ସମ୍ପାଦକୀୟ |

ପରିବେଶ ପର୍ଯ୍ୟଟନ

ପରିବେଶ ପର୍ଯ୍ୟଟନ

ପ୍ରକାଶ ଚନ୍ଦ୍ର ମିଶ୍ର
ପରିବେଶର ସୁରକ୍ଷା କିପରି ଅପରିହାର୍ଯ୍ୟ, ତାହା ସମସ୍ତେ ହୃଦୟଙ୍ଗମ କରିସାରିଲେଣି। ଗ୍ରୀଷ୍ମର ଅସହ୍ୟ ରୌଦ୍ରତାପ, ବର୍ଷାକାଳେ ଅନିୟମିତ ବାରିପାତ, ଶୀତକାଳର ଅବଧି ହ୍ରାସ, ପରିବେଶର ପ୍ରଦୂଷଣର ହେତୁ ବିଭିନ୍ନ ରୋଗ ସୃଷ୍ଟି ପ୍ରଭୃତି ଅସୁରକ୍ଷିତ ପରିବେଶରୁ ସୃଷ୍ଟ। ଜୈବମଣ୍ଡଳର ସୁରକ୍ଷା ସହ ମୃତ୍ତିକାର ନିମ୍ନଭାଗରେ ତଥା ଉପରେ ରହୁଥିବା ଅସଂଖ୍ୟ ଉପକାରୀ କୀଟପତଙ୍ଗର ସୁରକ୍ଷା ଅପରିହାର୍ଯ୍ୟ। ଖାଦ୍ୟ ଲୋଭ ଏବଂ ଅନ୍ଧବିଶ୍ୱାସକୁ ପାଥେୟ କରି ମାଣିଷ କେତେ ଯେ ବନ୍ୟପ୍ରାଣୀଙ୍କୁ ଧ୍ୱଂସମୁଖକୁ ନେଲାଣି ତା’ର ହିସାବ ନାହିଁ। ଫସଲ ଉତ୍ପାଦନ ବୃଦ୍ଧି ପାଇଁ ରାସାୟନିକ ସାର ଏବଂ ବିଷାକ୍ତ କୀଟନାଶକର ବହୁଳ ପ୍ରୟୋଗ ଜଳ, ବାୟୁ, ମୃତ୍ତିକା ପ୍ରଦୂଷଣ ସହ ମୃତ୍ତିକା ଭିତରେ ଥିବା କିମ୍ବା ବୃକ୍ଷଲତା, ଜଳରେ ଆଶ୍ରିତ ଅସଂଖ୍ୟ ଉପକାରୀ କୀଟପତଙ୍ଗ, ଜଳଚର ଜୀବ ଯଥା ମାଛ, ବେଙ୍ଗ, କଇଁଛ, କଙ୍କଡା ଇତ୍ୟାଦିଙ୍କ ଧ୍ୱଂସର କାରଣ ସାଜିଛି। ତା’ଛଡା ପଶୁପକ୍ଷୀଙ୍କୁ ଦିଆଯାଉଥିବା ବିଭିନ୍ନ ପ୍ରାଣ ରକ୍ଷାକାରୀ ଔଷଧର କୁପ୍ରଭାବ ତାଙ୍କର ମୃତ୍ୟୁ ପରେ ମଧ୍ୟ ପରିଲକ୍ଷିତ ହେଉଛି। ଚିଲ, ଶାଗୁଣା ପ୍ରଭୃତି ପକ୍ଷୀର ଧ୍ୱଂସ ଉପରୋକ୍ତ କାରଣ ଯୋଗୁ ହୋଇଛି। ପଲିଥିନ୍‌ର ବହୁଳ ପ୍ରଚଳନ ଯୋଗୁ ନଦୀ, ନାଳରୁ ସମୁଦ୍ରକୁ ଯାଇ କେତେ ଯେ ଜୀବଜନ୍ତୁଙ୍କ କ୍ଷତି ପହଞ୍ଚାଉଛି ତାହା କଳ୍ପନାତୀତ। ପୁନଶ୍ଚ ଫୋପଡା ପଲିଥିନ୍‌ ଭିତରେ ଥିବା ବର୍ଜିତ ଖାଦ୍ୟପଦାର୍ଥକୁ ଖାଇ ବହୁ ନିରୀହ ପଶୁପକ୍ଷୀ ମୃତ୍ୟୁବରଣ କରୁଛନ୍ତି। ତେଣୁ ପରିବେଶ ସୁରକ୍ଷାର ଉଦ୍ଦେଶ୍ୟ ଛାତ୍ରସମାଜ, ଯୁବଗୋଷ୍ଠୀ, ବରିଷ୍ଠ ନାଗରିକ, ଗ୍ରାମବାସୀ ସମସ୍ତେ ଜାଣିବା ଏକାନ୍ତ ଆବଶ୍ୟକ। ଆଲୋଚନା କରାଯାଉଥିବା ପରିବେଶ ପର୍ଯ୍ୟଟନ ଏ ସମ୍ପର୍କରେ ସଚେତନତା ସୃଷ୍ଟି ପାଇଁ ଏକ ପ୍ରୟାସ। କିଛିବର୍ଷ ହେଲା ପ୍ରାକୃତିକ ଶୋଭା ବିମଣ୍ଡିତ ଉପାନ୍ତ ବଣଜଙ୍ଗଲରେ ରହିବା, ଖାଇବା, ବୁଲିବା ପାଇଁ ଗାଇଡ୍‌ର ବ୍ୟବସ୍ଥା କରାଯାଇଛି। ଘଞ୍ଚ ପାହାଡପର୍ବତ, ମନୋଲୋଭା ଜଳପ୍ରପାତ, ଉଷ୍ଣ ପ୍ରସ୍ରବଣ, ସର୍ପିଳ ଝରଣା, ହିଂସ୍ର ବନ୍ୟପ୍ରାଣୀଙ୍କ ଆବାସସ୍ଥଳୀ ପ୍ରଭୃତିକୁ ପରିଭ୍ରମଣ କରିବା ଏବଂ ପ୍ରକୃତିକୁ ନିଜେ ବୁଝିବା ପାଇଁ ବିଭିନ୍ନ ପରିବେଶ ପର୍ଯ୍ୟଟନ କେନ୍ଦ୍ରର ସୁବ୍ୟବସ୍ଥା କରାଯାଇଛି। ପ୍ରତ୍ୟେକ ପର୍ଯ୍ୟଟନ କେନ୍ଦ୍ର ନିକଟରେ ଥିବା ପ୍ରାକୃତିକ ଶୋଭାମୟ ଦୁର୍ଗମ ଅଞ୍ଚଳକୁ ନିଜ ପାଦରେ ଅନୁଭବ କରିବା ପାଇଁ ବିଭିନ୍ନ ଚଲାପଥ ସୃଷ୍ଟି କରାଯାଇ ପ୍ରତି ଚଲାପଥରେ ଦଶରୁ ପନ୍ଦର ଜଣ ପର୍ଯ୍ୟଟକଙ୍କୁ ଗୋଟିଏ ଦଳରେ ଜଣେ ସ୍ଥାନୀୟ ପରିବେଶବିତ୍‌ଙ୍କ ନେତୃତ୍ୱରେ ନେବାର ବନ୍ଦୋବସ୍ତ କରାଯାଏ। ଚଲାପଥରେ ଯିବା ସମୟରେ ସେମାନଙ୍କୁ ସ୍ଥାନୀୟ ଜୈବବିବିଧତା ବିଷୟରେ ବ୍ୟାଖ୍ୟା କରାଯାଏ। ତା’ଛଡା ଚଲାପଥ କିମ୍ବା ପାର୍ଶ୍ୱବର୍ତ୍ତୀ ଅଞ୍ଚଳରେ ବିଭିନ୍ନ ବନ୍ୟପ୍ରାଣୀଙ୍କ ଶବ୍ଦ, ପାଦଚିହ୍ନ, ପଡିଥିବା ଲୋମ, ଶିଙ୍ଗ, ପର, ସେମାନଙ୍କ ପ୍ରଜନନ ପ୍ରକ୍ରିୟା, ପରିବେଶ ସୁରକ୍ଷାରେ ସେମାନଙ୍କ ଅବଦାନ ବିଷୟରେ ଆଲୋଚନା କରାଯାଏ। ପାହାଡପର୍ବତରେ ଉପଲବ୍ଧ ଶିଳା, ଧାତୁ ବିଷୟରେ ସମ୍ୟକ୍‌ ଧାରଣା ଦିଆଯାଏ, ପୁଣି ସେମାନଙ୍କର ସୃଷ୍ଟି, ଉପକାରିତା ବିଷୟରେ ବର୍ଣ୍ଣନା କରାଯାଏ। ଚଲାପଥରେ ପଡ଼ିଥିବା ବିଭିନ୍ନ ବୃକ୍ଷଗଣ୍ଡି କିମ୍ବା ମାଟି ଉପରେ ଶୁଷ୍କ ବୃକ୍ଷର ଛାଲି ତଳେ ରହୁଥିବା ପୋକଜୋକ, ସେମାନଙ୍କ ପରିବେଶ ସୁରକ୍ଷାରେ ଅବଦାନ ବୁଝାଇ ଦିଆଯାଏ। ଚଲାପଥରେ ପଡୁଥିବା ଛୋଟ ଜଙ୍ଗଲୀ ନାଳ, ଜଳାଶ୍ରୟ, ସେଥିରେ ବସବାସ କରୁଥିବା ଜଳଚର ଜୀବ, କୀଟପତଙ୍ଗ ପ୍ରଭୃତିଙ୍କ ବିଷୟରେ ପର୍ଯ୍ୟଟକଙ୍କୁ ସମ୍ୟକ୍‌ ଜ୍ଞାନ ବିତରଣ କରାଯାଏ। ଜଙ୍ଗଲ ଭିତରେ ପ୍ରବାହିତ ନଦୀନାଳ କିପରି ବର୍ଷସାରା ପାଣିରେ ପରିପୂର୍ଣ୍ଣ ରହେ, ଏଥିପାଇଁ ସେମାନଙ୍କର ଉପରମୁଣ୍ଡରେ ଥିବା ମୃତ୍ତିକା ଓ ଗଛଲତା କିପରି ସାହାଯ୍ୟ କରେ ପର୍ଯ୍ୟଟକମାନେ ତାହା ହୃଦୟଙ୍ଗମ କରନ୍ତି। ଚଲାପଥର ଉଭୟ ପାର୍ଶ୍ୱର ଗ୍ରାମବାସୀଙ୍କ ସହ କଥାବାର୍ତ୍ତାର କାର୍ଯ୍ୟକ୍ରମ କରାଯାଇଥାଏ। ବନବାସୀଙ୍କ ଧାନ କିମ୍ବା ଅନ୍ୟାନ୍ୟ କ୍ଷେତ ଆଗରୁ ଦେଖାହୋଇଥାଏ। କଥାବାର୍ତ୍ତାରୁ ଜଣାପଡେ କିପରି ବନବାସୀମାନେ ରାସାୟନିକ ସାର ଏବଂ କୀଟନାଶକରୁ ସେମାନଙ୍କର କ୍ଷେତକୁ ଦୂରେଇ ରଖିଛନ୍ତି। ଶଢା ଗୋବରଖତ, ନିମପିଡିଆ ଓ କମ୍ପୋଷ୍ଟ ସେମାନେ ଚାଷଜମିରେ ପ୍ରୟୋଗ କରନ୍ତି। ଶସ୍ୟଗୁଡ଼ିକୁ ସାଇତିବା ପାଇଁ ଶୁଖିଲା