ସମ୍ପାଦକୀୟ |

ପ୍ରଜନନ କ୍ଷମତା ଓ ଖାଦ୍ୟ

ପ୍ରଜନନ କ୍ଷମତା ଓ ଖାଦ୍ୟ

ପରିବେଶ ପରିଚିନ୍ତା/ ମାନେକା ଗାନ୍ଧୀ
ଭାରତ ପରି ଦେଶରେ ବହୁ ଦମ୍ପତି ନିଜର ସନ୍ତାନ ଜନ୍ମ କରିବାର ଅକ୍ଷମତା ନେଇ ଡାକ୍ତରଙ୍କ ପାଖକୁ ଯିବା ଏକ ବିଲକ୍ଷଣ। ଅନେକ ପୁରୁଷ ଏଥିପାଇଁ ତାଙ୍କ ସ୍ତ୍ରୀମାନଙ୍କୁ ଦୋଷ ଦିଅନ୍ତି। କିନ୍ତୁ ପରିବାରର ଚାପରେ ଯେତେବେଳେ ସେମାନେ ଡାକ୍ତରଙ୍କ ପାଖରେ ପରୀକ୍ଷା କରାନ୍ତି, ସେତେବେଳେ ଜଣାପଡ଼େ ଅଧିକାଂଶ କ୍ଷେତ୍ରରେ ପୁରୁଷର ହିଁ ଶୁକ୍ରାଣୁ ଅଭାବ ଯୋଗୁ ଏପରି ସମସ୍ୟା ସୃଷ୍ଟି ହୋଇଛି। ଏହା ଈଶ୍ୱରଙ୍କ ଇଚ୍ଛା ନୁହେଁ, ଏହା ଆପଣଙ୍କ ଖାଦ୍ୟାଭ୍ୟାସ ଯୋଗୁ ହୋଇପାରେ। ଶୁକ୍ରାଣୁ ସଂଖ୍ୟା ଓ ତା’ର ମାନ ଉପରେ ଖାଦ୍ୟର ଖୁବ୍‌ ପ୍ରଭାବ ଥାଏ। ମାଂସ ଓ କ୍ଷୀର ଜାତୀୟ ଖାଦ୍ୟ ଅଧିକ ଖାଇବା ଦ୍ୱାରା ଶୁକ୍ରାଣୁ ସଂଖ୍ୟା, ତା’ର ଆକାର, ଆକୃତି ଓ ସାନ୍ଦ୍ରତା କମିଯାଇଥାଏ। ଏପରି ହେଲେ ଡାକ୍ତର ପରାମର୍ଶ ଦିଅନ୍ତି- ସିଗାରେଟ୍‌ ଟାଣିବା ଛାଡ଼ିଦିଅ, ଢିଲା ଅନ୍ତର୍ବାସ ପିନ୍ଧ, ଲାପ୍‌ଟପ୍‌କୁ ଅଣ୍ଟାଠାରୁ ଦୂରରେ ରଖ ଏବଂ ଯୌନ ସମ୍ପର୍କ କମ୍‌ ରଖ, ଯାହାଫଳରେ ଶୁକ୍ରାଣୁ ସଂଖ୍ୟା ବୃଦ୍ଧି ପାଇପାରିବ। କିନ୍ତୁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି GIGO ପ୍ରିନ୍‌ସିପୁଲ: ଗାର୍ବେଜ୍‌ ଇନ୍‌, ଗାର୍ବେଜ୍‌ ଆଉଟ୍‌। ଗବେଷକମାନଙ୍କ କହିବା ଅନୁସାରେ ଆମେ ଯେଉଁ ଖାଦ୍ୟ ଖାଉ ତାହା ଆମର ଯୌନ କ୍ଷମତା ଉପରେ ପ୍ରଭାବ ପକାଏ। ୨୦୦୬ ମସିହାରେ ରୋଚେଷ୍ଟର ବିଶ୍ୱବିଦ୍ୟାଳୟର ଗବେଷକ କୋଚ୍‌ମ୍ୟାନ୍‌, ହର୍କୋ, ବ୍ରିଉଅର, ଆଣ୍ଡୋଲିନା ଓ ସଙ୍ଗ୍‌ ଦର୍ଶାଇଛନ୍ତି ଯେ, ଯୌନ ଅକ୍ଷମ ପୁରୁଷମାନେ ତାଙ୍କ ଖାଦ୍ୟରେ କମ୍‌ ଫଳ ଓ ପନିପରିବା ଖାଇଥାନ୍ତି। ଯେଉଁମାନେ ଯେତେ କମ୍‌ ଫଳ ଓ ପନିପରିବା ଖାଆନ୍ତି, ସେମାନଙ୍କ ଶୁକ୍ରାଣୁର ଗତିଶୀଳତା ସେତେ କମ୍‌ ହୋଇଥାଏ। ୨୦୧୧ରେ ବ୍ରାଜିଲରେ କରାଯାଇଥିବା ଏକ ଅନୁଧ୍ୟାନ ଅନୁସାରେ, ଯେଉଁ ପୁରୁଷମାନେ ଅଧିକ ଗୋଟା ଶସ୍ୟ- ଗହମ, ଯଅ, ବାର୍ଲି ପ୍ରଭୃତି ଖାଇଥିଲେ ସେମାନଙ୍କ ଶୁକ୍ରାଣୁ ସଂଖ୍ୟା ଅଧିକ ଥିଲା। ବନ୍ଧ୍ୟାଦୋଷ ଓ ନପୁଂସକତା ଉପରେ କରାଯାଇଥିବା ତିନୋଟି ଅଧିକ ଅନୁଧ୍ୟାନରୁ ସେହି ଏକା କଥା ଜଣାପଡ଼ିଛି ଏବଂ ତା’ ସହ ଛେନା ଓ କ୍ଷୀରଜାତୀୟ ଖାଦ୍ୟ ମଧ୍ୟ ଶୁକ୍ରାଣୁ ହ୍ରାସର କାରଣ ବୋଲି ପ୍ରମାଣ ମିଳିଛି। ୨୦୧୩ରେ କରାଯାଇଥିବା ଏକ ଅନୁଧ୍ୟାନ ଅନୁସାରେ, ସମ୍ପୂର୍ଣ୍ଣ କ୍ଷୀର ଓ ଛେନା ପରି ଚର୍ବିବହୁଳ କ୍ଷୀରଜାତ ଖାଦ୍ୟ ଦିନକୁ ଦୁଇଥର ଖାଇଲେ ଗତିଶୀଳ ଶୁକ୍ରାଣୁ ସଂଖ୍ୟା କମିଯାଇପାରେ। ବିଭିନ୍ନ ଅନୁଧ୍ୟାନରୁ ଜଣାପଡ଼ିଛି ଯେ, ଯେଉଁ ପୁରୁଷମାନେ ଅଧିକ ଫଳ ଓ ପନିପରିବା ଖାଆନ୍ତି, ସେମାନଙ୍କ ଶୁକ୍ରାଣୁର ମାନ ଉନ୍ନତ ଥାଏ। ଆଣ୍ଟିଅକ୍ସିଡାଣ୍ଟ କମ୍‌ ଥିବା ଖାଦ୍ୟ ଅଧିକ ଖାଇଲେ ଶୁକ୍ରର ମାନ କମିଯାଇଥାଏ। ନିକଟରେ ହାଓ୍ବାର୍ଡ ବିଶ୍ୱବିଦ୍ୟାଳୟରେ କରାଯାଇଥିବା ଏକ ଅନୁଧ୍ୟାନ ଅନୁସାରେ ମାଂସ ଓ କ୍ଷୀରଜାତ ଖାଦ୍ୟ ମାତ୍ର ୫ ପ୍ରତିଶତ ଅଧିକ ଖାଇଲେ ଶୁକ୍ରାଣୁ ସଂଖ୍ୟା ୩୮ ପ୍ରତିଶତ କମିଯାଇପାରେ। ଯେଉଁମାନେ ପ୍ରକ୍ରିୟାକୃତ ମାଂସ ଅଧିକ ଖାଇଥିଲେ ଅଳ୍ପ ଖାଇଥିବା ଲୋକଙ୍କଠାରୁ ସେମାନଙ୍କର ଶୁକ୍ରାଣୁ ସଂଖ୍ୟା ୨୩ ପ୍ରତିଶତ କମ୍‌ ଥିଲା। ଏପିଡେମିଓଲୋଜି ପତ୍ରିକାରେ ପ୍ରକାଶିତ ୨୦୧୪ର ଏକ ଗବେଷଣା ନିବନ୍ଧ ଅନୁସାରେ, ପ୍ରକ୍ରିୟାକୃତ ମାଂସ ଖାଇଲେ ନପୁଂସକତା ସୃଷ୍ଟି ହୁଏ। ନିକଟରେ ମାସାଚୁସେଟ୍ସ ଜେନେରାଲ ହସ୍ପିଟାଲ, ବ୍ରିଗ୍‌ହାମ୍‌ ଏବଂ ଡ. ଜିଲ ଆଟ୍ଟାମ୍ୟାନ୍‌ଙ୍କ ଦ୍ୱାରା ପରିଚାଳିତ ମହିଳା ହସ୍ପିଟାଲ ଓ ହାଓ୍ବାର୍ଡ ମେଡିକାଲ ସ୍କୁଲ୍‌ ଦ୍ୱାରା ଡାର୍ଟମାଉଥ୍‌-ହିଚ୍‌କକ୍‌ ମେଡିକାଲ ସେଣ୍ଟରଠାରେ ୯୯ ଜଣ ଶୁକ୍ରଦାତାଙ୍କ ଉପରେ ଏକ ଅନୁଧ୍ୟାନ କରାଯାଇଥିଲା। ଏଥିରୁ ଯୌନ କ୍ଷମତା ଉପରେ ଖାଦ୍ୟ କିପରି ପ୍ରଭାବ ପକାଏ ତାହା ଜଣାପଡ଼ିଥିଲା। ଯେଉଁମାନେ ଅଧିକ ପରିପୃକ୍ତ ଚର୍ବିଯୁକ୍ତ ଖାଦ୍ୟ (ମାଂସ ଓ କ୍ଷୀରଜାତ ଖାଦ୍ୟ) ଖାଇଥିଲେ, କମ୍‌ ଖାଇଥିବା