ଫୁରସତ |

କାର୍ଯ୍ୟ କରିବ ଚିପ୍ସ ଆଣ୍ଟିନା

କାର୍ଯ୍ୟ କରିବ ଚିପ୍ସ ଆଣ୍ଟିନା
ବୋଷ୍ଟନ:ଆଣ୍ଟିନା ସହ ପ୍ରାୟତଃ ସମସ୍ତେ ପରିଚିତ। ବିଭିନ୍ନ ବୈଦ୍ୟୁତିକ ଯନ୍ତ୍ରପାତି ସହ ଏହା ଜଡ଼ିତ। ସମସ୍ତେ ଏହାକୁ ବଡ ରୂପରେ ଦେଖି ଆସିଛନ୍ତି। କିନ୍ତୁ ଅଧୁନା ବୈଜ୍ଞାନିକମାନେ ଛୋଟ ଚିପ୍ସ ଆଣ୍ଟନା ବିକାଶ କରିଛନ୍ତି। ଏହା ବିଭିନ୍ନ ଆକୃତିର କମ୍ପାକ୍ଟ ଆଣ୍ଟିନାର ଏକଶତାଂଶ ବା ଶହେ ଭାଗରୁ ଏକ ଭାଗ। ଏହା ବେତାର ତରଙ୍ଗ ଗ୍ରହଣ କରିପାରିବ। ୨୦୦ ମାଇକ୍ରୋମିଟର ପରିମିତ ଏହି ଚିପ୍ସକୁ ଖଣ୍ଡେ କାଗଜର ମୋଟେଇ ସହିତ ତୁଳନା କରାଯାଇପାରେ। ନେଚର କମ୍ୟୁନିକେଶନ୍ସରେ ପ୍ରକାଶିତ ରିପୋର୍ଟ ଅନୁଯାୟୀ, ପରବର୍ତ୍ତୀ ପିଢ଼ିର ଆଣ୍ଟିନା ଭାବରେ ଏହାକୁ ବ୍ୟବହାର କରାଯିବ। ଟିଭି, ସେଲ୍‌ଫୋନ୍‌ ଏବଂ ରେଡିଓ ଦ୍ୱାରା ବ୍ୟବହୃତ ଏକାଭଳି ସିଗ୍‌ନାଲକୁ ଏହି ଚିପ୍ସ ରିଲେ କରିପାରିବ ବୋଲି ଗବେଷକମାନେ କହିଛନ୍ତି। ଏ କ୍ଷେତ୍ରରେ ଗବେଷଣା ଆଗେଇଲେ ହାତରେ ପିନ୍ଧାଯାଇ ପାରୁଥିବା ଇଲେକ୍‌ଟ୍ରୋନିକ୍ସ ଯନ୍ତ୍ରପାତି ବିକାଶ କରାଯିବ ବୋଲି ବୋଷ୍ଟନସ୍ଥିତ ନର୍ଥଇଷ୍ଟର୍ନ ୟୁନିଭର୍ସିଟିର ଜଣେ ଇଲେକ୍ଟ୍ରିକାଲ୍‌ ଓ କମ୍ପ୍ୟୁଟର ଇଞ୍ଜିନିୟର ତଥା ଏହି ଅଧ୍ୟୟନର ସହ-ଲେଖକ ନିଆନ୍‌ ସୁନ୍‌ ପ୍ରକାଶ କରିଛନ୍ତି। ଛୋଟ ଆଣ୍ଟିନା ତିଆରି କରିବାର ପ୍ରୟାସ ଗତ କିଛି ଦଶନ୍ଧି ହେଲା ଜାରି ରହିଛି। ତେବେ ଏଭଳି ଛୋଟ ଚିପ୍ସ ଆଣ୍ଟିନା ଭଳି କାର୍ଯ୍ୟ କଲେ ଏହା ବହୁଳ ଭାବରେ ବ୍ୟବହାର ହେବ ବୋଲି ବ୍ଲାକ୍ସବର୍ଗସ୍ଥିତ ଭର୍ଜିନିଆ ଟେକ୍‌ର ଜନୈକ ବାୟୋମେଡିକାଲ୍‌ ଇଞ୍ଜିନିୟର ଜନ୍‌ ଡୋମନାନ୍‌ ପ୍ରକାଶ କରିଛନ୍ତି। ସେ କହନ୍ତି ଯେ, ବିଦ୍ୟୁତ୍‌ ଚୁମ୍ବକୀୟ ତରଙ୍ଗ ବାୟୁମଣ୍ଡଳରେ ଖେଳିବୁଲିଲେ ପାରମ୍ପରିକ ଆଣ୍ଟିନା ସଂକେତ ଗ୍ରହଣ କରିଥାଏ। କିନ୍ତୁ ଚିପ୍‌ ଆଣ୍ଟିନା ଦେଇ ବିଦ୍ୟୁତ୍‌ ଚୁମ୍ବକୀୟ ତରଙ୍ଗ ଅତିକ୍ରମ କଲେ ବୈଦ୍ୟୁତିକ ଯନ୍ତ୍ରରେ ଥିବା ଚୁମ୍ବକୀୟ ପଦାର୍ଥର ଆଟମ୍‌କୁ ଏହା ସକ୍ରିୟ କରେ। ଫଳରେ ଯନ୍ତ୍ରଟି କାର୍ଯ୍ୟକ୍ଷମ ହୁଏ। ଗବେଷକମାନେ ଏତେ ଛୋଟ ଆଣ୍ଟିନା ବିକାଶ କରିଛନ୍ତି ଯେ, ଏଗୁଡିକ ରେଡିଓ ଫ୍ରିକ୍ୱେନ୍ସି ରେଞ୍ଜ ମଧ୍ୟରେ ରହୁଥିବା ଜିପିଏସ୍‌, ଓ୍ବାଇ-ଫାଇ, ଏଫଏମ୍‌ ରେଡିଓ ଏବଂ କାର୍ଯ୍ୟକ୍ରମ ପ୍ରସାର କରୁଥିବା ଟିଭି ପାଇଁ ସଂକେତ ଗ୍ରହଣ କରିପାରିବେ।
All Right Reserved By

ଫୁରସତ |

ଯେଉଁଠି ବାହାଘର ପରେ ବର ସବୁଦିନ ରହେ ଶାଶୁଘରେ...

ଯେଉଁଠି ବାହାଘର ପରେ ବର ସବୁଦିନ ରହେ ଶାଶୁଘରେ...

ସାଧାରଣତଃ ବାହାଘର ପରେ ଝିଅ ଶାଶୁଘର ଯାଇଥାଏ। ତେବେ ଇଣ୍ଡୋନେସିଆର ସୁମାତ୍ରାରେ ବାସ କରୁଥିବା ନଇ ମିନାଙ୍ଗ୍‌କାବାଉ ସମ୍ପ୍ରଦାୟରେ ବାହାଘର ପରେ ପୁଅକୁ ଶାଶୁଘର ଯିବାକୁ ପଡ଼ିଥାଏ।

ମନ ଖୋଲି ହସନ୍ତୁ; ରୋଗଠାରୁ ଦୂରେଇ ରୁହନ୍ତୁ...

ମନ ଖୋଲି ହସନ୍ତୁ; ରୋଗଠାରୁ ଦୂରେଇ ରୁହନ୍ତୁ...

ସ୍ବାସ୍ଥ୍ୟ ହିଁ ସମ୍ପଦ। ଏହାକୁ ସୁରକ୍ଷିତ ରଖିଲେ ଜୀବନ ଯାତ୍ରା ସହଜ ହୋଇଥାଏ। ଅତି ପ୍ରାଚୀନ କାଳରୁ ଶରୀର ରକ୍ଷା ପାଇଁ ବିଭିନ୍ନ ପ୍ରୟାସ ଜାରି ରହିଛି। 

ଯେଉଁଠି ନବବଧୂଙ୍କୁ ଦେବାକୁ ପଡେ କୁମାରୀତ୍ୱ ପରୀକ୍ଷା...

ଯେଉଁଠି ନବବଧୂଙ୍କୁ ଦେବାକୁ ପଡେ କୁମାରୀତ୍ୱ ପରୀକ୍ଷା...

ପୃଥିବୀର ବିଭିନ୍ନ ଦେଶରେ ବିବାହର ବୟସ ଭିନ୍ନ ଭିନ୍ନ ରହିଛି। ତେବେ ବିବାହରେ ନବବଧୂର କୁମାରୀତ୍ୱ ପରୀକ୍ଷା ଲାଗି ବିଭିନ୍ନ ସମାଜରେ ନାନା ପ୍ରକାର ପରମ୍ପରା ରହିଛି। ଆଧୁନିକ ଯୁଗରେ ମଧ୍ୟ ସ୍ଥଳ ବିଶେଷରେ ଏଭଳି ଜାରି ରହିଛି।

କଳା ରଙ୍ଗର ସନ୍ତାନ ପ୍ରସବ କରିବାକୁ ପସନ୍ଦ କରନ୍ତି ଏହି ମହିଳା

କଳା ରଙ୍ଗର ସନ୍ତାନ ପ୍ରସବ କରିବାକୁ ପସନ୍ଦ କରନ୍ତି ଏହି ମହିଳା

ସାଧାରଣତଃ ସବୁ ମାଆଙ୍କର ଇଚ୍ଛା ଥାଏ ତାଙ୍କ ସନ୍ତାନଟି ସୁସ୍ଥ, ସୁନ୍ଦର ଓ ଗୋରା ହେଉ। କିନ୍ତୁ ଆଣ୍ଡାମାନରେ ରହୁଥିବା ଜାରଓ୍ବା ଜନଜାତିଙ୍କ କଥା ସମସ୍ତଙ୍କଠାରୁ ଅଲଗା। ଏଠାରେ ଗୋରା ପିଲା ଜନ୍ମ ହେଲେ ତାକୁ ମାରି ଦିଆଯାଇଥାଏ।

ରାତିକ ପାଇଁ ନିଲାମ ହୁଅନ୍ତି କୁଆଁରୀ କନ୍ୟା

ରାତିକ ପାଇଁ ନିଲାମ ହୁଅନ୍ତି କୁଆଁରୀ କନ୍ୟା

ପେଟର ଜ୍ୱାଳା ଲାଗି ଅନେକଙ୍କର ମତିଗତି ହଜିଯାଇଥାଏ। ଭୋକିଲା ପେଟ ଯୋଗୁ ସଂଗଠିତ ହୋଇଥାଏ ଅନେକ ଅପରାଧ। ପେଟର ଭୋକ ମେଣ୍ଟାଇବା ପାଇଁ ପୃଥିବୀର ଅନେକ ଅଞ୍ଚଳରେ ଦେହ କିଣାବିକା କାରବାର ଏବେ ମଧ୍ୟ ଜାରି ରହିଛି।

କାଠରେ ନିର୍ମିତ ବାଇକ୍‌

କାଠରେ ନିର୍ମିତ ବାଇକ୍‌

ଟେକ୍ନୋଲୋଜିର ଅଗ୍ରଗତି ଫଳରେ ବାଇକ୍‌ ହେଉ ବା କାରରେ ଦିନକୁ ଦିନ ନୂଆ ନୂଆ ଫିଚରମାନ ଦେଖିବାକୁ ମିଳୁଛି। ଯାହାଫଳରେ ଗ୍ରାହକମାନେ ଏକା ସଙ୍ଗେ ଅନେକ ପ୍ରକାର ସୁବିଧା ପାଇପାରୁଛନ୍ତି।

ପପ୍‌କର୍ନ  ବେଳାଭୂମି

ପପ୍‌କର୍ନ ବେଳାଭୂମି

ବେଳାଭୂମିର ଆକର୍ଷଣକୁ କେହି କେବେ ଏଡାଇପାରେନା। କିଛି ସମୟ ଏଠାରେ ବିତାଇଲେ ମିଳେ ପରମ ଆନନ୍ଦ ଓ ତୃପ୍ତି। ସେଇଥିପାଇଁ ତ ପୃଥିବୀରେ ଯେତେ ବେଳାଭୂମି ଅଛି ସବୁଠି ଦେଖିବାକୁ ମିଳେ ପ୍ରବଳ ଜନଗହଳି। କିଛି ବେଳାଭୂମି ତ ତା’ର ସ୍ବତନ୍ତ୍ରତା ପାଇଁ ସାରା ପୃଥିବୀରେ ପ୍ରସିଦ୍ଧ।

ପାଠୋଇ ଜେଜେମା’

ପାଠୋଇ ଜେଜେମା’

ଅନେକ ସମୟରେ ମା’ବାପା ପିଲାଙ୍କୁ ଭଲ ନ ପଢିଲେ ଅନ୍ୟ ପିଲାଙ୍କ ଉଦାହରଣ ଦିଅନ୍ତି। ହେଲେ ଜଣେ ୯୬ ବର୍ଷୀୟ ମହିଳା ପାଠପଢାରେ ଏମିତି କାରନାମା କରି ଦେଖାଇଛନ୍ତି ଯେ, ଏବେ ମା’ବାପା ପିଲାଙ୍କୁ ତାଙ୍କ ଉଦାହରଣ ଦେବେ। ସେ ହେଉଛନ୍ତି କେରଳ, ଅଲପୁଝାର ଚେପ୍ପାଦୁ ଗାଁରେ ରହୁଥିବା କାର୍ତ୍ତିୟାନୀ ଆମ୍ମା। 

 ଶୃଙ୍ଖଳିତ ଜୀବନ ଯାପନ କରିବାର ପଦ୍ଧତି ହେଉଛି ‘ବାଡ଼‘

ଶୃଙ୍ଖଳିତ ଜୀବନ ଯାପନ କରିବାର ପଦ୍ଧତି ହେଉଛି ‘ବାଡ଼‘

ବାଡ଼! କଣ୍ଟା ବାଉଁଶ, ଶିଝୁ, କିଆ କିମ୍ବା ତାରଜାଲିରେ ପ୍ରସ୍ତୁତ ଗୋଟିଏ ଗୋଟିଏ ଘେରା। ମାତ୍ର ଖୁବ୍‌ ସୂକ୍ଷ୍ମ ଭାବରେ ଦେଖିଲେ ବାଡ଼ର ମହତ୍ତ୍ୱ ସୁଦୂରପ୍ରସାରୀ। ମଣିଷକୁ ତା’ର ସୀମାବଦ୍ଧତା ସୂଚେଇଦେଇ ଏକ ସୁରକ୍ଷିତ ତଥା ଶୃଙ୍ଖଳିତ ଜୀବନ ଯାପନ କରିବାର ପଦ୍ଧତି ହେଉଛି ବାଡ଼...

ପ୍ରଥମ ରୋଜଗାର : ବୋଉକୁ ଶାଢ଼ି ଓ ବାପାଙ୍କୁ ପ୍ୟାଣ୍ଟଶାର୍ଟ ଦେଇଥିଲି

ପ୍ରଥମ ରୋଜଗାର : ବୋଉକୁ ଶାଢ଼ି ଓ ବାପାଙ୍କୁ ପ୍ୟାଣ୍ଟଶାର୍ଟ ଦେଇଥିଲି

ବରିଷ୍ଠ କୃଷି ବୈଜ୍ଞାନିକ ତଥା ଲେଖକ ଡ. ସୁନୀଲ କୁମାର ମହାପାତ୍ର ନିଜ ପ୍ରଥମ ରୋଜଗାର ସମ୍ପର୍କରେ ଯାହା କୁହନ୍ତି...

ଶାଢ଼ିରେ ସେଲିବ୍ରିଟି

ଶାଢ଼ିରେ ସେଲିବ୍ରିଟି

ଶାଢ଼ିର ଆଦର ଖାଲି ଭାରତରେ ନୁହେଁ, ସାରା ପୃଥିବୀରେ ରହିଛି। ଏହାର ଆକର୍ଷଣରୁ ହଲିଉଡ୍‌ର ଗ୍ଲାମର୍ସ ସେଲିବ୍ରିଟି ବା କେମିତି ବାଦ୍‌ ପଡିଥାଆନ୍ତେ। ସେଇଥିପାଇଁ ତ ଅନେକ ସମୟରେ ସେମାନେ ବି ଉଭା ହୋଇଛନ୍ତି ଏହି ଦେଶୀ ଅବତାରରେ... 

ଅଜବ ବ୍ୟାଗ୍‌

ଅଜବ ବ୍ୟାଗ୍‌

ମହିଳାମାନଙ୍କ ଗହଣରେ ହ୍ୟାଣ୍ଡବ୍ୟାଗ୍‌ର ଟ୍ରେଣ୍ଡ ପୂର୍ବରୁ ଥିଲା, ଏବେ ବି ଅଛି ଆଉ ଆଗକୁ ମଧ୍ୟ ରହିବ ବୋଲି ଅନୁମାନ କରାଯାଏ। ଖାସ୍‌ ଏଇଥିପାଇଁ ଦିନକୁ ଦିନ ନୂଆ ନୂଆ ଡିଜାଇନ୍‌ର ହ୍ୟାଣ୍ଡବ୍ୟାଗ୍‌ ମାର୍କେଟ୍‌ରେ ମିଳୁଥିବାର ଦେଖିବାକୁ ମିଳୁଛି। ବେଳେବେଳେ ଏମିତି ବି କିଛି ଭିନ୍ନ ଡିଜାଇନ୍‌ର ହ୍ୟାଣ୍ଡବ୍ୟାଗ୍‌ ଆସୁଛି, ଯାହା ଦେଖିବାକୁ ଅଜବ ଲାଗିବା ସହ ଅନ୍ୟମାନଙ୍କର ଦୃଷ୍ଟି ଆକର୍ଷଣ କରିଥାଏ...