ଖେଳ |

ଦ୍ୱିତୀୟ ଟେଷ୍ଟ: ଭାରତର ବୃହତ୍‌ ବିଜୟ

ଦ୍ୱିତୀୟ ଟେଷ୍ଟ: ଭାରତର ବୃହତ୍‌ ବିଜୟ

ନାଗପୁର, ୨୭।୧୧(ପି.ଟି)

ବିରାଟ କୋହଲିଙ୍କ ନେତୃତ୍ୱାଧୀନ ଭାରତୀୟ ଦଳ ଆଉ ଏକ ଚମତ୍କାର ବିଜୟ ହାସଲ କରିଛି। ସ୍ଥାନୀୟ ବିଦର୍ଭ କ୍ରିକେଟ ଆସୋସିଏଶନ ଗ୍ରାଉଣ୍ଡରେ ଅନୁଷ୍ଠିତ ଦ୍ୱିତୀୟ ଟେଷ୍ଟ ମ୍ୟାଚରେ ଭାରତ ପାଖାପାଖି ଦେଢ ଦିନ ବାକି ଥାଇ ଭ୍ରମଣକାରୀ ଶ୍ରୀଲଙ୍କାକୁ ଏକ ଇନିଂସ ଓ ୨୩୯ ରନରେ ପରାସ୍ତ କରିଛି। ବୋଲିଂ ଓ ବ୍ୟାଟିଂରେ ଭାରତର ଦମ୍‌ଦାର ପ୍ରଦର୍ଶନ ଆଗରେ ଶ୍ରୀଲଙ୍କା ଏକ ପ୍ରକାର ଆତ୍ମସମର୍ପଣ କରିଛି। ୩ ମ୍ୟାଚ୍‌ ବିଶିଷ୍ଟ ଏହି ସିରିଜରେ ଭାରତ ୧-୦ରେ ଅଗ୍ରଣୀ ହାସଲ କରିଛି। ଏଥି ସହିତ ଭାରତ ତା’ର ସର୍ବ ବୃହତ ଟେଷ୍ଟ ବିଜୟ ପ୍ରଦର୍ଶନକୁ ପୁଣି ଥରେ ଦୋହରାଇଛି। ପୂର୍ବରୁ ୨୦୦୭ରେ ଭାରତ ରାହୁଲ ଡ୍ରାଭିଡଙ୍କ ନେତୃତ୍ୱରେ ବାଂଲାଦେଶକୁ ମଧ୍ୟ ସମାନ ଢଙ୍ଗରେ ଏକ ଇନିଂସ ଓ ୨୩୯ ରନରେ ପରାସ୍ତ କରିଥିଲା। ବର୍ଷା ବାଧାପ୍ରାପ୍ତ ପ୍ରଥମ ଟେଷ୍ଟରେ ଅଳ୍ପକେ ବିଜୟ ହାତଛଡ଼ା କରିଥିଲେ ମଧ୍ୟ ଏହି ମ୍ୟାଚରେ କିନ୍ତୁ ଭାରତ ଶ୍ରୀଲଙ୍କାକୁ କୌଣସି ସୁଯୋଗ ଦେଇ ନ ଥିଲା। ପ୍ରଥମ ଇନିଂସରେ ୨୧୩ରରନ ଦ୍ୱିଶତକୀୟ ପାଳି ଖେଳିଥିବା ଭାରତୀୟ ଅଧିନାୟକ ବିରାଟ କୋହଲି ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଛନ୍ତି। ତୃତୀୟ ତଥା ଅନ୍ତିମ ଟେଷ୍ଟ ମ୍ୟାଚ ଡିସେମ୍ବର ୨ ତାରିଖରେ ଦିଲ୍ଲୀରେ ଖେଳାଯିବାର କାର୍ଯ୍ୟକ୍ରମ ରହିଛି।
ପ୍ରଥମ ଇନିଂସରେ ନିହାତି ମାମୁଲି ପ୍ରଦର୍ଶନ କରି ଶ୍ରୀଲଙ୍କା ମାତ୍ର୨୦୫ ରନରେ ଅଲଆଉଟ ହୋଇଥିଲା। ଜବାବରେ ଭାରତ କୋହଲିଙ୍କ ଦ୍ୱିଶତକ, ମୂରଲୀ ବିଜୟ, ଚେତେଶ୍ୱର ପୂଜାରା ଓ ରୋହିତ ଶର୍ମାଙ୍କ ଶତକ ସହାୟତାରେ ୬ ଉଇକେଟ ହରାଇ ୬୧୦ ରନରେ ପାଳି ଘୋଷଣା କରିଥିଲା। ଫଳରେ ଭାରତ ୪୦୫ ରନରେ ଅଗ୍ରଣୀ ହାସଲ କରିଥିଲା। ଜବାବରେ ଶ୍ରୀଲଙ୍କା ଦ୍ୱିତୀୟ ଇନିଂସରେ ଆହୁରି ଖରାପ ପ୍ରଦର୍ଶନ କରି ୪୯.୩ ଓଭରରେ ମାତ୍ର ୧୬୬ ରନ କରି ଅଲଆଉଟ ହୋଇଥିଲା। ଫଳରେ ଶ୍ରୀଲଙ୍କା ଇନିଂସ ପରାଜୟ ବରଣ କରିଥିଲା। ଅସମାପ୍ତ ଦ୍ୱିତୀୟ ଇନିଂସ ସ୍କୋର ୨୧/୧ରୁ ଖେଳ ଆରମ୍ଭ କରି ଶ୍ରୀଲଙ୍କା ଲଞ୍ଚ ସୁଦ୍ଧା ୮ ଉଇକେଟ ହରାଇଥିଲା। ଦୁଇ ଓଭରନାଇଟ ବ୍ୟାଟ୍ସମ୍ୟାନ ଦିମୁଥ କରୁଣାରତ୍ନେ ୧୧ ଓ ଲାହିରୁ ଥିରିମାନି ୯ ରନରୁ ଖେଳ ଆରମ୍ଭ କରି ଯାଥାକ୍ରମେ୧୮ ଓ ୨୩ ରନ କରି ଆଉଟ ହୋଇଥିଲେ। କେବଳ ଅଧିନାୟକ ଦୀନେଶ ଚାଣ୍ଡିମାଲଙ୍କୁ ବାଦ ଦେଲେ ଆଉ କୌଣସି ବ୍ୟାଟ୍ସମ୍ୟାନ ଭାରତୀୟ ବୋଲରଙ୍କ ସମ୍ମୁଖୀନ ହୋଇ ପାରି ନ ଥିଲେ। ଚାଣ୍ଡିମଲ ୬୧ ରନ କରି ଆଉଟ ହୋଇଥିଲେ। ସେ ମଧ୍ୟ ପ୍ରଥମ ଇନିଂସରେ ୫୭ ରନର ଅର୍ଦ୍ଧଶତକୀୟ ପାଳି ଖେଳିଥିଲେ। ଅନ୍ୟମାନଙ୍କ ମଧ୍ୟରେ ଆଞ୍ଜେଲୋ ମାଥ୍ୟୁସ ୧୦, ଉଇକେଟ କିପର ବ୍ୟାଟ୍ସମ୍ୟାନ ନିରୋଶାନ ଡିକଓ୍ବେଲା ୪, ଦସୁନ ସନକା ୧୭ରନ କରି ଆଉଟ ହୋଇଥିବା ବେଳେ ସୁରଙ୍ଗା ଲାକମଲ ୩୧ ରନ କରି ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ। ୪ ଜଣ ବ୍ୟାଟ୍ସମ୍ୟାନ ଖାତା ଖୋଲି ପାରି ନ ଥିଲେ। ଓପନର ସାଦିରା ସମରବିକ୍ରମା,ଦିଲରୁଓ୍ବାନ ପେରୋରା, ରଙ୍ଗନା ହେରାଥ ଓ ଲାହିରୁ ଗାମାଗେ ଖାତା ଖୋଲିବା ପୂର୍ବରୁ ପ୍ୟାଭିଲିୟନ ଫେରିଥିଲେ। ବୋଲିଂରେ ଭାରତ ତରଫରୁ ଅଭିଜ୍ଞ ଅଫ ସ୍ପିନର ରବିଚନ୍ଦ୍ରନ ଅଶ୍ୱିନ ପୁଣି ଥରେ କମାଲ କରି ୪ ଉଇକେଟ ହାସଲ କରି ବିଜୟରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ସେହିପରି ରବୀନ୍ଦ୍ର ଜାଡେଜା, ଇଶାନ୍ତ ଶର୍ମା ଓ ଉମେଶ ଯାଦବ ଦୁଇଟି ଲେଖାଏ ଉଇକେଟ ଅକ୍ତିଆର କରିଛନ୍ତି। ଅଶ୍ୱିନ ପ୍ରଥମ ଇନିଂସରେ ମଧ୍ୟ ୪ ଟି ଉଇକେଟ ହାସଲ କରିଥିଲେ। ଏହି ମ୍ୟାଚରେ ମୋଟ ଉପରେ ସେ ୮ ଉଇକେଟ ହାସଲ କରି ସଫଳତମ ବୋଲର ସାବ୍ୟସ୍ତ ହୋଇଛନ୍ତି।