ଲୋକଙ୍କ ତୁଳନାରେ ସେମାନଙ୍କର ୪୩ ପ୍ରତିଶତ ଶୁକ୍ରାଣୁ କମ୍‌ ଥିଲା। ଚର୍ବିବହୁଳ ଖାଦ୍ୟ ଖାଇବା କମାଇବା ପରେ ସେମାନଙ୍କର ସାଧାରଣ ସ୍ବାସ୍ଥ୍ୟ ସହ ପ୍ରଜନନ କ୍ଷମତା ମଧ୍ୟ ବୃଦ୍ଧି ପାଇବା ଦେଖାଯାଇଥିଲା। ୨୨୧ଟି ଦେଶ ମଧ୍ୟରେ ଡେନ୍‌ମାର୍କର ଜନ୍ମହାର ୧୮୫ତମ ସ୍ଥାନରେ ରହିଛି ଏବଂ ଏହାର ଜନସଂଖ୍ୟା ଦ୍ରୁତଗତିରେ କମିବାରେ ଲାଗିଛି। ରିଗ୍‌ସହସ୍ପିଟାଲେଟ୍‌ କୋପେନ୍‌ହାଗେନ୍‌ ୟୁନିଭର୍ସିଟି ନ୍ୟାଶ୍‌ନାଲ ହସ୍ପିଟାଲ ତରଫରୁ ଏହା ଉପରେ ଏକ ଅନୁଧ୍ୟାନ କରାଯାଇଥିଲା, ଯାହାର ରିପୋର୍ଟ ଆମେରିକାନ୍‌ ଜର୍ନାଲ ଅଫ୍‌ କ୍ଳିନିକାଲ ନ୍ୟୁଟ୍ରିଶନ୍‌ରେ ପ୍ରକାଶ ପାଇଛି। ଏହି ରିପୋର୍ଟ ଅନୁସାରେ ଖାଦ୍ୟାଭ୍ୟାସ ଯୋଗୁ ଡେନ୍‌ମାର୍କର ପୁରୁଷମାନେ ପ୍ରଜନନ କ୍ଷମତା ହରାଉଛନ୍ତି। ଫ୍ରାନ୍ସରେ ମଧ୍ୟ ଅନୁରୂପ ଅନୁଧ୍ୟାନ କରାଯାଇଥିଲା, ଯେଉଁଠାରେ ଲୋକମାନେ ଅଧିକ ମାଂସ ଓ ଛେନା ଖାଆନ୍ତି। ଏଥିରୁ ଜଣାଗଲା ଯେ ୧୯୮୯ରେ ସେମାନଙ୍କର ହାରାହାରି ଶୁକ୍ର ସାନ୍ଦ୍ରତା ୭୪ ନିୟୁତ/ମିଲିଲିଟର ଥିବା ବେଳେ ୨୦୦୫ରେ ତାହା ୫୦ ନିୟୁତ/ମିଲିଲିଟରକୁ କମିଯାଇଛି। ଆମେରିକାନ୍‌ ଜର୍ନାଲ ଅଫ୍‌ ଅବ୍‌ଷ୍ଟେଟ୍ରିକ୍ସ ଆଣ୍ଡ୍‌ ଗାଇନେକୋଲୋଜିରେ ପ୍ରକାଶିତ ଏକ ଅନୁଧ୍ୟାନ ରିପୋର୍ଟ ଅନୁସାରେ ମାଂସ ବଦଳରେ ଉଦ୍ଭିଜ୍ଜ ପ୍ରୋଟିନ୍‌ ଖାଇଲେ ମହିଳାମାନଙ୍କର ବନ୍ଧ୍ୟାଦୋଷ ଦୂର ହୋଇଥାଏ। ଅଧିକ ମାଂସ ଖାଇଲେ ସେମାନଙ୍କର ସନ୍ତାନ ଜନ୍ମ ହାର କମିଯାଇଥାଏ। ନନ୍‌ହେମ୍‌ ଆଇରନ୍‌ ଥିବା ଚଣା, ପାଳଙ୍ଗ ଶାଗ ପ୍ରଭୃତି ଖାଉଥିବା ମହିଳାଙ୍କ ଅପେକ୍ଷା ହେମ୍‌ ଆଇରନ୍‌ ଥିବା ମାଂସ ଖାଉଥିବା ମହିଳାମାନଙ୍କର ବନ୍ଧ୍ୟାତ୍ୱ ଆଶଙ୍କା ୪୦ ପ୍ରତିଶତ ଅଧିକ। ନ୍ୟାଶ୍‌ନାଲ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଚାଇଲ୍‌ଡ ହେଲ୍‌ଥ ଆଣ୍ଡ୍‌ ହ୍ୟୁମ୍ୟାନ୍‌ ଡେଭ୍‌ଲପ୍‌ମେଣ୍ଟ ଦ୍ୱାରା କରାଯାଇଥିବା ଏକ ଅନୁଧ୍ୟାନ ଅନୁସାରେ, ମାଂସାହାର ଦ୍ୱାରା କୋଲେଷ୍ଟ୍ରଲ ସ୍ତର ବୃଦ୍ଧି ପାଇଲେ ମହିଳାମାନଙ୍କର ଗର୍ଭ ରହେ ନାହିଁ ବା ଗର୍ଭ ରହିବାରେ ବିଳମ୍ବ ହୁଏ। ଗବେଷଣାରୁ ଜଣାପଡ଼ିଛି ଯେ, ଲୋକମାନଙ୍କର ଆର୍ଥିକ ସ୍ଥିତିରେ ଉନ୍ନତି ଘଟିବା ଏବଂ ଫାଷ୍ଟ ଫୁଡ୍‌ର ସୁଲଭତା ଯୋଗୁ ଅନେକ ଦେଶରେ ନପୁଂସକତା ବୃଦ୍ଧି ପାଉଛି। ଏସବୁ ସମସ୍ୟାରୁ ନିସ୍ତାର ପାଇବାର ଉପାୟ ହେଉଛି ଜୀବନଶୈଳୀରେ ପରିବର୍ତ୍ତନ ଓ ଜୈବିକ ନିରାମିଷ ଖାଦ୍ୟକୁ ଆପଣାଇବା। ଜୈବିକ ଖାଦ୍ୟ ମାନେ ରାସାୟନିକ ସାର ଓ କୀଟନାଶକ ପ୍ରୟୋଗ ନ ହୋଇ ଉତ୍ପାଦନ ହୋଇଥିବା ଶସ୍ୟ, ଫଳମୂଳ ଓ ପନିପରିବା। ୨୦୧୪ରେ ଆମେରିକାନ୍‌ ସୋସାଇଟି ଫର୍‌ ରିପ୍ରଡକ୍ଟିଭ୍‌ ମେଡିସିନ୍‌ର ବାର୍ଷିକ ସମ୍ମିଳନୀରେ ଉପସ୍ଥାପିତ ଗବେଷଣା ନିବନ୍ଧ ଅନୁସାରେ ଯେଉଁ ଲୋକମାନେ କୀଟନାଶକର ଅବଶେଷ ଥିବା ଖାଦ୍ୟ ଖାଇଥିଲେ ସେମାନଙ୍କଠାରେ ୬୪ ପ୍ରତିଶତ କମ୍‌ ସ୍ବାଭାବିକ ଶୁକ୍ର ଏବଂ ୭୦ ପ୍ରତିଶତ କମ୍‌ ଗତିଶୀଳ ଶୁକ୍ର ଥିଲା। ମଦ ପିଇଲେ ମଧ୍ୟ ଶୁକ୍ରର ମାନ କମିଯାଇଥାଏ, ଯାହା ୨୦୧୨ର ଏକ ବ୍ରାଜିଲୀୟ ଅନୁଧ୍ୟାନରୁ ଜଣାପଡ଼ିଛି। ଡେନ୍‌ମାର୍କର ଏକ ଅନୁଧ୍ୟାନ ରିପୋର୍ଟ ଅନୁସାରେ ଅଳ୍ପ ମାତ୍ରାରେ ହେଉ ପଛେ ନିୟମିତ ମଦ୍ୟପାନ କରୁଥିବା ବ୍ୟକ୍ତିଙ୍କର ଶୁକ୍ରର ମାନ କମ୍‌ ଥାଏ। ତେଣୁ ମଦ୍ୟ ବଦଳରେ ଡାଳିମ୍ବ ରସ ପିଇବା ସବୁ ଦୃଷ୍ଟିରୁ ହିତକର ବୋଲି ତୁର୍କୀର ଏକ ଅନୁଧ୍ୟାନରୁ ଜଣାପଡ଼ିଛି। ବ୍ରାଜିଲରେ କରାଯାଇଥିବା ଏକ ଅନୁଧ୍ୟାନରେ ୧୮୯ ଜଣ ସୁସ୍ଥ ପତଳା ଯୁବକଙ୍କୁ ନିଆଯାଇଥିଲା। ସେମାନେ ଚିନି-ମିଶ୍ରିତ ପାନୀୟ ଦୈନିକ ଥରକରୁ ଅଧିକ ପିଉଥିଲେ। ଦେଖାଗଲା ସେମାନଙ୍କ ଶୁକ୍ରର ଗତିଶୀଳତା ହ୍ରାସ ପାଇଛି। ତେଣୁ ଯଦି ମିଠା ଖାଇବାର ଅଛି ଚିନି ବଦଳରେ ଫଳରୁ ପ୍ରସ୍ତୁତ ମିଠା ଖାଆନ୍ତୁ। ମାଛ, ମାଂସ, ଅଣ୍ଡା ଓ କ୍ଷୀରଜାତୀୟ ଖାଦ୍ୟ ଖାଇବା ଛାଡ଼ନ୍ତୁ। ମଦ, ସିଗାରେଟ୍‌ ଓ ଅଧିକ ଚିନି ଖାଇବା ଛାଡ଼ନ୍ତୁ। ତା’ ବଦଳରେ ଫଳ, ପନିପରିବା, ମସୁର ବା ଚଣା ଡାଲି, ପାଳଙ୍ଗ ଓ ଅନ୍ୟାନ୍ୟ ଶାଗ ପ୍ରଭୃତି ଖାଆନ୍ତୁ।
Email: gandhim@nic.in

