ସମ୍ପାଦକୀୟ |

ଅଦୂରଦର୍ଶୀ ପଦକ୍ଷେପ

ଅଦୂରଦର୍ଶୀ ପଦକ୍ଷେପ

ଦେବ ପ୍ରସାଦ ପରିଜା
ନିକଟରେ ଏକ ଇଂଲିଶ ଖବରକାଗଜର ଜଣେ ବରିଷ୍ଠ ଖବରଦାତା କହିଲେ, ମାତ୍ର ୬୨% ବ୍ୟବସାୟୀ ଜିଏସ୍‌ଟିରେ ପଞ୍ଜୀକରଣ କରି ସରକାରଙ୍କୁ ପ୍ରଚୁର ଟିକସ ମିଳିଲାଣି। ଯଦି ସମସ୍ତେ ପଞ୍ଜୀକରଣ କରିଦେବେ, ତେବେ ସରକାରଙ୍କ ଆୟ କେତେ ବଢିବ ଅନୁମାନ କରୁଛନ୍ତି! ମୁଁ କହିଲି, ଏହା ପରା ଗବର ସିଂ ଟିକସ! ଗବର ସିଂର ରୋଜଗାର କ’ଣ କମ୍‌ ଥିଲା କି? ସେ ଟିକେ ବିରକ୍ତ ହୋଇ କହିଲେ, ଆପଣ ରାଜନୀତି ସହ ଅର୍ଥନୀତିକୁ କାହିଁକି ମିଶାଉଛନ୍ତି? ମୁଁ କହିଲି ଯେ, ଜିଏସ୍‌ଟି ବା ବିମୁଦ୍ରୀକରଣ ଭଳି ନିଷ୍ପତ୍ତି ଅର୍ଥନୀତିଜ୍ଞମାନେ ନେଉଛନ୍ତି ନା ରାଜନେତାମାନେ? ବିମୁଦ୍ରୀକରଣ ନିଷ୍ପତ୍ତି ସମ୍ପର୍କରେ ରଘୁରାମ ରାଜନ କ’ଣ କହିଥିଲେ? ସେ କହିଲେ, ଯଦି ଲୋକେ ଟିକସ ଦେବେନି ତେବେ ସରକାର ଚାଲିବ କେମିତି, ଆଉ ଜନହିତକର ଯୋଜନା ପାଇଁ ସରକାର ଅର୍ଥ ଆଣିବେ କେଉଁଠୁ? ସେତିକି ନୁହେଁ, ସେ ମଧ୍ୟ ଆୟକର ବିଭାଗର କିଛି ତଥ୍ୟ ସହ ଗଭୀର ଉଦ୍‌ବେଗ ପ୍ରକାଶ କରି କହିଲେ ଯେ ଆମ ଦେଶରେ ପ୍ରଚୁର ଟିକସ ଫାଙ୍କି ହେଉଛି। ଅଧିକାଂଶ ବ୍ୟବସାୟୀ, ଓକିଲ ଓ ଡାକ୍ତର ନାମକୁମାତ୍ର ଆୟକର ଦେଉଛନ୍ତି ବା ସ୍ବଳ୍ପ ଆୟ ଦେଖାଇ ଶୂନ୍ୟ ଟିକସ ଆୟକର ରିଟର୍ନ ଦାଖଲ କରୁଛନ୍ତି। ସେମାନଙ୍କୁ ସାବାଡ଼ କରିବା ପାଇଁ ବିମୁଦ୍ରୀକରଣ ଏକ ସାହସିକ ପଦକ୍ଷେପ। ଯଦିଓ ସାମୟିକ ଭାବେ ଜନସାଧାରଣ ଅସୁବିଧା ଭୋଗିଲେ, ଦେଶର ଭବିଷ୍ୟତ ପାଇଁ ଏହା ଆବଶ୍ୟକ ଥିଲା। ଜିଏସ୍‌ଟି କ୍ଷେତ୍ରରେ ମଧ୍ୟ ସମାନ ଯୁକ୍ତି ଦର୍ଶାଇ ସେ କହିଲେ ଯେ, ଯେକୌଣସି ବ୍ୟବସ୍ଥା ଆରମ୍ଭ ହେଲେ ପ୍ରାରମ୍ଭରୁ କିଛି ଅସୁବିଧା ହୁଏ, ପରେ ତାହା ସୁଧୁରିଯାଏ। ଆମେ ଅବ୍ୟବସ୍ଥାକୁ ଡରିଲେ ଦେଶ ପାଇଁ କିଛି ଭଲ କରିହେବନି। ଏହି ସମସ୍ତ ବିଷୟକୁ ଦିନେ ଦୁଇଦିନ ପରେ ଏକ ବଡ଼ ଖବରକାଗଜରେ ସ୍ତମ୍ଭ ଭାବରେ ସେ ଲେଖିଲେ। ତାଙ୍କର ଦେଶ ହିତ ପାଇଁ ଚିନ୍ତା କିଛି ମନ୍ଦ ନ ଥିଲା। ମାତ୍ର ଚିନ୍ତା ଠିକ୍‌ ଥିଲେ ବି ପନ୍ଥା ଠିକ୍‌ ନୁହେଁ, ତାହା ଯେକେହି କହିପାରିବ, ବିଶେଷକରି