ସମ୍ପାଦକୀୟ |

ପିତାଙ୍କ ରାଜକୁମାରୀ ପତିଙ୍କ ମହାରାଣୀ

ପିତାଙ୍କ ରାଜକୁମାରୀ ପତିଙ୍କ ମହାରାଣୀ

ପ୍ରକାଶ ତ୍ରିପାଠୀ
ଗତ ୧୨ ତାରିଖରେ ଏହି ପୃଷ୍ଠାରେ ପ୍ରକାଶିତ ମୋର ଆଲେଖ୍ୟ ‘ଦିନକର ଘରଣୀ’ ସମ୍ପର୍କରେ ପାଠକଙ୍କଠାରୁ ଅନେକ ମତାମତ ମିଳିଛି। ଘରଣୀ ବା ପତ୍ନୀଙ୍କୁ ବାଦ୍‌ ଦେଇ ଗୋଟିଏ ଉତ୍ତମ ପରିବାରର କଳ୍ପନା ସମ୍ଭବ ନୁହେଁ। ପତ୍ନୀ ଓ ପତି ଠିକ୍‌ ଗୋଟିଏ ମୁଦ୍ରାର ଦୁଇଟି ପାର୍ଶ୍ୱ ଭଳି। ପତ୍ନୀ ବା ପତି ଯେକୌଣସି ଜଣଙ୍କ ଅସହଯୋଗରେ ପରିବାର ଚଳିପାରି ନ ଥାଏ। କିନ୍ତୁ ପୁରୁଷପ୍ରଧାନ ସମାଜରେ ଘରଣୀଙ୍କ ଅବଦାନକୁ କେବେ ବି ଗୁରୁତ୍ୱ ଦିଆଯାଏ ନାହିଁ। ଘରଣୀଟିଏ ଘରେ ଯାହାସବୁ କାମ କରେ, ତାହା ଜଣେ ପୁରୁଷ କଦାପି କରିପାରିବ ନାହିଁ। ମାତ୍ର ଘରଣୀର କିଛି କାମ ନାହିଁ ବୋଲି ସେ ଏହିସବୁ କାମ କରେ- ଏଭଳି ହାଲ୍‌କା ମନ୍ତବ୍ୟ ସାଧାରଣତଃ ଶୁଣିବାକୁ ମିଳିଥାଏ। ପୂର୍ବ ପ୍ରକାଶିତ ଆଲେଖ୍ୟରେ ଉଲ୍ଲେଖ କରାଯାଇଥିବା ଘରଣୀଙ୍କ ପରିବାରଟି ସହରର ଏକ ତଥାକଥିତ ଅଣୁପରିବାର (ପତ୍ନୀ, ପତି ଓ ଗୋଟିଏ ପୁତ୍ର)। ସେହି ଅନୁପାତରେ ଗୋଟିଏ ବଡ ପରିବାରରେ ଜଣେ ଘରଣୀଙ୍କର କାର୍ଯ୍ୟ ନିଶ୍ଚିତ ଆହୁରି ଅଧିକ। ଏ ସମ୍ପର୍କରେ ଅଧିକ କିଛି ଲେଖିବାକୁ କିଛି ପାଠକଙ୍କ ଅନୁରୋଧରେ ଆଜିର ଏହି ଆଲେଖ୍ୟ ପ୍ରସ୍ତୁତ। ବାସ୍ତବରେ ପରିବାର ପାଇଁ ଘରଣୀଟିଏ ଯାହାସବୁ କରେ ତାହା ମୂଲ୍ୟାୟନ କରିବା ସହଜ ନୁହେଁ। ଝିଅଟିଏ ଜନ୍ମ ହେଉ ହେଉ ତାକୁ ପ୍ରତିମୁହୂର୍ତ୍ତରେ ସ୍ମରଣ କରାଇ ଦିଆଯାଏ ଯେ ଝିଅ ଜନମ ପର ଘରକୁ। ଅର୍ଥାତ୍‌ ସେ ଯେଉଁ ଘରେ ଜନ୍ମ ହୋଇ ଛୋଟରୁ ବଡ ହେବ, ଯେଉଁଘରେ ମା-ବାପା, ଭଉଣୀ-ଭାଇ, ଜେଜେମା-ଜେଜେବାପାଙ୍କ ଗହଣରେ ହସିଖେଳି ଦିନ କାଟିବ, ସେ ଘର ତା’ ନିଜ ଘର ନୁହେଁ। ଦିନେ ଏ ସବୁକୁ ଛାଡି ଅନ୍ୟ ଘରକୁ ସେ ନିଜର କରିବ। ନିଜ ଘରର ସମସ୍ତଙ୍କୁ ଭୁଲି ଅଜଣା, ଅଚିହ୍ନା ଲୋକଙ୍କ ସହ ସମ୍ପର୍କ ଯୋଡିବ। ପତି ରୂପରେ ପାଇଥିବା ପୁରୁଷର ନାମରେ ମଥାରେ ସିନ୍ଦୂର ଲଗାଇବ, ହାତରେ ଶଙ୍ଖା ପିନ୍ଧିବ। ଜନ୍ମଦାତା ମା-ବାପା ବଦଳରେ ସ୍ବାମୀ ରୂପରେ ପାଇଥିବା ଲୋକଟିକୁ ଇହକାଳ, ପରକାଳର ଦେବତା ରୂପେ ପୂଜିବ। ବିବାହ ପରେ ଝିଅଟିଏ ବଦଳିଯାଏ ଘରଣୀକୁ। ତା’ ସହିତ ତା’ ପାଇଁ ବଦଳିଯାଏ ସାରା ଦୁନିଆ। ବଦଳିଯାଏ ତା’ର ନାଁ। ବାପାର ସାଙ୍ଗିଆ କଟିଯାଇ ପତିର ସାଙ୍ଗିଆ ଯୋଡିହୋଇଯାଏ। ପତିର ବଂଶରକ୍ଷା ପାଇଁ ଗର୍ଭଧାରଣ କରେ। ଦଶମାସର ଗର୍ଭଯନ୍ତ୍ରଣା ସହି ଯେଉଁ ସନ୍ତାନଟିକୁ ଜନ୍ମ ଦିଏ ସେ ବି ପତିର ନାମ ଧାରଣ କରେ। ନିଜର ନାମ ଓ ଅସ୍ତିତ୍ୱକୁ ସମ୍ପୂର୍ଣ୍ଣ ହଜାଇଦେଇ ସେ ତା’ର ଅବଶିଷ୍ଟ ଜୀବନ କେବଳ ତ୍ୟାଗ ହିଁ କରିଚାଲେ। ପିଲାଟି ଜନ୍ମ ହେବାଠାରୁ ବଡ ହେବା ପର୍ଯ୍ୟନ୍ତ ସମସ୍ତ ଲାଳନପାଳନ ଦାୟିତ୍ୱ କେବଳ ମା’ରୂପୀ ଘରଣୀର। ବିବାହ କରିବା ଦିନଠାରୁ ସେ ନିଜ ଜୀବନକୁ ପତିର ପରିବାର ପାଇଁ ଉତ୍ସର୍ଗ କରିଚାଲେ। ରୋଷେଇ କରିବା, ଲୁଗାପଟା ସଫା କରିବା, ଘରକୁ ସଫା ସୁନ୍ଦର ରଖିବା, ବାସନ ମାଜିବା, ପତିଙ୍କ ମା-ବାପା ଅର୍ଥାତ୍‌ ଶାଶୁ-ଶ୍ୱଶୁରଙ୍କ ସେବା କରିବା, ଘରକୁ ବନ୍ଧୁବାନ୍ଧବ ଆସିଲେ ସେମାନଙ୍କ ଚର୍ଚ୍ଚା କରିବା, ରୋଗବ୍ୟାଧିରେ ପରିବାରର ସମସ୍ତଙ୍କ ସେବା-ଶୁଶ୍ରୂଷା କରିବା, ନଣନ୍ଦ ଦିଅରଙ୍କ ମନ ବୁଝି ସେମାନଙ୍କ କାମ କରିବା ଓ ସର୍ବୋପରି ପତି ପରମେଶ୍ୱରଙ୍କୁ ସମସ୍ତ ସୁଖ ଦେଉ ଦେଉ ସେ କେତେବେଳେ ଯେ ନିଜ ଖୁସି କଥା ଭୁଲିଯାଏ ଜାଣିପାରେ ନାହିଁ। ସମସ୍ତଙ୍କ ପସନ୍ଦକୁ ସମ୍ମାନ ଦେଇ ଦେଇ ନିଜ ପସନ୍ଦ-ନାପସନ୍ଦ କଥା ପାଶୋରିଯାଏ। ନିଜର ସ୍ବାସ୍ଥ୍ୟ, ସୌନ୍ଦର୍ଯ୍ୟ, ରୁଚିକୁ ଭୁଲି ପରିବାରର ସୁଖ ସମୃଦ୍ଧି କାମନା କରିବା ହୋଇଯାଏ ତା’ଜୀବନର ମୁଖ୍ୟ ବ୍ରତ। ନା ସେ ମନଖୋଲି ହସିପାରେ, ନା କାନ୍ଦିପାରେ। ସ୍ବାଧୀନ ଭାବେ ନିଜର ଇଚ୍ଛା ବି ପ୍ରକାଶ କରିପାରେନି ସେ। ଝିଅ ଜୀବନର ସମସ୍ତ ଚପଳତା ଯେମିତି ଦବିଯାଏ ପତ୍ନୀଟିଏ ହେବାର ଗୁରୁଦାୟିତ୍ୱ ନେବାରେ। କେତେଜଣ ପତି ପତ୍ନୀଙ୍କର ଏପରି ତ୍ୟାଗକୁ ବୁଝନ୍ତି? ଇଏ ତ ଗଲା ସାଧାରଣ ପରିବାରରେ ଗୃହିଣୀମାନଙ୍କ କଥା। ଏପରି ଅନେକ ପରିବାର ଅଛି ଯେଉଁଠାରେ କି ଘରଣୀମାନଙ୍କୁ ନିଜ ଘର ଭିତରେ ବି ମୁହଁକୁ ଅନାବରଣ କରିବାକୁ ଅନୁମତି ନ ଥାଏ। ଘରଣୀମାନେ ବାହାରକୁ ଯିବା ମନା। ପରିବାର ଲୋକଙ୍କ ବ୍ୟତୀତ ଅନ୍ୟ କାହା ସଙ୍ଗେ କଥା ହେବା ମନା। ମାର୍କେଟ ଯିବାକୁ ଅନୁମତି ନ ଥାଏ କି ସିନେମା ଦେଖିବାକୁ ଅନୁମତି ମିଳେନା। ପାର୍କରେ ବୁଲିବା କଥା କିଏ ପଚାରେ? କେବଳ ପତିଙ୍କ ଇସାରାରେ କାର୍ଯ୍ୟ କରିବାର ଅନୁମତି। ପତିମାନଙ୍କ ଖୁସି ହିଁ ସେମାନଙ୍କ ଖୁସି। ଚାରିକାନ୍ଥ ଭିତରେ ଜୀବନ କଟିଯାଏ ମୃତ୍ୟୁ ପର୍ଯ୍ୟନ୍ତ। ଏପରି କି ଗୃହିଣୀଟିର ପସନ୍ଦ, ଅପସନ୍ଦ, ଇଚ୍ଛା-ଅନିଚ୍ଛା ବିଷୟରେ ପଦୁଟିଏ ପଚାରିବାକୁ କେହି ଉଚିତ ମନେକରି ନ ଥାନ୍ତି। ଘରଣୀମାନଙ୍କୁ ଏଭଳି ଦାସତ୍ୱ ଜୀବନ ବିତାଇବାକୁ ପରମ୍ପରା କରିଥିବା ପତିମାନେ ଗୋଟିଏ ଦିନ ଏପରି ଜୀବନ ବିତାଇପାରିବେ କି? ପତିମାନେ ପତ୍ନୀମାନଙ୍କ ପାଇଁ ଈଶ୍ୱର, ପରମେଶ୍ୱର ଓ ଇହକାଳ ପରକାଳର ଦେବତା। ଆଉ ପତ୍ନୀମାନେ ପତିମାନଙ୍କ ପାଇଁ କ’ଣ? ପତି ଜିଇଥିବା ଯାଏ ପତ୍ନୀଟିଏ ସଧବା। ପତିଙ୍କ ଦେହାନ୍ତ ପରେ ବିଧବା। ଏହାପରେ ଘରଣୀଟିଏ ପାଇଁ ବଢିଯାଇଥାଏ କଟକଣା। ଯାବତୀୟ ଓଷା, ବ୍ରତ ଓ ହବିଷ କେବଳ ପତ୍ନୀ ପାଇଁ। ପତି ଜିଇଥିବା ବେଳେ ଯେତିକି, ପତିର ଦେହାନ୍ତ ପରେ ତା’ଠାରୁ ଅଧିକ। ପତିଙ୍କ ଦେହାନ୍ତ ପରେ ପତ୍ନୀ ପାଇଁ ଖାଇବା, ପିନ୍ଧିବା ସବୁଥିରେ କଟକଣା, ହେଲେ ପତ୍ନୀଙ୍କ ଦେହାନ୍ତ ପରେ ପତି ପାଇଁ କିଛି ବି କଟକଣା ନାହିଁ। ସୁପରଷ୍ଟାର ଅମିତାଭ ବଚ୍ଚନ ନିଜ ଅଭିନୀତ ସିନେମା ‘ପିଙ୍କ’ ମୁକ୍ତିଲାଭ ଅବସରରେ ଏକ ମର୍ମସ୍ପର୍ଶୀ ବ୍ଲଗ୍‌ ପତ୍ନୀମାନଙ୍କ ସପକ୍ଷରେ ଲେଖିଥିଲେ। ସେଥିରେ ସେ ପ୍ରଶ୍ନ କରିଥିଲେ- ତୁମ ମା’ ଓ ତୁମ ପତ୍ନୀଙ୍କ ମଧ୍ୟରେ ଫରକ କ’ଣ? ଉଭୟ ଆମକୁ ଭଲ ପାଆନ୍ତି। ଆମ ପାଇଁ ସେମାନଙ୍କ ସ୍ବାର୍ଥ ତ୍ୟାଗ କରନ୍ତି। ଆମ ମନପସନ୍ଦର ଖାଦ୍ୟ ରାନ୍ଧି ଆମକୁ ବଳେଇ ବଳେଇ ଖୁଆନ୍ତି। ଆମ ମଙ୍ଗଳ ପାଇଁ ଈଶ୍ୱରଙ୍କୁ ପ୍ରାର୍ଥନା କରନ୍ତି ଓ ନାନାଦି ଓଷାବ୍ରତ ପାଳନ୍ତି। ଆମରି ପାଇଁ ହିଁ ଉଭୟ ବଞ୍ଚିଥାନ୍ତି। ଯଦି ମା’ ଆମକୁ ଏ ଦୁନିଆକୁ ଆଣିଥାଏ ତେବେ ପତ୍ନୀ ଆମକୁ ନେଇ ଏକ ନୂଆ ଦୁନିଆ ଗଢିଥାଏ।... କିନ୍ତୁ କ’ଣ ପାଇଁ ପତିମାନେ ପତ୍ନୀମାନଙ୍କୁ ପ୍ରତିବେଳେ ପ୍ରତି କ୍ଷେତ୍ରରେ ଅବହେଳା କରନ୍ତି ଓ ନୂ୍ୟନ ମଣନ୍ତି? ପତ୍ନୀମାନେ ତୁମଠାରୁ କିଛି ଆଶା କରନ୍ତି ନାହିଁ। କେବଳ ତୁମର ସାହଚର୍ଯ୍ୟ ଆଶା କରନ୍ତି। ତୁମେ ସର୍ବଦା ତାଙ୍କ ସାଥିରେ ଅଛ, ଏତିକି କେବଳ ତାଙ୍କୁ ଅନୁଭବ କରିବାକୁ ଦିଅ, ସେତିକି ହିଁ ତାଙ୍କ ପାଇଁ ଯଥେଷ୍ଟ। ସେଥିରୁ ହିଁ ସେ ହୃଦୟଙ୍ଗମ କରିପାରିବେ ଯେ ଗତକାଲି ବାପାଙ୍କର ଥିବା ରାଜକୁମାରୀ ଆଜି ପତିଙ୍କର ମହାରାଣୀ। ଅମିତାଭଙ୍କ ଉକ୍ତି ଶତପ୍ରତିଶତ ସତ୍ୟ ଓ ସ୍ବାଗତଯୋଗ୍ୟ। ଆଜିକାଲି ଅଧିକାଂଶ ଜୋକ୍ସ ବା ହସକଥା ପ୍ରସ୍ତୁତ ହେଉଛି ଓ ପରିବେଶିତ ହେଉଛି କେବଳ ପତ୍ନୀମାନଙ୍କୁ ନେଇ। ଟିଭିରେ ପ୍ରଦର୍ଶିତ କମେଡି ହେଉ ବା ମେଲୋଡି ହେଉ, ଫେସ୍‌ବୁକ୍‌ ହ୍ବାଟ୍ସ ଆପ୍‌ ଭଳି ସୋସିଆଲ ମିଡିଆ ହେଉ ବା ବ୍ୟଙ୍ଗ କବିତା ଆସର ହେଉ, ସବୁଠାରେ ସେଇ ଘରଣୀମାନଙ୍କୁ ନେଇ ବ୍ୟଙ୍ଗ, ଉପହାସ। ସତେଯେମିତି ଏ ଦୁନିଆରେ ଘରଣୀମାନଙ୍କୁ ବାଦ୍‌ ଦେଇ ହସକଥା ପ୍ରସ୍ତୁତ ହୋଇପାରିବ ନାହିଁ। ଆମେ ବ୍ୟଙ୍ଗ କରିବା ପୂର୍ବରୁ ଭୁଲିଯିବା ଅନୁଚିତ ଯେ ବ୍ୟଙ୍ଗର ଶିକାର ହେଉଥିବା ଘରଣୀଟିଏ କାହାର ମା’ ହୋଇଥିବ, ଭଉଣୀ ହୋଇଥିବ ଅଥବା କାହାର କନ୍ୟାଟିଏ ହୋଇଥିବ। ଯଦି ଭଉଣୀ, ମା’ ବା ଝିଅ ସମ୍ପର୍କରେ ଆମେ ପଦୁଟିଏ ଥଟ୍ଟା କଥା ଶୁଣିବାକୁ ପ୍ରସ୍ତୁତ ନୋହୁଁ, ତେବେ ଘରଣୀଙ୍କ ସମ୍ପର୍କରେ ତାଚ୍ଛଲ୍ୟପୂର୍ଣ୍ଣ ଶବ୍ଦ ଉଚ୍ଚାରଣ କରିବାକୁ ଆମ ଜିଭ ପ୍ରସ୍ତୁତ ହେଉଛି କିପରି? ଘରଣୀମାନଙ୍କ ବାବଦରେ ପତିମାନେ ଏତେ ଅସଚେତନ କାହିଁକି?
ମୋ-୯୪୩୭୨୩୨୪୬୩, ଇମେଲ୍‌-prakas.tripathy09@gmail.com

All Right Reserved By

ସମ୍ପାଦକୀୟ |

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ବରୁ ଏହି ସ୍ତମ୍ଭରେ ଶସ୍ୟକ୍ଷେତ୍ରରେ ପଞ୍ଚଗବ୍ୟର ବ୍ୟବହାର ଉପରେ ଏକ ନିବନ୍ଧ ଲେଖିଥିଲି। ବହୁବର୍ଷର ଗବେଷଣା ପରେ ଉକ୍ତ ପୁସ୍ତକ ଲେଖିଥିବା ଡ. କେ. ନଟରାଜନ୍‌ ଏଥିରେ ପ୍ରାଣୀମାନଙ୍କ ଉପରେ ପଞ୍ଚଗବ୍ୟର ପ୍ରଭାବ ସମ୍ବନ୍ଧରେ ମଧ୍ୟ ଏକ ଅଧ୍ୟାୟ ଲେଖିଛନ୍ତି। ଗଛଲତା ଉପରେ ଅଧ୍ୟୟନ ପରେ ତାଙ୍କ ଗବେଷକ ଦଳ ପ୍ରାଣୀ ଓ ମନୁଷ୍ୟ ଉପରେ ଅଧ୍ୟୟନ ଆରମ୍ଭ କରିଦେଇଥିଲେ। ପୂର୍ବ ନିବନ୍ଧଟି ଯେଉଁମାନେ ପଢ଼ି ନ ଥିବେ ସେମାନଙ୍କ ପାଇଁ ଏହାର ପ୍ରସ୍ତୁତି ପ୍ରଣାଳୀ ନିମ୍ନରେ ଆଉ ଥରେ ଲେଖୁଛି।...

ଅଭାବର ଚିତ୍ରପଟ

ଅଭାବର ଚିତ୍ରପଟ

ଡ. ସୁବାସ ଚନ୍ଦ୍ର ପାତ୍ର ଦାରିଦ୍ର୍ୟର ମାତ୍ରା ତଥା କିସମ ଅଛି। ବିଭିନ୍ନ ପ୍ରକାର ଦାରିଦ୍ର୍ୟରେ ମଣିଷ ହନ୍ତସନ୍ତ କିନ୍ତୁ ଅର୍ଥନୈତିକ ଦାରିଦ୍ର୍ୟ ମଣିଷକୁ ବେଶି ନିପୀଡ଼ିତ କରେ କାରଣ ତା’ର ପ୍ରଭାବ ଦୃଶ୍ୟମାନ। ସବୁ ଦରିଦ୍ରତା ପଛରେ ଥାଏ ଏକ ଅଭାବବୋଧ ଏବଂ ଏହି ଅଭାବ ଯେତେବେଳେ ସର୍ବବ୍ୟାପୀ ଓ ସର୍ବଗ୍ରାସୀ ହୋଇଯାଏ ସେଇଠି ଦାରିଦ୍ର୍ୟ ହୋଇପଡ଼େ ଦୁର୍ବିଷହ।...

