ସମ୍ପାଦକୀୟ |

ସମ୍ପାଦକୀୟ/ ପଦବୀରେ ରହିଯିବ

ସମ୍ପାଦକୀୟ/ ପଦବୀରେ ରହିଯିବ

ଦୀର୍ଘକାଳ ଭାରତକୁ ଶାସନ କରି ଆସିଥିବା ଜାତୀୟ କଂଗ୍ରେସର ନେତୃତ୍ୱ ପରିବର୍ତ୍ତନ ହେବ। ସୋନିଆ ଗାନ୍ଧୀ ଅଖିଳ ଭାରତ କଂଗ୍ରେସ କମିଟି (ଏଆଇସିସି)ର ସଭାପତି ପଦରୁ ଅବସର ନେବେ। ୨୦୧୩ରୁ ଦଳର ଉପସଭାପତି ରହି ଆସିଥିବା ରାହୁଲ ଗାନ୍ଧୀ ସଭାପତି ପଦକୁ ଉନ୍ନୀତ ହେବେ। ଗୁଜରାଟ ବିଧାନସଭା ନିର୍ବାଚନକୁ ପ୍ରାୟ ୧୯ ଦିନ ବାକି ରହିଥିବା ବେଳେ ନଭେମ୍ବର ୨୦ ତାରିଖରେ ନୂଆଦିଲ୍ଲୀଠାରେ ଅନୁଷ୍ଠିତ କଂଗ୍ରେସ କାର୍ଯ୍ୟକାରିଣୀ ବୈଠକ (ସିଡବ୍ଲ୍ୟୁସି)ରେ ରାହୁଲଙ୍କ ପଦୋନ୍ନତି ନେଇ ପ୍ରସ୍ତାବ ଗୃହୀତ ହୋଇଛି। ଏହି ନିଷ୍ପତ୍ତିକ୍ରମେ କଂଗ୍ରେସ ସଭାପତି ପଦ ସକାଶେ ଡିସେମ୍ବର ୧୬ରେ ନିର୍ବାଚନ ଅନୁଷ୍ଠିତ ହେବ ଏବଂ ଫଳାଫଳ ୧୯ରେ ପ୍ରକାଶ ପାଇବ। ଅବଶ୍ୟ ଫଳାଫଳ ଘୋଷଣା କେବଳ ଔପଚାରିକତା। ବାସ୍ତବରେ ଏହି ନିର୍ବାଚନ ସକାଶେ ରାହୁଲ ଏକମାତ୍ର ପ୍ରାର୍ଥୀ ହେବାର ଯଥେଷ୍ଟ ସମ୍ଭାବନା ଥିବାରୁ ନାମାଙ୍କନପତ୍ର ପ୍ରତ୍ୟାହାର ପାଇଁ ଧାର୍ଯ୍ୟ ଦିନ, ଡିସେମ୍ବର ୧୧ରେ ହିଁ କଂଗ୍ରେସ ନୂଆ ସଭାପତି ପାଇଯିବ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି କଂଗ୍ରେସର ଏହି ରାଜନୈତିକ ପରିବର୍ତ୍ତନର ମାତ୍ର ୭ ଦିନ ପରେ ଅର୍ଥାତ୍‌ ଡିସେମ୍ବର ୧୮ରେ ଗୁଜରାଟ ବିଧାନସଭା ନିର୍ବାଚନର ଫଳାଫଳ ପ୍ରକାଶ ପାଇବ। ଅନ୍ୟ ଭାବରେ ଦେଖିଲେ ଏହି ରାଜ୍ୟ ନିର୍ବାଚନ ଫଳାଫଳ ପ୍ରକାଶ ପାଇବାର ଗୋଟିଏ ଦିନ ପରେ ଡିସେମ୍ବର ୧୯ରେ କଂଗ୍ରେସ ବିଧିବଦ୍ଧ ଭାବେ ରାହୁଲଙ୍କୁ ସଭାପତି ଆସନରେ ବସାଇବ। ଗୁଜରାଟ ମଡେଲ ଦେଖାଇ ଅନ୍ୟ ରାଜ୍ୟର ଭାରତୀୟଙ୍କୁ ବାଉଳା କରୁଥିବା ନରେନ୍ଦ୍ର ଦାମୋଦରଦାସ ମୋଦିଙ୍କ ପାଇଁ ସେହି ରାଜ୍ୟର ବିଧାନସଭାକୁ ପୁନର୍ବାର ଦଖଲ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଗଲାଣି। କାଳେ ହାତରୁ ଗୁଜରାଟ ଖସିଯିବ, ସେହି ଭୟ ମଧ୍ୟ ମୋଦି ଓ ତାଙ୍କର ସବୁଠାରୁ ନିକଟତର ସହଯୋଗୀ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କୁ ଘାରିଛି, ଯାହା ସେମାନଙ୍କର ପ୍ରଚାର ବ୍ୟସ୍ତତାରୁ ସ୍ପଷ୍ଟ ଜଣାପଡୁଛି। ଗୁଜରାଟରେ କଂଗ୍ରେସ ରାହୁଲଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଯେଉଁଭଳି ରଣନୀତି ଗ୍ରହଣ କରିଛି ତାହା ମୋଦି ଓ ଶାହଙ୍କୁ ବିଚଳିତ କଲାଭଳି ମନେହେଉଛି। ଅନ୍ୟପକ୍ଷରେ କଂଗ୍ରେସ ଗୁଜରାଟରୁ ଭାଜପା ସରକାରଙ୍କୁ ହଟାଇବା ସକାଶେ ସମସ୍ତ ପ୍ରକାର ଉଦ୍ୟମ ଅବ୍ୟାହତ ରଖିଛି। ପ୍ରଚାରର ମଙ୍ଗ ଧରିଛନ୍ତି ନିଜେ ରାହୁଲ। ପୂର୍ବରୁ କଂଗ୍ରେସର ଏହି ନେତା କେବଳ ବାଚାଳାମିର ସହିତ ପ୍ରଚାର ସଭାରେ ଭାଷଣ ଦେଇ ଭାବୁଥିଲେ ତାଙ୍କର କର୍ତ୍ତବ୍ୟ ସରିଗଲା। ଭାଷଣ ଦେଇ ସାରିବା ପରେ ନିର୍ବାଚନ ମୈଦାନକୁ ଛାଡି ସେ ଦିଲ୍ଲୀ ପଳାଉଥିଲେ। ଏବେ ରାହୁଲଙ୍କର ସେହି ବାଚାଳାମିରେ ପରିବର୍ତ୍ତନ ଆସିଲା ଭଳି ମନେହେଉଛି। ଏହାର ଏକ ଜ୍ୱଳନ୍ତ ଉଦାହରଣ ଭାବେ ଗୁଜରାଟରେ ପଟିଦାର ଅମାନତ ଆନ୍ଦୋଳନ ସମିତି (ପିଏଏଏସ)ର ନେତା ହାର୍ଦ୍ଦିକ ପଟେଲଙ୍କ ସହିତ ତାଙ୍କର ବୁଝାମଣାକୁ ନିଆଯାଇପାରେ। ଗୁଜରାଟରେ ପ୍ରଚାର ଦାୟିତ୍ୱରେ ଥିବା କଂଗ୍ରେସ ନେତାମାନେ ପି.ଏ.ଏ.ଏସ. ସହ ସମ୍ପର୍କ ଭାଙ୍ଗିବାକୁ ଚାହୁଁଥିଲେ। ଏପରି କି ହାର୍ଦ୍ଦିକଙ୍କୁ କୁହାଯାଉଥିଲା ଯେ, ତାଙ୍କ ଇଚ୍ଛା ଅନୁସାରେ କଂଗ୍ରେସ କାର୍ଯ୍ୟ କରିବାକୁ ପ୍ରସ୍ତୁତ ନୁହେଁ। ପୂର୍ବରୁ ରାହୁଲ ଏଭଳି ଅତ୍ୟନ୍ତ ତୃଣମୂଳ ନିଷ୍ପତ୍ତିରେ ସମ୍ପୃକ୍ତି ରଖୁ ନ ଥିଲେ। ଏବେ କଂଗ୍ରେସର ତୃଣମୂଳ ସ୍ତରରେ ବହୁ ପରିବର୍ତ୍ତନ ହୋଇଛି। ରାହୁଲ ନିଜେ ତୃଣମୂଳ ସ୍ତରରୁ ନିଷ୍ପତ୍ତି ନେଉଛନ୍ତି। ଗୁଜରାଟ କ୍ଷେତ୍ରରେ ଦେଖିଲେ ରାହୁଲ ବୁଝିବା ଭଳି ଲାଗୁଛନ୍ତି ଯେ, ସେଠାରେ ଭାଜପାର ଗତିରୋଧ କରିବାକୁ ହେଲେ ପିଏଏଏସକୁ ସାଙ୍ଗରେ ନେବାର ଆବଶ୍ୟକତା ରହିଛି। ସୁତରାଂ ଏ କ୍ଷେତ୍ରରେ ପିଏଏଏସ ସହ ଆସନ ବୁଝାମଣା ନେଇ ଯେଉଁ ନିଷ୍ପତ୍ତି ହେବ, ସେଥିରେ ରାହୁଲଙ୍କ ପ୍ରତ୍ୟକ୍ଷ ସମ୍ପୃକ୍ତି ରହିବ। ଦଳର ସଭାପତି ପଦରେ ଅଭିଷିକ୍ତ ହେବାକୁ ଯାଉଥିବା ରାହୁଲଙ୍କ ପାଇଁ ଗୁଜରାଟ ଏକ ପରୀକ୍ଷା ବୋଲି ବିବେଚନା କରାଯାଉଛି। ଏହି ପରୀକ୍ଷାରେ ଉତ୍ତୀର୍ଣ୍ଣ ହେବା ସକାଶେ କଂଗ୍ରେସ ସପକ୍ଷରେ ସୁଯୋଗ ରହିଛି। ଦୀର୍ଘ ଦୁଇ ଦଶନ୍ଧି ଧରି ଗୁଜରାଟରେ ଶାସନ କରି ଆସୁଥିବା ଭାଜପା ପ୍ରତି ସେହି ରାଜ୍ୟବାସୀ ଏବେ ସନ୍ତୁଷ୍ଟ ନାହାନ୍ତି। କେନ୍ଦ୍ର ସରକାରଙ୍କର ତରବରିଆ ବିମୁଦ୍ରୀକରଣ ଏବଂ ଏହାର ଏକ ବର୍ଷ ନ ପୂରୁଣୁ ସାମଗ୍ରୀ ଓ ସେବା ଟିକସ (ଜିଏସଟି) ଲାଗୁ ଗୁଜରାଟର ବ୍ୟବସାୟୀ ଗୋଷ୍ଠୀକୁ ଅତ୍ୟନ୍ତ କ୍ଷୁବ୍ଧ କରିଛି। ସେମାନେ ମୋଦି ସରକାର ବିରୋଧରେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିଛନ୍ତି। ଅନ୍ୟପକ୍ଷରେ ସଂରକ୍ଷଣବାଦୀ ଆନ୍ଦୋଳନ ଆରମ୍ଭ କରି ପିଏଏଏସ ନେତା ହାର୍ଦ୍ଦିକ ପଟେଲ ନିଜ ସପକ୍ଷରେ ଅନେକ ସମର୍ଥନ ଯୋଗାଡ଼ କରିପାରିଛନ୍ତି। ହାର୍ଦ୍ଦିକ କଂଗ୍ରେସ ପଟକୁ ଢଳି ଥିବାରୁ ଏହା ରାହୁଲଙ୍କ ପାଇଁ ସୁବର୍ଣ୍ଣ ସୁଯୋଗ। ଏହି ସୁଯୋଗର ସଦ୍‌ବ୍ୟବହାର କରି ରାହୁଲ ଯଦି ଗୁଜରାଟକୁ ଭାଜପା ଶାସନମୁକ୍ତ କରିପାରନ୍ତି, ତେବେ ତାହା ତାଙ୍କର ନେତୃତ୍ୱ ଆଦ୍ୟପର୍ବରେ ଏକ ପ୍ରଚଣ୍ଡ ସଫଳତା ଭାବେ ସାବ୍ୟସ୍ତ ହେବ। କେବଳ ସେତିକି ନୁହେଁ, ଏହି ସଫଳତା ୨୦୧୯ ସକାଶେ ପୁରାତନ ଦଳ କଂଗ୍ରେସ ପାଇଁ ସମ୍ଭାବନା ସୃଷ୍ଟିର ମାର୍ଗ ଉନ୍ମୁକ୍ତ କରିବ। ଅପରପକ୍ଷରେ ରାହୁଲଙ୍କର ଗୁଜରାଟ ଅଭିଯାନ ଯଦି ବିଫଳ ହୁଏ, ତେବେ କଂଗ୍ରେସ ସଭାପତି ପଦକୁ ଦଖଲ କରିବା ସତ୍ତ୍ୱେ ତାଙ୍କର ଭାବମୂର୍ତ୍ତି ଏବଂ ରାଜନୈତିକ ଜୀବନ ମାତ୍ର ଏକ ପଦବୀରେ ସୀମିତ ରହିଯିବ ।

