ଖେଳ |

ବିଶ୍ୱ ୟୁଥ ବକ୍ସିଂ ଚାମ୍ପିୟନ୍‌ଶିପ୍‌: ଭାରତକୁ ୫ ସ୍ବର୍ଣ୍ଣ

ବିଶ୍ୱ ୟୁଥ ବକ୍ସିଂ ଚାମ୍ପିୟନ୍‌ଶିପ୍‌: ଭାରତକୁ ୫ ସ୍ବର୍ଣ୍ଣ
ଗୁଆହାଟୀ, ୨୭।୧୧(ପି.ଟି.)- ଏଠାରେ ଅନୁଷ୍ଠିତ ଏଆଇବିଏ ଓ୍ବାଲର୍‌ଡ ଓମେନ ୟୁଥ ବକ୍ସିଂ ଚାମ୍ପିୟନ୍‌ଶିପ୍‌ରେ ଭାରତକୁ ମିଳିଛି ୫ଟି ସ୍ବର୍ଣ୍ଣ ପଦକ। ଏହି ଇଭେଣ୍ଟରେ ଦେଶ ପାଇଁ ନିତୁ (୪୮ କିଗ୍ରା), ଜ୍ୟୋତି ଗୁଲିଆ (୫୧ କିଗ୍ରା), ସାକ୍ଷୀ ଚୌଧୁରୀ (୫୪ କିଗ୍ରା), ଶଶି ଚୋପ୍ରା (୫୭ କିଗ୍ରା) ଓ ଅଙ୍କୁଶିତା ବୋରୋ (୬୪ କିଗ୍ରା) ସର୍ବାଧିକ ସଫଳତା ପାଇଛନ୍ତି। ଏଭଳି ଅପୂର୍ବ ସଫଳତା ଯୋଗୁ ଭାରତର ପଦକ ସଂଖ୍ୟା ୭କୁ ବୃଦ୍ଧି ପାଇଛି। ଏଥିରେ ୫ଟି ସ୍ବର୍ଣ୍ଣ ପଦକ ବ୍ୟତୀତ ୨ଟି ବ୍ରୋଞ୍ଜ ପଦକ ରହିଛି। ପୂର୍ବରୁ ନେହା ଯାଦବ (୮୧ କିଗ୍ରାରୁ ଅଧିକ) ଓ ଅନୁପମା (୮୧ କିଗ୍ରା) ନିଜ ଓଜନ ବର୍ଗର ସେମିଫାଇନାଲରେ ପରାଜିତ ହୋଇ ବ୍ରୋଞ୍ଜ ପଦକରେ ସନ୍ତୁଷ୍ଟ ରହିଥିଲେ। ରବିବାର ଖେଳାଯାଇଥିବା ୪୮ କିଗ୍ରା ବର୍ଗର ଫାଇନାଲରେ ନିତୁ କାଜାଖସ୍ତାନର ଝାଜିରା ଉରାବାୟେଭାଙ୍କୁ ହରାଇଥିଲେ। ତାଙ୍କ ପରେ ୫୧ କିଗ୍ରା ବର୍ଗରେ ରୁଷିଆର ଇକାଟେରିନା ମୋଲଚାନୋଭାଙ୍କୁ ହରାଇ ଜ୍ୟୋତି ସ୍ବର୍ଣ୍ଣ ଜିଣିଥିଲେ। ପ୍ରତିପକ୍ଷ ବକ୍ସର ଅଧିକ ଉଚ୍ଚତାବିଶିଷ୍ଟ ହୋଇଥିଲେ ମଧ୍ୟ ଜ୍ୟୋତିଙ୍କ ଫୁଟଓ୍ବର୍କ ଓ ଠିକ୍‌ ପଞ୍ଚ ଆଗରେ ତିଷ୍ଟିପାରି ନ ଥିଲେ। ସମାନ ପରିସ୍ଥିତି ୫୪ କିଗ୍ରା ବର୍ଗର ଫାଇନାଲରେ ଦେଖିବାକୁ ମିଳିଥିଲା। ଏଥିରେ ସାକ୍ଷୀଙ୍କୁ ଇଂଲଣ୍ଡର ଆଇଭି ଜାନେ ସ୍ମିଥଙ୍କ ଆଗରେ ସଂଘର୍ଷ କରିବାକୁ ପଡ଼ିଥିଲା। ଇଂଲଣ୍ଡ ବକ୍ସର ରିଙ୍ଗରେ ଉନ୍ନତ ପ୍ରଦର୍ଶନ କରିଥିଲେ ମଧ୍ୟ ଜଜ୍‌ମାନେ ଭାରତୀୟ ବକ୍ସର ସାକ୍ଷୀଙ୍କ ସପକ୍ଷରେ ଫଳାଫଳ ଶୁଣାଇଥିଲେ। ଅନ୍ୟପକ୍ଷରେ ୫୭ କିଗ୍ରା ବର୍ଗର ଫାଇନାଲରେ ଶଶି ଏକତରଫା ଭାବେ ଭିଏତନାମର ଏନ୍‌. ଡୋ ହଙ୍ଗଙ୍କୁ ପରାଜିତ କରିଥିଲେ। ଲୋକାଲ ଫେଭରାଇଟ୍‌ ଅଙ୍କୁଶିତା ୬୪ କିଗ୍ରା ବର୍ଗରେ ରୁଷିଆର ଇକାଟେରିନା ଡିନ୍ନକଙ୍କୁ ୩-୨ ବାଉଟ୍‌ରେ ସ୍ବର୍ଣ୍ଣ ପଦକ ନିଜ ନାମରେ କରିଥିଲେ। ଏହି ଇଭେଣ୍ଟରେ ସ୍ବର୍ଣ୍ଣ ପଦକ ଜିତିଥିବା ପ୍ରତ୍ୟେକ ବକ୍ସରଙ୍କୁ ୨ ଲକ୍ଷ ଲେଖାଏ ପୁରସ୍କାର ରାଶି ପ୍ରଦାନ କରାଯିବ ବୋଲି ଭାରତୀୟ ବକ୍ସିଂ ମହାସଂଘ ସଭାପତି ଅଜୟ ସିଂ ଘୋଷଣା କରିଛନ୍ତି। ଉଲ୍ଲେଖଥାଉ କି, ଗତ ସଂସ୍କରଣରେ ଭାରତକୁ କେବଳ ଏକ ବ୍ରୋଞ୍ଜ ପଦକ ମିଳିଥିଲା। ଏଥିବାଦ୍‌ ୨୦୧୧ ପରଠାରୁ କୌଣସି ସଂସ୍କରଣରେ ଭାରତ ସ୍ବର୍ଣ୍ଣ ପଦକ ଜିତିବାକୁ ସକ୍ଷମ ହୋଇ ନ ଥିଲା
All Right Reserved By

ଖେଳ |

ଅଷ୍ଟ୍ରେଲିଆନ୍‌ ଓପନ୍‌ ଟେନିସ୍‌ ସେମିରେ ଜୋକୋଭିଚ୍‌, ଓସାକା: ସେରେନା ଆଉଟ୍‌

ଅଷ୍ଟ୍ରେଲିଆନ୍‌ ଓପନ୍‌ ଟେନିସ୍‌ ସେମିରେ ଜୋକୋଭିଚ୍‌, ଓସାକା: ସେରେନା ଆଉଟ୍‌

ମେଲବୋର୍ନ,୨୩।୧(ଏ.ଏଫ୍‌.ପି.)- ବର୍ଷର ପ୍ରଥମ ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ଅଷ୍ଟ୍ରେଲିଆ ଓପନ୍‌ ଟେନିସ୍‌ ଟୁର୍ନାମେଣ୍ଟ ବୁଧବାର ଦଶମ ଦିବସରେ ପହଞ୍ଚିଛି। ଟୁର୍ନାମେଣ୍ଟର ପୁରୁଷ ଓ ମହିଳା ସିଙ୍ଗଲ୍ସ ସେମିଫାଇନାଲ ମୁକାବିଲା ସ୍ପଷ୍ଟ ହୋଇଛି। ମଙ୍ଗଳବାର ପୁରୁଷ ସିଙ୍ଗଲ୍ସ ଇଭେଣ୍ଟରେ ଦ୍ୱିତୀୟ ସିଡ୍‌ ରାଫାଲ ନାଡ଼ାଲ ଓ ଗ୍ରୀସ୍‌ର ଷ୍ଟିଫାନୋସ ସିଟ୍‌ସିପାସ ମଧ୍ୟରେ ସେମି ମୁକାବିଲା ସ୍ପଷ୍ଟ ହୋଇଥିଲା। ସେହିପରି ବୁଧବାର ଟପ୍‌ ସିଡ୍‌ ସର୍ବିଆର ନୋଭାକ ଜୋକୋଭିଚ୍‌ ଓ ଫ୍ରାନ୍ସର ଲୁକାସ ପାଉଲିଙ୍କ ମଧ୍ୟରେ ସେମିଫାଇନାଲ ମୁକାବଲା ଖେଳାଯିବା ନିଶ୍ଚିତ ହୋଇଛି। ଅନ୍ୟପଟେ ମହିଳା ସିଙ୍ଗଲ୍ସ ଇଭେଣ୍ଟରେ ମଙ୍ଗଳବାର ଅଷ୍ଟମ ସିଡ୍‌ ଚେକ୍‌ ଗଣରାଜ୍ୟର ପେଟ୍ରା ଭିଟୋଭ ଓ ଆମେରିକାର ଡାନିଏଲ କିଲିନ୍ସଙ୍କ ମଧ୍ୟରେ ସେମିଫାଇନାଲ ମ୍ୟାଚ୍‌ ସ୍ଥିର ହୋଇଥିଲା। ବୁଧବାର ଚତୁର୍ଥ ସିଡ୍‌ ଜାପାନର ନାଓମି ଓସାକା ଓ ଚେକ୍‌ ଗଣରାଜ୍ୟର ସପ୍ତମ ସିଡ୍‌ ଖେଳାଳି କାରୋଲିନା ପ୍ଲିସ୍କୋଭାଙ୍କ ମଧ୍ୟରେ ଦ୍ୱିତୀୟ ସେମିଫାଇନାଲ ଖେଳାଯିବା ନିଶ୍ଚିତ ହୋଇଛି।

ପ୍ରଥମ ଦିନିକିଆ: ଭାରତର ସହଜ ବିଜୟ

ପ୍ରଥମ ଦିନିକିଆ: ଭାରତର ସହଜ ବିଜୟ

ନାପିଏର, ୨୩।୧(ପି.ଟି.)- ଅଷ୍ଟ୍ରେଲିଆ ବିପକ୍ଷ ଟେଷ୍ଟ ଓ ଦିନିକିଆ ସିରିଜ ବିଜୟ ପରେ ଭାରତ ନ୍ୟୁଜିଲାଣ୍ଡ ଗସ୍ତକୁ ପୂରା ଷ୍ଟାଇଲରେ ଆରମ୍ଭ କରିଛି।  ସିମର ମହମ୍ମଦ ସାମି ଓ ଅଭିଜ୍ଞ ଓପ୍‌ନର ଶିଖର ଧାଓ୍ବନଙ୍କ ଦମ୍‌ଦାର ପ୍ରଦର୍ଶନ

ପାକିସ୍ତାନ ଅଧିନାୟକଙ୍କୁ ବାସନ୍ଦ କରିବା ଲାଗି ଦାବି

ପାକିସ୍ତାନ ଅଧିନାୟକଙ୍କୁ ବାସନ୍ଦ କରିବା ଲାଗି ଦାବି

ଡବାର୍ନ,୨୩।୧- ପାକିସ୍ତାନ କ୍ରିକେଟ ଟିମ୍‌ ଅଧିନାୟକ ସର୍ଫରାଜ ଅହମ୍ମଦଙ୍କୁ ଅନ୍ତର୍ଜାତୀୟ କ୍ରିକେଟରୁ ବାସନ୍ଦ  ଲାଗି ଦାବି ହୋଇଛି।

ଜ୍ୟାକବଙ୍କ ଲାଗି ହାତ ବଢ଼ାଇଲା ସିଏସ୍‌କେ

ଜ୍ୟାକବଙ୍କ ଲାଗି ହାତ ବଢ଼ାଇଲା ସିଏସ୍‌କେ

ଚେନ୍ନାଇ,୨୩।୧- ପୂର୍ବତନ ଭାରତୀୟ କ୍ରିକେଟ ମାର୍ଟିନ ଜ୍ୟାକବଙ୍କ ସ୍ବାସ୍ଥ୍ୟାବସ୍ଥା ଏବେ ସଙ୍କଟାପନ୍ନ ରହିଛି। ତାଙ୍କ ଚିକିତ୍ସାରେ ସହାଯ୍ୟ କରିବା ଲାଗି ଦେଶର ବହୁ ପୂର୍ବତନ ଓ ବର୍ତ୍ତମାନ କ୍ରିକେଟର ଆଗକୁ ଆସିବା ପରେ ଆଇପିଏଲ ଫ୍ରାଞ୍ଚାଇଜ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ହାତ ବଢ଼ାଇଛି।

ଗାବା ଟେଷ୍ଟରେ ପଦାର୍ପଣ କରିବେ ରିଚାଡସନ, ପାଟରସନ

ଗାବା ଟେଷ୍ଟରେ ପଦାର୍ପଣ କରିବେ ରିଚାଡସନ, ପାଟରସନ

ବ୍ରିସବେନ,୨୩।୧- ସ୍ଥାନୀୟ ଗାବା ଷ୍ଟାଡିୟମ୍‌ରେ ଅଷ୍ଟ୍ରେଲିଆ ଓ ଶ୍ରୀଲଙ୍କା ମଧ୍ୟରେ ଗୁରୁବାରଠାରୁ ଦିବା ରାତ୍ର ଭିତ୍ତିରେ ପ୍ରଥମ ଟେଷ୍ଟ ମ୍ୟାଚ୍‌ ଖେଳାଯିବ। 

ଅଷ୍ଟ୍ରେଲିଆନ୍‌ ଓପନରୁ ସେରେନା ବିଦା

ଅଷ୍ଟ୍ରେଲିଆନ୍‌ ଓପନରୁ ସେରେନା ବିଦା

ମେଲବୋର୍ନ,୨୩।୧- କିମ୍ବଦନ୍ତୀ ମହିଳା ଟେନିସ ଖେଳାଳି ସେରେନା ଓ୍ବିଲିୟମ୍ସ ଏଠାରେ ଚାଲିଥିବା ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ଅଷ୍ଟ୍ରେଲିଆନ ଓପନରୁ ବିଦାୟ ନେଇଛନ୍ତି। 

ଆଇପିଏଲ ଦଳ କିଣିବେ ବଚ୍ଚନ

ଆଇପିଏଲ ଦଳ କିଣିବେ ବଚ୍ଚନ

ନୂଆଦିଲ୍ଲୀ,୨୩।୧- ବଲିଉଡ ମେଗାଷ୍ଟାର ଅମିତାଭ ବଚ୍ଚନ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ) ଫ୍ରାଞ୍ଚାଇଜ କିଣିବା ନେଇ ଇଚ୍ଛୁକ। 

୫,୦୦୦ କ୍ଲବରେ ଧାଓ୍ବନ

୫,୦୦୦ କ୍ଲବରେ ଧାଓ୍ବନ

ନାପିଏର,୨୩।୧- ଭାରତୀୟ କ୍ରିକେଟ ଟିମ୍‌ ଓପନର ଶିଖର ଧାଓ୍ବନ ୫,୦୦୦ କ୍ଲବରେ ସାମିଲ ହୋଇଛନ୍ତି। ଏଥିସହ ସେ କିମ୍ବଦନ୍ତୀ ଓ୍ବେଷ୍ଟଇଣ୍ଡିଜ ବ୍ୟାଟ୍ସମ୍ୟାନ ବ୍ରାଏନ ଲାରାଙ୍କ ସହ ସମକକ୍ଷ ହୋଇଛନ୍ତି।

