ସମ୍ପାଦକୀୟ |

ମିଥ୍ୟା ଆରୋପ

ମିଥ୍ୟା ଆରୋପ
ଆକାର ପଟେଲ ମୁଁ ବର୍ତ୍ତମାନ ଇସ୍ତାନ୍‌ବୁଲରୁ ଏ ନିବନ୍ଧଟି ଲେଖୁଛି, ଯେଉଁଠି କୋର୍ଟରେ ଏକ ଆତଙ୍କବାଦ ମାମଲାର ବିଚାରବେଳେ ମୁଁ ପର୍ଯ୍ୟବେକ୍ଷକଭାବେ ଉପସ୍ଥିତ ଅଛି। ବିଚାର ଚାଲିଛି ଆମ୍‌ନେଷ୍ଟି ଇଣ୍ଟରନ୍ୟାଶ୍‌ନାଲ, ତୁର୍କୀର ନିର୍ଦ୍ଦେଶକଙ୍କ ଉପରେ। ଅନେକ ପାଠକ ଜାଣିଥିବେ ଯେ ମୁଁ ମଧ୍ୟ ଏହି ଅନୁଷ୍ଠାନର ଏକ ଅଂଶ ଏବଂ ଆମ୍‌ନେଷ୍ଟି ଇଣ୍ଡିଆର ନିର୍ବାହୀ ନିର୍ଦ୍ଦେଶକ। ମୋର ଦୁଇଜଣ ସହକର୍ମୀ ଇଦିଲ ଆସର ଓ ଟାନେର କିଲିକ ଆତଙ୍କବାଦୀ ସଂଗଠନର ସଦସ୍ୟ ଥିବା ଅଭିଯୋଗରେ ବିଚାରର ସମ୍ମୁଖୀନ ହୋଇଛନ୍ତି। ଇଦିଲଙ୍କୁ କିଛି ସପ୍ତାହ ତଳେ ଜାମିନ ମିଳିଥିଲା କିନ୍ତୁ ଟାନେର ଏବେ ବି ଇଜ୍‌ମିର ଜେଲରେ ଅଛନ୍ତି, ଯାହା ଇସ୍ତାନବୁଲଠାରୁ ୫୦୦ କିମି ଦୂର ଏବଂ ଭିଡିଓ କନ୍‌ଫରେନ୍ସିଂ ମାଧ୍ୟମରେ ତାଙ୍କର ବିଚାର କରାଯାଉଛି। ସେ ଗତ ଜୁନ୍‌ ମାସରୁ ଜେଲରେ ଅଛନ୍ତି। ଏକ ହୋଟେଲରେ ଡିଜିଟାଲ ସୁରକ୍ଷା ଉପରେ ଏକ କର୍ମଶାଳାର ଆୟୋଜନ ପରେ ଉକ୍ତ କର୍ମୀମାନଙ୍କ ବିରୋଧରେ ଅଭିଯୋଗ ଅଣାଯାଇ ତାଙ୍କୁ ଗିରଫ କରାଯାଇଥିଲା। ସରକାର ଦାବି କରୁଛନ୍ତି ଯେ, ଏହା ଏକ ଗୋପନୀୟ ବୈଠକ ଥିଲା, ଯାହା ଗୁପ୍ତଚରଗିରି କରିବା ଓ ସରକାର ବିରୋଧରେ ଷଡ଼ଯନ୍ତ୍ର କରିବା ପାଇଁ ଉଦ୍ଦିଷ୍ଟ ଥିଲା। ଜଣେ ଜର୍ମାନ୍‌ ଓ ଜଣେ ସ୍ବିଡେନ୍‌ବାସୀଙ୍କ ବିରୋଧରେ ବି ବିଚାର ଚାଲିଛି, ଯେଉଁମାନେ ଜାମିନରେ ଖଲାସ ହୋଇଛନ୍ତି। ମାମଲାଟି ଅତ୍ୟନ୍ତ ଦୁର୍ବଳ ଏବଂ ମୁଖ୍ୟ ଅଭିଯୁକ୍ତ ଟାନେରଙ୍କ ବିରୋଧରେ ତାଙ୍କ ମୋବାଇଲ ଫୋନ୍‌ରେ ବାଇଲକ୍‌ ଆପ୍‌ ଡାଉନ୍‌ଲୋଡ୍‌ କରିବାର ଅଭିଯୋଗ ହୋଇଛି, ଯାହା ହ୍ବାଟ୍‌ସଆପ୍‌ ପରି ଏନ୍‌କ୍ରିପ୍ଟେଡ୍‌ (କୋଡେଡ୍‌ ଭାଷାରେ) ଯୋଗାଯୋଗ ପାଇଁ ବ୍ୟବହାର କରାଯାଏ। ତୁର୍କୀ ସରକାରଙ୍କ ଦାବି ଅନୁସାରେ ଗତବର୍ଷ ସରକାରବିରୋଧୀ ଷଡ଼ଯନ୍ତ୍ରରେ ଗୋପନୀୟଭାବେ ଯୋଗାଯୋଗ କରିବା ପାଇଁ ବାଇଲକ୍‌ର ବ୍ୟବହାର କରାଯାଇଥିଲା। ଆମ୍‌ନେଷ୍ଟି ପକ୍ଷରୁ ଟାନେରଙ୍କ ଫୋନ୍‌ର ଦୁଇଟି ଫୋରେନ୍ସିକ୍‌ ଯାଞ୍ଚ କରାଯାଇଥିଲା। ଅନ୍ତର୍ଜାତୀୟ ପ୍ରଯୁକ୍ତି ସଂସ୍ଥା ସିକିଓର ଓ୍ବାର୍କସ ଦ୍ୱାରା କରାଯାଇଥିବା ଯାଞ୍ଚରୁ ତାଙ୍କ ଫୋନ୍‌ରେ ବାଇଲକ୍‌ର ଚିହ୍ନବର୍ଣ୍ଣ ମିଳି ନ ଥିଲା। କୋର୍ଟରେ ଶୁଣାଣି ବେଳେ ଜଣେ ବିଶେଷଜ୍ଞ ଏହା ପ୍ରକାଶ କରିଥିଲେ। ସେଦିନ ସକାଳେ ଆମ୍ଭମାନଙ୍କ ମଧ୍ୟରୁ ଗୋଟିଏ ଦଳ ଜଷ୍ଟିସ୍‌ ପ୍ୟାଲେସ୍‌ (କୋର୍ଟ) ବାହାରେ ଏକ ପ୍ରତିବାଦର ଆୟୋଜନ କରିଥିଲେ। ଅନେକ ସାଧାରଣ ନାଗରିକ ଏଥିରେ ଯୋଗ ଦେଇଥିଲେ। ବିଦେଶୀ ପର୍ଯ୍ୟବେକ୍ଷକମାନଙ୍କ ମଧ୍ୟରେ ବ୍ରାଜିଲ ଓ ଇଂଲଣ୍ଡର ଆମ୍‌ନେଷ୍ଟି ମୁଖ୍ୟଙ୍କ ସମେତ ୟୁରୋପ ଓ ଆମେରିକାର ଅନେକ କୂଟନୀତିଜ୍ଞ ଉପସ୍ଥିତ ଥିଲେ। ମାନବାଧିକାର ସପକ୍ଷରେ ଏକ ବିବୃତି ପାଠ କରାଯାଇଥିଲା। ଟାନେରଙ୍କ ୧୯ ବର୍ଷୀୟା ଝିଅ ଗୁଲ୍‌ନିହାଲ ମଧ୍ୟ ଆମ ସହ ଥିଲେ। କୋର୍ଟ ଭିତରେ ୧୨୦ ଲୋକ ବସିବାର ସୁବିଧା ଥିଲା, ତେଣୁ ବହୁ ଲୋକ ଭିତରେ ପଶି ନ ପାରି ବାହାରେ ରହିଥିଲେ। କୋର୍ଟରେ ତିନିଜଣ ବିଚାରପତି ଥିଲେ- ଦୁଇଜଣ ପୁରୁଷ ଓ ଜଣେ ମହିଳା। ସେମାନେ ଏକ ଉଚ୍ଚା ପ୍ଲାଟଫର୍ମ ଉପରେ ବସିଥିଲେ। ପ୍ରସିକ୍ୟୁଟର (ମାମଲା ପରିଚାଳକ) ମଧ୍ୟ ସେମାନଙ୍କ ସହ ଗୋଟିଏ ପାର୍ଶ୍ୱରେ ବସିଥିଲେ। ସେ ମାତ୍ର ଗୋଟିଏ ଥର ସଂକ୍ଷେପରେ କହିବାର ଶୁଣାଯାଇଥିଲା, ଯାହା ଉପରେ ଛଅ ଘଣ୍ଟାରୁ ଅଧିକ କାଳ ଧରି ଶୁଣାଣି ଚାଲିଥିଲା। ବାଇଲକ୍‌ ଆପ୍‌ ସମ୍ପର୍କରେ ଜଣେ ବିଶେଷଜ୍ଞ ଆଲୋଚନା କରି ଟାନେରଙ୍କ ସପକ୍ଷରେ ଯୁକ୍ତି ବାଢ଼ିଥିଲେ। ଟାନେରଙ୍କ ଫୋନ୍‌ରେ ଥିବା ସଫ୍ଟଓ୍ବେର୍‌ର ଏକ କପି ରଖି ପୋଲିସ ଫୋନ୍‌ଟି ତାଙ୍କୁ ଫେରାଇ ଦେଇଥିଲା। ବିଶେଷଜ୍ଞ ଜଣକ କହିଥିଲେ ଯେ ଟାନେର୍‌ କେବେ ବି ତାଙ୍କ ଫୋନ୍‌ରେ ବାଇଲକ୍‌ ଆପ୍‌ ଡାଉନ୍‌ଲୋଡ୍‌ କରିନାହାନ୍ତି। ଟାନେର କହିଥିଲେ ଯେ, ତାଙ୍କୁ ଗିରଫ କରାଯିବା ପର୍ଯ୍ୟନ୍ତ ସେ ବାଇଲକ୍‌ ଆପ୍‌ ସମ୍ପର୍କରେ ଶୁଣି ବି ନ ଥିଲେ। ଏହା ସତ୍ତ୍ୱେ ପ୍ରଥମ ଶୁଣାଣିରେ ତାଙ୍କୁ ଜାମିନ ମିଳି ନ ଥିଲା। ଦ୍ୱିତୀୟ ଶୁଣାଣି ବିଷୟରେ ଏଠାରେ ଉଲ୍ଲେଖ କରୁଛି। ମଝିରେ ବସିଥିବା ବରିଷ୍ଠ ବିଚାରପତିଙ୍କୁ ବିଶେଷଜ୍ଞ କେତୋଟି ପ୍ରଶ୍ନ ପଚାରିଲେ। ବିଚାର ସମୟରେ ଜଣାଗଲା ମାମଲାଟି ସତ୍ୟ ସପକ୍ଷରେ ନିର୍ଣ୍ଣାୟକଭାବେ ଗତି କରୁଛି। ଆଇପି ଆଡ୍ରେସ୍‌, ବାଇଲକ୍‌ ପରି କେତୋଟି ଇଂଲିଶ ଶବ୍ଦକୁ ଛାଡ଼ିଦେଲେ ମାମଲାଟି ସମ୍ପୂର୍ଣ୍ଣଭାବେ ତୁର୍କୀ ଭାଷାରେ ଶୁଣାଣି ହେଉଥିଲା। ଟାନେରଙ୍କ ବିରୋଧରେ କୌଣସି ପ୍ରମାଣ ନ ଥିବାରୁ ତାଙ୍କୁ ଜାମିନ ପ୍ରଦାନ କରିବାକୁ ସେ ଅନୁରୋଧ କରିଥିଲେ। ପ୍ରସିକ୍ୟୁଟର ଜଣକ ଦିନ ସାରା କେବଳ ଗୋଟିଏ ବାକ୍ୟ କହିବାର ଶୁଣିଛି- ସରକାର ଜାମିନ ଦେବାକୁ ଚାହୁଁନାହାନ୍ତି। ପ୍ରାୟ ଛଅଘଣ୍ଟା ପରେ କେବଳ ଓକିଲ ଓ ଅଭିଯୁକ୍ତଙ୍କୁ ଛାଡ଼ି କୋର୍ଟରୁମ୍‌ରେ ଆଉ କେହି ନ ଥିଲେ। ଆମକୁ ବାହାରେ ଅପେକ୍ଷା କରିବା ପାଇଁ କୁହାଗଲା। ପରେ ଆମେ ଜାଣିଲୁ ଯେ ଜାମିନ ମଞ୍ଜୁର ହେଲା ନାହିଁ। ଏହା ନିରୀହା ଗୁଲ୍‌ନିହାଲଙ୍କ ମନ ଭାଙ୍ଗିଦେଇଥିଲା। ମୁଁ କୋର୍ଟ ରିପୋର୍ଟର ଭାବେ ବହୁବର୍ଷ ଧରି କାର୍ଯ୍ୟ କରିଆସିଛି। କିନ୍ତୁ ଏପରି ଭାବେ ମାନବାଧିକାର ପାଇଁ ଲଢ଼ୁଥିବା ଲୋକଙ୍କ ସ୍ବରକୁ ଚାପିଦେବା, ବାକ୍‌ସ୍ବାଧୀନତାର ହନନ କରିବା ଏବଂ ମିଛରେ ଆତଙ୍କବାଦ ସହ ଜଡ଼ିତ କରିବା ଘଟଣା ଦେଖି ନ ଥିଲି। ମୁଁ ଚାହୁଁଛି ପରବର୍ତ୍ତୀ ଶୁଣାଣି ସମୟରେ ଭାରତ ସରକାର ଜଣେ ପ୍ରତିନିଧିଙ୍କୁ ପଠାନ୍ତୁ। ଆମ ସରକାର ତୁର୍କୀ ସହ ଏ ପ୍ରସଙ୍ଗରେ ଆଲୋଚନା କରିବା ଉଚିତ। ତୁର୍କୀ ସହ ଆମର ସାଂସ୍କୃତିକ ବନ୍ଧନ ରହିଆସିଛି। ଭାରତର ଅଧିକାଂଶ ମୁସଲମାନ ଶାସକ ପ୍ରକୃତରେ ତୁର୍କୀର ଥିଲେ। ମହମ୍ମଦ ଗଜ୍‌ନୀ, ବାବର ଓ ମହୀଶୂରର ଟିପୁ ସୁଲତାନ ତୁର୍କୀର ମୂଳ ବଂଶଜ ଥିଲେ। ତୁର୍କୀର ଉନ୍ନତି ଓ ମାନବାଧିକାର ପାଇଁ କାର୍ଯ୍ୟ କରୁଥିବା ମୋର ସହକର୍ମୀମାନଙ୍କ ମୁକ୍ତି ସକାଶେ ଭାରତ ସରକାର ଉଦ୍ୟମ କରିବା ଉଚିତ ବୋଲି ମୁଁ ଭାବୁଛି। Email: aakar.patel@gmail.com
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଚୋକ୍‌ସିଙ୍କ ପଥ

ସମ୍ପାଦକୀୟ/ ଚୋକ୍‌ସିଙ୍କ ପଥ

ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ସ୍କାମ୍‌ ପ୍ରାୟ ବର୍ଷେ ପୂରଣ କରିବାକୁ ଯାଉଛି। ଇତିମଧ୍ୟରେ ଏହାର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସିଙ୍କୁ ଭାରତ ପ୍ରତ୍ୟର୍ପଣ କରାଯାଇପାରିଲା ନାହିଁ। ଚୋକ୍‌ସି ଆଣ୍ଟିଗୁଆ ନାଗରିକତ୍ୱ ଗ୍ରହଣ କରିସାରିଥିବାରୁ ୨୦୧୯ ଜାନୁୟାରୀ ୨୧ରେ ଭାରତୀୟ ପାସ୍‌ପୋର୍ଟ ସମର୍ପଣ କରିଦେଇଛନ୍ତି। ଭାରତୀୟ ବୈଦେଶିକ ନୀତି ଅନୁଯାୟୀ, ଯେତେବେଳେ ଜଣେ ନାଗରିକ ଅନ୍ୟ ଦେଶର ..

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ

୨୦୧୯ ବର୍ଷର ଶେଷ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ନକାରାତ୍ମକତାର ପ୍ରସାର କରିବା ଅତି ସହଜ କିନ୍ତୁ ଲୋକେ ସକାରାତ୍ମକତାର ପ୍ରସାର ପାଇଁ ଆଗେଇ ଆସିବା ଦରକାର। ପ୍ରଧାନମନ୍ତ୍ରୀଙ୍କ ଭଳି ନେତୃସ୍ଥାନୀୟ ବ୍ୟକ୍ତି ଏଭଳି ସକାରାତ୍ମକତାର ବିଚାର ଦେବା ଅନେକ ଆଶା ଉଦ୍ରେକ କରାଏ। ଏହି ନିର୍ବାଚନୀ ଋତୁରେ ପ୍ରଧାନମନ୍ତ୍ରୀ ‘ମନ୍‌ କି ବାତ୍‌’ରେ ରଖିଥିବା ବିଚାରକୁ ନିଜ ଆଚାରରେ ପରିଣତ କରିପାରିଲେ ତାହା ସକାରାତ୍ମକତାର ଉଦାହରଣ ସୃଷ୍ଟିକରିବ। ନିଜ ବିଚାରକୁ ଆଚାରରେ ପରିଣତ କରି ବିରୋଧୀଙ୍କୁ ଟାହିଟାପରା କରିବାର ପ୍ରବୃତ୍ତିରୁ ନିଜକୁ ଦୂରେଇ ବା ବିରୋ..

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ଡ. ପ୍ରଫୁଲ୍ଲ କୁମାର ସାହୁ

ଉଚ୍ଚଶିକ୍ଷିତ ଭାରତୀୟଙ୍କ ପକ୍ଷରେ ଯେତେବେଳେ ଆଇସିଏସ୍‌ ଚାକିରି ଥିଲା ଶ୍ରେଷ୍ଠ ସଫଳତା, ସେତେବେଳେ ସୁଭାଷ ବୋଷ ଥିଲେ ପ୍ରଥମ ଭାରତୀୟ, ଯିଏ ଆଇସିଏସ୍‌ ପରୀକ୍ଷାରେ ସଫଳତା ଅର୍ଜନ କରି ମଧ୍ୟ ତାହାକୁ ପାଦରେ ଏଡ଼େଇ ଦେଇ କେମ୍ବ୍ରିଜ୍‌ରୁ ସ୍ବଦେଶ ଫେରି ଆସିଥିଲେ ଦେଶମାତୃକାକୁ ସ୍ବାଧୀନ କରିବାର ଦୃଢ଼ ସଂକଳ୍ପ ନେଇ। ସିଧାସଳଖ ବମ୍ବେରେ ମହାମତ୍ା ଗାନ୍ଧୀଙ୍କୁ ସାକ୍ଷାତ କରି (୨୦ଜୁଲାଇ ୧୯୨୧) ସେ କଂଗ୍ରେସରେ ଯୋଗଦେଲେ ଏବଂ..

ଏଇ ଭାରତରେ

ଏଇ ଭାରତରେ

ଦେଶର ବିଭିନ୍ନ ରାଜ୍ୟରେ ବିବାହକୁ ନେଇ ରହିଛି ଭିନ୍ନ ଭିନ୍ନ ପରମ୍ପରା। ବିବାହ ବେଳେ କନ୍ୟା ଓ ବର ଅଗ୍ନିକୁ ସାକ୍ଷୀ ରଖି ସାରା ଜୀବନ ଲାଗି ସାଥୀ ହୋଇଥାଆନ୍ତି। ତେବେ ରାଜସ୍ଥାନର ଶ୍ରୀମାଲୀ ସମ୍ପ୍ରଦାୟରେ ଏକ ଭିନ୍ନ ପରମ୍ପରା ଦେଖିବାକୁ ମିଳେ। ବିଭାଘର ବେଳେ ବର କନ୍ୟାକୁ କୋଳରେ ଧରି ଅଗ୍ନି ଚାରିପାଖରେ ସାତଥର ପ୍ରଦକ୍ଷିଣ କରିଥାଆନ୍ତି। ପୁରାଣରେ ଉଲ୍ଲେଖ ରହିଛି ପ୍ରଭୁ ଶ୍ରୀକୃଷ୍ଣ ରୁକ୍ମିଣୀଙ୍କୁ ବିବାହ କରିବା ସମୟରେ ବିଘ୍ନ ..

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ।