ଅନ୍ତର୍ଜାତୀୟ |

ରୋହିଙ୍ଗ୍ୟା ସମସ୍ୟା: ବାଂଲାଦେଶ ସହ ଆଲୋଚନା କରିବ ମ୍ୟାନ୍‌ମାର୍‌

ରୋହିଙ୍ଗ୍ୟା ସମସ୍ୟା: ବାଂଲାଦେଶ ସହ ଆଲୋଚନା କରିବ ମ୍ୟାନ୍‌ମାର୍‌

ନାପିତ, ୨୧।୧୧: ରୋହିଙ୍ଗ୍ୟା ସମସ୍ୟା ନେଇ ମ୍ୟାନ୍‌ମାର୍‌ ବାଂଲାଦେଶ ସହିତ ଆଲୋଚନା କରିବ। ଏନେଇ ମ୍ୟାନ୍‌ମାର୍‌ ଷ୍ଟେଟ୍‌ କାଉନସିଲର୍‌ ତଥା ବୈଦେଶିକ ବ୍ୟାପାର ମନ୍ତ୍ରୀ ଅଙ୍ଗ୍‌ ସାନ୍‌ ସୁ କି ମଙ୍ଗଳବାର ସୂଚନା ଦେଇଛନ୍ତି। ରୋହିଙ୍ଗ୍ୟାମାନଙ୍କୁ ଦେଶକୁ ଫେରାଇ ଅଣାଯିବାର ଉଦ୍ୟମ ହେବା ସହିତ ଦେଶରେ ଶାନ୍ତି ବ୍ୟବସ୍ଥା ସ୍ଥାପନ ପାଇଁ ପ୍ରୟାସ କରାଯିବ। ଏହି ଦ୍ୱି-ପାକ୍ଷିକ ଆଲୋଚନା ସଫଳ ରହିବ ବୋଲି ସେ ଆଶା ପ୍ରକାଶ କରିଛନ୍ତି। ସୂଚନାଯୋଗ୍ୟ, ମ୍ୟାନ୍‌ମାର୍‌ ରାଖିନି ଅଞ୍ଚଳରେ ରୋହିଙ୍ଗ୍ୟାଙ୍କ ଉପରେ ଅତ୍ୟାଚାର ଯୋଗୁ ସେମାନେ ବାଂଲାଦେଶ ଓ ଭାରତକୁ ପଳାୟନ କରୁଛନ୍ତି।

All Right Reserved By

Model This Week

ନିକିତା

ଅନ୍ତର୍ଜାତୀୟ |

ଭ୍ୟାନ୍‌ ଧକ୍କାରେ ୧୦ ମୃତ

ଭ୍ୟାନ୍‌ ଧକ୍କାରେ ୧୦ ମୃତ

ଟରୋଣ୍ଟୋ, ୨୪।୪ : ଦ୍ରୁତ ଗତିରେ ଯାଉଥିବା ଏକ ଭ୍ୟାନ୍‌ ଧକ୍କାରେ ଟରୋଣ୍ଟୋରେ ୧୦ଜଣଙ୍କ ମୃତ୍ୟୁ ଘଟିଛି। ଏହି ଘଟଣାରେ ୧୫ରୁ ଅଧିକ ଆହତ ହୋଇଥିବାବେଳେ ଅନେକଙ୍କ ଅବସ୍ଥା ସଙ୍କଟ ଜନକ ରହିଛି ବୋଲି ସ୍ଥାନୀୟ ପୋଲିସ କହିଛି।

ଚାଇନାର କାରାଓକେ ବାର୍‌ରେ ଭୟାବହ ଅଗ୍ନିକାଣ୍ଡ: ୧୮ ମୃତ

ଚାଇନାର କାରାଓକେ ବାର୍‌ରେ ଭୟାବହ ଅଗ୍ନିକାଣ୍ଡ: ୧୮ ମୃତ

ବେଜିଂ, ୨୪।୪ : ଚାଇନା କିଙ୍ଗୁଆନ୍‌ ସହରରେ ଥିବା କାରାଓକେ ବାର୍‌ରେ ଭୟାବହ ଅଗ୍ନିକାଣ୍ଡ ଘଟି ୧୮ ଜଣଙ୍କ ମୃତ୍ୟୁ ଘଟିଥିବାବେଳେ ୫ଜଣ ଆହତ ହୋଇଛନ୍ତି। ସୋମବାର ବିଳମ୍ବିତ ରାତିରେ ଏହି ଘଟଣା ଘଟିଥିବା ସ୍ଥାନୀୟ ପୋଲିସ କହିଛି। ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡର କାରଣ ଜଣାପଡିନାହିଁ।

