ମେଟ୍ରୋ |

ସରକାରୀ ଦଖଲରେ ହୋଟେଲ ସାଇଚନ୍ଦନ

ସରକାରୀ ଦଖଲରେ ହୋଟେଲ ସାଇଚନ୍ଦନ
ପୁରୀ ଅଫିସ, ୩୦।୧୧: ପୁରୀ ବେଳାଭୂମି ମାର୍ଗ ରେଣୁକା ଗଳିରେ ଥିବା ହୋଟେଲ ସାଇଚନ୍ଦନକୁ ଗୁରୁବାର ଜିଲା ପ୍ରଶାସନ ସିଲ୍‌ କରିବା ସହିତ ନିଜ ଦଖଲକୁ ନେଇଛି। ଜମି ଲିଜ୍‌ ନବୀକରଣ ନ କରିବା, ସର୍ତ୍ତରେ ଖିଲାପ ଏବଂ ବେନିୟମ ଭାବେ ଜମିର ମାଲିକାନା ବାରମ୍ବାର ପରିବର୍ତ୍ତନ ଯୋଗୁ ଚକବନ୍ଦୀ କମିଶନରଙ୍କ ନିର୍ଦ୍ଦେଶକ୍ରମେ ଏହି ପଦକ୍ଷେପ ନିଆଯାଇଛି। ପୁରୀ ବେଳାଭୂମି ମାର୍ଗର ରେଣୁକା ଗଳିରେ ରହିଛି ହୋଟେଲ ସାଇଚନ୍ଦନ। ପୁରୀ ତହସିଲ ନୋଳିଆସାହି ମୌଜାର ୟୁନିଟ୍‌ ୧୨, ଖାତା ନଂ.୫୭, ପ୍ଲଟ ନଂ.୧୩୩ରେ ୦.୦୭୮ଏକର ଏବଂ ଖାତା ନଂ. ୬୬, ପ୍ଲଟ ନଂ. ୧୩୪ରେ ୦.୦୦୫ ଏକର ବାଲୁଖଣ୍ଡ ଖାସ୍‌ମାହାଲ ଜମି ଉପରେ ଉକ୍ତ ହୋଟେଲ ରହିଛି। ପୁରୀ ଖାସ୍‌ମାହାଲ କର୍ତ୍ତୃପକ୍ଷ ତଥା ଜିଲାପାଳଙ୍କଠାରୁ ବନମାଳୀ ଦାସ ବାସଗୃହ ନିର୍ମାଣ ଲାଗି ୩୦ବର୍ଷିଆ ଲିଜ୍‌ ସୂତ୍ରରେ ଏହି ଜମି ନେଇଥିଲେ। ୨୨ା୧ା୧୯୪୬ରେ ବନମାଳୀ ଉକ୍ତ ଜମିକୁ ତାଙ୍କ ସ୍ତ୍ରୀ ସରୋଜିନୀଙ୍କୁ ଦତ୍ତପତ୍ର ମାଧ୍ୟମରେ ପ୍ରଦାନ କରିଥିଲେ। ସରୋଜିନୀ ଉକ୍ତ ଜମି ଲିଜ୍‌କୁ ୩୦ବର୍ଷ ପାଇଁ ନିଜ ନାମରେ ନବୀକରଣ କରିଥିଲେ। ୧୯୮୨ରେ ଅମିୟ ବାନାର୍ଜୀଙ୍କ ନାମକୁ ଏହି ଜମିର ମାଲିକାନା ଯାଇଥିଲା। ତାଙ୍କ ନାମରେ ବି ୩୦ବର୍ଷ ପାଇଁ ଲିଜ୍‌ ନବୀକରଣ ହୋଇଥିଲା। ତାଙ୍କୁ ମଧ୍ୟ ବାସଗୃହ ନିର୍ମାଣ ଉଦ୍ଦେଶ୍ୟରେ ଏହି ଜମି ଲିଜ୍‌ ସୂତ୍ରରେ ଦିଆଯାଇଥିଲା। ପରବର୍ତ୍ତୀ ସମୟରେ ଅର୍ଥାତ ଫେବୃୟାରୀ ୨୩ ୨୦୦୭ରେ ଅମିୟ ବାନାର୍ଜୀଙ୍କ ସମ୍ପର୍କୀୟ ଏହି ଜମିକୁ ସମ୍ବିତ୍‌ ରିସୋର୍ଟର ସୁବାସ ଚନ୍ଦ୍ର ନାୟକଙ୍କୁ ବିକ୍ରି କରିଥିଲେ। ୨୦୧୦ ଜୁଲାଇ ୨୬ରେ ସମ୍ବିତ୍‌ ରିସୋର୍ଟ କର୍ତ୍ତୃପକ୍ଷ ଉକ୍ତ ଜମିକୁ ସାଇଚନ୍ଦନ ରିସୋର୍ଟସ ପ୍ରାଇଭେଟ ଲିଃ ଡାଇରେକ୍ଟର ଚନ୍ଦନ ବେହେରାଙ୍କୁ ବିକ୍ରି କରିଥିଲେ। ଉକ୍ତ ଜମି ଉପରେ ବର୍ତ୍ତମାନ ରହିଛି ସାଇଚନ୍ଦନ ହୋଟେଲ। ଚନ୍ଦନ ବେହେରା ନିଜ ନାମରେ ଜମିକୁ ରେକର୍ଡ କରିବା ଲାଗି ଚକବନ୍ଦୀ କମିଶନର କୋର୍ଟରେ ଏକ ରିଭିଜନ କେସ୍‌ ରୁଜୁ କରିଥିଲେ। କମିଶନରଙ୍କ କୋର୍ଟରେ ଏହି କେସ୍‌ର ବିଚାର ବେଳେ ପୁରୀ ତହସିଲଦାରଙ୍କୁ ଚକବନ୍ଦୀ କମିଶନର ଏକ ରିପୋର୍ଟ ମାଗିଥିଲେ। ତହସିଲଦାର ସରଜମିନ ତଦନ୍ତ କରି ରିପୋର୍ଟ ଦେଇଥିଲେ। ଏହି ଜମିର ଲିଜ୍‌ ଅବଧି ୨୦୧୨-୧୩ ପର୍ଯ୍ୟନ୍ତ ଥିଲା। ଲିଜ୍‌ ଅବଧି ପରେ ଆଉ ନବୀକରଣ ହୋଇନାହିଁ। ଖାସ୍‌ମାହାଲ କର୍ତ୍ତୃପକ୍ଷ ତଥା ଜିଲାପାଳଙ୍କ ଅନୁମତି ନିଆ ନ ଯାଇ ଜମିର ମାଲିକାନା ବାରମ୍ବାର ପରିବର୍ତ୍ତନ ହୋଇଛି, ଯାହା କି ସମ୍ପୂର୍ଣ୍ଣ ବେଆଇନ। ଅନ୍ୟପକ୍ଷରେ ବାସଗୃହ ପାଇଁ ଏହି ଜମି ଦିଆଯାଇଥିବା ବେଳେ ଏହାର ଦୁରୁପଯୋଗ କରାଯାଇ ବ୍ୟବସାୟିକ ଉଦ୍ଦେଶ୍ୟରେ ହୋଟେଲ ନିର୍ମାଣ କରାଯାଇଛି। ଚକବନ୍ଦୀ କମିଶନର ସି.ଟି.ଏମ୍‌. ସୁଗୁଣା ଏହି କେସ୍‌ର ବିଚାର କରି ଉକ୍ତ ଜମି ଏବଂ ଏହା ଉପରେ ଅବସ୍ଥିତ ହୋଟେଲକୁ ନିଜ ଦଖଲକୁ ନେବା ପାଇଁ ପୁରୀ ଜିଲାପାଳଙ୍କୁ ନିର୍ଦ୍ଦେଶ ଦେଇଥିଲେ। ପୂର୍ବାହ୍ନରେ ପୁରୀ ତହସିଲଦାର ପ୍ରବୀର ଖିଲାରଙ୍କ ନେତୃତ୍ୱରେ ଏକ ଟିମ୍‌ ହୋଟେଲରେ ପହଞ୍ଚତ୍ଥିଲା। ହୋଟେଲରେ ସମୁଦାୟ ୩୪ଟି କକ୍ଷ ମଧ୍ୟରୁ ୧୦ଟି ରୁମ୍‌ରେ ପର୍ଯ୍ୟଟକ ଥିଲେ। ସେମାନଙ୍କୁ ସ୍ଥାନାନ୍ତରିତ କରାଯିବା ପରେ ସିଲ୍‌ କରାଯାଇଥିଲା। ଉକ୍ତ ଜମି ଓ ହୋଟେଲର ବର୍ତ୍ତମାନର ବଜାର ଦର ୩ କୋଟି ଟଙ୍କା ହେବ ବୋଲି କୁହାଯାଉଛି। ସୂଚନାଯୋଗ୍ୟ, ସାଇଚନ୍ଦନ ରିସୋର୍ଟ ପ୍ରାଇଭେଟ ଲିଃର ନିର୍ଦ୍ଦେଶକ ହେଉଛନ୍ତି ଚନ୍ଦନ କୁମାର ବେହେରା। ପୂର୍ବ ଶତ୍ରୁତା ଓ ସମ୍ପତ୍ତିକୁ କେନ୍ଦ୍ରକରି ଗତ ଜାନୁୟାରୀ ୮ରେ ପୁରୀ ସମୁଦ୍ରକୂଳ ଥାନାଠାରୁ ଶହେ ମିଟର ଦୂର ଖୁସି ରେଷ୍ଟୁରାଣ୍ଟ ପରିସରରେ କେତେଜଣ ଦୁର୍ବୃତ୍ତ ତାଙ୍କୁ ନିର୍ମମ ଭାବେ ହତ୍ୟା କରିଥିଲେ। ଏହି ଘଟଣାରେ ପୁରୀ ପୋଲିସ ୬ ଜଣଙ୍କୁ ଗିରଫ କରିସାରିଛି। ହତ୍ୟାକାଣ୍ଡ ପଛରେ ଚନ୍ଦନଙ୍କ ସ୍ତ୍ରୀ ମୁଖ୍ୟ ଷଡ଼ଯନ୍ତ୍ରକାରୀ ରହିଥିଲେ। ସାଇଚନ୍ଦନ ହୋଟେଲ ଏବଂ ଖୁସି ରେଷ୍ଟୁରାଣ୍ଟର ମାଲିକ ଥିଲେ ଚନ୍ଦନ।
All Right Reserved By