All Right Reserved By

Model This Week

ନିକିତା

ଖେଳ |

କୋହଲିଙ୍କୁ ଟପିଲେ ରାଇନା

କୋହଲିଙ୍କୁ ଟପିଲେ ରାଇନା

ହାଇଦ୍ରାବାଦ, ୨୨।୪- ଟି୨୦ ସ୍ପେଶାଲିଷ୍ଟ ସୁରେଶ ରାଇନା ପୁଣିଥରେ ଆଇପିଏଲ୍‌ ଇତିହାସରେ ସର୍ବକାଳୀନ ଶ୍ରେଷ୍ଠ ରନ୍‌ ସଂଗ୍ରହକାରୀ ବ୍ୟାଟ୍ସମ୍ୟାନ ହେବାର ସୌଭାଗ୍ୟ ଲାଭ କରିଛନ୍ତି। ରବିବାର ଏଠାରେ ସନ୍‌ରାଇଜର୍ସ ହାଇଦ୍ରାବାଦ ଓ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଖେଳାଯାଇଥିବା ମ୍ୟାଚ୍‌ରେ ରାଇନା ଏହି କୃତିତ୍ୱ ଅର୍ଜନ କରିଥିଲେ।

ଶୀର୍ଷରେ ସୁପର କିଙ୍ଗ୍ସ

ଶୀର୍ଷରେ ସୁପର କିଙ୍ଗ୍ସ

ହାଇଦ୍ରାବାଦ, ୨୨।୪- ଚଳିତ ଆଇପିଏଲ୍‌ରେ ରବିବାର ଅପରାହ୍ନରେ ଅନୁଷ୍ଠିତ ପ୍ରତିଯୋଗିତାର ୨୦ତମ ମ୍ୟାଚ୍‌ରେ ଚେନ୍ନାଇ ସୁପର୍‌ କିଙ୍ଗ୍ସ ରୋମାଞ୍ଚକ ଭାବେ ୪ ରନ୍‌ରେ ସନରାଇଜର୍ସ ହାଇଦ୍ରାବାଦକୁ ପରାସ୍ତ କରିଛି। ସୁପର କିଙ୍ଗ୍ସ ପକ୍ଷରୁ ଧାର୍ଯ୍ୟ ୧୮୩ ରନ୍‌ର ଏକ କଷ୍ଟସାଧ୍ୟ ଲକ୍ଷ୍ୟକୁ ପିଛା କରିଥିବା କେନ୍‌ ଓ୍ବିଲିୟମସନଙ୍କ ହାଇଦ୍ରାବାଦ ଦଳ ୬ ଉଇକେଟ୍‌ ହରାଇ ୧୭୮ ରନ୍‌ କରିବାକୁ ସକ୍ଷମ ହୋଇଥିଲା।