ମେକ୍ସିକୋ ହିଂସା: ୩ ମାସରେ ୭,୬୬୭ ଲୋକଙ୍କୁ ହତ୍ୟା

ମେକ୍ସିକୋ ହିଂସା: ୩ ମାସରେ ୭,୬୬୭ ଲୋକଙ୍କୁ ହତ୍ୟା

ମେକ୍ସିକୋ ସିଟି, ୨୩।୪ : ଗତ ୩ ମାସ ମଧ୍ୟରେ ମେକ୍ସିକୋରେ ହୋଇଥିବା ବିଭିନ୍ନ ହିଂସାକାଣ୍ଡରେ ଇତିମଧ୍ୟରେ ୭,୬୬୭ ଲୋକଙ୍କର ମୃତ୍ୟୁ ଘଟିଛି। ୨୦୧୭ରେ ଏହି ସମୟରେ ୬,୪୦୬ଙ୍କର ମୃତ୍ୟୁ ଘଟିଥିବାବେଳେ ଚଳିତ ବର୍ଷ ପ୍ରଥମ ତିନି ମାସରେ ଏଥିରେ ୨୦ ପ୍ରତିଶତ ବୃଦ୍ଧି ହୋଇଛି।

ମାଟିତଳେ ପୋତି ହୋଇରହିଥିବା ଲୋକଙ୍କ ସମ୍ପର୍କରେ ସୂଚନା ଦେବ ସେନସର୍‌

ମାଟିତଳେ ପୋତି ହୋଇରହିଥିବା ଲୋକଙ୍କ ସମ୍ପର୍କରେ ସୂଚନା ଦେବ ସେନସର୍‌

ଲଣ୍ଡନ, ୨୩।୪ : ଭୂମିକମ୍ପ କିମ୍ବା କୌଣସି ଦୁର୍ଘଟଣାରେ ମାଟିତଳେ ପୋତି ହୋଇ ରହିଥିବା ଲୋକଙ୍କ ସମ୍ପର୍କରେ ଏବେ ସହଜରେ ସୂଚନା ମିଳିପାରିବ। ଗବେଷକ ଏକ ସ୍ବତନ୍ତ୍ର ଧରଣର ସେନସର୍‌ ବାହାର କରିଛନ୍ତି। ଏହା ସହଜରେ ମାଟି ତଳେ ଥିବା ଜୀବଜନ୍ତୁ ଅଥବା ମଣିଷଙ୍କ ନିକଟକୁ ଏକ ପ୍ରକାର ତରଙ୍ଗ ପ୍ରେରଣ କରିବ। ସେମାନଙ୍କ ଶରୀରରେ ବାଜି ଏହି ତରଙ୍ଗ ସେନସରକୁ ଫେରିବ।

ଆସିବ ପୁରୁଷଙ୍କ ପାଇଁ ଗର୍ଭନିରୋଧକ ଟ୍ୟାବଲେଟ୍‌

ଆସିବ ପୁରୁଷଙ୍କ ପାଇଁ ଗର୍ଭନିରୋଧକ ଟ୍ୟାବଲେଟ୍‌

ଓ୍ବାଶିଂଟନ, ୨୩।୪ : ବଜାରରେ ମହିଳାଙ୍କ ଉପଯୋଗୀ ଗର୍ଭନିରୋଧକ ଟ୍ୟାବଲେଟ୍‌ ଉପଲବ୍ଧ ହୋଇଥାଏ। ଏହାର ବ୍ୟବହାର କରିବା ଦ୍ୱାରା ମହିଳାଙ୍କ ସେକ୍ସ୍‌ ହରମୋନ୍‌ ଉପରେ ପ୍ରଭାବ ପଡିଥାଏ। ଯାହାଦ୍ୱାରା ଶୁକ୍ରାଣୁ ଓ ଡିମ୍ବାଣୁର ମିଳନରେ ଭ୍ରୁଣ ସୃଷ୍ଟି ହୋଇପାରି ନ ଥାଏ। ଆଗାମୀ ଦିନରେ ପୁରୁଷଙ୍କ ପାଇଁ ଏଭଳି ଟ୍ୟାବଲେଟ୍‌ ବଜାରରେ ଉପଲବ୍ଧ ହେବ। ଏହାର ବ୍ୟବହାରଦ୍ୱାରା ଶୁକ୍ରାଣୁର ଗତି ଶିଥିଳ ହୋଇଯିବ।

ପାକିସ୍ତାନ ସୈନ୍ୟବାହିନୀ ବିରୋଧରେ ପାସ୍ତୁନଙ୍କ ପ୍ରଦର୍ଶନ

ପାକିସ୍ତାନ ସୈନ୍ୟବାହିନୀ ବିରୋଧରେ ପାସ୍ତୁନଙ୍କ ପ୍ରଦର୍ଶନ

ଲାହୋର, ୨୩।୪ : ପାକିସ୍ତାନ ସୈନ୍ୟ ବାହିନୀ ପାସ୍ତୁନଙ୍କ ଉପରେ ଅତ୍ୟାଚାର କରୁଥିବା ଅଭିଯୋଗ ହୋଇଛି। ଏନେଇ ପାସ୍ତୁନମାନେ ବିକ୍ଷୋଭ ପ୍ରଦର୍ଶନ କରିଛନ୍ତି। ଏହି ସମ୍ପ୍ରଦାୟ ପାକିସ୍ତାନ ଓ ଆଫଗାନୀସ୍ତାନ ସୀମାର ଉଭୟ ପାର୍ଶ୍ୱରେ ବାସ କରୁଛନ୍ତି। ତେବେ ବିଭିନ୍ନ କାରଣରୁ ପାକିସ୍ତାନ ସରକାର ଏହି ସମ୍ପ୍ରଦାୟ ପ୍ରତି ଯତ୍ନଶୀଳ ନ ହେବା ଏବଂ ସୈନ୍ୟ ବାହିନୀ ପକ୍ଷରୁ ସେମାନଙ୍କ ଉପରେ ଆକ୍ରୋଶମୂଳକ ପଦକ୍ଷେପ ଗ୍ରହଣ କରାଯିବା ବିରୋଧରେ ପାସ୍ତୁନମାନଙ୍କ ମଧ୍ୟରେ ଦୀର୍ଘଦିନ ଧରି ଅସନ୍ତୋଷର ନିଆଁ କୁହୁଳୁଛି।

ପ୍ରଦୂଷଣ ଯୋଗୁ ପ୍ରତିବର୍ଷ ଚାଇନାରେ ୧୬ ଲକ୍ଷ ଲୋକଙ୍କ ମୃତ୍ୟୁ ଘଟୁଛି

ପ୍ରଦୂଷଣ ଯୋଗୁ ପ୍ରତିବର୍ଷ ଚାଇନାରେ ୧୬ ଲକ୍ଷ ଲୋକଙ୍କ ମୃତ୍ୟୁ ଘଟୁଛି

ବେଜିଂ, ୨୩।୪ : ଚାଇନାରେ ପ୍ରଦୂଷଣ ସମସ୍ୟା ଉତ୍କଟ ରୂପ ଧାରଣ କରିଛି। ଫଳରେ ପ୍ରତିବର୍ଷ ଏହାଯୋଗୁ ସୃଷ୍ଟି ହେଉଥିବା ବିଭିନ୍ନ ରୋଗରେ ୧୬ଲକ୍ଷରୁ ଅଧିକ ଲୋକଙ୍କର ମୃତ୍ୟୁ ଘଟୁଛି। ଆମେରିକା ହେଲଥ୍‌ ଇଫେକ୍ଟସ୍‌ ପ୍ରତିଷ୍ଠାନ ଦ୍ୱାରା ପ୍ରକାଶ ପାଇଥିବା ସର୍ଭେ ରିପୋର୍ଟରେ ଏହା ଦର୍ଶାଯାଇଛି। ଗ୍ରାମୀଣ ଅଞ୍ଚଳରେ ବ୍ୟବହୃତ ହେଉଥିବା ଜାଳେଣୀରୁ ନିର୍ଗତ ପ୍ରଦୂଷଣ ଯୋଗୁ ବର୍ଷକୁ ୬ ଲକ୍ଷ ଲୋକଙ୍କର ମୃତ୍ୟୁ ଘଟୁଥିବା ରିପୋର୍ଟରେ ସୂଚିତ କରାଯାଇଛି।

ଲିବିୟା ଉପକୂଳରୁ ୨୬୩ ଅନୁପ୍ରବେଶକାରୀ ଉଦ୍ଧାର

ଲିବିୟା ଉପକୂଳରୁ ୨୬୩ ଅନୁପ୍ରବେଶକାରୀ ଉଦ୍ଧାର

ତ୍ରିପୋଲି, ୨୩।୪ : ଲିବିୟା ଉପକୂଳରୁ ୨୬୩ ଅନୁପ୍ରବେଶକାରୀଙ୍କୁ ତଟରକ୍ଷୀ ବାହିନୀ ଉଦ୍ଧାର କରିଛି। ସେମାନେ ଦୁଇଟି ବୋଟରେ ଆସୁଥିବାବେଳେ ଅଧିକ ଲୋକ ସବାର ହୋଇଥିବା ଯୋଗୁ ତାହା ଭାରସାମ୍ୟ ହରାଇ ଓଲଟି ପଡିଥିଲା। ଏହି ଘଟଣାରେ ୧୧ ଜଣଙ୍କ ମୃତ୍ୟୁ ଘଟିଛି।

ଉତ୍ତରକୋରିଆରେ ମର୍ମନ୍ତୁଦ ସଡ଼କ ଦୁର୍ଘଟଣା: ୩୦ ମୃତ

ଉତ୍ତରକୋରିଆରେ ମର୍ମନ୍ତୁଦ ସଡ଼କ ଦୁର୍ଘଟଣା: ୩୦ ମୃତ

ପୋୟାଙ୍ଗାୟାଙ୍ଗ, ୨୩।୪ : ଉତ୍ତରକୋରିଆ ହୁଆଙ୍ଗହାଏଠାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୩୦ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ପ୍ରାୟ ୮୦ ପ୍ରତିଶତ ବିଦେଶୀ ପର୍ଯ୍ୟଟକ ରହିଥିବା ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇଛି। ସେମାନଙ୍କ ମଧ୍ୟରୁ ଅଧିକାଂଶ ଚାଇନାର ନାଗରିକ।

ଚିରନିଦ୍ରାରେ ପୃଥିବୀର ବୟସ୍କା ମହିଳା

ଚିରନିଦ୍ରାରେ ପୃଥିବୀର ବୟସ୍କା ମହିଳା

ଟୋକିଓ, ୨୨।୪ : ଦକ୍ଷିଣ ଜାପାନର କିକାଇ ସହରରେ ବାସ କରୁଥିବା ପୃଥିବୀର ବୟସ୍କା ମହିଳା ନାବି ତାଜିମାଙ୍କର ୧୧୭ ବର୍ଷ ବୟସ ପରଲୋକ ହୋଇଛି। ଗତ ଜାନୁୟାରୀଠାରୁ ସେ ହସ୍ପିଟାଲ ଭର୍ତ୍ତି ହୋଇଥିଲେ। ସେ ୧୯୦୦ ମସିହା ଅଗଷ୍ଟମାସରେ ଜନ୍ମଗ୍ରହଣ କରିଥିଲେ। ବର୍ତ୍ତମାନ ତାଙ୍କ ପରିବାରରେ ୧୬୦ ଜଣ ସଦସ୍ୟ ଅଛନ୍ତି।

କାବୁଲରେ ଆତ୍ମଘାତୀ ବିସ୍ଫୋରଣ: ୩୧ ମୃତ, ୫୦ରୁ ଅଧିକ ଆହତ

କାବୁଲରେ ଆତ୍ମଘାତୀ ବିସ୍ଫୋରଣ: ୩୧ ମୃତ, ୫୦ରୁ ଅଧିକ ଆହତ

କାବୁଲ, ୨୨।୪ : ଆଫଗାନୀସ୍ତାନ କାବୁଲଠାରେ ରବିବାର ଏକ ଆତ୍ମଘାତୀ ବିସ୍ଫୋରଣ ଘଟିଛି। ଏଥିରେ ୩୧ ଜଣଙ୍କ ମୃତ୍ୟୁ ଘଟିଥିବାବେଳେ ୫୦ରୁ ଅଧିକ ଲୋକ ଆହତ ହୋଇଛନ୍ତି। ମୃତକଙ୍କ ସଂଖ୍ୟା ବଢ଼ିବାର ଆଶଙ୍କ ରହିଛି ବୋଲି ପ୍ରଶାସନ ପକ୍ଷରୁ ସୂଚିତ କରାଯାଇଛି।

ମହିଳାଙ୍କ ଶରୀର ଉପରେ ପରସା ଯାଏ ସୁସ୍ବାଦୁ ଖାଦ୍ୟ

ମହିଳାଙ୍କ ଶରୀର ଉପରେ ପରସା ଯାଏ ସୁସ୍ବାଦୁ ଖାଦ୍ୟ

ଟୋକିଓ, ୨୨।୪ : ବ୍ୟବସାୟ ବଢ଼ାଇବା ପାଇଁ ବର୍ତ୍ତମାନର ପ୍ରତିଦ୍ୱନ୍ଦ୍ୱିତା ମୂଳକ ବଜାରରେ କମ୍ପାନୀମାନେ ଅନେକ ସମୟରେ ବିଭିନ୍ନ ରୋଚକ ପଦକ୍ଷେପ ଗ୍ରହଣ କରୁଛନ୍ତି। ଯାହାକି ଗ୍ରାହକଙ୍କୁ ବିଶେଷ ଆକର୍ଷିତ କରିବାକୁ ସକ୍ଷମ ହେଉଛି। ସମ୍ପ୍ରତି ଜାପାନର ନ୍ୟୋଟିମୋରୀ ଏକ୍ସପେରିଏନ୍ସ୍‌ ନାମକ ଏକ ହୋଟେଲରେ ଗ୍ରାହକଙ୍କୁ ଆକୃଷ୍ଟ କରିବା ପାଇଁ ଏକ ଅନନ୍ୟ କାର୍ଯ୍ୟକ୍ରମର ଆୟୋଜନ କରାଯାଇଛି।