ଏ ସବୁର ପରିଣାମକୁ ଅଙ୍ଗେ ନିଭାଇବା ପରେ। ଯଦି ପନ୍ଥା ଠିକ୍‌ ଥାଆନ୍ତା, ତେବେ ଜୟ ଶାହ ଓ ଶୌର୍ଯ୍ୟ ଡୋଭାଲଙ୍କୁ ନେଇ ଚର୍ଚ୍ଚା ଚାଲି ନ ଥାନ୍ତା କି ରାଜନୀତିଠାରୁ ଦୂରରେ ଥିବା ରଘୁରାମ ରାଜନଙ୍କ ଭଳି ଆନ୍ତର୍ଜାତିକ ଖ୍ୟାତିସମ୍ପନ୍ନ ଅର୍ଥନୀତିଜ୍ଞ ବିମୁଦ୍ରୀକରଣକୁ ବିରୋଧ କରୁ ନ ଥାନ୍ତେ। ଯଦି ବିମୁଦ୍ରୀକରଣ ଦୁର୍ନୀତିକୁ ରୋକିବାରେ ସମର୍ଥ, ତେବେ ବିମୁଦ୍ରୀକରଣ ପରେ ଜଣେ ବ୍ୟକ୍ତିର ଦେବାଳିଆ କମ୍ପାନୀର ସମ୍ପତ୍ତି କିଭଳି ୧୬ହଜାର ଗୁଣ ବୃଦ୍ଧି ପାଇଲା? ଅନ୍ୟପଟେ ବହୁ ଲାଭଜନକ କମ୍ପାନୀ କାହିଁକି ଦେବାଳିଆ ହେଉଛନ୍ତି! ଆତଙ୍କବାଦ କେତେ କମିଲା କି ବଢିଲା ଓ ଆତଙ୍କବାଦୀ ଓ ମାଓବାଦୀ ହିଂସାର ହ୍ରାସ କେତେ ସତ କେତେ ମିଛ ତାହା କଶ୍ମୀର ଓ ମାଓବାଦୀ ଉପଦ୍ରୁତ ଅଞ୍ଚଳର ଘଟଣାବଳୀରୁ ଆମେ ଜିଣିପାରୁଛେ। ନକଲି ୨୦୦୦ ଟଙ୍କିଆ ନୋଟ୍‌ ଧରାପଡ଼ିବା ଦର୍ଶାଉଛି ଯେ ଏହା ନକଲି ନୋଟ୍‌କୁ କେତେ ରୋକିଲା। ସେହିଭଳି ୯୯%ରୁ ଅଧିକ ଅଚଳ ନୋଟ୍‌ ରିଜର୍ଭ ବ୍ୟାଙ୍କକୁ ଫେରିବା ପରେ କଳା ଟଙ୍କା ଅକାମୀ ହେଲା କି ଧଳା ହେଲା ତାହା ତ ଯେକେହି କହିପାରିବ। ହଁ, ଏହା ମଧ୍ୟ ସତ୍ୟ ଯେ ବ୍ୟାଙ୍କରେ ଜମା କିଛି ଅଚଳ ଟଙ୍କାର ଜମାକାରୀଙ୍କୁ ଆୟ ପନ୍ଥା ଦର୍ଶାଇବା ପାଇଁ ଆୟକର ବିଭାଗ ନୋଟିସ ଦେଇଛନ୍ତି। ହୁଏତ କିଛି ବ୍ୟକ୍ତି ଆୟର ଉତ୍ସ ଦର୍ଶାଇ ନ ପାରି ଜେଲ-ଜରିମାନାର ସମ୍ମୁଖୀନ ହେବେ ଓ ତାଙ୍କର ଅର୍ଥ ବାଜ୍ୟାପ୍ତି ହେବ। ମାତ୍ର ସେ ସଂଖ୍ୟା କେତେ? କୌଣସି କଳାଟଙ୍କା ନ ଥାଇ ବିମୁଦ୍ରୀକରଣ ପାଇଁ ବାହାଘର ଓ ଶୁଦ୍ଧିକ୍ରିୟାଠାରୁ ଔଷଧ କିଣି ନ ପାରି ହୀନସ୍ତା ହୋଇଥିବା ଲୋକଙ୍କ ସଂଖ୍ୟା କେତେ? ଏହିଭଳି ବିମୁଦ୍ରୀକରଣ କେତେ ବର୍ଷରେ ଥରେ ଲେଖାଏଁ କରି ଏହିଭଳି ବ୍ୟକ୍ତିଙ୍କୁ ଧରିବା? ପେଟ୍ରୋଲିୟମ୍‌ ସାମଗ୍ରୀ ଉପରେ ଆଖିବୁଜା ଟିକସ ଆଦାୟ କରି ଆମ ସରକାର କୋଷାଗାର ଭରିବା ଭଳି ଜିଏସ୍‌ଟି ଜରିଆରେ ପ୍ରଚୁର ରାଜସ୍ବ ଆଦାୟ କରି ହେବ। ତାରକା ହୋଟେଲ ଉପରେ ଚଢ଼ା ଦରରେ ଜିଏସ୍‌ଟି ଦେଇ କେତେ ଦେଶୀ ଓ ବିଦେଶୀ ପର୍ଯ୍ୟଟକ ଭ୍ରମଣ ପାଇଁ ଆମ ଦେଶକୁ ବାଛିବେ? ଯଦି ପର୍ଯ୍ୟଟକ ଆସିବା କମିଯାଏ, ତେବେ କେବଳ ହୋଟେଲ ଶିଳ୍ପ ନୁହେଁ ବରଂ ଟୁର୍‌ ଓ ଟ୍ରାଭେଲ କ୍ଷେତ୍ର, ଦେଶର ଶପିଂ କ୍ଷେତ୍ର, ପର୍ଯ୍ୟଟନ ଅଞ୍ଚଳମାନଙ୍କରେ ଛୋଟ ଚା ଦୋକାନୀଠାରୁ ପର୍ଯ୍ୟଟନ ଗାଇଡ୍‌ଙ୍କ ପର୍ଯ୍ୟନ୍ତ ସଭିଏଁ ପ୍ରଭାବିତ ହେବେ। ସମ ଭାବେ ଦେଶର ବୟନ ଶିଳ୍ପ ଓ ହସ୍ତଶିଳ୍ପଠାରୁ ଆରମ୍ଭ କରି ମୁଦ୍ରଣ ଶିଳ୍ପ ପର୍ଯ୍ୟନ୍ତ ୧୮% ଜିଏସ୍‌ଟିରେ ଶଢୁଛନ୍ତି। ଆଜିର ଶସ୍ତା ମନୋରଞ୍ଜନ ଯୁଗରେ ୧୮% ଜିଏସ୍‌ଟି ଦେଇ ପ୍ରକାଶ ପାଇବାକୁ ଥିବା ପୁସ୍ତକ କିଣିବାକୁ ପାଠକ ଥିବେ ତ? ରିୟଲ ଇଷ୍ଟେଟ୍‌ ପୂର୍ବରୁ ରେରା (ରିଅଲ ଇଷ୍ଟେଟ୍‌ ରେଗୁଲେଟୋରୀ ଅଥରିଟି) ମାଡ଼ର ଶିକାର। ଏହି ମାଡ଼ରେ ଅବସ୍ଥା ଏପରି ହେଲାଣି ଯେ ସେମାନଙ୍କ ନୂଆ ପ୍ରକଳ୍ପ ପାଇଁ ଗ୍ରାହକ ଆସୁନାହାନ୍ତି। ନିର୍ମାଣାଧୀନ ପ୍ରକଳ୍ପଗୁଡିକୁ ରିୟଲ ଇଷ୍ଟେଟ୍‌ ମାଲିକମାନେ ରିସୋର୍ଟରେ ପରିଣତ କରିବାକୁ ଲାଗିଲେଣି। ଯଦି ରିୟଲ୍‌ ଇଷ୍ଟେଟ୍‌ କାମ ବନ୍ଦ ହୋଇଯାଏ ତେବେ କେତେ ଲକ୍ଷ ନିର୍ମାଣ ଶ୍ରମିକ ବେକାର ହେବେ, ସେମାନଙ୍କୁ ଅନ୍ୟତ୍ର କେଉଁ କ୍ଷେତ୍ରରେ ନିଯୁକ୍ତି ମିଳିପାରିବ ତାହା ଯୋଜନା କରିବା ତ ଦୂରର କଥା, ଅନୁମାନ ସରକାର କଲେଣି ତ! ଦେଶରେ କଳାଟଙ୍କାକୁ ରୋକିବା ଯେଉଁଭଳି ଆବଶ୍ୟକ ସେହିଭଳି ସରକାରୀ ଯୋଜନାଠାରୁ ଆରମ୍ଭ କରି ସୁରକ୍ଷା ଓ ସୁଶାସନ ପାଇଁ ରାଜସ୍ବ ଦରକାର। କିନ୍ତୁ ଏହି ଉଦ୍ଦେଶ୍ୟରେ ନେବାକୁ ଥିବା ପଦକ୍ଷେପ ପାଇଁ ପୂର୍ବପ୍ରସ୍ତୁତି ଓ ଦୂରଦର୍ଶିତା ମଧ୍ୟ ତତୋଽଧିକ ଜରୁରୀ। ଉପରୋକ୍ତ ପଦକ୍ଷେପ ଦୁଇଟି ହଟଚମଟ ସୃଷ୍ଟି କରି କିଛି କ୍ଷଣ ଜନତାଙ୍କୁ ମୋହିତ କରିବାରେ ନିଶ୍ଚିତ ସମର୍ଥ। ମାତ୍ର ଏହି ହଟଚମଟ ବେଶି କାଳ ସ୍ଥାୟୀ ହୋଇ ରହି ନ ପାରେ। ଏହାର ପ୍ରମାଣ ଗୁଜରାଟ ନିର୍ବାଚନ ପ୍ରସଙ୍ଗରେ ଆମେ ଦେଖୁଛେ, ଯେଉଁଥିପାଇଁ ଅନେକ ପଦାର୍ଥରେ ଜିଏସ୍‌ଟି ହାର କମାଇବାକୁ ସରକାର ବାଧ୍ୟ ହେଲେ। ନିର୍ବାଚନ ଆସିବ ଆଉ ଯିବ। କିନ୍ତୁ ଭୁଲ ନିଷ୍ପତ୍ତି ପାଇଁ ଅର୍ଥନୀତିର କ୍ଷତି ଭରିବା ଲାଗି ସମୟ ଅବଶ୍ୟ ଲାଗିବ।
ମୋ-୯୪୩୭୧୬୪୪୬୧, ଇମେଲ- debaparija1@gmail.com

All Right Reserved By

ସମ୍ପାଦକୀୟ |

ହିସାବରେ ଅତିକ୍ରମ

ହିସାବରେ ଅତିକ୍ରମ

ତଥାଗତ ସତପଥୀ: ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ ଅନୁଯାୟୀ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଆମେରିକା ସର୍ବବୃହତ୍‌ ଅର୍ଥନୀତିର ଟ୍ୟାଗ୍‌କୁ ବଜାୟ ରଖିଥିବା ବେଳେ ତା’ ପଛକୁ ଚାଇନା, ଜାପାନ, ଜର୍ମାନୀ ଏବଂ ବ୍ରିଟେନ୍‌ ରହିଛନ୍ତି। ରିପୋର୍ଟ କହେ, ଫ୍ରାନ୍ସର ଜିଡିପି ୨.୫୮୨ ଟ୍ରିଲିୟନ୍‌ ଡଲାର ଥିବାବେଳେ ଭାରତର ରହିଛି ୨.୫୯୭ ଟ୍ରିଲିୟନ୍‌ ଡଲାର। ଏହି ୧୫ ଟ୍ରିଲିୟନ ଡଲାର ପାର୍ଥକ୍ୟକୁ କୌଣସି ଭାବେ ଗୌଣ କରାଯିବା ଉଚିତ ନୁହେଁ। ବାସ୍ତବରେ ଭାରତୀୟଙ୍କ ପାଇଁ ଏହା କିପରି ଗୁରୁତ୍ୱ ବହନ କରୁଛି, ତାହା ବର୍ତ୍ତମାନ ପ୍ରଶ୍ନବାଚୀ ସୃଷ୍ଟି କରିଛିି। ସଂଖ୍ୟା ହିସାବକୁ ନିଆଗଲେ ଷଷ୍ଠ ବୃହତ୍‌ ଅର୍ଥନୀତି ହେଲେ ସୁଦ୍ଧା ଭାରତକୁ ଆହୁରି ଅନେକ ମାଇଲଖୁଣ୍ଟ ଅତିକ୍ରମ କରିବାକୁ ପଡ଼ିିବ ବୋଲି ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି। ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଆଶା ବାହାରେ ନୁହେଁ, ମାତ୍ର ଦେଶର ମୁଣ୍ଡପିଛା ଆୟ ଚିନ୍ତାର ବିଷୟ ବୋଲି ସେ ମତବ୍ୟକ୍ତ କରିଛନ୍ତି। କାରଣ ଫ୍ରାନ୍ସରେ ଏହା ୪୩,୭୨୦ ଡଲାର ହୋଇଥିବାବେଳେ ଭାରତରେ ମାତ୍ର ୭,୦୬୦ ଡଲାର ରହିଛି।...

ମଦ୍ୟପାନ: ନକଲ ଓ ଅକଲ

ମଦ୍ୟପାନ: ନକଲ ଓ ଅକଲ

ଡ. ରମେଶ ଚନ୍ଦ୍ର ପରିଡ଼ା: କଥାରେ କହନ୍ତି ”ନକଲରେ ଅକଲ“ ନ ଥାଏ। ଏଠାରେ ନକଲ କହିଲେ ବୁଝାଏ ଅନ୍ଧ ଅନୁକରଣକୁ। ଏଭଳି କରିବା ନିର୍ବୋଧତାର ପରିଚୟ ଦିଏ। ତେବେ ଆମେ ଅନେକେ ଅଧିକାଂଶ ସମୟରେ ତାହା କରୁ। ବଡ ବୋଲି ଭାବୁଥିବା କୌଣସି ଲୋକର ବାହ୍ୟ ଚାକଚକ୍ୟ ଦେଖି ତାକୁ ନକଲ କରୁ, ତାହାର ଭଲମନ୍ଦ ବିଚାର ନ କରି। ଆମ ସମାଜରେ ମଦ୍ୟପାନର ପ୍ରସାର ଘଟିଛି ଏବଂ ଘଟୁଛି ସେହିଭଳି କାରଣରୁ। ପ୍ରଥମେ ଆଭିଜାତ୍ୟରେ ବିଦେଶୀ ଶାସକଙ୍କ ସମକକ୍ଷ ହେବା ଲାଗି ଆମ ସମାଜର ତଥାକଥିତ ଉଚ୍ଚବର୍ଗର ଲୋକେ ତାଙ୍କୁ ଏଥିରେ ଅନୁକରଣ କଲେ। ଏବେ ତ ଆମେ ସମସ୍ତେ ନିଜକୁ ଆଭିଜାତ୍ୟସମ୍ପନ୍ନ ବୋଲି ଉପସ୍ଥାପିତ କରିବାରେ ବ୍ୟସ୍ତ। ସେଇଥିପାଇଁ ଏହା ବଢୁଛି। ପୁନଶ୍ଚ ଆଗେ ଆମେ ମଦ୍ୟପାନ କରୁଥିବା ଲୋକଙ୍କୁ ଘୃଣା କରୁଥିଲୁ। ଆଜିକାଲି ତାହା ନାହିଁ। ପକ୍ଷାନ୍ତରେ, ଆମ ଦୃଷ୍ଟିରେ ସେଲିବ୍ରିଟି ହୋଇଥିବା ବର୍ଗର ଲୋକଙ୍କ ଜୀବନଧାରାର ଏହା ଏକ ଅବିଚ୍ଛେଦ୍ୟ ଅଙ୍ଗ। ଆମେ ବି ତାଙ୍କୁ ନକଲ କରି ନିଜର ଗୁରୁତ୍ୱ ବଢାଇବାରେ ବ୍ୟସ୍ତ। ଏଥିପାଇଁ ଅକଲର ଦରକାର ପଡୁନାହିଁ।...