ପତିତପାବନ ଯାତ୍ରା

ପତିତପାବନ ଯାତ୍ରା

ପଣ୍ଡିତ ଡ. ଅନ୍ତର୍ଯ୍ୟାମୀ ମିଶ୍ର ପୁରୁଷୋତ୍ତମ ଜଗନ୍ନାଥ ଦିବ୍ୟ ନୀଳାଚଳରେ ଅନାଦିକାଳରୁ ଦାରବୀ ଲୀଳା ସଂରଚନା କରିଛନ୍ତି। ତାଙ୍କ ଦିବ୍ୟ ଲୀଳାକୁ ଦୁଇଭାଗରେ ବିଭକ୍ତ କରାଯାଇଛି- ଶ୍ରୀମନ୍ଦିର ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତି ସ୍ବରୂପରେ ଐଶ୍ୱର୍ଯ୍ୟଲୀଳା ଏବଂ ରଥଯାତ୍ରାରେ ଅଗଣିତ ଭକ୍ତଙ୍କ ସହିତ ମାଧୁର୍ଯ୍ୟଲୀଳା। ତାଙ୍କର ଏହି ମାଧୁର୍ଯ୍ୟଲୀଳା ଶତାବ୍ଦୀ ଶତାବ୍ଦୀ ଧରି ବିଶ୍ୱମାନସକୁ ଉଦ୍‌ବୁଦ୍ଧ କରିଆସିଛି। ବିଶ୍ୱର କୋଣ ଅନୁକୋଣରୁ ଲକ୍ଷ ଲକ୍ଷ ଭକ୍ତ ଶ୍ରୀଜଗନ୍ନାଥଙ୍କ ରଥଯାତ୍ରା ଦର୍ଶନ କରିବାକୁ ଶ୍ରୀକ୍ଷେତ୍ର ଆଗମନ କରିଥାନ୍ତି। ଏହି ଯାତ୍ରାରେ ପ୍ରଭୁ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ଦିନେ ନା ଦିନେ ସଫଳତା ଆଣି ଦେଇଥାଏ। ଯାହାକି ପୂର୍ବ ବାଙ୍ଗାଲୋରର ଲିଙ୍ଗରାଜପୁରମ୍‌ ଅଞ୍ଚଳରେ ବାସ କରୁଥିବା ଜଣେ ମହିଳାଙ୍କ କ୍ଷେତ୍ରରେ ଦେଖିବାକୁ ମିଳିଛି। ସ୍ବାମୀଙ୍କ କ୍ଷଣିକ ରାଗର ଶିକାର ହୋଇ ନିଜର ମୁଖମଣ୍ଡଳର ସୌନ୍ଦର୍ଯ୍ୟକୁ ହରାଇଥିବା ଅନୀଥା ପାର୍କର ମେରୀ ନାମ୍ନୀ ଜଣେ ମହିଳା ଦୀର୍ଘ ୧୮ବର୍ଷ ଧରି ସଂଘର୍ଷ କରିବା ପରେ ଏବେ ସ୍ବାବଲମ୍ବୀ ହୋଇପାରିଛନ୍ତି। ସ୍ବାମୀଙ୍କ ମୃତ୍ୟୁ ପରେ ଏକ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତାଙ୍କ ସହଯୋଗରେ ଅନୀଥା ଏକ ଦୋକାନ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିପାରିଛନ୍ତି। ସାମାନ୍ୟ କଥାକୁ କେନ୍ଦ୍ର କରି ୧୮ବର୍ଷ ତଳେ ଅନୀଥାଙ୍କ ସ୍ବାମୀ ଏକ ଜଳନ୍ତା ଲଣ୍ଠନକୁ ତାଙ୍କ ଉପରକୁ ଫିଙ୍ଗି ଦେଇଥିଲେ। ଏଥିରେ ଅନୀଥାଙ୍କ ମୁହଁ ଓ ଶରୀରର ବିଭିନ୍ନ ଅଂଶ ପୋଡ଼ି ଯାଇଥିଲା। ଦୀର୍ଘଦିନ ଧରି ଚିକିତ୍ସିତ...

