ସମ୍ପାଦକୀୟ |

ଚକ୍ରବ୍ୟୂହରେ ଚାଷୀ

 ଚକ୍ରବ୍ୟୂହରେ ଚାଷୀ
ସବ୍ୟସାଚୀ ଅମିତାଭ ଓଡ଼ିଶାର ଚାଷୀ ସବୁବେଳେ ଚର୍ଚ୍ଚାରେ। ଚାଷୀଙ୍କୁ ନେଇ ରାଜନୀତି ବି କିଛି କମ୍‌ ନୁହେଁ। ଓଡ଼ିଶାର ଶତକଡା ୬୦ ଭାଗରୁ ଅଧିକ ଲୋକ କୃଷି ଉପରେ ନିର୍ଭର କରନ୍ତି। ବର୍ଷ ପରେ ବର୍ଷ ବିତିଛି, ସରକାର ପରେ ସରକାର ଆସିଛନ୍ତି, ହେଲେ ଓଡିଶା ଚାଷୀଙ୍କ ଭାଗ୍ୟ ବଦଳିପାରିନି। କ’ଣ ପାଇଁ ଚାଷୀଙ୍କ ଅବସ୍ଥା ଆଜି ହୀନିମାନିଆ? ଛୋଟିଆ ଉଦାହରଣଟେ ଦେବି। ଗୋଟେ ବ୍ଲକ୍‌ରେ ଥରେ ଚାଷୀ ଋଣମେଳା ହେଉଥାଏ। ମହିଳା ଚେୟାରମ୍ୟାନଙ୍କ ପାଦ ତଳେ ଲାଗୁ ନ ଥାଏ ସେଦିନ। ନିଜ ଅଞ୍ଚଳର ଦୁଇ ଶହ ଗରିବ ଚାଷୀଙ୍କୁ ସେ ଋଣ ଯୋଗାଇ ଦେଇଛନ୍ତି। ଘଣ୍ଟେ ପରେ କର୍ମକର୍ତ୍ତା କହିଲେ, ମ୍ୟାଡାମ୍‌ ଋଣବଣ୍ଟା ସରିଗଲା। ଚେୟାରମ୍ୟାନ୍‌ ବିସ୍ମିତ ହୋଇଗଲେ, ପଚାଶ-ଷାଠିଏ ଲକ୍ଷ ଟଙ୍କା କେମିତି ଏଡେ ବେଗି ବଣ୍ଟା ହୋଇଗଲା? କର୍ମକର୍ତ୍ତା କହିଲେ- ନା ଆଜ୍ଞା, ଇୟେ ପରା ଅଦଳବଦଳ ଫର୍ମୁଲା। ତାଙ୍କ ବାକିଆ ଋଣ ଆଡଜଷ୍ଟ କରିଦିଆଗଲା ଆଉ ଗୋଟିଏ ଋଣରେ। ଚାଷୀ ଖୁସ୍‌, ତା’ ମୁଣ୍ଡରୁ ଦାୟିତ୍ୱ ଗଲା। ଆମେ ଖୁସ୍‌, ସରକାରୀ ଯୋଜନାର ସଫଳ ରୂପାୟନ ପାଇଁ। ଆଉ ସରକାର ବି ଖୁସ୍‌ ଖବରକାଗଜବାଲାଙ୍କଠାରୁ ଏକ ନମ୍ବର ସାର୍ଟିଫିକେଟ୍‌ ପାଇ। ଆଁ କରି ରହିଗଲେ ଚେୟାରମ୍ୟାନ୍‌ ା କାଗଜପତ୍ରରେ ଏହି ଋଣ ବଢି ବଢି ଚାଷୀଙ୍କୁ ଶୋଷିଶୋଷି, ଚାଷୀ ନିଜ କ୍ଷେତରେ ନିଆଁ ଲଗାଇବା ପୂର୍ବରୁ ତା’ ସଂସାରରେ ନିଆଁ ଲାଗିସାରିଥାଏ। ଏ ହେଉଛି ଆମ ଚାଷୀଙ୍କ ପାଇଁ ହେଉଥିବା ଯୋଜନାର ବାସ୍ତବତା। କେତେବେଳେ ବନ୍ୟା, ମରୁଡି ତ ଆଉ କେତେବେଳେ ରୋଗପୋକ। ଫସଲ ନଷ୍ଟ କାରଣରୁ ମାନସିକ ଭାବେ ଭାଙ୍ଗି ପଡୁଛନ୍ତି ଚାଷୀ। ଋଣବୋଝ ତଳେ ଚାପି ହୋଇ ଲାଞ୍ଝିତ ଅପମାନିତ ହେବା ଅପେକ୍ଷା ମରଣକୁ ଶ୍ରେୟସ୍କର ମଣୁଛି ସ୍ବାଭିମାନୀ ଚାଷୀ। ତେବେ ଓଡିଶା ପାଇଁ ମରୁଡି ଓ ଫସଲହାନି ନୂଆ କଥା ନୁହେଁ। ବିଗତ ୫୦ ବର୍ଷ ମଧ୍ୟରୁ ୪୦ ବର୍ଷ ମରୁଡି, ବଢି, ବାତ୍ୟା ଓ ରୋଗପୋକ ସହ ଚାଷୀଏ ଲଢେଇ କରିଛନ୍ତି। ଚଉଦବର୍ଷ କେବଳ ମରୁଡିର ସମ୍ମୁଖୀନ ହୋଇଛନ୍ତି। ପଚାଶବର୍ଷରୁ ୩୫ ବର୍ଷ ସ୍ବାଭାବିକ ହାରଠାରୁ କମ୍‌ ବର୍ଷା ହୋଇଛି। ସେସବୁ ଦୁର୍ବିପାକ ବେଳେ ଚାଷୀ ଆତ୍ମହତ୍ୟା ଶୁଣାଯାଉ ନ ଥିଲା। ଏବେ ପ୍ରତିଦିନ ଚାଷୀ ଆତ୍ମହତ୍ୟା କରୁଛନ୍ତି କାହିଁକି? ମରୁଡି ଚାଷୀ ଆତ୍ମହତ୍ୟାର ମୁଖ୍ୟ କାରଣ ନୁୁହେଁ। ଚାଷୀ ଆତ୍ମହତ୍ୟାର କାରଣ ଜାଣିବାକୁ ହେଲେ, ପଚାଶ-ଷାଠିଏ ବର୍ଷ ତଳର ଚାଷୀର ଆର୍ଥିକ ଓ ସାମାଜିକ ସ୍ଥିତି ସହ ବର୍ତ୍ତମାନକୁ ତୁଳନା କରିବାକୁ ପଡିବ। ପୂର୍ବେ ଚାଷରେ ଲାଭ ହେଉଥିଲା। ଜମିରେ ଗୋବରଖତ ଦେଇ ଯେତିକି ଧାନ ହେଉଥିଲା, ଏବେ ରାସାୟନିକ ସାର ଦେଇ ପ୍ରାୟ ସେତିକି ଅମଳ ହେଉଛି। ଚାଷୀର ତେଲଲୁଣ ସଂସାରରେ, ଆବଶ୍ୟକ ପଦାର୍ଥ କିଣିବାରେ ପୂର୍ବେ ଚାଷୀକୁ କେତେ ଖର୍ଚ୍ଚ କରିବାକୁ ପଡୁଥିଲା ଓ ଏବେ କେତେ ଖର୍ଚ୍ଚ କରିବାକୁ ପଡୁଛି ତା’ର ହିସାବ ଦେଖିବା। ଲୁଣ ୫୦ କେଜି କିଣିବାକୁ ପୂର୍ବେ ୪ କେଜି ଧାନ ଦେବାକୁ ପଡୁଥିଲା। ସେଥିପାଇଁ ଏବେ ୬୦ କେଜି ଖର୍ଚ୍ଚ କରିବାକୁ ପଡୁଛି। ସୋରିଷ ତେଲ ୧ ଲିଟରକୁ ୮ କେଜି ଧାନ ଦେବାକୁ ପଡୁଥିଲା, ଏବେ ୧୨ କେଜି ଖର୍ଚ୍ଚ କରିବାକୁ ପଡୁଛି। ନଡିଆ ତେଲ ୧ ଲିଟର ପାଇଁ ୧୨ କେଜି ଧାନ ସ୍ଥଳେ ଏବେ ୨୭ କେଜି ଖର୍ଚ୍ଚ କରିବାକୁ ପଡୁଛି। ସେତେବେଳେ ୫ କେଜି ଧାନ ବଦଳରେ ସାଧାରଣ ଧୋତି ମିଳୁଥିବା ବେଳେ ଏବେ ୧୫ କେଜି ଧାନର ମୂଲ୍ୟ ଗୋଟିଏ ପିନ୍ଧା ଧୋତି ସହ ସମାନ। କ୍ଷେତ ମୂଲିଆର ମଜୁରି ବାବଦକୁ ଆଗେ ଦିନକୁ ୪ କେଜି ଧାନ ଦେବାକୁ ପଡୁଥିଲା, ଏବେ ଗୋଟିଏ ମଜୁରି ପାଇଁ ୩୦ କେଜି ଧାନର ମୂଲ୍ୟ ଦେବାକୁ ପଡୁଛି। ବଜାର ଦର ବଢି ଚାଲିଛି ା ଅନ୍ୟାନ୍ୟ ପଦାର୍ଥ ଦରକୁ ତାଳ ଦେଇ ଧାନର ଦର ବଢୁ ନ ଥିବାରୁ ଚାଷୀର ଆର୍ଥିକ ସ୍ଥିତି ଦିନକୁ ଦିନ ଶୋଚନୀୟ ହୋଇଚାଲିଛି। ଆଗରୁ ଚାଷୀ ଋଣ କରୁଥିଲା ଓ ଚାଷ ଲାଭଜନକ ହୋଇଥିବାରୁ ଆରାମରେ ଋଣ ଶୁଝୁଥିଲା। ଏବେ କ୍ଷୁଦ୍ର ଓ ନାମମାତ୍ର ଚାଷୀ ଋଣ କରୁଛି ବିବାହ, ବ୍ରତ, ଯାନିଯୌତୁକ ଓ ରୋଗ ଚିକିତ୍ସା ପାଇଁ। ଏବେ ଚାଷୀର ଅବସ୍ଥା, ଦାଣ୍ଡରୁ ଆସେ ହାଣ୍ଡିରେ ପଶେ। ସେ ଋଣ ଶୁଝିବ କେଉଁଠୁ? ଏହି ଋଣବୋଝ ଚାଷୀର ଜୀବନ ନେଉଛି। ଆତ୍ମହତ୍ୟାର ସହଜ ବାଟ ହେଲା ବିଷପାନ। ଚାଷୀର ଘରେ ରାସାୟନିକ ସାର ଓ କୀଟନାଶକ ଯାହାକୁ ଯେତେ। ଏହା ଚାଷୀ ଆତ୍ମହତ୍ୟାର ଅନ୍ୟତମ କାରଣ। ଆଉ ଗୋଟିଏ ବଡ ପ୍ରସଙ୍ଗ ହେଲା ଭାଗଚାଷୀଙ୍କ ସମସ୍ୟା ଓ ସେମାନଙ୍କ ସୁରକ୍ଷା। ଚାଷ ଉପରେ ନିର୍ଭରଶୀଳ ଲୋକଙ୍କ ମଧ୍ୟରୁ ସିଂହଭାଗ ହେଉଛନ୍ତି ଭୂମିହୀନ। ପର ଜମିରେ ମୁଣ୍ଡ ଝାଳ ତୁଣ୍ଡରେ ମାରି ଖଟୁଥିବା ଏଇ ବର୍ଗଟି ହେଉଛନ୍ତି ଭାଗଚାଷୀ। ଥିଲାବାଲା ଲୋକେ ଚାଷକୁ ଭାଗରେ ଲଗାଇ ସୁଫଳ ପାଉଥିବା ବେଳେ ଦୈବୀ ଦୁର୍ବିପାକ ତଥା ରୋଗପୋକ ପାଇଁ କ୍ଷତି ସହିଥାଏ ଭାଗଚାଷୀ। ଭାଗଚାଷୀଙ୍କ ସୁବିଧା ପାଇଁ ସେଭଳି କୌଣସି ସ୍ବତନ୍ତ୍ର ଆଇନ ନ ଥିବାରୁ ସେମାନଙ୍କ ଅବସ୍ଥା ଯେମିତିକୁ ସେମିତି ରହିଛି। ସରକାର ବି ବିଭିନ୍ନ ଆଳରେ ଚାଷୀଙ୍କୁ ଭଣ୍ଡାଇ ଚାଲିଛନ୍ତି। ବର୍ତ୍ତମାନ ରାଜ୍ୟରେ ସାଂଘାତିକ ମରୁଡି ସ୍ଥିତି ଦେଖାଦେଇଛି। ଏହା ଉପରେ ଚଡକ ସାଜିଛି ଚକଡା ପୋକ। ଅନେକ ଚାଷୀ ଆତ୍ମହତ୍ୟା କରିସାରିଲେଣି। ଏଭଳି ସ୍ଥିତିରେ ଚାଷୀଙ୍କୁ ନେଇ ରାଜନୀତି କରା ନ ଯାଉ। ମୋ- ୯୪୩୮୨୯୬୫୧୯
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଚୋକ୍‌ସିଙ୍କ ପଥ