କାଳିଆ, ତୁ’ ସତରେ କାହାର

କାଳିଆ, ତୁ’ ସତରେ କାହାର

ଡ. ନରହରି ବେହେରା: ମୁଁ ଏଇଠି ଠିଆ ହେଇଚିରେ କାଳିଆ! ବଅସ ହଟିଲାଣି, ଆଖିକି ଭଲ ଦୁଶୁନି, ତଥାପି ତୋତେ ଦେଖିବି ବୋଲି ଦୌଡ଼ି ଆସିଛି। ହେଲେ ମୁଁ ତୋ ପାଖକୁ ଯାଇପାରୁନି। ମୁଁ ନ ଯାଇପାରିଲେ କ’ଣ ହେଲା, ତୁ କ’ଣ ମୋ ପାଖକୁ ଟିକିଏ ଆସିବୁନି? ନିଶ୍ଚୟ ଆସିବୁ। ହେଇ ତୁ ତ ରଥରେ ବସିଲୁଣି। ତୋର ସେଇ ଚକା ଚକା ଆଖି ଦି’ଟା ଦିଶିଲାଣି। ଆରେ, ମୋ ଆଡ଼େ ଟିକିଏ ନ ଚାହିଁ ସିଧା ସିଧା କୁଆଡ଼େ ପଳାଇ ଯାଉଛୁ, ମୋ ଆଖିର ଲୁହ ତୋତେ କ’ଣ ଦେଖାଯାଉନି? ଏ ବୁଢ଼ୀଟା ତୋତେ ବିକଳରେ ଚାହିଁଛି, ତୋ ହୃଦୟ ତରଳି ଯାଉନି? ହଁ ମୁଁ ବି ବାୟାଣୀ ହେଇଗଲିଣି। ତୁ କେତେବେଳେ କାହାର ଥିଲୁ ଯେ, ଆଜି ମୋର ହବୁ? ତୁ ତ ନଟନାଗର, ହଟିଆ କଳାକାର। ତୁ ଯାହାକୁ ଚାହିଁବୁ ତା’ ପାଖକୁ ଯିବୁ, ତୋତେ ଯିଏ ଯେତେ ଚାହିଁଲେ ବି ଯିବୁନି।...

ଏଇ ଭାରତରେ

ଏଇ ଭାରତରେ

ନିଜେ ପରିଷ୍କାର ରହିବା ସହିତ ପରିବେଶକୁ ନିର୍ମଳ ରଖିବା ଲାଗି ଆମ ଦେଶରେ କିଏ କେତେ ପ୍ରକାର ଉଦ୍ୟମ କରୁଛନ୍ତି। ଏହି ଉଦ୍ୟମର ଅଂଶ ସ୍ବରୂପ ଅହମଦାବାଦ୍‌ ମହାନଗର ନିଗମ (ଏଏମ୍‌ସି) ଅଧୀନରେ ଥିବା ପ୍ରାଥମିକ ସ୍କୁଲ୍‌ ପିଲାମାନଙ୍କର ମାସକୁ ଥରେ ମାଗଣା କେଶ କଟାଯିବ। ଏହା ‘ସ୍ବଚ୍ଛତା ଆଡକୁ ପାଦେ’ କାର୍ଯ୍ୟକ୍ରମର ଅଂଶବିଶେଷ। ଏଥିପାଇଁ ନିଗମ ଏକ ସ୍ବେଚ୍ଛାସେବୀ ସଂଗଠନ (ଇଣ୍ଟରନ୍ୟାଶନାଲ୍‌ ସ୍କୁଲ୍‌ ଅଫ୍‌ ଆସ୍‌ଥେଟିକ୍ସ ଆଣ୍ଡ୍‌ ସ୍ପା) ସହିତ ଚୁକ୍ତି ସ୍ବାକ୍ଷର କରିଛି।...

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ଆକାର ପଟେଲ ପାକିସ୍ତାନ ଅପେକ୍ଷା କରିଛି ତା’ର ପରବର୍ତ୍ତୀ ତ୍ରାଣକର୍ତ୍ତା ଦ୍ରୁତ ବୋଲର ଇମ୍ରାନ୍‌ ଖାନ୍‌ଙ୍କୁ, ଯିଏ କି ଚଳିତ ମାସରେ ହେବାକୁ ଯାଉଥିବା ନିର୍ବାଚନରେ ଜିତି ପ୍ରଧାନମନ୍ତ୍ରୀ ହେବାର ଯଥେଷ୍ଟ ସମ୍ଭାବନା ରହିଛି। ଦେଶର ସେନା ତଥା ପ୍ରଭାବଶାଳୀ ଅମଲାତନ୍ତ୍ରୀମାନେ ତାଙ୍କୁ ସମର୍ଥନ କରୁଥିବା ବେଳେ ଗଣମାଧ୍ୟମରେ ଏପରି ଖବର ପ୍ରକାଶ ପାଉଛି। କଶ୍ମୀରୀ ମୂଳ ପଞ୍ଜାବୀ ନେତା ନଓ୍ବାଜ ଶରିଫ ଗିରଫ ହୋଇ ଜେଲ ଯିବା ଏ ଦିଗରେ ଅନ୍ତିମ ପଦକ୍ଷେପ। ଖାନ୍‌ଙ୍କ ଦଳ ତେହରିକ୍‌ ଇ ଇନ୍‌ସାଫ ଖାଇବର ପାଖତୁନ୍‌ଖ୍ବା ଅଞ୍ଚଳରେ ମଜଭୁତ ଥିବା ବେଳେ ଶରିଫଙ୍କ ଦଳ ମଧ୍ୟ ଏ ଅଞ୍ଚଳରେ ବେଶ୍‌ ଶକ୍ତିଶାଳୀ ରହିଛି। ଦୁର୍ନୀତି ଓ ବିପୁଳ ସମ୍ପତ୍ତି ଠୁଳ ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ଶରିଫ ଯଦି ଜେଲ ଯାଇ ନ ଥାନ୍ତେ ତେବେ ଗଣତାନ୍ତ୍ରିକ ଭାବେ ସଫଳତା ପାଇବା ଖାନ୍‌ଙ୍କ ...

ସେଇ ଆଖି ଦିଓଟି

ସେଇ ଆଖି ଦିଓଟି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ବଡ ରହସ୍ୟମୟ ସେଇ ଆଖି ଦିଓଟି। ବିଶ୍ୱାସ ଓ ବିଜ୍ଞାନର ଦ୍ୱନ୍ଦ୍ୱ ମଧ୍ୟରେ ସେଇ ଆଖି ଦିଓଟିର ଆକର୍ଷଣ ଯେମିତି ଅଭିନବ, ସେମିତି ଅବୋଧ୍ୟ। କାଳ କାଳ ଧରି ଏହା ଆକର୍ଷିତ କରିଆସିଛି ବିଶ୍ୱର ଅଗଣିତ ମଣିଷଙ୍କୁ। ଜାତି, ଧର୍ମ, ବର୍ଣ୍ଣ, ଲିଙ୍ଗ ବା ବୟସ ନିର୍ବିଶେଷରେ ବିମୋହିତ କରିଛି ମୂର୍ଖଙ୍କଠାରୁ ପଣ୍ଡିତଙ୍କ ଯାଏଁ, ଧନୀଙ୍କଠୁ ନିର୍ଦ୍ଧନଙ୍କ ପର୍ଯ୍ୟନ୍ତ। ସେଇ ଆଖି ଦିଓଟି ସହ ନିଜ ନିଜର ଆଖି ମିଶାଇବା ପୂର୍ବରୁ ଅବଶ୍ୟ ଅଭିଳାଷରେ ଅତିଷ୍ଠ ହୋଇଛନ୍ତି ସଭିଏଁ ଓ ଚାରିଚକ୍ଷୁର ମିଳନ ପରେ ଅମୃତମୟ ଅନୁଭବରେ ବିଭୋର ହୋଇଛନ୍ତି ସମସ୍ତେ।...

ଅନନ୍ୟ ବିଚାରକ

ଅନନ୍ୟ ବିଚାରକ

ବ୍ୟକ୍ତିତ୍ୱ/ଜିତେନ୍ଦ୍ର ବିଶିଷ୍ଟ ସ୍ଥପତି ରଘୁନାଥ ମହାପାତ୍ର, ଶାସ୍ତ୍ରୀୟ ଶିଳ୍ପୀ ସୋନାଲ ମାନ୍‌ସିଂ, ପୂର୍ବତନ ଏମ୍‌ପି ରାମ ଶକଲ ଏବଂ ରାଷ୍ଟ୍ରୀୟ ସ୍ବୟଂସେବକ ସଂଘ (ଆର୍‌ଏସ୍‌ଏସ୍‌) ବିଚାରକ ତଥା ଦିଲ୍ଲୀ ବିଶ୍ୱବିଦ୍ୟାଳୟ ପ୍ରଫେସର ରାକେଶ ସିହ୍ନାଙ୍କୁ ୨୦୧୮ ଜୁଲାଇ ୧୪ରେ ରାଷ୍ଟ୍ରପତି ରାମନାଥ କୋବିନ୍ଦ ରାଜ୍ୟ ସଭାକୁ ମନୋନୀତ କରିଛନ୍ତି। ପ୍ରତ୍ୟେକ ନିଜ କ୍ଷେତ୍ରରେ ଉତ୍ତମ ପାରଦର୍ଶିତା ଦେଖାଇ ସାରିଛନ୍ତି। ତେବେ ବିଚାରଗତ ଆଦର୍ଶ ଓ ଶିକ୍ଷା କ୍ଷେତ୍ରରେ ଉତ୍କର୍ଷ ଲାଭ କରି ଚର୍ଚ୍ଚିତ ...

ଏଇ ଭାରତରେ

ଏଇ ଭାରତରେ

ସରକାରୀ ସ୍କୁଲର କେତେକ ଛାତ୍ର ଘରୋଇ ସ୍କୁଲ୍‌ମୁହଁା ହେଉଥିବା ବେଳେ ସେମାନଙ୍କୁ ଏଥିରୁ ନିବୃତ୍ତ କରିବା ପାଇଁ ବିଭାଗୀୟ କର୍ତ୍ତୃପକ୍ଷ ଏକ ଅଭିନବ ଉପାୟ ଆପଣାଇଛନ୍ତି। କର୍ନାଟକସ୍ଥିତ ମହୀଶୂର ଜିଲାର ନାଞ୍ଜାନଗୁଡ ତାଲୁକ ଅଧୀନ ଏକ ସରକାରୀ ସ୍କୁଲ କାନ୍ଥକୁ ଟ୍ରେନ୍‌ ଭଳି ଚିତ୍ରିତ କରାଯାଇଛି। ଏହାକୁ ଏକ ନୂଆ ରୂପ ଦେବାଦ୍ୱାରା ପିଲା ଓ ଅଭିଭାବକଙ୍କ ଦୃଷ୍ଟିଭଙ୍ଗୀ ବଦଳିଯିବ ବୋଲି ବ୍ଲକ୍‌ ଶିକ୍ଷା ଅଧିକାରୀ ଏମ୍‌. ନାରାୟଣ ପ୍ରକାଶ କରିଛନ୍ତି। ପ୍ରଥମରୁ ...

ବିହାରକୁ ରାସ୍ତା

ବିହାରକୁ ରାସ୍ତା

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଜାତୀୟ ରାଜପଥ ପ୍ରାଧିକରଣ (ଏନ୍‌ଏଚ୍‌ଏଆଇ)ର ଅଧ୍ୟକ୍ଷ ଥିବା ବିହାର କ୍ୟାଡର ଆଇଏଏସ୍‌ ଅଫିସର ଦୀପକ କୁମାରଙ୍କ ଡେପୁଟେଶନ ଅବଧି ପୂରା ହୋଇ ନ ଥିବାବେଳେ ତାଙ୍କୁ ନିଜ ରାଜ୍ୟ ବିହାରର ରାସ୍ତା ଦେଖାଇ ଦିଆଯିବା ଘଟଣାକୁ ନେଇ ଅନେକଙ୍କ ମନରେ ସନ୍ଦେହ ସୃଷ୍ଟି ହୋଇଛି ଯେ, ତାଙ୍କୁ ହୁଏତ ରାଜ୍ୟର ପରବର୍ତ୍ତୀ ମୁଖ୍ୟ ଶାସନ ସଚିବ କରାଯାଇପାରେ। ରାଜପଥଗୁଡ଼ିକୁ ନିଲାମ କରି ସେଥିରୁ ଟଙ୍କା ଛାଣିବାରେ ଏନ୍‌ଏଚ୍‌ଏଆଇ ବ୍ୟସ୍ତ ଥିବାବେଳେ ଦୀପକ କୁମାରଙ୍କ ବିଦାୟ ଏକ ଗୁରୁତ୍ୱପୂର୍ଣ୍ଣ ଘଟଣା। ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ୍‌ ଗଡ଼କରୀ ପୂର୍ବରୁ କହିଥିଲେ ଯେ, ବିଭିନ୍ନ ପର୍ଯ୍ୟାୟରେ କେନ୍ଦ୍ର ସରକାର ୧୦୫ଟି ରାଜପଥକୁ ଟୋଲ ଫି ପାଇଁ ନିଲାମ କରିବା ମାଧ୍ୟମରେ ଟଙ୍କା ଆଦାୟ କରିବେ, ଯେଉଁଥିରୁ ଦେଢ଼ଲକ୍ଷ କୋଟି ଟଙ୍କା ଆଦାୟ ...

ଘୋଷଯାତ୍ରାର ଉଦ୍‌ଘୋଷଣ

ଘୋଷଯାତ୍ରାର ଉଦ୍‌ଘୋଷଣ

ଡ. ପ୍ରଫୁଲ୍ଲ କୁମାର ସାହୁ ମହାପ୍ରଭୁ ଶ୍ରୀଜଗନ୍ନାଥ ଓଡ଼ିଆ ଜାତିର ଆରାଧ୍ୟ ଦେବତା। ସେ ଏ ଜାତିର ସାଂସ୍କୃତିକ ଓ ରାଜନୈତିକ ଚିନ୍ତନର ସର୍ବମୟ କର୍ତ୍ତା। ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ପ୍ରତିଟି ସ୍ତରରେ, ପ୍ରତିଟି କାର୍ଯ୍ୟରେ ଓଡ଼ିଆ ଜାତି ଶ୍ରୀଜଗନ୍ନାଥଙ୍କୁ ଆଶ୍ରା କରିଛି ଏବଂ ତାଙ୍କରି ନାମରେ ନିଜକୁ ପରିଚିତ କରେଇଛି ବିଶ୍ୱ ଦରବାରରେ। ସେଥିପାଇଁ ଶ୍ରୀଜଗନ୍ନାଥଙ୍କୁ କେନ୍ଦ୍ରକରି କେଉଁ ସ୍ମରଣାତୀତ କାଳରୁ ଓଡ଼ିଶାର ଜନଜୀବନରେ ପ୍ରବାହିତ ହୋଇଛି ଏକ ସମନ୍ବୟାତ୍ମକ ସାଂସ୍କୃତିକ ସ୍ରୋତ। ଏ ସ୍ରୋତରେ ସମ୍ମିଳିତ ହୋଇଛି ମାନବ ସମାଜର ସଞ୍ଚତ୍ତ ଓ ପରୀକ୍ଷିତ ସକଳ ଦର୍ଶନତତ୍ତ୍ୱ। ସେ ତତ୍ତ୍ୱ କିନ୍ତୁ କୌଣସି ଦାର୍ଶନିକ ପ୍ରଜ୍ଞା ନୁହେଁ, ବରଂ ବ୍ୟକ୍ତି ତଥା ସମାଜ ଜୀବନର ଏକ ଦୃଷ୍ଟିକୋଣ; ଏକ ସାଂସ୍କୃତିକ ଅକଲବନ୍ଦୀ। ତା’ର ଉଦାର ଓ ମହାନ ଅନ୍ତଃପ୍ରେରଣାରେ ରହିଛି ମାନବଜାତିର ଜୀବନଚର୍ଯ୍ୟାକୁ ସରସ, ସୁନ୍ଦର ଓ ସୃଜନଶୀଳ କରି ଗଢିତୋଳିବା ନିମନ୍ତେ ଲୋକଶିକ୍ଷାର ବିସ୍ତୃତ ଅବତାରଣା।...

