ବାଣିଜ୍ୟ |

ଦେଶରେ ୬୦ ହଜାରରୁ ଊର୍ଦ୍ଧ୍ୱ ପେଟ୍ରୋଲ ପମ୍ପ

ଦେଶରେ ୬୦ ହଜାରରୁ ଊର୍ଦ୍ଧ୍ୱ ପେଟ୍ରୋଲ ପମ୍ପ

ନୂଆଦିଲ୍ଲୀ/ଭୁବନେଶ୍ୱର,୨୯-୧୧(ବ୍ୟୁରୋ)
ଗତ ୬ ବର୍ଷ ମଧ୍ୟରେ ଦେଶରେ ପେଟ୍ରୋଲ ପମ୍ପ ସଂଖ୍ୟାରେ ୪୫% ବୃଦ୍ଧି ଘଟିଛି। ସମଗ୍ର ବିଶ୍ୱରେ ପେଟ୍ରୋଲ ପମ୍ପ ସଂଖ୍ୟାରେ ଏହା ସର୍ବୋଚ୍ଚ ଅଭିବୃଦ୍ଧି ହାର। ରାଷ୍ଟ୍ରାୟତ୍ତ ଏବଂ ଘରୋଇ ତୈଳ କମ୍ପାନୀଗୁଡିକ ରିଟେଲିଂ ସାଇଟ୍‌ଗୁଡିକରେ ବୃହତ୍‌ ମାତ୍ରାରେ ପେଟ୍ରୋଲ ପମ୍ପମାନ ଖୋଲୁଥିବାରୁ ଏହି ସଂଖ୍ୟାରେ ବଡ ଧରଣର ବୃଦ୍ଧି ଘଟିଛି। ଅକ୍ଟୋବର ଶେଷ ସୁଦ୍ଧା ଦେଶରେ ୬୦,୭୯୯ ଆଉଟ୍‌ଲେଟ୍‌ ଥିବା ତୈଳ ମନ୍ତ୍ରଣାଳୟର ପେଟ୍ରୋଲିୟମ୍‌ ପ୍ଲାନିଂ ଏବଂ ଆନାଲିସିସ୍‌ ସେଲ୍‌ ପ୍ରଦତ୍ତ ତଥ୍ୟରୁ ଜଣାଯାଇଛି।
ଅନ୍ୟପକ୍ଷରେ, ଓଡ଼ିଶାରେ ଏହି ସଂଖ୍ୟା ୧,୬୦୦ରୁ ଅଧିକ ରହିଥିବାବେଳେ ଗ୍ରାମାଞ୍ଚଳରେ ମାତ୍ର ୧୦% ପେଟ୍ରୋଲ ପମ୍ପ ରହିଥିବା ଉତ୍କଳ ପେଟ୍ରୋଲିୟମ ଡିଲର ସଂଘ(ଓଡ଼ିଶା)ର ସାଧାରଣ ସମ୍ପାଦକ ତଥା ସର୍ବଭାରତୀୟ ପେଟ୍ରୋଲିୟମ୍‌ ଡିଲର ସଂଘ(ନୂଆଦିଲ୍ଲୀ)ର ମହାସଚିବ ସଞ୍ଜୟ ଲାଠ୍‌ ପ୍ରକାଶ କରିଛନ୍ତି।
ଗ୍ରାମାଞ୍ଚଳରେ ଏକ ପେଟ୍ରୋଲ ପମ୍ପରେ ବାର୍ଷିକ ବ୍ୟୟ ଯେଉଁ ଅନୁସାରେ ରହୁଛି ସେହି ଅନୁସାରେ ଆୟ ନାହିଁ। ଷ୍ଟାଫ ଦରମା, ପମ୍ପର ରକ୍ଷଣାବେକ୍ଷଣ ଖର୍ଚ୍ଚ ତା’ଛଡା ଭିତ୍ତିଭୂମିର ଅଭାବ ଯୋଗୁ ଏଠାରେ ପେଟ୍ରୋଲ ପମ୍ପ ଖୋଲିବା ପାଇଁ ଡିଲରମାନେ ଆଗ୍ରହ ପ୍ରକାଶ କରୁନାହାନ୍ତି। ଗ୍ରାମାଞ୍ଚଳରେ ଚାହିଦା ନାହିଁ। ଚାହିଦା ନ ରହିବାର କାରଣ ହେଉଛି ଗୋଟିଏ ସ୍ଥାନରେ ଯଦି ଏକ ରାଷ୍ଟ୍ରାୟତ୍ତ କମ୍ପାନୀ ସାଧାରଣ ପମ୍ପଟିଏ ଖୋଲିଛି, ଉକ୍ତ ସ୍ଥାନଠାରୁ ମାତ୍ର କିଛି ଦୂରତ୍ୱ ମଧ୍ୟରେ ଆଉ ଏକ ରାଷ୍ଟ୍ରାୟତ୍ତ କମ୍ପାନୀକୁ ଗ୍ରାମୀଣ ପମ୍ପ ଖୋଲିବା ପାଇଁ ସରକାରଙ୍କ ପକ୍ଷରୁ ଅନୁମତି ଦିଆଯାଉଛି। ସରକାର ୩ଟି ଯାକ ରାଷ୍ଟ୍ରାୟତ୍ତ କମ୍ପାନୀକୁ ଗ୍ରାମୀଣ ପମ୍ପ ଖୋଲିବାର ଅନୁମତି ଦେଇଛନ୍ତି। ଏଭଳି କ୍ଷେତ୍ରରେ ଗୋଟିଏ ଅଞ୍ଚଳରେ ଯଦି ୩ଟି ଯାକ ରାଷ୍ଟ୍ରାୟତ୍ତ କମ୍ପାନୀ ପେଟ୍ରୋଲ ପମ୍ପ ଖୋଲିବେ ତା’ହେଲେ ଉପଭୋକ୍ତା ପରସ୍ପର ମଧ୍ୟରେ ବାଣ୍ଟି ହୋଇଯିବେ। ଗ୍ରାମାଞ୍ଚଳର ଜନସଂଖ୍ୟା ଯାହା ଏହି ସଂଖ୍ୟା ୩ଟି ଯାକ କମ୍ପାନୀ ମଧ୍ୟରେ ବାଣ୍ଟି ହୋଇଗଲେ କାହାର ଲାଭ ହେବ ନାହିଁ। ତେଣୁ କମ୍ପାନୀଗୁଡିକ ଗ୍ରାମାଞ୍ଚଳରେ ପମ୍ପ ଖୋଲିବା ପାଇଁ ଆଗ୍ରହ ପ୍ରକାଶ କରୁ ନ ଥିବା ଲାଠ୍‌ କହିଛନ୍ତି। ସରକାରଙ୍କ ନୀତିନିୟମ ଠିକ୍‌ ରହୁ ନ ଥିବା କାରଣରୁ ଏହି ସମସ୍ୟା ସୃଷ୍ଟି ହେଉଥିବା ସେ କହିଛନ୍ତି। ଘରୋଇ କମ୍ପାନୀଗୁଡିକ କ୍ଷେତ୍ରରେ କିନ୍ତୁ ଏହି ସମସ୍ୟା ଦେଖା ଦେଉ ନ ଥିବା ସେ କହିଛନ୍ତି।
ପେଟ୍ରୋଲ ପମ୍ପ ସଂଖ୍ୟାରେ ଭାରତ ଯୁକ୍ତରାଷ୍ଟ୍ର ଆମେରିକା ଏବଂ ଚାଇନା ୨ଟି ରାଷ୍ଟ୍ର ପଛରେ ରହିଛି। ୨୦୧୧ରେ ଦେଶରେ ୪୧,୯୪୭ ସଂଖ୍ୟକ ପେଟ୍ରୋଲ ପମ୍ପ ଥିଲା। ଏଥିମଧ୍ୟରୁ ୨,୯୮୩ ସଂଖ୍ୟକ ପମ୍ପ ରିଲାଏନ୍ସ ଇଣ୍ଡଷ୍ଟ୍ରିଜ୍‌ ଏବଂ ଏସାର ଅଏଲ୍‌ ଭଳି ଘରୋଇ କମ୍ପାନୀ ଅଧୀନରେ ରହିଥିଲା। ବର୍ତ୍ତମାନ ଘରୋଇ କମ୍ପାନୀଗୁଡିକର ୫,୪୭୪ ସଂଖ୍ୟକ ପେଟ୍ରୋଲ ପମ୍ପ ରହିଛି। ଘରୋଇ କମ୍ପାନୀଗୁଡିକ ମଧ୍ୟରେ ଏସାର ଅଏଲ୍‌ର ସର୍ବାଧିକ ୩,୯୮୦ ପେଟ୍ରୋଲ ପମ୍ପ ରହିଛି। ଯୁକ୍ତରାଷ୍ଟ୍ର ଆମେରିକା ଏବଂ ଚାଇନାରେ ପାଖାପାଖି ୧ ଲକ୍ଷ ଲେଖାଏ ପେଟ୍ରୋଲ ପମ୍ପ ରହିଥିବା ପେଟ୍ରୋଲିୟମ୍‌ ପ୍ଲାନିଂ ଏବଂ ଆନାଲିସିସ୍‌ ସେଲ୍‌ ପ୍ରଦତ୍ତ ତଥ୍ୟରୁ ଜଣାଯାଇଛି।
ସମଗ୍ର ବିଶ୍ୱର କେତେକ ରାଷ୍ଟ୍ରରେ ପେଟ୍ରୋଲ ପମ୍ପ ସଂଖ୍ୟାରେ ହ୍ରାସ ଘଟିଛି। ଏହାର କାରଣ ହେଉଛି ଉକ୍ତ ରାଷ୍ଟ୍ରଗୁଡିକ ଇଲେକ୍ଟ୍ରିକ୍‌ ଭେଇକିଲ୍‌ ତଥା ବିକଳ୍ପ ଇନ୍ଧନମୁହାଁ ହୋଇଛନ୍ତି। ଭାରତ ସମଗ୍ର ବିଶ୍ୱରେ ଅନ୍ୟତମ ବୃହତ୍‌ ତୈଳ ବ୍ୟବହାରକାରୀ ରାଷ୍ଟ୍ର ହୋଇଥିବାରୁ ଏଠାରେ ଏହି ସଂଖ୍ୟା ବଢ଼ିଛି।
୨୦୧୧ ଏବଂ ୨୦୧୭ ମଧ୍ୟରେ ଭାରତରେ ୧୮,୮୫୨ ସଂଖ୍ୟକ ନୂଆ ଆଉଟ୍‌ଲେଟ୍‌ ଖୋଲିଛି। ୬୦,୭୯୯ ସଂଖ୍ୟକ ପେଟ୍ରୋଲ ପମ୍ପ ମଧ୍ୟରୁ ୫୫,୩୨୫ ସଂଖ୍ୟକ ପମ୍ପ ରାଷ୍ଟ୍ରାୟତ୍ତ କମ୍ପାନୀଗୁଡିକ ଦ୍ୱାରା ଅଧିକୃତ ବୋଲି ତୈଳ ମନ୍ତ୍ରଣାଳୟ ପକ୍ଷରୁ ପ୍ରକାଶ।