ଭିନ୍ନ କାରଣରୁ ଖେଳ ସ୍ଥଗିତ

ଭିନ୍ନ କାରଣରୁ ଖେଳ ସ୍ଥଗିତ

ନାପିଏର,୨୩।୧- ଖରାପ ପାଗ, ବର୍ଷା କିମ୍ବା ଆଲୋକ ଅଭାବରୁ କ୍ରିକେଟ ମ୍ୟାଚ ବନ୍ଦ ହୁଏ। ହେଲେ ସ୍ଥାନୀୟ ମ୍ୟାକଲିନ ପାର୍କଠାରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଇଥିବା ପ୍ରଥମ ଦିନିକିଆ ମ୍ୟାଚ୍‌ ଭିନ୍ନ କାରଣରୁ ଖେଳ ବନ୍ଦ ହୋଇଛି।

ଦ୍ରୁତତମ ଭାରତୀୟ ସାମି

ଦ୍ରୁତତମ ଭାରତୀୟ ସାମି

ନାପିଏର,୨୩।୧- ପେସର ମହମ୍ମଦ ସାମି ବୁଧବାର ଅନ୍ତର୍ଜାତୀୟ ଦିନିକିଆ କ୍ୟାରିୟରରେ ୧୦୦ତମ ଉଇକେଟ ନେଇଛନ୍ତି। ଏହି ମାଇଲଷ୍ଟୋନ ସ୍ପର୍ଶ କରିବାରେ ସେ ଦେଶର ଦ୍ରୁତତମ ଭାରତୀୟ ପେସର। 

ଭାରତ ଆଗରେ ୧୫୮ ରନ୍‌ର ବିଜୟଲକ୍ଷ୍ୟ

ଭାରତ ଆଗରେ ୧୫୮ ରନ୍‌ର ବିଜୟଲକ୍ଷ୍ୟ

ନାପିଏର,୨୩।୧- ଭାରତୀୟ ବୋଲରମାନେ ସମ୍ପୂର୍ଣ୍ଣ ଷ୍ଟାଇଲରେ ନ୍ୟୁଜିଲାଣ୍ଡ ଗସ୍ତ ଆରମ୍ଭ କରିଛନ୍ତି। ଏଠାରେ ଖେଳାଯାଉଥିବା ପ୍ରଥମ ମ୍ୟାଚ୍‌ରେ ଭାରତୀୟ ବୋଲରଙ୍କୁ ଉଚିତ ସମ୍ମୁଖୀନ ହୋଇ ନ ପାରି ଘରୋଇ ନ୍ୟୁଜିଲାଣ୍ଡ ଦଳ ମାତ୍ର ୩୮ ଓଭରରେ ୧୫୭ ରନ୍‌ରେ ଅଲଆଉଟ୍‌ ହୋଇଯାଇଛି।

ଅଲିମ୍ପିକ୍‌ ସ୍ବର୍ଣ୍ଣ ବିଜେତା ହକି ଖେଳାଳି ରାଘବୀରଙ୍କ ବିୟୋଗ

ଅଲିମ୍ପିକ୍‌ ସ୍ବର୍ଣ୍ଣ ବିଜେତା ହକି ଖେଳାଳି ରାଘବୀରଙ୍କ ବିୟୋଗ

ନୂଆଦିଲ୍ଲୀ, ୨୩।୧ (ପି.ଟି.)- ଭାରତର ପ୍ରାକ୍ତନ ହକି ଖେଳାଳି ତଥା ଦୁଇଥର ଅଲିମ୍ପିକ ପଦକ ବିଜେତା ରାଘବୀର ସିଂ ଭୋଲଙ୍କ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୯୨ ବର୍ଷ ହୋଇଥିଲା ବୋଲି ତାଙ୍କ ପରିବାର ପକ୍ଷରୁ କୁହାଯାଇଛି।