ସ୍କୁଲ ଓପନ ଚେସ୍‌: ତନ୍ମୟ ଚାମ୍ପିୟନ

ସ୍କୁଲ ଓପନ ଚେସ୍‌: ତନ୍ମୟ ଚାମ୍ପିୟନ

ଭୁବନେଶ୍ୱର, ୨୨।୪(କ୍ରୀଡ଼ା ପ୍ରତିନିଧି)- ଓଡ଼ିଶା ରାଜ୍ୟ ଚେସ୍‌ ଆସୋସିଏଶନ (ଓଏସସିଏ) ଆନୁକୂଲ୍ୟରେ ସ୍କୁଲ ଓପନ ଚେସ୍‌ ଚାମ୍ପିୟନଶିପ୍‌ ୟୁନିଟ-୧ସ୍ଥିତ ମଦର୍ସ ପବ୍ଲିକ୍‌ ସ୍କୁଲରେ ରବିବାର ଅନୁଷ୍ଠିତ ହୋଇ ଯାଇଛି। ରାଜ୍ୟର ୧୭ ସ୍କୁଲରୁ ୧୦୮ପ୍ରତିଯୋଗୀ ଏଥିରେ ଅଂଶଗ୍ରହଣ କରିଥିଲେ। ପ୍ରତିଯୋଗିତା ଶେଷରେ ମୋଟ ୫ ପ୍ରତିଯୋଗୀ ୬ ପଏଣ୍ଟ ଲେଖାଏ ପାଇଥିଲେ। ବୁକୋଲଜ୍‌ରେ ଭୁବନେଶ୍ୱର ଷ୍ଟୁଆର୍ଟ ସ୍କୁଲର ତନ୍ମୟ କୁମାର ଚାମ୍ପିୟନ ହୋଇଥିଲେ।

ରାହିଲଙ୍କୁ ପାନାସୋନିକ ଗଲ୍ଫ ଟାଇଟଲ

ରାହିଲଙ୍କୁ ପାନାସୋନିକ ଗଲ୍ଫ ଟାଇଟଲ

ଓସାକା(ଜାପାନ), ୨୨।୪ (ପି.ଟି.)- ଭାରତୀୟ ଗଲ୍ଫ ତାରକା ରାହିଲ ଗଙ୍ଗଜୀ ରବିବାର ପାନାସୋନିକ ଓପନ ଟାଇଟଲ ହାସଲ କରିଛନ୍ତି। ଏଥି ସହିତ ସେ ଦୀର୍ଘ ୧୪ ବର୍ଷ ପରେ କୌଣସି ଟାଇଟଲ ଜିତିବାକୁ ସକ୍ଷମ ହୋଇଛନ୍ତି। ୩୯ ବର୍ଷୀୟ ରାହିଲଙ୍କ ସହିତ କୋରିଆର ହ୍ୟୁଙ୍ଗସଙ୍କ ମଧ୍ୟରେ କଡ଼ା ମୁକାବିଲା ହୋଇଥିଲା। ଏହାପୂର୍ବରୁ ୨୦୦୪ରେ ରାହିଲ ଶେଷଥର ପାଇଁ ଚାଇନାରେ ଏସିଆନ୍‌ ଟୁର ଟାଇଟଲ ଜିତିଥିଲେ। ଏହି ବିଜୟ ସହ ସେ ବିଭିନ୍ନ ଦୃଷ୍ଟିକୋଣରୁ ବେଶ୍‌ ଲାଭବାନ ହୋଇଛନ୍ତି। ସେ ୨ ଲକ୍ଷ ୮୩ ହଜାର ଆମେରିକୀୟ ଡଲାର ପୁରସ୍କାର ଆର୍ଥିକ ପୁରସ୍କାର ପାଇଛନ୍ତି।