All Right Reserved By

ବାଣିଜ୍ୟ |

ତିନି ପ୍ରମୁଖ କମ୍ପାନୀ ନେତୃତ୍ୱାଧୀନ ସଂସ୍ଥାର ସିଇଓ ଭାରତୀୟ

ତିନି ପ୍ରମୁଖ କମ୍ପାନୀ ନେତୃତ୍ୱାଧୀନ ସଂସ୍ଥାର ସିଇଓ ଭାରତୀୟ

ନ୍ୟୁୟର୍କ,୨୧-୬ ସେ ଏକାଧାରରେ ଜଣେ ସର୍ଜନ, ପବ୍ଲିକ୍‌ ହେଲ୍‌ଥ ଇନୋଭେଟର ଏବଂ ଲେଖକ। ଏହି ଭାରତୀୟ ବଂଶୋଦ୍ଭବ ଆମେରିକୀୟଙ୍କ ନାମ ହେଉଛି ଅତୁଲ ଗାଓ୍ବାଣ୍ଡେ। ତାଙ୍କର ପରିଚୟ ଏଠାରେ ଆମେ ଏଥି ପାଇଁ ଦେଉଛୁ, ଯାହାକି ଭାରତ ଲାଗି ଏକ ଗୌରବର ବିଷୟ। ଏହି ୫୨ ବର୍ଷୀୟ ବହୁମୁଖୀ ପ୍ରତିଭା ଆମେରିକାର ଏକ ନୂତନ ସ୍ବାସ୍ଥ୍ୟଭିତ୍ତିକ କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ) ହୋଇଛନ୍ତି।

ମାଲ୍ୟାଙ୍କ ଗିରଫ ଲାଗି ସ୍ବତନ୍ତ୍ର କୋର୍ଟଙ୍କ ନିର୍ଦ୍ଦେଶ

ମାଲ୍ୟାଙ୍କ ଗିରଫ ଲାଗି ସ୍ବତନ୍ତ୍ର କୋର୍ଟଙ୍କ ନିର୍ଦ୍ଦେଶ

ବମ୍ବେ,୨୧-୬(ପି.ଟି): ପଳାତକ ଘୋଷିତ କିଙ୍ଗଫିଶର ଏୟାର ଲାଇନ୍ସ ମାଲିକ ବିଜୟ ମାଲ୍ୟାଙ୍କୁ ଗିରଫ ଲାଗି ବୁଧବାର ସ୍ବତନ୍ତ୍ର ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି। କନସୋର୍ଟିୟମ ବ୍ୟାଙ୍କଗୁଡିକୁ ୬ ହଜାର କୋଟି ଟଙ୍କାରୁ ଉର୍ଦ୍ଧ୍ୱ ଋଣ ଠକେଇ ତଥା ବେଆଇନ ଅର୍ଥ କାରବାର ନିରୋଧୀ ମାମଲା(ପିଏମ୍‌ଏଲ୍‌ଏ)ରେ ହୋଇଥିବା ଅଭିଯୋଗ ଆଧାରରେ କୋର୍ଟ ଏହି ନିର୍ଦ୍ଦେଶ ଦେଇଛନ୍ତି।

ମିନ୍ତ୍ରାର ନୁଆ ଓ୍ବେରେବଲ୍‌ ଡିଭାଇସ୍‌ ‘ବ୍ଲିଙ୍କ ଗୋ’

ମିନ୍ତ୍ରାର ନୁଆ ଓ୍ବେରେବଲ୍‌ ଡିଭାଇସ୍‌ ‘ବ୍ଲିଙ୍କ ଗୋ’

ବାଙ୍ଗାଲୋର,୨୧।୬- ଫ୍ୟାଶନ୍‌ ଇ-ଟେଲର ମିନ୍ତ୍ରା ପକ୍ଷରୁ ବଜାରକୁ ଆସିଛି ସ୍ମାର୍ଟଓ୍ବେରେବଲ୍‌ ଡିଭାଇସ୍‌ ‘ବ୍ଲିଙ୍କ ଗୋ’। ଏହାର ବଜାରଦର ୪,୧୯୯ ଟଙ୍କା ରହିଛି। ଉକ୍ତ ଡିଭାଇସ୍‌ ଦ୍ୱାରା ଉପଭୋକ୍ତା ନିଜ ଫିଟ୍‌ନେସ୍‌ର ତଦାରଖ କରିବା ସହ ବ୍ୟକ୍ତିଗତ ଫିଟ୍‌ନେସ୍‌ ଗୋଲ ଧାର୍ଯ୍ୟ କରିବାକୁ ସକ୍ଷମ ହେବେ ବୋଲି କମ୍ପାନୀ ପକ୍ଷରୁ ସୂଚନା ରହିଛି।

୧୮ ହଜାର ବ୍ୟାଙ୍କ, ଡାକଘର ଶାଖାରେ ଆଧାର ସେବା

ନୂଆଦିଲ୍ଲୀ,୨୧।୬- ଦେଶର ୧୮,୦୦୦ ବ୍ୟାଙ୍କ ଏବଂ ଡାକଘର ଶାଖାରେ ଏବେ ଆଧାର ସେବା ଉପଲବ୍ଧ ହେଉଛି। ବ୍ୟାଙ୍କ ଏବଂ ଡାକଘର ଶାଖାରେ ଆଧାର କେନ୍ଦ୍ର ସ୍ଥାପନ ପାଇଁ ସରକାର ନିର୍ଦ୍ଦେଶ ଦେଇଥିଲେ। ବାୟୋମେଟ୍ରିକ ଆଇଡିର ସହଜ ପଞ୍ଜୀକରଣ ଏବଂ ନବୀକରଣ ଲକ୍ଷ୍ୟରେ ଏହି ଭଳି ବ୍ୟବସ୍ଥା ଗ୍ରହଣ କରାଯାଇଥିବା ୟୁନିକ୍‌ ଆଇଡେଣ୍ଟିଫିକେସନ୍‌ ଅଥରିଟି ଅଫ୍‌ ଇଣ୍ଡିଆ(ୟୁଆଇଡିଏଆଇ)ର ସିଇଓ ଅଜୟ ଭୂଷଣ ପାଣ୍ଡେ ସୂଚନା ଦେଇଛନ୍ତି।

ଏୟାର ଇଣ୍ଡିଆ ଘରୋଇକରଣ ନେଇ ସରକାର ଅଙ୍ଗୀକାରବଦ୍ଧ:ସିହ୍ନା

ଏୟାର ଇଣ୍ଡିଆ ଘରୋଇକରଣ ନେଇ ସରକାର ଅଙ୍ଗୀକାରବଦ୍ଧ:ସିହ୍ନା

ନୂଆଦିଲ୍ଲୀ,୨୧-୬(ପି.ଟି): ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର ଇଣ୍ଡିଆର ଘରୋଇକରଣ ପ୍ରକ୍ରିୟା ବର୍ତ୍ତମାନ ସ୍ଥଗିତ ରହିଛି। କିନ୍ତୁ ଏହାର ଘରୋଇକରଣ ନେଇ ସରକାର ସମ୍ପୂର୍ଣ୍ଣ ଅଙ୍ଗୀକାରବଦ୍ଧ। କେନ୍ଦ୍ର ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ଜୟନ୍ତ ସିହ୍ନା ବୁଧବାର ଏହା କହିଛନ୍ତି।

କୃଷି ବ୍ୟୟବରାଦ ଦୁଇଗୁଣ ବଢିଛି:ମୋଦି

କୃଷି ବ୍ୟୟବରାଦ ଦୁଇଗୁଣ ବଢିଛି:ମୋଦି

ନୂଆଦିଲ୍ଲୀ,୨୧-୬(ପି.ଟି) କୃଷକଙ୍କ ବିଭିନ୍ନ ସମସ୍ୟାକୁ ଧ୍ୟାନରେ ରଖି ସରକାର କୃଷି ବଜେଟକୁ ଦୁଇଗୁଣ ବଢାଇଛନ୍ତି। ୨୦୨୨ ସୁଦ୍ଧା ଦେଶର କୃଷକଙ୍କ ଆୟ ଦୁଇଗୁଣ ବୃଦ୍ଧି କରିବାକୁ ସରକାର ଲକ୍ଷ୍ୟ ଧାର୍ଯ୍ୟ କରିଥିଲେ। ଏଥି ଲାଗି ବଜେଟ ବ୍ୟୟବରାଦକୁ ଉନ୍ନତ କରାଯାଇଥିବା ସରକାର ବୁଧବାର ସୂଚନା ଦେଇଛନ୍ତି।

ଏମ୍‌ଏସ୍‌ଏମ୍‌ଇଗୁଡିକୁ ଋଣ ପ୍ରଦାନରେ ଉନ୍ନତି ଆସୁଛି: ଜିଏସ୍‌ଟି, ବିମୁଦ୍ରୀକରଣ ପ୍ରଭାବ ହ୍ରାସ

ଏମ୍‌ଏସ୍‌ଏମ୍‌ଇଗୁଡିକୁ ଋଣ ପ୍ରଦାନରେ ଉନ୍ନତି ଆସୁଛି: ଜିଏସ୍‌ଟି, ବିମୁଦ୍ରୀକରଣ ପ୍ରଭାବ ହ୍ରାସ

ନୂଆଦିଲ୍ଲୀ,୨୧-୬(ପି.ଟି): ଘରୋଇ ବଜାରରେ ରହିଥିବା ଅଣୁ,କ୍ଷୁଦ୍ର,ମଧ୍ୟମ ଉଦ୍ୟୋଗ(ଏମ୍‌ଏସ୍‌ଏମ୍‌ଇ)ଗୁଡିକୁ ଋଣ ପ୍ରଦାନ ଧାରାରେ ଉନ୍ନତି ଆସୁଛି। ଏଥିରେ ଜିଏସ୍‌ଟି ଏବଂ ବିମୁଦ୍ରୀକରଣ ପ୍ରଭାବ ହ୍ରାସ ହୋଇଥିବା ଏକ ଅଧ୍ୟୟନରୁ ଜଣା ଯାଇଛି। ଏମ୍‌ଏସ୍‌ଏମ୍‌ଇଗୁଡିକୁ ଋଣ ପ୍ରଦାନ ଏକ ରେକର୍ଡ ସ୍ତରରେ ରହିଥିବା ଜଣାଯାଇଛି।

୬୨,୦୦୦ ଗ୍ରୁପ୍‌ ସି କର୍ମଚାରୀଙ୍କୁ ପଦୋନ୍ନତୀ ଦେବ ରେଲଓ୍ବେ

୬୨,୦୦୦ ଗ୍ରୁପ୍‌ ସି କର୍ମଚାରୀଙ୍କୁ ପଦୋନ୍ନତୀ ଦେବ ରେଲଓ୍ବେ

ନୂଆଦିଲ୍ଲୀ,୨୧।୬- ରେଲଓ୍ବେ ଏହାର ୬୨,୦୦୦ ଗ୍ରୁପ୍‌ ସି ଅଥବା କିରାଣୀ ପଦବୀରେ କାର୍ଯ୍ୟ କରୁଥିବା କର୍ମଚାରୀଙ୍କୁ ପଦୋନ୍ନତୀ ଦେବ। ସେମାନଙ୍କୁ ଗ୍ରୁପ୍‌ ବି କର୍ମଚାରୀଙ୍କ ଭଳି ସମାନ ଦରମା ମିଳିବା ସହିତ ସମସ୍ତ ପ୍ରକାର ବିଶେଷ ସୁବିଧା ସୁଯୋଗ ମିଳିବ। ପଦୋନ୍ନତି ଧାରାକୁ ତ୍ୱରାନ୍ବିତ କରିବା ପାଇଁ ରେଳ ବିଭାଗ ଏପରି ପଦକ୍ଷେପ ନେବା ଆରମ୍ଭ କରିଥିବା

ବ୍ୟାଙ୍କ ଅଫ୍‌ ମହାରାଷ୍ଟ୍ର ସିଏମ୍‌ଡି ଗିରଫ

ବ୍ୟାଙ୍କ ଅଫ୍‌ ମହାରାଷ୍ଟ୍ର ସିଏମ୍‌ଡି ଗିରଫ

ନୂଆଦିଲ୍ଲୀ,୨୧-୬ ୩,୦୦୦ କୋଟି ଟଙ୍କାର ଡିଏସ୍‌କେ ଗ୍ରୁପ୍‌ ଋଣ ଠକେଇ ମାମଲାରେ ପୁଣେ ପୋଲିସ୍‌ର ଆର୍ଥିକ ଅପରାଧ ଶାଖା ବ୍ୟାଙ୍କ୍‌ ଅଫ୍‌ ମହାରାଷ୍ଟ୍ରର ସିଇଓ ତଥା ଏମ୍‌ଡି ରବୀନ୍ଦ୍ର ମରାଠେଙ୍କୁ ଗିରଫ କରିଛି। ତାଙ୍କ ସହିତ ଆଉ ୫ ଜଣ ମଧ୍ୟ ଏହି ମାମଲାରେ ଗିରଫ ହୋଇଛନ୍ତି।

