ଫୁରସତ |

ଅପ୍‌ଡେଟ୍‌ ...

ଅପ୍‌ଡେଟ୍‌ ...
ହ୍ବାଟ୍ସଆପ୍‌ ଚାଟିଂ, କଲ୍‌ କିମ୍ବା ଭିଡିଓ କଲ୍‌ ଦ୍ୱାରା ପରସ୍ପର ସହ ଯୋଗାଯୋଗରେ ରହିବାରେ ବେଶ୍‌ ସହଯୋଗ କରୁଛି। ହେଲେ କେବେ କେବେ ଏଥିରେ କାହାପାଖକୁ ଭୁଲବଶତଃ ଚାଲିଯାଉଥିବା ମେସେଜ୍‌ ମୁଣ୍ଡ ବ୍ୟଥାର କାରଣ ସାଜୁଛି। ଯାହାର ସମାଧାନର ବାଟ ଖୋଲି ସମସ୍ତଙ୍କ ପାଇଁ ହ୍ବାଟ୍ସଆପ୍‌ ବ୍ୟବହାର ଆହୁରି ସୁବିଧାଜନକ କରିଛି ଏହାର ଲାଟେଷ୍ଟ ଅପ୍‌ଡେଟ୍‌ ଫିଚର ଡିଲିଟ୍‌ ଫର୍‌ ଏଭ୍ରିଓ୍ବାନ୍‌ ... ବିଭିନ୍ନ ସୋସିଆଲ୍‌ ସାଇଟ୍‌ଗୁଡିକ ମଧ୍ୟରୁ ସମଗ୍ର ବିଶ୍ୱରେ ହ୍ବାଟ୍ସଆପ୍‌ର ଚାହିଦା ସବୁଠୁ ଅଧିକ କହିଲେ ଅତ୍ୟୁକ୍ତି ହେବ ନାହିଁ। ଅର୍ଥାତ୍‌ ବର୍ତ୍ତମାନ ସାରା ବିଶ୍ୱରେ ୧.୨ ବିଲିୟନ୍‌ ହ୍ବାଟ୍ସଆପ୍‌ ଉପଭୋକ୍ତା ଥିବା ବେଳେ କେବଳ ଆମ ଦେଶରେ ଏହାର ସଂଖ୍ୟା ୨୦୦ ମିଲିୟନ୍‌ । ଉପଭୋକ୍ତାଙ୍କର ଅନ୍ୟ ସୋସିଆଲ୍‌ ସାଇଟ୍‌ଗୁଡିକ ତୁଳନାରେ ଏଥିପ୍ରତି ବଢୁଥିବା ଚାହିଦା ପଛରେ ରହିଛି ଦିନକୁ ଦିନ ଅପ୍‌ଡେଟ୍‌ ହେଉଥିବା ଲାଟେଷ୍ଟ ଫିଚର୍ସ, ଯାହାକି ସମସ୍ତଙ୍କ ଲାଗି ସହଜ ଏବଂ ସରଳ ହୋଇପାରୁଛି। ୨୦୦୯ ମସିହାରେ ପ୍ରତିଷ୍ଠା ହୋଇଥିବା ଏହି ସାଇଟ୍‌ ବର୍ତ୍ତମାନ ସୁଦ୍ଧା ଏହାର ଅନେକ ଫିଚର୍ସ ଅପ୍‌ଡେଟ୍‌ କରିସାରିଛି। ତେବେ ଚଳିତ ବର୍ଷ ଅପ୍‌ଡେଟ୍‌ ହୋଇଥିବା ମିଡିଆ ଶେୟାରିଂ ଲିମିଟ୍‌ ୧୦ରୁ ୩୦ ହେବା ସମସ୍ତଙ୍କ ଲାଗି ବେଶ୍‌ ସୁବିଧାଜନକ ହୋଇପାରିଥିଲା। ସେହିପରି ଅପ୍‌ଡେଟ୍‌ ଷ୍ଟାଟସ୍‌ ଫିଚର୍ସ ଯେଉଁଥିରେ କି କେବଳ ଲେଖା ପରିବର୍ତ୍ତେ ଛୋଟ ଛୋଟ ଭିଡିଓ କ୍ଲିପ୍‌ କିମ୍ବା ଏକାଧିକ ଫଟୋ ୨୪ ଘଣ୍ଟା ପାଇଁ ରଖାଯାଇପାରୁଛି ଯାହାକି ସମସ୍ତଙ୍କ ଦ୍ୱାରା ବହୁମାତ୍ରାରେ ଆଦୃତ ହୋଇପାରିଛି। ତେବେ ଏତେସବୁ ଭଲ ଫିଚର୍ସ ଥାଇ ସୁଦ୍ଧା ଏଥିରେ ଭୁଲବଶତଃ ଶେୟାର ହୋଇଯାଉଥିବା ମେସେଜ୍‌, ଫଟୋ କିମ୍ବା ଭିଡିଓ କେବେ କେବେ ବ୍ୟବହୃତାଙ୍କ ଲାଗି ଅନ୍ୟମାନଙ୍କ ସହ ସମ୍ପର୍କ ଖରାପ କରିବା, ଅପ୍ରୀତିକର ପରିସ୍ଥିତି ସୃଷ୍ଟି କରିବା ଆଦିର କାରଣ ସାଜିଥାଏ। ବିଶେଷ କରି ଯୁବପିଢି ସାଙ୍ଗସାଥୀଙ୍କ ପାଖକୁ ପଠାଉଥିବା ମେସେଜ୍‌ ଭୁଲରେ ଅଫିସିଆଲ୍‌ କିମ୍ବା ଫ୍ୟାମିଲି ଗ୍ରୁପ୍‌ରେ ଶେୟାର ହୋଇଯାଏ, ଆଉ ଯାହା ଥରେ ଚାଲିଯିବା ପରେ ଡିଲିଟ୍‌ ନ ହୋଇ ପାରିବା କାରଣରୁ ଅଯଥାରେ ସେଣ୍ଡରଙ୍କ ପ୍ରତି ସମସ୍ତଙ୍କ ଖରାପ ଇମ୍ପ୍ରେଶନ୍‌ ସୃଷ୍ଟି କରିଥାଏ। ତେବେ ବର୍ତ୍ତମାନ ଆଣ୍ଡ୍ରଏଡ୍‌, ଆଇଫୋନ୍‌ ଏବଂ ଓ୍ବିଣ୍ଡୋଜ୍‌ ଫୋନ୍‌ରେ ହ୍ବାଟ୍ସଆପ୍‌ର ଲାଟେଷ୍ଟ ଫିଚର୍‌ ‘ଡିଲିଟ୍‌ ଫର୍‌ ଏଭ୍ରିଓ୍ବାନ୍‌’ ସମସ୍ତଙ୍କ ଲାଗି ଏହି ସମସ୍ୟାର ସମାଧାନର ଉପାୟ ଆଣିଦେଇଛି। ଏହାକୁ ବ୍ୟବହାର କରିବା ଲାଗି ପ୍ରଥମେ ହ୍ବାଟ୍ସଆପ୍‌ର ଲାଟେଷ୍ଟ ଭର୍ସନ ଡାଉନ୍‌ଲୋଡ୍‌ କରିବାକୁ ହେବ। ଭୁଲ୍‌ରେ ଚାଲିଯାଇଥିବା ମେସେଜ୍‌, ଫଟୋ, ଭିଡିଓ କିମ୍ବା ଫାଇଲ୍‌କୁ ଡିଲିଟ୍‌ କରିବାକୁ ହେଲେ ପଠାଇବାର ମାତ୍ର ୭ ମିନିଟ୍‌ ସମୟ ରହିଛି। ଏହି ନିର୍ଦ୍ଧାରିତ ସମୟ ମଧ୍ୟରେ ଡିଲିଟ୍‌ କରିବାକୁ ଥିବା ମେସେଜ୍‌ ଉପରେ କ୍ଲିକ୍‌ କରି ଏହାକୁ ସିଲେକ୍ଟ କରିବା ପରେ ଡାଏଲଗ୍‌ ବକ୍ସରେ ଦିଆଯାଇଥିବା ଡିଲିଟ୍‌ ଫର୍‌ ଓ୍ବାନ୍‌ କିମ୍ବା ଡିଲିଟ୍‌ ଫର୍‌ ଏଭ୍ରିଓ୍ବାନ୍‌ କ୍ଲିକ୍‌ କରିବାକୁ ହୋଇଥାଏ। ଏହାପରେ ସେଣ୍ଡରଙ୍କୁ ‘ୟୁ ଡିଲିଟେଡ୍‌ ଦିସ୍‌ ମେସେଜ୍‌’ ଏବଂ ରିସିପିଏଣ୍ଟଙ୍କୁ ‘ଦିସ୍‌ ମେସେଜ୍‌ ଓ୍ବାଜ୍‌ ଡିଲିଟେଡ୍‌’ ନୋଟିଫିକେଶନ୍‌ ଆସିଥାଏ। ହେଲେ ମନେରଖନ୍ତୁ, ମାତ୍ର ୭ମିନିଟ୍‌ ମଧ୍ୟରେ ମେସେଜ୍‌ ଡିଲିଟ୍‌ ନ କଲେ ପରେ ଆଉ କରି ହେବ ନାହିଁ। ଥରେ ସେଣ୍ଡ ହୋଇସାରିଥିବା ମେସେଜ୍‌କୁ ଆପଣ ଡିଲିଟ୍‌ କରିବା ରିସିପିଏଣ୍ଟ ଦେଖିପାରିବେ କିନ୍ତୁ ଡିଲିଟ୍‌ କଲା ପରେ ଆଉ ଦେଖିପାରିବେ ନାହିଁ। ସେହି ପରି ଏଥିରେ ରିକଲ୍‌ ସୁବିଧା ମଧ୍ୟ ରହିଛି। କୁ’ଣ କୁହନ୍ତି ଏମାନେ... ଗ୍ରୁପ୍‌ରୁ ମେସେଜ ଡିଲିଟ୍‌ କରିବା ହୋଇଛି ସହଜ: ହ୍ବାଟ୍ସଆପ୍ସ ମୋର ଫେବରାଇଟ୍‌ ସୋସିଆଲ୍‌ ସାଇଟ୍‌। ଏହା ଅନ୍ୟସାଇଟ୍‌ ଭଳି ଅଯଥା ସମୟ ନେଇ ନ ଥାଏ। ଏଥିରେ ମେସେଜ୍‌, ଫଟୋ, ଭିଡିଓ ତତ୍‌କ୍ଷଣାତ୍‌ ପଠାଇବା ସହଜ ହୋଇଥାଏ। ହେଲେ ବେଳେ ବେଳେ ଏକାଧିକ ଗ୍ରୁପ୍‌ ସିଲେକ୍ଟ କରି ଏକାସଙ୍ଗେ କୌଣସି ମେସେଜ୍‌ ପଠାଇବା ବେଳେ ଅନ୍ୟମନସ୍କ ବଶତଃ ଯେଉଁ ଗ୍ରୁପ୍‌ରେ ନ ପଠାଇବା କଥା ସେଠାକୁ ମଧ୍ୟ ସେଣ୍ଡ ହୋଇଯାଏ। ଯେମିତିକି ସାଙ୍ଗମାନଙ୍କ ପାଖକୁ ପଠାଉଥିବା କମେଡି କିମ୍ବା ମୌଜମସ୍ତିର କୌଣସି ମେସେଜ୍‌ ଭୁଲ୍‌ରେ ଶିକ୍ଷକମାନେ କିମ୍ବା ପରିବାରର ବଡମାନେ ଥିବା ଗ୍ରୁପ୍‌କୁ ଚାଲିଯାଇଥାଏ। ଏଥିପାଇଁ ଅନ୍ୟମାନଙ୍କ ମନରେ ନିଜ ପ୍ରତି ନକାରାତ୍ମକ ଭାବନା ସୃଷ୍ଟି ହେଉଥିବ ଭାବି ଉପାୟଶୂନ୍ୟ ହୋଇ ବ୍ୟସ୍ତ ବିବ୍ରତ ହେବା ଛଡା ଆଉ କୌଣସି ଉପାୟ ନ ଥାଏ। ହେଲେ ଡିଲିଟ୍‌ ଫର୍‌ ଏଭ୍ରିଓ୍ବାନ୍‌ ଫିଚର୍‌ ଏହି ସମସ୍ୟାକୁ ଦୂର କରିବାରେ ବେଶ୍‌ ସହାୟ ହୋଇପାରୁଛି। ହେଲେ ଏହାର ସମୟସୀମା ମାତ୍ର ୭ମିନିଟ୍‌ ନ ହୋଇ ଅଧିକ ହୋଇଥିଲେ ଭଲ ହୋଇଥାନ୍ତା। - ସଙ୍କଳ୍ପ ସାହୁ, କର୍ମଜୀବୀ, ବମ୍ବେ ଭୁଲ୍‌ରେ ଚାଲିଯାଉଥିବା ମେସେଜର ଟେନ୍‌ଶନ୍‌ ନାହିଁ: କୌଣସି ନୂଆ ମେସେଜ୍‌ ପାଇବା ମାତ୍ରେ ଏହାକୁ ଅନ୍ୟମାନଙ୍କ ପାଖକୁ ଫରଓ୍ବାର୍ଡ କରିବାରେ ଯୁବପିଢିଙ୍କୁ ଆଦୌ ସମୟ ଲାଗେନି। ନିଜେ ମଧ୍ୟ ପ୍ରତ୍ୟେକ କୌତୂହଳପୂର୍ଣ୍ଣ ଭିଡିଓ, ଫଟୋ ଆଦି ପାଇବାମାତ୍ରେ ଅନ୍ୟମାନଙ୍କୁ ଶେୟାର କରେ। ତେବେ ଏହି ଅଭ୍ୟାସ ଯୋଗୁ କେବେ କେବେ କୌଣସି ନିର୍ଦ୍ଦିଷ୍ଟ ଗ୍ରୁପ୍‌ର ଫଟୋ କିମ୍ବା ଭିଡିଓ ଆଦି ଭୁଲ୍‌ ବଶତଃ ଅନ୍ୟଗ୍ରୁପ୍‌ରେ ଶେୟାର୍‌ ହୋଇଯାଏ। ଯାହାର ଅର୍ଥ ଅନ୍ୟମାନଙ୍କ ପାଇଁ କିଛି ନ ଥାଏ ଏବଂ ଏଥିପାଇଁ ବାରମ୍ବାର ସମସ୍ତଙ୍କ ପ୍ରଶ୍ନର ଉତ୍ତର ଦେବାକୁ ମଧ୍ୟ ପଡିଥାଏ। ଏବେ ଆଉ ଏହି ଅସୁବିଧା ହେବାର ଟେନ୍‌ଶନ୍‌ ନାହିଁ। କାରଣ ମୁଁ ହ୍ବାଟ୍ସଆପ୍‌ ଅପ୍‌ଡେଟ୍‌ କରୁଛି ଯେଉଁଥିରେ ଡିଲିଟ୍‌ ଫର୍‌ ଏଭ୍ରିଓ୍ବାନ୍‌ ଫିଚର୍‌ ରହିଛି। ହେଲେ ଏହାର ଗୋଟିଏ ଅସୁବିଧା ହେଉଛି ଡିଲିଟ୍‌ କରିବା ପୂର୍ବରୁ ଏହାକୁ ଅନ୍ୟମାନେ ଦେଖିପାରିବେ। ତେଣୁ ଯେପରି ଡିଲିଟ୍‌ ପାଇଁ ୭ମିନିଟ୍‌ ଦିଆଯାଉଛି ସେହିପରି ଅନ୍ୟମାନେ ଦେଖିବା ଲାଗି କିଛି ସମୟ ରହିଲେ ଡିଲିଟ୍‌ କରିବା ପୂର୍ବରୁ କେହି ଏହାକୁ ଦେଖିପାରନ୍ତେ ନାହିଁ। - ଅଭୀପ୍ସା ବିଶୋଇ, କର୍ମଜୀବୀ, ହାଇଦ୍ରାବାଦ
All Right Reserved By

ଫୁରସତ |

ଯେଉଁଠି ୨୦ ଟଙ୍କାରେ ବିକ୍ରି ହୁଅନ୍ତି ଯୁବତୀ

ଯେଉଁଠି ୨୦ ଟଙ୍କାରେ ବିକ୍ରି ହୁଅନ୍ତି ଯୁବତୀ

ମଧ୍ୟପ୍ରଦେଶ ଶିବପୁରୀ ଦେଶର ସବୁଠାରୁ ବଡ଼ ରେଡ ଲାଇଟ୍‌ ଏରିଆ ଭାବେ ପରିଚିତି ହାସଲ କରିଛି। ଏଠାରେ ଘରେ ଘରେ ଯୁବତୀଙ୍କୁ ପରିବାର ଲୋକେ ଦେହବେପାର ପାଇଁ ଶିକ୍ଷା ଦିଅନ୍ତି। 

ପରଫ୍ୟୁମ୍‌ ,ହେୟାର ସ୍ପ୍ରେ କରୁଛି ବାୟୁ ପ୍ରଦୂଷଣ

ପରଫ୍ୟୁମ୍‌ ,ହେୟାର ସ୍ପ୍ରେ କରୁଛି ବାୟୁ ପ୍ରଦୂଷଣ

ବାୟୁ ପ୍ରଦୂଷଣ ପାଇଁ ପରଫ୍ୟୁମ୍‌, ହେୟାର ସ୍ପ୍ରେ ଏବଂ ରିଫ୍ରେସର ଦାୟୀ ବୋଲି ବେଜିଂ ବିଶ୍ୱବିଦ୍ୟାଳୟରେ ହୋଇଥିବା ଏକ ଗବେଷଣା ରିପୋର୍ଟରେ ପ୍ରକାଶ ପାଇଛି। 

ସର୍ବସ୍ବାନ୍ତ କରିଛି କୋହୀନୂର...

ସର୍ବସ୍ବାନ୍ତ କରିଛି କୋହୀନୂର...

କୋହୀନୂର ହୀରା। ନୀଳ ରଙ୍ଗର ଏହି ହୀରା ସଭିଙ୍କୁ କରେ ଆକର୍ଷିତ। ଉର୍ଦ୍ଦୁ ଭାଷାରେ ଏହାର ଅର୍ଥ ଔଜ୍ଜଲ୍ୟର ପାହାଡ଼। 

ଯେଉଁ ଦ୍ୱୀପ ସେଠାକୁ ଗଲେ କେହି ଫେରନ୍ତି ନାହିଁ...

ଯେଉଁ ଦ୍ୱୀପ ସେଠାକୁ ଗଲେ କେହି ଫେରନ୍ତି ନାହିଁ...

ଇଟାଲୀରେ  ରହିଛି ଏପରି ଏକ ଦ୍ୱୀପ। ଏଠାକୁ ଯାଉଥିବା କୌଣସି ପ୍ରାଣୀ ଫେରି ଆସି ନ ଥାନ୍ତି। ଏହାକୁ ଆଇଲ୍ୟାଣ୍ଡ ଅଫ୍‌ ଡେଡ୍‌ ବା ମୃତ୍ୟୁର ଦ୍ୱୀପ କୁହାଯାଏ । 

ଶ୍ମଶାନ ଚଣ୍ଡୀ ମା’ ନାରାୟଣୀ

ଶ୍ମଶାନ ଚଣ୍ଡୀ ମା’ ନାରାୟଣୀ

କଳା, ସଂସ୍କୃତି ଓ ଭାସ୍କର୍ଯ୍ୟରେ ପୂର୍ଣ୍ଣ ଓଡ଼ିଶାରେ ସର୍ବତ୍ର ଶକ୍ତି ପୀଠମାନ ରହିଛି। ପ୍ରତ୍ୟେକ ଶକ୍ତିପୀଠର ସ୍ବତନ୍ତ୍ରତା ଭିନ୍ନ। ସ୍ବତନ୍ତ୍ର ପ୍ରତିମୂର୍ତ୍ତିକୁ ପୂଜାର୍ଚ୍ଚନା କରାଯାଉଛି। ହେଲେ ମା’ ଓ ପୁଅଙ୍କ ପୂଜାର୍ଚ୍ଚନା ଶକ୍ତିପୀଠ ହୁଏତ ବିରଳ। ଗଞ୍ଜାମ ଜିଲା କଙ୍କୋରଡାରେ ରହିଛି ମା’ନାରାୟଣୀ ଶକ୍ତିପୀଠ, ଯେଉଁଠି ମାତା ଅମ୍ବିକା ଏବଂ ପୁତ୍ର ଗଣେଶ ରହିଛନ୍ତି।

ଷ୍ଟଣ୍ଟ୍‌ ଦେବାକୁ ଯାଇ ଶିଡିରୁ ପଡ଼ିଥିଲି: ଭୂମିକା ଦାଶ

ଷ୍ଟଣ୍ଟ୍‌ ଦେବାକୁ ଯାଇ ଶିଡିରୁ ପଡ଼ିଥିଲି: ଭୂମିକା ଦାଶ

ଅଳ୍ପ ବୟସରୁ ଓଡ଼ିଆ ଚଳଚ୍ଚିତ୍ର ଜଗତରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିବାରେ ସଫଳ ହୋଇଛନ୍ତି ଷ୍ଟାଇଲିଷ୍ଟ ଆଉ ଚୁଲ୍‌ବୁଲି ନାୟିକା ଭୂମିକା ଦାଶ। 

ସେହି ମହିଳାଙ୍କ କଥା ସବୁବେଳେ ମନେପଡ଼େ: ଡାକ୍ତର ଶ୍ରୀପ୍ରସାଦ ମହାନ୍ତି

ସେହି ମହିଳାଙ୍କ କଥା ସବୁବେଳେ ମନେପଡ଼େ: ଡାକ୍ତର ଶ୍ରୀପ୍ରସାଦ ମହାନ୍ତି

୧୯୮୮-୮୯ ମସିହା ଘଟଣା। ପିଜି ପ୍ରବେଶିକା ପରୀକ୍ଷା ଦେବା ପାଇଁ ସମ୍ବଲପୁରର ବୁର୍ଲା ମେଡିକାଲ କଲେଜକୁ ଯାଇଥାଏ। ସେଠାରୁ ଫେରିଲା ବେଳକୁ ରାତି ୩ଟା ବାଜିଯାଇଥାଏ। 

ନଭେମ୍ବର ୨୩ରେ ସାଥୀ ତୁ ଫେରିଆ

ନଭେମ୍ବର ୨୩ରେ ସାଥୀ ତୁ ଫେରିଆ

ମନ ପସନ୍ଦର ସାଥୀଟିଏ ମିଳିଗଲେ ତା’ ସହ ସୁଖଦୁଃଖ ଶେୟାର କରିହୁଏ। ବେଳେବେଳେ ଠିକ୍‌ ବାଟରେ ଯିବାକୁ ସାଥୀ ନିର୍ଣ୍ଣାୟକ ଭୂମିକା ଗ୍ରହଣ କରିଥାଏ। ତେଣୁ ଜୀବନରେ ଭଲ ସାଥୀଟିଏ ନିହାତି ଲୋଡା। 

ପକେଟରେ ରଖନ୍ତୁ ମୟୂର ପର...