All Right Reserved By

ସମ୍ପାଦକୀୟ |

ଅସହଯୋଗର ଦୁଃଖ

ଅସହଯୋଗର ଦୁଃଖ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଦେଶର ସର୍ବୋଚ୍ଚ ଖାଉଟି ସମବାୟ ସଂସ୍ଥା ବୋର୍ଡ ଅଫ୍‌ ନ୍ୟାଶ୍‌ନାଲ କୋଅପରେଟିଭ୍ସ କଞ୍ଜ୍ୟୁମର୍ସ ଫେଡ଼େରେଶନ୍‌ (ଏନ୍‌ସିସିଏଫ୍‌ ବୋର୍ଡ)ର ପରିଚାଳନା ନିର୍ଦ୍ଦେଶକ (ଏମ୍‌ଡି)ଙ୍କୁ ନିଯୁକ୍ତି ଦେବା କାହାର ଅଧିକାରଭୁକ୍ତ ଏ ନେଇ ଉକ୍ତ ସଂସ୍ଥା ଏବଂ ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ ମଧ୍ୟରେ ମତପାର୍ଥକ୍ୟ ଦେଖାଦେଇଛି। ମନ୍ତ୍ରଣାଳୟ ଜଣେ ଯୁଗ୍ମ ସଚିବ ଅନିଲ ବହୁଗୁଣାଙ୍କୁ ଏମ୍‌ଡି ଭାବେ ନିଯୁକ୍ତି ଦେବାବେଳେ ଏହି ମତଭେଦ ପଦାକୁ ଆସିଛି। ବିଶିଷ୍ଟ ସମବାୟ ନେତା ତଥା ପୂର୍ବତନ ବିଧାୟକ ବିଜେନ୍ଦର ...

ଗୁଜବର ବ୍ୟାପକତା

ଗୁଜବର ବ୍ୟାପକତା

ଶିବରାମ ଶତପଥୀ ପ୍ରାୟ ଷାଠିଏ ବର୍ଷ ପୂର୍ବର କଥା। ଲୋକେ ପଦବ୍ରଜରେ ଯିବା ଆସିବା କରୁଥିଲେ। ଦିନେ ମୁଁ ପଦିଆ ମାମୁଙ୍କୁ ପଚାରିଲି- ତୁମେ ପରା ଆଜି ଅମୁକ ଗାଁକୁ ଯିବାର ଥିଲା, ଯାଉନ। ସେ କହିଲେ ଖଙ୍ଗାର ମାତିଛି ପରା, ଏକୁଟିଆ କେମିତି ଯିବି? ପିଲାଙ୍କୁ ତାଗିଦ କରାଯାଉଥିଲା, ଏକା ଏକା ଦେଖିଲେ ପିଲାଙ୍କୁ ଖଙ୍ଗାର ବସ୍ତାରେ ପୂରାଇ ନେଇଯିବ। ଅମୁକଠାରେ ପୋଲ ତିଆରି ହେଉଛି ତ, ତା ନିଅଁରେ ପକାଇବା ପାଇଁ ପିଲାଙ୍କୁ ଧରି ନିଆଯାଉଛି। ପୋଲର ସ୍ଥାୟିତ୍ୱ ପାଇଁ ନରବଳି ଆବଶ୍ୟକ। ଏହା ଅବଶ୍ୟ ଏକ ଅନ୍ଧବିଶ୍ୱାସ।...

ଭକ୍ତ ଓ ଭଗବାନଙ୍କ ମହାମିଳନ

ଭକ୍ତ ଓ ଭଗବାନଙ୍କ ମହାମିଳନ

ବିମଳ ପ୍ରସନ୍ନ ଦାସ ଭକ୍ତ ଓ ଭଗବାନଙ୍କ ସମ୍ପର୍କ ଯୁଗେ ଯୁଗେ ଅନୁପମ ଓ ଅଲୌକିକ। ସେଥିପାଇଁ ଦାସିଆ ବାଉରିଙ୍କ ଅଧିକାର ଓ ଅଭିମାନ ଯୁଗ ଯୁଗକୁ ଅତୁଟ ରହିଛି ଓ ରହିଥିବ। କାରଣ ଲୀଳାମୟ, କାଳିଆ ସାଆନ୍ତ, ମହାବାହୁ ରାଜାଧିରାଜ ମଣିଷର ଠାକୁର। ଭକ୍ତର ଭାବରେ ବନ୍ଧା। ତା’ର ଜୀବନ ଧନ-ଅନ୍ଧ ଲଉଡି। କେତେ ବିଶ୍ୱାସ ଓ ନିର୍ଭରତା ଭକ୍ତର। ସାମାନ୍ୟ ଭରତିଆ ପକ୍ଷୀଟିର ଉଦାହରଣ ଯଥେଷ୍ଟ। କୁରୁକ୍ଷେତ୍ର ଯୁଦ୍ଧ ପ୍ରାରମ୍ଭରେ ପକ୍ଷୀଟି ବ୍ୟାକୁଳ ପ୍ରାର୍ଥନା କରିଛି ତା’ର ଅଣ୍ଡା ଦୁଇଟିକୁ ରକ୍ଷା କରିବାକୁ। ଭକ୍ତ ବଳରାମଙ୍କ କାଳଜ...

