ସମ୍ପାଦକୀୟ |

ରାଷ୍ଟ୍ରାୟତ୍ତ ଉଦ୍ୟୋଗରେ ଦଳୀୟ ନିର୍ଦ୍ଦେଶକ

ରାଷ୍ଟ୍ରାୟତ୍ତ ଉଦ୍ୟୋଗରେ ଦଳୀୟ ନିର୍ଦ୍ଦେଶକ

ସରଳ କୁମାର ଦାସ
ଭ।ରତୀୟ ଜନତା ପାର୍ଟିର ମୁଖ୍ୟ ଜାତୀୟ ପ୍ରବକ୍ତା ସମ୍ବିତ୍‌ ପାତ୍ରଙ୍କ ନାମ ଓଏନ୍‌ଜିସିର ସ୍ବାଧୀନ ନିର୍ଦ୍ଦେଶକ ଭାବେ ଘୋଷଣା ହେବା ପରେ ଅନେକଙ୍କର ଭ୍ରୂକୁଞ୍ଚନ ହୋଇଥିଲା। ତେବେ ତାଙ୍କ ପୂର୍ବରୁ ଭାଜପାର ଆହୁରି ଅନେକ ନେତାଙ୍କୁ ବିଭିନ୍ନ ରାଷ୍ଟ୍ରାୟତ୍ତ ଉଦ୍ୟୋଗରେ ସ୍ବାଧୀନ ନିର୍ଦ୍ଦେଶକ ଭାବେ ନିଯୁକ୍ତି ମିଳିଛି। ସେମାନଙ୍କ ମଧ୍ୟରେ ଓଡ଼ିଶାର ସୁରମା ପାଢୀଙ୍କୁ ବିଏଚ୍‌ଇଏଲ, ଦିଲ୍ଲୀର ଉପସଭାପତି ସାଜିଆ ଇଲମୀଙ୍କୁ ଇଞ୍ଜିନିୟର୍ସ ଇଣ୍ଡିଆ ଲିମିଟେଡ, ଗୁଜରାଟ ଭାଜପା ଆଇଟି ସେଲର ଆବାହକ ରାଜିକା କାଚେରିଆଙ୍କୁ ଭାରତୀୟ କପା ନିଗମ, ଗୁଜରାଟର ସଂଖ୍ୟାଲଘୁ ସମ୍ପ୍ରଦାୟର ଆସିଫା ଖାନ୍‌ଙ୍କୁ ଏଚ୍‌ପିସିଏଲ, ବିହାରର କିରଣ ଘାଇ ସିହ୍ନାଙ୍କୁ ନାଲ୍‌କୋ, ପ୍ରବକ୍ତା ସୟଦ ଜାଫର ଇସ୍‌ଲାମଙ୍କୁ ଏୟାର ଇଣ୍ଡିଆର ସ୍ବାଧୀନ ନିର୍ଦ୍ଦେଶକ ଦାୟିତ୍ୱ ମିଳିସାରିଛି। ଅବଶ୍ୟ ଉପା ଶାସନ ସମୟରେ ମଧ୍ୟ ବିଭିନ୍ନ ରାଜ୍ୟର ଅନେକ କଂଗ୍ରେସ ନେତାଙ୍କୁ ରାଷ୍ଟ୍ରାୟତ୍ତ ବ୍ୟାଙ୍କ ଓ ରାଷ୍ଟ୍ରାୟତ୍ତ ଉଦ୍ୟୋଗର ସ୍ବାଧୀନ ନିର୍ଦ୍ଦେଶକ ଭାବେ ନିଯୁକ୍ତି ମିଳିଥିଲା। ଦେଶରେ ଥିବା ୩୨୦ଟି କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ ମଧ୍ୟରୁ ୨୪୪ଟି ଏବେ ସକ୍ରିୟ। କମ୍ପାନୀ ଆଇନ ୨୦୧୩ର ଧାରା ୧୪୯(୬)ର ପ୍ରାବଧାନ ଅନୁସାରେ ରାଷ୍ଟ୍ରାୟତ୍ତ ଉଦ୍ୟୋଗଗୁଡିକରେ ସ୍ବାଧୀନ ନିର୍ଦ୍ଦେଶକ ନିଯୁକ୍ତ ହୋଇଥାନ୍ତି ଓ ଏମାନଙ୍କ ନିଯୁକ୍ତି କେନ୍ଦ୍ର ସରକାରଙ୍କ କ୍ୟାବିନେଟ୍‌ ନିଯୁକ୍ତି କମିଟି (ଏସିସି) ସ୍ଥିର କରିଥାନ୍ତି। ଏମାନେ ଉଦ୍ୟୋଗର ବେତନଭୋଗୀ କର୍ମଚାରୀ ହୋଇ ନ ଥିବାରୁ ଅଂଶୀଦାରଙ୍କ ସ୍ବାଥର୍ର୍ରକ୍ଷା କରିବା ସହିତ ଉଦ୍ୟୋଗର ପ୍ରଶାସନିକ ସ୍ତରକୁ ଉନ୍ନତ କରିବାରେ ବଳିଷ୍ଠ ଭୂମିକା ନିିର୍ବାହ କରିବା ଆଶା କରାଯାଏ। ଭାରତୀୟ ପ୍ରତିଭୂତି ଓ ବିନିମୟ ବୋର୍ଡ (ସେବି)ର ୨୦୧୪ରେ ପ୍ରଣୀତ ନିୟମ ଅନୁଯାୟୀ ସୂଚୀବଦ୍ଧ କମ୍ପାନୀର ବୋର୍ଡରେ ସର୍ବନିମ୍ନ ଶତକଡା ୫୦ ଭାଗ ସ୍ବାଧୀନ ନିର୍ଦ୍ଦେଶକ ରହିବେ ଓ ସେମାନଙ୍କ ମଧ୍ୟରୁ ଅନ୍ତତଃ ଜଣେ ମହିଳା ହୋଇଥିବେ। ଏହି ନିୟମ ଅନୁଯାୟୀ ଅନେକ ମହିଳାଙ୍କର ସ୍ବାଧୀନ ନିର୍ଦ୍ଦେଶକ ଭାବେ ନିଯୁକ୍ତ ହେବାର ସୁଯୋଗ ସୃଷ୍ଟି ହେଲା। ଏନ୍‌ଡିଏ ସରକାର କ୍ଷମତାକୁ ଆସିଲା ପରେ ରାଷ୍ଟ୍ରାୟତ୍ତ ଉଦ୍ୟୋଗଗୁଡିକର ପେସାଦାର ପରିଚାଳନା ଉପରେ ଗୁରୁତ୍ୱ ଦିଆଯାଉଥିବାରୁ ନିର୍ଦ୍ଦେଶକ ଭାବେ କେବଳ ବୃତ୍ତିରେ ନିପୁଣତା ଥିବା ବ୍ୟକ୍ତିବିଶେଷ ନିଯୁକ୍ତି ପାଇବେ ବୋଲି ଆଶା କରାଯାଉଥିଲା, ଯାହା ହେଲାନାହିଁ। ବାଜପେୟୀଙ୍କ ସମୟରୁ ଭାଜପା ରାଷ୍ଟ୍ରାୟତ୍ତ ଉଦ୍ୟୋଗଗୁଡିକର ପେସାଦାର ପରିଚାଳନା ଉପରେ ଗୁରୁତ୍ୱ ଦେବା ସଙ୍ଗେ ସଙ୍ଗେ ରାଜନୈତିକ ହସ୍ତକ୍ଷେପକୁ ହ୍ରାସ କରିବା ଉପରେ ଗୁରୁତ୍ୱ ଦେଇଆସିଛି। ରାଷ୍ଟ୍ରାୟତ୍ତ ଉଦ୍ୟୋଗଗୁଡିକର ନିର୍ଦ୍ଦେଶକ ଭାବେ ଯେପରି ରାଜନୈତିକ ଦଳର ପ୍ରତିନିଧିମାନେ ମନୋନୀତ ନ ହୁଅନ୍ତି ସେଥିପାଇଁ ମାର୍ଗଦର୍ଶିକା ଜାରି ହୋଇଛି। ଏ ସଂକ୍ରାନ୍ତରେ ବିଭିନ୍ନ ସମୟରେ ସାର୍ବଜନିକ ଉଦ୍ୟୋଗ ବିଭାଗ ବ୍ୟବସାୟ ଏବଂ ଉଦ୍ୟୋଗ କ୍ଷେତ୍ରରେ ଦକ୍ଷତା ଓ ଅନୁଭବ ଥିବା ଟେକ୍ନୋକ୍ରାଟ୍‌, ପରିଚାଳନା ବିଶେଷଜ୍ଞ, ପରାମର୍ଶଦାତା, ପେସାଦାର ପରିଚାଳକଙ୍କୁ ସ୍ବାଧୀନ ନିର୍ଦ୍ଦେଶକ ଭାବେ ନିଯୁକ୍ତ କରିବାକୁ ଦିଶା ନିର୍ଦ୍ଦେଶ ଜାରି ହୋଇଛି। କାର୍ମିକ ଓ ପ୍ରଶାସନ ବିଭାଗ ୨୦୧୭ ଫେବୃୟାରୀରେ ମଧ୍ୟ ସମ୍ପୃକ୍ତ କ୍ଷେତ୍ରରେ ଅନ୍ତତଃ ପକ୍ଷେ ୧୫ ବର୍ଷର ଅନୁଭବ ଥିଲେ ଯାଇ ଜଣକୁ ସ୍ବାଧୀନ ନିର୍ଦ୍ଦେଶକ ପାଇଁ ବିବେଚନା କରିବାକୁ ଅନୁରୂପ ଦିଶା ନିର୍ଦ୍ଦେଶ ଜାରି କରିଥିଲେ। ଏସବୁ ସତ୍ତ୍ୱେ ମୋଦି ସରକାର ନିଜ ଅନୁସୃତ ନୀତିନିୟମ ଓ ସିଦ୍ଧାନ୍ତରୁ ବିଚ୍ୟୁତ ହେବା ଦୁର୍ଭାଗ୍ୟଜନକ। ପେସାରେ ସମ୍ବିତ୍‌ ପାତ୍ର ଜଣେ ଡାକ୍ତର, ସାଜିଆ ଇଲମୀ ଜଣେ ପ୍ରାକ୍ତନ ସାମ୍ବାଦିକ, ରାଜିକା କାଚେରିଆ ଜଣେ ରୂପଚର୍ଯ୍ୟା ବିଶାରଦ ଓ ଜାଫର ଇସଲାମ ଜଣେ ପୂର୍ବତନ ବ୍ୟାଙ୍କ କର୍ମଚାରୀ। ଅର୍ଥାତ୍‌ ନିଯୁକ୍ତି ପାଇଥିବା ଉଦ୍ୟୋଗ ନିମନ୍ତେ ଏମାନଙ୍କ ନିକଟରେ ଆବଶ୍ୟକ ଶିକ୍ଷାଗତ ଯୋଗ୍ୟତା ବା ବୃତ୍ତିଗତ ଅନୁଭବ ନ ଥିବାରୁ ସେମାନେ ଦାୟିତ୍ୱ ନିର୍ବାହ କରିବା ଦିଗରେ କେତେଦୂର ସକ୍ଷମ ହେବେ ତାହା ସହଜେ ଅନୁମେୟ। ସ୍ବାର୍ଥ-ଦ୍ୱନ୍ଦ୍ୱ (କନ୍‌ଫ୍ଲିକ୍ଟ ଅଫ୍‌ ଇଣ୍ଟରେଷ୍ଟ) ପ୍ରସଙ୍ଗରେ ବ୍ରିଟିଶ ବିଚାରପତି ଲର୍ଡ ଡେନିଙ୍ଗଙ୍କ ମତ ପ୍ରଣିଧାନଯୋଗ୍ୟ। ତାଙ୍କ ମତରେ, ‘ଜଣେ ନିର୍ଦ୍ଦେଶକଙ୍କୁ କମ୍ପାନୀର ଶ୍ରେଷ୍ଠ ସ୍ବାର୍ଥରେ ଉଚିତ ନିଷ୍ପତ୍ତି ନେବାର ସ୍ବାଧୀନତା ମିଳୁଥିବା ଯାଏ ଜଣେ ଅଂଶୀଦାରଙ୍କ ଦ୍ୱାରା ସେ ମନୋନୀତ ହେବାରେ କିଛି ଭୁଲ ନାହିଁ। ମାତ୍ର ସେ ତାଙ୍କ ପୃଷ୍ଠପୋଷକଙ୍କ ଚାପର ବଶବର୍ତ୍ତୀ ହୋଇ କମ୍ପାନୀ ସ୍ବାର୍ଥବିରୋଧୀ କୌଣସି କାର୍ଯ୍ୟ କରିବାକୁ ବାଧ୍ୟ ହେଲେ ତାହା ଆଇନସମ୍ମତ ନୁହେଁ।’ ଜଣେ ଦଳୀୟ ନିର୍ଦ୍ଦେଶକଙ୍କ ପୃଷ୍ଠପୋଷକ ହେଉଛନ୍ତି ଉଭୟ ସରକାର ଓ ଦଳ। ତେଣୁ ପରୋକ୍ଷରେ ତାଙ୍କର ଏହି ଦୁଇ ପୃଷ୍ଠପୋଷକଙ୍କ ପ୍ରତି ଆନୁଗତ୍ୟ ରହିବା ସ୍ବାଭାବିକ। ମାତ୍ର ଏଠି ପ୍ରଶ୍ନ ଉଠୁଛି କମ୍ପାନୀ ସ୍ବାର୍ଥ ଓ ସରକାରୀ ବା ଦଳୀୟ ସ୍ବାର୍ଥରେ ଦ୍ୱନ୍ଦ୍ୱ ଉପୁଜିଲେ ଦଳର ସ୍ବାର୍ଥକୁ ଆଗରେ ରଖୁଥିବା କର୍ମୀଟିଏ କମ୍ପାନୀର ସ୍ବାର୍ଥରକ୍ଷା କରିବାକୁ ସମର୍ଥ ହେବ ତ? ସ୍ବାର୍ଥ-ଦ୍ୱନ୍ଦ୍ୱ କିପରି ଉପୁଜେ ତାହା ଓଏନ୍‌ଜିସି ଦ୍ୱାରା ଗୁଜରାଟ ଷ୍ଟେଟ୍‌ ପେଟ୍ରୋଲିୟମ କର୍ପୋରେଶନ (ଜିଏସ୍‌ପିସି)ର କ୍ରିଷ୍ଣା ଗୋଦାବରୀ ବେସିନରେ ଥିବା ଗ୍ୟାସ୍‌ ବ୍ଲକ୍‌ର ୮୦ ଭାଗ ଅଧିକାର ଆହରଣ ପ୍ରସଙ୍ଗଟିକୁ ଆଲୋଚନା କଲେ ବୁଝିହେବ। ଗୁଜରାଟର ମୁଖ୍ୟମନ୍ତ୍ରୀ ଥିବା ବେଳେ ୨୦୦୫ରେ ମୋଦି ଘୋଷଣା କରିଥିଲେ ଯେ ଜିଏସ୍‌ପିସି କ୍ରିଷ୍ଣା ଗୋଦାବରୀ ବେସିନରେ ୨୦ ଲକ୍ଷ କୋଟି ଘନଫୁଟ୍‌ ଗ୍ୟାସ୍‌ର ସନ୍ଧାନ ପାଇଛି। ପ୍ରକୃତରେ ଏତେ ପରିମାଣର ଗ୍ୟାସ୍‌ ଗଚ୍ଛିତ ନ ଥିଲେ ମଧ୍ୟ ଏହି ଘୋଷଣା ଆଧାରରେ ପ୍ରାୟ ୧୫ଟି ବ୍ୟାଙ୍କ ବିପୁଳ ପରିମାଣର ଋଣ କମ୍ପାନୀକୁ ଦେଲେ। କ୍ରମଶଃ ଜିଏସ୍‌ପିସିର ଆର୍ଥିକ ଅବସ୍ଥା ଶୋଚନୀୟ ହୋଇପଡିଲା ଓ କମ୍ପାନୀ ସୁଧ ଶୁଝିବାକୁ ମଧ୍ୟ ଅସମର୍ଥ ହେଲା। ପ୍ରଧାନମନ୍ତ୍ରୀ ମୋଦିଙ୍କ ପାଇଁ ଏହା ଏକ ସମ୍ମାନର ପ୍ରଶ୍ନ ହୋଇଥିବାରୁ ଜିଏସ୍‌ପିସିକୁ ଏହି ଦୁଃସ୍ଥିତିରୁ ଉଦ୍ଧାର କରିବା ପାଇଁ ଓଏନ୍‌ଜିସି ଉପରେ ଚାପ ପଡିଲା। ଓଏନ୍‌ଜିସିର ନିଜସ୍ବ ଆକଳନ ଅନୁସାରେ ସେଠାରେ ମାତ୍ର ୩ ଲକ୍ଷ କୋଟି ଘନଫୁଟ୍‌ ଗ୍ୟାସ୍‌ ଥିବାରୁ ଏହାର ଆହରଣ କମ୍ପାନୀ ପାଇଁ ବିଶେଷ ଲାଭଜନକ ହେଉ ନ ଥିଲେ ମଧ୍ୟ କମ୍ପାନୀର ପରିଚାଳନାମଣ୍ଡଳୀ ଚାପର ବଶବର୍ତ୍ତୀ ହୋଇ ଏହି ଆହରଣ ପାଇଁ ସମ୍ମତି ଜଣାଇବାକୁ ବାଧ୍ୟ ହେଲେ। ଇତିମଧ୍ୟରେ ୭୭୩୮ କୋଟି ଟଙ୍କା ବିନିମୟରେ ଏହି ଆହରଣ ପ୍ରକ୍ରିୟା ସମ୍ପୂର୍ଣ୍ଣ ହୋଇଛି। ‘ପାର୍ଟି ବଡ ନା ମାଟି ବଡ’ ପ୍ରଶ୍ନ ଉଠିଲେ ପାର୍ଟିକୁ ବଡ ମଣୁଥିବା କିଛି ଦଳୀୟ କର୍ମୀ ରାଷ୍ଟ୍ରାୟତ୍ତ ଉଦ୍ୟୋଗର ନିର୍ଦ୍ଦେଶକ ଥାଇ ‘ପାର୍ଟି ବଡ ନା କମ୍ପାନୀ ବଡ’ ପ୍ରଶ୍ନ ଉଠିଲେ ଯେ ଖୁବ ସହଜରେ କମ୍ପାନୀର ସ୍ବାର୍ଥକୁ ଜଳାଞ୍ଜଳି ଦେବାକୁ କୁଣ୍ଠାବୋଧ କରିବେ ନାହିଁ, ଏଥିରେ ସନ୍ଦେହ ନାହିଁ। ସେଭଳି ଲୋକଙ୍କଠାରେ କମ୍ପାନୀର ଭାଗ୍ୟଡୋରି ଟେକିଦେଲେ କମ୍ପାନୀର ସ୍ବାର୍ଥ କେତେ ସୁରକ୍ଷିତ ରହିବ, ତାହା ସହଜରେ ଅନୁମେୟ। ରାଷ୍ଟ୍ରାୟତ୍ତ ଉଦ୍ୟୋଗଗୁଡିକ ଦେଶର ଆର୍ଥିକ ବିକାଶରେ ଏକ ପ୍ରମୁଖ ଭୂମିକା ନିର୍ବାହ କରିଥାନ୍ତି। ସେଗୁଡିକର ପେସାଦାର ପରିଚାଳନା ନ ହେଲେ କମ୍ପାନୀଗୁଡିକ ଆର୍ଥିକ କ୍ଷତି ସହିବା ସହିତ ଦେଶର ଅର୍ଥ ବ୍ୟବସ୍ଥା ଉପରେ ତାହାର ପ୍ରତିକୂଳ ପ୍ରଭାବ ପଡିବା ଅବଶ୍ୟମ୍ଭାବୀ। ତେଣୁ ରାଷ୍ଟ୍ରାୟତ୍ତ ଉଦ୍ୟୋଗଗୁଡିକୁ ରାଜନୈତିକ ହସ୍ତକ୍ଷେପଠାରୁ ମୁକ୍ତ ରଖି ସେଗୁଡିକର ପେସାଦାର ପରିଚାଳନା ଉପରେ ଗୁରୁତ୍ୱ ଦିଆଯିବା ଉଚିତ।
ମୋ-୯୪୩୭୦୩୮୦୧୫, saral_das@yahoo.co.in

All Right Reserved By

Model This Week

ନିକିତା

ସମ୍ପାଦକୀୟ |

ଶିଶୁ ବଳାତ୍କାର: ଦଣ୍ଡ କାହିଁ

ଶିଶୁ ବଳାତ୍କାର: ଦଣ୍ଡ କାହିଁ

୨୦୧୨ ନିର୍ଭୟା ଗଣବଳାତ୍କାର ଘଟଣା ପରେ ଭାରତରେ ମହିଳା ନିର୍ଯାତନା ନିରୋଧୀ ସ୍ବର ଯେଭଳି ସର୍ବୋଚ୍ଚରେ ପହଞ୍ଚତ୍ଥିଲା, ଏବେ ସେଭଳି ପରିସ୍ଥିତିର ପୁନରାବୃତ୍ତି ଘଟିଛି। ନିର୍ଭୟାଙ୍କ ବୟସ ୨୩ ହୋଇଥିବା ବେଳେ ଏବେ ଶିଶୁକନ୍ୟାଙ୍କ ଉପରେ ପାଶବିକ ଅତ୍ୟାଚାର ଯେପରି ଭାବେ ବଢ଼ିଚାଲିଛି ତାକୁ ଦେଖିଲେ ବ୍ୟସ୍ତ ଲାଗୁଛି। ଜମ୍ମୁ-କଶ୍ମୀର କଠୁଆର ୮ ବର୍ଷୀୟା କନ୍ୟା, ଗୁଜରାଟ ସୁରଟର ୧୧ ବର୍ଷୀୟା ଝିଅ, ଓଡ଼ିଶା ନୀଳଗିରିର ୪ ବର୍ଷୀୟା ଶିଶୁକନ୍ୟା, ନିଶ୍ଚିନ୍ତକୋଇଲିର ୬ ବର୍ଷୀୟା ଝିଅଠାରୁ ଆରମ୍ଭ କରି ମଧ୍ୟପ୍ରଦେଶ ଇନ୍ଦୋରର ୪ ମାସର ଶିଶୁକନ୍ୟାଙ୍କୁ ବଳାତ୍କାର ଓ ହତ୍ୟା ପର୍ଯ୍ୟନ୍ତ ଅସଂଖ୍ୟ ଘଟଣା ଘଟିଗଲାଣି। ସବୁଠାରୁ ଅତ୍ୟନ୍ତ ସମ୍ବେଦନଶୀଳ ଇନ୍ଦୋର ଘଟଣାକୁ ଦେଖିଲେ ଯେ କେହି ବିବ୍ରତ ହେବା ସ୍ବାଭାବିକ। ଇନ୍ଦୋର ଶିଶୁକୁ ବଳାତ୍କାର କରିଥିବା ବ୍ୟକ୍ତି ହେଉଛନ୍ତି ସମ୍ପର୍କୀୟ ମାମୁ। ଦେଖିବାକୁ ଗଲେ ୪ ମାସ ଶିଶୁର ବେକ ଟାଣ ହୋଇ ନ ଥାଏ। ଯିଏ ତା’ ସହ ଏପରି ଜଘନ୍ୟ କାଣ୍ଡ ଘଟାଇଥାଆନ୍ତି ତାଙ୍କ ମାନସିକତା ବୁଝିବା ଅସମ୍ଭବ। ଏଠାରେ ସାମାଜିକ ବିଶ୍ଳେଷଣର ପ୍ରୟୋଜନ ଉଠିଲାଣି। ମନେହେଉଛି, ଯେପରି ଏହା କେବଳ ଘୋର ଯୌନ ଲାଳସାର ପରିଣତି ନୁହେଁ। ସହଜ ଭାଷାରେ କହିବାକୁ ଗଲେ ଏହା ଅତ୍ୟନ୍ତ ଜଘନ୍ୟ ଆପରାଧିକ ମାନସିକତାର ପ୍ରତିଫଳନ।

