ସମ୍ପାଦକୀୟ |

ସମ୍ପାଦକୀୟ/ ଅବିଶ୍ୱାସୀ ଖାକି

ସମ୍ପାଦକୀୟ/ ଅବିଶ୍ୱାସୀ ଖାକି
ଏସିଡ୍‌ ଆକ୍ରମଣ ଭଳି ଏକ ସମ୍ବେଦନଶୀଳ ଘଟଣାରେ ଅଭିଯୁକ୍ତଙ୍କୁ ଖୋଜି ପାଇବା ସକାଶେ ଓଡ଼ିଶା ପୋଲିସକୁ ୮ ବର୍ଷ ଲାଗିଗଲା। ପୋଲିସର ତଦନ୍ତ କେତେ ଶୀଥିଳ ତାହା ଏହି ଘଟଣା ପ୍ରମାଣିତ କରୁଛି। ହୁଏତ ବିଭିନ୍ନ ମହଲରୁ ଚାପ ପଡ଼ି ନ ଥିଲେ ଅଭିଯୁକ୍ତ ସାରାଜୀବନ ମୁକ୍ତରେ ବୁଲୁଥାଆନ୍ତେ। ଜଗତ୍‌ସିଂହପୁର ତିର୍ତ୍ତୋଲ ଅଞ୍ଚଳର ଏସିଡ୍‌ ପୀଡ଼ିତା ଯୁବତୀ ନ୍ୟାୟ ପାଇଁ ବାରଦ୍ୱାର ହେଉଥାଆନ୍ତେ। ଅଭିଯୁକ୍ତଙ୍କ ଗିରଫଦାରି ପୀଡ଼ିତା ଏବଂ ତାଙ୍କ ପରିବାରକୁ କିଛିଟା ଆଶ୍ୱସ୍ତ କରିଥାଇପାରେ, କିନ୍ତୁ ପୀଡ଼ିତାଙ୍କ ସ୍ବାଭାବିକ ଚେହେରା ଓ ଦୃଷ୍ଟିଶକ୍ତି ପୋଲିସ, ନ୍ୟାୟ ବ୍ୟବସ୍ଥା କିମ୍ବା ଏଥିପାଇଁ ଦାୟୀ ଅଭିଯୁକ୍ତ କେହି ଫେରାଇ ଦେଇ ପାରିବେ ନାହିଁ। ଏକତରଫା ପ୍ରେମରେ ବିଫଳ ହେବା କାରଣରୁ ଭାରତୀୟ ସ୍ଥଳ ସେନାର ଜଣେ କର୍ମଚାରୀ (ଭଦ୍ରକ ଭଣ୍ଡାରିପୋଖରୀ ଅଞ୍ଚଳର ଯୁବକ) ତିର୍ତ୍ତୋଲର ଜନୈକା ଯୁବତୀଙ୍କୁ ୨୦୦୯ ଏପ୍ରିଲ୍‌ ୧୮ରେ ଏସିଡ୍‌ ଫିଙ୍ଗି ଫେରାର ହୋଇଯାଇଥିଲେ। ଏହି ଆକ୍ରମଣରେ ଗୁରୁତର ଆହତ ଯୁବତୀ ଜଣକ ପ୍ରାୟ ୨ ବର୍ଷ କୋମାରେ ରହିବା ପରେ ଆରୋଗ୍ୟ ଲାଭ କରିଛନ୍ତି। କିନ୍ତୁ ନିଜର ସ୍ବାଭାବିକତା ଓ ଦୃଷ୍ଟିଶକ୍ତି ହରାଇଛନ୍ତି। ସେତେବେଳେ ପୀଡ଼ିତାଙ୍କ ମା’ ତିର୍ତ୍ତୋଲ ଥାନାରେ ଏ ନେଇ ଅଭିଯୋଗ କରିଥିଲେ। ପୋଲିସ ବିଭିନ୍ନ ଦଫା ଲଗାଇ ତଦନ୍ତ ଆରମ୍ଭ କରିଥିଲା। ପୀଡ଼ିତାଙ୍କ ପରିବାର ପକ୍ଷରୁ ଅଭିଯୁକ୍ତଙ୍କ ଫଟୋ ପୋଲିସକୁ ପ୍ରମାଣ ଭାବେ ଦିଆଯାଇଥିଲା। ମାତ୍ର ପୋଲିସ କେଉଁ କାରଣରୁ ତଦନ୍ତକୁ ଶୀଥିଳ କରିଦେଇଥିଲା ତାହା ଆଜି ମଧ୍ୟ ଅସ୍ପଷ୍ଟ। ତିନି ବର୍ଷ ଝୁଲାଇ ରଖିବା ପରେ ପୋଲିସ ୨୦୧୨ ମେ ୫ରେ ଏହି ସ୍ପର୍ଶକାତର ମାମଲାର ଫାଇଲ ବନ୍ଦ କରିଦେଇଥିଲା। ସେତେବେଳେ ଦର୍ଶାଯାଇଥିଲା ଯେ, କୌଣସି ପ୍ରମାଣ ମିଳୁନାହିଁ। ତେଣୁ ଅଭିଯୁକ୍ତଙ୍କୁ ଖୋଜି ବାହାର କରିବା ସମ୍ଭବ ହେଉନାହିଁ। ପୀଡ଼ିତା ଜଣକ ଗରିବ ପରିବାରର ହୋଇଥିବାରୁ ପୋଲିସର ଏହି ବେପରୁଆ ତଦନ୍ତ ସମ୍ପର୍କରେ ତାଙ୍କର ଆତ୍ମୀୟମାନେ ଉପର ମହଲରେ ଅଭିଯୋଗ କରିପାରି ନ ଥିଲେ। ପରବର୍ତ୍ତୀ ସମୟରେ ପୀଡ଼ିତାଙ୍କ ମା’ ହାଇକୋର୍ଟଙ୍କ ଦ୍ୱାରସ୍ଥ ହେବା ପରେ ଜଗତ୍‌ସିଂହପୁର ପୋଲିସ ନ୍ୟାୟାଳୟ ଚାପର ବଶବର୍ତ୍ତୀ ହୋଇ ବନ୍ଦ ଫାଇଲ ଖୋଲିଲା। ତଦନ୍ତକୁ ତ୍ୱରାନ୍ବିତ କରି ଅଭିଯୁକ୍ତ ଏବଂ ତାଙ୍କର ଜଣେ ସହଯୋଗୀଙ୍କୁ କଲିକତାରୁ ଧରିଛି। ପ୍ରଶ୍ନ ଉଠୁଛି, ଅଭିଯୁକ୍ତଙ୍କ ସୁରାକ ମିଳୁନାହିଁ ବୋଲି ଯୁକ୍ତି ଦର୍ଶାଇଥିବା ପୋଲିସ ୮ ବର୍ଷ ପରେ ତାଙ୍କୁ ଚିହ୍ନିପାରିଲା କେମିତି। ଏଥିରୁ ଗୋଟିଏ କଥା ସ୍ପଷ୍ଟ ହେଉଛି ଯେ, ପୋଲିସ୍‌ ଅଭିଯୁକ୍ତଙ୍କୁ ଜାଣିଥିଲା, ସେ ଫେରାର ହୋଇ କେଉଁଠି ରହୁଛନ୍ତି ତାହା ମଧ୍ୟ ଅବଗତ ଥିଲା। ମାତ୍ର ତାଙ୍କୁ ନ ଧରିବା ପଛରେ କୌଣସି ପ୍ରଚ୍ଛନ୍ନ ଚାପ କାର୍ଯ୍ୟ କରୁଥିଲା ବୋଲି କୁହାଯାଇପାରିବ। ଆଇନଶୃଙ୍ଖଳାର ରକ୍ଷକ ପୋଲିସ ଏଭଳି କାର୍ଯ୍ୟ କରୁଥିବାରୁ ଜନସାଧାରଣଙ୍କ ଭରସା ଏହି ଖାକି ବ୍ୟବସ୍ଥା ଉପରୁ ତୁଟିଗଲାଣି। କେବଳ ପୋଲିସ ନୁହେଁ, ଦେଶର ପ୍ରମୁଖ ତଦନ୍ତକାରୀ ସଂସ୍ଥା କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ତା’ର ତଦନ୍ତ ପ୍ରକ୍ରିୟାକୁ ସମାନ ଢଙ୍ଗରେ ଚଳାଇଥିବା ରାୟଗଡ଼ା ଜିଲା ଟିକିରି ବିଦ୍ୟାଳୟର ଶିକ୍ଷୟିତ୍ରୀ ଇତିଶ୍ରୀ ହତ୍ୟା ମାମଲାରୁ ସ୍ପଷ୍ଟ ହୋଇଛି। ଦୀର୍ଘ ତିନି ବର୍ଷ ତଦନ୍ତ ଚଳାଇ ୩୦୦ରୁ ଊର୍ଦ୍ଧ୍ୱ ବ୍ୟକ୍ତିଙ୍କ ସାକ୍ଷ୍ୟ ଗ୍ରହଣ କରି ସିବିଆଇ ଅଭିଯୁକ୍ତଙ୍କ ନିକଟରେ ପହଞ୍ଚତ୍ ପାରିଲା ନାହିଁ। ଶେଷରେ ଏହି ଫାଇଲ୍‌ ବନ୍ଦ କରିଦେଇଛି। କୋରାପୁଟ ଜିଲା କୁନ୍ଦୁଲିଠାରେ ଘଟିଥିବା ଛାତ୍ରୀ ଗଣବଳାତ୍କାର ମାମଲାର ରହସ୍ୟ ଉନ୍ମୋଚନ କରିବାରେ ଉଭୟ ପୋଲିସ ଓ କ୍ରାଇମ୍‌ ବ୍ରାଞ୍ଚ ବିଫଳ ହୋଇଛନ୍ତି। ମୂଳକଥା ହେଉଛି, କେତେକ ପୋଲିସ ଅଧିକାରୀ ଜନସାଧାରଣଙ୍କୁ ନ୍ୟାୟ ଦେବା ପରିବର୍ତ୍ତେ ଅଭିଯୁକ୍ତଙ୍କ ସହ ସାଲିସ୍‌ କରିନେଉଛନ୍ତି। ଯେଉଁଥିପାଇଁ କି ସମଗ୍ର ପୋଲିସ ବ୍ୟବସ୍ଥା ବଦନାମର ବୋଝ ମୁଣ୍ଡାଇଛି। ଅନ୍ୟପକ୍ଷରେ କେତେକ ଘଟଣାରେ ଜଘନ୍ୟ ଅପରଧ ଘଟାଉଥିବା ଅଭିଯୁକ୍ତ ଧରାପଡୁଥିଲେ ମଧ୍ୟ ଦୃଷ୍ଟାନ୍ତମୂଳକ ଦଣ୍ଡବିଧାନ ହେଉ ନ ଥିବା କାରଣରୁ ଅପରାଧୀମାନଙ୍କର ସାହସ ବଢୁଛି। ଯେହେତୁ ପୋଲିସ ହାତରେ ସବୁ କିଛି ରହୁଛି, ତେଣୁ ଅଭିଯୁକ୍ତମାନେ ବିଭିନ୍ନ ପ୍ରଲୋଭନ ବଳରେ ଖାକି ବାବୁମାନଙ୍କୁ ପକେଟରେ ପକାଇ ଅବାଧରେ ବିଚରଣ କରୁଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ, ଜଗତ୍‌ସିଂହପୁରରେ ୨୦୦୯ରୁ ଏପର୍ଯ୍ୟନ୍ତ ଏସ୍‌ପି ଭାବେ ରହି ଆସିଥିବା ଏବଂ ସମ୍ପୃକ୍ତ ଥାନାରେ ଅଧିକାରୀ ଭାବେ କାର୍ଯ୍ୟ କରିଆସିଥିବା କେଉଁମାନେ ଏଭଳି ସମ୍ବେଦନଶୀଳ ମାମଲାକୁ ବନ୍ଦ କରିଦେଇଥିଲେ ସେମାନଙ୍କୁ ପ୍ରଥମେ ଖୋଜି ବାହାର କରିବା ଦରକାର। ସେହିମାନଙ୍କ ବିରୋଧରେ ଯଦି ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଆନ୍ତା, ତେବେ ଅନ୍ୟମାନେ ଏହିଭଳି ଅପରାଧକୁ ଘୋଡ଼ାଇବା ପୂର୍ବରୁ ଅନେକ ଥର ଚିନ୍ତା କରନ୍ତେ। ସେମାନଙ୍କ ମନରେ ଭୟ ପଶନ୍ତା। ଏବେ ଯେହେତୁ ରାଜ୍ୟ ପୋଲିସର ଉଚ୍ଚପଦସ୍ଥ ଅଫିସରମାନେ ଏହିଭଳି ଥାନାରୁ ଲାଭବାନ ହେଉଛନ୍ତି, ସେଥିପାଇଁ ସେମାନେ ଥାନା କର୍ମଚାରୀମାନଙ୍କୁ ସୁରକ୍ଷିତ ରଖିବାକୁ ଆଗେଇ ଆସୁଛନ୍ତି। ଆମର ବ୍ୟକ୍ତିଗତ ଅନୁଭୂତି ଅନୁଯାୟୀ ଯଦି ଜିଲାର ପୋଲିସ ମୁଖ୍ୟ ସଚ୍ଚୋଟ ରହିବେ ଏବଂ ବିଭିନ୍ନ ଥାନା ପରିଦର୍ଶନ କରି ପଞ୍ଜୀକୃତ ହୋଇପାରୁ ନ ଥିବା ଅପରାଧଗୁଡିକର ତଦାରଖ କରିବେ, ତେବେ ଘଟୁଥିବା ଅନ୍ୟାୟର ପରିମାଣକୁ ନିଶ୍ଚିତ ଭାବରେ ହ୍ରାସ କରାଯାଇ ପାରିବ। ଅପରପକ୍ଷରେ ମସ୍‌ଗୁଲ୍‌ ହୋଇ ରହୁଥିବା ପୋଲିସ ଅଫିସର ଜାଣତରେ ଏହି ପ୍ରକାର ଅପରାଧୀଙ୍କୁ ସହଯୋଗ କରୁଛନ୍ତି। ଅନ୍ୟ ଏକ ପ୍ରସଙ୍ଗ ହେଉଛି, ଏସିଡ୍‌ ବିକ୍ରିକୁ ପୋଲିସ ତରଫରୁ ବନ୍ଦ କରାଯାଉନାହିଁ କିମ୍ବା ସରକାରଙ୍କ ମୁଣ୍ଡରେ ମଧ୍ୟ ପଶୁନାହିଁ ଏହାକୁ ଏକ ଧର୍ତ୍ତବ୍ୟ ଅପରାଧ ଭାବେ ଆଇନ କରିବେ। ରାଜ୍ୟ ଭିତରକୁ ଏସିଡ୍‌ ପ୍ରବେଶ କରୁଛି କେଉଁଠାରୁ। ରାଜ୍ୟ ଭିତରେ ପ୍ରସ୍ତୁତ ହେଉ କିମ୍ବା ବାହାର ରାଜ୍ୟରୁ ଆସୁ ତାହାକୁ ନିୟନ୍ତ୍ରଣ ନୁହେଁ, ପ୍ରଥମେ ବନ୍ଦ କରାଯିବା ଦରକାର।
All Right Reserved By

ସମ୍ପାଦକୀୟ |

ଆଜିର ଅର୍ଥନୀତି/ଟଙ୍କା ନିମ୍ନଗାମୀ

ଆଜିର ଅର୍ଥନୀତି/ଟଙ୍କା ନିମ୍ନଗାମୀ

ଭାରତୀୟ ମୁଦ୍ରା ଟଙ୍କାର ସମସ୍ୟା ସରିବା ପରି ଲାଗୁନାହିଁ। ଗୁରୁବାର ଟଙ୍କାର ମୂଲ୍ୟ ଡଲାର ତୁଳନାରେ ଖସି ସର୍ବକାଳୀନ ରେକର୍ଡ ନିମ୍ନସ୍ତରରେ ୭୦ ଟଙ୍କା ୨୦ ପଇସାରେ ପହଞ୍ଚିଛି। ଦିବସ ଆରମ୍ଭରୁ ଟଙ୍କାର ମୂଲ୍ୟ ତୀବ୍ରବେଗରେ ଖସିବାକୁ ଆରମ୍ଭ କରି ୪୨ ପଇସା ପର୍ଯ୍ୟନ୍ତ ଖସିଯାଇଥିଲା, ଯାହା ସର୍ବକାଳୀନ ରେକର୍ଡ ଏବଂ ଏକ ଡଲାରର ମୂଲ୍ୟ ୭୦ ଟଙ୍କା ୩୨ ପଇସାରେ ପହଞ୍ଚିଥିଲା। ଟଙ୍କାର ଅବମୂଲ୍ୟାୟନର ସଦ୍ୟତମ ମୁଖ୍ୟ କାରଣ ହେଉଛି ତୁର୍କୀ ସଂକଟ ଏବଂ ଆମେରିକୀୟ ଡଲାରର ଚାହିଦା ବୃଦ୍ଧି।   ମଙ୍ଗଳବାର ଡଲାର ...

ଭରସା ହରାଉଛି ହୀରାକୁଦ ଡ୍ୟାମ୍‌

ଭରସା ହରାଉଛି ହୀରାକୁଦ ଡ୍ୟାମ୍‌

ଇଂ. ହାଡ଼ିବନ୍ଧୁ ଖଣ୍ଡୁଆଳ

କିଛିଦିନ ତଳେ ଗଣମାଧ୍ୟମରେ ଖବର ପ୍ରକାଶ ପାଇଛି ଯେ, ହୀରାକୁଦ ବନ୍ଧରେ ମାତ୍ରାଧିକ ଜଳପ୍ରବାହକୁ ଦୃଷ୍ଟିରେ ରଖି ଏବେ ଆଉ ଅଧିକ ୫ଟି ସ୍ଲୁଇସ୍‌ ଗେଟ୍‌ ନିର୍ମାଣ ପାଇଁ ସରକାର ପଦକ୍ଷେପ ନେଲେଣି। ବର୍ତ୍ତମାନ ରହିଥିବା ୩୪ କ୍ରେଷ୍ଟ ଗେଟ୍‌ (ଉପର ଗେଟ୍‌)ରେ ସେକେଣ୍ଡକୁ ୪୨,୪୫୦ ଘନମିଟର ଜଳ ନିଷ୍କାସନ କ୍ଷମତା ଥିଲାବେଳେ, ଏହାକୁ ୬୯,୬୩୨ ଘନମିଟରକୁ ବୃଦ୍ଧି କରିବାକୁ ଅତିରିକ୍ତ ସ୍ଲୁଇସ୍‌ ଗେଟ୍‌ ଆବଶ୍ୟକ ବୋଲି କୁହାଯାଉଛି। ୨୦୧୬ରେ ଏହି ଅତିରିକ୍ତ ସ୍ଲୁଇସ୍‌ ଗେଟ୍‌ ପାଇଁ ୫୯୦ କୋଟି ଟଙ୍କାର ବ୍ୟୟ ଅଟକଳ କରାଯାଇଥିଲା, ଯାହା ଏବେ ଅଧିକ ବଢିଯିବ। ନୂତନ ନିର୍ମାଣ କରାଯିବା ଦ୍ୱାରା ଡ୍ୟାମ୍‌ ତଳି ଅଞ୍ଚଳରେ ଥିବା ୭ଟି ପଡ଼ାର ୭୧୬ ପରିବାର ବିସ୍ଥାପିତ ...