ଏଇ ଭାରତରେ

ଏଇ ଭାରତରେ

ନୀଚକୁଳରେ ଜନ୍ମ ହୋଇଥିବାରୁ ଜଣେ ମହିଳାଙ୍କ ହାତରନ୍ଧା ଖାଇବାକୁ କେତେକେ ନାକ ଟେକିଛନ୍ତି। ପରିଣାମ ସ୍ବରୂପ ଉକ୍ତ ମହିଳାଙ୍କୁ ସ୍କୁଲ୍‌ରୁ ହଟାଇ ଦେବାପାଇଁ ଉଚ୍ଚଜାତିର ଲୋକମାନେ ଦାବି ଉଠାଇଥିଲେ। ତାମିଲନାଡୁର ଏକ ସ୍କୁଲ୍‌ରେ ମଧ୍ୟାହ୍ନଭୋଜନ ରୋଷେଇ କରିବାରୁ ଉକ୍ତ ଦଳିତ ମହିଳାଙ୍କୁ ବଞ୍ଚତ୍ତ କରାଯାଇଛି। ତିରୁପୁର ଜିଲାର ଓକାମ୍‌ପଲାୟମ୍‌ ଗାଅଁାରେ ପି. ପାପଲ୍‌ ନାମ୍ନୀ ଏହି ମହିଳା ଗତ ୨ବର୍ଷ ହେଲା ମଧ୍ୟାହ୍ନଭୋଜନ ପାଚିକା ଭାବରେ ନିଯୁକ୍ତି ପାଇଥିଲେ। ସପ୍ତାହକ ତଳେ ନିଜ ଅନୁରୋଧ କ୍ରମେ ...

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଗତମାସରେ ବୀମା ନିୟାମକ ଓ ଉନ୍ନୟନ କର୍ତ୍ତୃପକ୍ଷ (ଆଇଆର୍‌ଡିଏ)ଠାରୁ ଅନୁମତି ପାଇବା ପରେ ଜୀବନବୀମା ନିଗମ (ଏଲ୍‌ଆଇସି) ବୋର୍ଡ କ୍ଷତିରେ ଚାଲୁଥିବା ଆଇଡିବିଆଇ ବ୍ୟାଙ୍କରେ ନିଜର ଅଂଶଧନ ୫୧ ପ୍ରତିଶତକୁ ବୃଦ୍ଧି କରିବା ଲାଗି ସରକାରଙ୍କୁ ପ୍ରସ୍ତାବ ଦେଇଛି। ଆଉ କେତେଟା ପ୍ରକ୍ରିୟା ଶେଷହେବା ପରେ ଉକ୍ତ ରାଷ୍ଟ୍ରାୟତ୍ତ ବ୍ୟାଙ୍କ ଏଲ୍‌ଆଇସିର ଅଧୀନ ହୋଇଯିବ। ଆଇଡିବିଆଇ ବ୍ୟାଙ୍କରେ ଜୀବନବୀମା ନିଗମର ବର୍ତ୍ତମାନ ୭.୯୮ ପ୍ରତିଶତ ଅଂଶଧନ ରହିଛି, ଯାହା ମାର୍ଚ୍ଚ ୨୦୧୮ ସୁଦ୍ଧା ୧୦.୮୨ ପ୍ରତିଶତ ଥିଲା। ରୁଗ୍ଣ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ସୁସ୍ଥ କରିତୋଳିବା ଦୀର୍ଘଦିନ ହେଲା ସରକାରଙ୍କର ଏକ ନୀତି ...

 ସଙ୍କଟରେ ଭବିଷ୍ୟତ

ସଙ୍କଟରେ ଭବିଷ୍ୟତ

ଉପେନ୍ଦ୍ର ବିଶ୍ୱାଳ ପାଗଳପ୍ରାୟ ଘୂରି ବୁଲୁଥାନ୍ତି ମହାମାନ୍ୟ ମଦନମୋହନ ମାଲବ୍ୟ। ନିଶା ଘାରିଥାଏ ବନାରସରେ ବିଶ୍ୱସ୍ତରୀୟ ହିନ୍ଦୁ ବିଶ୍ୱବିଦ୍ୟାଳୟଟିଏ ପ୍ରତିଷ୍ଠା କରିବାକୁ। ହାତ ପତଉଥାନ୍ତି ସମସ୍ତଙ୍କୁ। ଏପରିକି ମୃତଦେହ ଶୋଭାଯାତ୍ରାରେ ଫିଙ୍ଗାଯାଉଥିବା ପଇସା କଉଡ଼ିକୁ ମଧ୍ୟ ସାଉଁଟି ରଖୁଥାନ୍ତି। ବଡ଼ ଆଶା ନେଇ ପହଞ୍ଚତ୍ଲେ ଦିନେ ଘନଶ୍ୟାମ ଦାସ ବିର୍ଲାଙ୍କ ବାସଭବନରେ। ବୈଠକଖାନାରେ ଟିକିଏ ବସିବାକୁ କହି ଠାକୁର ପୂଜା ପାଇଁ ଗଲେ ସେ। ଦୀପଟି ଜଳାଇଲାବେଳେ ପ୍ରଥମ ପରେ ଦ୍ୱିତୀୟ ଦିଆସିଲିକାଠିଟି ଲିଭିଗଲା। ତୃତୀୟ କାଠିଟି ବି ଲିଭିଗଲା ସାମାନ୍ୟ ଅସାବଧାନତାବଶତଃ। ଗର୍ଜିଉଠି ବର୍ଷିଗଲେ ପୂଜକ ଉପରେ। ଆଚମ୍ବିତ ହେଲେ ...

ପ୍ରାଣବନ୍ତ, ପ୍ରଣବସ୍ବରୂପ

ପ୍ରାଣବନ୍ତ, ପ୍ରଣବସ୍ବରୂପ

ଡା. ଅଂଶୁମାନ୍‌ କର ଗତ ସ୍ନାନପୂର୍ଣ୍ଣିମା ଦିନ ଗଜପତି ମହାରାଜ ପ୍ରଭୁ ଜଗନ୍ନାଥଙ୍କ ଆଳତି କରିବା ସମୟରେ ପ୍ରଭୁଙ୍କ ଶିରରୁ ଫୁଲମାଳ ଖସିବାକୁ ନେଇ ଅନେକ ଚର୍ଚ୍ଚା ଚାଲିଛି। ଆଜିର ସୋସିଆଲ ମିଡିଆ ଯୁଗରେ ଏହି ଘଟଣାର ଭୂରି ଭୂରି ପ୍ରଚାର ଓ ପ୍ରସାର ଚାଲିଛି। ଜଗନ୍ନାଥ ଓ ପୁରୀ ଶ୍ରୀମନ୍ଦିରର ପ୍ରାଣବନ୍ତ ଅସ୍ତିତ୍ୱର ଏହା ଏକ ଦିବ୍ୟ ପ୍ରମାଣ ବୋଲି ଅନେକେ ମତ ବ୍ୟକ୍ତ କରୁଛନ୍ତି। କେତେଜଣ କହୁଛନ୍ତି, ଏହାଦ୍ୱାରା ପ୍ରଭୁ ନିଜ ପ୍ରତ୍ୟକ୍ଷ ଉପସ୍ଥିତିର ପ୍ରମାଣ ଦେଉଛନ୍ତି।...

ଏଇ ଭାରତରେ

ଏଇ ଭାରତରେ

ଜଣେ ନବଜାତ ଶିଶୁ କ୍ଷୀର ପାନ କରିବା ପରେ କୋମା ଅବସ୍ଥାରେ ଥିବା ତା’ ମା’ଙ୍କର ଚେତା ଫେରିଆସିଛି। ଏପରି ଏକ ଘଟଣା କେରଳରେ ଘଟିଛି। ବେଟିନା ନାମ୍ନୀ ଜଣେ ମହିଳା ଶିଶୁପୁତ୍ରର କାନ୍ଦ ଶୁଣି ଧୀରେ ଧୀରେ ପ୍ରତିକ୍ରିୟା ପ୍ରକାଶ କରିଥିଲେ। ଜୁନ୍‌ ୧୪ରେ ଶିଶୁଟି ଜନ୍ମଗ୍ରହଣ କରିଥିଲା। ଶିଶୁଟି ସ୍ତନ୍ୟପାନ କରିବା ପରେ ମହିଳାଙ୍କର ସ୍ନାୟୁଗତ ସମସ୍ୟା ଧୀରେ ଧୀରେ ସୁଧୁରିବାରେ ଲାଗିଥିଲା ବୋଲି ହସ୍ପିଟାଲ୍‌ର ଇଣ୍ଟେନ୍‌ସିଭ୍‌ କେୟାର ୟୁନିଟ୍‌ର ମୁଖ୍ୟ ଡକ୍ଟର ଆର. ବିବେକ ପ୍ରକାଶ କରିଛନ୍ତି। ...

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ବରୁ ଏହି ସ୍ତମ୍ଭରେ ଶସ୍ୟକ୍ଷେତ୍ରରେ ପଞ୍ଚଗବ୍ୟର ବ୍ୟବହାର ଉପରେ ଏକ ନିବନ୍ଧ ଲେଖିଥିଲି। ବହୁବର୍ଷର ଗବେଷଣା ପରେ ଉକ୍ତ ପୁସ୍ତକ ଲେଖିଥିବା ଡ. କେ. ନଟରାଜନ୍‌ ଏଥିରେ ପ୍ରାଣୀମାନଙ୍କ ଉପରେ ପଞ୍ଚଗବ୍ୟର ପ୍ରଭାବ ସମ୍ବନ୍ଧରେ ମଧ୍ୟ ଏକ ଅଧ୍ୟାୟ ଲେଖିଛନ୍ତି। ଗଛଲତା ଉପରେ ଅଧ୍ୟୟନ ପରେ ତାଙ୍କ ଗବେଷକ ଦଳ ପ୍ରାଣୀ ଓ ମନୁଷ୍ୟ ଉପରେ ଅଧ୍ୟୟନ ଆରମ୍ଭ କରିଦେଇଥିଲେ। ପୂର୍ବ ନିବନ୍ଧଟି ଯେଉଁମାନେ ପଢ଼ି ନ ଥିବେ ସେମାନଙ୍କ ପାଇଁ ଏହାର ପ୍ରସ୍ତୁତି ପ୍ରଣାଳୀ ନିମ୍ନରେ ଆଉ ଥରେ ଲେଖୁଛି।...

ଅଭାବର ଚିତ୍ରପଟ

ଅଭାବର ଚିତ୍ରପଟ

ଡ. ସୁବାସ ଚନ୍ଦ୍ର ପାତ୍ର ଦାରିଦ୍ର୍ୟର ମାତ୍ରା ତଥା କିସମ ଅଛି। ବିଭିନ୍ନ ପ୍ରକାର ଦାରିଦ୍ର୍ୟରେ ମଣିଷ ହନ୍ତସନ୍ତ କିନ୍ତୁ ଅର୍ଥନୈତିକ ଦାରିଦ୍ର୍ୟ ମଣିଷକୁ ବେଶି ନିପୀଡ଼ିତ କରେ କାରଣ ତା’ର ପ୍ରଭାବ ଦୃଶ୍ୟମାନ। ସବୁ ଦରିଦ୍ରତା ପଛରେ ଥାଏ ଏକ ଅଭାବବୋଧ ଏବଂ ଏହି ଅଭାବ ଯେତେବେଳେ ସର୍ବବ୍ୟାପୀ ଓ ସର୍ବଗ୍ରାସୀ ହୋଇଯାଏ ସେଇଠି ଦାରିଦ୍ର୍ୟ ହୋଇପଡ଼େ ଦୁର୍ବିଷହ।...

ପତିତପାବନ ଯାତ୍ରା

ପତିତପାବନ ଯାତ୍ରା

ପଣ୍ଡିତ ଡ. ଅନ୍ତର୍ଯ୍ୟାମୀ ମିଶ୍ର ପୁରୁଷୋତ୍ତମ ଜଗନ୍ନାଥ ଦିବ୍ୟ ନୀଳାଚଳରେ ଅନାଦିକାଳରୁ ଦାରବୀ ଲୀଳା ସଂରଚନା କରିଛନ୍ତି। ତାଙ୍କ ଦିବ୍ୟ ଲୀଳାକୁ ଦୁଇଭାଗରେ ବିଭକ୍ତ କରାଯାଇଛି- ଶ୍ରୀମନ୍ଦିର ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତି ସ୍ବରୂପରେ ଐଶ୍ୱର୍ଯ୍ୟଲୀଳା ଏବଂ ରଥଯାତ୍ରାରେ ଅଗଣିତ ଭକ୍ତଙ୍କ ସହିତ ମାଧୁର୍ଯ୍ୟଲୀଳା। ତାଙ୍କର ଏହି ମାଧୁର୍ଯ୍ୟଲୀଳା ଶତାବ୍ଦୀ ଶତାବ୍ଦୀ ଧରି ବିଶ୍ୱମାନସକୁ ଉଦ୍‌ବୁଦ୍ଧ କରିଆସିଛି। ବିଶ୍ୱର କୋଣ ଅନୁକୋଣରୁ ଲକ୍ଷ ଲକ୍ଷ ଭକ୍ତ ଶ୍ରୀଜଗନ୍ନାଥଙ୍କ ରଥଯାତ୍ରା ଦର୍ଶନ କରିବାକୁ ଶ୍ରୀକ୍ଷେତ୍ର ଆଗମନ କରିଥାନ୍ତି। ଏହି ଯାତ୍ରାରେ ପ୍ରଭୁ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ଦିନେ ନା ଦିନେ ସଫଳତା ଆଣି ଦେଇଥାଏ। ଯାହାକି ପୂର୍ବ ବାଙ୍ଗାଲୋରର ଲିଙ୍ଗରାଜପୁରମ୍‌ ଅଞ୍ଚଳରେ ବାସ କରୁଥିବା ଜଣେ ମହିଳାଙ୍କ କ୍ଷେତ୍ରରେ ଦେଖିବାକୁ ମିଳିଛି। ସ୍ବାମୀଙ୍କ କ୍ଷଣିକ ରାଗର ଶିକାର ହୋଇ ନିଜର ମୁଖମଣ୍ଡଳର ସୌନ୍ଦର୍ଯ୍ୟକୁ ହରାଇଥିବା ଅନୀଥା ପାର୍କର ମେରୀ ନାମ୍ନୀ ଜଣେ ମହିଳା ଦୀର୍ଘ ୧୮ବର୍ଷ ଧରି ସଂଘର୍ଷ କରିବା ପରେ ଏବେ ସ୍ବାବଲମ୍ବୀ ହୋଇପାରିଛନ୍ତି। ସ୍ବାମୀଙ୍କ ମୃତ୍ୟୁ ପରେ ଏକ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତାଙ୍କ ସହଯୋଗରେ ଅନୀଥା ଏକ ଦୋକାନ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିପାରିଛନ୍ତି। ସାମାନ୍ୟ କଥାକୁ କେନ୍ଦ୍ର କରି ୧୮ବର୍ଷ ତଳେ ଅନୀଥାଙ୍କ ସ୍ବାମୀ ଏକ ଜଳନ୍ତା ଲଣ୍ଠନକୁ ତାଙ୍କ ଉପରକୁ ଫିଙ୍ଗି ଦେଇଥିଲେ। ଏଥିରେ ଅନୀଥାଙ୍କ ମୁହଁ ଓ ଶରୀରର ବିଭିନ୍ନ ଅଂଶ ପୋଡ଼ି ଯାଇଥିଲା। ଦୀର୍ଘଦିନ ଧରି ଚିକିତ୍ସିତ...

Model This Week

ରୂପେଶ