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ଭାରତରେ ପିଲାମାନଙ୍କୁ ବଡ଼ ହେଲେ କ’ଣ ହେବ ବୋଲି ଏକ ନିର୍ଦ୍ଦିଷ୍ଟ ପ୍ରଶ୍ନ ସର୍ବଦା ପଚରାଯାଇଆସୁଛି। ପ୍ରାୟ ଅଧିକାଂଶଙ୍କଠାରୁ ଉତ୍ତର ମିଳିଆସୁଛି ଡାକ୍ତର ଓ ଇଞ୍ଜିନିୟର ହେବେ। ଯଦିଓ ଛୁଆଟିଏ ଏହି ପାଠ୍ୟକ୍ରମ ସହିତ ଅଭ୍ୟସ୍ତ ନ ଥାଏ, ତଥାପି ମାତାପିତାଙ୍କ ଅଭିଳଷିତ ସ୍ବପ୍ନ ପିଲାଙ୍କ ଉପରେ ଅଜାଡ଼ି ହୋଇଯାଇଥାଏ ବୋଲି କୁହାଯାଏ। ଏବେ ଏହି ଦୁଇ ବୃତ୍ତିରେ ଘରୋଇ କଲେଜରେ ନାମ ଲେଖାଉଥିବା ପିଲାଙ୍କ ବିଷୟରେ ଅନେକ ନକାରାତ୍ମକ ତଥ୍ୟ ସାମ୍ନାକୁ ଆସିବା ଆରମ୍ଭ କଲାଣି। ଏକ ରିପୋର୍ଟରୁ ଜଣାପଡ଼ିଛି ଯେ ୨୦୧୭ରେ ନ୍ୟାଶନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ (ଏନ୍‌ଇଇଟି) ଅନ୍ତର୍ଗତ ଫିଜିକ୍ସ (ପଦାର୍ଥ ବିଜ୍ଞାନ) ଓ କେମିଷ୍ଟ୍ରି (ରସାୟନ ବିଜ୍ଞାନ) ବିଷୟବସ୍ତୁରେ ୫୧୦ ବିଦ୍ୟାର୍ଥୀ ଶୂନ ...

 ବଳାତ୍କାର ଓ ସାମାଜିକ ବିଫଳତା

ବଳାତ୍କାର ଓ ସାମାଜିକ ବିଫଳତା

ସବ୍ୟସାଚୀ ଅମିତାଭ ବଳାତ୍କାର କେବଳ ଦଣ୍ଡନୀୟ ଅପରାଧ ନୁହେଁ ବରଂ ଦେଶ ଓ ସମାଜ ପାଇଁ ଲଜ୍ଜା। ଇତିମଧ୍ୟରେ କେନ୍ଦ୍ର କ୍ୟାବିନେଟ୍‌ କ୍ରିମିନାଲ ଲ’ ସଂଶୋଧନ ଅଧ୍ୟାଦେଶ ଆଣିିଛନ୍ତି। ଏଥିରେ ୧୨ ବର୍ଷ ପର୍ଯ୍ୟନ୍ତ ନାବାଳିକା ଓ ଶିଶୁଙ୍କ ସହ ବଳାତ୍କାର କରୁଥିବା ଅପରାଧୀଙ୍କୁ ମୃତ୍ୟୁଦଣ୍ଡ ଦେବାର ବ୍ୟବସ୍ଥା ରହିଛି। ଅତୀତରେ ନିର୍ଭୟା କାଣ୍ଡ ସାରା ଦେଶକୁ ବିଚଳିତ କରିଥିଲା। ସେତେବେଳେ ବି ଆଇନରେ ସଂଶୋଧନ ଅଣାଯାଇଥିଲା। ନାବାଳକ ବା କିଶୋରଙ୍କ ଦ୍ୱାରା କରାଯାଉଥିବା ଜଘନ୍ୟ ଅପରାଧରେ ବିଚାର ପାଇଁ ଅଭିଯୁକ୍ତଙ୍କ ବୟସ ୧୮ ବର୍ଷ ବଦଳରେ ୧୬ ବର୍ଷ କରାଯାଇଥିଲା। ପୋକ୍‌ସୋ ଆଇନକୁ କଡା କରାଯାଇସାରିଛି।...

