ସମ୍ପାଦକୀୟ |

ଅସୁନ୍ଦରରେ ସୁନ୍ଦର

ଅସୁନ୍ଦରରେ ସୁନ୍ଦର

ରମେଶ ଚନ୍ଦ୍ର ସାମଲ
ସୁନ୍ଦର ସମସ୍ତଙ୍କୁ ଆନନ୍ଦ ଦିଏ। ଅସୁନ୍ଦରକୁ କେହି ପସନ୍ଦ କରନ୍ତିନି। ତେବେ ସୁନ୍ଦର କିଏ, ଅସୁନ୍ଦର ବା କିଏ? ପ୍ରକୃତରେ କେହି ପୂରା ସୁନ୍ଦର ବା ଅସୁନ୍ଦର ନୁହନ୍ତି। ଶୀତଳତା ଓ ଉଷ୍ମତା ପରି ଏହା ଏକ ଆପେକ୍ଷିକ ଶବ୍ଦ। ଯାହା ଜଣକୁ ସୁନ୍ଦର ଦେଖାଯାଏ ତାହା ଅନ୍ୟକୁ ଅସୁନ୍ଦର ଦେଖାଯାଇପାରେ। ପୁଣି ଅସୁନ୍ଦର ମଧ୍ୟ କାହାକୁ ସୁନ୍ଦର ଦେଖାଯାଇପାରେ। ଏପରି ମଧ୍ୟ ହୋଇପାରେ ଯାହା ଜଣକୁ ଆଜି ସୁନ୍ଦର ଦେଖାଯାଉଛି, ତାହା କାଲି ତାକୁ ସେତେ ଆକର୍ଷଣୀୟ ଦେଖା ନ ଯାଇପାରେ। ରୁଚି ସମସ୍ତଙ୍କର ଭିନ୍ନ ଭିନ୍ନ। କାହାକୁ ପ୍ରକୃତି ସୁନ୍ଦର ତ କାହାକୁ ପୁରୁଷ ସୁନ୍ଦର, କାହାକୁ ପୁଣି ପ୍ରକୃତି ପୁରୁଷର ମିଳନ ସୁନ୍ଦର ଲାଗେ। ଅନେକ ଲୋକ ଫୁଲଫଳଭରା ଗଛଲତା, ନଦନଦୀ, ସାଗର, ଝରଣାରୁ ସୌନ୍ଦର୍ଯ୍ୟ ମନଭରି ଉପଭୋଗ କରୁଥିବାବେଳେ ଅନ୍ୟ କେତେକେ ଟାଙ୍ଗରା ପାହାଡ଼ ପର୍ବତ, ଶୁଷ୍କ ମରୁଭୂମିକୁ ମଧ୍ୟ ଭଲ ପାଆନ୍ତି। ନିର୍ଜନତାର ବି ସୌନ୍ଦର୍ଯ୍ୟ ଅଛି। ମୁନିଋଷିମାନେ ନିର୍ଜନତାରୁ ଆନନ୍ଦ ପାଆନ୍ତି। କବିଙ୍କ ଭାଷାରେ- ‘ବିଜନତା କାହିଁ ତୋ ବେଶ ମୋହନ, ଯେ ବେଶେ ମୋହିଲୁ ତୁ ମୁନିନୟନ।’ କବିଟି କବିତା, ଗୀତିକାର ଗୀତ, ଔପନ୍ୟାସିକ ଉପନ୍ୟାସ, ପ୍ରବନ୍ଧକାର ପ୍ରବନ୍ଧ, କଳାକାରଟି ନିଜ କଳା ପ୍ରଦର୍ଶନ କରି ସେଥିରୁ ସୌନ୍ଦର୍ଯ୍ୟ ଓ ଆନନ୍ଦ ଅନୁଭବ କରେ। ପାଠକ, ଦର୍ଶକ କେହି ଏହାକୁ ପସନ୍ଦ ଅଥବା ଅପସନ୍ଦ କରିପାରନ୍ତି। ସାଧାରଣ ଲୋକେ କେହି ଗୁଣରେ, ପୁଣି ଅନ୍ୟ କେହି ରୂପରେ ରୁଚି ରଖନ୍ତି। କାହାକୁ କ’ଣ ସୁନ୍ଦର ଦେଖାଯିବ, ଭଲ ଲାଗିବ ଏହା ତା’ ଉପରେ ଜୋରଜବରଦସ୍ତ ଲଦାଯାଇପାରେନା। ସାଧାରଣ ଭାବେ ଦେଖାଯାଉଥିବା ଜିନିଷ କିମ୍ବା ଶୁଣାଯାଉଥିବା ଶବ୍ଦ ସବୁ ସୁନ୍ଦର ବା ଅସୁନ୍ଦର ପ୍ରତୀୟମାନ ହୁଏ। ପ୍ରକୃତିର ସୁଲଳିତ ସଙ୍ଗୀତ ମଧ୍ୟ ଭାବୁକ ହୃଦୟରେ ମଧୁର ଝଙ୍କାର ସୃଷ୍ଟିକରେ। ଏଥିପାଇଁ ସେଭଳି ଦୃଷ୍ଟି ଓ ଶ୍ରବଣ ଶକ୍ତି ଆବଶ୍ୟକ। କବିଟି ଏଥିରେ ଆତ୍ମହରା ହୋଇ ଗାଇଉଠେ- "Heard melodies are sweet, but those unheard are sweeter." ନିର୍ଦ୍ଦିଷ୍ଟ କିଛି ଲୋକଙ୍କୁ ଏହା ଖୁବ୍‌ ମନୋଲୋଭା ହେଉଥିବା ବେଳେ ବହୁ ଲୋକଙ୍କୁ କିନ୍ତୁ ସମ୍ପତ୍ତି, କ୍ଷମତା, ପ୍ରତିପତ୍ତି, ସାମାଜିକ ପ୍ରତିଷ୍ଠା ଖୁବ୍‌ ଆକର୍ଷଣୀୟ ମନେହୁଏ। ବହୁ ପନ୍ଥା ଆପଣେଇ- କେହି କେହି ବାଣିଜ୍ୟ ବ୍ୟବସାୟ, କଳକାରଖାନା, ଚାକିରିବାକିରି ଆଉ କେହି ଚାଷବାସ କରି ଅର୍ଥ ଉପାର୍ଜନ କରିବା ସଙ୍ଗେ ସଙ୍ଗେ ନିଜକୁ ସମାଜରେ ପ୍ରତିଷ୍ଠା କରନ୍ତି। ସଂଖ୍ୟା କମ୍‌ ହେଲେ ମଧ୍ୟ କିଛି ଲୋକଙ୍କୁ ରାଜନୀତି ଖୁବ୍‌ ଭଲ ଲାଗେ। ଏଥିପାଇଁ ସେମାନେ ପ୍ରଥମେ ନିଜକୁ ବହୁ ଜନହିତକର ସମାଜ ମଙ୍ଗଳ କାମରେ ନିୟୋଜିତ କରନ୍ତି। ହାତରୁ ଖାଇ ଘୋଡା ଆଗରେ ଦୌଡନ୍ତି। ଲୋକସମ୍ପର୍କ ବଢି ପାଞ୍ଚ ଲୋକରେ ମାନ୍ୟଗଣ୍ୟ ହୋଇପାରିଲେ, ସୁବିଧା ସୁଯୋଗ ସୃଷ୍ଟି କରିପାରିଲେ ରାଜନୀତିକୁ ସେମାନେ ଓହ୍ଲେଇ ଆସନ୍ତି। ପ୍ରାଥମିକ ସ୍ତରରେ ଏହା ଖୁବ୍‌ କଷ୍ଟସାଧ୍ୟ। ଥରେ ଏଥିରେ ପ୍ରତିଷ୍ଠିତ ହୋଇପାରିଲେ ଆପଣାଛାଏ ମାନସମ୍ମାନ, ଧନଜନ, ପ୍ରତିପତ୍ତି ସବୁ କିଛି ପାଖରେ ଅଜାଡି ହୋଇପଡେ- କେତେକଙ୍କୁ ସ୍ବର୍ଗ ଚାରିଅଙ୍ଗୁଳି ଦେଖାଯାଏ। ବୈଜ୍ଞାନିକଟି କିଛି ଉଦ୍ଭାବନ କରିପାରିଲେ ନିଜର ଜୀବନ ସାର୍ଥକ ମନେକରେ। ଏହାର ଅନ୍ତର୍ନିହିତ ସୌନ୍ଦର୍ଯ୍ୟରେ ସେ ନିଜେ ଆନନ୍ଦିତ ହେବା ସଙ୍ଗେ ଦୁନିଆକୁ ମଧ୍ୟ ଆନନ୍ଦମୁଖର କରେ। ସମସ୍ତଙ୍କୁ ସୁନ୍ଦର ଲାଗେ ପୁରୁଣା ଦିନର ସ୍ମୃତି। ସଙ୍ଗୀତ ସୁନ୍ଦର କିନ୍ତୁ ସ୍ମୃତି ଏହାଠାରୁ ଅଧିକ ସୁନ୍ଦର ଓ ଚିତ୍ତାକର୍ଷକ- "Memories are sweeter than melody." ଭଗବାନଙ୍କ ସୃଷ୍ଟିରେ ସବୁ ସୁନ୍ଦର। ସୁନ୍ଦର ଅନୁଭବ କରିବା ନିଜର ମାନସିକତା ଉପରେ ନିର୍ଭର କରେ। ‘ଯାହାକୁ ଯିଏ ରସିଲା ତାକୁ କିଆଫୁଲ ପରି ବାସିଲା’- ଭଲ ମନ୍ଦ ବିଚାର କରି କେହି କାହାର ସୌନ୍ଦର୍ଯ୍ୟରେ ଆକର୍ଷିତ ହୁଅନ୍ତିନି। ଗୋଲାପର ରୂପଗନ୍ଧ ଖୁବ୍‌ ସୁନ୍ଦର। କିନ୍ତୁ ଗୋଲାପ କଣ୍ଟାର ଆଘାତ ନିରାନନ୍ଦ ସୃଷ୍ଟିକରେ। ପଦ୍ମର ସୌନ୍ଦର୍ଯ୍ୟରେ ବିମୋହିତ ଭ୍ରମରଟି ଏହାର ମୋହ ଛାଡି ନ ପାରି ରାତ୍ରିର ଆଗମନରେ ଏହାର ପାଖୁଡାରେ ବନ୍ଦୀହୋଇ ଅଣନିଃଶ୍ୱାସୀ ହୋଇ ମରିଯାଏ। ପତଙ୍ଗମାନେ ଅଗ୍ନିର ଆକର୍ଷଣରେ ଏଥିରେ ପଡି ମୃତ୍ୟୁବରଣ କରନ୍ତି। ଘିଅମହୁରେ ଭାସୁଥିବା ଲୋକ ବଗଡା ଭାତ ଓ ଶାଗଖରଡା ମଧ୍ୟ ଇଚ୍ଛା କରେ। ଖଟପଲଙ୍କ, ଡନ୍‌ଲପ୍‌ ଗଦି ଓ ଶୀତତାପ ନିୟନ୍ତ୍ରିତ ପବନରେ ଆରାମ ଭୋଗ କରୁଥିବା ଲୋକ ଡାକ୍ତରଙ୍କ ପରାମର୍ଶରେ ଏସବୁ ତ୍ୟାଗକରି ଖାଲି ଖଟ, ବିନା ତକିଆ ଓ ବିନା ଏସିରେ ଶୋଇବାକୁ ବାଧ୍ୟ ହୁଏ। ଅତି ଆଡମ୍ବର ଓ ଆରାମପୂର୍ଣ୍ଣ ଜୀବନ ନିରାନନ୍ଦର କାରଣ ହୁଏ। ପାଖରେ ଭରପୂର ସୌନ୍ଦର୍ଯ୍ୟ ଥିଲେ ମଧ୍ୟ ଏହା ମଣିଷକୁ ନିହାତି ମାମୁଲି ମନେହୁଏ। ପର ସ୍ତ୍ରୀ, ପର ଧନଦୌଲତ ନିଜଠାରୁ ନୂ୍ୟନ ହେଲେ ମଧ୍ୟ ଅଧିକ ସୁନ୍ଦର ଲାଗେ- ଆକର୍ଷଣୀୟ ମନେହୁଏ। କଥାରେ ଅଛି ‘ପରଘର ତିଅଣ ସୁନ୍ଦର’। ପାଖରେ ଯେତେବେଳେ ଯାହା ସୁନ୍ଦର ମିଳେ ଏହାର ରୂପଗୁଣ ସେତେ ଗୁରୁତ୍ୱ ବହନ କରେନି। କାରଣ ଗଁା କନିଆ ସିଙ୍ଘାଣିନାକୀ। ମଣିଷ ଜୀବନ ପାଇଁ ଖରାବର୍ଷା, ଶୀତବସନ୍ତ ସବୁର ଆବଶ୍ୟକତା ଅଛି। ଏସବୁ ସତ୍ତ୍ୱେ ଖରାଦିନର ମୁଣ୍ଡଫଟା ଖରା, ବର୍ଷାଦିନର ଝଡବର୍ଷା ଓ ଶୀତଦିନର ହାଡଭଙ୍ଗା ଶୀତ ଭଲ ଲାଗେନି। ବସନ୍ତ ଖୁବ୍‌ କ୍ଷଣସ୍ଥାୟୀ। ଏହାକୁ ଉପଭୋଗ କରୁ କରୁ କେତେବେଳେ ଏହା ଚାଲିଯାଏ ଜଣାପଡେନି। ଅର୍ଥ ସମସ୍ତଙ୍କ ପାଖରେ ମଧୁର ଓ ସୁନ୍ଦର- Money money money, brighter than sunshine, sweeter than honey। ତେବେ ଅସୁନ୍ଦର ବିନା ସୁନ୍ଦରର ସ୍ଥିତି କଳ୍ପନା କରାଯାଇପାରେନା। ଅନ୍ଧାର ନ ଥିଲେ ଆଲୋକର ମହିତ୍ତ୍ୱ ବୁଝି ହୁଅନ୍ତା କି? ତେଣୁ ମନ୍ଦରେ ଭଲ, ଦୁଃଖରେ ସୁଖ ଓ ଅସୁନ୍ଦରରେ ସୁନ୍ଦରର ଅନ୍ବେଷଣ କରିବା ଉଚିତ।
ରାମିଆଗଞ୍ଜ, ମାର୍ଶାଘାଇ, କେନ୍ଦ୍ରାପଡ଼ା, ମୋ- ୯୪୩୯୮୭୯୦୨୨

All Right Reserved By

ସମ୍ପାଦକୀୟ |

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ଭାରତରେ ପିଲାମାନଙ୍କୁ ବଡ଼ ହେଲେ କ’ଣ ହେବ ବୋଲି ଏକ ନିର୍ଦ୍ଦିଷ୍ଟ ପ୍ରଶ୍ନ ସର୍ବଦା ପଚରାଯାଇଆସୁଛି। ପ୍ରାୟ ଅଧିକାଂଶଙ୍କଠାରୁ ଉତ୍ତର ମିଳିଆସୁଛି ଡାକ୍ତର ଓ ଇଞ୍ଜିନିୟର ହେବେ। ଯଦିଓ ଛୁଆଟିଏ ଏହି ପାଠ୍ୟକ୍ରମ ସହିତ ଅଭ୍ୟସ୍ତ ନ ଥାଏ, ତଥାପି ମାତାପିତାଙ୍କ ଅଭିଳଷିତ ସ୍ବପ୍ନ ପିଲାଙ୍କ ଉପରେ ଅଜାଡ଼ି ହୋଇଯାଇଥାଏ ବୋଲି କୁହାଯାଏ। ଏବେ ଏହି ଦୁଇ ବୃତ୍ତିରେ ଘରୋଇ କଲେଜରେ ନାମ ଲେଖାଉଥିବା ପିଲାଙ୍କ ବିଷୟରେ ଅନେକ ନକାରାତ୍ମକ ତଥ୍ୟ ସାମ୍ନାକୁ ଆସିବା ଆରମ୍ଭ କଲାଣି। ଏକ ରିପୋର୍ଟରୁ ଜଣାପଡ଼ିଛି ଯେ ୨୦୧୭ରେ ନ୍ୟାଶନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ (ଏନ୍‌ଇଇଟି) ଅନ୍ତର୍ଗତ ଫିଜିକ୍ସ (ପଦାର୍ଥ ବିଜ୍ଞାନ) ଓ କେମିଷ୍ଟ୍ରି (ରସାୟନ ବିଜ୍ଞାନ) ବିଷୟବସ୍ତୁରେ ୫୧୦ ବିଦ୍ୟାର୍ଥୀ ଶୂନ ...

 ବଳାତ୍କାର ଓ ସାମାଜିକ ବିଫଳତା

ବଳାତ୍କାର ଓ ସାମାଜିକ ବିଫଳତା

ସବ୍ୟସାଚୀ ଅମିତାଭ ବଳାତ୍କାର କେବଳ ଦଣ୍ଡନୀୟ ଅପରାଧ ନୁହେଁ ବରଂ ଦେଶ ଓ ସମାଜ ପାଇଁ ଲଜ୍ଜା। ଇତିମଧ୍ୟରେ କେନ୍ଦ୍ର କ୍ୟାବିନେଟ୍‌ କ୍ରିମିନାଲ ଲ’ ସଂଶୋଧନ ଅଧ୍ୟାଦେଶ ଆଣିିଛନ୍ତି। ଏଥିରେ ୧୨ ବର୍ଷ ପର୍ଯ୍ୟନ୍ତ ନାବାଳିକା ଓ ଶିଶୁଙ୍କ ସହ ବଳାତ୍କାର କରୁଥିବା ଅପରାଧୀଙ୍କୁ ମୃତ୍ୟୁଦଣ୍ଡ ଦେବାର ବ୍ୟବସ୍ଥା ରହିଛି। ଅତୀତରେ ନିର୍ଭୟା କାଣ୍ଡ ସାରା ଦେଶକୁ ବିଚଳିତ କରିଥିଲା। ସେତେବେଳେ ବି ଆଇନରେ ସଂଶୋଧନ ଅଣାଯାଇଥିଲା। ନାବାଳକ ବା କିଶୋରଙ୍କ ଦ୍ୱାରା କରାଯାଉଥିବା ଜଘନ୍ୟ ଅପରାଧରେ ବିଚାର ପାଇଁ ଅଭିଯୁକ୍ତଙ୍କ ବୟସ ୧୮ ବର୍ଷ ବଦଳରେ ୧୬ ବର୍ଷ କରାଯାଇଥିଲା। ପୋକ୍‌ସୋ ଆଇନକୁ କଡା କରାଯାଇସାରିଛି।...

ଅପରିଣାମଦର୍ଶୀ ମଣିଷ

ଅପରିଣାମଦର୍ଶୀ ମଣିଷ

ବୈକୁଣ୍ଠନାଥ ମିଶ୍ର ଏକଦା ଜଣେ ଆଧୁନିକ ଶିକ୍ଷିତ ଯୁବକ ବନ୍ଧୁମାନଙ୍କ ସହ ଶିକାର ଓ ବଣଭୋଜି ପାଇଁ ଘୋର ଜଙ୍ଗଲ ମଧ୍ୟକୁ ଯାଇ ବାଟବଣା ହୋଇଗଲେ। ଏଣେତେଣେ ବୁଲୁ ବୁଲୁ ଯୁବକ ଦେଖିଲେ ତାଙ୍କୁ ବଣର ସବୁ ପ୍ରାଣୀ ଘେରି ଯାଇଛନ୍ତି। ଯୁବକଙ୍କୁ ଭୟଭୀତ ହେବାର ଦେଖି ପଶୁରାଜ ସିଂହ କହିଲା, ଭୟ କରନାହିଁ ଯୁବକ। ଆଜି ତୁମ ସହ ଆମର ଏକ ଆଲୋଚନା ସଭା ଅନୁଷ୍ଠିତ ହେବ। ଆଲୋଚନାର ପ୍ରସଙ୍ଗ ପଶୁ-ମଣିଷ ସମ୍ପର୍କ। ଏଥିରେ ତୁମେ ତୁମର ଓ ଆମେ ଆମର ବକ୍ତବ୍ୟ ରଖିବୁ। ଆମେ ପରାସ୍ତ ହେଲେ ପୂର୍ବବତ୍‌ ତୁମର ବଶ୍ୟତା ସ୍ବୀକାର କରିବୁ ଏବଂ ତୁମେ ପରାସ୍ତ ହେଲେ ଆମ୍ଭମାନଙ୍କୁ ଶିକାର କରିବ ନାହିଁ କିମ୍ବା ଆମ ବାସସ୍ଥାନ ଉପରେ କର୍ତ୍ତୃତ୍ୱ ଜାହିର କରି ଏହାକୁ ଧ୍ୱଂସ କରିବ ନାହିଁ। ଆମ ଆଲୋଚନାର ସାକ୍ଷୀ ରହିବେ ଏ ବନଭୂମି ଓ ବୃକ୍ଷଲତା।...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ଅର୍ଥ ଏବଂ ଯୋଗାଡ଼ଯନ୍ତ୍ର ଅଭାବରୁ ବିବାହ କରିପାରି ନ ଥାନ୍ତି। ସେହି ଆର୍ଥତ୍କ ଦୁର୍ବଳ ଶ୍ରେଣୀର ଯୁବତୀଯୁବକଙ୍କୁ ବିବାହ ବନ୍ଧନରେ ଆବଦ୍ଧ କରିବା ପାଇଁ ଜାଫ୍ରି କାଉନସିଲ୍‌ ଆଗେଇ ଆସିଛି। ଦୀର୍ଘ ୪ବର୍ଷ ଧରି ଏହି ଅନୁଷ୍ଠାନ ବର୍ଷକୁ ଥରେ ଗଣବିବାହ ଆୟୋଜନ କରିଆସୁଛି। ଚଳିତ ବର୍ଷ ଶ୍ରୀନଗରରେ ଆୟୋଜିତ ଗଣବିବାହ କାର୍ଯ୍ୟକ୍ରମରେ ୧୦୫ ଦମ୍ପତି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉକ୍ତ ରାଜ୍ୟର ବିଭିନ୍ନ ଜିଲାରୁ ଆର୍ଥତ୍କ ଦୁର୍ବଳ ଶ୍ରେଣୀର କନ୍ୟାବର ସାମିଲ ହୋଇଥିଲେ। ଏହା ଏକ ସରଳ ତଥା ନିରାଡମ୍ବର ବିବାହ ଉତ୍ସବ ଥିଲା। ରବିବାର ଅମରସିଂ କ୍ଲବ୍‌ଠାରେ ଧର୍ମୀୟ ତଥା ସାମାଜିକ ସଂଗଠନ ଜାଫ୍ରି କାଉନସିଲ୍‌ ଦ୍ୱାରା ଏହା ଆୟୋଜିତ ହୋଇଥିଲା। ଉକ୍ତ କାଉନସିଲ୍‌ ପୂର୍ବରୁ ଗଣବିବାହ ଆୟୋଜନ କରାଇଥିଲେ ମଧ୍ୟ ଏଥର ସଂଖ୍ୟା ଥିଲା ସବୁଠୁ ଅଧିକ। ବିବାହ କରିବାକୁ ଥିବା କନ୍ୟାବର ଏହି ସଂଗଠନରେ ପ୍ରଥମେ ନାମ ...

ହିସାବରେ ଅତିକ୍ରମ

ହିସାବରେ ଅତିକ୍ରମ

ତଥାଗତ ସତପଥୀ: ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ ଅନୁଯାୟୀ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଆମେରିକା ସର୍ବବୃହତ୍‌ ଅର୍ଥନୀତିର ଟ୍ୟାଗ୍‌କୁ ବଜାୟ ରଖିଥିବା ବେଳେ ତା’ ପଛକୁ ଚାଇନା, ଜାପାନ, ଜର୍ମାନୀ ଏବଂ ବ୍ରିଟେନ୍‌ ରହିଛନ୍ତି। ରିପୋର୍ଟ କହେ, ଫ୍ରାନ୍ସର ଜିଡିପି ୨.୫୮୨ ଟ୍ରିଲିୟନ୍‌ ଡଲାର ଥିବାବେଳେ ଭାରତର ରହିଛି ୨.୫୯୭ ଟ୍ରିଲିୟନ୍‌ ଡଲାର। ଏହି ୧୫ ଟ୍ରିଲିୟନ ଡଲାର ପାର୍ଥକ୍ୟକୁ କୌଣସି ଭାବେ ଗୌଣ କରାଯିବା ଉଚିତ ନୁହେଁ। ବାସ୍ତବରେ ଭାରତୀୟଙ୍କ ପାଇଁ ଏହା କିପରି ଗୁରୁତ୍ୱ ବହନ କରୁଛି, ତାହା ବର୍ତ୍ତମାନ ପ୍ରଶ୍ନବାଚୀ ସୃଷ୍ଟି କରିଛିି। ସଂଖ୍ୟା ହିସାବକୁ ନିଆଗଲେ ଷଷ୍ଠ ବୃହତ୍‌ ଅର୍ଥନୀତି ହେଲେ ସୁଦ୍ଧା ଭାରତକୁ ଆହୁରି ଅନେକ ମାଇଲଖୁଣ୍ଟ ଅତିକ୍ରମ କରିବାକୁ ପଡ଼ିିବ ବୋଲି ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି। ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଆଶା ବାହାରେ ନୁହେଁ, ମାତ୍ର ଦେଶର ମୁଣ୍ଡପିଛା ଆୟ ଚିନ୍ତାର ବିଷୟ ବୋଲି ସେ ମତବ୍ୟକ୍ତ କରିଛନ୍ତି। କାରଣ ଫ୍ରାନ୍ସରେ ଏହା ୪୩,୭୨୦ ଡଲାର ହୋଇଥିବାବେଳେ ଭାରତରେ ମାତ୍ର ୭,୦୬୦ ଡଲାର ରହିଛି।...

ମଦ୍ୟପାନ: ନକଲ ଓ ଅକଲ

ମଦ୍ୟପାନ: ନକଲ ଓ ଅକଲ

ଡ. ରମେଶ ଚନ୍ଦ୍ର ପରିଡ଼ା: କଥାରେ କହନ୍ତି ”ନକଲରେ ଅକଲ“ ନ ଥାଏ। ଏଠାରେ ନକଲ କହିଲେ ବୁଝାଏ ଅନ୍ଧ ଅନୁକରଣକୁ। ଏଭଳି କରିବା ନିର୍ବୋଧତାର ପରିଚୟ ଦିଏ। ତେବେ ଆମେ ଅନେକେ ଅଧିକାଂଶ ସମୟରେ ତାହା କରୁ। ବଡ ବୋଲି ଭାବୁଥିବା କୌଣସି ଲୋକର ବାହ୍ୟ ଚାକଚକ୍ୟ ଦେଖି ତାକୁ ନକଲ କରୁ, ତାହାର ଭଲମନ୍ଦ ବିଚାର ନ କରି। ଆମ ସମାଜରେ ମଦ୍ୟପାନର ପ୍ରସାର ଘଟିଛି ଏବଂ ଘଟୁଛି ସେହିଭଳି କାରଣରୁ। ପ୍ରଥମେ ଆଭିଜାତ୍ୟରେ ବିଦେଶୀ ଶାସକଙ୍କ ସମକକ୍ଷ ହେବା ଲାଗି ଆମ ସମାଜର ତଥାକଥିତ ଉଚ୍ଚବର୍ଗର ଲୋକେ ତାଙ୍କୁ ଏଥିରେ ଅନୁକରଣ କଲେ। ଏବେ ତ ଆମେ ସମସ୍ତେ ନିଜକୁ ଆଭିଜାତ୍ୟସମ୍ପନ୍ନ ବୋଲି ଉପସ୍ଥାପିତ କରିବାରେ ବ୍ୟସ୍ତ। ସେଇଥିପାଇଁ ଏହା ବଢୁଛି। ପୁନଶ୍ଚ ଆଗେ ଆମେ ମଦ୍ୟପାନ କରୁଥିବା ଲୋକଙ୍କୁ ଘୃଣା କରୁଥିଲୁ। ଆଜିକାଲି ତାହା ନାହିଁ। ପକ୍ଷାନ୍ତରେ, ଆମ ଦୃଷ୍ଟିରେ ସେଲିବ୍ରିଟି ହୋଇଥିବା ବର୍ଗର ଲୋକଙ୍କ ଜୀବନଧାରାର ଏହା ଏକ ଅବିଚ୍ଛେଦ୍ୟ ଅଙ୍ଗ। ଆମେ ବି ତାଙ୍କୁ ନକଲ କରି ନିଜର ଗୁରୁତ୍ୱ ବଢାଇବାରେ ବ୍ୟସ୍ତ। ଏଥିପାଇଁ ଅକଲର ଦରକାର ପଡୁନାହିଁ।...

