ବ୍ଲକ ଅଧୀନ ଜଗନ୍ନାଥପୁର ପଞ୍ଚାୟତ ଅଧୀନ ମହାନ୍ତିପାଟଣା ଗ୍ରାମର ଗ୍ରାମଦେବତୀ ବନଦୁର୍ଗାଙ୍କ ପୀଠସ୍ଥଳୀରେ ୫ ଦିନ ଧରି ଚାଲିଥିବା ସତ୍ୟନାରାୟଣ ବାଦୀପାଲା ଗୁରୁବାର ଉଦ୍‌ଯାପିତ ହୋଇଯାଇଛି।

ବେଆଇନ ଗୋ-ଚାଲାଣ: ୮ ଗିରଫ

ବେଆଇନ ଗୋ-ଚାଲାଣ: ୮ ଗିରଫ

କଟକ ଅଫିସ,୧୯।୪: ଟାଙ୍ଗୀ ଥାନା ଅନ୍ତର୍ଗତ ମଙ୍ଗୁଳି ଛକ ନିକଟରୁ ଗୁରୁବାର ୭୫ ଗୋରୁ ବୋଝେଇ ଏକ କଣ୍ଟେନରକୁ ପୋଲିସ ଜବତ କରିଛି। ଏହି ଘଟଣାରେ ପୋଲିସ ୮ ଜଣଙ୍କୁ ଗିରଫ କରିଛି।

ନିରଞ୍ଜନ ପଟ୍ଟନାୟକ ହେଲେ ପିସିସି ସଭାପତି

ନିରଞ୍ଜନ ପଟ୍ଟନାୟକ ହେଲେ ପିସିସି ସଭାପତି

ଭୁବନେଶ୍ୱର, ୧୯।୪(ବ୍ୟୁରୋ): ପିସିସି ସଭାପତି ଭାବେ ନିରଞ୍ଜନ ପଟ୍ଟନାୟକ ନିଯୁକ୍ତ ହୋଇଛନ୍ତି। ତାଙ୍କୁ ନିଯୁକ୍ତି କରିଛନ୍ତି ଏଆଇସିସି ହାଇକମାଣ୍ଡ ରାହୁଲ ଗାନ୍ଧୀ। ସେହିପରି ନବ କିଶୋର ଦାଶ, ଚିରଞ୍ଜିବୀ ବିଶ୍ୱାଳ ଓ ପ୍ରଦୀପ ମାଝୀଙ୍କୁ ପିସିସିର କାର୍ଯ୍ୟକାରୀ ସଭାପତି ମଧ୍ୟ କରାଯାଇଛି।

ଆରମ୍ଭ ହେଲା ରଥ ନିର୍ମାଣ

ଆରମ୍ଭ ହେଲା ରଥ ନିର୍ମାଣ

ପୁରୀ ଅଫିସ,୧୯।୪: ଆସନ୍ତା ଜୁଲାଇ ୧୪ରେ ରଥଯାତ୍ରା। ଏଥିପାଇଁ ରଥ ନିର୍ମାଣ କାର୍ଯ୍ୟ ଆରମ୍ଭ ହୋଇଛି। ପାରମ୍ପରିକ ବିଧି ଅନୁଯାୟୀ ବୁଧବାର ପବିତ୍ର ଅକ୍ଷୟ ତୃତୀୟାରେ ରଥ ନିର୍ମାଣ କାର୍ଯ୍ୟ ଅନୁକୂଳ ହୋଇଥିଲା।

୧୬ରୁ ଖୋଲିଛି ଜଗମୋହନ: ହାଇକୋର୍ଟରେ ସତ୍ୟପାଠ ଦାଖଲ

୧୬ରୁ ଖୋଲିଛି ଜଗମୋହନ: ହାଇକୋର୍ଟରେ ସତ୍ୟପାଠ ଦାଖଲ

କଟକ ଅଫିସ,୧୯।୪: ଶ୍ରୀମନ୍ଦିର ଜଗମୋହନ ପ୍ରସଙ୍ଗରେ ଗୁରୁବାର ହାଇକୋର୍ଟରେ ଶୁଣାଣି ହୋଇଥିଲା। ଗତ ୧୬ ତାରିଖରୁ ଜଗମୋହନ ସର୍ବସାଧାରଣଙ୍କ ଦର୍ଶନ ନିମନ୍ତେ ଖୋଲାଯାଇଛି।

ଶ୍ରୀମନ୍ଦିର ନୀତି ବିଭ୍ରାଟ ନେଇ ହାଇକୋର୍ଟଙ୍କ ଅସନ୍ତୋଷ

ଶ୍ରୀମନ୍ଦିର ନୀତି ବିଭ୍ରାଟ ନେଇ ହାଇକୋର୍ଟଙ୍କ ଅସନ୍ତୋଷ

କଟକ ଅଫିସ,୧୯।୪: ଶ୍ରୀମନ୍ଦିର ନୀତି ବିଭ୍ରାଟକୁ ନେଇ ହାଇକୋର୍ଟ ଅସନ୍ତୋଷ ପ୍ରକାଶ କରିଛନ୍ତି। ଗର୍ଭଗୃହ ଭିତରକୁ କେଉଁମାନେ ପ୍ରବେଶ କରିପାରିବେ ସେ ନେଇ ହାଇକୋର୍ଟ କୌଣସି ନିର୍ଦ୍ଦେଶ ଦେଇ ନ ଥିବା ସ୍ପଷ୍ଟ କରିଛନ୍ତି।

ଯୌତୁକ ଦାବିରେ ହତ୍ୟା ଉଦ୍ୟମ ଘଟଣା: ପୀଡ଼ିତା ମହିଳା କମିଶନଙ୍କ ଦ୍ୱାରସ୍ଥ

ଯୌତୁକ ଦାବିରେ ହତ୍ୟା ଉଦ୍ୟମ ଘଟଣା: ପୀଡ଼ିତା ମହିଳା କମିଶନଙ୍କ ଦ୍ୱାରସ୍ଥ

ଭୁବନେଶ୍ୱର,୧୯।୪(ବ୍ୟୁରୋ): ଯାଜପୁର ଜିଲା ପାଣିକୋଇଲି ଥାନା ଅନ୍ତର୍ଗତ ଓଚିନ୍ଦା ଗ୍ରାମର ବିମଳା ଭାରତୀ ନାମ୍ନୀ ଜଣେ ମହିଳାଙ୍କୁ ଅଧିକ ଯୌତୁକ ଦାବିକରି ପୋଡ଼ି ହତ୍ୟା ଉଦ୍ୟମ କରାଯିବା ନେଇ ପୀଡ଼ିତା ଗୁରୁବାର ମହିଳା କମିଶନଙ୍କ ଦ୍ୱାରସ୍ଥ ହୋଇଛନ୍ତି।

ପକ୍ଷୀଙ୍କ ପାଇଁ ଚିନ୍ତା: ଗଛରେ ଝୁଲୁଛି ମାଟିପାତ୍ର

ପକ୍ଷୀଙ୍କ ପାଇଁ ଚିନ୍ତା: ଗଛରେ ଝୁଲୁଛି ମାଟିପାତ୍ର

ପୁରୀ ଅଫିସ,୧୯।୪ : ପ୍ରଚଣ୍ଡ ଖରାରେ ଜଳୁଛି ସହର। ସକାଳ ୮ଟା ପରଠାରୁ ଖରାର ତାତି ଅସହ୍ୟ ହେଉଛି। ବାହାରକୁ ବାହାରିବାକୁ ଇଚ୍ଛା କରୁନି ମଣିଷ। ଏଭଳି ସ୍ଥଳେ ପଶୁପକ୍ଷୀଙ୍କ ସ୍ଥିତି ଅଧିକ ସଙ୍ଗୀନ ହୋଇପଡୁଛି। ବିଶେଷ କରି ଜଳାଭାବ ସେମାନଙ୍କ ପାଇଁ ପ୍ରମୁଖ ସମସ୍ୟା ପାଲଟିଛି।

ଜିଲା ସ୍ତରୀୟ ପ୍ରବନ୍ଧ ପ୍ରତିଯୋଗିତା

ଜିଲା ସ୍ତରୀୟ ପ୍ରବନ୍ଧ ପ୍ରତିଯୋଗିତା

ପୁରୀ ଅଫିସ,୧୯।୪: ଓଡ଼ିଆ ଭାଷା ସାହିତ୍ୟ ଓ ସଂସ୍କୃତିର ପକ୍ଷ ପାଳନ ଅବସରରେ ଜିଲା ପ୍ରଶାସନ ଆନୁକୂଲ୍ୟରେ ଜିଲା ସ୍ତରୀୟ ପ୍ରବନ୍ଧପ୍ରତିଯୋଗିତା ଗୁରୁବାର ବିଶ୍ୱମ୍ବର ବିଦ୍ୟାପୀଠ ପରିସରରେ ଅନୁଷ୍ଠିତ ହୋଇଯାଇଛି।

ରାହୁଲଙ୍କୁ ଭେଟିଲେ ଓଡ଼ିଶା କଂଗ୍ରେସ ନେତା

ରାହୁଲଙ୍କୁ ଭେଟିଲେ ଓଡ଼ିଶା କଂଗ୍ରେସ ନେତା

ଭୁବନେଶ୍ୱର,୧୯।୪(ବ୍ୟୁରୋ): କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ବାସଭବନଠାରେ ଗୁରୁବାର ପହଞ୍ଚିଛନ୍ତି ଓଡ଼ିଶା କଂଗ୍ରେସର କେତେଜଣ କଂଗ୍ରେସ ନେତା। ରାଜ୍ୟ କଂଗ୍ରେସର ସାଙ୍ଗଠନିକ ସ୍ଥିତିକୁ ନେଇ ରାହୁଲ ବରିଷ୍ଠ ନେତାମାନଙ୍କ ସହ ବିଚାରବିମର୍ଶ ଆରମ୍ଭ କରିଛନ୍ତି।