ଖେଳ |

ଅଭ୍ୟାସ ମ୍ୟାଚ ଖେଳିବାକୁ କୋରିଆ ହକି ଦଳ ପହଞ୍ଚିଲା

ଅଭ୍ୟାସ ମ୍ୟାଚ ଖେଳିବାକୁ କୋରିଆ ହକି ଦଳ ପହଞ୍ଚିଲା
ଭୁବନେଶ୍ୱର, ୨୪।୧୧(କ୍ରୀଡ଼ା ପ୍ରତିନିଧି) କଳିଙ୍ଗ ଷ୍ଟାଡିୟମରେ ହକି ଓ୍ବାଲର୍‌ଡ ଲିଗ୍‌ ଫାଇନାଲ ଆରମ୍ଭ ହେବାକୁ ଆଉ ମାତ୍ର ୬ ଦିନ ବାକି ଥିବାବେଳେ ଏଠାରେ ବନ୍ଧୁତ୍ୱପୂର୍ଣ୍ଣ ମ୍ୟାଚ ଖେଳିବା ପାଇଁ ଦକ୍ଷିଣ କୋରିଆ ଦଳ ଶୁକ୍ରବାର ଭୁବନେଶ୍ୱରରେ ପହଞ୍ଚତ୍ଛି। ହକି ଓ୍ବାଲର୍‌ଡଲିଗ୍‌ ଫାଇନାଲ ଖେଳିବାକୁ ଆସିଥିବା ସମସ୍ତ ଦଳ ଶକ୍ତିଶାଳୀ। ତେବେ ଭାରତ ଫାଇନାଲରେ ପହଞ୍ଚତ୍ବାର ଦକ୍ଷତା ରଖିଛି ବୋଲି କୋରିଆ ଦଳର ମୁଖ୍ୟ କୋଚ୍‌ ଶିନ୍‌ ସିଓକ୍‌ କ୍ୟୋ ପ୍ରକାଶ କରିଛନ୍ତି। କୋରିଆ ଦଳ ଏଠାରେ ଅଲିମ୍ପିକ ସ୍ବର୍ଣ୍ଣ ପଦକ ବିଜେତା ଆର୍ଜେଣ୍ଟିନା ବିପକ୍ଷରେ ଗୋଟିଏ ଏବଂ ଇଷ୍ଟକୋଷ୍ଟ ରେଲଓ୍ବେ ବିପକ୍ଷରେ ୨ଟି ବନ୍ଧୁତ୍ୱପୂର୍ଣ୍ଣ ମ୍ୟାଚ ଖେଳିବ। ଅଭ୍ୟାସ ମ୍ୟାଚ ଖେଳି କୋରିଆ ୨୦୧୮ ଏସିଆନ ଗେମ୍ସ ପାଇଁ ପ୍ରସ୍ତୁତ ହେବ। ”ଇଣ୍ଡୋନେସିଆର ଜାକର୍ତ୍ତାଠାରେ ହେବାକୁଥିବା ଏସିଆନ ଗେମ୍ସ ପାଇଁ ପ୍ରସ୍ତୁତିର ଏହା ଏକ ଅଂଶବିଶେଷ। ଏଠାକୁ ଆସିଥିବା ୨୦ଜଣଙ୍କ ମଧ୍ୟରୁ ୧୦ ଜଣ ଯୁବ ଖେଳାଳି। ଅନ୍ୟ ୧୦ ଜଣ ଏସିଆନ ଗେମ୍ସ ଖେଳିବାର ଅଭିଜ୍ଞତା ରଖିଛନ୍ତି। ଏଠାରେ ଅଭ୍ୟାସ ମ୍ୟାଚ ମାଧ୍ୟମରେ ଆମେ ଯୁବ ଖେଳାଳିଙ୍କୁ ପରୀକ୍ଷା କରିବାକୁ ଚାହୁଁ“ ବୋଲି କ୍ୟୋ କହିଛନ୍ତି। କୋରିଆ ଦଳ କଳିଙ୍ଗ ଷ୍ଟାଡିୟମରେ ଚଳିତମାସ ୨୬ ଓ ୩୦ରେ ଇଷ୍ଟକୋଷ୍ଟ ରେଲଓ୍ବେ ସହିତ ଏବଂ ଆର୍ଜେଣ୍ଟିନା ବିପକ୍ଷରେ ୨୮ ତାରିଖରେ ବନ୍ଧୁତ୍ୱପୂର୍ଣ୍ଣ ମ୍ୟାଚ ଖେଳିବ। ଶନିବାରଠାରୁ ଦଳ କଳିଙ୍ଗ ଷ୍ଟାଡିୟମରେ ଅଭ୍ୟାସ ମଧ୍ୟ କରିବ। ଆର୍ଜେଣ୍ଟିନା ବିପକ୍ଷରେ ମ୍ୟାଚ ଖେଳିବା ଆମ ଯୁବ ଖେଳାଳିଙ୍କ ପାଇଁ ବହୁତ ବଡ଼ ଅନୁଭୂତି ହେବ। ଆଗାମୀ ଦିନରେ ହେବାକୁଥିବା ଏସିଆନ ଗେମ୍ସ ଏବଂ ଅଲିମ୍ପିକ୍ସ ଯୋଗ୍ୟତା ପର୍ଯ୍ୟାୟ ପାଇଁ ଏହା ସହାୟକ ହେବା ଆଶା। ହକି ଓ୍ବାଲର୍‌ଡ ଲିଗ୍‌ ଡିସେମ୍ବର ୧ରୁ ଆରମ୍ଭ ହେଉଥିବାରୁ ଆମେ ଏଠାରେ ରହିବା ସମୟରେ କେତୋଟି ମ୍ୟାଚ ଦେଖିବାର ମଧ୍ୟ ସୁଯୋଗ ପାଇବୁ ବୋଲି ସେ କହିଛନ୍ତି। ୨୦୧୭ ଏସିଆ କପ୍‌ରେ ଆଶାନୁରୂପ ପ୍ରଦର୍ଶନ କରି ନ ପାରିବାରୁ କୋରିଆ ୨୦୧୮ ହକି ବିଶ୍ୱକପ ପାଇଁ ଯୋଗ୍ୟତା ଅର୍ଜନରେ ବିଫଳ ହୋଇଥିଲା।
All Right Reserved By