ଏତେ ତରତର

ଏତେ ତରତର

ଅଞ୍ଜନ ଚାନ୍ଦ

ବନସ୍ତ ଭିତରେ ପଥଟିଏ। ପଥରେ ପଥିକ ଜଣେ ସାଧୁ। ଗୁଣୁଗୁଣୁ ଭଜନ ଗାଇ ଚାଲିଛନ୍ତି। ପଛରୁ ଜଣେ ବାଟୋଇ ଆସିଲେ। ତାଙ୍କୁ ଅତିକ୍ରମ କରି ଆଗକୁ ଚାଲିଗଲେ। ସାଧୁ ପଚାରିଲେ- ଏତେ ତରତର? ହଁ, ମୁଁ ଘରକୁ ଯିବି- ସେ ଉତ୍ତର ଦେଲେ।
ସାଧୁ କହିଲେ, ଯିଏ ଯାଉଛନ୍ତି ତାଙ୍କର ଗୋଟେ ଠିକଣା ଅଛି। ତେବେ ସେଥିପାଇଁ ଏତେ ବ୍ୟସ୍ତ କାହିଁକି?...

ଏଇ ଭାରତରେ

ଏଇ ଭାରତରେ

ଅନେକ ପିଲା ନିଖୋଜ ହୋଇଯାଆନ୍ତି। ସେମାନଙ୍କୁ ଖୋଜି ପାଇବା ମୁସ୍କିଲ୍‌ ହୋଇପଡେ। କିନ୍ତୁ ହାଇଦ୍ରାବାଦର ଜଣେ ୬ବର୍ଷର ବାଳକ ବର୍ଷକ ତଳେ ନିଖୋଜ ହୋଇଯାଇଥିଲେ ବି ତେଲେଙ୍ଗାନା ପୋଲିସର ଅଭିନବ ଉଦ୍ୟମ ଦ୍ୱାରା ତାଙ୍କର ସନ୍ଧାନ ମିଳିବା ସହଜ ...

ସମ୍ପାଦକୀୟ/ମାନ୍ୟତାରେ ସ୍ମାର୍ଟ

ସମ୍ପାଦକୀୟ/ମାନ୍ୟତାରେ ସ୍ମାର୍ଟ


୨୦୧୬ ଜାନୁୟାରୀରେ ଦେଶର ସ୍ମାର୍ଟ ସିଟି ତାଲିକାର ଏକ ନମ୍ବରରେ ଭୁବନେଶ୍ୱର ରହିଥିଲା। ଏହି ମାନ୍ୟତା ପାଇବା ପରେ ରାଜଧାନୀବାସୀଙ୍କ ମନରେ ଆନନ୍ଦ ଖେଳି ଯାଇଥିଲା। ଲୋକେ ଭାବିଲେ ସ୍ମାର୍ଟ ସିଟି ଯୋଗ୍ୟତା ହାସଲ ହୋଇ ପାରିଥିବାରୁ ପର୍ଯ୍ୟାପ୍ତ ଅର୍ଥ ବିନିଯୋଗ କରାଯାଇ ଭିତ୍ତିଭୂମି ସୁଦୃଢ଼ କରାଯିବ। ହେଲେ ଡ୍ରେନ୍‌ରେ ଭାସିଯାଇ ଲୋକଙ୍କ ମୃତ୍ୟୁ ଘଟିବା ଭଳି ଖବର ବିପରୀତ ଚିତ୍ର ପ୍ରଦର୍ଶନ କରୁଛି। ୨୦୧୮ ଅଗଷ୍ଟ ୧୩ ସନ୍ଧ୍ୟାରେ ୟୁନିଟ୍‌ ୬ ବନଦୁର୍ଗା ମନ୍ଦିର ନିକଟରେ ଜଣେ ବ୍ୟକ୍ତି ଖୋଲା ଡ୍ରେନ୍‌ରେ ଭାସିଯାଇ ପ୍ରାଣ ହରାଇଛନ୍ତି। ପ୍ରବଳ ବର୍ଷାରେ ସମ୍ପୃକ୍ତ ଅଞ୍ଚଳ ଜଳାର୍ଣ୍ଣବ ହୋଇଯାଇଥିଲା। ମେଲା ପଡ଼ିଥିବା ଡ୍ରେନ୍‌ ଉପରେ ଜଳସ୍ରୋତ ଚାଲିଥିବା ଜାଣି ....