ପକେଟରେ ରଖନ୍ତୁ ମୟୂର ପର...

ପକେଟରେ ମୟୂର ପର ରଖିଲେ ଅନେକ ବାଧାବିଘ୍ନ କଟିଯାଇଥାଏ। ଏନେଇ ଜ୍ୟୋତିଷ ଶାସ୍ତ୍ରରେ ଉଲ୍ଲେଖ ରହିଛି। ମୟୂର ପର ବୁଧ ମହାଗ୍ରହଙ୍କୁ ପ୍ରତିନିଧିତ୍ୱ କରେ। 

ନବରାତ୍ରୀରେ କାହିଁକି ପିଆଜ-ରସୁଣ ମନା...

ନବରାତ୍ରୀରେ କାହିଁକି ପିଆଜ-ରସୁଣ ମନା...

ନବରାତ୍ରୀରେ ଦଶମହାବିଦ୍ୟାଙ୍କ ଉପାସନା କରାଯାଏ। ତେଣୁ ଏହି ସମୟରେ ସାଧକ ପ୍ରାୟତଃ ତାମସିକ ଭୋଜନଠାରୁ ଦୂରେଇ ରୁହନ୍ତି। ପିଆଜ ରସୁଣ ତାମସିକ ଖାଦ୍ୟ। 

ମନପସନ୍ଦ କନ୍ୟା ପାଇଁ ପରୀକ୍ଷା ଦେଲେ ୨୫୦ ଯୁବକ

ମନପସନ୍ଦ କନ୍ୟା ପାଇଁ ପରୀକ୍ଷା ଦେଲେ ୨୫୦ ଯୁବକ

ସାଧାରଣତଃ ଚାକିରି ଖଣ୍ଡେ ପାଇଁ ବାରମ୍ବାର ପରୀକ୍ଷାର ସମ୍ମୁଖୀନ ହେବାକୁ ପଡ଼ିଥାଏ। କିନ୍ତୁ ବିବାହ ପୂର୍ବରୁ ମନପସନ୍ଦର କନ୍ୟା ପାଇବା ପାଇଁ କେବେ ବର ପରୀକ୍ଷା ଦେବା କଥା ଶୁଣିଛନ୍ତି କି?

୪ ବୃହତ୍‌ ଗ୍ରହ ଆବିଷ୍କାର

୪ ବୃହତ୍‌ ଗ୍ରହ ଆବିଷ୍କାର

ଲଣ୍ଡନ: ବୈଜ୍ଞାନିକମାନେ ଏକ ନୂଆ ନକ୍ଷତ୍ରମଣ୍ଡଳରେ ୪ଟି ବୃହତ୍‌ ଗ୍ରହ ଆବିଷ୍କାର କରିଛନ୍ତି। ଏଗୁଡିକର ଆକୃତି ବୃହସ୍ପତି ଓ ଶନିଗ୍ରହ ସହିତ ସମାନ। ଉକ୍ତ ନକ୍ଷତ୍ର ‘ସିଆଇ ଟାଉ’ ୫୦୦ ଆଲୋକବର୍ଷ ଦୂରତାରେ ଅବସ୍ଥିତ। ଏହା ଗାଲାକ୍ସିର ‘ନର୍ସରି’ ରିଜିୟନ୍‌ ମଧ୍ୟରେ ରହିଥିବା କେମ୍ବ୍ରିଜ ୟୁନିଭର୍ସିଟିର ଗବେଷକମାନେ ପ୍ରକାଶ କରିଛନ୍ତି।