ଖେଳ |

୬ ଖେଳାଳିଙ୍କ ବୟସପ୍ରମାଣ ପତ୍ରରେ ତ୍ରୁଟି

୬ ଖେଳାଳିଙ୍କ ବୟସପ୍ରମାଣ ପତ୍ରରେ ତ୍ରୁଟି
କଟକ ଅଫିସ,୩୦ା୧୧- ବୟସ ଜାଲିଆତି କରି ଖେଳୁଥିବା ୬ ଜଣ ଖେଳାଳି ଏବେ ସିବିଆଇ ଜାଲରେ ଛନ୍ଦି ହୋଇଛନ୍ତି। ସିବିଆଇର ଅତର୍କିତ ଚଢ଼ାଉ ପରେ ଏହି ପର୍ଦ୍ଦା ଖୋଲିଛି। ଓଡ଼ିଶା କ୍ରିକେଟ ଆସୋସିଏଶନ(ଓସିଏ) ସତ୍ୟପାଠ ଜରିଆରେ ଖେଳାଳିଙ୍କୁ ଦଳରେ ସାମିଲ କରୁଥିଲେ ସୁଦ୍ଧା ଖେଳାଳିମାନେ ସେମାନଙ୍କ ଆଖିରେ ଧୂଳି ଦେଇଥିବା ସ୍ପଷ୍ଟ ହୋଇଛି। ୨ ଦିନର ଏହି ଚଢ଼ାଉ ମଧ୍ୟରେ ୬ ଜଣ ଖେଳାଳି ମିଥ୍ୟା ଜନ୍ମପ୍ରମାଣ ପତ୍ର ଦାଖଲ କରିଛନ୍ତି ବୋଲି ଏକ ବିଶେଷ ସୂତ୍ରରୁ ଜଣାପଡ଼ିଛି। ଯାହା ମଧ୍ୟରୁ ୨ ଜଣ ଖେଳାଳିଙ୍କ ସମସ୍ତ ତଥ୍ୟ ସିବିଆଇ ନିକଟରେ ଦାଖଲ ହୋଇଥିବା ବେଳେ ଅନ୍ୟ ୪ ଜଣଙ୍କ ତଥ୍ୟ ସମ୍ବଳିତ କାଗଜପତ୍ର ଗୁରୁବାର ଦାଖଲ କରାଯିବ। ଓସିଏ କ୍ଲବରେ ଚାଲିଛି ସିବିଆଇର ଜେରା। କ୍ଲବର ରୁମ୍‌ ନଂ-୨୦୫ ରେ ସିବିଆଇର ୨ ଜଣ ଅଧିକାରୀଙ୍କ ଉପସ୍ଥିତିରେ ଜଣଙ୍କ ପରେ ଜଣେ ଖେଳାଳି ଜେରାର ସମ୍ମୁଖୀନ ହେଉଛନ୍ତି। ସମୁଦାୟ ୧୯ ଜଣଙ୍କ ସମ୍ପର୍କରେ ସିବିଆଇ କାଗଜପତ୍ର ଯାଞ୍ଚ କରୁଛି ବୋଲି ଓସିଏ କାର୍ଯ୍ୟକାରୀ କମିଟି ଅଧ୍ୟକ୍ଷ ଧୀରେନ ପଲାଇ କହିଛନ୍ତି। ବୁଧବାର ଏହି ୧୯ ଜଣଙ୍କ ମଧ୍ୟରୁ ୫ ଜଣ ସିବିଆଇ ନିକଟରେ ହାଜର ହୋଇଛନ୍ତି। ଏହାଛଡ଼ା କିଛି ଖେଳାଳି ନିଜ ଅଭିଭାବକଙ୍କୁ ନେଇ ମଧ୍ୟ ସେଠାରେ ଉପସ୍ଥିତ ହୋଇଛନ୍ତି। ଗତ ସୋମବାର କଟକ ମହାନଗର ନିଗମ(ସିଏମ୍‌ସି)ନିକଟକୁ ସିବିଆଇ ପକ୍ଷରୁ ଏକ ମେଲ୍‌ ଯାଇଥିଲା। ଯେଉଁଥିରେ ସେ ଜଣେ ଖେଳାଳିଙ୍କ ସମ୍ପର୍କରେ କିଛି ପ୍ରଶ୍ନ କରିଥିଲେ। ଉକ୍ତ ଖେଳାଳି ଜଣଙ୍କ ଓସିଏ ନିକଟରେ ଦାଖଲ କରିଥିବା ଜନ୍ମପ୍ରମାଣ ପତ୍ରର ନକଲ ମଧ୍ୟ ଯୋଡ଼ି ହୋଇଥିଲା। ବୁଧବାର ପୂର୍ବାହ୍ନ ୧୧ ଟା ମଧ୍ୟରେ ଏହାର ଉତ୍ତର ଦେବାକୁ ସିବିଆଇ ପକ୍ଷରୁ ନିର୍ଦ୍ଦେଶ ରହିଥିଲା। ପରେ ବୁଧବାର ଦିନ ୧୧ ଟାରେ ଅନ୍ୟଏକ ମେଲ୍‌ ସିବିଆଇ ପକ୍ଷରୁ ଯିବା ସହ ଅପରାହ୍ନ ମଧ୍ୟରେ ଉକ୍ତ ଖେଳାଳିଙ୍କ ସମ୍ପର୍କରେ ତଥ୍ୟ ପ୍ରଦାନ କରିବାକୁ ସିଏମ୍‌ସିକୁ ନିର୍ଦ୍ଦେଶ ଦିଆ ଯାଇଥିଲା। ଏହି ୨ଟି ମେଲ୍‌ ଯୋଗେ ଯେଉଁ ଖେଳାଳିଙ୍କ ସମ୍ପର୍କରେ ସିଏମ୍‌ସିକୁ ପ୍ରଶ୍ନ ହୋଇଥିଲା ସେମାନେ ହେଲେ ନିଶିକାନ୍ତ ରାଉତ ଓ କୁନାଲ ପଣ୍ଡା। ଉଭୟ ଓସିଏ ନିକଟରେ ଯେଉଁ ଜନ୍ମପ୍ରମାଣ ପତ୍ର ଦାଖଲ କରିଛନ୍ତି ତାହା ସମ୍ପୂର୍ଣ୍ଣ ଭାବେ ଜାଲ୍‌ ବୋଲି ଜଣାପଡ଼ିଛି। ନିଶିକାନ୍ତ ଓ କୁନାଲ ସିଏମ୍‌ସି ନିକଟରେ ଆଦୌ ଏହି ଜନ୍ମପ୍ରମାଣ ପତ୍ର ଇସ୍ୟୁ କରିନାହାନ୍ତି । ଉଭୟ ଦାଖଲ କରିଥିବା ଜନ୍ମପ୍ରମାଣ ପତ୍ରର ପ୍ରିଣ୍ଟିଂ ଶୈଳୀ ଗୋଟିଏ ପ୍ରକାର ରହିବା ସହ ତ୍ରୁଟି ମଧ୍ୟ ସମାନ ରହିଛି। ସେମାନେ ପ୍ରମାଣପତ୍ରରେ ୨୦୦୨ ଜାନୁୟାରୀ ୮ ତାରିଖ ଜନ୍ମ ତାରିଖ ବୋଲି ଉଲ୍ଲେଖ କରିଛନ୍ତି। ପ୍ରଥମ ତ୍ରୁଟି ଧରାପଡ଼ିଛି ସେମାନଙ୍କ ଜନ୍ମ ପ୍ରମାଣପତ୍ରରେ ଉଲ୍ଲେଖ ରହିଥିବା ନଗର ସ୍ବାସ୍ଥ୍ୟ ଅଧିକାରୀଙ୍କ ନାମରୁ। ଉଭୟଙ୍କ ପ୍ରମାଣପତ୍ରରେ ନଗର ସ୍ବାସ୍ଥ୍ୟ ଅଧିକାରୀ ଭାବେ ନିରଞ୍ଜନ ଦାସଙ୍କ ନାମ ରହିଛି। ମାତ୍ର ନିରଞ୍ଜନ ଦାସ ୨୦୦୭ ମସିହାରୁ୨୦୧୦ ପର୍ଯ୍ୟନ୍ତ ସିଏମ୍‌ସିର