Dharitri News
ଅନ୍ତର୍ଜାତୀୟ |

ଇଜିପ୍ଟ ମସ୍‌ଜିଦ୍‌ରେ ବିସ୍ଫୋରଣ: ୨୩୫ ନିହତ

ଇଜିପ୍ଟ ମସ୍‌ଜିଦ୍‌ରେ ବିସ୍ଫୋରଣ: ୨୩୫ ନିହତ କାଏରୋ,୨୪।୧୧(ପି.ଟି.)ଇଜିପ୍ଟର ଉତ୍ତର ସିନାଇ ଅଞ୍ଚଳର ଏକ ମସ୍‌ଜିଦ୍‌ରେ ଶୁକ୍ରବାର ଆତଙ୍କବାଦୀମାନେ ଏକ ବଡ଼ଧରଣର ବିସ୍ଫୋରଣ ଘଟାଇଛନ୍ତି। ଏଥିରେ ୨୩୫ ନିହତ ଓ ଶତାଧିକ ଆହତ ହୋଇଛନ୍ତି। ଅଲ୍‌-ଆରିଶ୍‌ ସହରର ଅଲ୍‌-ରୋଓ୍ବଡା ମସ୍‌ଜିଦ୍‌ରେ ଶୁକ୍ରବାର ସକାଳେ ପ୍ରାର୍ଥନା ଚାଲିଥିବାବେଳେ ଏହି ବିସ୍ଫୋରଣ ଘଟିଛି। ଶ୍ରଦ୍ଧାଳୁମାନେ ଭୟଭୀତ ହୋଇ ଜୀବନ ବଞ୍ଚାଇବା ପାଇଁ ବାହାରକୁ ଧାଉଁଥିବାବେଳେ ବନ୍ଧୁକଧାରୀମାନେ ସେମାନଙ୍କ ଉପରେ ଆଖିବୁଜା ଗୁଳିବର୍ଷା କରିଥିଲେ। ଚାହୁଁ ଚାହୁଁ ୨୩୫ ଜଣ ପ୍ରାଣ ହରାଇଥିଲେ। ଏଥିରେ ଶତାଧିକ ଆହତ ହୋଇଛନ୍ତି। ଇଜିପ୍ଟ ରାଷ୍ଟ୍ରପତି ଅବ୍‌ଦେଲ୍‌ ଫତାହ ଏଲ୍‌-ସିସି ସ୍ଥିତି ସମୀକ୍ଷା କରିଛନ୍ତି।କାଏରୋ,୨୪।୧୧(ପି.ଟି.)ଆତଙ୍କବାଦୀ ଆକ୍ରମଣରେ ଥରିଉଠିଛି ଇଜିପ୍ଟ। ଉତ୍ତର ସିନାଇ ଅଞ୍ଚଳର ଏକ ମସ୍‌ଜିଦ୍‌ରେ ଶୁକ୍ରବାର ଆତଙ୍କବାଦୀମାନେ ଏକ ବଡ଼ଧରଣର ବିସ୍ଫୋରଣ ଘଟାଇଛନ୍ତି। ଏଥିରେ ଅନୂ୍ୟନ ୨୩୫ ଶ୍ରଦ୍ଧାଳୁ ନିହତ ହୋଇଛନ୍ତି। ଏଥିସହ ୧୨୫ରୁ ଊର୍ଦ୍ଧ୍ୱ ଆହତ ହୋଇଛନ୍ତି। ଇଜିପ୍ଟରେ ଏହାକୁ ସବୁଠୁ ଘାତକ ଆକ୍ରମଣ ବୋଲି କୁହାଯାଉଛି। ଅଲ୍‌-ଆରିଶ୍‌ ସହରର ଅଲ୍‌-ରୋଓ୍ବଡା ମସ୍‌ଜିଦ୍‌ରେ ଶୁକ୍ରବାର ସକାଳେ ପ୍ରାର୍ଥନା ଚାଲିଥିବାବେଳେ ଆତଙ୍କବାଦୀମାନେ ଏହି ସଂହାରଲୀଳା ରଚିଛନ୍ତି। ଆତଙ୍କବାଦୀମାନେ ପ୍ରଥମେ ବୋମାମାଡ଼ କରି ମସ୍‌ଜିଦ୍‌କୁ ଉଡାଇଦେବାକୁ ଉଦ୍ୟମ କରିଥିଲେ। ବିସ୍ପୋରଣରେ ଥରିଉଠିଥିଲା ସହର। ଚାହୁଁ ଚାହୁଁ ଭୟ ଓ ଆତଙ୍କର ବାତାବରଣ ଖେଳିଯାଇଥିଲା। ଶ୍ରଦ୍ଧାଳୁମାନେ ଭୟଭୀତ ହୋଇ ଜୀବନ ବଞ୍ଚାଇବା ପାଇଁ ବାହାରକୁ ଧାଇଁବାରେ ଲାଗିଥିଲେ। ହେଲେ ସେମାନଙ୍କୁ ମାରିବା ପାଇଁ ଆତଙ୍କବାଦୀ ଛକି ବସିଥିଲେ। ଆତଙ୍କବାଦୀମାନେ କେତେକ ଗାଡ଼ିରେ ଆସି ଶ୍ରଦ୍ଧାଳୁଙ୍କ ଉପରେ ଆଖିବୁଜା ଗୁଳିବର୍ଷା କରିଥିଲେ। ଗୁଳିମାଡ଼ରେ ୨୩୫ ଜଣ ପ୍ରାଣ ହରାଇଲେ। ଏଥିରେ ୧୨୫ରୁ ଊର୍ଦ୍ଧ୍ୱ ଶ୍ରଦ୍ଧାଳୁ ଆହତ ହୋଇଛନ୍ତି। ୫୦ଟି ଆମ୍ବୁଲାନ୍ସରେ ସେମାନଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ଆତଙ୍କବାଦୀମାନେ ବିକଶିତ ବିସ୍ଫୋରକ ଉପକରଣ (ଆଇଇଡି) ବ୍ୟବହାର କରିଥିବାରୁ ମସ୍‌ଜିଦ୍‌ ଧ୍ୱସ୍ତବିଧ୍ୱସ୍ତ ହୋଇଯାଇଛି। ପ୍ରାର୍ଥନା ସଭାରେ ସେନାର ଅନେକ ଯବାନ ଭାଗନେଇଥିବାରୁ ସେମାନଙ୍କୁ ଟାର୍ଗେଟ କରି ଆକ୍ରମଣ କରାଯାଇଥିବା କୁହାଯାଉଛି। ଏଥିପାଇଁ ଅଦ୍ୟାବଧି କୌଣସି ଆତଙ୍କବାଦୀ ସଙ୍ଗଠନ ନିଜକୁ ଦାୟୀ କରିନାହିଁ। ପାରିପାଶ୍ୱିକ ସ୍ଥିତିରୁ ଏହା ପଛରେ ଇସ୍‌ଲାମିକ୍‌ ଷ୍ଟେଟ (ଆଇଏସ୍‌) ହାତ ଥିବା ସନ୍ଦେହ କରାଯାଉଛି। ଆକ୍ରମଣ ପରେ ଇଜିପ୍ଟ ରାଷ୍ଟ୍ରପତି ଅବ୍‌ଦେଲ୍‌ ଫତାହ ଏଲ୍‌-ସିସି ଏକ ଜରୁରୀ ବୈଠକ ଡାକି ସ୍ଥିତି ସମୀକ୍ଷା କରିଛନ୍ତି। ଏଥିସହ ଦେଶରେ ୩ ଦିନିଆ ଶୋକଦିବସ ଘୋଷଣା କରିଛନ୍ତି। ଆତଙ୍କବାଦୀଙ୍କୁ ଧରିବା ପାଇଁ ସେନା ପକ୍ଷରୁ ବ୍ୟାପକ ତଲାସି ଅଭିଯାନ ଚାଲିଛି। ପୂର୍ବତନ ରାଷ୍ଟ୍ରପତି ହୋସ୍‌ନି ମୁବାରକ୍‌ କ୍ଷମତାଚ୍ୟୁତ ହେବା ପରେ ୨୦୧୧ ଜାନୁୟାରୀ ପରଠୁ ଇଜିପ୍ଟର ଉତ୍ତର ସିନାଇ ଆତଙ୍କବାଦୀଙ୍କ ଟାର୍ଗେଟରେ ରହିଆସିଛି। ୨୦୧୩ରୁ ଅଦ୍ୟାବଧି ଆତଙ୍କବାଦୀ ଆକ୍ରମଣରେ ୭୦୦ରୁ ଊର୍ଦ୍ଧ୍ୱ ନିହତ ହେଲେଣି।

ଅନ୍ତର୍ଜାତୀୟ |

କଲମ୍ବିଆ ଭୂସ୍ଖଳନ: ୧୩ ମୃତ

କଲମ୍ବିଆ ଭୂସ୍ଖଳନ: ୧୩ ମୃତ

ବୋଗୋଟା,୨୨।୧: କଲମ୍ବିଆରେ ହୋଇଥିବା ଭୂସ୍ଖଳନରେ ଏକ ବସ୍‌ ଖାଲ ମଧ୍ୟକୁ ଖସି ପଡିବା ଫଳରେ ଜଣେ ଶିଶୁ ସମେତ ୧୩ ଜଣଙ୍କ ମୃତ୍ୟୁ ଘଟିଛି। ଘଟଣାଟି ତୁକେରେସ୍‌ ସହର ନିକଟ ବାଲେ ଅଞ୍ଚଳରେ ଘଟିଛି।

ଚାଇନା ନୌସେନାରେ ଇଲୋକ୍ଟ୍ରନିକ୍ସ୍‌ ଯୁଦ୍ଧବିମାନ ସାମିଲ

ଚାଇନା ନୌସେନାରେ ଇଲୋକ୍ଟ୍ରନିକ୍ସ୍‌ ଯୁଦ୍ଧବିମାନ ସାମିଲ

ବେଜିଂ, ୨୨।୧: ଚାଇନା ନୌସେନାରେ ଅତ୍ୟାଧୁନିକ ଇଲୋକ୍ଟ୍ରନିକ୍ସ୍‌ ଯୁଦ୍ଧବିମାନକୁ ସାମିଲ୍‌ କରାଯାଇଛି। ଏହାଦ୍ୱାରା ନୌସେନାର ଶକ୍ତି ବୃଦ୍ଧି ପାଇବ ବୋଲି ଚାଇନା ପ୍ରତିରକ୍ଷା ବିଭାଗ ପକ୍ଷରୁ ସୋମବାର ସୂଚିତ କରାଯାଇଛି

ଜାତିସଂଘ ସଦସ୍ୟ ଅପହୃତ

ଜାତିସଂଘ ସଦସ୍ୟ ଅପହୃତ

କାବୁଲ, ୨୨।୧: ଜଣେ ଜାତିସଂଘ ମହିଳା ସଦସ୍ୟ ଏବଂ ତାଙ୍କ ଝିଅଙ୍କୁ ଆଫଗାନୀସ୍ତାନ କାବୁଲର ଖୈର କାହାନ୍‌ଠାରୁ ଅପହରଣ କରି ନିଆଯାଇଛି। ସଦସ୍ୟ ଜଣଙ୍କ ତାଙ୍କ ଝିଅକୁ ସୋମବାର ସ୍କୁଲରେ ଛାଡିବାକୁ ଯାଉଥିବା ବେଳେ ଏପରି ଘଟିଥିବା ସ୍ଥାନୀୟ ପ୍ରଶାସନ ପକ୍ଷରୁ ସୂଚିତ କରାଯାଇଛି।

ରୋହିଙ୍ଗ୍ୟାଙ୍କ ସ୍ବଦେଶ ଫେରିବା ବିଳମ୍ବ ହେବ: ବାଂଲାଦେଶ

ରୋହିଙ୍ଗ୍ୟାଙ୍କ ସ୍ବଦେଶ ଫେରିବା ବିଳମ୍ବ ହେବ: ବାଂଲାଦେଶ

ଢ଼ାକା, ୨୨।୧: ରୋହିଙ୍ଗ୍ୟା ଶରଣାର୍ଥୀଙ୍କ ସ୍ବଦେଶ ଫେରିବା ବିଳମ୍ବ ହେବ ବୋଲି ବଂଲାଦେଶ କହିଛି। ଏହା ଆସନ୍ତା ମଙ୍ଗଳବାରଠାରୁ ଆରମ୍ଭ ହେବାର ସମ୍ଭାବନା ରହିଛି।

ଆଫଗାନୀସ୍ତାନରେ ସୈନ୍ୟ ସଂଖ୍ୟା ବଢ଼ାଇବ ଆମେରିକା

ଆଫଗାନୀସ୍ତାନରେ ସୈନ୍ୟ ସଂଖ୍ୟା ବଢ଼ାଇବ ଆମେରିକା

ଓ୍ବାଶିଂଟନ, ୨୨।୧: ଆଫଗାନୀସ୍ତାନରେ ଆମେରିକା ଆତଙ୍କବାଦୀ ବିରୋଧରେ ସଂଗ୍ରାମ ଜାରି ରଖିଛି। ଏହି ମର୍ମରେ ଅଧିକ ଏକ ହଜାର ସୈନ୍ୟ ସେଠାକୁ ପଠାଇବା ଆମେରିକା ଯୋଜନା କରିଛି ।

ସିଡ୍‌ନୀ ଟ୍ରେନ୍‌ ଦୁର୍ଘଟଣା: ୧୨ ଆହତ

ସିଡ୍‌ନୀ ଟ୍ରେନ୍‌ ଦୁର୍ଘଟଣା: ୧୨ ଆହତ

ସିଡ୍‌ନୀ,୨୨।୧: ଅଷ୍ଟ୍ରେଲିଆ ସିଡ୍‌ନୀର ଉତ୍ତର-ପଶ୍ଚିମ ଅଞ୍ଚଳରେ ଥିବା ରିଚମଣ୍ଡଠାରେ ସୋମବାର ସକାଳେ ଏକ ଟ୍ରେନ୍‌ ଦୁର୍ଘଟଣା ହେବା ଫଳରେ ପାଖାପାଖି ୧୨ ଜଣ ଆହତ ହୋଇଛନ୍ତି।

ଟ୍ରମ୍ପଙ୍କୁ ବିରୋଧ କରି ରାସ୍ତାକୁ ଓହ୍ଲାଇଲେ ମହିଳା

ଟ୍ରମ୍ପଙ୍କୁ ବିରୋଧ କରି ରାସ୍ତାକୁ ଓହ୍ଲାଇଲେ ମହିଳା

ନ୍ୟୁୟର୍କ,୨୧।୧: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିରୋଧରେ ମହିଳାମାନେ ପୁଣି ଥରେ ସ୍ବର ଉତ୍ତୋଳନ କରିଛନ୍ତି। ଟ୍ରମ୍ପ ପ୍ରଶାସନର ଏକବର୍ଷ ଭିତରେ ମହିଳାମାନଙ୍କର ଏହା ଦ୍ୱିତୀୟ ବିରୋଧ ପ୍ରଦର୍ଶନ।

ସିରିଆ ଉପରେ ତୁର୍କୀର ଆକ୍ରମଣ

ସିରିଆ ଉପରେ ତୁର୍କୀର ଆକ୍ରମଣ

ତୁର୍କୀ.୨୧।୧: ସିରିଆର ଆଫରିନ୍‌ରେ ତୁର୍କୀ ସେନାଙ୍କ ଦ୍ୱାରା ସୈନ୍ୟ ଅଭିଯାନ ସମ୍ପର୍କରେ ତୁର୍କୀ ବିଦେଶ ମନ୍ତ୍ରଣାଳୟ ରୁଷ ଓ ଆମେରିକାକୁ ସୂଚନା ଦେଇଛି।

କାବୁଲରେ ହୋଟେଲ ଆକ୍ରମଣ: ୫ ମୃତ, ଶତାଧିକ ଉଦ୍ଧାର

କାବୁଲରେ ହୋଟେଲ ଆକ୍ରମଣ: ୫ ମୃତ, ଶତାଧିକ ଉଦ୍ଧାର

କାବୁଲ,୨୧।୧: ଆଫଗାନିସ୍ତାନର ରାଜଧାନୀ କାବୁଲ ସ୍ଥିତ ‘କାବୁଲ୍ସ ଇଣ୍ଟରକଣ୍ଟିନେଣ୍ଟାଲ ହୋଟେଲ’ ରେ ଶନିବାର ସନ୍ଧ୍ୟାରେ ବନ୍ଧୁକଧାରୀଙ୍କ ଆକ୍ରମଣ ଫଳରେ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ୮ ଗୁରୁତର ଆହତ ହୋଇଥିବା ଖବର ମିଳିଛି।

ବିଶ୍ୱର ସବୁଠାରୁ ବଡ଼ ବିମାନବନ୍ଦର

ବିଶ୍ୱର ସବୁଠାରୁ ବଡ଼ ବିମାନବନ୍ଦର

ବେଜିଂ,୨୧।୧: ଚାଇନାର ରାଜଧାନୀ ବେଜିଂରେ ନିର୍ମାଣ ହେଉଥିବା ବିମାନ ବନ୍ଦରକୁ ଦେଖିବା ଲାଗି ଲୋକେ କିଛି ସମୟ ଅଟକି ଯାଉଛନ୍ତି।

ତୁର୍କୀ ବସ୍‌ ଦୁର୍ଘଟଣା: ୧୩ ମୃତ, ୪୨ ଆହତ

ତୁର୍କୀ ବସ୍‌ ଦୁର୍ଘଟଣା: ୧୩ ମୃତ, ୪୨ ଆହତ

ଆଙ୍କାରା,୨୦।୧: ତୁର୍କୀର ମଧ୍ୟ ଏସ୍କିହିର୍‌ ଅଞ୍ଚଳରେ ଶନିବାର ଏକ ବସ୍‌ ଦୁର୍ଘଟଣାଗ୍ରସ୍ତ ହେବା ଫଳରେ ୧୩ ଜଣଙ୍କ ମୃତ୍ୟୁ ହେବା ସହ ୪୨ ଆହତ ହୋଇଛନ୍ତି।

ଆଫଗାନିସ୍ତାନରେ ବିସ୍ଫୋରଣ: ୧ ମୃତ

ଆଫଗାନିସ୍ତାନରେ ବିସ୍ଫୋରଣ: ୧ ମୃତ

କାବୁଲ,୨୦।୧: ଆଫଗାନିସ୍ତାନର ପକ୍‌ଟିଆ ଅଞ୍ଚଳରେ ଥିବା ଗାର୍‌ଡେଜ୍‌ ସହରରେ ଶନିବାର ସକାଳେ ଏକ ବିସ୍ଫୋରଣ ଘଟିଛି। ୨ ଜଣ ଯାଉଥିବା ମୋଟରସାଇକେଲଟି ରାସ୍ତାକଡ଼ରେ ଥିବା ଏକ ବିସ୍ଫୋରକରେ ବାଡେଇ ହୋଇଯିବା ଫଳରେ ଏହି ବିସ୍ଫୋରଣ ଘଟିଥିବା ସୂଚନା ମିଳିଛି।