ବି. ଶ୍ରୀରାମ ଆଇଡିବିଆଇ ବ୍ୟାଙ୍କ ଏମ୍‌ଡି ତଥା ସିଇଓ

ବି. ଶ୍ରୀରାମ ଆଇଡିବିଆଇ ବ୍ୟାଙ୍କ ଏମ୍‌ଡି ତଥା ସିଇଓ

ନୂଆଦିଲ୍ଲୀ,୨୧-୬(ପି.ଟି.) ଭାରତୀୟ ଷ୍ଟେଟ୍‌ ବ୍ୟାଙ୍କ(ଏସ୍‌ବିଆଇ)ର ପରିଚାଳନା ନିର୍ଦ୍ଦେଶକ(କର୍ପୋରେଟ୍‌ ଏବଂ ଗ୍ଲୋବାଲ ବ୍ୟାଙ୍କିଙ୍ଗ୍‌) ବି. ଶ୍ରୀରାମ ଆଇଡିବିଆଇ ବ୍ୟାଙ୍କର ଏମ୍‌ଡି ତଥା ସିଇଓ ଭାବେ ନିଯୁକ୍ତି ପାଇଛନ୍ତି। ୩ ମାସ ପାଇଁ ତାଙ୍କୁ ଏହି ପଦରେ ନିୟୋଜିତ କରାଯାଇଥିବା ବ୍ୟାଙ୍କ ପକ୍ଷରୁ ପ୍ରକାଶ।

ମହାରାଜା କ୍ଲାସ ସିଟ୍‌ ଆଣିବ ଏୟାର୍‌ ଇଣ୍ଡିଆ

ମହାରାଜା କ୍ଲାସ ସିଟ୍‌ ଆଣିବ ଏୟାର୍‌ ଇଣ୍ଡିଆ

ନୂଆଦିଲ୍ଲୀ,୨୧-୬(ପି.ଟି.) ନ୍ତର୍ଜାତୀୟ ବିମାନ ଯାତ୍ରା କରୁଥିବା ଯାତ୍ରୀମାନଙ୍କୁ ଏୟାର୍‌ ଇଣ୍ଡିଆ ଆଗକୁ ଭିନ୍ନ ପ୍ରକାର ଅନୁଭୂତି ପ୍ରଦାନ କରିବ। ଏହି ରାଷ୍ଟ୍ରାୟତ୍ତ ବିମାନ କମ୍ପାନୀ ଖୁବ୍‌ଶୀଘ୍ର ମହାରାଜା ବିଜ୍‌ନେସ୍‌ କ୍ଲାସ ସିଟ୍‌ ପ୍ରଚଳନ କରିବ। ଏହାସହିତ ବ୍ୟାପକ ପ୍ରକାର ଖାଦ୍ୟ ଉପଲବ୍ଧ କରାଇବା ସହ କ୍ୟାବିନ୍‌ କ୍ୟୁମାନଙ୍କ ପାଇଁ ନୂଆ ୟୁନିଫର୍ମ ପ୍ରଚଳନ କରିବ।

ବିଦାୟ ନେବେ ଅରବିନ୍ଦ ସୁବ୍ରମଣ୍ୟନ୍‌

ବିଦାୟ ନେବେ ଅରବିନ୍ଦ ସୁବ୍ରମଣ୍ୟନ୍‌

ନୂଆଦିଲ୍ଲୀ,୨୧ା୬(ପି.ଟି.) ପାଖାପାଖି ୪ ବର୍ଷ ଦାୟିତ୍ୱ ତୁଲାଇବା ପରେ ମୁଖ୍ୟ ଅର୍ଥନୈତିକ ଉପଦେଷ୍ଟା (ସିଇଏ)ଅରବିନ୍ଦ ସୁବ୍ରମଣ୍ୟନ୍‌ ଆମେରିକା ଫେରିଯିବା ପାଇଁ ନିଷ୍ପତ୍ତି ନେଇଛନ୍ତି। କାର୍ଯ୍ୟକାଳର ଆହୁରି ପାଖାପାଖି ବର୍ଷେ ବାକି ଥିବାବେଳେ ବ୍ୟକ୍ତିଗତ କାରଣ ଯୋଗୁ ସେ ବାଧ୍ୟ ହୋଇ ପଦ ଛାଡୁଥିବା କହିଛନ୍ତି।

Model This Week

ପ୍ରଭାତ