ଖେଳ |

ଆଇପିଏଲ୍‌ରେ ଜାହିରଙ୍କୁ ନୂଆ ଦାୟିତ୍ୱ

ଆଇପିଏଲ୍‌ରେ ଜାହିରଙ୍କୁ ନୂଆ ଦାୟିତ୍ୱ

ମୁମ୍ବାଇ, ୧୮।୧୨(ପି.ଟି.)- ତିନିଥର ଆଇପିଏଲ୍‌ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ମଙ୍ଗଳବାର ପ୍ରାକ୍ତନ ଦ୍ରୁତ ବୋଲର ଜାହିର ଖାଁଙ୍କୁ ଦଳର ନିର୍ଦ୍ଦେଶକ (କ୍ରିକେଟ ଅପରେଶନ) ଭାବେ ନିଯୁକ୍ତ କରିଛି।

ଇଶାନ୍ତ-ଜାଡେଜା କଥା କଟାକଟି

ଇଶାନ୍ତ-ଜାଡେଜା କଥା କଟାକଟି

ପର୍ଥ, ୧୮।୧୨- ବିରାଟ କୋହଲିଙ୍କ ନେତୃତ୍ୱାଧୀନ ଭାରତୀୟ ଦଳ ଘରୋଇ ଅଷ୍ଟ୍ରେଲିଆ ବିପକ୍ଷରେ ପର୍ଥରେ ଅନୁଷ୍ଠିତ ୨ୟ ଟେଷ୍ଟ ମ୍ୟାଚ୍‌କୁ ୧୪୬ ରନର ବୃହତ ବ୍ୟବଧାନରେ ହାରିଯାଇଛି। ତେବେ ଏହି ମ୍ୟାଚ୍‌ ଅବସରରେ ଭାରତର ଦୁଇ ବରିଷ୍ଠ ଖେଳାଳି ଇଶାନ୍ତ ଶର୍ମା ଓ ରବୀନ୍ଦ୍ର ଜାଡେଜାଙ୍କ ମଧ୍ୟରେ କଥା କଟାକଟି ହୋଇଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ଘୂରି ବୁଲୁଛି। 

