ଖେଳ |

ପୋଦ୍ଦାରଙ୍କୁ ୭ ଉଇକେଟ

ପୋଦ୍ଦାରଙ୍କୁ ୭ ଉଇକେଟ
ଭୁବନେଶ୍ୱର, ୨୭।୧୧(କ୍ରୀଡ଼ା ପ୍ରତିନିଧି)- ଇନ୍ଦୋରର ହୋଲକାର ଷ୍ଟାଡିୟମରେ ଚାଲିଥିବା ରଣଜୀ ଟ୍ରଫି କ୍ରିକେଟ ମ୍ୟାଚର ଦ୍ୱିତୀୟ ଦିନ ସମ୍ମାନ ଭାଗ କରିଛନ୍ତି ଓଡ଼ିଶା ଅଧିନାୟକ ଗୋବିନ୍ଦ ପୋଦ୍ଦାର ଓ ମଧ୍ୟପ୍ରଦେଶ ଓପନିଂ ବ୍ୟାଟ୍ସମ୍ୟାନ ରଜତ ପଟିଦାର। ରଜତ ଶତକ ହାସଲ କରି ନିଜ ଦଳକୁ ଏକ ସମ୍ମାନଜନକ ସ୍କୋର ଦେବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବାବେଳେ ପୋଦ୍ଦାର କ୍ୟାରିୟରରେ ପ୍ରଥମଥର ପାଇଁ ୭ ଉଇକେଟ ସଫଳତା ପାଇଛନ୍ତି। ମଧ୍ୟପ୍ରଦେଶ ପ୍ରଥମ ଇନିଂସରେ ୩୮୮ ରନ କରିଥିବାବେଳେ ଓଡ଼ିଶା ଦ୍ୱିତୀୟ ଇନିଂସ ଆରମ୍ଭ କରି ରବିବାର ଦ୍ୱିତୀୟ ଦିବସ ଶେଷସୁଦ୍ଧା କୌଣସି ଉଇକେଟ ନ ହରାଇ ୧୮ ରନ ସଂଗ୍ରହ କରିଛି। ଓପନର ରାଜେଶ ଧୂପର ୧୧ ଓ ରଣଜିତ ସିଂ ୭ ରନରେ ଅପରାଜିତ ରହିଛନ୍ତି। କୌଣସି ଉଇକେଟ ନ ହରାଇଥିଲେ ହେଁ ଓଡ଼ିଶା ଏବେ ମଧ୍ୟ ମଧ୍ୟପ୍ରଦେଶର ପ୍ରଥମ ଇନିଂସଠାରୁ ୨୨୩ ରନ ପଛରେ ରହିଛି। ପ୍ରଥମ ଇନିଂସରେ ଓଡ଼ିଶା ମାତ୍ର ୧୪୭ ରନ କରି ଅଲଆଉଟ ହୋଇଥିଲା। ପ୍ରଥମ ଦିବସର ଅସମାପ୍ତ ସ୍କୋର ୯୬/୧ରୁ ଖେଳ ଆରମ୍ଭ କରିଥିବା ମଧ୍ୟପ୍ରଦେଶ ଦ୍ୱିତୀୟ ଦିବସରେ ରଜତଙ୍କ ଶତକ ଏବଂ ଅଧିନାୟକ ଦେବେନ୍ଦୁ ବୁନ୍ଦେଲା ଓ ପୁନୀତ ଦାତେଙ୍କ ଅର୍ଦ୍ଧଶତକ ସହାୟତାରେ ୩୮୮ ରନର ସମ୍ମାନଜନକ ସ୍କୋର କରିଥିଲା। ୨୦ତମ ପ୍ରଥମ ଶ୍ରେଣୀ ମ୍ୟାଚ ଖେଳୁଥିବା ରଜତ ୧୯୯ଟି ବଲ୍‌ର ସମ୍ମୁଖୀନ ହୋଇ ୧୨ ଚୌକା ସହାୟତାରେ ୧୨୩ ରନ କରିଥିଲେ। ଏହାଥିଲା ରଜତଙ୍କ ପାଇଁ ଚଳିତ ସିଜନରେ ପ୍ରଥମ ଏବଂ ମୋଟ ୫ମ ଶତକ। ବୁନ୍ଦେଲା ୧୦୫ ବଲ୍‌ରୁ ୬୨(୭ ଚୌକା, ୧ ଛକା) ଓ ପୁନୀତ ୫୬(୧୧୦ ବଲ, ୭ ଚୌକା, ୨ ଛକା) ରନ କରିଥିବାବେଳେ ମିହିର ହିରଓ୍ବାନୀ ୪୯ ଓ ହରପ୍ରୀତ ସିଂ ୩୬ ରନର ଉପଯୋଗୀ ଇନିଂସ ଖେଳିଥିଲେ। ଓଡ଼ିଶା ପକ୍ଷରୁ ପୋଦ୍ଦାର ଶ୍ରେଷ୍ଠ ସଫଳତା ପାଇଥିଲେ। ସେ ନିଜ ୨୭ ଓଭର ସ୍ପେଲରେ ୩ଟି ମେଡେନ ନେବାସହ ୧୦୨ ରନ ଦେଇ ୭ଟି ଉଇକେଟ ନେଇଥିଲେ। ଏହା ପୂର୍ବରୁ ଗୋଟିଏ ଇନିଂସରେ ତାଙ୍କର ଶ୍ରେଷ୍ଠ ବୋଲିଂ ଥିଲା ୩/୫୯। ଏଠାରେ ସେ ଟପ୍‌ ଅର୍ଡରର ପ୍ରଥମ ୫ ଜଣ ଏବଂ ଲୋୟର ଅର୍ଡରର ୨ଜଣ ବ୍ୟାଟ୍ସମ୍ୟାନଙ୍କୁ ଆଉଟ କରିଥିଲେ। ଦୀପକ ବେହେରା ୨ଟି ଉଇକେଟ ନେଇଥିବାବେଳେ ମିହିର ହିରଓ୍ବାନୀ ରନଆଉଟ ହୋଇଥିଲେ। ସ୍ପେଶାଲିଷ୍ଟ ବୋଲରଙ୍କ ମଧ୍ୟରେ ସୂର୍ଯ୍ୟକାନ୍ତ ପ୍ରଧାନ, ଆଲୋକ ସାହୁ ଓ ଶୁଭମ୍‌ ନାୟକ ମହଙ୍ଗା ସାବ୍ୟସ୍ତ ହୋଇଥିବାବେଳେ ଗୋଟିଏ ହେଲେ ଉଇକେଟ ପାଇ ନ ଥିଲେ।
All Right Reserved By

ଖେଳ |

ଅଷ୍ଟ୍ରେଲିଆନ୍‌ ଓପନ୍‌:  ନାଡାଲ, ଫେଡେରର ୩ୟ ରାଉଣ୍ଡରେ

ଅଷ୍ଟ୍ରେଲିଆନ୍‌ ଓପନ୍‌: ନାଡାଲ, ଫେଡେରର ୩ୟ ରାଉଣ୍ଡରେ

ମେଲବୋର୍ନ, ୧୬।୧(ଏଏଫ୍‌ପି)- ଦୁଇ ଷ୍ଟାର୍‌ ଖେଳାଳି ରାଫାଲ ନାଡାଲ ଓ ରୋଜର ଫେଡେରର ଏଠାରେ ଚାଲିଥିବା ବର୍ଷର ପ୍ରଥମ ଗ୍ରାଣ୍ଡସ୍ଲାମ ଅଷ୍ଟ୍ରେଲିଆନ୍‌ ଓପନ୍‌ ପୁରୁଷ ସିଙ୍ଗଲ୍ସର ୩ୟ ରାଉଣ୍ଡରେ ପ୍ରବେଶ କରିଛନ୍ତି। ତେବେ ଦକ୍ଷିଣ ଆଫ୍ରିକାର ୫ମ ସିଡ୍‌ କେଭିନ୍‌ ଆଣ୍ଡରସନ ପରାଜୟ ୩ୟ ଦିବସର ସବୁଠାରୁ ବଡ଼ ବିପର୍ଯ୍ୟୟ ଥିଲା। ଅପରପକ୍ଷରେ ମହିଳା ସିଙ୍ଗଲ୍ସରେ ଡିଫେଣ୍ଡିଂ ଚାମ୍ପିୟନ କାରୋଲିନ ଓ୍ବଜନିଆକି, ୩ଥର ଗ୍ରାଣ୍ଡସ୍ଲାମ ବିଜୟିନୀ ଆଞ୍ଜେଲିକ କେର୍ବର, ପେଟ୍ରା କ୍ୱିଟୋଭା, ଆମେରିକାର ସ୍ଲୋଆନେ ଷ୍ଟିଫେନ୍ସ ଓ ବେଲିଣ୍ଡା ବେନିକ ପ୍ରମୁଖ ୩ୟ ରାଉଣ୍ଡରେ ସ୍ଥାନ ପକ୍କା କରିଛନ୍ତି।

ମାଲେସିଆ ମାଷ୍ଟର୍ସ: ସାଇନା, ଶ୍ରୀକାନ୍ତଙ୍କ ବିଜୟ ଅଭିଯାନ

ମାଲେସିଆ ମାଷ୍ଟର୍ସ: ସାଇନା, ଶ୍ରୀକାନ୍ତଙ୍କ ବିଜୟ ଅଭିଯାନ

କୁଆଲାଲମ୍ପୁର,୧୬।୧(ପି.ଟି.)- ଅଲିମ୍ପିକ୍‌ ପଦକଧାରୀ ସାଇନା ନେହ୍ବାଲ, କିଡାମ୍ବି ଶ୍ରୀକାନ୍ତ ଓ ପାରୁପଲ୍ଲୀ କାଶ୍ୟପ ଏଠାରେ ଚାଲିଥିବା ମାଲେସିଆ ମାଷ୍ଟର୍ସ ଟୁର୍ନାମେଣ୍ଟରେ ବିଜୟ ସହ ଅଭିଯାନ ଆରମ୍ଭ କରିଛନ୍ତି। ୭ମ ସିଡ୍‌ ସାଇନା ବୁଧବାର ଖେଳାଯାଇଥିବା ମ୍ୟାଚ୍‌ରେ ୧୪-୨୧, ୨୧-୧୮, ୨୧-୧୮ ଗେମ୍‌ରେ ହଂକଂର ଜୟ ଜୁଆନ ଡେଙ୍ଗଙ୍କୁ ହରାଇ ଦେଇଛନ୍ତି।

ଭାରତୀୟ ଫୁଟ୍‌ବଲର ଆନସ ଇଦାଥୋଡିକାଙ୍କ ଅବସର

ଭାରତୀୟ ଫୁଟ୍‌ବଲର ଆନସ ଇଦାଥୋଡିକାଙ୍କ ଅବସର

ମୁମ୍ବାଇ,୧୬।୧- ଭାରତୀୟ ଫୁଟ୍‌ବଲ ଦଳର ସଦସ୍ୟ ଆନସ ଇଦାଥୋଡିକା ବୁଧବାର ଅନ୍ତର୍ଜାତୀୟସ୍ତରରୁ ଅବସର ନେଇଛନ୍ତି। ଏ ନେଇ ୩୧ ବର୍ଷୀୟ ଡିଫେଣ୍ଡର ସୋସିଆଲ ମିଡିଆରେ ଘୋଷଣା ଦେଇଛନ୍ତି। 

 ପୁରୁଷ ଡବଲ୍ସରେ ଭାରତର ଅଭିଯାନ ଶେଷ

ପୁରୁଷ ଡବଲ୍ସରେ ଭାରତର ଅଭିଯାନ ଶେଷ

ମେଲବୋର୍ନ,୧୬।୧(ପି.ଟି.)- ଭାରତର ପୁରୁଷ ଡବଲ୍ସ ଖେଳାଳି ରୋହନ ବୋପାନ୍ନା ଓ ଡିଭିଜ ଶରନଙ୍କ ଯୋଡ଼ି ଅଷ୍ଟ୍ରେଲିଆନ ଓପନର ପ୍ରଥମ ରାଉଣ୍ଡକୁ ଅତିକ୍ରମ କରିବାରେ ବିଫଳ ହୋଇଛନ୍ତି। 

କ୍ରିକେଟରଙ୍କୁ ବିବାହ କରିବା ପୂର୍ବରୁ କ’ଣ କରୁଥିଲେ ଏମାନେ

କ୍ରିକେଟରଙ୍କୁ ବିବାହ କରିବା ପୂର୍ବରୁ କ’ଣ କରୁଥିଲେ ଏମାନେ

ଭାରତୀୟ କ୍ରିକେଟରମାନେ ପଡିଆ ଭିତରେ ଯେତିକି ପପୁଲାର୍‌ ବ୍ୟକ୍ତିଗତ ଜୀବନରେ ମଧ୍ୟ ସେତିକି ରୋଚକ। ବିବାହ ପୂର୍ବରୁ ପପୁଲାର କ୍ରିକେଟରମାନଙ୍କ ପତ୍ନୀ କ’ଣ କରୁଥିଲେ ତାହାକୁ ନେଇ ଉପସ୍ଥାପନା...

ଘରୁ ବାହାରୁ ନାହାନ୍ତି ହାର୍ଦ୍ଦିକ

ଘରୁ ବାହାରୁ ନାହାନ୍ତି ହାର୍ଦ୍ଦିକ

ମୁମ୍ବାଇ,୧୬।୧- ଭାରତୀୟ ଅଲରାଉଣ୍ଡର ହାର୍ଦ୍ଦିକ ପଣ୍ଡ୍ୟାଙ୍କ ବେଳା ଏବେ ଖରାପ ଚାଲିଛି, ଯାହା ସଭିଙ୍କୁ ଜଣା। ଲୋକପ୍ରିୟ ଟକ୍‌ ଶୋ ‘କଫି ଓ୍ବିଥ କରନ’ର ଏକ ଅଧ୍ୟାୟରେ ସେ ସାଥି ଖେଳାଳି ଲୋକେଶ ରାହୁଲଙ୍କ ସହ ମିଶି ମହିଳାଙ୍କ ଉପରେ ଆପତ୍ତିଜନକ ମନ୍ତବ୍ୟ ଦେଇଥିଲେ। 

ଧୋନୀଙ୍କ ତ୍ରୁଟିପୂର୍ଣ୍ଣ ରନ୍‌ ଅଣଦେଖା

ଧୋନୀଙ୍କ ତ୍ରୁଟିପୂର୍ଣ୍ଣ ରନ୍‌ ଅଣଦେଖା

ନୂଆଦିଲ୍ଲୀ,୧୬।୧- ମହେନ୍ଦ୍ର ସିଂ ଧୋନୀଙ୍କ ଦମଦାର ଇନିଂସ ବଳରେ ଅଷ୍ଟ୍ରେଲିଆ ବିପକ୍ଷ ଦିନିକଆ ସିରିଜ୍‌କୁ ଭାରତ ଆଡିଲେଡ୍‌ଠାରେ ବରାବର କରିଛି। ମ୍ୟାଚ୍‌ ଓ୍ବିନିଂ ଇନିଂସ ପରେ ମଧ୍ୟ ପୂର୍ବତନ ଅଧିନାୟକ ଆଉ ଏକ କାରଣ ଯୋଗୁ ଚର୍ଚ୍ଚାରେ ରହିଛନ୍ତି। 

ଫିଲ୍ଡରେ କ୍ରିକେଟରଙ୍କ ମୃତ୍ୟୁ

ଫିଲ୍ଡରେ କ୍ରିକେଟରଙ୍କ ମୃତ୍ୟୁ

କୋଲକାତା,୧୬।୧- ଉଦୀୟମାନ ଅଲରାଉଣ୍ଡର ଅଙ୍କିତ ଶର୍ମା ମଙ୍ଗଳବାର କ୍ରିକେଟ ଫିଲ୍ଡରେ ପ୍ରାଣ ହରାଇଛନ୍ତି। ହୃଦ୍‌ଘାତ ଯୋଗୁ ସେ ପ୍ରାଣ ହରାଇଥିବା  ମେଡିକାଲ କର୍ମକର୍ତ୍ତା କହିଛନ୍ତି। 

ଅଷ୍ଟ୍ରେଲିଆନ ଓପନ: କେଭିନ ଆଣ୍ଡରସନ ଆଉଟ୍‌

ଅଷ୍ଟ୍ରେଲିଆନ ଓପନ: କେଭିନ ଆଣ୍ଡରସନ ଆଉଟ୍‌

ମେଲବୋର୍ନ,୧୬।୧- ଚଳିତ ଅଷ୍ଟ୍ରେଲିଆନ ଓପନର ଦ୍ୱିତୀୟ ରାଉଣ୍ଡରୁ କେଭିନ ଆଣ୍ଡରସନ ବିଦାୟ ନେଇଛନ୍ତି। ଫ୍ରାନ୍ସେସ ଟିଆଫୋ ୪-୬, ୬-୪, ୬-୪, ୭-୫ ସେଟ୍‌ରେ ୫ମ ସିଡ୍‌ ଆଣ୍ଡରସନଙ୍କୁ ହରାଇ ଦେଇଛନ୍ତି।

ଭାରତ ଫୁଟ୍‌ବଲ କୋଚ୍‌ କନ୍‌ଷ୍ଟାଣ୍ଟିନଙ୍କ ଇସ୍ତଫା

ଭାରତ ଫୁଟ୍‌ବଲ କୋଚ୍‌ କନ୍‌ଷ୍ଟାଣ୍ଟିନଙ୍କ ଇସ୍ତଫା

ଶାରଜା, ୧୬।୧(ପି.ଟି.)- ଭାରତୀୟ ଫୁଟ୍‌ବଲ ଦଳର ମୁଖ୍ୟ କୋଚ୍‌ ଷ୍ଟିଫେନ୍‌ କନ୍‌ଷ୍ଟାଣ୍ଟିନ ନିଜ ପଦରୁ ଇସ୍ତଫା ଦେଇଛନ୍ତି। ଚଳିତ ଏସିଆନ୍‌ କପ୍‌ରେ ଭାରତୀୟ ଦଳ ଗ୍ରୁପ୍‌ ପର୍ଯ୍ୟାୟରୁ ବିଦାୟ ନେବାର ଗୋଟିଏ ଦିନ ପରେ ମଙ୍ଗଳବାର କନ୍‌ଷ୍ଟାଣ୍ଟିନ ଏହି ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। 

କଟକରେ ହେବ ଏସିଆ କପ୍‌ ସିନିୟର ରୋଇଂ

କଟକରେ ହେବ ଏସିଆ କପ୍‌ ସିନିୟର ରୋଇଂ

କଟକ ଅଫିସ,୧୬ା୧- କଟକ ଜଗତପୁରସ୍ଥିତ ସାଇ ଜଳକ୍ରୀଡ଼ା କେନ୍ଦ୍ରରେ ହେବ ଏସିଆ କପ୍‌ ସିନିୟର ଏବଂ ଏସିଆନ ଜୁନିୟର ରୋଇଂ ଚାମ୍ପିୟନଶିପ । 

ହକି ଇଣ୍ଡିଆ ସିଲେକ୍ସନ କମିଟିରେ ସର୍ଦ୍ଦାର ସିଂ

ହକି ଇଣ୍ଡିଆ ସିଲେକ୍ସନ କମିଟିରେ ସର୍ଦ୍ଦାର ସିଂ

ନୂଆଦିଲ୍ଲୀ, ୧୬ା୧ (ପି.ଟି.)-ହକି ଇଣ୍ଡିଆ ମଙ୍ଗଳବାର ୧୩ ଜଣିଆ  ସିଲେକ୍ସନ କମିଟି ଗଠନ କରିଛି।