ଉତ୍କଳଘଣ୍ଟ କବି ଯଦୁମଣି

ଉତ୍କଳଘଣ୍ଟ କବି ଯଦୁମଣି

ଡ. ଉଦ୍ଧବ ଚରଣ ନାୟକ ଓଡିଶାରେ ଯଦୁମଣିଙ୍କୁ କିଏ ନ ଜାଣେ? ତାଙ୍କର ପୂରା ନାମ ଯଦୁମଣି ମହାପାତ୍ର। ସେ ଯେପରି ହାସ୍ୟରସିକ ଥିଲେ ସେହିପରି ଥିଲେ ଜଣେ ମହାନ୍‌ ଭକ୍ତକବି। ତାଙ୍କ ହାସ୍ୟରସିକତା ଥିଲା ବିଭୁଦତ୍ତ। ଷୋଳବର୍ଷ ବୟସରେ କବି ହେବାର ବାସନା ଜାଗ୍ରତ ହେଲା। ଗୁରୁଙ୍କ ଆଦେଶରେ ସେ କବିତ୍ୱ ଲାଭ କରିବା ପାଇଁ ଘୁମୁସର ରାଜ୍ୟ ବିଷ୍ଣୁଚକ୍ର ଗ୍ରାମର ପଞ୍ଚମୁଖ ଭଗବାନ କବିରାଜ ବାହିନୀପତିଙ୍କ ପାଖରେ ପହଞ୍ଚିଲେ। କବିରାଜେ ଦେଖିଲେ ପିଲାଟା ବ୍ରାହ୍ମଣ କୁଳରେ ଜନ୍ମ ନ ହେଲେ ମଧ୍ୟ ସଂସ୍କୃତ ଭାଷାରେ ଗଭୀର ଜ୍ଞାନ ଅର୍ଜନ କରିଛି। ଏଣୁ ସେ ଯଦୁମଣିଙ୍କ ମନସ୍କାମନା ପୂରଣ ନିମନ୍ତେ ଭଗବାନ ହୟଗ୍ରୀବଙ୍କ ପୂଜାକରି ହୟଗ୍ରୀବ ମନ୍ତ୍ରସାଧନା ନିମନ୍ତେ ଆଦେଶ ଦେଲେ। ...

ଏଇ ଭାରତରେ

ଏଇ ଭାରତରେ

ଗାଈ ଓ ବାଘ ମଧ୍ୟରେ ଖାଦ୍ୟ-ଖାଦକ ସମ୍ପର୍କ। ଗାଈ ତୃଣଭୋଜୀ ପ୍ରାଣୀ। ବାଘ ମାଂସାଶୀ। ବାଘ ଜଙ୍ଗଲର ଏକ ହିଂସ୍ର ତଥା ଶିକାରୀ ପ୍ରାଣୀ। ବାଘ ଗାଈକୁ ଆକ୍ରମଣ କରିବା ସ୍ବାଭାବିକ କଥା। କିନ୍ତୁ ଗାଈ ଆକ୍ରମଣରେ ଗୋଟିଏ ଚିତାବାଘ ମୃତ୍ୟୁବରଣ କରିବା ଆଶ୍ଚର୍ଯ୍ୟଜନକ ମନେହେଲେ ମଧ୍ୟ ସତ୍ୟ। ନିକଟରେ ଔରଙ୍ଗାବାଦ୍‌ସ୍ଥିତ ଗୌତଲା ବନ୍ୟପ୍ରାଣୀ ଅଭୟାରଣ୍ୟରେ ଏପରି ଏକ ବିପରୀତ ଘଟଣା ଘଟିଛି। ସୋମବାର ସକାଳେ ଗୌତଲାର ଭାମ୍ବରଓ୍ବାଡି ଶାଇଭରଠାରେ ଗୋଟିଏ ବାଛୁରୀକୁ ଚିତାବାଘ ଆକ୍ରମଣ କରି ମାରିଦେଇଥିଲା। ଏହା ଦେଖି ପଲେ ଗାଈ ଉକ୍ତ ବାଘକୁ ଘେରିଯାଇ ଏହା ଉପରେ ପାଲଟା ...

Model This Week

ରୂପେଶ