ନିମ, ନିର୍ଗୁଣ୍ଡି ପତ୍ରର ପ୍ରୟୋଗ କରନ୍ତି। ଚାଷ କରୁଥିବା ଧାନ ଏବଂ ଅନ୍ୟାନ୍ୟ ଶସ୍ୟର ମଞ୍ଜି ବାପଅଜା ଅମଳରୁ ହେଉଥିବା ଶସ୍ୟ, ବହୁଳ ଭାବେ ଅନ୍ୟଆଡେ ବ୍ୟବହୃତ ହାଇବ୍ରିଡ ବୀଜ ନୁହେଁ। ଆଲୋଚନା ସମୟରେ ସେମାନେ ଖାଉଥିବା ଭାତ, ଡାଲି ଏବଂ ତରକାରି କିପରି ସ୍ବାଦିଷ୍ଠ ତାହା ପର୍ଯ୍ୟଟକମାନେ ହୃଦୟଙ୍ଗମ କରନ୍ତି। ବନବାସୀମାନେ ଅଶିକ୍ଷିତ ଅବା ଗରିବ ହୋଇପାରନ୍ତି, ମାତ୍ର ସେମାନେ ବନ୍ଧୁବତ୍ସଳ। ନାଲି ଚା’ ଦେବାକୁ ସେମାନେ ଭୁଲିଯାଆନ୍ତି ନାହିଁ। ତା’ ପୁଣି ପତ୍ରରେ ତିଆରି ଗ୍ଲାସରେ, ପଲିଥିନ୍‌ର ପ୍ରଚଳନ ସେଠାରେ ନାହିଁ। ସେ ଚା’ ପତି ଆମେ ବ୍ୟବହାର କରୁଥିବା ପତି ନୁହେଁ, ତାହା ତାଙ୍କର ତୁଳସୀଗଛର ଶୁଖିଲା ପତ୍ର। ସ୍ବାଦ ବହୁତ ଭଲ ଏବଂ ଏହା ଏକ ଔଷଧ ମଧ୍ୟ। ଗ୍ରାମବାସୀମାନଙ୍କ ସହ କଥାବାର୍ତ୍ତାରୁ ଜଣାପଡିବ କିପରି ସାଧାରଣ ଜ୍ୱର, କାଶ, ମ୍ୟାଲେରିଆ, ଥଣ୍ଡା ପ୍ରଭୃତି ରୋଗ ବ୍ୟତୀତ ସେମାନେ ସାଧାରଣତଃ ଅନ୍ୟ ରୋଗର ଶିକାର ହୁଅନ୍ତି ନାହିଁ। ଔଷଧୀୟ ଚେରମୂଳିରୁ ସେମାନେ ଭଲ ହୁଅନ୍ତି। ରୋଗମୁକ୍ତ ଜୀବନ ବୋଧହୁଏ ସୁସ୍ଥ ପରିବେଶରେ ରହିବାର ଫଳ। ପାହାଡିଆ ଅଞ୍ଚଳରେ ସା ଜଲ୍‌ଦି ଆସିଯାଏ, ସହର ବଜାର ଅଞ୍ଚଳଠାରୁ ଟିକେ ଅଧିକ ଥଣ୍ଡା ସେ ଅଞ୍ଚଳରେ ଅନୁଭୂତ ହୁଏ। ଚଲାପଥରେ ଯିବା ଆସିବା ଦ୍ୱାରା ସେମିତି ବିଶେଷ କଷ୍ଟ ଅନୁଭୂତ ହୁଏନାହିଁ, ଝାଳ କମ୍‌ ବୁହେ। ଅଧିକାଂଶ ଜଙ୍ଗଲ ଭିତର ଗ୍ରାମରେ ବିଦ୍ୟୁତ୍‌ ସେବାରୁ ବନବାସୀ ବଞ୍ଚିତ। ମାତ୍ର ସେମାନେ ଶୁଖରେ ନିଦ୍ରା ଯାଆନ୍ତି। ଅତ୍ୟଧିକ ଗରମ ସେମାନେ ସା ପରେ ଅନୁଭବ କରନ୍ତି ନାହିଁ। ବନବାସୀମାନଙ୍କ ଘରର ବର୍ଜିତ ଦୂଷିତ ଜଳ ମାଟିକୁ ଚାଲିଯାଏ, ତେଣୁ ନାଳ, ଝରଣା ପ୍ରଦୂଷଣମୁକ୍ତ ରହେ। ପରିବେଶ ପର୍ଯ୍ୟଟନ କେନ୍ଦ୍ରରେ ରହିବା ସମୟରେ କିପରି ସେଠାକାର ପରିବେଶ ହୃଦୟସ୍ପର୍ଶୀ, ପର୍ଯ୍ୟଟକମାନେ ତାହା ଅନୁଭବ କରନ୍ତି। ପରିବେଶର ସୁରକ୍ଷା କାହିଁକି ଜରୁରୀ ତାହା ମଧ୍ୟ ଜାଣନ୍ତି। କିପରି ଏହା ସମ୍ଭବ ତାହା ଚିନ୍ତା କରନ୍ତି। ସମସ୍ତ ପ୍ରକାର ଆଧୁନିକ ଶୈଳୀର ଚଳଣିକୁ ଯଥାସମ୍ଭବ ବିସର୍ଜନ କରିବାକୁ ପଡିବ। ତା’ ହେଲେ ଯାଇ ପରିବେଶର ସୁରକ୍ଷା ସମ୍ଭବ।
ବୃନ୍ଦାବନ ଏନ୍‌କ୍ଲେଭ, ଖଣ୍ଡଗିରି, ଭୁବନେଶ୍ୱର, ମୋ-୯୪୩୭୧୯୩୧୭୫