ଅପରିଣାମଦର୍ଶୀ ମଣିଷ

ଅପରିଣାମଦର୍ଶୀ ମଣିଷ

ବୈକୁଣ୍ଠନାଥ ମିଶ୍ର ଏକଦା ଜଣେ ଆଧୁନିକ ଶିକ୍ଷିତ ଯୁବକ ବନ୍ଧୁମାନଙ୍କ ସହ ଶିକାର ଓ ବଣଭୋଜି ପାଇଁ ଘୋର ଜଙ୍ଗଲ ମଧ୍ୟକୁ ଯାଇ ବାଟବଣା ହୋଇଗଲେ। ଏଣେତେଣେ ବୁଲୁ ବୁଲୁ ଯୁବକ ଦେଖିଲେ ତାଙ୍କୁ ବଣର ସବୁ ପ୍ରାଣୀ ଘେରି ଯାଇଛନ୍ତି। ଯୁବକଙ୍କୁ ଭୟଭୀତ ହେବାର ଦେଖି ପଶୁରାଜ ସିଂହ କହିଲା, ଭୟ କରନାହିଁ ଯୁବକ। ଆଜି ତୁମ ସହ ଆମର ଏକ ଆଲୋଚନା ସଭା ଅନୁଷ୍ଠିତ ହେବ। ଆଲୋଚନାର ପ୍ରସଙ୍ଗ ପଶୁ-ମଣିଷ ସମ୍ପର୍କ। ଏଥିରେ ତୁମେ ତୁମର ଓ ଆମେ ଆମର ବକ୍ତବ୍ୟ ରଖିବୁ। ଆମେ ପରାସ୍ତ ହେଲେ ପୂର୍ବବତ୍‌ ତୁମର ବଶ୍ୟତା ସ୍ବୀକାର କରିବୁ ଏବଂ ତୁମେ ପରାସ୍ତ ହେଲେ ଆମ୍ଭମାନଙ୍କୁ ଶିକାର କରିବ ନାହିଁ କିମ୍ବା ଆମ ବାସସ୍ଥାନ ଉପରେ କର୍ତ୍ତୃତ୍ୱ ଜାହିର କରି ଏହାକୁ ଧ୍ୱଂସ କରିବ ନାହିଁ। ଆମ ଆଲୋଚନାର ସାକ୍ଷୀ ରହିବେ ଏ ବନଭୂମି ଓ ବୃକ୍ଷଲତା।...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ଅର୍ଥ ଏବଂ ଯୋଗାଡ଼ଯନ୍ତ୍ର ଅଭାବରୁ ବିବାହ କରିପାରି ନ ଥାନ୍ତି। ସେହି ଆର୍ଥତ୍କ ଦୁର୍ବଳ ଶ୍ରେଣୀର ଯୁବତୀଯୁବକଙ୍କୁ ବିବାହ ବନ୍ଧନରେ ଆବଦ୍ଧ କରିବା ପାଇଁ ଜାଫ୍ରି କାଉନସିଲ୍‌ ଆଗେଇ ଆସିଛି। ଦୀର୍ଘ ୪ବର୍ଷ ଧରି ଏହି ଅନୁଷ୍ଠାନ ବର୍ଷକୁ ଥରେ ଗଣବିବାହ ଆୟୋଜନ କରିଆସୁଛି। ଚଳିତ ବର୍ଷ ଶ୍ରୀନଗରରେ ଆୟୋଜିତ ଗଣବିବାହ କାର୍ଯ୍ୟକ୍ରମରେ ୧୦୫ ଦମ୍ପତି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉକ୍ତ ରାଜ୍ୟର ବିଭିନ୍ନ ଜିଲାରୁ ଆର୍ଥତ୍କ ଦୁର୍ବଳ ଶ୍ରେଣୀର କନ୍ୟାବର ସାମିଲ ହୋଇଥିଲେ। ଏହା ଏକ ସରଳ ତଥା ନିରାଡମ୍ବର ବିବାହ ଉତ୍ସବ ଥିଲା। ରବିବାର ଅମରସିଂ କ୍ଲବ୍‌ଠାରେ ଧର୍ମୀୟ ତଥା ସାମାଜିକ ସଂଗଠନ ଜାଫ୍ରି କାଉନସିଲ୍‌ ଦ୍ୱାରା ଏହା ଆୟୋଜିତ ହୋଇଥିଲା। ଉକ୍ତ କାଉନସିଲ୍‌ ପୂର୍ବରୁ ଗଣବିବାହ ଆୟୋଜନ କରାଇଥିଲେ ମଧ୍ୟ ଏଥର ସଂଖ୍ୟା ଥିଲା ସବୁଠୁ ଅଧିକ। ବିବାହ କରିବାକୁ ଥିବା କନ୍ୟାବର ଏହି ସଂଗଠନରେ ପ୍ରଥମେ ନାମ ...

Model This Week

ରୂପେଶ