ମେଟ୍ରୋ |

ହାତୀ ଆକ୍ରମଣରେ ୨ ଗୁରୁତର

ହାତୀ ଆକ୍ରମଣରେ ୨ ଗୁରୁତର

ନିରାକାରପୁର, ୨୦।୧୦(ଡି.ଏନ୍‌.ଏ.): ଖୋର୍ଦ୍ଧା ଜିଲା ନିରାକାରପୁର ଚନ୍ଦକା ପୋଖରୀକୁ ଶୁକ୍ରବାର ସକାଳେ ଗାଧୋଇବାକୁ ଯାଇଥିବା ବେଳେ ହାତୀ ଆକ୍ରମଣରେ ୨ଜଣ ଗୁରୁତର ଆହତ ହୋଇଛନ୍ତି।

କୂଅରେ ପଡ଼ି ଛାତ୍ରୀ ମୃତ

କୂଅରେ ପଡ଼ି ଛାତ୍ରୀ ମୃତ

ଖୋର୍ଦ୍ଧା ଅଫିସ,୨୦।୧୦: ଖୋର୍ଦ୍ଧା ବ୍ଲକ ଅନ୍ତର୍ଗତ ଗୋଡିପଡା ଗ୍ରାମରେ କୂଅରେ ପଡି ଶନିବାର ପୂର୍ବାହ୍ନରେ ଜଣେ ଦ୍ୱିତୀୟ  ଶ୍ରେଣୀ ଛାତ୍ରୀଙ୍କ ମୃତ୍ୟୁ ଘଟିଛି।

ବାତ୍ୟା ତିତ୍‌ଲି, ବନ୍ୟା ପ୍ରଭାବିତ ଅଞ୍ଚଳ ବୁଲି ଦେଖିଲେ ଧର୍ମେନ୍ଦ୍ର ପ୍ରଧାନ

ବାତ୍ୟା ତିତ୍‌ଲି, ବନ୍ୟା ପ୍ରଭାବିତ ଅଞ୍ଚଳ ବୁଲି ଦେଖିଲେ ଧର୍ମେନ୍ଦ୍ର ପ୍ରଧାନ

ଭୁବନେଶ୍ୱର, ୨୦।୧୦(ବ୍ୟୁରୋ): ବାତ୍ୟା ତିତ୍‌ଲି ଓ ଏହାର ପରବର୍ତ୍ତୀ ବନ୍ୟା ପ୍ରଭାବରେ କ୍ଷୟକ୍ଷତି ହୋଇଥିବା ଅଞ୍ଚଳକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗସ୍ତକରି ଲୋକଙ୍କ ସହ ଆଲୋଚନା କରିଛନ୍ତି। ଏ ନେଇ ସେ ଏକ ଭିଡ଼ିଓ ମଧ୍ୟ ଜାରି କରିଛନ୍ତି।

୫୧ ବର୍ଷରେ ପହଞ୍ଚତ୍ଛି ଅସ୍ତରଙ୍ଗ ଦୁର୍ଗାପୂଜା

୫୧ ବର୍ଷରେ ପହଞ୍ଚତ୍ଛି ଅସ୍ତରଙ୍ଗ ଦୁର୍ଗାପୂଜା

କାକଟପୁର, ୨୦।୧୦(ଡି.ଏନ୍‌.ଏ.): ଅସ୍ତରଙ୍ଗ ବଜାରଠାରେ ଦୁର୍ଗା କ୍ଲବ ପକ୍ଷରୁ ଷଷ୍ଠୀ ତିଥିଠାରୁ ଆରମ୍ଭ  ହୋଇଛି ଦୁର୍ଗାପୂଜା।  ଦୁର୍ଗା କ୍ଲବ ପକ୍ଷରୁ  ୫୧ ବର୍ଷ  ଧରି ଏଠାରେ ମୃଣ୍ମୟୀ ମୂର୍ତ୍ତିଙ୍କୁ ଭକ୍ତି ଓ ନିଷ୍ଠାର ସହିତ ପୂଜା କରାଯାଇ ଆସୁଛି ବୋଲି କହିଛନ୍ତି କ୍ଲବର ସମ୍ପାଦକ ଆଇନଜୀବୀ ଦିବ୍ୟଦର୍ଶୀ ବିଶ୍ୱାଳ।

ଶ୍ରୀମନ୍ଦିରରେ କାର୍ତ୍ତିକ ନୀତି ଆରମ୍ଭ

ଶ୍ରୀମନ୍ଦିରରେ କାର୍ତ୍ତିକ ନୀତି ଆରମ୍ଭ

ପୁରୀ ଅଫିସ, ୨୦।୧୦: ଶନିବାର ଆଶ୍ୱିନ ଶୁକ୍ଳ ଏକାଦଶୀ ତିଥିରୁ ମହାପ୍ରଭୁଙ୍କ କାର୍ତ୍ତିକ ନୀତି ଆରମ୍ଭ ହୋଇଛି। ରତ୍ନ ସିଂହାସନରେ ମହାପ୍ରଭୁ ରାଇ ଦାମୋଦର ବେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି। ଠାକୁରଙ୍କ ଏହି ମହାର୍ଗ ବେଶ କାର୍ତ୍ତିକ ଶୁକ୍ଳ ଦଶମୀ ପର୍ଯ୍ୟନ୍ତ ପ୍ରତ୍ୟହ ଅନୁଷ୍ଠିତ ହେବ। ଚଳିତବର୍ଷ ପଞ୍ଚକ ପାଞ୍ଚ ଦିନ ହେବ। କାର୍ତ୍ତିକ ଶୁକ୍ଳ ଏକାଦଶୀଠାରୁ କାର୍ତ୍ତିକ ପୂର୍ଣ୍ଣିମା ପର୍ଯ୍ୟନ୍ତ ପଞ୍ଚକ ବେଶ ହେବ। ପଞ୍ଚକରେ ଭକ୍ତମାନେ ଦାରୁଦିଅଁଙ୍କ ୫ ବେଶ ଦର୍ଶନ କରିବାର ସୁଯୋଗ ପାଇବେ। 

୨୫ରୁ କାର୍ତ୍ତିକ ବ୍ରତ

୨୫ରୁ କାର୍ତ୍ତିକ ବ୍ରତ

ପୁରୀ ଅଫିସ, ୨୦।୧୦: ଆସନ୍ତା ୨୫ ତାରିଖରୁ ଆରମ୍ଭ ହେଉଛି ଧର୍ମମାସ ଅର୍ଥାତ୍‌ ହବିଷ ମାସ କାର୍ତ୍ତିକ। ଏହି ବ୍ରତ ପାଳନ ପାଇଁ ଶ୍ରୀକ୍ଷେତ୍ରକୁ ହବିଷିଆଳିଙ୍କ ସୁଅ ଛୁଟିବ। ଆସନ୍ତା ୨ରୁ ୩ ଦିନ ମଧ୍ୟରେ ହବିଷିଆଳି ଶ୍ରୀକ୍ଷେତ୍ରରେ ପହଞ୍ଚିବେ। ପ୍ରାତଃରୁ ମାର୍କଣ୍ଡ, ଶ୍ୱେତଗଙ୍ଗା, ନରେନ୍ଦ୍ର, ଇନ୍ଦ୍ରଦ୍ୟୁମ୍ନ ପୁଷ୍କରିଣୀ ଓ ମହୋଦଧି ଆଦିରେ ସ୍ନାନ କରି ମହାପ୍ରଭୁଙ୍କ ମଙ୍ଗଳ ଆଳତି ଦର୍ଶନ କରିବେ। 

ଅଚିହ୍ନା ମହିଳାଙ୍କ ମୃତଦେହ ଉଦ୍ଧାର

ଅଚିହ୍ନା ମହିଳାଙ୍କ ମୃତଦେହ ଉଦ୍ଧାର

ବେଗୁନିଆ,୨୦।୧୦(ଡି.ଏନ୍‌.ଏ.): ଖୋର୍ଦ୍ଧା ଜିଲା ଟିକାତଳ ନିକଟସ୍ଥ ଏକ ପୋଖରୀ କୂଳରେ ଜଣେ ଅପରିଚାତା ମହିଳାଙ୍କ ମୃତ ଦେହ ପଡିଥିବା ଶନିବାର ସକାଳେ ସ୍ଥାନୀୟ ଲୋକେ ଦେଖିଥିଲେ। 

ରାବଣ ପୋଡି ଉତ୍ସବ

ରାବଣ ପୋଡି ଉତ୍ସବ

ଭୁବନେଶ୍ୱର,୧୯।୧୦: ସରିଛି ପାର୍ବଣର ଋତୁ। ଅଧର୍ମ ଉପରେ ଧର୍ମର ବିଜୟକୁ ନେଇ ମହାମାୟା ଧରାବତରଣ କରିଥିଲେ। ଶୁକ୍ରବାର ବିଜୟା ଦଶମୀ ଅବସରରେ ପରାକ୍ରମୀ ରାବଣର ପୁତ୍ତଳିକା ଦାହ କରି ମେଲାଣି ନେଇଛନ୍ତି ଯୋଗମାୟା।

ଦୁଇ ବନ୍ଧୁକ ବେପାରୀ ଗିରଫ

ଦୁଇ ବନ୍ଧୁକ ବେପାରୀ ଗିରଫ

ଭୁବନେଶ୍ୱର,୧୯।୧୦- ଭୁବନେଶ୍ୱର ନିକଟସ୍ଥ ତମାଣ୍ଡୋ ଅଞ୍ଚଳରୁ ଶୁକ୍ରବାର ଦୁଇ ବନ୍ଧୁକ ବେପାରୀ ଗିରଫ ହୋଇଥିବା ଜଣାପଡିଛି । ଖବର ଅନୁଯାୟୀ, କୌଣସି ସୂତ୍ରରୁ କ୍ୟୁଏଟି ଖବର ପାଇ ତମାଣ୍ଡୋରେ ଥିବା ଦୁଇ ବନ୍ଧୁକ ବେପାରୀଙ୍କୁ ଗିରଫ କରିଥିବା ସୂଚନା ମିଳିଛି ।

ଟ୍ରେନରେ କଟି ଅଜଣାବ୍ୟକ୍ତିଙ୍କ ମୃତ୍ୟୁ

ଟ୍ରେନରେ କଟି ଅଜଣାବ୍ୟକ୍ତିଙ୍କ ମୃତ୍ୟୁ

ନିରାକାରପୁର,୧୯ା୧୦(ଡି.ଏନ.ଏ.)- ଖୋର୍ଦ୍ଧା ରେଳ ଡିଭିଜନ ଅଧୀନରେ ଥିବା ନିରାକାରପୁର ଷ୍ଟେଶନ ଦକ୍ଷିଣପାର୍ଶ୍ୱ ରେଳଧାରଣାରେ ଶୁକ୍ରବାର ଜଣେ ଅଜଣା ବ୍ୟକ୍ତିଙ୍କ ଟ୍ରେନରେ କଟି ମୃତ୍ୟୁ ହୋଇଥିବା ଜଣାପଡିଛି । 

ବିଭିନ୍ନ ପୂଜାମଣ୍ଡପ ବୁଲି ଦେଖିଲେ ଅର୍ଥମନ୍ତ୍ରୀ

ବିଭିନ୍ନ ପୂଜାମଣ୍ଡପ ବୁଲି ଦେଖିଲେ ଅର୍ଥମନ୍ତ୍ରୀ

ବାଲିଅନ୍ତା,୧୯।୧୦- ମା’ ଦୁର୍ଗାପୂଜାଙ୍କ ମହାଦଶମୀ ଅବସରରେ ରାଜ୍ୟ ଅର୍ଥ ଓ ଅବକାରୀ ମନ୍ତ୍ରୀ ଶଶିଭୂଷଣ ବେହେରା ଶୁକ୍ରବାର ବାଲିଅନ୍ତା ବ୍ଲକ ଅଞ୍ଚଳକୁ ଆସି ବିଭିନ୍ନ ପୂଜାମଣ୍ଡପ ବୁଲି ଦେଖିଥିଲେ।

ବିଜୟାଦଶମୀରେ କ୍ଷତ୍ରୀୟଙ୍କ ଖଣ୍ଡା ଶୋଭାଯାତ୍ରା

ବିଜୟାଦଶମୀରେ କ୍ଷତ୍ରୀୟଙ୍କ ଖଣ୍ଡା ଶୋଭାଯାତ୍ରା

କଣ୍ଟାପଡା,୧୯।୧୦(ଡି.ଏନ୍‌.ଏ.)- ରାଜ୍ୟ ସାରା ଦଶହରା ପର୍ବ ମହାସମାରୋହରେ ପାଳିିତ ହେଉଥିବା ବେଳେ କଣ୍ଟାପଡାର ଗୋବିନ୍ଦପୁର ଅଞ୍ଚଳରେ ନିଆରା ପର୍ବ ଆୟୋଜନ ହେଉଥିବା ଦେଖାଯାଇଛି । ଶୁକ୍ରବାର ବିଜୟାଦଶମୀ ଅବସରରେ ଉକ୍ତ ଗ୍ରାମରେ କ୍ଷତ୍ରୀୟମାନଙ୍କ ପାରମ୍ପରିକ ଖଣ୍ଡା ଶୋଭାଯାତ୍ରା  ଅନୁଷ୍ଠିତ ହୋଇଯାଇଛି।