ସମ୍ପାଦକୀୟ/ ଚୋକ୍‌ସିଙ୍କ ପଥ

ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ସ୍କାମ୍‌ ପ୍ରାୟ ବର୍ଷେ ପୂରଣ କରିବାକୁ ଯାଉଛି। ଇତିମଧ୍ୟରେ ଏହାର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସିଙ୍କୁ ଭାରତ ପ୍ରତ୍ୟର୍ପଣ କରାଯାଇପାରିଲା ନାହିଁ। ଚୋକ୍‌ସି ଆଣ୍ଟିଗୁଆ ନାଗରିକତ୍ୱ ଗ୍ରହଣ କରିସାରିଥିବାରୁ ୨୦୧୯ ଜାନୁୟାରୀ ୨୧ରେ ଭାରତୀୟ ପାସ୍‌ପୋର୍ଟ ସମର୍ପଣ କରିଦେଇଛନ୍ତି। ଭାରତୀୟ ବୈଦେଶିକ ନୀତି ଅନୁଯାୟୀ, ଯେତେବେଳେ ଜଣେ ନାଗରିକ ଅନ୍ୟ ଦେଶର ..

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ

୨୦୧୯ ବର୍ଷର ଶେଷ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ନକାରାତ୍ମକତାର ପ୍ରସାର କରିବା ଅତି ସହଜ କିନ୍ତୁ ଲୋକେ ସକାରାତ୍ମକତାର ପ୍ରସାର ପାଇଁ ଆଗେଇ ଆସିବା ଦରକାର। ପ୍ରଧାନମନ୍ତ୍ରୀଙ୍କ ଭଳି ନେତୃସ୍ଥାନୀୟ ବ୍ୟକ୍ତି ଏଭଳି ସକାରାତ୍ମକତାର ବିଚାର ଦେବା ଅନେକ ଆଶା ଉଦ୍ରେକ କରାଏ। ଏହି ନିର୍ବାଚନୀ ଋତୁରେ ପ୍ରଧାନମନ୍ତ୍ରୀ ‘ମନ୍‌ କି ବାତ୍‌’ରେ ରଖିଥିବା ବିଚାରକୁ ନିଜ ଆଚାରରେ ପରିଣତ କରିପାରିଲେ ତାହା ସକାରାତ୍ମକତାର ଉଦାହରଣ ସୃଷ୍ଟିକରିବ। ନିଜ ବିଚାରକୁ ଆଚାରରେ ପରିଣତ କରି ବିରୋଧୀଙ୍କୁ ଟାହିଟାପରା କରିବାର ପ୍ରବୃତ୍ତିରୁ ନିଜକୁ ଦୂରେଇ ବା ବିରୋ..

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ଡ. ପ୍ରଫୁଲ୍ଲ କୁମାର ସାହୁ

ଉଚ୍ଚଶିକ୍ଷିତ ଭାରତୀୟଙ୍କ ପକ୍ଷରେ ଯେତେବେଳେ ଆଇସିଏସ୍‌ ଚାକିରି ଥିଲା ଶ୍ରେଷ୍ଠ ସଫଳତା, ସେତେବେଳେ ସୁଭାଷ ବୋଷ ଥିଲେ ପ୍ରଥମ ଭାରତୀୟ, ଯିଏ ଆଇସିଏସ୍‌ ପରୀକ୍ଷାରେ ସଫଳତା ଅର୍ଜନ କରି ମଧ୍ୟ ତାହାକୁ ପାଦରେ ଏଡ଼େଇ ଦେଇ କେମ୍ବ୍ରିଜ୍‌ରୁ ସ୍ବଦେଶ ଫେରି ଆସିଥିଲେ ଦେଶମାତୃକାକୁ ସ୍ବାଧୀନ କରିବାର ଦୃଢ଼ ସଂକଳ୍ପ ନେଇ। ସିଧାସଳଖ ବମ୍ବେରେ ମହାମତ୍ା ଗାନ୍ଧୀଙ୍କୁ ସାକ୍ଷାତ କରି (୨୦ଜୁଲାଇ ୧୯୨୧) ସେ କଂଗ୍ରେସରେ ଯୋଗଦେଲେ ଏବଂ..

ଏଇ ଭାରତରେ

ଏଇ ଭାରତରେ

ଦେଶର ବିଭିନ୍ନ ରାଜ୍ୟରେ ବିବାହକୁ ନେଇ ରହିଛି ଭିନ୍ନ ଭିନ୍ନ ପରମ୍ପରା। ବିବାହ ବେଳେ କନ୍ୟା ଓ ବର ଅଗ୍ନିକୁ ସାକ୍ଷୀ ରଖି ସାରା ଜୀବନ ଲାଗି ସାଥୀ ହୋଇଥାଆନ୍ତି। ତେବେ ରାଜସ୍ଥାନର ଶ୍ରୀମାଲୀ ସମ୍ପ୍ରଦାୟରେ ଏକ ଭିନ୍ନ ପରମ୍ପରା ଦେଖିବାକୁ ମିଳେ। ବିଭାଘର ବେଳେ ବର କନ୍ୟାକୁ କୋଳରେ ଧରି ଅଗ୍ନି ଚାରିପାଖରେ ସାତଥର ପ୍ରଦକ୍ଷିଣ କରିଥାଆନ୍ତି। ପୁରାଣରେ ଉଲ୍ଲେଖ ରହିଛି ପ୍ରଭୁ ଶ୍ରୀକୃଷ୍ଣ ରୁକ୍ମିଣୀଙ୍କୁ ବିବାହ କରିବା ସମୟରେ ବିଘ୍ନ ..

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ।