ଜାତୀୟ |

ଉଡ଼ନ୍ତା ବିମାନରେ ଭରାଗଲା ଇନ୍ଧନ

ଉଡ଼ନ୍ତା ବିମାନରେ ଭରାଗଲା ଇନ୍ଧନ
ନୂଆଦିଲ୍ଲୀ,୩୦।୧୧: ଭାରତୀୟ ବାୟୁସେନା (ଆଇଏଏଫ୍‌) ଗୁରୁବାର ଏକ ବଡ଼ ସଫଳତା ଅର୍ଜନ କରିଛି। ଏୟାରବର୍ନ ଅର୍ଲି ଓ୍ବାନିର୍ଂ ଆଣ୍ଡ କଣ୍ଟ୍ରୋଲ ସିଷ୍ଟମ୍‌ (ଏଇଡବ୍ଲ୍ୟୁ ଆଣ୍ଡ ସି) ପାଇଁ ଉଦ୍ଦିଷ୍ଟ ବାୟୁସେନାର ସ୍ବତନ୍ତ୍ର ଏମ୍ବ୍ରୟର୍‌ ପରିବହନକାରୀ ବିମାନରେ ଉଡ଼ନ୍ତା ଅବସ୍ଥାରେ ଇନ୍ଧନ ଭର୍ତ୍ତି କରାଯାଇଛି। ଏୟାର ଟୁ ଏୟାର (ଏଏଆର୍‌) ଅର୍ଥାତ୍‌ ଆକାଶରେ ଉଡୁଥିବା ସମୟରେ ହିଁ ଅନ୍ୟ ଏକ ବିମାନ ସାହାଯ୍ୟରେ ଏମ୍ବ୍ରୟର ବିମାନରେ ଇନ୍ଧନ ଭରାଯାଇଛି। ପରୀକ୍ଷାମୂଳକ ଭାବେ ସଫଳତାର ସହ ଇନ୍ଧନ ଭର୍ତ୍ତି କରାଯାଇଥିଲେ ସୁଦ୍ଧା ବିମାନ ଉଡ଼ାଣ ଚାଲିଥିଲାବେଳେ ସତର୍କତାର ସହ ଏହି କାର୍ଯ୍ୟ ସମ୍ପନ୍ନ ପାଇଁ ସ୍ବତନ୍ତ୍ର ଦକ୍ଷତାସମ୍ପନ୍ନ ପାଇଲଟଙ୍କୁ ନିୟୋଜିତ କରାଯିବ। କାରଣ ଇନ୍ଧନ ଭରିବାବେଳେ ଉଭୟ ବିମାନକୁ ନିର୍ଦ୍ଦିଷ୍ଟ ବ୍ୟବଧାନ ମଧ୍ୟରେ ଉଡ଼ାଣ କରିବାକୁ ପଡ଼ିବ। ମଝି ଆକାଶରେ ଇନ୍ଧନ ସରି ଆସିଲେ ଟ୍ୟାଙ୍କରରେ ପୁଣି ଇନ୍ଧନ ଭରିବାକୁ ୧୦ ମିନିଟ୍‌ ସମୟ ଲାଗିବ ଏବଂ ଏହାପରେ ବିମାନଟି ଆଉ ଚାରିଘଣ୍ଟା ଉଡ଼ାଣ କରିପାରିବ। ଏହି ପ୍ରକ୍ରିୟାକୁ କୁହାଯାଉଛି ‘ପ୍ରୋବ୍‌ ଆଣ୍ଡ ଡ୍ରୋଗ୍‌’। ସ୍ବଦେଶୀ ଜ୍ଞାନକୌଶଳରେ ନିର୍ମିତ ଏମ୍ବ୍ରୟର ବିମାନରେ ପ୍ରଥମଥର ପାଇଁ ଏଭଳି ଇନ୍ଧନ ଭରାଯିବା ପରେ ବାୟୁସେନାର ଶକ୍ତି ବଢ଼ିଯାଇଛି। ଏଣିକି ଜରୁରୀ ପରିସ୍ଥିତିରେ ଆଉ ବିମାନକୁ ଭୂପୃଷ୍ଠରେ ଅବତରଣ ନ କରାଇ ଆକାଶରେ ହିଁ ଇନ୍ଧନ ଭର୍ତ୍ତି କରିହେବ। ଉଚିତ୍‌ ସମୟରେ ଶତ୍ରୁକୁ କଡ଼ା ଯବାବ ଦେବାରେ ବାୟୁସେନା ପାଇଁ ଏହା ବେଶ ସହାୟକ ହେବ। ଚଳିତବର୍ଷ ଫେବୃୟାରୀରେ ବାଙ୍ଗାଲୋରର ୟେଲାହଙ୍କା ବାୟୁସେନା ଘାଟିରେ ଅନୁଷ୍ଠିତ ଏରୋ ଇଣ୍ଡିଆ ଶୋ’ବେଳେ ‘ଏଇଡବ୍ଲ୍ୟୁ ଆଣ୍ଡ ସି’ ଶ୍ରେଣୀର ଏହି ପ୍ରଥମ ସ୍ବତନ୍ତ୍ର ବିମାନ ବାୟୁସେନାକୁ ହସ୍ତାନ୍ତର କରାଯାଇଥିଲା। ଯୁଦ୍ଧବେଳେ ତୁରନ୍ତ ରଣକୌଶଳ ପରିବର୍ତ୍ତନ ପାଇଁ ଏୟାରବର୍ନ ସର୍ଭିଲାନ୍ସ ସିଷ୍ଟମ ଅନେକ ସହାୟକ ହେବ। ଶତ୍ରୁପକ୍ଷକୁ ସାମ୍ନା କରିବାବେଳେ ସତର୍କ ହେବା ଲାଗି ଏଥିରେ ରହିଛି ସ୍ବତନ୍ତ୍ର ବ୍ୟବସ୍ଥା। ବିମାନରେ ଲାଗିଥିବା ସେନ୍ସର ଜରିଆରେ ସୂଚନା ସଂଗ୍ରହ ଏବଂ ଆକାଶର ସ୍ଥିତି ସମ୍ପର୍କିତ ଫଟୋ ଉତ୍ତୋଳନ ଲାଗି ଏକ ସଫ୍ଟଓ୍ବେର ବ୍ୟବହାର ହୋଇଛି। ଖାଲି ସେତିକି ନୁହେଁ ବିମାନ ଉଡ଼ାଣ ଚାଲିଥିଲାବେଳେ ଭିତରୁ ଥାଇ ନେଟଓ୍ବର୍କ ସିଷ୍ଟମ୍‌ ମାଧ୍ୟମରେ ଯୁଦ୍ଧ ପରିଚାଳନା କରିହେବ। ପ୍ରତିରକ୍ଷା ଗବେଷଣା ଓ ବିକାଶ ସଂସ୍ଥାନ (ଡିଆର୍‌ଡିଓ) ଏବଂ ବାୟୁସେନାର ମିଳିତ ଉଦ୍ୟମରେ ‘ଏଇଡବ୍ଲ୍ୟୁ ଆଣ୍ଡ ସି’ ବିକଶିତ ହୋଇଛି। ସବୁ ପ୍ରକାର ପାଗରେ ଏହା କାର୍ଯ୍ୟକ୍ଷମ ହୋଇପାରିବ ବୋଲି ପରୀକ୍ଷାମୂଳକ ଉଡ଼ାଣରୁ ଜଣାପଡ଼ିଛି। ସବୁ ପ୍ରକାର ପରୀକ୍ଷାନିରୀକ୍ଷା ପରେ ଏହି ଏମ୍ବ୍ରୟର ବିମାନ ବାୟୁସେନା ଦ୍ୱାରା ଗ୍ରହଣ ହୋଇଛି। ଏହି ଶକ୍ତିବୃଦ୍ଧିରେ ବିଶ୍ୱର ଅଳ୍ପ କେତେକ ରାଷ୍ଟ୍ରର ବାୟୁସେନା ମଧ୍ୟରେ ଭାରତୀୟ ବାୟୁସେନା ଅନ୍ୟତମ ଭାବେ ଆତ୍ମପ୍ରକାଶ କରିଛି। ତେଣୁ ଭାରତ ପାଇଁ ଏହା ଏକ ଗୌରବ।
All Right Reserved By

ଜାତୀୟ |

ମର୍ମନ୍ତୁଦ ସଡ଼କ ଦୁର୍ଘଟଣା: ୪ ମୃତ, ୬ ଆହତ

ମର୍ମନ୍ତୁଦ ସଡ଼କ ଦୁର୍ଘଟଣା: ୪ ମୃତ, ୬ ଆହତ

ଉତ୍ତରକାଶୀ,୧୫।୧୦: ଉତ୍ତରାଖଣ୍ଡରେ ହୋଇଥିବା ଏକ ମର୍ମନ୍ତୁଦ ସଡ଼କ  ଦୁର୍ଘଟଣାରେ ଅତି କମ୍‌ରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୬ ଜଣ ଆହତ ହୋଇଛନ୍ତି। ଉତ୍ତରକାଶୀ ଜିଲାର ଯୋଗତ-ଚିନ୍ୟାଲୋସୁରଠାରେ ଏକ ଜିପ୍‌ ଦୁର୍ଘଟଣାଗ୍ରସ୍ତ ହୋଇଛି।

ହିନ୍ଦୁଙ୍କ ଭଳି ସରନେମ୍‌ ନ ଲାଗିବାରୁ ଗର୍ବାରେ ପ୍ରବେଶ ମିଳିଲାନି

ହିନ୍ଦୁଙ୍କ ଭଳି ସରନେମ୍‌ ନ ଲାଗିବାରୁ ଗର୍ବାରେ ପ୍ରବେଶ ମିଳିଲାନି

ଭଦୋଦରା,୧୫।୧୦: ଗୁଜରାଟ ଭଦୋଦରାର ବାସିନ୍ଦା ଡ. କରନ ଜାନି(୨୯)ଙ୍କର ଅଭିଯୋଗ ହେଉଛି ଯେ, ତାଙ୍କର ସରନେମ୍‌ ହିନ୍ଦୁଙ୍କ ସରନେମ୍‌ ଭଳି ନ ଲାଗିବାରୁ ସେ ଓ ତାଙ୍କର ୩ ଜଣ ସାଙ୍ଗକୁ ଗର୍ବା ଡ୍ୟାନ୍ସ ନାଇଟ୍‌ରେ ସ୍ଥାନ ମିଳିନାହିଁ। 

ପାକିସ୍ତାନର ଜେହାଦୀ ଶପିଂ: ଆତଙ୍କବାଦୀଙ୍କ ପାଇଁ ଆଇଏସ୍‌ଆଇ କିଣୁଛି ଅତ୍ୟାଧୁନିକ ପୋଷାକ

ପାକିସ୍ତାନର ଜେହାଦୀ ଶପିଂ: ଆତଙ୍କବାଦୀଙ୍କ ପାଇଁ ଆଇଏସ୍‌ଆଇ କିଣୁଛି ଅତ୍ୟାଧୁନିକ ପୋଷାକ

ନଗର, ୧୫।୧୦: ଜମ୍ମୁ-କଶ୍ମୀର ଭାରତ ପାକିସ୍ତାନ ନିୟନ୍ତ୍ରଣ ରେଖାଠାରେ ଆତଙ୍କବାଦୀଙ୍କ ଅନୁପ୍ରବେଶ ପାଇଁ ପାକିସ୍ତାନ ଆରମ୍ଭ କରିଛି ଜେହାଦୀ ଶପିଂ। 

‘ବେଟି ପଢାଓ, ବେଟିକୋ ଭାଜପା ଏମ୍‌ଏଲ୍‌ଏ ସେ ବଚାଓ’: ରାହୁଳ ଗାନ୍ଧୀ

‘ବେଟି ପଢାଓ, ବେଟିକୋ ଭାଜପା ଏମ୍‌ଏଲ୍‌ଏ ସେ ବଚାଓ’: ରାହୁଳ ଗାନ୍ଧୀ

ଭୋପାଳ,୧୫।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ଲୋଗାନକୁ ନେଇ କଟାକ୍ଷ କରିଛନ୍ତି କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧୀ। ସେ କହିଛନ୍ତି ମୋଦିଙ୍କ ସ୍ଲୋଗାନ, ‘ବେଟି ବଚାଓ ବେଟି ପଢାଓ’ ଶୁଣିବାକୁ ଠିକ୍‌ ଲାଗୁଛି।

ଭାରତ ସୀମାରେ ଚାଇନାର ଦାଦାଗିରି

ଭାରତ ସୀମାରେ ଚାଇନାର ଦାଦାଗିରି

ନୂଆଦିଲ୍ଲୀ/ବେଜିଂ,୧୫।୧୦: ଭାରତ ସୀମାରେ ପୁଣି ଚାଇନା ଆରମ୍ଭ କରିଛି ଦାଦାଗିରି। ୧୦ ଦିନ ତଳେ ଅରୁଣାଚଳ ପ୍ରଦେଶର ଦିଓ୍ବାଙ୍ଗ ଓ୍ବେଲୀରେ ଚାଇନା ସୈନ୍ୟ ଅନୁପ୍ରବେଶ କରିଥିଲେ। 

ମହିଳାଙ୍କ ତୁଳନାରେ ପୁରୁଷ କର୍ମଚାରୀଙ୍କୁ ଅଧିକ ପସନ୍ଦ କରୁଛନ୍ତି କମ୍ପାନୀ

ମହିଳାଙ୍କ ତୁଳନାରେ ପୁରୁଷ କର୍ମଚାରୀଙ୍କୁ ଅଧିକ ପସନ୍ଦ କରୁଛନ୍ତି କମ୍ପାନୀ

ନୂଆଦିଲ୍ଲୀ/ଓ୍ବାଶିଂଟନ,୧୫।୧୦: ମହିଳାଙ୍କ ତୁଳନାରେ ପୁରୁଷ କର୍ମଚାରୀଙ୍କୁ ଅଧିକ ପସନ୍ଦ କରୁଛନ୍ତି କମ୍ପାନୀ।  ଦେଶର ପ୍ରତି ୫ଟିରୁ ୪ଟି କମ୍ପାନୀରେ ମହିଳା କର୍ମଚାରୀଙ୍କ ସଂଖ୍ୟା ୧୦ ପ୍ରତିଶତରୁ କମ୍‌ ରହିଛି। 

ସିକିମକୁ ‘ସମ୍ପୂର୍ଣ୍ଣ ଜୈବିକ ରାଜ୍ୟ’ ମାନ୍ୟତା

ସିକିମକୁ ‘ସମ୍ପୂର୍ଣ୍ଣ ଜୈବିକ ରାଜ୍ୟ’ ମାନ୍ୟତା

ନୂଆଦିଲ୍ଲୀ,୧୫।୧୦: ବିଶ୍ୱରେ ପ୍ରଥମକରି ଶତ ପ୍ରତିଶତ ଜୈବିକ ରାଜ୍ୟ ମାନ୍ୟତା ଲାଭ କରିଛି ସିକିମ। ସୋମବାର ସିକିମ ରୋମ୍‌ରେ ଜାତିସଂଘ ଦ୍ୱାରା ‘ଓସ୍କାର ଫର ଦି ବେଷ୍ଟ ପଲିସିଜ୍‌’ ପୁରସ୍କାର ଲାଭ କରିବ। 

ପ୍ରେମିକାଙ୍କ ଘରେ ପଶି ନିଜକୁ ଗୁଳି କଲେ ପ୍ରେମିକ

ପ୍ରେମିକାଙ୍କ ଘରେ ପଶି ନିଜକୁ ଗୁଳି କଲେ ପ୍ରେମିକ

ନୂଆଦିଲ୍ଲୀ,୧୫।୧୦: ଦକ୍ଷିଣ ପଶ୍ଚିମ ଦିଲ୍ଳୀର କାପସହେଡାରୁ ଆସିଛି ଚକିତ କରିବା ଭଳି ଏକ ଖବର। ଏଠାରେ ଜଣେ ପ୍ରେମିକ ନିଜ ପ୍ରେମିକାଙ୍କ ଘରେ ପଶି ନିଜ ଉପରକୁ ଗୁଳି ଚଳାଇ ଆତ୍ମହତ୍ୟା କରିଛନ୍ତି।

୨୫ ଦିନ ପରେ ଘରୁ ମିଳିଲା ମହିଳାଙ୍କ ମୃତଦେହ

୨୫ ଦିନ ପରେ ଘରୁ ମିଳିଲା ମହିଳାଙ୍କ ମୃତଦେହ

ନୂଆଦିଲ୍ଲୀ,୧୫।୧୦: କ୍ୟାରିୟର ଓ ପଇସା ପଛରେ ଗୋଡାଇଥିବା ଆଧୁନିକ ଯୁଗର ମଣିଷ ପାଖରେ ଆଉ ପାରିବାରିକ ସମ୍ପର୍କ ନ ଥିବାର ଏକ ସଦ୍ୟତମ ଉଦାହରଣ ଦେଖିବାକୁ ମିଳିଛି ରାଜଧାନୀ ଦିଲ୍ଲୀର ନୋଏଡାରେ। 

ନନ୍‌ ବଳାତ୍କାର ମାମଲା: ବିଶପଙ୍କୁ ସର୍ତ୍ତମୂଳକ ଜାମିନ

ନନ୍‌ ବଳାତ୍କାର ମାମଲା: ବିଶପଙ୍କୁ ସର୍ତ୍ତମୂଳକ ଜାମିନ

ଥିରୁଭାନନ୍ତପୁରମ୍‌,୧୫।୧୦: କେରଳ ହାଇକୋର୍ଟ ସୋମବାର ନନ୍‌ ବଳାତ୍କାର ମାମଲାର ଅଭିଯୁକ୍ତ ପୋପ୍‌ ଫ୍ରାଙ୍କୋ ମୁଲାକ୍କାଲଙ୍କୁ ସର୍ତ୍ତ ମୂଳକ ଜାମିନ ପ୍ରଦାନ କରିଛନ୍ତି। 

ସହକର୍ମୀଙ୍କୁ ଲିପ୍ଟ ବଦଳରେ ଗଣ ବଳାତ୍କାର

ସହକର୍ମୀଙ୍କୁ ଲିପ୍ଟ ବଦଳରେ ଗଣ ବଳାତ୍କାର

ନୂଆଦିଲ୍ଲୀ,୧୫।୧୦: ରାଜଧାନୀ ଦିଲ୍ଲୀର ବସନ୍ତ କୁଞ୍ଜ ଅଞ୍ଚଳରେ ଏକ ମଲ୍ଟି ନ୍ୟାଶନାଲ କମ୍ପାନୀରେ କାମ କରୁଥିବା ଜଣେ ଯୁବତୀ ଗଣ ବଳାତ୍କାର ଶିବାକର ହୋଇଥିବା ଖବର ସାମ୍ନାକୁ ଆସିଛି। 

ରାମଲୀଳାରେ ଅଂଶଗ୍ରହଣ କରୁଛନ୍ତି ମୁସଲମାନ ପରିବାର

ରାମଲୀଳାରେ ଅଂଶଗ୍ରହଣ କରୁଛନ୍ତି ମୁସଲମାନ ପରିବାର

ଲକ୍ଷ୍ନୌ,୧୫।୧୦: ଉତ୍ତରପ୍ରଦେଶ ଲକ୍ଷ୍ନୌର ବକ୍ସି କା ତାଲାବ ଅଞ୍ଚଳରେ ଏକ ମୁସଲମାନ ପରିବାର ଦୀର୍ଘ ୩ ପିଢ଼ିଧରି ରାମଲୀଳାର ଆୟୋଜନ କରୁଛନ୍ତି। ଶାରଦୀୟ ଦୁର୍ଗାପୂଜାରେ ନବରାତ୍ର ଅବସରରେ ଏହି ପରିବାର ଅତି ଭକ୍ତି ତଥା ଶ୍ରଦ୍ଧାର ସହିତ ଏପରି କରିଥାନ୍ତି।