All Right Reserved By

Model This Week

Model This Week

ସମ୍ପାଦକୀୟ |

ନିରର୍ଥକ ପରୀକ୍ଷା

ନିରର୍ଥକ ପରୀକ୍ଷା

ପରିବେଶ ପରିଚିନ୍ତା/ ମାନେକା ଗାନ୍ଧୀ ଅନେକ କମ୍ପାନୀ ପ୍ରାଣୀଙ୍କ ଉପରେ ପରୀକ୍ଷା ନିରୀକ୍ଷା କରୁଛନ୍ତି। ଏପରି କି ଅନେକ ଅନାବଶ୍ୟକ ପରୀକ୍ଷା ବି ସେମାନେ କରୁଛନ୍ତି। ଉଦାହରଣସ୍ବରୂପ ପର୍‌ଫ୍ୟୁମ୍‌ (ବାସ୍ନା) କମ୍ପାନୀମାନେ ପର୍‌ଫ୍ୟୁମ୍‌ ତିଆରି ପାଇଁ ସବୁ ଜିନିଷ ଅଲଗା ଅଲଗା ରଖିଥାନ୍ତି। ତାକୁ କେବଳ ମିଶେଇବା କଥା। କିନ୍ତୁ ସେମାନେ ସେହି ପର୍‌ଫ୍ୟୁମ୍‌କୁ ଠେକୁଆଙ୍କ ଆଖିରେ ସ୍ପ୍ରେ କରୁଛନ୍ତି। ତାଙ୍କ ଚମକୁ ଚିରି ସେଥିରେ ଘଷୁଛନ୍ତି। ଆହୁରି ଅନେକ ଭୟଙ୍କର ପରୀକ୍ଷା କରୁଛନ୍ତି। ଏମାନେ ହେଲେ ଆରାମିଜ୍‌, ବାଲେନ୍ସିଆଗା, ବଲଗାରି, କାଚାରେଲ, ଡୋନ୍ନା କରନ, ଡନ୍‌ହିଲ ଫ୍ରାଗ୍ରାନ୍ସେସ୍‌, ଏଲିଜାବେଥ୍‌ ଆର୍ଡେନ୍‌, ଗୁସି ଫ୍ରାଗ୍ରାନ୍ସେସ୍‌, ହୁଗୋ ବସ୍‌, ଜୋ ମାଲୋନ୍‌, ଲାକୋଷ୍ଟ ଫ୍ରାଗ୍ରାନ୍ସେସ୍‌, ମାର୍କ ଜାକୋବ୍ସ ଫ୍ରାଗ୍ରାନ୍ସେସ୍‌, ମାଇକେଲ କୋର୍ସ, ମିସୋନି, ରାଲ୍‌ଫ ଲରେନ୍‌ ଫ୍ରାଗ୍ରାନ୍ସେସ୍‌, ଟମି ହିଲ୍‌ଫିଗର ଓ କେଞ୍ଜୋ ପ୍ରଭୃତି। ...

 ଲୋଡ଼ା ପ୍ରାକୃତିକ ଜଙ୍ଗଲ

ଲୋଡ଼ା ପ୍ରାକୃତିକ ଜଙ୍ଗଲ

ବିଚିତ୍ର ବିଶ୍ୱାଳ ପ୍ରକୃତି, ପରିବେଶ ଓ ସର୍ବୋପରି ମାନବ ସମାଜକୁ ବଞ୍ଚେଇ ରଖିବାରେ ଜଙ୍ଗଲର ଏକ ମହତ୍ତ୍ୱପୂର୍ଣ୍ଣ ଭୂମିକା ରହିଛି। ଜଙ୍ଗଲ ଏମିତି ଏକ ଜୈବ ସମାଜ, ଯେଉଁଥିରେ ଅନେକ ପ୍ରକାର ବୃକ୍ଷଲତା, ଜୀବଜନ୍ତୁ, କୀଟପତଙ୍ଗ ଓ କୋଟି କୋଟି ପ୍ରଜାତିର ଅଣୁଜୀବ ପରସ୍ପର ସହିତ ସଂଶ୍ଳିଷ୍ଟ ହୋଇ ସହାବସ୍ଥାନ କରିଥାନ୍ତି। ଏସବୁକୁ ନେଇ ଜଙ୍ଗଲର ପରିଭାଷା। ମାନବ ସମାଜର ଏକ ବଡ଼ ଭାଗ ଜଙ୍ଗଲ ଭିତରେ ବା ଜଙ୍ଗଲ ସହିତ ପ୍ରତ୍ୟକ୍ଷ ଭାବରେ ଜଡ଼ିତ ହୋଇ ବସବାସ କରିଥାନ୍ତି। ଠିକ୍‌ ସମୟରେ ବର୍ଷା ହେବାରେ, ବାୟୁମଣ୍ଡଳର ତାପମାତ୍ରାକୁ ସନ୍ତୁଳିତ ରଖିବାରେ, ଅଙ୍ଗାରକାମ୍ଳ ଗ୍ୟାସ୍‌କୁ ନିୟନ୍ତ୍ରଣରେ ରଖି ଅମ୍ଳଜାନ ପ୍ରଦାନ କରିବାରେ, ବିଭିନ୍ନ ପ୍ରକାର କାଷ୍ଠ ଓ ଅଣକାଷ୍ଠ ଦ୍ରବ୍ୟ ଯୋଗାଇବାରେ, ଔଷଧୀୟ ଉପାଦାନ ଆଦି ଯୋଗାଇ ମାନବ ସମାଜକୁ ତିଷ୍ଠି ରହିବାରେ ଜଙ୍ଗଲ ବହୁଳ ଭାବେ ସାହାଯ୍ୟ କରିଥାଏ। ୧୮୯୪ ଓ ୧୯୫୨ ମସିହାରେ ପ୍ରଣୀତ ଜଙ୍ଗଲ ନୀତିରେ ମୁଖ୍ୟତଃ ଉପତ୍ାଦନ ତଥା ଜଙ୍ଗଲରୁ ଆର୍ଥିକ ରୋଜଗାର ଉପରେ ହଁି ମୁଖ୍ୟ ଗୁରୁତ୍ୱ ଦିଆଯାଇଥିଲା। ତା’ପରେ ୧୯୮୮ ମସିହାର ଜଙ୍ଗଲ ନୀତିରେ ମାନବ ଓ ଅନ୍ୟାନ୍ୟ ଜୀବଜନ୍ତୁଙ୍କର ଜୀବନ ଧାରଣ ପାଇଁ ପରିବେଶ ଓ ପ୍ରକୃତିର ସନ୍ତୁଳନକୁ ବଜାୟ ରଖିବାରେ ଜଙ୍ଗଲର ଭୂମିକାକୁ ମୁଖ୍ୟ ଗୁରୁତ୍ୱ ଦିଆଯାଇଥିଲା। ...

କୃଷି ଅନୁରାଗୀ ଗଜପତି

କୃଷି ଅନୁରାଗୀ ଗଜପତି

ବିନୋଦ ଚନ୍ଦ୍ର ଜେନା ସମ୍ପ୍ରତି ଆମ ରାଜ୍ୟ ତଥା ଦେଶରେ କୃଷକମାନଙ୍କ ସମସ୍ୟା ଦିନକୁ ଦିନ ବଢିବାରେ ଲାଗିଛି ା କୃଷକ ଆତ୍ମହତ୍ୟା କରୁଛି ା କୃଷିକୁ ନେଇ ରାଜନୀତି ଚାଲିଛି। କିନ୍ତୁ ଉତ୍କଳ ପ୍ରଦେଶ ଗଠନ ପରେ କୃଷି ଓ କୃଷକଙ୍କ ଉନ୍ନତି ପାଇଁ ମହାରାଜା ଶ୍ରୀକୃଷ୍ଣଚନ୍ଦ୍ର ଗଜପତି (୨୬ା୦୪ା୧୮୯୨-୨୫ା୦୫ା୧୯୭୪)ଙ୍କ ଦୂରଦୃଷ୍ଟି ସୁଦୂରପ୍ରସାରୀ ଥିଲା ା ଇଂରେଜ ସରକାର ପାରଳା ରାଜ୍ୟକୁ ଏକ ଜମିଦାରି ରୂପେ ଗ୍ରହଣ କରିଥିଲେ ସୁଦ୍ଧା ଖେମୁଣ୍ଡି ରାଜ୍ୟର ବାସିନ୍ଦାମାନଙ୍କ ହୃଦୟର ବାସ୍ତବିକ୍‌ ସମ୍ରାଟ ଥିଲେ ...

ଏଇ ଭାରତରେ

ଏଇ ଭାରତରେ

ଭାରତର ମହାନ୍‌ ସଂସ୍କୃତି କହେ, ପିତାଙ୍କୁ ପୂଜାକଲେ ସମସ୍ତ ଦେବଦେବୀ ସନ୍ତୁଷ୍ଟ ହୁଅନ୍ତି। ମାତ୍ର ବସ୍ତୁବାଦୀ ସମାଜରେ ପିତାମାନେ ବାର୍ଦ୍ଧକ୍ୟରେ ଅଲୋଡ଼ା ହୋଇଯାଉଛନ୍ତି। କେତେକ କ୍ଷେତ୍ରରେ ସେମାନଙ୍କୁ ଜରାନିବାସରେ ଜୀବନ କଟାଇବାକୁ ପଡ଼ୁଛି, ନଚେତ୍‌ ରାସ୍ତାକଡ଼, ବସ୍‌ଷ୍ଟାଣ୍ଡ, ରେଳଷ୍ଟେଶନ ପାଲଟିଯାଉଛି ଆଶ୍ରୟସ୍ଥଳ। ପିଲାମାନେ ନିଜ ପରିବାର ସହ ରହୁଥିଲେ ମଧ୍ୟ ଅଧିକାଂଶ କ୍ଷେତ୍ରରେ ସେଠି ବୃଦ୍ଧ ମାତାପିତାଙ୍କୁ ସ୍ଥାନ ମିଳୁନି। ଯଦି କୌଣସି ସମୟରେ ବୃଦ୍ଧ ପିତା ଘରେ ରହିବାକୁ ଅଡ଼ିବସୁଛନ୍ତି ତାଙ୍କୁ ନିର୍ଯାତନାର ଶିକାର ହେବାକୁ ପଡ଼ୁଛି। ନିକଟରେ ଉତ୍ତରପ୍ରଦେଶର କୁଶୀନଗର ଜିଲାରେ ଦେଖିବାକୁ ମିଳିଛି ଏଭଳି ଏକ ଅମାନବୀୟ ଘଟଣା। ବୃଦ୍ଧ ପିତା ଘରେ ରହିବାକୁ ଜିଦି କରିବାରୁ ବଡ଼ପୁଅ ତାଙ୍କୁ ଏକ ଗଛରେ ବାନ୍ଧି ପିଟିବାକୁ ପଛାଇଲେ ନାହିଁ। ନିକଟରେ ସାନଭାଇ ଛିଡ଼ାହୋଇ ସବୁ ଦେଖୁଥିଲେ ମଧ୍ୟ କିଛି କହୁ ନ ଥିଲେ। ଏହି ବୃଦ୍ଧ ପିତା ଜଣକ ହେଉଛନ୍ତି ନୁରୁଲ ଇସ୍‌ଲାମ୍‌ ଓରଫ ହାଥୁ। ବାର୍ଦ୍ଧକ୍ୟରେ ତାଙ୍କର ମୁଣ୍ଡ ଠିକ୍‌ ରହୁ ...

 ସମ୍ପାଦକୀୟ/ବଂଶବାଦ ଏକ ମାଧ୍ୟମ

ସମ୍ପାଦକୀୟ/ବଂଶବାଦ ଏକ ମାଧ୍ୟମ

ଚଳିତବର୍ଷ ମେ ୧୨ରେ କର୍ନାଟକ ବିଧାନସଭା ନିର୍ବାଚନ। ଏହାକୁ ନେଇ ରାଜନୈତିକ ପରିସ୍ଥିତି ଉଷ୍ମ ଥିବାବେଳେ କର୍ନାଟକ ‘ପୁତ୍ର ଉଦୟ’ ବା ‘son rise’ ରାଜ୍ୟରେ ପରିଣତ ହୋଇଛି ବୋଲି ଆଲୋଚନା ଆରମ୍ଭ ହୋଇ ଗଲାଣି। ଏହି ରାଜ୍ୟରୁ ବିଭିନ୍ନ ସମୟରେ ମୁଖ୍ୟମନ୍ତ୍ରୀ ରହି ଆସିଥିବା ନେତାମାନଙ୍କର ପ୍ରାୟ ୮ଜଣ ପୁତ୍ର ଏଥର ନିର୍ବାଚନ ଲଢୁଛନ୍ତି। ପୂର୍ବତନ ମୁଖ୍ୟମନ୍ତ୍ରୀ ଏସ୍‌.ଆର୍‌. ବୋମାଇଙ୍କ ପୁତ୍ର ବାସବରାଜଙ୍କ ଠାରୁ ଆରମ୍ଭ କରି ଏସ୍‌. ବାଙ୍ଗରାପ୍ପାଙ୍କ ପୁତ୍ର ମହିମା, ଧରମ ସିଂଙ୍କ ପୁତ୍ର ଅଜୟ, ଏଚ୍‌ଡି ଦେବେଗୌଡାଙ୍କ ପୁତ୍ର କୁମାର ସ୍ବାମୀ ଓ ରେବାନ୍ନା ଏବଂ ବର୍ତ୍ତମାନର ମୁଖ୍ୟମନ୍ତ୍ରୀ ସିଦ୍ଧରାମାୟାଙ୍କ ପୁତ୍ର ଯତୀନ୍ଦ୍ର ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇଛନ୍ତି। ଗୁରୁତ୍ୱପୂର୍ଣ୍ଣ କଥା ହେଉଛି ପୂର୍ବତନ ମୁଖ୍ୟମନ୍ତ୍ରୀ ତଥା ଏବେକାର ମୁଖ୍ୟ ଭାଜପା ନେତା ବି.ଏସ୍‌. ୟେଦୁରାପ୍ପା ତାଙ୍କର ପୁତ୍ର ବି. ଓ୍ବାଇ. ବିଜୟେନ୍ଦ୍ରଙ୍କୁ ପ୍ରାର୍ଥୀ କରିବାକୁ ନିଷ୍ପତ୍ତି ନେଇଥିଲେ ମଧ୍ୟ ଶେଷ ମୁହୂର୍ତ୍ତରେ ଏଥିରୁ ଓହରି ଯାଇଛନ୍ତି, ଯାହାକୁ ନେଇ ନାମାଙ୍କନପତ୍ର ଦାଖଲ...

ନଦୀର ସ୍ବାସ୍ଥ୍ୟ

ନଦୀର ସ୍ବାସ୍ଥ୍ୟ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ ନିକଟ ଅତୀତରେ ହୋଇଥିବା ବିଭିନ୍ନ ଘୋଷଣାରୁ ଲାଗୁଛି ଯେ ନଦୀ ବଞ୍ଚାଇବା ପାଇଁ ସରକାରୀ ଅଭିଯାନ ଆରମ୍ଭ ହୋଇଯାଇଛି ବା ହେବାକୁ ଯାଉଛି ଓଡ଼ିଶାରେ। ରାଜ୍ୟ ସରକାର ‘ସବୁଜ ମହାନଦୀ ଅଭିଯାନ’ କଥା କହିଛନ୍ତି। ସିଆଡ଼େ ସମ୍ବଲପୁର ଜିଲା ପ୍ରଶାସନ ସବୁଜ, ସ୍ବଚ୍ଛ ଓ ସୁନ୍ଦର ମହାନଦୀର ଆହ୍ବାନ ଦେଇ ବିଭିନ୍ନ ଆୟୋଜନ ଆରମ୍ଭ କରିଦେଇଛନ୍ତି। ନଦୀଜଳର ଭାଗବଣ୍ଟାକୁ ନେଇ ଦୁଇ ରାଜ୍ୟ ମଧ୍ୟରେ ବିବାଦ ଖୁବ୍‌ ଜମିଥିବା ବେଳେ ନଦୀର ସ୍ବାସ୍ଥ୍ୟକୁ ନେଇ ଚିନ୍ତା ପ୍ରକାଶ ପାଇବା ଖୁସିର କଥା। ନଦୀ ହେଉଛି ସଭ୍ୟତାର ଆଧାର, ନଦୀ ଯୋଗୁ ସଭ୍ୟତାର ପ୍ରବାହ ହୋଇଥାଏ। ନଦୀର ସ୍ଥିତିରୁ ସଭ୍ୟତା କେତେ ସୁସ୍ଥ ଓ ସଭ୍ୟ ତାହା ଜଣାପଡ଼ିଥାଏ। ଶ୍ରୀମଦ୍‌ଭାଗବତର ଦ୍ୱିତୀୟ ସ୍କନ୍ଧ ପ୍ରଥମ ଅଧ୍ୟାୟର ୩୨-୩୩ ଶ୍ଳୋକରେ ଉଲ୍ଲେଖ ଅଛି: ବୃକ୍ଷରାଜି ହେଉଛି ପ୍ରଭୁଙ୍କ ଶରୀରର ଲୋମ, ବାୟୁ ହେଉଛି ପ୍ରଭୁଙ୍କର ...

ମ୍ୟାଲେରିଆ ନିରାକରଣ

ମ୍ୟାଲେରିଆ ନିରାକରଣ

ଡା. ରାମଚନ୍ଦ୍ର ରାଉତ ଏପ୍ରିଲ ୨୫କୁ ‘ବିଶ୍ୱ ମ୍ୟାଲେରିଆ’ ଦିବସ ରୂପେ ପାଳନ କରାଯାଏ। ମ୍ୟାଲେରିଆ ଏକ ପ୍ରମୁଖ ସଂକ୍ରାମକ ରୋଗ ରୂପେ ଆବହମାନ କାଳରୁ ରହି ଆସିଛି ଏବଂ ଏହା ବିଶ୍ୱର ଅଧିକାଂଶ ମୃତ୍ୟୁ ଓ ଦାରିଦ୍ର୍ୟର ଏକ ପ୍ରମୁଖ କାରଣ। ପ୍ରତି ୨ ମିନିଟ୍‌ରେ ଗୋଟିଏ ଶିଶୁ କେଉଁଠି ନା କେଉଁଠି ମ୍ୟାଲେରିଆ ସଂକ୍ରମଣ ଦ୍ୱାରା ମୃତ୍ୟୁମୁଖରେ ପଡିଥାଏ। ୨୦୧୫ରେ ସାରା ବିଶ୍ୱରେ ୨୧କୋଟି ୨୦ଲକ୍ଷ ଲୋକ ମ୍ୟାଲେରିଆରେ ପୀଡିତ ହୋଇଥିବା ବେଳେ ତହିଁରୁ ୪ ଲକ୍ଷ ୨୯ ହଜାର ମୃତ୍ୟୁମୁଖରେ ପଡିଥିଲେ। ମାତ୍ର ୨୦୧୬ରେ ଏହା କମିବା ପରିବର୍ତ୍ତେ ଆହୁରି ୫୦ ଲକ୍ଷ ଲୋକ ଏହାଦ୍ୱାରା ଆକ୍ରାନ୍ତ ହୋଇଥିଲେ।...

ଏଇ ଭାରତରେ

ଏଇ ଭାରତରେ

ଝିଅର ବିବାହ ବୟସ ହେଲେ ମାତାପିତାଙ୍କର ଚିନ୍ତା ବଢ଼େ। ସବୁଠୁ ଚିନ୍ତା ଅଧିକ ଘାରେ ଯୌତୁକକୁ ନେଇ। ମଧ୍ୟପ୍ରଦେଶର ଟିକମଗଡ ଜିଲା ପୃଥ୍ବୀପୁରରେ ଏମିତି ଏକ ବାହାଘର ହେଲା ଯାହା ସମସ୍ତଙ୍କ ଆଖି ଖୋଲିଦେଇଛି। ବିବାହରେ ପୁଅଘର ଲୋକେ ଯୌତୁକ ଭାବେ ଝିଅଘରୁ କେବଳ ଗୋଟିଏ ଗଛର ଚାରା ନେଇଛନ୍ତି। ଝିଅ ଘରକୁ ମଧ୍ୟ ବଦଳରେ ଏକ ଚାରା ଦେଇଛନ୍ତି। ବାହାଘରକୁ ଯେଉଁ ବରଯାତ୍ରୀ ଯିବେ ସମସ୍ତଙ୍କୁ ଗୋଟିଏ କରି ଚାରା ଉପହାର ଦେବାକୁ ବରଘର ଝିଅଘରକୁ ଅନୁରୋଧ କରିଥିଲେ। ତାହା ହିଁ ହୋଇଛି। ଉପହାର ଭାବେ ଦିଆଯାଉଥିବା ଚାରାଟିକୁ ସଯତ୍ନରେ ଲଗାଇ ବଢାଇବାକୁ ସମସ୍ତଙ୍କୁ ସଂକଳ୍ପ କରାଯାଇଥିଲା। ଏଭଳି ଅନନ୍ୟ ବିବାହ କରିଥିବା ଯୁବକ ଜଣକ ହେଉଛନ୍ତି ଅମିତ ଦୁବେ। ଉକ୍ତ ଅଞ୍ଚଳରେ ପ୍ରତିବର୍ଷ ...

ସମ୍ପାଦକୀୟ/ରକ୍ତ ଶୋଷଣ, ପରେ ଦାନ

ସମ୍ପାଦକୀୟ/ରକ୍ତ ଶୋଷଣ, ପରେ ଦାନ

ଦେଶର ପ୍ରଗତିରେ ପରିବହନ ବ୍ୟବସ୍ଥା ସୁଗମ ହେବା ନିତାନ୍ତ ଦରକାର। ଏଥିପାଇଁ ପ୍ରମୁଖ ଉପାଦାନ ହେଉଛି ଇନ୍ଧନ। ଆଜିର ସମୟରେ ପେଟ୍ରୋଲ ଓ ଡିଜେଲ ଦର ଅର୍ଥନୈତିକ ବ୍ୟବସ୍ଥାକୁ ଗତିଶୀଳ କରାଉଛି। ଲୋକମାନଙ୍କ ଯାତାୟାତଠାରୁ ଆରମ୍ଭ କରି ସାମଗ୍ରୀର ଦର ଉପରେ ତୈଳ ଦରର ସିଧାସଳଖ ପ୍ରଭାବ ରହିଛି। ତେଣୁ ପ୍ରତ୍ୟେକ ସରକାର ତେଲ ମୂଲ୍ୟକୁ ନିୟନ୍ତ୍ରଣରେ ରଖିବାକୁ ଚେଷ୍ଟା କରିଥାଆନ୍ତି। ହେଲେ ନରେନ୍ଦ୍ର ଦାମୋଦରଦାସ ମୋଦି ୨୦୧୪ରେ କ୍ଷମତାକୁ ଆସିବା ପରେ ତୈଳ ଦର ଉପରେ ଥିବା ନିୟନ୍ତ୍ରଣକୁ ହଟାଦେଲେ। ଏ ଦିଗରେ ଦିଆଯାଉଥିବା ରିହାତିକୁ ସମ୍ପୂର୍ଣ୍ଣ ଉଚ୍ଛେଦ କରିଦିଆଗଲା। ଫଳରେ ତେଲ ଦର ବଜାର ବ୍ୟବସ୍ଥା ଅନୁଯାୟୀ ସ୍ଥିରୀକୃତ ହେଉଥିବା କୁହାଯାଉଛି। ଭୁବନେଶ୍ୱରରେ ଏବେ ପେଟ୍ରୋଲ ୭୪ ଟଙ୍କା ନିକଟତର ହୋଇ ...