ସାଉଥ୍‌ ଏସିଆନ ଚାମ୍ପିୟନଶିପ୍‌:  ଭାରତୀୟ ମହିଳା ଜୁଡୋକାଙ୍କୁ ୪ ସ୍ବର୍ଣ୍ଣ

ସାଉଥ୍‌ ଏସିଆନ ଚାମ୍ପିୟନଶିପ୍‌: ଭାରତୀୟ ମହିଳା ଜୁଡୋକାଙ୍କୁ ୪ ସ୍ବର୍ଣ୍ଣ

ଲଳିତ୍‌ପୁର (ନେପାଲ), ୨୨।୪(ପି.ଟି.)- ଏଠାରେ ଆରମ୍ଭ ହୋଇଥିବା ଅଷ୍ଟମ ସାଉଥ ଏସିଆନ୍‌ ଜୁଡୋ ଚାମ୍ପିୟନଶିପ୍‌ର ପ୍ରଥମ ଦିବସରେ ଭାରତୀୟ ପ୍ରତିଯୋଗୀମାନେ ଦମ୍‌ଦାର ପ୍ରଦର୍ଶନ କରିଛନ୍ତି। ଭାରତୀୟ ମହିଳା ଜୁଡୋକାମାନେ ୪ଟି ସ୍ବର୍ଣ୍ଣ ପଦକ ହାସଲ କରିଛନ୍ତି। ଭାରତ ଏଲ. ସୁଶୀଳା ଦେବୀ ୪୮ କେ.ଜି ବର୍ଗରେ ପାକିସ୍ତାନର ହୁମାଇରା ଆଶିକ୍‌ଙ୍କୁ ଫାଇନାଲରେ ପରାସ୍ତ କରି ସ୍ବର୍ଣ୍ଣ ପଦକ ହାସଲ କରିଛନ୍ତି। ସେହିପରି କଳ୍ପନା ଦେବୀ ଥୋଉଡାମ ୫୨ କେ.ଜି. ବର୍ଗରେ ପାକିସ୍ତାନର ମାର଼୍ୟାମ୍‌ଙ୍କୁ ହରାଇ ଦେଶ ପାଇଁ ଦ୍ୱିତୀୟ ସ୍ବର୍ଣ୍ଣ ଜିତିଛନ୍ତି। ଅନ୍ୟପଟେ ୫୭ କେ.ଜି. ବର୍ଗରେ ଏ. ଅନିତା ଚାନୁ ସ୍ଥାନୀୟ ଖେଳାଳି ଲିଳା ଅଧିକାରୀଙ୍କୁ ଓ ଏଚ୍‌. ସୁନିବାଳା ଦେବୀ ନେପାଳର ଫୁପୁ ଲାମୁ ଖାତ୍ରୀଙ୍କୁ ୬୩ କେ.ଜି ବର୍ଗରେ ପରାସ୍ତ କରି ଯାଥାକ୍ରମେ ତୃତୀୟ ଓ ଚତୁର୍ଥ ସ୍ବର୍ଣ୍ଣ ପଦକ ହାସଲ କରିଛନ୍ତି।

ଡି’ଭିଲର୍ସଙ୍କୁ ଶ୍ରେୟ ଦେଲେ କୋହଲି

ଡି’ଭିଲର୍ସଙ୍କୁ ଶ୍ରେୟ ଦେଲେ କୋହଲି

ବାଙ୍ଗାଲୋର, ୨୨।୪ (ପି.ଟି.)- ଶନିବାର ଦଲ୍ଲୀ ଡେୟାର ଡେଭିଲ୍ସକୁ ୬ ଉଇକେଟରେ ପରାସ୍ତ କରିବା ପରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଅଧିନାୟକ ବିରାଟ କୋହଲି ବେଶ୍‌ ହାଲକା ଅନୁଭବ କରିଛନ୍ତି। ୫ଟି ମ୍ୟାଚ ଖେଳି ବାଙ୍ଗାଲୋର ତା’ର ଦ୍ୱିତୀୟ ବିଜୟ ହାସଲ କରି ପ୍ରତ୍ୟାବର୍ତ୍ତନ କରିଛି। ଅଭିଜ୍ଞ ଦକ୍ଷିଣ ଆଫ୍ରିକା ବ୍ୟାଟ୍ସମ୍ୟାନ ଏବି ଡି’ଭିଲର୍ସଙ୍କୁ ସେ ଏହି ବିଜୟର ଶ୍ରେୟ ପ୍ରଦାନ କରିଛନ୍ତି। ଡି’ଭିଲର୍ସ ତାଙ୍କ ପ୍ରଦର୍ଶନ ମାଧ୍ୟମରେ ଆମକୁ ଖୁସି କରାଉଛନ୍ତି ବୋଲି କୋହଲି କହିଛନ୍ତି।

ଯୁବିଙ୍କ ଭଳି ଖେଳୁଛନ୍ତି ପନ୍ତ: ମନଦୀପ୍‌

ଯୁବିଙ୍କ ଭଳି ଖେଳୁଛନ୍ତି ପନ୍ତ: ମନଦୀପ୍‌

ବାଙ୍ଗାଲୋର, ୨୨।୪ (ପି.ଟି.)- ଦିଲ୍ଲୀ ଡେୟାର ଡେଭିଲ୍ସ ଯୁବ ବ୍ୟାଟ୍ସମ୍ୟାନ ରିଷଭ ପନ୍ତ ଅଭିଜ୍ଞ ଯୁବରାଜ ସିଂଙ୍କ ଭଲି ବ୍ୟାଟିଂ କରୁଛନ୍ତି ବୋଲି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବ୍ୟାଟ୍ସମ୍ୟାନ ମନଦୀପ ସିଂ କହିଛନ୍ତି। ଯୁବରାଜଙ୍କ ଭଳି ପନ୍ତ ଛକା ମାରୁଛନ୍ତି। ଶନିବାର ବାଙ୍ଗାଲୋର ବିପକ୍ଷ ମ୍ୟାଚ୍‌ରେ ପନ୍ତ ୪୮ଟି ବଲ ଖେଳି ୬ ଚୌକା ଓ ୭ ଛକା ସହ ଦ୍ରୁତ ୮୫ ରନ ସଂଗ୍ରହ କରିଥିଲେ ମଧ୍ୟ ଦିଲ୍ଲୀ ଏହି ମ୍ୟାଚ୍‌ରେ ପରାସ୍ତ ହୋଇଥିଲା। ଏହି ମ୍ୟାଚ୍‌ରେ ଏବି ଡି’ଭିଲର୍ସ ୩୯ ବଲରୁ ଦ୍ରୁତ ୯୦ ରନ କରି ବାଙ୍ଗାଲୋରକୁ ୬ ଉଇକେଟରେ ଜିତାଇଥିଲେ। ପନ୍ତ ନିଜ ଦକ୍ଷତା ଅନୁଯାୟୀ ଖେଳିଲେ ସମସ୍ତଙ୍କୁ ପଛରେ ପକାଇ ଆଗକୁ ଯାଇପାରିବେ ବୋଲି ମନଦୀପ ପୂର୍ବନୁମାନ କରିଛନ୍ତି।

ବାର୍ସିଲୋନା ଜିତିଲା ୩୦ତମ ‘କୋପା ଡେଲ ରେ’ ଟାଇଟଲ

ବାର୍ସିଲୋନା ଜିତିଲା ୩୦ତମ ‘କୋପା ଡେଲ ରେ’ ଟାଇଟଲ

ମାଡ୍ରିଡ, ୨୨।୪ (ଏ.ପି.)- ଦୁଇ ସୁପରଷ୍ଟାର ଲିଓନେଲ ମେସି ଓ ଲୁଇସ୍‌ ସୁଆରେଜଙ୍କ ଦମ୍‌ଦାର ପ୍ରଦର୍ଶନ ବଳରେ ବାର୍ସିଲୋନା କ୍ଲବ୍‌ ‘କୋପା ଡେଲ ରେ’ ଟାଇଟଲ ହାସଲ କରିଛି। ଶନିବାର ସେବିଲାକୁ ସମ୍ପୂନ୍ନ ଏକପାଖିଆ ମ୍ୟାଚରେ ୫-୦ ଗୋଲରେ ପରାସ୍ତ କରି ବାର୍ସିଲୋନା ଏହି ଟୁର୍ନାମେଣ୍ଟର ୩୦ତମ ଟାଇଟଲ ହାସଲ କରିଛନ୍ତି। ଏଥିସହିତ ବାର୍ସିଲୋନା ଏହି ଟୁର୍ନାମେଣ୍ଟରେ କ୍ରମାଗତ ଚତୁର୍ଥ ଟାଇଟଲ ହାସଲ କରିଛି ଓ ଗତ ୫ ବର୍ଷ ମଧ୍ୟରେ ବାର୍ସିଲୋନା ସବୁଥର ଫାଇନାଲରେ ପ୍ରବେଶ କରିବାକୁ ସକ୍ଷମ ହୋଇଛି।

୨ ବର୍ଷରେ ପ୍ରଥମ ବିଜୟ ହାସଲ କଲେ ଆମୀର

୨ ବର୍ଷରେ ପ୍ରଥମ ବିଜୟ ହାସଲ କଲେ ଆମୀର

ଲିଭରପୁଲ, ୨୨।୪ (ଏ.ପି.)- ପୂର୍ବତନ ବିଶ୍ୱଚାମ୍ପିୟନ ବ୍ରିଟେନ ଅଭିଜ୍ଞ ବକ୍ସର ଅମୀର ଖାଁ ଗତ ୨ ବର୍ଷ ମଧ୍ୟରେ ତାଙ୍କର ପ୍ରଥମ ଫାଇଟରେ ବିଜୟୀ ହୋଇଛନ୍ତି। ଶନିବାର ଅନୁଷ୍ଠିତ ମୁକାବିଲାରେ ଆମୀର ମାତ୍ର ୩୯ ସେକେଣ୍ଡରେ କାନାଡ଼ାର ପେସାଦନାର ବକ୍ସର ଫିଲ ଲୋ ଗ୍ରିକୋଙ୍କୁ ପରାସ୍ତ କରି ସେ ଏହି ସଫଳତା ହାସଲ କରିଛନ୍ତି। ଘରୋଇ ପରିବେଶ ଆମୀର ଗତ ୫ ବର୍ଷ ମଧ୍ୟରେ ପ୍ରଥମଥର ପାଇଁ ଲଢ଼େଇରେ ଅବତୀର୍ଣ୍ଣ ହୋଇଥିଲେ ଓ ବେଶ୍‌ ଉଚ୍ଚକୋଟୀର ପଦର୍ଶନ କରିଥିଲେ। ଏହାପୂର୍ବରୁ ୨୦୧୬ ମେ’ ମାସରେ ୩୧ ବର୍ଷୀୟ ଆମୀର ସଲ କାନେଲୋ ଆଲଭାରେଜଙ୍କଠାରୁ ପରାସ୍ତ ହୋଇଥିଲେ।

