ସମ୍ପାଦକୀୟ |

ଭାବାବେଗର ରାଜନୀତି

ଭାବାବେଗର ରାଜନୀତି
ସହଦେବ ସାହୁ ରାଜନୀତିରେ ‘ଅଫିସ ପଲିଟିକ୍ସ’ର ପ୍ରଭାବ ସମ୍ପର୍କିତ ଲେଖାଟି ପଢ଼ିଥିବା କେତେକ ପାଠକ ପଚାରିଛନ୍ତି, ରାଜନୀତିରେ ଆଉ କୌଣସି ପ୍ରକାରର ପଲିଟିକ୍ସ ପଶିଛି କି? ହଁ, ତାହା ହେଉଛି ଭାବାବେଗର ପଲିଟିକ୍ସ- ଏହା ସ୍ଥିତାବସ୍ଥା ବଜାୟ ରଖେ, ନେତାମାନେ ବହୁତ ବାକ୍‌ବିତଣ୍ଡା କରନ୍ତି, କିନ୍ତୁ ପରିଶେଷରେ କିଛି ନ କରି ଚୁପ୍‌ ରହିଯାଆନ୍ତି। ଗଣତନ୍ତ୍ରରେ ନେତାମାନେ ନିଜ ଗାଦି ରକ୍ଷା ଲଢେଇରେ ଏତେ ବ୍ୟସ୍ତ ରହୁଛନ୍ତି ଯେ, ଦେଶ ପାଇଁ ଦୀର୍ଘମିଆଦୀ ଯୋଜନା ଓ ସମାଧାନ ଚିନ୍ତା ନ କରି ଆଗାମୀ ନିର୍ବାଚନରେ ଜିତିବାର ପଲିଟିକ୍ସ କରୁଛନ୍ତି। ସେମାନେ କ୍ରମଶଃ ଦୂରଦୃଷ୍ଟି ହରାଉଛନ୍ତି। ବିଲାତର ପ୍ରଧାନମନ୍ତ୍ରୀ ମେଠାରୁ ଆମେରିକାର ରାଷ୍ଟ୍ରପତି ଟ୍ରମ୍ପ ଯାଏ, ଓଡ଼ିଶାର ପଟ୍ଟନାୟକଠାରୁ ଭାରତର ମୋଦି ଯାଏ ମୁଣ୍ଡରେ ଯାହା ପଶିଛି ତାକୁ ହିଁ କାର୍ଯ୍ୟକାରୀ କରୁଛନ୍ତି। ଏ ହେଉଛି ଭାବାବେଗର ପଲିଟିକ୍ସ। ଏଟା କଲେ ଲୋକ ଖୁସି ହେବେ ସେଟା କଲେ ଖୁସି ହେବେ ନାହିଁ- ଏମିତି ଭାବୁଥିବା ନେତା ଶେଷରେ ସ୍ଥିତାବସ୍ଥା ଜାହିର କରନ୍ତି, ପ୍ରଶାସନ ଶିଥିଳ ହୋଇଯାଏ। ଆମେରିକାରେ ୟେଲ୍‌ ବିଶ୍ୱବିଦ୍ୟାଳୟର ସାଇକୋଲୋଜି ପ୍ରଫେସର ପଲ୍‌ ବ୍ଲୁମ୍‌ ତାଙ୍କ ବିଭାଗରେ ଗୋଟିଏ ପାଠ୍ୟକ୍ରମ ଚାଲୁ କରିଛନ୍ତି। ତହିଁରେ ପଢା ହେଉଥିବା ତାଙ୍କ ଲିଖିତ ପୁସ୍ତକର ନାଁ ହେଉଛି ‘ଅନୁକମ୍ପା ବିରୋଧରେ: କାହିଁକି ଭାବାବେଗଭିିତ୍ତିକ ରାଜନୀତି ସ୍ଥାଣୁତା ଜନ୍ମାଏ’ (Against Empathy: Why Emotion-Based Politics Lead to Inaction)। ଇଂଲିଶ ଶବ୍ଦ ‘ଏମ୍ପାଥି’ ସହୃଦୟତା, ଦୟା, ଦରଦ, କରୁଣା, ଅନୁକମ୍ପା ଆଦିକୁ ବୁଝାଏ; ଉଦାରପନ୍ଥୀ ରାଜନେତାଙ୍କ ପରିଚୟ ହେଉଛି ଏମ୍ପାଥି। ଏହାର ଅଭାବ ନେତାଙ୍କୁ କଠୋରପନ୍ଥୀ ଅଥବା ଦକ୍ଷିଣପନ୍ଥୀ କରେ। ଅଥଚ ଏମ୍ପାଥିକୁ ଆୟୁଧ କରି ରାଜନେତାମାନେ ଉଦାରପନ୍ଥୀଙ୍କୁ ଆକ୍ରମଣ କରନ୍ତି। ଆମେରିକାର ଉଦାହରଣ ଦେଇ ବ୍ଲୁମ୍‌ କହନ୍ତି, ଗୋରା ପୋଲିସର ଗୁଳି ମାଡରେ ନିହତ ହେଉଥିବା କୃଷ୍ଣକାୟ କିଶୋରମାନଙ୍କ ପ୍ରତି ଦରଦ ଆସେ, ସରକାର ସାଙ୍ଗେ ସାଙ୍ଗେ ତଦନ୍ତ ଆଦେଶ ଦିଅନ୍ତି। କୃଷ୍ଣକାୟଙ୍କ ବସ୍ତିଗୁଡ଼ିକରେ ଆଇନଶୃଙ୍ଖଳା ରକ୍ଷା କରିବାରେ ପୋଲିସ କେତେ କଷ୍ଟର ସାମ୍‌ନା କରେ, ତାହା ଜାଣି ସରକାର ପୋଲିସ ପ୍ରତି ଦରଦ ପ୍ରକାଶ କରନ୍ତି। ଗୋଟିଏ ଦରଦ ଅନ୍ୟ ଦରଦଟିକୁ ପୋଛିଦିଏ। ନିଷ୍କ୍ରିୟତା ହିଁ ସାର ହୁଏ। ନିରୀହ ଲୋକଙ୍କ ଉପରେ ଆଖିବୁଜା ଗୁଳି ଚାଳନାରେ ବହୁତ ଜୀବନ ନଷ୍ଟ ହୁଏ ତ ନେତା ସମବେଦନା ପ୍ରକାଶ କରନ୍ତି, ବହୁତ ବାକ୍‌ବିତଣ୍ଡା ହୁଏ, ବନ୍ଧୁକ ରଖିବା ଆଇନକୁ ବାତିଲ କରାଯାଉ ବୋଲି କହୁଥିବା ଲୋକଙ୍କ ପ୍ରତି ସରକାର ଦରଦ ଦେଖାନ୍ତି। କିନ୍ତୁ ମାର୍କିନ୍‌ ସମ୍ବିଧାନର ପ୍ରଥମ ସଂଶୋଧନରେ ଥିବା ବ୍ୟକ୍ତି ସ୍ବାଧୀନତା ଉପରେ ଆସ୍ଥା ରଖିଥିବା ଲୋକଙ୍କ ପ୍ରତି ବି ଦରଦ ଦେଖାନ୍ତି, ସେମାନେ କହନ୍ତି ବନ୍ଧୁକ ରଖିବାରେ ବାଧା ଦେବା ମାନେ ସେମାନଙ୍କର ଆତ୍ମରକ୍ଷା-ଅଧିକାରକୁ କ୍ଷୁଣ୍ଣ କରିବା। ପୁଣି ବନ୍ଧୁକ ତିଆରି ଓ ବିକ୍ରିବାଲାଙ୍କଠାରୁ ମିଳୁଥିବା ନିର୍ବାଚନୀ ପାଣ୍ଠି ଯେପରି ଶୁଖି ନ ଯାଉ ତାହା ବି ରାଜନେତାମାନେ ଚାହାନ୍ତି। ତେଣୁ ଯେତେ ତର୍କ ବିତର୍କ ହେଲେ ବି ଆମେରିକାରେ ବନ୍ଧୁକ ଆଇନ ବଦଳୁନାହିଁ। ମେରିଟ୍‌ ଥିବା ଗରିବ ପିଲା ଅର୍ଥାଭାବରୁ କଲେଜରେ ଆଡ୍‌ମିଶନ ନେଇପାରୁନାହିଁ, ତା’ ପ୍ରତି ନେତାଙ୍କ ସମବେଦନା ଅଛି, କିନ୍ତୁ ସିଟ୍‌ ସଂରକ୍ଷଣ ଯୋଗୁ କଲେଜ ଶିକ୍ଷାରୁ ବଞ୍ଚିତ ହେଉଥିବା ଧନୀଘରର ମେରିଟ୍‌ବାଲା ପିଲା ପ୍ରତି ବି ଦରଦ ଅଛି। ସଂରକ୍ଷଣ ସମର୍ଥକ ଓ ବିରୋଧୀ ପ୍ରତି ସହୃଦୟତା ସରକାରକୁ ସ୍ଥାଣୁ କରିଦିଏ, ସ୍ଥିତାବସ୍ଥା ଜାରି ରହେ। ଜଳବାୟୁ ପରିବର୍ତ୍ତନର କୁପ୍ରଭାବକୁ ଦୂର କରିବାର ବ୍ୟବସ୍ଥା ବି ଆଗଉନାହିଁ। ଦିଲ୍ଲୀର ଏକ ରାସ୍ତାକଡ଼ରେ ପିଲାଟିଏ କାନ୍ଦୁଛି ତ ନେତାଏ ଶିଶୁ ପ୍ରତି ଦରଦ ଦେଖାଇବେ। ବାୟୁମଣ୍ଡଳର ବିଷାକ୍ତ ବାଷ୍ପ ଯୋଗୁ ତାହାର ଆଖି ପୋଡୁଛି ବୋଲି କହିଲେ, ”କେତେଟା ପିଲା ଏମିତି କାନ୍ଦୁଛନ୍ତି“ କହି ସରକାର ଉଡେଇଦେବେ। ଘନ କୁହୁଡ଼ି ଯୋଗୁ ଦିନ ୧୧ଟା ଯାଏ ସୂର୍ଯ୍ୟ ନ ଦିଶିଲେ, ଘରୁ ବାହାରିଲା କ୍ଷଣି ଅଣନିଃଶ୍ୱାସୀ ଲାଗିଲେ, ଆଗ ରାସ୍ତା ଦିଶୁ ନ ଥିବାରୁ ଗୋଟିକ ଉପରେ ଗୋଟିଏ ଗାଡ଼ି ଦୁର୍ଘଟଣା ଘଟିଲେ ସରକାର ଭାବନ୍ତି ପ୍ରଦୂଷଣ ଅସହ୍ୟ ହେଲାଣି, ପିଲାମାନଙ୍କ ପ୍ରତି ଅନୁକମ୍ପା ଦେଖାଇ ସ୍କୁଲ ବନ୍ଦ ଘୋଷଣା କରନ୍ତି। ଏ ହେଉଛି ଭାବାବେଗ ପଲିଟିକ୍ସ। କିନ୍ତୁ ଜଳବାୟୁକୁ ଶୁଦ୍ଧ କରିବାର ଦୀର୍ଘମିଆଦୀ ବ୍ୟବସ୍ଥା କରନ୍ତି କି? ପ୍ରଦୂଷଣ-ବିରୋଧୀଙ୍କୁ ଦରଦ ଦେଖାଇ ସରକାର କଳକାରଖାନାରେ ପ୍ରଦୂଷଣ ରୋକିବାର ସରଞ୍ଜାମ ଲଗାଇବା ନିୟମ କରନ୍ତି, କିନ୍ତୁ ନିୟମକୁ କାର୍ଯ୍ୟକାରୀ କରନ୍ତି ନାହିଁ କାରଣ ନିର୍ବାଚନ ଖର୍ଚ୍ଚ ତୁଲାଉଥିବା କାରଖାନା ମାଲିକମାନଙ୍କ ପ୍ରତି ଦରଦ ଅଛି। ଦିଲ୍ଲୀରେ ଗତବର୍ଷ ଶୀତଋତୁ ଆରମ୍ଭରେ ଘନ କୁହୁଡ଼ି ଯୋଗୁ ଜୀବନଯାତ୍ରା ଅଚଳ ହେବାରୁ ଆମ୍‌ ଆଦ୍‌ମୀ ଦଳର ସରକାର ଗାଡି ଚଳାଚଳ ପରିମାଣ କମାଇବା ଲାଗି ସବୁ ଗାଡିକୁ ଯୋଡ଼ ବିଯୋଡ଼ ଲାଇସେନ୍ସ ନମ୍ବର ଭିିତ୍ତିରେ ଦିନେ ଛଡା ଦିନେ ଚାଲିବାର ନିୟମ କଲେ। ଏ ବର୍ଷ ଦିନ ୧୧ଟା ଯାଏ କୁହୁଡି ଏତେ ବଢିଗଲା ଯେ ଜୀବନଯାତ୍ରା ଅଚଳ ହେବା ସାଙ୍ଗକୁ ରାସ୍ତା ଦୁର୍ଘଟଣା ବଢ଼ିଗଲା। ଏଏପି ସରକାର ପୂର୍ବ ବର୍ଷର ବ୍ୟବସ୍ଥା ଚାଲୁ କଲାବେଳେ ଦୁଇଚକିଆ ଗାଡିକୁ ବାଦ୍‌ ଦେଲେ। ଦୁଇ ଚକିଆମାନେ ତାଙ୍କ ଭୋଟର। କିନ୍ତୁ ଦୁଇ ଚକିଆବାଲାଏ ବେଶି ପ୍ରଦୂଷଣ କରନ୍ତି ବୋଲି କୋର୍ଟ ସରକାରଙ୍କୁ ତାଗିଦ୍‌ କରିବାରୁ ସେ ସବୁ ଗାଡି ପ୍ରତି ନିୟମ ଲାଗୁ କଲେ ବି ମହିଳାମାନେ ଚଳାଉଥିବା ଗାଡିକୁ ବାଦ୍‌ ଦେଲେ। ସରକାରୀ ଦଳ ପ୍ରତି ମହିଳାଙ୍କ ସମର୍ଥନ ହାସଲ କରିବା ଏ ଦରଦର କାରଣ। ଲିଙ୍ଗଗତ ବାଛବିଚାର ଉପରେ ପାଟି ହେଲା ତ ସେମାନଙ୍କ ପ୍ରତି ସରକାର ଦରଦ ଦେଖାଇଲେ। ଫଳରେ କେଜ୍‌ରିୱାଲ ଗାଡି ଚଳାଚଳରେ କଟକଣା ମସୁଧା ଛାଡିଦେଲେ। ଅଧ୍ୟାପକ ବ୍ଲୁମ୍‌ କହନ୍ତି, ଭାବାବେଗ ପଲିଟିକ୍ସ ହିଁ କିଛି କରାଇ ଦିଏ ନାହିଁ। ଲମ୍ବା ତାଲିକାର କାମ କରିବାର ଇସ୍ତାହାର ଦେଇ ଜିତିଥିବା ଦଳର ନେତାଏ ଇସ୍ତାହାରରୁ ବହୁତ କିଛି ଭୁଲିଯିବାର କାରଣ ଭାବାବେଗ ପଲିଟିକ୍ସ। ଲୋକେ ଅନାହାରରେ ଜୀବନ ହରାଉଛନ୍ତି ବୋଲି ଟଙ୍କିକିଆ ଚାଉଳ ଦିଆଯାଉଛି। ଏ ଏକ ଭାବାବେଗଜନିତ ପଲିଟିକ୍ସ। ଯାହା ପାଖରେ ପଇସା ନାହିଁ ବୋଲି ଅନାହାରରେ ମରୁଛି ସେ ଟଙ୍କାଟିଏ ବି କେଉଁଠୁ ପାଇବ? ୪ କୁଟୁମ୍ବବାଲା ପରିବାର ୨୦ କିଲୋ ଲାଗି ୨୦ ଟଙ୍କା ଯାହାଠୁ ଆଣିବ ତାକୁ କିଛି ଚାଉଳ ବିକିବ ବୋଲି ସର୍ତ୍ତ କରୁଛି। ଦିନମଜୁରିଆଟିଏ ସୁଲଭ ଦୋକାନକୁ ଗଲେ ତା’ର ଦିନଟିଏ ନଷ୍ଟ ହେଉଛି, ଦିନକର ମଜୁରି ୨୦୦ ଟଙ୍କା ମିଶିଲେ ଚାଉଳ କିଲୋ ୧୧ ଟଙ୍କା ପଡ଼ିଲା। ପୁଣି ଚାଉଳର ଗୁଣ କହିଲେ ନ ସରେ। ଟଙ୍କିକିଆ କହିବା ଥଟ୍ଟା ପରିହାସ ନୁହେଁ କି? କିନ୍ତୁ ଏ ତ କରୁଣା-ଭିିତ୍ତିକ ପଲିଟିକ୍ସ। ରାଜନୀତିରେ ବିଚାରବନ୍ତ ନିଷ୍ପତ୍ତି ବିରଳ। ରିହାତି ବାବଦ କିଲୋ ପ୍ରତି ପ୍ରାୟ ୨୪ ଟଙ୍କା କେନ୍ଦ୍ର ଓ ରାଜ୍ୟ ସରକାର ବହନ କରନ୍ତି, ଯଦି ସରକାର ୨୦ କିଲୋ ଟଙ୍କିକିଆ ଚାଉଳ ବଦଳରେ ୫୦୦ ଟଙ୍କା ସିଧାସଳଖ ଉପଭୋକ୍ତାର ଆକାଉଣ୍ଟକୁ ଦିଅନ୍ତେ, ଗରିବ ମଜୁରି ନ ହରାଇ ଅଳସ ସମୟରେ ଦୋକାନରୁ ବାଛି ବାଛି ଚାଉଳ କିଣନ୍ତା, ପୁଷ୍ଟିହୀନତା ଦୂର ପାଇଁ ଡାଲି, ପରିବା ଆଦି କିଣିବାକୁ ପଇସା ବଳାନ୍ତା। ସବୁଠୁ ବଡ଼ କଥା ହୁଅନ୍ତା ଯେ ଚାଉଳ ସଂଗ୍ରହଠାରୁ ସୁଲଭ ଦୋକାନରେ ପହଞ୍ଚିବା ପର୍ଯ୍ୟନ୍ତ ଘଟୁଥିବା ଭ୍ରଷ୍ଟାଚାର ଉଭେଇଯାନ୍ତା। କିନ୍ତୁ ବିଚାରବନ୍ତ ରାଜନୀତିକୁ ଭାବାବେଗର ପଲିଟିକ୍ସ ଦବାଇ ଦେଉଛି, ନିଷ୍କ୍ରିୟତା ସାର ହେଉଛି। ଇମେଲ୍‌: sahadevas@yahoo.com
All Right Reserved By

ସମ୍ପାଦକୀୟ |

ପ୍ରାଣୀଙ୍କ ଲାଟରାଲିଟି

ପ୍ରାଣୀଙ୍କ ଲାଟରାଲିଟି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଏ ପୃଥିବୀର ଅନ୍ୟ ସମସ୍ତ ପ୍ରାଣୀଙ୍କଠାରୁ ମଣିଷ ନିଜକୁ ଅଲଗା ଭାବେ। କିନ୍ତୁ ସମୟକ୍ରମେ ବୈଜ୍ଞାନିକମାନେ ପ୍ରମାଣ କଲେଣି ଯେ, ଯେଉଁସବୁ ବିଶେଷ ଗୁଣ ଓ ବୁଦ୍ଧିମତ୍ତାକୁ ନେଇ ମଣିଷ ନିଜକୁ ଶ୍ରେଷ୍ଠ ଭାବୁଛି, ସେସବୁ ଗୁଣ ପ୍ରାଣୀମାନଙ୍କଠାରେ ମଧ୍ୟ ଅଛି। ଉଦାହରଣସ୍ବରୂପ କୀଟପତଙ୍ଗ, ମାଛ, କୁଆ ଓ ବଣମଣିଷ ମଧ୍ୟ ବିଭିନ୍ନ ଉପକରଣର ଉପଯୋଗ କରନ୍ତି। ଏଥିମଧ୍ୟରୁ ଗୋଟି..

 ଉଚ୍ଚଶିକ୍ଷାରେ ପ୍ରତାରଣା

ଉଚ୍ଚଶିକ୍ଷାରେ ପ୍ରତାରଣା

ଡ. ସୁବାସ ଚନ୍ଦ୍ର ପାତ୍ର

ଜାତୀୟ ପରିପ୍ରେକ୍ଷୀରେ ଯାହାହେଉ ଆପାତତଃ ଓଡ଼ିଶାରେ ଉଚ୍ଚଶିକ୍ଷାର ସ୍ଥିତି ଦେଖିଲେ ଜଣାଯାଏ, ଏଠାରେ ଶୈକ୍ଷିକ ବ୍ୟବସ୍ଥାର ପରିବର୍ତ୍ତନ ଚିନ୍ତା କେବଳ ଉଚ୍ଚାକାଂକ୍ଷାକୈନ୍ଦ୍ରିକ। ଉଚ୍ଚଶିକ୍ଷାକୁ କିପରି ଜାତୀୟ ଅବା ଅନ୍ତର୍ଜାତୀୟ ସ୍ତରକୁ ନିଆଯାଇଛି ଏବଂ ସେହି କ୍ରମରେ ପ୍ରାରମ୍ଭିକ ପଦକ୍ଷେପ ହିସାବରେ ପାଠ୍ୟକ୍ରମର କିପରି ବୈପ୍ଳବିକ ପରିବର୍ତ୍ତନ କରାଯାଇଛି, ଜନସାଧାରଣଙ୍କ ମନରେ ବିଶ୍ୱାସ ଜନ୍ମେଇବା ପାଇଁ ସେ କଥାର ବହୁଳ ପ୍ରଚାର କରାଯାଏ। କିନ୍ତୁ ତା’ ପଛରେ ଲୁକ୍କାୟିତ ବିଫଳତାର କରୁଣ କାହାଣୀ ..

ଆଧୁନିକ ଶିକ୍ଷା ଓ ସମାଜ

ଆଧୁନିକ ଶିକ୍ଷା ଓ ସମାଜ

ଲଲାଟ କେଶରୀ ନାୟକ

ସ୍ବାମୀ ବିବେକାନନ୍ଦ ତାଙ୍କର ଶିକାଗୋ ଅଭିଭାଷଣରେ କହିଥିଲେ, କୋଟି କୋଟି ଅଦୃଶ୍ୟ ଶିଶିରବିନ୍ଦୁ ଯେମିତି ରାଶି ରାଶି ଗୋଲାପ କଢ଼ିକୁ ପ୍ରସ୍ଫୁଟିତ କରେ, ଠିକ୍‌ ସେହିଭଳି ଜଣେ ବ୍ୟକ୍ତିର ମାନସିକତା ଏକ ସୁସ୍ଥ ଏବଂ ବିକାଶଶୀଳ ରାଷ୍ଟ୍ର ଗଠନର ମୂଳମନ୍ତ୍ର ହୋଇଥାଏ। ଆଇନଶୃଙ୍ଖଳାରେ ଯେତେ ବି ପରିବର୍ତ୍ତନ ହେଉ ନା କାହିଁକି ବା ଶାସନ ଖସଡା ଯେତେ କଠୋର ହେଉ ନା କାହିଁକି, ଯଦି ବ୍ୟକ୍ତିର ମାନସିକତାରେ ପରିବର୍ତ୍ତନ ନ ହୋଇଛି ତେବେ ବିକାଶଶୀଳ ରାଷ୍ଟ୍ର ଗଠନ ଅସମ୍ଭବ। ..

ଏଇ ଭାରତରେ

ଏଇ ଭାରତରେ

ଭାଇ ଭଉଣୀ ମଧ୍ୟରେ ସାଧାରଣତଃ ସ୍ନେହ ମମତା ଅତୁଟ ଥାଏ। ଗୋଟିଏ ମା’ର ସନ୍ତାନ ହୋଇଥିବାରୁ ଦୁହିଁଙ୍କ ମନୋଭାବ ମଧ୍ୟ ପ୍ରାୟତଃ ଏକାପ୍ରକାର ହୋଇଥାଏ। କିନ୍ତୁ ଏକ ଘଟକ୍ରମରେ ଭାଇ ଭଉଣୀ ଗୋଟିଏ ଘରେ ଏକତ୍ର ମୃତ୍ୟୁବରଣ କରିବା ଘଟଣା ସ୍ଥାନୀୟ ଅଞ୍ଚଳ ଲୋକଙ୍କୁ ଚକିତ କରିଛି। ଏପରି ଏକ ଘଟଣା ଘଟିଛି ନାଗପୁରର ତାନ୍ତ୍ୟା ଟୋପେ ନଗର ଅଞ୍ଚଳରେ। ମୋହନ ଓଟଓ୍ବାନି ଏବଂ ..

ସମ୍ପାଦକୀୟ/ସେହି ପୁରୁଣା ଖେଳ

ସମ୍ପାଦକୀୟ/ସେହି ପୁରୁଣା ଖେଳ

ଗତ ଶତାବ୍ଦୀର ଷାଠିଏ-ସତୁରି ଦଶକରେ ଭାରତୀୟ ରାଜନୀତିରେ ‘ଆୟାରାମ ଗୟାରାମ’ ପରିସ୍ଥିତି ଦେଖାଦେଇଥିଲା। କୌଣସି ନିର୍ବାଚିତ ସରକାରକୁ ଗଡ଼ାଇବା ପାଇଁ ଘୋଡ଼ାବେପାର ପ୍ରମୁଖ ଅସ୍ତ୍ର ଭାବେ ବ୍ୟବହାର କରାଯାଉଥିଲା। ଧୀରେ ଧୀରେ ରାଜନୈତିକ ଦଳଗୁଡ଼ିକ ମଧ୍ୟରେ ସେହି ମାନସିକତା ଲୋପ ପାଇଆସୁଥିଲା। ଭାଜପା ଜାତୀୟ ଦଳ ହୋଇ ମଧ୍ୟ ଏହାକୁ ଏବେ ପୁନର୍ଜନ୍ମ ଦେବା ଭଳି ମନେହେଉଛି। ଏହାର ସଦ୍ୟ ଦୃଷ୍ଟାନ୍ତ କର୍ନାଟକରେ ଦେଖିବାକୁ ମିଳିଛି। ଏଚ୍‌.ଡି. କୁମାରସ୍ବାମୀଙ୍କ ନେତୃତ୍ୱାଧୀନ ୭ ମାସ ପୁରୁଣା ଧର୍ମନିରପେକ୍ଷ ଜନତା ଦଳ (ଜେଡିଏସ୍‌)-କଂଗ୍ରେସ ମେଣ୍ଟ ସରକାର ପ୍ରତି ବିପଦ ସୃଷ୍ଟି ହୋଇଛି। ୧୫ ଜାନୁୟାରୀ ୨୦୧୯ରେ ୨ ଜଣ ସ୍ବାଧୀନ ବିଧାୟକ ସରକାରରୁ ସମର୍ଥନ ପ୍ରତ୍ୟାହାର କରି ଭାଜପା ଆଡ଼କୁ ଢଳିଛନ୍ତି। ୨୨୪ ସଂଖ୍ୟା ବିଶିଷ୍ଟ କର୍ନାଟକ ..

 ବାର୍ଦ୍ଧକ୍ୟର ବିଭାବନା

ବାର୍ଦ୍ଧକ୍ୟର ବିଭାବନା

ଅରୁଣ କୁମାର ପଣ୍ଡା

ପରିବର୍ତ୍ତନ ହିଁ ସଂସାରର ଅପରିବର୍ତ୍ତନୀୟ ନିୟମ। ପ୍ରତ୍ୟେକ ଜୀବ ଏବଂ ବସ୍ତୁ ଧୀରେ ଧୀରେ ପୁରୁଣା ହୁଅନ୍ତି। ବୟସ ବଢ଼ିବା ସଙ୍ଗେ ସଙ୍ଗେ ମଣିଷ ଦେହରେ ଏହାର ଭିନ୍ନ ଭିନ୍ନ ଚିହ୍ନ ଦେଖାଯାଏ। ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ଯେପରି ଆୟୁ ବୃଦ୍ଧି ହୁଏ ସେହି ଅନୁସାରେ ବାଲ୍ୟାବସ୍ଥା, ଯୁବାବସ୍ଥା, ବୃଦ୍ଧାବସ୍ଥା ଇତ୍ୟାଦିର ଲକ୍ଷଣ ପ୍ରକଟ ହୁଏ। ବୃଦ୍ଧାବସ୍ଥାରେ ଏପରି ଏକ ଦିନ ଆସେ ଯେତେବେଳେ ଶରୀର ଦୁର୍ବଳ, ଅଙ୍ଗ ଶିଥିଳ ଏବଂ ମନ ଉତ୍ସାହହୀନ ହୋଇଯାଏ ତଥା ମନୁଷ୍ୟ ଥୁଣ୍ଟା ବରଗଛ ପରି ପଡ଼ି ରହେ। ନିଜ ସମୟର ଖୁ..

ଭାରତୀୟ ଜନଜୀବନ ଓ ବିଳମ୍ବ

ଭାରତୀୟ ଜନଜୀବନ ଓ ବିଳମ୍ବ

ରୁଦ୍ର ପ୍ରସନ୍ନ ରଥ

ପିଲାଦିନେ ଗୁରୁଜନମାନେ ଆମକୁ ଉପଦେଶ ଦେଲାବେଳେ ସବୁବେଳେ କର୍ମଠ ଆଉ ସମୟାନୁବର୍ତ୍ତୀ ହେବାକୁ କହିଥାନ୍ତି। ବଡ଼ ହେଲା ପରେ ଅଫିସ୍‌ରେ ମଧ୍ୟ ଆମକୁ ଆମ ଅଫିସର ଠିକ୍‌ ସମୟରେ ଆସିବା ପାଇଁ ତାଗିଦ କରିଥାନ୍ତି। ମାତ୍ର ଏହି ସାମାନ୍ୟ ସମୟାନୁବର୍ତ୍ତିତା ଗୁଣର ଅଭାବ ଯୋଗୁ ଆମେ ଅନେକ ସମୟରେ ହଇରାଣରେ ପଡିଥାଉ। କେତେବେଳେ ଆମେ ଶ୍ରେଣୀ..

ଏଇ ଭାରତରେ

ଏଇ ଭାରତରେ

ଦୁନିଆରେ ଅନେକ ବିସ୍ମୟ ସୃଷ୍ଟିକାରୀ ବ୍ୟକ୍ତି ଅଛନ୍ତି। ସେମାନେ କିଛି ଅସାଧାରଣ କାର୍ଯ୍ୟ କରି ଅନ୍ୟମାନଙ୍କ ଦୃଷ୍ଟି ଆକର୍ଷଣ କରିବା ସହିତ ଉଦାହରଣ ପାଲଟିଯାଆନ୍ତି। ଏପରି ଜଣେ ବିରଳ ବ୍ୟକ୍ତିତ୍ୱର ଅଧିକାରୀ ହେଉଛନ୍ତି ମଧ୍ୟପ୍ରଦେଶର ମୈନା ଗଁାର କୈଳାସ। ସଭିଏଁ ତାଙ୍କୁ ବିଷପୁରୁଷ ବୋଲି ସମ୍ବୋଧନ କରିଥାଆନ୍ତି। କୈଳାସ ପ୍ରତିଦିନ ୧୦ଟି ଝିଟିପିଟି ଖାଆନ୍ତି। ଅନ୍ୟମାନଙ୍କ ପାଇଁ ଏହା ଏକ ଘୃଣାର ବିଷୟ ହୋଇପାରେ। କିନ୍ତୁ ସେ ଏଗୁଡିକୁ ଆନନ୍ଦରେ ଭକ୍ଷଣ କରିଥାଆନ୍ତି। ଏହା ତାଙ୍କର ଅଭ୍ୟାସରେ ପରିଣତ ହୋଇଗଲାଣି। ଘରେ ବାହାରେ ଯେଉଁଠି ହେଲେ ମଧ୍ୟ ଝିଟିପିଟି ଦେଖିଲେ ସେ ଏହାକୁ ଧରି ଅତି ଆନନ୍ଦରେ ଖାଇଥାଆନ୍ତି। ଗତ ୨୦ବର୍ଷ ଧରି ସେ ଏହି ଅଭ୍ୟାସ ଜାରି ରଖିଆସିଛନ୍ତି। ସେ ଇତିମଧ୍ୟରେ ୬୦ରୁ ଅଧିକ ପ୍ରଜାତିର ବିଷାକ୍ତ ପ୍ରାଣୀଙ୍କୁ ଖାଇ ସାରିଲେଣି। ଯେଉଁଦିନ ସେ କୌଣସି ବିଷାକ୍ତ ଜୀବ ନ ଖାଆନ୍ତି ତାଙ୍କ ମନରେ ଏକ ଅଦ୍ଭୁତ ଅନୁଭବ ସୃଷ୍ଟି ହୋଇଥାଏ ବୋଲି କୈଳାସ କହିଥାଆନ୍ତି। ଗଁାରେ କାହାକୁ ସାପ କାମୁଡ଼ିଲେ ଏଥିପାଇଁ ଚିନ୍ତା ନ ଥାଏ। କୈଳାସକୁ ତୁରନ୍ତ ଡକାଯାଏ। କାମୁଡା ଅଂଶରେ ସେ ପାଟି ଲଗାଇ ବିଷ ଶୋଷି ବାହାର କରିଥାଆନ୍ତି। ଏଥିପାଇଁ ଗଁା ଲୋକେ କୈଳାସଙ୍କ ଏପରି ଅଭ୍ୟାସକୁ ନିନ୍ଦା ନ କରି ବରଂ ପସନ୍ଦ କରିଥାଆନ୍ତି। ବାସ୍ତବରେ କୈଳାସ ବିରଳ ବ୍ୟକ୍ତିମାନଙ୍କ ମଧ୍ୟରୁ ଅନ୍ୟତମ।


ସିକ୍ରି ବିକ୍ରି

ସିକ୍ରି ବିକ୍ରି

ସମ୍ପାଦକୀୟ/ତଥାଗତ ସତପଥୀ

ଗତବର୍ଷ ଜାନୁୟାରୀ ୧୨ରେ ସୁପ୍ରିମକୋର୍ଟର ୪ଜଣ ବରିଷ୍ଠ ବିଚାରପତି ତତ୍କାଳୀନ ପ୍ରଧାନ ବିଚାରପତି ଦୀପକ ମିଶ୍ରଙ୍କ ବିରୋଧରେ ସଙ୍ଗିନ ଅଭିଯୋଗ ଆଣିଥିଲେ। ସେହି ଅଭିଯୋଗକାରୀଙ୍କ ମଧ୍ୟରେ ଆଜିର ପ୍ରଧାନ ବିଚାରପତି ରଞ୍ଜନ ଗୋଗୋଇ ଥିଲେ ଅନ୍ୟତମ। ଦେଶର ସର୍ବୋଚ୍ଚ ନ୍ୟାୟ ବ୍ୟବସ୍ଥାରେ ଖୋଲାଖୋଲି ବିଦ୍ରୋହକୁ ନେଇ ସେତେବେଳେ ଦେଶବ୍ୟାପୀ ଚହଳ ପଡ଼ିଯାଇଥିଲା। ଏହାର ଠିକ୍‌ ବର୍ଷେ ପରେ ଅର୍ଥାତ୍‌ ୧୩ ଜାନୁୟାରୀ ୨୦୧୯ରେ ନ୍ୟାୟପାଳିକାର ଚରିତ୍ର ଉପରେ ପୁଣି ପ୍ରଶ୍ନ ଉଠିଛି। ସୁପ୍ରିମକୋର୍ଟ ବିଚାରପତି ଅର୍ଜନ କୁମାର ସିକ୍ରିଙ୍କୁ କମନ୍‌ଓ୍ବେଲ୍‌ଥ ସେକ୍ରେଟାରିଏଟ୍‌ ଆର୍ବିଟ୍ରାରି ଟ୍ରିବ୍ୟୁନାଲ (ସିଏସ୍‌ଏଟି)କୁ ..

ଆମ ଭିଆଇପି ସଂସ୍କୃତି

ଆମ ଭିଆଇପି ସଂସ୍କୃତି

ବୈକୁଣ୍ଠ ନାଥ ମିଶ୍ର

ଭାରତ ସ୍ବାଧୀନ ହେବା ସହ ଏ ଦେଶରୁ ରାଜତନ୍ତ୍ରର ବିଲୋପ ଘଟି ଗଣତନ୍ତ୍ର ପ୍ରତିଷ୍ଠିତ ହୋଇଛି। ୧୯୫୦ ଜାନୁୟାରୀ ୨୬ ତାରିଖଠାରୁ ଏଯାବତ୍‌ ସାତ ଦଶନ୍ଧି ଧରି ଭାରତୀୟ ଜନତା ଗଣତନ୍ତ୍ରକୁ ପ୍ରତ୍ୟକ୍ଷ କରି ଆସୁଛନ୍ତି। କିନ୍ତୁ ଗଣତନ୍ତ୍ରର ଅର୍ଥ ଓ ବାସ୍ତବତା ମଧ୍ୟରେ ଥିବା ବ୍ୟବଧାନ ଭାରତୀୟ ଜନଗଣଙ୍କୁ ବିସ୍ମିତ କରିଛି ଯେ ଏ କ’ଣ ସେହି ଶାସନ ବ୍ୟବସ୍ଥା, ଯାହାର ପ୍ରାପ୍ତି ପାଇଁ ଏତେ ସଂଗ୍ରାମ ଓ ରକ୍ତଦାନ କରିବାକୁ ପଡିଥିଲା? କାରାଗାରର ଅନ୍ଧକାରାଚ୍ଛନ୍ନ କୋଠରିରେ ଜିଅନ୍ତା ଶବର ଅନୁଭୂତି ନେଇ ବିଦେଶୀ ..

ଭାଷା ବଞ୍ଚିବ ବ୍ୟବହାରରେ

ଭାଷା ବଞ୍ଚିବ ବ୍ୟବହାରରେ

ଅରୁଣ ଦାସ

କଥାରେ ଅଛି- ସମସ୍ତେ କାନ୍ଦୁଛନ୍ତି, ହେଲେ କାହା ଆଖିରେ ଲୁହ ନାହିଁ। ସେହିପରି କିଛି ଶିକ୍ଷିତ ଓଡ଼ିଆ ମାତୃଭାଷା ସୁରକ୍ଷା, ଭାଷା ବଞ୍ଚାଅ ପରି ଅଭିଯାନ ଚଳାଇଛନ୍ତି। ସଭାସମିତିରେ ଆବେଗପୂର୍ଣ୍ଣ ଭାଷଣ ଦେଇ ଗଳା ଫଟାଉଛନ୍ତି। ହେଲେ ଅସଲରେ ‘କହି ଦେଉଥାଏ ପରକୁ, ବୁଦ୍ଧି ନ ଦିଶଇ ଘରକୁ’ ଭଳି ଆମ ନିଜ ଘରେ ହିଁ ସବୁଯାକ ଅଶୁଦ୍ଧି। ଅଧିକାଂଶ ଘରେ ପିଲା ବାପା, ବୋଉ ବଦଳରେ ଡାଡି, ମମି ବା ଡାଡ୍‌, ମମ୍‌ ଶବ୍ଦ ଉଚ୍ଚାରଣ କରୁଛନ୍ତି। ମଉସା, ମାଉସୀ, ମାମୁ, ମାଈଁ, କକା, ଖୁଡ଼ୀ ଆଦି ଶବ୍ଦର ସ୍ଥାନ ..

ଏଇ ଭାରତରେ

ଏଇ ଭାରତରେ

ଚିତାବାଘ ଏକ ମାଂସାଶୀ ଓ ଶିକାରୀ ପ୍ରାଣୀ। ଏହା କୁକୁର ଭଳି ନିରୀହ ପ୍ରାଣୀଙ୍କୁ ମାରି ଖାଏ। କିନ୍ତୁ ଉଭୟ ପ୍ରାଣୀ ମଧ୍ୟରେ ଖାଦ୍ୟ-ଖାଦକ ସମ୍ପର୍କ ଥିଲେ ବି ବିପଦରେ ପଡିଲେ ଖାଦକ ପ୍ରାଣୀ ଆଉ ଶିକାର ନ କରି ଦୟାବାନ୍‌ ପାଲଟିଯାଏ। ଏପରି ଏକ ଉଦାହରଣ ..