ଓ୍ବେଲିଂଟନ ଟେଷ୍ଟ: ସଂପୂର୍ଣ୍ଣ ଦିନ ବ୍ୟାଟିଂ କଲେ ମେଣ୍ଡିସ, ମାଥ୍ୟୁସ

ଓ୍ବେଲିଂଟନ ଟେଷ୍ଟ: ସଂପୂର୍ଣ୍ଣ ଦିନ ବ୍ୟାଟିଂ କଲେ ମେଣ୍ଡିସ, ମାଥ୍ୟୁସ

ଓ୍ବେଲିଂଟନ, ୧୮।୧୨ (ପି.ଟି.)- ନ୍ୟୁଜିଲାଣ୍ଡ ବିପକ୍ଷରେ ସ୍ଥାନୀୟ ବେସିନ ରିଜର୍ଭ ଗ୍ରାଉଣ୍ଡରେ ଚାଲିଥିବା ପ୍ରଥମ ଟେଷ୍ଟରେ ଭ୍ରମଣକାରୀ ଶ୍ରୀଲଙ୍କା ଦମ୍‌ଦାର ପ୍ରତ୍ୟାବର୍ତ୍ତନ କରିଛି। କୁଶଳ ମେଣ୍ଡିସ ଓ ଆଞ୍ଜେଲୋ ମାଥ୍ୟୁସ ଅପରାଜିତ ଶତକ ହାସଲ କରି ସଂପୂର୍ଣ୍ଣ ଦିବସ ବ୍ୟାଟିଂ କରିବାରୁ ମଙ୍ଗଳବାର ଷ୍ଟମ୍ପ୍ସ ଅପସାଣ ସୁଦ୍ଧା ଶ୍ରୀଲଙ୍କା ୨ୟ ଇନିଂସରେ ୩ ଉଇକେଟ୍‌ ହରାଇ ୨୫୯ ରନ ସଂଗ୍ରହ କରିଛି।

ପର୍ଥ ଟେଷ୍ଟରେ ଜିତିଲା ଅଷ୍ଟ୍ରେଲିଆ

ପର୍ଥ ଟେଷ୍ଟରେ ଜିତିଲା ଅଷ୍ଟ୍ରେଲିଆ

ପର୍ଥ, ୧୮।୧୨(ପି.ଟି.)- ଘରୋଇ ଅଷ୍ଟ୍ରେଲିଆ ବିପକ୍ଷରେ ଏଠାରେ ଅନୁଷ୍ଠିତ ୨ୟ ଟେଷ୍ଟ ମ୍ୟାଚ୍‌ରେ ଭାରତ ଶୋଚନୀୟ ପରାଜୟବରଣ କରିଛି। ଅଷ୍ଟ୍ରେଲିଆ ପକ୍ଷରୁ ଧାର୍ଯ୍ୟ ୨୮୭ ରନର ଟାର୍ଗେଟ୍‌କୁ ପିଛା କରି ବିରାଟ ବାହିନୀ ମଙ୍ଗଳବାର ଅନ୍ତିମ ତଥା ୫ମ ଦିବସରେ ୧୪୦ ରନ କରି ଅଲ୍‌ଆଉଟ୍‌ ହୋଇଯାଇଥିଲା।

ନେଦରଲାଣ୍ଡ୍ସ ଆକ୍ରମଣାତ୍ମକ

ନେଦରଲାଣ୍ଡ୍ସ ଆକ୍ରମଣାତ୍ମକ

ଭୁବନେଶ୍ୱର, ୧୮।୧୨(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହକି ବିଶ୍ୱକପରେ ଆକ୍ରମଣାତ୍ମକ ରଣନୀତିରେ ସବୁଠାରୁ ଆଗରେ ରହିଛି ରନର୍ସଅପ୍‌ ନେଦରଲାଣ୍ଡ୍ସ। ଏହି ଦଳ ସର୍ବାଧିକ ୧୯୪ ଥର ପ୍ରତିପକ୍ଷ ସର୍କଲରେ ପ୍ରବେଶ କରିଛି। 

ସାଗରଙ୍କ ଶତକ: ଟାଉନ କ୍ଲବ ବିଜୟୀ

ସାଗରଙ୍କ ଶତକ: ଟାଉନ କ୍ଲବ ବିଜୟୀ

ଭୁବନେଶ୍ୱର, ୧୮।୧୨(ସ୍ପୋଟର୍‌ସ ବ୍ୟୁରୋ)- ପ୍ରଗତି ସ୍ପୋର୍ଟିଂ ଦ୍ୱାରା ଆୟୋଜିତ ଭୁବନେଶ୍ୱର ଜୁନିୟର (୧୯ ବର୍ଷରୁ କମ୍‌) କ୍ରିକେଟ ଲିଗ୍‌ରେ ସୋମବାର ଖେଳାଯାଇଥିବା ଏକ ମ୍ୟାଚ୍‌ରେ ଟାଉନ୍‌ କ୍ଲବ ୯୫ ରନରେଗ୍ରୀନ୍ସ କ୍ରିକେଟ ଏକାଡେମୀକୁ ପରାସ୍ତ କରିଛି।

ଇଷ୍ଟର୍ନ ଇଣ୍ଡିଆ ବଡିବିଲ୍ଡିଂ: ଜନ୍ମେଜୟଙ୍କୁ ବ୍ରୋଞ୍ଜ

ଇଷ୍ଟର୍ନ ଇଣ୍ଡିଆ ବଡିବିଲ୍ଡିଂ: ଜନ୍ମେଜୟଙ୍କୁ ବ୍ରୋଞ୍ଜ

ଭୁବନେଶ୍ୱର, ୧୮।୧୨(କ୍ରୀଡ଼ା ପ୍ରତିନିଧି)- ଇଷ୍ଟର୍ନ ଇଣ୍ଡିଆ ବଡିବିଲ୍ଡିଂ ଚାମ୍ପିୟନଶିପ୍‌ର ୧୫ତମ ସଂସ୍କରଣ ସିଲିଗୁଡ଼ିଠାରେ ଡିସେମ୍ବର ୧୫ ଓ ୧୬ ତାରିଖ ଦୁଇଦିନଧରି ଅନୁଷ୍ଠିତ ହୋଇଯାଇଛି। 

ଲଥାମ୍‌ଙ୍କ ରେକର୍ଡ ଦ୍ୱିଶତକ

ଲଥାମ୍‌ଙ୍କ ରେକର୍ଡ ଦ୍ୱିଶତକ

ଓ୍ବେଲିଂଟନ, ୧୮।୧୨- ବାମହାତୀ ଓପନର୍‌ ଟମ୍‌ ଲଥାମ୍‌ଙ୍କ ଅପରାଜିତ ରେକର୍ଡ ଦ୍ୱିଶତକୀୟ ଇନିଂସ ବଳରେ ଶ୍ରୀଲଙ୍କା ବିପକ୍ଷରେ ଏଠାରେ ଚାଲିଥିବା ପ୍ରଥମ ଟେଷ୍ଟରେ ନ୍ୟୁଜିଲାଣ୍ଡ ଦୃଢ଼ସ୍ଥିତିରେ ରହିଛି। 

ସୌମ୍ୟରଞ୍ଜନ, ସାଇରୂପାଙ୍କୁ ଟାଇଟଲ

ସୌମ୍ୟରଞ୍ଜନ, ସାଇରୂପାଙ୍କୁ ଟାଇଟଲ

କଟକ ଅଫିସ,୧୮ା୧୨ - କଟକ ଜିଲା ଚେସ୍‌ ସଂଘ ଆନୁକୂଲ୍ୟରେ ସ୍ଥାନୀୟ ଇଷ୍ଟକୋଷ୍ଟ ରେଲଓ୍ବେ ପ୍ରତିଷ୍ଠାନରେ ଅନୁଷ୍ଠିତ କଟକ ଜିଲା ଚେସ୍‌ ଚାମ୍ପିୟନଶିପର ସିନିୟର ବର୍ଗର ଟାଇଟଲ ଜିତିଛନ୍ତି ସୌମ୍ୟରଞ୍ଜନ ମିଶ୍ର। ରାଜ୍ୟଷ୍‌ସ୍ତରୀୟ ଓପନ ପ୍ରତିଯୋଗିତାରେ ଏହା ସୌମ୍ୟରଞ୍ଜନଙ୍କର ୫୨ତମ ଏବଂ କଟକ ଜିଲା ଚାମ୍ପିୟନଶିପ୍‌ରେ ଲଗାତର ଦ୍ୱିତୀୟ ଟାଇଟଲ। ୭ ରାଉଣ୍ଡ ବିଶିଷ୍ଟ ଏହି ପ୍ରତିଯୋଗିତାର ସିନିୟର ବର୍ଗରେ ସୌମ୍ୟରଞ୍ଜନ ୫.୫ ପଏଣ୍ଟ ହାସଲ କରି  ଟାଇବ୍ରେକର ପଦ୍ଧତିରେ ଚାମ୍ପିୟନ ହୋଇଥିଲେ। 

ଶିଖରରେ ରେଡ୍‌ ଲାୟନ୍ସ

ଶିଖରରେ ରେଡ୍‌ ଲାୟନ୍ସ

ଭୁବନେଶ୍ୱର ୧୮।୧୨(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହକି ବିଶ୍ୱକପରେ ବିଜୟଟିକା ପିନ୍ଧିଛି ରେଡ୍‌ ଲାୟନ୍ସ ବେଲଜିୟମ। ନିଜର ହକି ଇତିହାସରେ ସର୍ବଶ୍ରେଷ୍ଠ ସଫଳତା ହାସଲ କରିଛି ଏହି ଦଳ। 

ପୃଥ୍ବୀ ଶ’ଙ୍କ ବଦଳରେ ମୟଙ୍କ ଅଗ୍ରଓ୍ବାଲ

ପୃଥ୍ବୀ ଶ’ଙ୍କ ବଦଳରେ ମୟଙ୍କ ଅଗ୍ରଓ୍ବାଲ

ପର୍ଥ, ୧୭ା୧୨ (ପି.ଟି.)-ଆଘାତପ୍ରାପ୍ତ ପୃଥ୍ବୀ ଶ’ ଅଷ୍ଟ୍ରେଲିଆ ବିପକ୍ଷ ସମଗ୍ର ଟେଷ୍ଟ ସିରିଜରୁ ବାଦ୍‌ ପଡ଼ିଛନ୍ତି। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ତାଙ୍କ ସ୍ଥାନରେ ଯୁବ ଓପନର ମୟଙ୍କ ଅଗ୍ରଓ୍ବାଲଙ୍କୁ ଦଳରେ ସାମିଲ କରିଛି।  

ପର୍ଥ ଟେଷ୍ଟ: ପରାଜୟ ଦ୍ୱାରଦେଶରେ ଭାରତ

ପର୍ଥ ଟେଷ୍ଟ: ପରାଜୟ ଦ୍ୱାରଦେଶରେ ଭାରତ

ପର୍ଥ, ୧୭।୧୨(ପି.ଟି.)- ଘରୋଇ ଅଷ୍ଟ୍ରେଲିଆ ବିପକ୍ଷରେ ଏଠାରେ ଚାଲିଥିବା ୨ୟ ଟେଷ୍ଟ ମ୍ୟାଚ୍‌ରେ ଭାରତୀୟ ଦଳ ପରାଜୟ ଦ୍ୱାରରେ ପହଞ୍ଚତ୍ଛି। ଅଷ୍ଟ୍ରେଲିଆ ପକ୍ଷରୁ ଧାର୍ଯ୍ୟ ୨୮୭ ରନର ଟାର୍ଗେଟ୍‌କୁ ପିଛା କରି ବିରାଟ କୋହଲିଙ୍କ ନେତୃତ୍ୱାଧୀନ ଭାରତ ସୋମବାର ୪ର୍ଥ ଦିବସ ଖେଳ ଶେଷ ସୁଦ୍ଧା ଦ୍ୱିତୀୟ ଇନିଂସରେ ୫ ଉଇକେଟ୍‌ ହରାଇ ୧୧୨ ରନ କରିଛି।