ନଗର ସ୍ବାସ୍ଥ୍ୟ ଅଧିକାରୀ ରହିଥିଲେ। ୨୦୦୨ ସମୟରେ ସିଏମ୍‌ସିର ନଗର ସ୍ବାସ୍ଥ୍ୟ ଅଧିକାରୀ ଭାବେ ବିଶ୍ୱନାଥ ମିଶ୍ର ଦାୟିତ୍ୱ ବହନ କରିଛନ୍ତି। ଏଣୁ ଏହି ଜନ୍ମପ୍ରମାଣପତ୍ର ୨୦୦୭ ମସିହାର ପରବର୍ତ୍ତୀ ସମୟରେ ତିଆରି ହୋଇଛି। ଏହାଛଡ଼ା ଦ୍ୱିତୀୟ ତ୍ରୁଟି ଧରାପଡ଼ିଛି ଜନ୍ମପ୍ରମାଣପତ୍ରର କ୍ରମିକ ନଂରୁ। ଉଭୟଙ୍କ ପ୍ରମାଣପତ୍ରରେ କ୍ରମିକ ନଂ- ୮୬୦୦ରୁ ଊର୍ଦ୍ଧ୍ୱକୁ ରହିଛି। ଯଦି ଜାନୁୟାରୀ ୮ ତାରିଖରେ ଏହି ପ୍ରମାଣପତ୍ର ଇସ୍ୟୁ କରାଯାଇଛି ତେବେ ବର୍ଷର ଆରମ୍ଭରୁ ଏତେ ସଂଖ୍ୟାରେ ପ୍ରମାଣପତ୍ର ଦେବା ଅସମ୍ଭବ ବୋଲି ସିଏମ୍‌ସିର ଜଣେ ଉପରିସ୍ଥ ଅଧିକାରୀ ସୂଚନା ଦେଇଛନ୍ତି। ଏହି ୨ ଜଣଙ୍କ ଜନ୍ମପ୍ରମାଣପତ୍ରକୁ ସିଏମ୍‌ସିର ଜଣେ ଅଧିକାରୀ ବୁଧବାର ସିବିଆଇ ନିକଟରେ ଦାଖଲ କରିବା ସହ ଏହା ଏଠାରେ ଇସ୍ୟୁ କରାଯାଇନାହିଁ ବୋଲି କହିଛନ୍ତି। ତେବେ ଉଭୟ ପ୍ରମାଣପତ୍ର କେଉଁ ଏକ କମ୍ପ୍ୟୁଟର ଦୋକାନ ଅର୍ଥାତ୍‌ ଜାଲ ସଂସ୍ଥାରେ ତିଆରି କରିଛନ୍ତି ବୋଲି ସିଏମ୍‌ସି ପକ୍ଷରୁ ମଧ୍ୟ କୁହାଯାଇଛି। ଅନ୍ୟପକ୍ଷରେ ଓଡ଼ିଶାର ଅନ୍ୟ ସମସ୍ତ ଜିଲାର ପୌର ସଂସ୍ଥାକୁ ଏହିଭଳି ମେଲ୍‌ ସିବିଆଇ ପକ୍ଷରୁ ପଠାଯାଇଥିବା ଜଣାପଡ଼ିଛି। ଗୁରୁବାର ବାଲେଶ୍ୱରର ଜଣେ ପୌରସଂସ୍ଥାର ପ୍ରତିନିଧି ସିବିଆଇ ନିକଟରେ ହାଜର ହେବେ। ବାଲେଶ୍ୱରକୁ ଯେଉଁ ୪ ଜଣ ଖେଳାଳିଙ୍କ ଜନ୍ମପ୍ରମାଣ ପତ୍ର ମେଲ ହୋଇଛି, ତାହା ମଧ୍ୟ ଜାଲ୍‌ ବୋଲି ସ୍ପଷ୍ଟ ସୂଚନା ମିଳିଛି। ଉକ୍ତ ୪ ଜଣଙ୍କ ନାମ ଠିକ୍‌ ଭାବେ ଜଣାପଡ଼ିନାହିଁ।
All Right Reserved By

ଖେଳ |

ରାଜକୋଟ ଟେଷ୍ଟ: ୨୨ରୁ ବିକ୍ରି ହେବ ଟିକେଟ୍‌

ରାଜକୋଟ ଟେଷ୍ଟ: ୨୨ରୁ ବିକ୍ରି ହେବ ଟିକେଟ୍‌

ରାଜକୋଟ,୨୦।୯(ପି.ଟି.)- ଆସନ୍ତା ଅକ୍ଟୋବର ୪ ତାରିଖରୁ ଏଠାରେ ଭାରତ ଓ ଓ୍ବେଷ୍ଟଇଣ୍ଡିଜ୍‌ ମଧ୍ୟରେ ଟେଷ୍ଟ ମ୍ୟାଚ୍‌ ଖେଳାଯିବ। ଏହି ମ୍ୟାଚ୍‌ ଲାଗି ଟିକେଟ ୨୨ ତାରିଖରୁ ବିକ୍ରି କରାଯିବ। ଏ ନେଇ ସୌରାଷ୍ଟ୍ର କ୍ରିକେଟ ଆସୋସିଏଶନ (ଏସ୍‌ସିଏ) ପକ୍ଷରୁ ଘୋଷଣା କରାଯାଇଛି।

ଓଡ଼ିଶା- ଝାଡଖଣ୍ଡ କ୍ୱାର୍ଟର ଫାଇନାଲ

ଓଡ଼ିଶା- ଝାଡଖଣ୍ଡ କ୍ୱାର୍ଟର ଫାଇନାଲ

ବେଙ୍ଗାଲୁରୁ, ୨୦।୯ (ପି.ଟି.)- ଏଠାରେ ଚାଲିଥିବା ତୃତୀୟ ହକି ଇଣ୍ଡିଆ ୫-ଏ- ସାଇଡ ସିନିୟର ଜାତୀୟ ଚାମ୍ପିୟନଶିପ୍‌ର କ୍ୱାର୍ଟର ଫାଇନାଲ ଲାଇନ ଅପ୍‌ ସ୍ପଷ୍ଟ ହୋଇଛି। ଅଂଶଗ୍ରହଣ କରିଥିବା ୮ଟି ଦଳ କ୍ୱାର୍ଟର ଫାଇନାଲ ମୁକାବିଲାରେ ଅବତୀର୍ଣ୍ଣ ହେବେ। ପ୍ରଥମ କ୍ୱାର୍ଟର ଫାଇନାଲରେ ହରିୟାଣା ଓ ଉତ୍ତରପ୍ରଦେଶ ପରସ୍ପରକୁ ଭେଟିବେ। ସେହିପରି ଦ୍ୱିତୀୟ କ୍ୱାର୍ଟର ଫାଇନାଲରେ ଓଡ଼ିଶା ଓ ଝାଡ଼ଖଣ୍ଡ ମୁହଁାମୁହିଁ ହେବେ।

କ୍ୱାର୍ଟରରେ ଆଜାରେଙ୍କା

କ୍ୱାର୍ଟରରେ ଆଜାରେଙ୍କା

ଟୋକିଓ, ୨୦।୯(ଏଏଫ୍‌ପି)- ବିଶ୍ୱର ପ୍ରାକ୍ତନ ଏକ ନମ୍ବର ମହିଳା ଟେନିସ ଖେଳାଳି ଭିକ୍ଟୋରିଆ ଆଜାରେଙ୍କା ଏଠାରେ ଚାଲିଥିବା ପାନ୍‌ ପାସିଫିକ୍‌ ଓପନ୍‌ ପ୍ରତିଯୋଗିତାର କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। 

ପରାଜୟରୁ ଓଡ଼ିଶାର ଅଭିଯାନ

ପରାଜୟରୁ ଓଡ଼ିଶାର ଅଭିଯାନ

ଭୁବନେଶ୍ୱର, ୨୦।୯(ସ୍ପୋଟର୍‌ସ ବ୍ୟୁରୋ)- ପରାଜୟରୁ ଓଡ଼ିଶା କ୍ରିକେଟ ଦଳ ତା’ର ଘରୋଇ କ୍ରିକେଟ ସିଜନ ଆରମ୍ଭ କରିଛି। ଗୁରୁବାର ବିଜୟ ହଜାରେ ଟ୍ରଫି ଏକଦିବସୀୟ ପ୍ରତିଯୋଗିତାର ଏକ ମ୍ୟାଚ୍‌ରେ ଆନ୍ଧ୍ରପ୍ରଦେଶ ୬ ଉଇକେଟ୍‌ରେ ଓଡ଼ିଶାକୁ ପରାସ୍ତ କରିଛି।

ପାଣ୍ଡ୍ୟାଙ୍କ ପରେ ଅକ୍ଷର, ଶାର୍ଦ୍ଦୁଳ ବାହାରିଲେ

ପାଣ୍ଡ୍ୟାଙ୍କ ପରେ ଅକ୍ଷର, ଶାର୍ଦ୍ଦୁଳ ବାହାରିଲେ

ଦୁବାଇ, ୨୦।୯(ପି.ଟି.)- ଚଳିତ ଏସିଆ କପ୍‌ ଅଧାରୁ ଡିଫେଣ୍ଡିଂ ଚାମ୍ପିୟନ ଭାରତୀୟ କ୍ରିକେଟ ଦଳକୁ ଆଘାତ ସମସ୍ୟା ଚିନ୍ତାରେ ପକାଇଛି। ପ୍ରଥମେ ଅଲ୍‌ରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଆହତ ହୋଇ ଦଳରୁ ବାଦ୍‌ ପଡ଼ିଥିବାବେଳେ ଏବେ ଏହି ତାଲିକାରେ ସ୍ପିନର ଅକ୍ଷର ପଟେଲ ଓ ସ୍ପିଡ୍‌ଷ୍ଟାର ଶାର୍ଦ୍ଦୁଳ ଠାକୁର ଯୋଡ଼ି ହୋଇଛନ୍ତି। 

ରୋନାଲ୍ଡୋଙ୍କୁ ରେଡ୍‌ କାର୍ଡ

ରୋନାଲ୍ଡୋଙ୍କୁ ରେଡ୍‌ କାର୍ଡ

ଭାଲେନସିଆ (ସ୍ପେନ), ୨୦।୯- ତାରକା ପର୍ତ୍ତୁଗାଲ ଷ୍ଟ୍ରାଇକର କ୍ରିଷ୍ଟିଆନୋ ରୋନାଲ୍ଡୋଙ୍କୁ ରେଡ୍‌ କାର୍ଡ ମିଳିଛି। ଏଠାରେ ଖେଳାଯାଇଥିବା ଚାମ୍ପିୟନ୍ସ ଲିଗ୍‌ ଗ୍ରୁପ୍‌-ଏଚ୍‌’ର ଭାଲେନସିଆ ବିପକ୍ଷ ମ୍ୟାଚ୍‌ରେ ଜୁଭେଣ୍ଟସ୍‌ର ଦାମୀ ଖେଳାଳି ରୋନାଲ୍ଡୋଙ୍କୁ ରେଫରି ରେଡ୍‌ କାର୍ଡ ଦେଖାଇବାରୁ ମ୍ୟାଚ୍‌ ଅଧାରୁ ସେ ପଡ଼ିଆ ଛାଡ଼ିଥିଲେ।

ବେଜିଂ, ସାଂଘାଇ ଟୁର୍ନାମେଣ୍ଟରୁ ନାଡାଲ ଓହରିଲେ

ବେଜିଂ, ସାଂଘାଇ ଟୁର୍ନାମେଣ୍ଟରୁ ନାଡାଲ ଓହରିଲେ

ବାର୍ସିଲୋନା, ୨୦।୯(ଏଏଫ୍‌ପି)- ବିଶ୍ୱର ଏକ ନମ୍ବର ଟେନିସ ଖେଳାଳି ତଥା ସ୍ପାନିଶ ତାରକା ରାଫାଲ ନାଡାଲ ଆଘାତ ସମସ୍ୟା ଲାଗି ଆଗାମୀ ଚାଇନା ଓପନ୍‌ ଓ ସାଂଘାଇ ମାଷ୍ଟର୍ସ ପ୍ରତିଯୋଗିତାରୁ ଓହରିଯାଇଛନ୍ତି। 

ଦୁଇ ଦଶନ୍ଧି ତଳର ବିଶ୍ୱରେକର୍ଡ ଭାଙ୍ଗିଲେ ନଦୀମ

ଦୁଇ ଦଶନ୍ଧି ତଳର ବିଶ୍ୱରେକର୍ଡ ଭାଙ୍ଗିଲେ ନଦୀମ

ଚେନ୍ନାଇ, ୨୦।୯(ପି.ଟି.)- ଝାଡ଼ଖଣ୍ଡ ବାମହାତୀ ସ୍ପିନର ଶାହବାଜ ନଦୀମ ଦୁଇ ଦଶନ୍ଧି ତଳର ବିଶ୍ୱରେକର୍ଡ ଭାଙ୍ଗି ନୂତନ ରେକର୍ଡ ପ୍ରତିଷ୍ଠା କରିଛନ୍ତି। ଗୁରୁବାର ଏଠାରେ ଅନୁଷ୍ଠିତ ବିଜୟ ହଜାରେ ଟ୍ରଫି ଏକଦିବସୀୟ କ୍ରିକେଟ ପ୍ରତିଯୋଗିତାରେ ରାଜସ୍ଥାନ ବିପକ୍ଷ ମ୍ୟାଚ୍‌ରେ ନଦୀମ ୧୦ ରନ ବିନିମୟରେ ୮ଟି ଉଇକେଟ୍‌ ଅକ୍ତିଆର କରିଥିଲେ।

ବ୍ୟାଟ୍ସମ୍ୟାନଙ୍କୁ ଦୋଷ ଦେଲେ ଆର୍ଥର

ବ୍ୟାଟ୍ସମ୍ୟାନଙ୍କୁ ଦୋଷ ଦେଲେ ଆର୍ଥର

ଦୁବାଇ, ୨୦।୯(ପି.ଟି.)- ଏସିଆ କପ୍‌ କ୍ରିକେଟ ପ୍ରତିଯୋଗିତାରେ ଭାରତ ନିକଟରୁ ଶୋଚନୀୟଭାବେ ପରାସ୍ତ ହେବା ପରେ ପାକିସ୍ତାନ କୋଚ୍‌ ମିକି ଆର୍ଥର ଦଳର ବ୍ୟାଟ୍ସମ୍ୟାନଙ୍କୁ ଦାୟୀ କରିଛନ୍ତି। ବ୍ୟାଟ୍ସମ୍ୟାନମାନେ ଚାପର ସମ୍ମୁଖୀନ ହୋଇପାରିଲେ ନାହିଁ ବୋଲି ଆର୍ଥର କହିଛନ୍ତି।

ପାଣ୍ଡ୍ୟା ଆଉଟ୍‌: ଚହରଙ୍କୁ ଡାକରା

ପାଣ୍ଡ୍ୟା ଆଉଟ୍‌: ଚହରଙ୍କୁ ଡାକରା

ଦୁବାଇ, ୨୦।୯(ପି.ଟି.)- ଚଳିତ ଏସିଆ କପ୍‌ କ୍ରିକେଟ ଟୁର୍ନାମେଣ୍ଟ ଅଧାରୁ ଡିଫେଣ୍ଡିଂ ଚାମ୍ପିୟନ ଭାରତୀୟ ଦଳକୁ ଶକ୍ତ ଧକ୍କା ଲାଗିଛି। ଆହତ ସମସ୍ୟା ଲାଗି ଅଲ୍‌ରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏସିଆ କପ୍‌ର ବଳକା ମ୍ୟାଚ୍‌ରୁ ବାଦ୍‌ ପଡ଼ିଛନ୍ତି। ତାଙ୍କ ସ୍ଥାନରେ ଅନ୍ୟତମ ଅଲ୍‌ରାଉଣ୍ଡର ଦୀପକ ଚହରଙ୍କୁ ଦଳ ସହ ଯୋଗଦେବାକୁ ଡାକରା ମିଳିଛି। 

ଦୃଷ୍ଟିହୀନ ଟି୨୦ କ୍ରିକେଟ: ଭାରତୀୟ ଦଳରେ ପଙ୍କଜ, ନକୁଳ

ଦୃଷ୍ଟିହୀନ ଟି୨୦ କ୍ରିକେଟ: ଭାରତୀୟ ଦଳରେ ପଙ୍କଜ, ନକୁଳ

ଭୁବନେଶ୍ୱର, ୨୦।୯(ସ୍ପୋଟର୍‌ସ ବ୍ୟୁରୋ)- ଘରୋଇ ଭାରତ ଓ ଇଂଲଣ୍ଡ ଦୃଷ୍ଟିହୀନ କ୍ରିକେଟ ଦଳ ମଧ୍ୟରେ ୩ ମ୍ୟାଚ୍‌ବିଶିଷ୍ଟ ଟି୨୦ ସିରିଜ ଅକ୍ଟୋବର ୨ରୁ ବାଙ୍ଗାଲୋରରେ ଆରମ୍ଭ ହେବ। ଏଥିଲାଗି ଓଡ଼ିଶାର ପଙ୍କଜ ଭୁଏ ଓ ନକୁଳ ବଡ଼ନାୟକଙ୍କୁ ଭାରତୀୟ ଦୃଷ୍ଟିହୀନ କ୍ରିକେଟ ଦଳରେ ସ୍ଥାନ ମିଳିଛି।

କ୍ୟାମ୍ପରେ ଅମିତ, ଚାପ ନା ବାସ୍ତବତା

କ୍ୟାମ୍ପରେ ଅମିତ, ଚାପ ନା ବାସ୍ତବତା

ଏସିଆନ ଚାମ୍ପିୟନ୍ସ ଟ୍ରଫି ହକି ଓ ବିଶ୍ୱକପକୁ ଦୃଷ୍ଟିରେ ରଖି ହକି ଇଣ୍ଡିଆ ପକ୍ଷରୁ ସେପ୍ଟେମ୍ବର ୧୨ରେ ଘୋଷିତ ୨୫ ଜଣିଆ କୋର ଗ୍ରୁପ ଖେଳାଳି ତାଲିକାରେ ଜଣେ ହେଲେ ଓଡ଼ିଶା ଖେଳାଳି ସାମିଲ ନ ଥିଲେ। ବୀରେନ୍ଦ୍ର ଲାକ୍ରା ଆହତ ସମସ୍ୟାରେ ଥିବା ପ୍ରକାଶ କରାଯାଇଥିଲା।