All Right Reserved By

ସମ୍ପାଦକୀୟ |

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ଆକାର ପଟେଲ ପାକିସ୍ତାନ ଅପେକ୍ଷା କରିଛି ତା’ର ପରବର୍ତ୍ତୀ ତ୍ରାଣକର୍ତ୍ତା ଦ୍ରୁତ ବୋଲର ଇମ୍ରାନ୍‌ ଖାନ୍‌ଙ୍କୁ, ଯିଏ କି ଚଳିତ ମାସରେ ହେବାକୁ ଯାଉଥିବା ନିର୍ବାଚନରେ ଜିତି ପ୍ରଧାନମନ୍ତ୍ରୀ ହେବାର ଯଥେଷ୍ଟ ସମ୍ଭାବନା ରହିଛି। ଦେଶର ସେନା ତଥା ପ୍ରଭାବଶାଳୀ ଅମଲାତନ୍ତ୍ରୀମାନେ ତାଙ୍କୁ ସମର୍ଥନ କରୁଥିବା ବେଳେ ଗଣମାଧ୍ୟମରେ ଏପରି ଖବର ପ୍ରକାଶ ପାଉଛି। କଶ୍ମୀରୀ ମୂଳ ପଞ୍ଜାବୀ ନେତା ନଓ୍ବାଜ ଶରିଫ ଗିରଫ ହୋଇ ଜେଲ ଯିବା ଏ ଦିଗରେ ଅନ୍ତିମ ପଦକ୍ଷେପ। ଖାନ୍‌ଙ୍କ ଦଳ ତେହରିକ୍‌ ଇ ଇନ୍‌ସାଫ ଖାଇବର ପାଖତୁନ୍‌ଖ୍ବା ଅଞ୍ଚଳରେ ମଜଭୁତ ଥିବା ବେଳେ ଶରିଫଙ୍କ ଦଳ ମଧ୍ୟ ଏ ଅଞ୍ଚଳରେ ବେଶ୍‌ ଶକ୍ତିଶାଳୀ ରହିଛି। ଦୁର୍ନୀତି ଓ ବିପୁଳ ସମ୍ପତ୍ତି ଠୁଳ ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ଶରିଫ ଯଦି ଜେଲ ଯାଇ ନ ଥାନ୍ତେ ତେବେ ଗଣତାନ୍ତ୍ରିକ ଭାବେ ସଫଳତା ପାଇବା ଖାନ୍‌ଙ୍କ ...

ସେଇ ଆଖି ଦିଓଟି

ସେଇ ଆଖି ଦିଓଟି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ବଡ ରହସ୍ୟମୟ ସେଇ ଆଖି ଦିଓଟି। ବିଶ୍ୱାସ ଓ ବିଜ୍ଞାନର ଦ୍ୱନ୍ଦ୍ୱ ମଧ୍ୟରେ ସେଇ ଆଖି ଦିଓଟିର ଆକର୍ଷଣ ଯେମିତି ଅଭିନବ, ସେମିତି ଅବୋଧ୍ୟ। କାଳ କାଳ ଧରି ଏହା ଆକର୍ଷିତ କରିଆସିଛି ବିଶ୍ୱର ଅଗଣିତ ମଣିଷଙ୍କୁ। ଜାତି, ଧର୍ମ, ବର୍ଣ୍ଣ, ଲିଙ୍ଗ ବା ବୟସ ନିର୍ବିଶେଷରେ ବିମୋହିତ କରିଛି ମୂର୍ଖଙ୍କଠାରୁ ପଣ୍ଡିତଙ୍କ ଯାଏଁ, ଧନୀଙ୍କଠୁ ନିର୍ଦ୍ଧନଙ୍କ ପର୍ଯ୍ୟନ୍ତ। ସେଇ ଆଖି ଦିଓଟି ସହ ନିଜ ନିଜର ଆଖି ମିଶାଇବା ପୂର୍ବରୁ ଅବଶ୍ୟ ଅଭିଳାଷରେ ଅତିଷ୍ଠ ହୋଇଛନ୍ତି ସଭିଏଁ ଓ ଚାରିଚକ୍ଷୁର ମିଳନ ପରେ ଅମୃତମୟ ଅନୁଭବରେ ବିଭୋର ହୋଇଛନ୍ତି ସମସ୍ତେ।...

ଅନନ୍ୟ ବିଚାରକ

ଅନନ୍ୟ ବିଚାରକ

ବ୍ୟକ୍ତିତ୍ୱ/ଜିତେନ୍ଦ୍ର ବିଶିଷ୍ଟ ସ୍ଥପତି ରଘୁନାଥ ମହାପାତ୍ର, ଶାସ୍ତ୍ରୀୟ ଶିଳ୍ପୀ ସୋନାଲ ମାନ୍‌ସିଂ, ପୂର୍ବତନ ଏମ୍‌ପି ରାମ ଶକଲ ଏବଂ ରାଷ୍ଟ୍ରୀୟ ସ୍ବୟଂସେବକ ସଂଘ (ଆର୍‌ଏସ୍‌ଏସ୍‌) ବିଚାରକ ତଥା ଦିଲ୍ଲୀ ବିଶ୍ୱବିଦ୍ୟାଳୟ ପ୍ରଫେସର ରାକେଶ ସିହ୍ନାଙ୍କୁ ୨୦୧୮ ଜୁଲାଇ ୧୪ରେ ରାଷ୍ଟ୍ରପତି ରାମନାଥ କୋବିନ୍ଦ ରାଜ୍ୟ ସଭାକୁ ମନୋନୀତ କରିଛନ୍ତି। ପ୍ରତ୍ୟେକ ନିଜ କ୍ଷେତ୍ରରେ ଉତ୍ତମ ପାରଦର୍ଶିତା ଦେଖାଇ ସାରିଛନ୍ତି। ତେବେ ବିଚାରଗତ ଆଦର୍ଶ ଓ ଶିକ୍ଷା କ୍ଷେତ୍ରରେ ଉତ୍କର୍ଷ ଲାଭ କରି ଚର୍ଚ୍ଚିତ ...

ଏଇ ଭାରତରେ

ଏଇ ଭାରତରେ

ସରକାରୀ ସ୍କୁଲର କେତେକ ଛାତ୍ର ଘରୋଇ ସ୍କୁଲ୍‌ମୁହଁା ହେଉଥିବା ବେଳେ ସେମାନଙ୍କୁ ଏଥିରୁ ନିବୃତ୍ତ କରିବା ପାଇଁ ବିଭାଗୀୟ କର୍ତ୍ତୃପକ୍ଷ ଏକ ଅଭିନବ ଉପାୟ ଆପଣାଇଛନ୍ତି। କର୍ନାଟକସ୍ଥିତ ମହୀଶୂର ଜିଲାର ନାଞ୍ଜାନଗୁଡ ତାଲୁକ ଅଧୀନ ଏକ ସରକାରୀ ସ୍କୁଲ କାନ୍ଥକୁ ଟ୍ରେନ୍‌ ଭଳି ଚିତ୍ରିତ କରାଯାଇଛି। ଏହାକୁ ଏକ ନୂଆ ରୂପ ଦେବାଦ୍ୱାରା ପିଲା ଓ ଅଭିଭାବକଙ୍କ ଦୃଷ୍ଟିଭଙ୍ଗୀ ବଦଳିଯିବ ବୋଲି ବ୍ଲକ୍‌ ଶିକ୍ଷା ଅଧିକାରୀ ଏମ୍‌. ନାରାୟଣ ପ୍ରକାଶ କରିଛନ୍ତି। ପ୍ରଥମରୁ ...

ବିହାରକୁ ରାସ୍ତା

ବିହାରକୁ ରାସ୍ତା

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଜାତୀୟ ରାଜପଥ ପ୍ରାଧିକରଣ (ଏନ୍‌ଏଚ୍‌ଏଆଇ)ର ଅଧ୍ୟକ୍ଷ ଥିବା ବିହାର କ୍ୟାଡର ଆଇଏଏସ୍‌ ଅଫିସର ଦୀପକ କୁମାରଙ୍କ ଡେପୁଟେଶନ ଅବଧି ପୂରା ହୋଇ ନ ଥିବାବେଳେ ତାଙ୍କୁ ନିଜ ରାଜ୍ୟ ବିହାରର ରାସ୍ତା ଦେଖାଇ ଦିଆଯିବା ଘଟଣାକୁ ନେଇ ଅନେକଙ୍କ ମନରେ ସନ୍ଦେହ ସୃଷ୍ଟି ହୋଇଛି ଯେ, ତାଙ୍କୁ ହୁଏତ ରାଜ୍ୟର ପରବର୍ତ୍ତୀ ମୁଖ୍ୟ ଶାସନ ସଚିବ କରାଯାଇପାରେ। ରାଜପଥଗୁଡ଼ିକୁ ନିଲାମ କରି ସେଥିରୁ ଟଙ୍କା ଛାଣିବାରେ ଏନ୍‌ଏଚ୍‌ଏଆଇ ବ୍ୟସ୍ତ ଥିବାବେଳେ ଦୀପକ କୁମାରଙ୍କ ବିଦାୟ ଏକ ଗୁରୁତ୍ୱପୂର୍ଣ୍ଣ ଘଟଣା। ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ୍‌ ଗଡ଼କରୀ ପୂର୍ବରୁ କହିଥିଲେ ଯେ, ବିଭିନ୍ନ ପର୍ଯ୍ୟାୟରେ କେନ୍ଦ୍ର ସରକାର ୧୦୫ଟି ରାଜପଥକୁ ଟୋଲ ଫି ପାଇଁ ନିଲାମ କରିବା ମାଧ୍ୟମରେ ଟଙ୍କା ଆଦାୟ କରିବେ, ଯେଉଁଥିରୁ ଦେଢ଼ଲକ୍ଷ କୋଟି ଟଙ୍କା ଆଦାୟ ...

ଘୋଷଯାତ୍ରାର ଉଦ୍‌ଘୋଷଣ

ଘୋଷଯାତ୍ରାର ଉଦ୍‌ଘୋଷଣ

ଡ. ପ୍ରଫୁଲ୍ଲ କୁମାର ସାହୁ ମହାପ୍ରଭୁ ଶ୍ରୀଜଗନ୍ନାଥ ଓଡ଼ିଆ ଜାତିର ଆରାଧ୍ୟ ଦେବତା। ସେ ଏ ଜାତିର ସାଂସ୍କୃତିକ ଓ ରାଜନୈତିକ ଚିନ୍ତନର ସର୍ବମୟ କର୍ତ୍ତା। ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ପ୍ରତିଟି ସ୍ତରରେ, ପ୍ରତିଟି କାର୍ଯ୍ୟରେ ଓଡ଼ିଆ ଜାତି ଶ୍ରୀଜଗନ୍ନାଥଙ୍କୁ ଆଶ୍ରା କରିଛି ଏବଂ ତାଙ୍କରି ନାମରେ ନିଜକୁ ପରିଚିତ କରେଇଛି ବିଶ୍ୱ ଦରବାରରେ। ସେଥିପାଇଁ ଶ୍ରୀଜଗନ୍ନାଥଙ୍କୁ କେନ୍ଦ୍ରକରି କେଉଁ ସ୍ମରଣାତୀତ କାଳରୁ ଓଡ଼ିଶାର ଜନଜୀବନରେ ପ୍ରବାହିତ ହୋଇଛି ଏକ ସମନ୍ବୟାତ୍ମକ ସାଂସ୍କୃତିକ ସ୍ରୋତ। ଏ ସ୍ରୋତରେ ସମ୍ମିଳିତ ହୋଇଛି ମାନବ ସମାଜର ସଞ୍ଚତ୍ତ ଓ ପରୀକ୍ଷିତ ସକଳ ଦର୍ଶନତତ୍ତ୍ୱ। ସେ ତତ୍ତ୍ୱ କିନ୍ତୁ କୌଣସି ଦାର୍ଶନିକ ପ୍ରଜ୍ଞା ନୁହେଁ, ବରଂ ବ୍ୟକ୍ତି ତଥା ସମାଜ ଜୀବନର ଏକ ଦୃଷ୍ଟିକୋଣ; ଏକ ସାଂସ୍କୃତିକ ଅକଲବନ୍ଦୀ। ତା’ର ଉଦାର ଓ ମହାନ ଅନ୍ତଃପ୍ରେରଣାରେ ରହିଛି ମାନବଜାତିର ଜୀବନଚର୍ଯ୍ୟାକୁ ସରସ, ସୁନ୍ଦର ଓ ସୃଜନଶୀଳ କରି ଗଢିତୋଳିବା ନିମନ୍ତେ ଲୋକଶିକ୍ଷାର ବିସ୍ତୃତ ଅବତାରଣା।...

ଉତ୍କଳଘଣ୍ଟ କବି ଯଦୁମଣି

ଉତ୍କଳଘଣ୍ଟ କବି ଯଦୁମଣି

ଡ. ଉଦ୍ଧବ ଚରଣ ନାୟକ ଓଡିଶାରେ ଯଦୁମଣିଙ୍କୁ କିଏ ନ ଜାଣେ? ତାଙ୍କର ପୂରା ନାମ ଯଦୁମଣି ମହାପାତ୍ର। ସେ ଯେପରି ହାସ୍ୟରସିକ ଥିଲେ ସେହିପରି ଥିଲେ ଜଣେ ମହାନ୍‌ ଭକ୍ତକବି। ତାଙ୍କ ହାସ୍ୟରସିକତା ଥିଲା ବିଭୁଦତ୍ତ। ଷୋଳବର୍ଷ ବୟସରେ କବି ହେବାର ବାସନା ଜାଗ୍ରତ ହେଲା। ଗୁରୁଙ୍କ ଆଦେଶରେ ସେ କବିତ୍ୱ ଲାଭ କରିବା ପାଇଁ ଘୁମୁସର ରାଜ୍ୟ ବିଷ୍ଣୁଚକ୍ର ଗ୍ରାମର ପଞ୍ଚମୁଖ ଭଗବାନ କବିରାଜ ବାହିନୀପତିଙ୍କ ପାଖରେ ପହଞ୍ଚିଲେ। କବିରାଜେ ଦେଖିଲେ ପିଲାଟା ବ୍ରାହ୍ମଣ କୁଳରେ ଜନ୍ମ ନ ହେଲେ ମଧ୍ୟ ସଂସ୍କୃତ ଭାଷାରେ ଗଭୀର ଜ୍ଞାନ ଅର୍ଜନ କରିଛି। ଏଣୁ ସେ ଯଦୁମଣିଙ୍କ ମନସ୍କାମନା ପୂରଣ ନିମନ୍ତେ ଭଗବାନ ହୟଗ୍ରୀବଙ୍କ ପୂଜାକରି ହୟଗ୍ରୀବ ମନ୍ତ୍ରସାଧନା ନିମନ୍ତେ ଆଦେଶ ଦେଲେ। ...

ଏଇ ଭାରତରେ

ଏଇ ଭାରତରେ

ଗାଈ ଓ ବାଘ ମଧ୍ୟରେ ଖାଦ୍ୟ-ଖାଦକ ସମ୍ପର୍କ। ଗାଈ ତୃଣଭୋଜୀ ପ୍ରାଣୀ। ବାଘ ମାଂସାଶୀ। ବାଘ ଜଙ୍ଗଲର ଏକ ହିଂସ୍ର ତଥା ଶିକାରୀ ପ୍ରାଣୀ। ବାଘ ଗାଈକୁ ଆକ୍ରମଣ କରିବା ସ୍ବାଭାବିକ କଥା। କିନ୍ତୁ ଗାଈ ଆକ୍ରମଣରେ ଗୋଟିଏ ଚିତାବାଘ ମୃତ୍ୟୁବରଣ କରିବା ଆଶ୍ଚର୍ଯ୍ୟଜନକ ମନେହେଲେ ମଧ୍ୟ ସତ୍ୟ। ନିକଟରେ ଔରଙ୍ଗାବାଦ୍‌ସ୍ଥିତ ଗୌତଲା ବନ୍ୟପ୍ରାଣୀ ଅଭୟାରଣ୍ୟରେ ଏପରି ଏକ ବିପରୀତ ଘଟଣା ଘଟିଛି। ସୋମବାର ସକାଳେ ଗୌତଲାର ଭାମ୍ବରଓ୍ବାଡି ଶାଇଭରଠାରେ ଗୋଟିଏ ବାଛୁରୀକୁ ଚିତାବାଘ ଆକ୍ରମଣ କରି ମାରିଦେଇଥିଲା। ଏହା ଦେଖି ପଲେ ଗାଈ ଉକ୍ତ ବାଘକୁ ଘେରିଯାଇ ଏହା ଉପରେ ପାଲଟା ...

ଆଜିର ଅର୍ଥନୀତି/ସଂକଳ୍ପର ସମୟ

ଆଜିର ଅର୍ଥନୀତି/ସଂକଳ୍ପର ସମୟ

କେଉଁ ରାଜ୍ୟରେ କେତେ ସ୍ବଚ୍ଛନ୍ଦରେ ବ୍ୟବସାୟ କରାଯାଇପାରିବ, ସେ ଦୃଷ୍ଟିରୁ ବିଶ୍ୱବ୍ୟାଙ୍କ ତଥା ଶିଳ୍ପନୀତି ଓ ଉନ୍ନୟନ ବିଭାଗ (ଡିଆଇପିପି) ତରଫରୁ ନିକଟରେ ଏକ ର଼୍ୟାଙ୍କିଙ୍ଗ୍‌ ପ୍ରକାଶ ପାଇଛି। ଭାରତର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନେଇ ହୋଇଥିବା ଏହି ର଼୍ୟାଙ୍କିଙ୍ଗ୍‌ରେ ଆନ୍ଧ୍ରପ୍ରଦେଶର ସ୍ଥାନ ସବା ଉପରେ ରହିଛି। ଏହାର ପଡ଼ୋଶୀ ତଥା ଦେଶର ନୂତନତମ ରାଜ୍ୟ ତେଲେଙ୍ଗାନା ଦୁଇ ନମ୍ବରରେ ରହିଛି। ହରିୟାଣା ଓ ଝାଡ଼ଖଣ୍ଡ ତିନୋଟି ଲେଖାଏ ପାହାଚ ଉପରକୁ ଉଠି ଯଥାକ୍ରମେ ତୃତୀୟ ଓ ଚତୁର୍ଥ ସ୍ଥାନ ପାଇଥିବା ବେଳେ ଦେଶର ଅନ୍ୟତମ ଶିଳ୍ପସମୃଦ୍ଧ ରାଜ୍ୟ ଗୁଜରାଟ ଦୁଇଟା ପାହାଚ ତଳକୁ ଖସି ପଞ୍ଚମ ସ୍ଥାନରେ ପହଞ୍ଚିଛି। ଅନ୍ୟ ଯେଉଁ ରାଜ୍ୟଗୁଡ଼ିକ ର଼୍ୟାଙ୍କିଙ୍ଗ୍‌ରେ ଭଲ ପ୍ରଦର୍ଶନ କରିଛନ୍ତି, ସେମାନେ ହେଉଛନ୍ତି ଛତିଶଗଡ଼, ମଧ୍ୟପ୍ରଦେଶ, କର୍ନାଟକ ଓ ରାଜସ୍ଥାନ। ଇଜ୍‌ ଅଫ୍‌ ଡୁଇଙ୍ଗ୍‌ ବିଜ୍‌ନେସ ବା ସ୍ବଚ୍ଛନ୍ଦ ବ୍ୟବସାୟ ସୁଯୋଗ ହେଉଛି ଏକ ସୂଚକାଙ୍କ, ଯାହା ବିଭିନ୍ନ ମାନଦଣ୍ଡକୁ ନେଇ ବିଚାର କରାଯାଏ। ଯେମିତି କେଉଁ ...

ବୈଚିତ୍ର୍ୟମୟ ଦେବତା ଶ୍ରୀଜଗନ୍ନାଥ

ବୈଚିତ୍ର୍ୟମୟ ଦେବତା ଶ୍ରୀଜଗନ୍ନାଥ

ଡ. ପ୍ରଦୀପ କୁମାର ଚୌଧୁରୀ ଶ୍ରୀଜଗନ୍ନାଥ ହେଉଛନ୍ତି ହିନ୍ଦୁଧର୍ମ ତଥା ସବୁଧର୍ମର ସମନ୍ବୟର ପ୍ରତୀକ । କୌଣସି ନିର୍ଦ୍ଦିଷ୍ଟ ଜାତି, ଧର୍ମ, ଗୋଷ୍ଠୀ, ଅଞ୍ଚଳ, ରାଜ୍ୟ କିମ୍ବା ଦେଶର ସେ ପ୍ରତୀକ ନୁହନ୍ତି। ସେ ଜଗତର ପ୍ରତୀକ। ଭାରତର ପୂର୍ବରେ ପୁରୀ, ପଶ୍ଚିମରେ ଦ୍ୱାରକା, ଉତ୍ତରରେ ବଦ୍ରିନାଥ ଏବଂ ଦକ୍ଷିଣରେ ରାମେଶ୍ୱର, ଏହି ଚାରିକ୍ଷେତ୍ର ‘ଚତୁର୍ଧାମ’ ରୂପେ ହିନ୍ଦୁଧର୍ମରେ ମାନ୍ୟତା ଲାଭ କରିଛି। ଏହି ଚତୁର୍ଧାମ ମଧ୍ୟରୁ ପୁରୀ ହିନ୍ଦୁମାନଙ୍କର ଶ୍ରେଷ୍ଠ ଧାମ। ଏହି କ୍ଷେତ୍ରର ସ୍ବତନ୍ତ୍ର ବୈଶିଷ୍ଟ୍ୟ ରହିଛି। ଏହି କ୍ଷେତ୍ରରେ ଭକ୍ତ ସାଲବେଗ, ଦାସିଆ ବାଉରୀ, ବନ୍ଧୁ ମହାନ୍ତି, ଗୁରୁ ନାନକ, ଜୟଦେବ, ଶ୍ରୀଚୈତନ୍ୟ, ଗଣପତି ଭଟ୍ଟ, ଶଙ୍କରାଚାର୍ଯ୍ୟଙ୍କ ପରି ଅନେକଙ୍କ ଭକ୍ତି ଅନୁଭୂତିର ପଟାନ୍ତର ନାହିଁ। ଏପରି କି ଯିଶୁଖ୍ରୀଷ୍ଟ ଏହି କ୍ଷେତ୍ରକୁ ଆସିଥିବା ଏବଂ ଏହି କ୍ଷେତ୍ରରୁ ତାଙ୍କର ଆଧ୍ୟାତ୍ମିକ ବୀଜ ଅଙ୍କୁରିତ ହୋଇଥିବା କୁହାଯାଏ। ଠିକ୍‌ ସେହିପରି ବୌଦ୍ଧଧର୍ମର ବହୁ ମୌଳିକ ଚିନ୍ତନ ସହ ଶ୍ରୀଜଗନ୍ନାଥ ଧର୍ମର ସାମଞ୍ଜସ୍ୟ ଉଲ୍ଲେଖଯୋଗ୍ୟ। ପ୍ରଭୁ ଜଗନ୍ନାଥ ନିରାକାର ପରଂବ୍ରହ୍ମ। ସେ କୌଣସି ଆକାର ...

 ଓଡ଼ିଆ ଅସ୍ମିତାର ଭଗୀରଥ

ଓଡ଼ିଆ ଅସ୍ମିତାର ଭଗୀରଥ

ଡ. ଭାଗ୍ୟଲିପି ମଲ୍ଲ ଊନବିଂଶ-ବିଂଶ ଶତାବ୍ଦୀରେ ଆମେ ଗୌରୀଶଙ୍କର ନାମରେ ପରିଚିତ ଯେଉଁ ମଣିଷ ଜଣଙ୍କୁ ଦେଖୁ ସେ ସକଳ ଦୃଷ୍ଟିରୁ ସ୍ବତନ୍ତ୍ର। ତେଣୁ ଓଡ଼ିଆ ଜାତିର ଅସ୍ମିତା, ଗଢ଼ଣ ଓ ପ୍ରତିଷ୍ଠା କ୍ଷେତ୍ରରେ ଆମେ ତାଙ୍କୁ ପ୍ରଥମ ବ୍ୟକ୍ତିତ୍ୱ ଭାବେ ଗ୍ରହଣ କରିପାରିବା। ୧୭୬୭-୬୮ ମସିହା ବେଳକୁ ଚିଲିକାର ଦକ୍ଷିଣକୁ ଥିବା ଓଡ଼ିଆଭାଷୀ ଅଞ୍ଚଳ ଏବଂ ୧୮୦୩ ମସିହାରେ ଉପକୂଳବର୍ତ୍ତୀ ଓଡ଼ିଆ ଅଞ୍ଚଳ ଇଂରେଜମାନଙ୍କ ଶାସନକୁ ଆସିଛି। ଏହିଠାରୁ ହିଁ ଊନବିଂଶ ଶତାବ୍ଦୀ ଓଡ଼ିଶାର ଆମତ୍ପରିଚିତି ପ୍ରତିଷ୍ଠା ପାଇଁ ଯେଉଁ ଆହ୍ବାନ ତାହା ପୂର୍ବ ପରିଚିତିଠାରୁ ସ୍ବତନ୍ତ୍ର। କାରଣ ଏଥର ଆମକୁ ବିଦେଶୀ ଧର୍ମ, ବିଦେଶୀ ଶାସନ ବ୍ୟବସ୍ଥା, ଆଇନକାନୁନ୍‌, ଆଧୁନିକ ...

ଏଇ ଭାରତରେ

ଏଇ ଭାରତରେ

ଦୁନିଆରେ ଅନେକ ଲୋକ ଅଛନ୍ତି ଯେଉଁମାନେ ସଚ୍ଚୋଟ ପଣିଆ ଦେଖାଇ ଅନ୍ୟମାନଙ୍କ ପାଇଁ ଉଦାହରଣ ପାଲଟି ଯାଆନ୍ତି। ସେହିମାନଙ୍କ ମଧ୍ୟରୁ ଜଣେ ହେଉଛନ୍ତି ତାମିଲନାଡୁ ଏରୋଡ୍‌ ଅଞ୍ଚଳର ୭ ବର୍ଷର ବାଳକ। ସେ ଏବେ ସ୍ଥାନୀୟ ଲୋକଙ୍କ ପାଇଁ ପ୍ରଶଂସାର ପାତ୍ର। ସେ ସ୍କୁଲ ସମ୍ମୁଖରେ ଖେଳୁଥିବା ବେଳେ ୫୦୦ଟଙ୍କିଆର ଏକ ବଣ୍ଡଲ୍‌ ପାଇଥିଲେ। ଏଥିରେ ଥିଲା ୫୦,୦୦୦ ଟଙ୍କାର ନୋଟ୍‌। ମହମ୍ମଦ୍‌ ୟାଶିନ୍‌ ନାମକ ଏହି ବାଳକ ନିକଟବର୍ତ୍ତୀ ଚିନ୍ନାସେମୁର ପଞ୍ଚାୟତ ୟୁନିୟନ୍‌ ସ୍କୁଲ୍‌ରେ ପାଠ ପଢ଼ନ୍ତି। ବୁଧବାର ଖେଳଛୁଟି ସମୟରେ ସେ ନୋଟ୍‌ବିଡାଟି ପାଇ ଶିକ୍ଷୟିତ୍ରୀଙ୍କୁ ଦେଇଥିଲେ। ଶିକ୍ଷୟିତ୍ରୀ ଟଙ୍କା ଧରି ପ୍ର...

Model This Week

ରୂପେଶ