 ଚାଷୀ ମୃତ୍ୟୁ ଓ ଦଣ୍ଡମୁକ୍ତ କର୍ମଚାରୀ

ଚାଷୀ ମୃତ୍ୟୁ ଓ ଦଣ୍ଡମୁକ୍ତ କର୍ମଚାରୀ

ସହଦେବ ସାହୁ ଆମ ଦେଶର କ୍ରାଇମ୍‌ ରେକର୍ଡସ୍‌ ବ୍ୟୁରୋ ତା’ର ୨୦୧୬ର ଏଡିଏସ୍‌ଆଇ (ଆକ୍ସିଡେଣ୍ଟାଲ୍‌ ଡେଥ୍‌ ଆଣ୍ଡ୍‌ ସୁଇସାଇଡ୍ସ ଇନ୍‌ ଇଣ୍ଡିଆ)ର ଅଗ୍ରିମ (ପ୍ରୋଭିଜନାଲ୍‌) ରିପୋର୍ଟରେ ପ୍ରକାଶ କରିଛି ଯେ ସାରା ଦେଶରେ ୨୦୧୫ରେ ଚାଷୀ ଆତ୍ମହତ୍ୟା ୧୨,୬୦୨ ଥିବାବେଳେ ୨୦୧୬ରେ ୧୧,୩୭୦କୁ କମିଛି। ଓଡିଶାରେ ସେହି ଢାଞ୍ଚା। ୨୦୧୪ ରିପୋର୍ଟରେ ଚାଷୀ ଆତ୍ମହତ୍ୟା ସଂଖ୍ୟା ୫ ଥିଲା, ୨୦୧୫ ଓ ୧୬ରେ ସରକାରୀ ରିପୋର୍ଟରେ ଶୂନ ଥିବାବେଳେ ୨୦୧୭ରେ ୨୦୧୪ ସଂଖ୍ୟାର ଦୁଇଗୁଣ ବଢିଯାଇଛି। ...

ସ୍ତ୍ରୀର ଦରମା

ସ୍ତ୍ରୀର ଦରମା

ରୁଦ୍ର ପ୍ରସନ୍ନ ରଥ ବିଗତ କିଛି ବର୍ଷ ମଧ୍ୟରେ ଭାରତରେ ନାରୀ ଶିକ୍ଷାର ବ୍ୟାପକ ପ୍ରଚାର ଏବଂ ପ୍ରସାର ଘଟିବା ସହ ନିଯୁକ୍ତି କ୍ଷେତ୍ରରେ ଏମାନଙ୍କ ପାଇଁ ବିଶେଷ ସୁଯୋଗ ସୃଷ୍ଟି ହୋଇଛି। ତଥାପି ଦେଶର ପ୍ରଗତିକୁ ଏହା ନୂଆ ଦିଶା ଦେବାରେ ସକ୍ଷମ ନୁହେଁ। କାରଣ ସାମାଜିକ, ରାଜନୈତିକ ଏବଂ ଲିଙ୍ଗଗତ ଭେଦଭାବ ଯୋଗୁ ନାରୀଟିଏ ଅନେକ କ୍ଷେତ୍ରରେ ନିଜ ପାଇଁ ମନପସନ୍ଦର ଚାକିରି ଏବଂ ଦରମା ପାଇବାରେ ସକ୍ଷମ ହୋଇପାରୁ ନାହିଁ।

ଏଇ ଭାରତରେ

ଏଇ ଭାରତରେ

ଲୋକଙ୍କ ମଧ୍ୟରେ ବେଳେବେଳେ ଏଭଳି ମାନସିକତା ସୃଷ୍ଟି ହୁଏ, ଯାହାକି ସହଜରେ ବିଶ୍ୱାସ ହୁଏନାହିଁ। ମୋବାଇଲ ଓ ଇଣ୍ଟର୍‌ନେଟ ବ୍ୟବହାର ଯୁଗରେ ମଧ୍ୟ କେତେକଙ୍କ ମଧ୍ୟରେ ରକ୍ଷଣଶୀଳ ଚିନ୍ତାଧାରା ଦେଖାଯାଉଛି। ଏଭଳି ଏକ ଘଟଣା ଘଟିଛି ଉତ୍ତରପ୍ରଦେଶର ଲକ୍ଷ୍ନୌ ସହରରେ। ବାଙ୍ଗାଲୋରର ଜଣେ ଯୁବତୀଙ୍କ ଏକ ଫେସ୍‌ବୁକ୍‌ ପୋଷ୍ଟକୁ ବିରୋଧ କରି ଲକ୍ଷ୍ନୌର ଅଭିଷେକ ନାମକ ଜଣେ ଯୁବକ ମୁସଲମାନ ଡ୍ରାଇଭର ଚଳାଉଥିବା ଏକ ଘରୋଇ କାର୍‌ ପରିବହନ ସଂସ୍ଥାରେ ଯିବାକୁ ମନା କରିଦେଇଛନ୍ତି। ଏହାକୁ ଟୁଇଟ କରି ସେ କହିଛନ୍ତି ଯେ, ଯଦି ଜଣେ ଯୁବତୀ ରୁଦ୍ର ହନୁମାନ ପୋଷ୍ଟର ଲଗାଯାଇଥିବା କାର୍‌ରେ ...