ପୂର୍ବତନ ବ୍ରାଜିଲ ଗୋଲ କିପର ଜୁଲିଓଙ୍କ ଅବସର

ପୂର୍ବତନ ବ୍ରାଜିଲ ଗୋଲ କିପର ଜୁଲିଓଙ୍କ ଅବସର

ରିଓ ଡି ଜାନେଇରୋ, ୨୨।୪ (ଏ.ପି.)- ପୂର୍ବତନ ବ୍ରାଜିଲ ଗୋଲ୍‌ କିପର ଜୁଲିଓ ସିଜାର ଫୁଟବଲରୁ ଅବସର ନେଇଛନ୍ତି । ୩୮ ବର୍ଷୀୟ ଜୁଲିଓ ନିଜ ପିଲାବେଳର କ୍ଲବ୍‌ ଫ୍ଲାମେଙ୍ଗୋ ତରଫରୁ ତାଙ୍କର ଶେଷ ମ୍ୟାଚ ଖେଳି ଏ ନେଇ ଘୋଷଣା କରିଛନ୍ତି। ସେ ପୂର୍ବରୁ ଇଣ୍ଟର ମିଲାନ, ବେନଫିକା ତରଫରୁ ଖେଳି ବେଶ୍‌ ସଫଳତା ହାସଲ କରିଥିଲେ। ଐତିହାସିକ ମାରାକାନା ଷ୍ଟାଡିୟମରେ ଶନିବାର ରାତିରେ ଅନୁଷ୍ଠିତ ମ୍ୟାଚ୍‌ରେ ତାଙ୍କ କ୍ଲବ ୨-୦ ଗୋଲରେ ଆମେରିକାକୁ ପରାସ୍ତ କରିଥିଲା। ବ୍ରାଜିଲିଆନ ଚାମ୍ପିୟନଶିପ୍‌ର ଏହି ଦ୍ୱିତୀୟ ରାଉଣ୍ଡ ମ୍ୟାଚରେ ଜୁଲିଓ ବେଶ୍‌ ଉଚ୍ଚକୋଟୀର ପ୍ରଦର୍ଶନ କରିଥିଲେ। ଅବସର କଥା ଘୋଷଣା କରିବା ବେଳେ ଜୁଲିଓ ବେଶ୍‌ ଭାବପ୍ରବଣ ହୋଇ ପଡିଥିଲେ ଓ ତାଙ୍କ ଆଖି ଛଳଛଳ ହୋଇଥିଲା

ଜୁନିୟର ବାସ୍କେଟବଲ ଚାମ୍ପିୟନଶିପ୍‌ ବାଳିକା ବର୍ଗର ଫାଇନାଲରେ ବିବିଏ-ଟ୍ରଟର୍ସ

କଟକ ଅଫିସ, ୨୨।୪- ଜବାହରଲାଲ ନେହେରୁ ଇନ୍‌ଡୋର ଷ୍ଟାଡିୟମରେ ଓଡ଼ିଶା ବାସ୍କେଟବଲ ଆସୋସିଏଶନ ଆନୁକୂଲ୍ୟରେ ଚାଲିଥିବା ରାଜ୍ୟସ୍ତରୀୟ ଜୁନିୟର ବାସ୍କେଟବଲ ଚାମ୍ପିୟନଶିପ୍‌ର ଶନିବାର ଖେଳ ଶେଷ ହୋଇଛି। ପ୍ରତିଯୋଗିତାର ବାଳିକା ବର୍ଗର ଫାଇନାଲକୁ ବିବିଏ ଓ ଟ୍ରଟର୍ସ ପ୍ରବେଶ କରିଛନ୍ତି।

ବିଶ୍ୱ ଫୁଟ୍‌ଭଲି ଚାମ୍ପିୟନଶିପ୍‌  ଜାତୀୟ ଦଳରେ ୩ ଓଡ଼ିଆ

ବିଶ୍ୱ ଫୁଟ୍‌ଭଲି ଚାମ୍ପିୟନଶିପ୍‌ ଜାତୀୟ ଦଳରେ ୩ ଓଡ଼ିଆ

କଟକ ଅଫିସ,୨୨।୪- ଏପ୍ରିଲ ୨୪ରୁ ୨୮ ତାରିଖ ପର୍ଯ୍ୟନ୍ତ ଥାଇଲାଣ୍ଡର ବ୍ୟାଙ୍କକ୍‌ଠାରେ ବିଶ୍ୱ ଫୁଟଭଲି ଚାମ୍ପିୟନଶିପ ଅନୁଷ୍ଠିତ ହେବ। ଏ ନେଇ କଟକ ସିଟି ଫୁଟ୍‌ଭଲି ଆସୋସିଏଶନ ପକ୍ଷରୁ ବାରବାଟୀ ଷ୍ଟାଡିୟମସ୍ଥିତ ଓସିଏ ସମ୍ମିଳନୀ କକ୍ଷରେ ଭାରତୀୟ ଦଳକୁ ଶନିବାର ସମ୍ବର୍ଦ୍ଧନା ଦିଆଯାଇଥିଲା।