ରେଭେନ୍‌ସା ଯୁଗର ଅବସାନ

ରେଭେନ୍‌ସା ଯୁଗର ଅବସାନ

ଶରତ ଚନ୍ଦ୍ର ମିଶ୍ର/ରେଭେନ୍‌ସା କଲେଜ ଓଡ଼ିଶାର ସର୍ବପୁରାତନ ଉଚ୍ଚ ଶିକ୍ଷାନୁଷ୍ଠାନ। ଦେଢ଼ଶହ ବର୍ଷ (୧୮୬୮) ପୂର୍ବେ ନଅଙ୍କ ଦୁର୍ଭିକ୍ଷର ଦୁଇବର୍ଷ ପରେ ଏ କଲେଜ ସ୍ଥାପିତ ହୋଇଥିଲା। କଟକ କଲେକ୍ଟୋରେଟ୍‌ ପାଖରେ ଏହି ଅନୁଷ୍ଠାନଟି ପଚାଶ ବର୍ଷ ରହିବା ପରେ ଚାଉଳିଆଗଞ୍ଜର ରେସ୍‌କୋର୍ସ ପଡିଆକୁ ଉଠିଆସିଲା ଓ ଗତ ଶହେବର୍ଷ ଧରି ସେହିଠାରେ ଗର୍ବୋନ୍ନତ ଶିର ଉତ୍ତୋଳନ କରି ବିଦ୍ୟମାନ।

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ହିମାଂଶୁ ଶେଖର ଫତେସିଂହ/ପୃଥିବୀର ନିରକ୍ଷୀୟ ଓ ଉପନିରକ୍ଷୀୟ ଅଞ୍ଚଳ ଅନ୍ତର୍ଗତ ୨୪ଂ ଉ.ଅକ୍ଷାଂଶରୁ ୩୮ଂ ଦ.ଅକ୍ଷାଂଶ ମଧ୍ୟବର୍ତ୍ତୀ ଅଞ୍ଚଳରେ ସମୁଦ୍ର ତଟବର୍ତ୍ତୀ ଜୁଆରିଆ ଆର୍ଦ୍ର, ବାଲିଆ ଭୂମିରେ ଏକ ନିର୍ଦ୍ଦିଷ୍ଟ ପ୍ରଜାତିର ଉଦ୍ଭିଦ ଦେଖାଯାଆନ୍ତି। ଏହି ଅଞ୍ଚଳରେ ୨୬ଂରୁ ୩୫ଂ ସେଲ୍‌ସିୟସ୍‌ ପର୍ଯ୍ୟନ୍ତ ଉଚ୍ଚ ବାୟୁମଣ୍ଡଳୀୟ ତାପମାତ୍ରା, ୧୦୦୦ ମିମିରୁ ୩୦୦୦ ମିମି ବୃଷ୍ଟିପାତ, ଉଚ୍ଚ ଲବଣତା, ଜୁଆରିଆ ଜଳ ପ୍ଳାବନ ସତ୍ତ୍ୱେ ଏହି ଉଦ୍ଭିଦଗୁଡ଼ିକ ଜୀବନ ଧାରଣ କରି ବଂଶବୃଦ୍ଧି କରିଥାନ୍ତି।

ଏଇ ଭାରତରେ

ଏଇ ଭାରତରେ

ଲୋକଙ୍କଠାରୁ ମାନବିକତା କ୍ରମେ ହଜିଯାଉଛି। ଅର୍ଥ ଓ ବସ୍ତୁବାଦୀ ହୋଇପଡୁଥିବା ମଣିଷ ଅନ୍ୟ ପ୍ରତି ସହାନୁଭୂତି, ଦୟା ଆଦି ଗୁଣକୁ ହରାଇବସୁଛି। ବିପଦରେ ପଡିଥିବା ଲୋକଙ୍କୁ ସାହାଯ୍ୟ କରିବା ପରିବର୍ତ୍ତେ ସୁଯୋଗର କିଭଳି ଫାଇଦା ଉଠାଇହେବ ସେଥିପ୍ରତି ଆଗ୍ରହ ଦେଖାଉଛି। ଗତ ଶୁକ୍ରବାର ବିଳମ୍ବିତ ରାତିରେ ଦିଲ୍ଲୀ ନିକଟବର୍ତ୍ତୀ ଗାଜିଆବାଦରେ ଘଟିଥିବା ଏକ ଘଟଣା ସମ୍ପର୍କରେ ଶୁଣିଲେ ମଣିଷ ନିକଟରୁ ମାନବିକତାର ଗୁଣ କିପରି ହଜିଯାଉଛି ତାହା ସ୍ପଷ୍ଟ ହୁଏ।

ସଂଖ୍ୟାଗୁରୁ ମାନସିକତା

ସଂଖ୍ୟାଗୁରୁ ମାନସିକତା

ଆକାର ପଟେଲ ଭାରତୀୟ ଉପମହାଦେଶର ଉପନିବେଶୀୟ ପର ପରମ୍ପରା ମୁଖ୍ୟତଃ ଧାର୍ମିକ ରହିଆସିଛି ଏବଂ ସଂଖ୍ୟାଗୁରୁ ଧାର୍ମିକ ଗୋଷ୍ଠୀ ସଂଖ୍ୟାଲଘୁମାନଙ୍କ ବିରୋଧୀ ସାଜିଛନ୍ତି। ଶ୍ରୀଲଙ୍କାରେ ସଂଖ୍ୟାଗୁରୁ ବୌଦ୍ଧ ସିଂହଳୀମାନେ ଧର୍ମ ଓ ଭାଷାକୁ ନେଇ ତାମିଲମାନଙ୍କ ବିରୋଧରେ ଲଢ଼େଇ କରିଛନ୍ତି। ଭାରତରେ ବୌଦ୍ଧ ଓ ହିନ୍ଦୁମାନଙ୍କ ଭିତରେ ଘୃଣା ଭାବ ରହିଛି, ଯାହା ସଂଖ୍ୟାଗୁରୁତ୍ୱର ସ୍ବଭାବ। ଶ୍ରୀଲଙ୍କାର ଗୃହଯୁଦ୍ଧ ପ୍ରାୟ ୨୫ ବର୍ଷ ଧରି ଲାଗିରହିଥିଲା, ଯାହା ଫଳରେ ଶ୍ରୀଲଙ୍କାର ଅନେକ ନେତା ଓ ଭାରତର ରାଜୀବ ଗାନ୍ଧୀଙ୍କ ସମେତ ଲକ୍ଷାଧିକ ଲୋକ ମଲେ। ବାଂଲାଦେଶରେ ପ୍ରାଥମିକ ଜାତୀୟତାବାଦ ଭାଷା ଭିତ୍ତିରେ ଗଢ଼ିଉଠିଥିଲା ଏବଂ ଏହା ବଙ୍ଗାଳୀ ମୁସଲମାନ ଓ ହିନ୍ଦୁମାନଙ୍କୁ ପଶ୍ଚିମ ପାକିସ୍ତାନୀଙ୍କ ଦ୍ୱାରା ସେମାନଙ୍କ ଉପରେ ଜୋରଜବରଦସ୍ତ ଉର୍ଦ୍ଦୁଭାଷାକୁ ଲଦିଦିଆଯିବା ବିରୋଧରେ ଏକତ୍ରିତ କରିଥିଲା। ଆଶ୍ଚର୍ଯ୍ୟର କଥା ମହମ୍ମଦ ଅଲି ଜିନ୍ନା ଜଣେ ...

ବୋହୂଯୋଗ୍ୟା କନ୍ୟା

ବୋହୂଯୋଗ୍ୟା କନ୍ୟା

ପ୍ରକାଶ ତ୍ରିପାଠୀ ଗତ ରବିବାର ସାରେ ଆମେ କିଛି ବନ୍ଧୁ ପୁରୀ ବେଳାଭୂମିରେ ବସିଥିଲୁ। କର୍ମମୟ ଜୀବନରୁ କିଛି ମୁହୂର୍ତ୍ତ ବାହାର କରି ବନ୍ଧୁମାନଙ୍କ ସହ ଦୁଃଖସୁଖ ହେବା କେବଳ ଏହି ଛୁଟିଦିନମାନଙ୍କରେ ହିଁ ସମ୍ଭବ ହୋଇଥାଏ। ତାହା ପୁଣି ଅନିୟମିତ। ସେ ଯାହାହେଉ, ମଝିରେ ମଝିରେ ଏପରି ବନ୍ଧୁମିଳନ ମନରେ ପ୍ରସନ୍ନତା ଭରିଦିଏ ଓ ଆଳାପ ଆଲୋଚନା ଦ୍ୱାରା ମନ ବି ହାଲ୍‌କା ହୋଇଯାଏ। ସେଦିନ କଥାପ୍ରସଙ୍ଗରେ ଜଣେ ବନ୍ଧୁ କହିଲେ ଯେ, ଆଜି ତାଙ୍କ ଘରେ ଝିଅ ଓ ତା’ ମାଆ ମଧ୍ୟରେ ଝଗଡା ହୋଇଯାଇଛି। ଆମେ ଜାଣୁ ଯେ ବନ୍ଧୁଙ୍କ ପତ୍ନୀ ଅତି ସରଳ ଓ ଶାନ୍ତ ସ୍ବଭାବର। ...

 ‘ଲେସ୍‌’ର ଲେଖକ

‘ଲେସ୍‌’ର ଲେଖକ

ବ୍ୟକ୍ତିତ୍ୱ/ଜିତେନ୍ଦ୍ର ଆମେରିକାରେ ଖବରକାଗଜ, ପତ୍ରିକା, ଅନ୍‌ଲାଇନ୍‌ ଜର୍ନାଲିଜିମ୍‌, ସାହିତ୍ୟ ଓ ସଙ୍ଗୀତ ସଂଯୋଜନା କ୍ଷେତ୍ରରେ ‘ପୁଲିଜର ପୁରସ୍କାର’ ମର୍ଯ୍ୟାଦାଜନକ ସମ୍ମାନ ଭାବେ ପରିଚିତ। ହଙ୍ଗେରିଜନ୍ମିତ ଆମେରିକୀୟ ଖବରକାଗଜ ପ୍ରକାଶକ ତଥା ସାମ୍ବାଦିକ ଯୋଶେଫ୍‌ ପୁଲିଜରଙ୍କ ନାମାନୁଯାୟୀ ୧୯୧୭ ମସିହାରୁ ଏହି ସମ୍ମାନ ପ୍ରତିବର୍ଷ କଲମ୍ବିଆ ବିଶ୍ୱବିଦ୍ୟାଳୟ ଦ୍ୱାରା ପ୍ରଦାନ କରାଯାଇଆସୁଛି। ୨୧ଟି କ୍ଷେତ୍ରରେ ଏହି ପୁରସ୍କାର ଦିଆଯାଉଥିବା ବେଳେ ୨୦୧୮ ପାଇଁ କାଳ୍ପନିକ ଲେଖା ସକାଶେ ଆଣ୍ଡ୍ର୍ୟୁ ସିଏନ ଗ୍ରୀର୍‌ ଯୋଗ୍ୟ ବିବେଚିତ ହୋଇଛନ୍ତି।...

ଏଇ ଭାରତରେ

ଏଇ ଭାରତରେ

ପୋଲିସ ପାଖକୁ ଗଲେ ପଇସା ନ ଦେଲେ କୌଣସି କାମ ହୁଏନାହିଁ। ଏହା ବାରମ୍ବାର ପ୍ରମାଣିତ ହୋଇଆସୁଛି। ଖାକି ବର୍ଦ୍ଦି ପିନ୍ଧିଥିବା ଅଧିକାଂଶ ବାବୁ ଅଭିଯୋଗକାରୀଙ୍କ ଆର୍ଥିକ କ୍ଷମତାକୁ ନ ଦେଖି ଅର୍ଥ ଦାବି କରନ୍ତି, ଯାହା ପୈଠ କରିବା କାଠିକର ପାଠ ହୋଇଯାଏ। ନିକଟରେ ବିହାର ବୈଶାଳୀ ଜିଲାର ଜଣେ ଅନାଥ ବାଳକ ଥାନାବାବୁଙ୍କ ଚାହିଦା ପୂରଣ ପାଇଁ ଭିକ୍ଷା କରିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ବୈଶାଳୀ ଜିଲା କଟହରାର ଚେହରାକଳା ଗ୍ରାମର ଜଣେ ଅନାଥ ବାଳକ ବିବେକଙ୍କଠାରୁ ସମ୍ପୃକ୍ତ ଅଞ୍ଚଳର ଜଣେ ଗୁଣ୍ଡା ଶ୍ରେଣୀୟ ବ୍ୟକ୍ତି ଜୋର୍‌ କରି ଜମି ନେଇଯାଇଥିଲେ। ବିବେକ ଏ ସମ୍ପର୍କରେ ପୋଲିସରେ ଅଭିଯୋଗ କରିବାକୁ ଥାନାକୁ ଗଲେ। ମାତ୍ର ଥାନାବାବୁ ତାଙ୍କୁ ଏଥିପାଇଁ ଦଶ ହଜାର ଟଙ୍କା ଦାବି କରିଥିଲେ। ...

 ଭବିଷ୍ୟତ ଗତିବିଧି

ଭବିଷ୍ୟତ ଗତିବିଧି

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ କେନ୍ଦ୍ରୀୟ ପ୍ରତ୍ୟକ୍ଷ କର ପରିଷଦ (ସିବିଡିଟି)ର ଅଧ୍ୟକ୍ଷ ସୁଶୀଲ ଚନ୍ଦ୍ରଙ୍କ ଭବିଷ୍ୟତକୁ ନେଇ ଦିଲ୍ଲୀରେ ନାନା କଳ୍ପନାଜଳ୍ପନା ପ୍ରକାଶ ପାଇଛି। ଆସନ୍ତା ମେ ଶେଷ ସୁଦ୍ଧା ଚନ୍ଦ୍ର ଅବସର ନେବାକୁ ଥିବାବେଳେ ସରକାର ତାଙ୍କ କାର୍ଯ୍ୟକାଳ ପୁଣିଥରେ ବୃଦ୍ଧି କରିପାରନ୍ତି ବୋଲି ଶୁଣିବାକୁ ମିଳୁଛି। ଏଠାରେ ସ୍ମରଣଯୋଗ୍ୟ ଯେ, ଗତବର୍ଷ ମେ ମାସରେ ଚନ୍ଦ୍ର ଅବସର ନେବାର ଥିଲା। କିନ୍ତୁ ତାଙ୍କ ଅବସରର କିଛିଦିନ ପୂର୍ବରୁ ମୋଦି ସରକାର ତାଙ୍କୁ ସିବିଡିଟିର ଅଧ୍ୟକ୍ଷ ଭାବେ ପୁନର୍ନିଯୁକ୍ତ କରିଥିଲେ। ସମ୍ପ୍ରତି ସରକାର ସିବିଡିଟିର ଦୁଇଟି ସଦସ୍ୟ ପଦ ପୂରଣ କରିବା ପାଇଁ ପ୍ରକ୍ରିୟା ଆରମ୍ଭ କରିଥିବାବେଳେ ଚନ୍ଦ୍ରଙ୍କ ଅବସର ପରେ ଖାଲି ହେବାକୁ ଥିବା ଅଧ୍ୟକ୍ଷ ପଦ ପୂରଣ ପାଇଁ ପ୍ରକ୍ରିୟା ଆରମ୍ଭ କରି ନ ଥିବାରୁ ଏପରି କଳ୍ପନାଜଳ୍ପନାକୁ ଖୋରାକ ମିଳିଯାଇଛି। ତେବେ ଆଉ କିଛି ଲୋକଙ୍କ ଅନୁମାନ ଅନୁସାରେ ଚନ୍ଦ୍ରଙ୍କୁ ୧୯୮୪ ବ୍ୟାଚ୍‌ ଆଇପିଏସ୍‌ ଅଫିସର କର୍ନଲ ସିଂଙ୍କ ସ୍ଥାନରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ମୁଖ୍ୟ କରାଯାଇପାରେ।...

ବିଶ୍ୱାସ ନିକିତିରେ ଦେଶର ତଉଲ

ବିଶ୍ୱାସ ନିକିତିରେ ଦେଶର ତଉଲ

ସରଳ କୁମାର ଦାସ ଯେ କୌଣସି ସମାଜର ଉନ୍ନତି ଓ ପ୍ରଗତି ପାଇଁ ଦୃଢ଼ ଭାବେ ସଂସ୍ଥାପିତ, ବିଶ୍ୱସନୀୟ, ଉତ୍ତରଦାୟୀ, ପ୍ରଭାବୀ ଅନୁଷ୍ଠାନଗୁଡ଼ିକର ଆବଶ୍ୟକତା ଗୁରୁତ୍ୱପୂର୍ଣ୍ଣ। ଅନୁଷ୍ଠାନଗୁଡ଼ିକ ସମାଜକୁ ତିଆରି କରୁଥିବା ଇଟାଖଣ୍ଡ ସଦୃଶ। ଜନସାଧାରଣଙ୍କର ସଂସ୍ଥା ଓ ବ୍ୟବସ୍ଥା ପ୍ରତି ଆସ୍ଥା ନ ରହିଲେ ଅରାଜକତା ଦେଖାଦେଇ ତାହା ସମାଜ ଓ ଦେଶର ସଂହତି ପ୍ରତି ବିପଦ ସୃଷ୍ଟି କରିବାର ସମ୍ଭାବନା ଥାଏ। ଲୋକଙ୍କ ଆସ୍ଥା ବିନା ଗୋଟିଏ ଦେଶ ତିଷ୍ଠି ରହିବା ଅସମ୍ଭବ ବୋଲି ବହୁ ଶତାବ୍ଦୀ ପୂର୍ବରୁ ଚୀନ ଦାର୍ଶନିକ କନ୍‌ଫୁସିଅସ୍‌ କହିଥିଲେ।...

ସାହିତ୍ୟ କାହିଁକି

ସାହିତ୍ୟ କାହିଁକି

ଶିବରାମ ଶତପଥୀ ସହିତ ଶବ୍ଦରେ ୟ ପ୍ରତ୍ୟୟ ଯୋଗ କରି ସାହିତ୍ୟ ଶବ୍ଦ ସୃଷ୍ଟ। ପଣ୍ଡିତମାନେ ବ୍ୟାଖ୍ୟା କରି କହିଛନ୍ତି ଯାହା ଜୀବାତ୍ମାକୁ ପରମାତ୍ମାଙ୍କ ସହିତ ମିଶାଏ ତାହା ସାହିତ୍ୟ। ତେବେ ଯୁଗେ ଯୁଗେ ସାହିତ୍ୟ ସୃଷ୍ଟି କରନ୍ତି ଅଳ୍ପକିଛି ସ୍ଥିତଧୀ ବ୍ୟକ୍ତି ଓ ସେଥିରେ ଆପ୍ୟାୟିତ ହୁଅନ୍ତି ଅସଂଖ୍ୟ ପାଠକଳ୍‌। ଯେପରି ଜଣେ ଭଗୀରଥ ଗଙ୍ଗାଙ୍କୁ ସ୍ବର୍ଗରୁ ଅବତରଣ କରାଇଥିଲେ। କେବଳ ଷାଠିଏ ସହସ୍ର ସଗର ପୁତ୍ର ନୁହନ୍ତି କୋଟି କୋଟି ବ୍ୟକ୍ତି ସେ ଜଳରେ ଅବଗାହନ ଓ ପାନ କରି ଉପକୃତ ହେଉଛନ୍ତି। ସାହିତ୍ୟ ସୃଷ୍ଟି ସେପରି ଶାଶ୍ୱତ ଓ ସାର୍ବଜନୀନ ହେବା ଆବଶ୍ୟକ।...

ଏଇ ଭାରତରେ

ଏଇ ଭାରତରେ

ବିବାହ ପୂର୍ବରୁ କନ୍ୟା ତା’ର ପ୍ରେମିକ ସହ ଫେରାର ହୋଇଯିବା ଫଳରେ ବରକୁ ଶିଶୁପାଳ ହୋଇ ଫେରିବାର ଉଦାହରଣ ଅନେକ ରହିଛି। କିନ୍ତୁ ବର ମଦ୍ୟପାନ କରି ବାହା ହେବାକୁ ଆସିଥିବାରୁ କନ୍ୟା ବିନା ଘରକୁ ଫେରିବା ଘଟଣା ଖୁବ୍‌ କମ୍‌ ଦେଖିବାକୁ ମିଳେ। ଏମିତି ଏକ ଘଟଣା ଗତ ମଙ୍ଗଳବାର ଦେଖିବାକୁ ମିଳିଛି ଉତ୍ତରପ୍ରଦେଶର ଇଟାଓ୍ବା ଜିଲା ଶେଖପୁର ସରୌୟା ଗ୍ରାମରେ। କନ୍ୟା କୁମ୍‌କୁମ୍‌ ଖୁବ୍‌ ସାହସ ଦେଖାଇ ମଦ୍ୟପ ବରକୁ ଫେରାଇ ଦେଇଛନ୍ତି। କୁମ୍‌କୁମ୍‌ଙ୍କ ପରିବାର ରୁହନ୍ତି ଶେଖପୁର ସରୌୟା ଗ୍ରାମରେ। ତାଙ୍କର ବିବାହ ସ୍ଥିର ହୋଇଥିଲା ସେହି ଜିଲାର ଯଶଓ୍ବନ୍ତନଗର କସ୍‌ବେ ଗ୍ରାମର ଗୁଲ୍‌ଶନ୍‌ ଯାଦବଙ୍କ ସହ। କୁମ୍‌କୁମ୍‌ ଗୋଟିଏ ସର୍ତ୍ତ ରଖିଥିଲେ ଯେ, ବାହାଘରକୁ କେହି ମଦ ପିଇ ଆସିବେ ନାହିଁ। ବରଯାତ୍ରୀମାନଙ୍କୁ ଏଥିସକାଶେ ବାରଣ ମଧ୍ୟ କରାଯାଇଥିଲା। ...