କାଳିଆ, ତୁ’ ସତରେ କାହାର

କାଳିଆ, ତୁ’ ସତରେ କାହାର

ଡ. ନରହରି ବେହେରା: ମୁଁ ଏଇଠି ଠିଆ ହେଇଚିରେ କାଳିଆ! ବଅସ ହଟିଲାଣି, ଆଖିକି ଭଲ ଦୁଶୁନି, ତଥାପି ତୋତେ ଦେଖିବି ବୋଲି ଦୌଡ଼ି ଆସିଛି। ହେଲେ ମୁଁ ତୋ ପାଖକୁ ଯାଇପାରୁନି। ମୁଁ ନ ଯାଇପାରିଲେ କ’ଣ ହେଲା, ତୁ କ’ଣ ମୋ ପାଖକୁ ଟିକିଏ ଆସିବୁନି? ନିଶ୍ଚୟ ଆସିବୁ। ହେଇ ତୁ ତ ରଥରେ ବସିଲୁଣି। ତୋର ସେଇ ଚକା ଚକା ଆଖି ଦି’ଟା ଦିଶିଲାଣି। ଆରେ, ମୋ ଆଡ଼େ ଟିକିଏ ନ ଚାହିଁ ସିଧା ସିଧା କୁଆଡ଼େ ପଳାଇ ଯାଉଛୁ, ମୋ ଆଖିର ଲୁହ ତୋତେ କ’ଣ ଦେଖାଯାଉନି? ଏ ବୁଢ଼ୀଟା ତୋତେ ବିକଳରେ ଚାହିଁଛି, ତୋ ହୃଦୟ ତରଳି ଯାଉନି? ହଁ ମୁଁ ବି ବାୟାଣୀ ହେଇଗଲିଣି। ତୁ କେତେବେଳେ କାହାର ଥିଲୁ ଯେ, ଆଜି ମୋର ହବୁ? ତୁ ତ ନଟନାଗର, ହଟିଆ କଳାକାର। ତୁ ଯାହାକୁ ଚାହିଁବୁ ତା’ ପାଖକୁ ଯିବୁ, ତୋତେ ଯିଏ ଯେତେ ଚାହିଁଲେ ବି ଯିବୁନି।...

ଏଇ ଭାରତରେ

ଏଇ ଭାରତରେ

ନିଜେ ପରିଷ୍କାର ରହିବା ସହିତ ପରିବେଶକୁ ନିର୍ମଳ ରଖିବା ଲାଗି ଆମ ଦେଶରେ କିଏ କେତେ ପ୍ରକାର ଉଦ୍ୟମ କରୁଛନ୍ତି। ଏହି ଉଦ୍ୟମର ଅଂଶ ସ୍ବରୂପ ଅହମଦାବାଦ୍‌ ମହାନଗର ନିଗମ (ଏଏମ୍‌ସି) ଅଧୀନରେ ଥିବା ପ୍ରାଥମିକ ସ୍କୁଲ୍‌ ପିଲାମାନଙ୍କର ମାସକୁ ଥରେ ମାଗଣା କେଶ କଟାଯିବ। ଏହା ‘ସ୍ବଚ୍ଛତା ଆଡକୁ ପାଦେ’ କାର୍ଯ୍ୟକ୍ରମର ଅଂଶବିଶେଷ। ଏଥିପାଇଁ ନିଗମ ଏକ ସ୍ବେଚ୍ଛାସେବୀ ସଂଗଠନ (ଇଣ୍ଟରନ୍ୟାଶନାଲ୍‌ ସ୍କୁଲ୍‌ ଅଫ୍‌ ଆସ୍‌ଥେଟିକ୍ସ ଆଣ୍ଡ୍‌ ସ୍ପା) ସହିତ ଚୁକ୍ତି ସ୍ବାକ୍ଷର କରିଛି।...

Model This Week

ରୂପେଶ