 ଦଳିତ, ଅନୁସୂଚିତ ଜାତି ଓ ସମ୍ବିଧାନ

ଦଳିତ, ଅନୁସୂଚିତ ଜାତି ଓ ସମ୍ବିଧାନ

ଅନିଲ କୁମାର ମଲ୍ଲିକ

ଆମେ ଦଳିତ କାହାକୁ କହିବା? ଯେଉଁମାନେ ଦରିଦ୍ର ବା ଦାରିଦ୍ର୍ୟ ସୀମାରେଖା ତଳେ ବସବାସ କରୁଛନ୍ତି ନା ଯେଉଁମାନେ ଜାତି ଆଧାରରେ ଛୁଆଁ ଅଛୁଆଁ ଭେଦଭାବର ଶିକାର ହେଉଛନ୍ତି? ହଜାର ହଜାର ବର୍ଷ ଧରି କଳଙ୍କିତ ଜାତିପ୍ରଥାର ଶିକାର ହୋଇ ସମସ୍ତ ମୌଳିକ ଅଧିକାରରୁ ବଞ୍ଚିତ ହୋଇ ଅବହେଳିତ, ନିଷ୍ପେଷିତ ହୋଇ ରହିଥିବା ବର୍ଗ ଦଳିତ ନା ଜଣେ ସାଧାରଣ ବର୍ଗର ଲୋକ ଯିଏ ଜାତିପ୍ରଥାର ଶ୍ରେଷ୍ଠ ଆସନରେ ଆସୀନ, କିନ୍ତୁ କେବଳ ଦାରିଦ୍ର୍ୟ ସୀମାରେଖା ତଳେ ବସବାସ କରୁଛନ୍ତି ସେମାନେ?...

ଦେଶପ୍ରେମର ଗାନ

ଦେଶପ୍ରେମର ଗାନ

ଡ. କିଶୋର ମହାନ୍ତି

ଦେଶପ୍ରେମର ଗାନ ମାଧ୍ୟମରେ ମାଟି ମା’ର ପଦସେବା କରେ ଦେଶପ୍ରେମୀ ବିପ୍ଳବୀ କବି। ଏମିତି ବିପ୍ଳବୀ କବି ସୃଷ୍ଟି ହେଉଥିଲେ ଆମ ସ୍ବାଧୀନତା ସଂଗ୍ରାମ ସମୟରେ। ଗାନ୍ଧିଜୀଙ୍କ ଡାକରାରେ ସମଗ୍ର ଦେଶ ପ୍ରକମ୍ପିତ ହୋଇ ଉଠୁଥିଲା। ହିମାଚଳଠାରୁ କୁମାରିକା ଯାଏ କବିଙ୍କର ଗାନ ପ୍ରତିଟି ପ୍ରାଣରେ ଅଗ୍ନିସ୍ଫୁଲିଙ୍ଗ ସୃଷ୍ଟି କରିଥିଲା। ଜାତୀୟ ମୁକ୍ତି ସଂଗ୍ରାମକୁ ତୀବ୍ରତର କରିବା ପାଇଁ ସେମାନଙ୍କ ଲେଖନୀ ବଜ୍ରଠାରୁ କଠିନ ଓ ଶକ୍ତିଶାଳୀ ହୋଇଉଠିଥିଲା। ଭାରତଜନନୀର ଚରଣ ବନ୍ଦନା କରି କବି ନିଜେ ଗର୍ବିତ ହୁଏ ଯେମିତି ଆମ କବି ଗାଇ ଉଠିଥିଲେ- ”ତୁହି ମା ଜନମଭୂମି ପବିତ୍ର ଭାରତଭୂମି, ତୋହରି ସନ୍ତାନ ଆମେ ଅଟୁ ସରବେ...।“ (ଭକ୍ତକବି ମଧୁସୂଦନ)...

ଏଇ ଭାରତରେ

ଏଇ ଭାରତରେ

ଦିନକୁ ଦିନ ଦେଶରେ ସଡ଼କ ଦୁର୍ଘଟଣା ବୃଦ୍ଧି ପାଉଥିବା ବେଳେ ଏହାର ନିରାକରଣ ଲାଗି ଅନେକ ପ୍ରତିକାରମୂଳକ ପଦକ୍ଷେପ ଗ୍ରହଣ କରାଯାଉଛି। ବେଙ୍ଗାଲୁରୁରେ ସଡ଼କ ଦୁର୍ଘଟଣା ସମ୍ପର୍କରେ ସଚେତନତା ବୃଦ୍ଧି ଲାଗି ସ୍ଥାନୀୟ ପୋଲିସ ଏକ ଅଭିନବ ପନ୍ଥା ଆପଣାଇଛି। ଏଥିପାଇଁ ‘ଭଗବାନ୍‌ ଗଣେଶ’ଙ୍କ ସହାୟତା ନିଆଯାଇଛି। ମୃତ୍ୟୁର ଦେବତା ‘ଯମରାଜ’ଙ୍କ ପରେ ସେ ହେଉଛନ୍ତି ଦ୍ୱିତୀୟ ଧ...

 ଚିଲିକା ବଞ୍ଚାଅ

ଚିଲିକା ବଞ୍ଚାଅ

ସମ୍ପାଦକୀୟ/ତଥାଗତ ସତପଥୀ

ଓଡ଼ିଶାର ଚିଲିକା ହ୍ରଦ ତା’ର ବିଶେଷତ୍ୱ ପାଇଁ ସାରା ବିଶ୍ୱରେ ପରିଚିତ। ଲବଣ ଜଳର ଏହି ହ୍ରଦ ଜୈବ ବିବିଧତା ବଜାୟ ରଖିବାରେ ଭାରତର ପ୍ରଥମ ଆର୍ଦ୍ରଭୂମି ବା ସନ୍ତସନ୍ତିଆ ଅଞ୍ଚଳ ଭାବେ ୧୯୮୧ରେ ରାମ୍‌ସର କନ୍‌ଭେନ୍‌ଶନରେ ମାନ୍ୟତା ପାଇଥିଲା। ଉଲ୍ଲେଖଯୋଗ୍ୟ, ୧୯୭୧ ମସିହାରେ ଇରାନ୍‌ର ରାମ୍‌ସର ନଗରରେ ଅନ୍ତର୍ଜାତୀୟ ସମ୍ମିଳନୀ ଜରିଆରେ ଆର୍ଦ୍ରଭୂମି ସଂରକ୍ଷଣ ଲାଗି ପଦକ୍ଷେପ ଆରମ୍ଭ ହୋଇଥିଲା। ଚିଲିକା ୨୦୦୨ରେ ରାମ୍‌ସର କଞ୍ଜରଭେଶନ୍‌ ପୁରସ୍କାର ପାଇ ପୃଥିବୀର ପ୍ରକୃତିପ୍ରେମୀଙ୍କ ଦୃଷ୍ଟି ଆକର୍ଷଣ କରିଥିଲା। ଚିଲିକାକୁ ଦେଖିଥିବା ପର୍ଯ୍ୟଟକ ଜାଣନ୍ତି ଯେ କେବଳ ଭାରତ ନୁହେଁ, ଦୂରଦୂରାନ୍ତରୁ ମଧ୍ୟ ବିଭିନ୍ନ ପ୍ରକାରର ଚଢ଼େଇ ଏଠାକୁ ଅସ୍ଥାୟୀ ବାସ ଭାବେ ବାଛିଥାନ୍ତି। ଫ୍ଲାମିଙ୍ଗୋ, ନର୍ଦନ ପିନ୍‌ଟେଲସ୍‌ ଭଳି ପ୍ରାୟ ୧୬୦ରୁ ଊର୍ଦ୍ଧ୍ୱ ପ୍ରକାରର ବିଦେଶୀ ପକ୍ଷୀ ପ୍ରତ୍ୟେକ ବର୍ଷ ଚିଲିକାକୁ ଆସିଥାନ୍ତି। ଏଥିରୁ ବୁଝିବାକୁ ହେବ ଯେ, ଶୀତଋତୁରେ ଚିଲିକାକୁ ଭାରତୀୟ ଉପମହାଦେଶର ସର୍ବବୃହତ୍‌ ଭ୍ରମଣକାରୀ ପକ୍ଷୀଙ୍କୁ ଆକୃଷ୍ଟ କରୁଥିବା ସ୍ଥଳୀ ଭାବେ ଦିଆଯାଇଥିବା ମାନ୍ୟତାକୁ କୌଣସି ଅମଲାତାନ୍ତ୍ରିକ କିମ୍ବା ରାଜନୈତିକ ପେଞ୍ଚରେ ମିଳିପାରିବ ନାହିଁ। ଅ...

ଜିଡିପି ବଢୁଛି, ଗରିବି କମୁନାହିଁ

ଜିଡିପି ବଢୁଛି, ଗରିବି କମୁନାହିଁ

ସହଦେବ ସାହୁ

ଆଗକାଳରେ ଯେମିତି ବ୍ୟବସାୟ ବାଣିଜ୍ୟ ସମ୍ପଦ ତିଆରି କରୁଥିଲା ଏବେ କରୁଛି କି? ବିଶ୍ୱର ଶ୍ରେଷ୍ଠ ଧନୀ ଦେଶ ଆମେରିକା କଥା ଦେଖନ୍ତୁ। ଗତ କେତେକ ଦଶନ୍ଧିରେ ମାର୍କିନ୍‌ କମ୍ପାନୀମାନେ ଯେଉଁ ହାରରେ ସମ୍ପଦ ତିଆରି କରୁଥିଲେ ତହିଁରେ ଏବେ ଭଟ୍ଟା ପଡିଛି। ମାର୍କ ବୁଚାନାନ୍‌ ଜଣେ ପଦାର୍ଥବିଜ୍ଞାନୀ ଓ ବିଜ୍ଞାନ ଲେଖକ- ସେ ଅର୍ଥନୀତି ଉପରେ ବିଜ୍ଞାନ କ’ଣ କହୁଛି ସେ ବିଷୟରେ ଖଣ୍ଡିଏ ବହି ଲେଖିଛନ୍ତି- ବହିର ନାଁ ‘ଫୋର୍‌କାଷ୍ଟ୍‌: ହ୍ବାଟ୍‌ ଫିଜିକ୍ସ, ମିଟରୋଲଜି ଆଣ୍ଡ୍‌ ଦ ନ୍ୟାଚୁରାଲ୍‌ ସାଇନ୍ସେସ୍‌ କ୍ୟାନ୍‌ ଟିଚ୍‌ ଅସ୍‌ ଏବାଉଟ୍‌ ଇକୋନମିକ୍ସ’, ଭବିଷ୍ୟବାଣୀ- ପଦାର୍ଥବିଦ୍ୟା, ପାଣିପାଗବିଦ୍ୟା ଓ ପ୍ରାକୃତିକ ବିଜ୍ଞାନମାନ ଅର୍ଥନୀତି ବିଦ୍ୟା ଉପରେ ଆମକୁ...
ଇମେଲ୍‌: sahadevas@yahoo.com

ଖାଉଟି ସୁରକ୍ଷା ଏକ ବିଡ଼ମ୍ବନା

ଖାଉଟି ସୁରକ୍ଷା ଏକ ବିଡ଼ମ୍ବନା

ଜ୍ଞାନାଞ୍ଜଳି ପରିଡ଼ା

ଆଧୁନିକ ଯୁଗରେ ଖାଉଟି ବା ଗ୍ରାହକର ସ୍ଥାନ ଅତି ଶୀର୍ଷରେ। ପ୍ରତ୍ୟେକ ବ୍ୟବସାୟିକ ସଂସ୍ଥା ତିଷ୍ଠି ରହିବା ଏବଂ ତାଙ୍କର ଅଭିବୃଦ୍ଧି ମୁଖ୍ୟତଃ ଗ୍ରାହକର ଚାହିଦା ଉପରେ ନିର୍ଭର କରେ। ସେଥିପାଇଁ ବ୍ୟବସାୟୀମାନଙ୍କ ଦୃଷ୍ଟିରେ ଜଣେ ଗ୍ରାହକ ହେଉଛି ଭଗବାନଙ୍କ ସଦୃଶ (ଗରାଖ-ଈଶ୍ୱର)। କିନ୍ତୁ ବାସ୍ତବରେ ଆମ ଦେଶରେ ଖାଉଟି ସବୁବେଳେ ଅସାଧୁ ବ୍ୟବସାୟୀଙ୍କ ଦ୍ୱାରା ଠକାମିର ଶିକାର ହୋଇ ଆସୁଛି। ଠକ ବ୍ୟବସାୟୀମାନେ ଦ୍ରବ୍ୟ ଓ ସେବା ବାବଦରେ ସାଧାରଣ ଲୋକଙ୍କଠାରୁ ଅନେକ ତଥ୍ୟ ଗୋପନୀୟ ରଖିଥାନ୍ତି। ଯୋଜନାବଦ୍ଧ ଭାବରେ ଏମାନେ ଖାଉଟିକୁ ଲୁଟିଥାନ୍ତି। ଏହି ସମସ୍ୟାର ନିରାକରଣ ପାଇଁ ୧୯୮୬ ମସିହାରେ ସମଗ୍ର ଦେଶ ପାଇଁ ଖାଉଟି ସୁରକ୍ଷା ଆଇନ ...

ଅସୁରକ୍ଷିତ ନାରୀ ଓ ଶିଶୁ

ଅସୁରକ୍ଷିତ ନାରୀ ଓ ଶିଶୁ

ଝରଣା ପଣ୍ଡା

ସମଗ୍ର ବିଶ୍ୱରେ ଭାରତ ଦ୍ରୁତ ଅଭିବୃଦ୍ଧି ଓ ପ୍ରଗତିର ଦୌଡ଼ରେ ସାମିଲ ହୋଇଛି। ସୂଚନା ପ୍ରଯୁକ୍ତି ଓ ନାରୀ ସଶକ୍ତୀକରଣର ଜୋରଦାର ପ୍ରଚାର ପ୍ରସାର ହେଉଛି। ସରକାରୀ ଓ ବେସରକାରୀ ଭାବରେ ଲକ୍ଷ ଲକ୍ଷ ଟଙ୍କା ବିନିମୟରେ ଗଣମାଧ୍ୟମର ବିଜ୍ଞାପନରେ ନାରୀ ସଶକ୍ତୀକରଣର ଢୋଲ ପିଟା ଯାଉଥିବା ବେଳେ ସମଗ୍ର ଭାରତୀୟଙ୍କ ସାମଗ୍ରିକ ବିବେକ ଚେତନାକୁ ଦୋହଲାଇ ଦେଇଛି ବିହାର ...